You Cannot Download this book untill you login but you can read it .

---

Login Register

cikin tsawa.'
Kana nufin hakan ba cin amana ne ba koh?"
'Ya dafa kai, ke kika janyo koma menene, i have tell you for multiple times, idan baki yarda dani ba, komai ya faru kada ki zargeni."
"And I swear to God, ko yanzu kika daina guduna, zan rabu da Basma."
"Ki yarda ban miki cin amanar rabuwa da ke ba'!
'Ji tayi hankalin ta na neman barin jikinta.
'Wanne irin soyayya kenan sukeyi, Zai rabu da basma idan ta aminta da buk'atar sa,.. Idan kuma ba haka ba zata zauna da kishiyarta kenan wato Basma??
"A hankalce ma abin babu tsari. 'Ta rasa wanne martani zata mayar mishi, iya bak'in ciki dai ta shak'a acikin kalamanshi, har wani abu ne ya tare, mata mak'oshi.'
'Ta girgiza kai cike da k'uncin rai tace cikin sanyin murya.'
'Yusuf na gode da sakayyar da kayi min.'
Kuma nagode, da matsayina da ka nuna min.' ta nuna kanta, "Yusuf wai ni kayi wa haka koh? "Na gode, wasu hawaye masu zafi, suka sakko zuwa, kan kuncinta.'
'Cikin gudu gudu, tayi saurin bar mishi wajen.'
'Kiranta yake amma ina tuni Aysha ta janye ta sukayi gaba.'
'Mai gadi ya yana musu a sauka lafiya,Hajiya.'
'Cikin sa,a suka sami Napep, cikin layin duk da GRA ne,
'Tunda suka shiga Hafsa keta faman aikin kuka, Aisha na faman rarrashinta, amma ina, abu yaci- tura, babu abinda take fad'a sai "Aysha yusuf yaci amanata, ya cuceni."
'Ita dai Aysha hak'uri kawai take bata.'
Sun kusa isa gidansu Hafsah, aka kira Aisha a waya, ta d'aga.'
"Hello mama,.. Ok, tom ina hanya yanxu zan dawo.'
'Ta Kalli Hafsah.' Kinga mama ce ke kirana, idan aka sauke ki sai ya wuce dani da nayi niyyar in raka ki gida.'
'Hafsah ta gyad'a kai kawai.'
"Amma don Allah Hafsah ki saita kanki kada mama ta gane, halin da ake ciki."
'Hafsah ta gyad'a mata kai.' ta d'akko 'Handkerchief' daga cikin Jakarta, ta mik'a mata.'
"Please ki goge hawayenki."
'Ta karb'a tana gogewa wani na k'ara fitowa.'
'Har k'ofar gida, aka kaisu.' Kuma, tun sanda suka shigo layin, ta cikin madubi, Hafsah ta lura da motar Abbansu dake bayansu.'
"Don Allah ki cire damuwa ki mai da komai kamar bai faru ba, please H. HAMID."
cewar Aysha kenan sanda akayi parking a k'ofar gidansu Hafsah.'
'Dak'yar Hafsah iya cewa, "Nagode, sosai Aysha ki gaida mamanku."
Tana fitowa daga cikin Napep, d'in motar Abba na sako kai, kuma ta tabbatar ya ganta.'
'Tayi saurin tura gate ta shige ciki tana k'ara goge fuskarta.'
'Tun daga yanayin data ga mama tasan da akwai matsala, gashi kuma maman ta k'ura mata ido tun amsa sallamar ta.'
'Tasha jinin jikinta sosai, sai lokacin ta tuna cewa 'rufe gidan tayi ta fita.'
'Tayi hanyar d'aki kenan mama tace, "Ke, zonan."
Cikin rawar jiki ta juyo ahankali take takawa takowa.'
"Daga ina kike"?
'Cikin tsawa maman ta tambayeta.'
'Nan ta hau kame- kame,..
"Um..wai ni..? in.. dama Aysha ce.."
'Mama ta daka mata tsawar data sata razana.'
"Zaki fad'amin min ko sai ranki ya b'aci."??
'Dai dai lokacin Abba ya shigo falon, jin mama na yin fad'a yasa yace, "Menene wai yake faruwa, lafiya."?
'Hmm inji mama, tare da yin kwafa 'k'
ta nuna Hafsah, da yatsa, gatanan sai ta fad'a maka tunda kazo kai.'
'Cikin rashin fahimta Abba yace,
"Me yake faruwa ne ki fad'a min me ta yi kuma."??
'Mama ta nuna ta, ka ganta, wai na fita na bar mata jiran gida, shine ta fice ta kulle gidan ta fice yawonta.."
'Abba yayi dogon numfashi, ya zauna kan kujerar bayanshi, ya kalli, hafsah data durk'usa a k'asa. cikin kaushin yace Ke, ina kika je. ehe"?
'Cikin rud'ewar murya tace "Abba dama Aysha ce tazo na rakata asibiti.."
"Shine kuma fuskar ki ta kumbura koh"?
'Ya katse hanzarin ta da tambayar.'
'Ta kai hannunta ta shafa fuskar, sai yanzu itama Mama ta lura da jan da idon Hafsah yayi.'
'Hafsah tayi kus, ta kasa bud'a baki tayi magana, sai hawaye ma da suka cika idanunta, na k'uncin da zuciyarta ke ciki.'
'Duka, da Abba da Maman ido suka zobo mata ta lura sosai da kallon tuhumar da dukkansu, suke mata.'
'Kwakwalwar ta chakud'e, gefe na k'okarin tariyo mata abinda ya faru da gidan su Yusuf, gefe na karanto mata tsoro da kuma neman abinda zata fad'awa Abba.'
'Ta d'an runtse idonta, kawai sai photon, abinda ta gani ya hasko cikin idonta, bata san lokacin da ta fashe da kuka ba, tama manta gabansu abba take.'
'Abba ya fusata, ya kawo mata duka, mama da zuciyarta ta shiga rud'u ta tare shi tana cewa, "Don Allah kada ka daketa ka kyaleta ta yi magana.'
Cikin fad'a Abba ya fara magana
"In kyaleta koh, kina sangarta ta koh? "Don iskanci daga tambayarta sai ta hau yiwa mutane kuka"?
"Yayi kyau, shikenan ki goyi bayan ta!"
'Ya Mike fuu yayi daki, yabar Hafsa durk'ushe a wajen, har ya dakko abinda ya zo nema ya dawo ya fice cikin sauri.'
'Mama da tun sanda ya shige tayi shiru ta rasa abin da zata cewa Hafsah ma.'
'Har wajen tsawon minti biyu, sannan maman ta k'irkiro abin cewa, cikin tsawa ta yi mata magana.'
'Zaki fad'i inda kika je ko sai nayi ball da ke anan wajen.'?
Hafsah ta d'ago a razane, har yanzu k'wallar bata daina d'iga ba.'
"Basma aka kwantar um.. a asibiti shine aysha,mukaje..Asibiti duba ta.."
'Tana dire zancen mama ta d'auka.
"Karya kikeyi"
"Wallahi Hafsah idan baki fad'amin gidan uban da kika je ba sai na k'arya ki anan."
"Wallahi, Mama can muka.."
Ta, doka mata tsawa.'
"Dubiya da tsakar ranar nan koh,?.. To uban meye ya kumbura miki ido, fuskarki tayi ja ehe."
"Um, wallahi tun jiya mama nake ciwon ido dama."
'Mama tayi shiru, ba, wai don ta yarda da shiryayyen zancen Hafsah ba, kawai dai ta shiga rud'ani ne.'
'Kuma akace,' 'Mace' tana da rauni.' To agurin mama, raunin shine yayi tasiri, sai tunanin ta ya chanja gabad'aya zuwa wani layi daban.' Bisa wani karatu da zuciyarta tayi mata.'
'Ta fara tuno abubuwan da suke faruwa tun had'uwar Hafsah da Yusuf.'
'Zuwan Hafsah gidan Hajiyah na k'arshe, sai babban tashin hankalinta 'ranar bikin uncle abdallah, fitar da hafsah tayi ita da wani.'.. To yau ma gashi ta fita ba,a sani ba, kuma yadda mama ta kiyasta tafi awa d'aya bata gidan.'
'Don ita kanta maman wajen awarta d'aya da dawowa. Mamaki da tsoro suka mamaye ta data ga gidan a k'ulle.'
'Duk da tana da 'Spare' na muk'ulli acikin jakarta, hankalinta bai kwanta ba sai da tayi ta zagayen mak'ota tana cikiyar ko Hafsah ta shigo.'
'A farko tunaninta ko ta gaji da zaman shiru ta shiga mak'otan, duk da tasan Hafsah bata da tsoron zama ita kad'ai cikin gida sannan kuma bata da shige shigen mak'ota.'.
'Ashe ita Hafsan ta tafi wani wuri can abinta.' To ina taje kenan,? Ita da wa,?
'Allah ya kiyaye kada dai Hafsah na k'okarin kama wani layi na daban ne.' idan ta duba zata ga gaba-d'aya Hafsah ta canja dabi,u.'
'Zaman shiru
yawan tunani sai kuma b'oye b'oyen da ta tsiri yi mata yanzu, sai fita bada saninta ba.'
'Wanda ada ba haka bane.'
'To Meyake faruwa? ka da dai ace ansami wani ya gurb'atawa 'yarta tunani da kuma tarbiyyar da suka dad'e suna tattalinta.'
'Wannan tunanin na Mama, ya jawo abubuwa da dama..'
'Sallamar Hajiya ita ta farko da Mama daga dogon tunanin da ta tafi.'
'Ta amsa cikin sanyi, ta fara yiwa Hajiya sannu da zuwa.'
'Yawwa inji Hajiya, Hajiya ta zauna, sai lokacin ta lura da Hafsah, zatayi magana Mama ta hau gaisheta.'
"Sai da ta amsa, cikin sakin fuska, sannan ta juyo ga Hafsah,
"Ke kuma fa?
'Kinyi wani jugum dake ba kya gaida mutane"?
'Hafsah ta d'ago tare da dai dai ta fuskarta.'
'Hajiya sannu da zuwa, ina wuni.'
"Lpia lau"
'Hajiyan ta amsa, sannan ta dire tambayarta,
"Me akayi miki ne.'
'Kunya ta hana Hafsah amsawa, ita da tayi laifi kuma ake tambayarta me akayi mata'??
'Mama ta cafe zancen'
"Laifi tayi."
'Hmm ko da naji, sai wani wuk'i wuk'i kike da ido kamar mara gaskiya."
"Ashe kuwa baki da gaskiyar."
'Mama taji gabanta ya fad'i rashin gaskiya kuma.'? To me Hajiya take nufi,?
'Kada dai ta gano wani abu, game da Hafsah, tun da dai ita Babba ce.'
'Nan lissafin Mama ya k'ara jagule wa.'
'Ta mik'e ta nufi kitchen don debowa Hajiyah abinci.'
'Lokacin kuma aka kira sallar la,asar, saboda haka Hajiya ta mik'e don yin alwala, ta kalli Hafsah,
"Ja,ira sai ki tashi an kira sallah.."
"Naji yace kin k'are boko koh."?
"Ai, ashe bokon naku bana k'arau bane, kin gama secondira"
'Hafsa ta gyad'a kai.
"To Allah yasa albarka."
'Ta mik'e ta nufi d'akinta, tana godewa Allah, da Hajiya tazo da tuni har yanzu Mama na faman tuhumar ta.'
'Maimakon tayi alwala, sai alhinin abinda ya faru ya danne k'arfinta ta kwanta ta fashe da wani matsanancin kuka, tana jajanta wa kanta, wannan cin amana da aka dad'e anayi mata, da sai yau, Allah ya nufa ta sani.'
'Taci kuka ta goge Allah har ta tausaya wa kanta, babban abinda yafi tasar mata da hankali shine,
'Yanzu a wanne matsayi take gun Yusuf.'?
'Ashe Yusuf duk soyayyar da yake karanta mata ta k'arya ce.'?
Ita data rik'i Basma aminiya, shine zata ci amanarta.'?
'Ashe da gaskene sauyin data dinga gani a wajen Basma.'.. Wayasan lokacin da suka d'auka suna aikata haka,?
'Sun ninke ta abai-bai.. 'Ta k'ara rushewa da kuka, har da dukan 'pillow' saboda alhinin raina mata tunani da akayi.'
'Gaskiya sun raina tunaninta, takaicinta ajinta da aka zubar mata ranar birthday d'in Basma.'
'Ta tabbatar rabin 'yan class d'insu sun je, kuma an kira Yusuf da saurayinta, amma saboda su tabbatarwa da mutane sun rainata, kuma ita ba komai bace a wajen yusuf.'.
Yasa suka yi hakan.. '
'Tayi kuka har kanta ya fara ciwo, idanunta, sukayi jajir kamar an watsa mata barkono.'
'Har kiran sallar magariba bata fito ba, tana ta aikin kuka, amma babu shashsheka sai hawaye dake fitowa daga cikin idanunta, wand'a kana gani kasan tana cikin k'uncin zuciya, da taikaici.'
'Tana jiyo tafiyar hajiyah, amma ko lek'awa parlour bata yi ba.'
'Ta dai tashi tayi sallah sannan ta koma ta kwanta.'
'Mama kuma fushi take da ita, don haka ko lek'o ta batayi ba.
'Can kuma bangaren, mama tunani tayi kamar bata kyauta ba data hana abban hafsah dukan Hafsar, bai dace ta dinga katse mishi hanzarin ba, akan dukkan matakin daya ga ya dace ya d'auka akan Hafsar tun da ita ta gaza.'
'Ta saba tun da can bata dukan Hafsah, bare kuma yanzu da ta zama budurwa sosai.'
'Ba kuma, don hafsan tafi k'arfinta bane, sai don shi dukan bashi da amfani.'.
'Amma to ya ta iya, wani lokacin dole sai an had'a da dukan, musammaman yanzu da Hafsah ke neman 'bujirewa, ta kama wani layi na daban.' A tunin maman, 'Wanda zancen Abba da mutane yayi tasiri akanta har ta ke zargin wani mummunan abu ayau ga Hafsan wato fad'ar da ake na,👉🏻 'BA,A SHEDAR YARAN YANZU'..
B'angaren zuciyar mama na wassafo mata wani abu, wani b'angaren na k'okarin korewa.'..
'Haka ta tilasta wa zuciyarta sai ta binciko gaskiyar zarginta. Hafsah ta gudu gidan Hajiyah tayi zance kuma ta tabbatar a d'akin uncle abdallah tayi zancen.' sanan ta fita da saurayi bada sanin kowa ba ranar biki, yau kuma ta fice yawonta (idan ma ita kad'ai d'in ta fita) batare da sanin kowa ba. 'Wanda dukka wad'annan halayen ba nata bane ada ba zata iya koda kwatanta yinsu ba, to Yanzu to 'Me TAKE SON ZAMA.'?
'Wai don ma mama bata ji halin da uncle abdallah ya gansu ba ranar.'
'Da akwai matsala inji Mama.'
'Iya k'arfin tunanin mama kenan..'😇👏🏼👌🏼#Hajeeyah Kareemerh.'
'Shiko Abba sai bayan anyi sallar magariba, sannan ya shigo gida.'
'D'akin shi ya wuce maman ta kai mishi abinci can, bai nuna mata komai ba ya saki jiki da ita har sukayi hira.'
'Bai sako mata zancen Hafsah ba sam, kuma tasan halinshi so yake ya barta tayi nata k'okarin, don haka tayi azamar chanja hirar tasu ta sako ta abinda yafi damunta ayanzu wato 'lamarin Hafsah.'
"Am Abban Hafsah baka tambayeni ya mukayi da Hafsah taka ba."?
'Cikin rashin bawa zancenta muhimmanci yayi d'an murmushi mai sauti.'
"Hmm to ai wannan ke da ita ne.
"Me yayi wa Abba zafi,? 'Bake tayiwa laifi ba, kin barta jiran gida ta fice nata sabgar,? to ni me ye nawa kuma ciki."??
'Nan da nan fuskar Mama ta sauya taji zafin kalamanshi fiye da tunani. 'Da bazata tanka ba sai kuma taga asarar hakan, don haka ta had'iye fushinta, tace,'
"Idan tamin laifi ai kaima ai tayi maka, kuma ko ba haka ba ma ai kafi kowa iko da ita."
"Hmm, ta yaya? Bayan gaki, kefa kika haifeta."
"Haba Abban Hafsah don Allah ka daina fad'ar haka."
"Hmm da Hakane Amina, ai da baki nuna min wai kada in tab'a miki 'ya ba koh'?
'Subhaanallah, wallahi ba haka bane, wallahi bada wani manufa bada manufa nayi hakan ba.'
"Hmm to ai shikenan nima bacewa nayi wani abu ba.
'Ki mata abinda ya dace kawai."
'Yana fad'a ya mik'e don fita masallaci sallar isha'i.'
'Hankalin mama ya tashi, tayi da na sanin hakan data mishi, data bari ya d'auki mataki akanta, ita gani tayi dukan bai da anfani, kuma ta tsorata da dukan da yayi wa Hafsan kwanaki.'
'Shi abinda kake tunanin zaiyi fushi akai to, ba,a kanshi yake fushin ba.'
'Yanzu ya zatayi idan ya zare hannun shi daga kan Hafsah'??😳
😀
'Mama kenan'!👍🏻
'To shima abba, a b'angaren shi, ba wai cire, hannun nashi zai yi ba.'
'To idan yayi haka mekenan yayi, ai kanshi yayiwa.'
'Dole ne ya sa ido akanta ko dan hak'k'insu akanshi yake, bare kuma yafi sonta akan dukan 'ya'yanshi.'
'Kawai ya kyale mama ne, don kuma da gaske abinda ta mishi ya b'ata ranshi sosai.'
'Amma shima da akwai nashi tunanin akan matakin daya dace kan Hafsah.'
'Koda aka idar da sallah bai nemi hanyar gida ba, ya jima yana addu,a kan Allah ya taimake shi akan tarbiyyar Hafsah, 'Don yasan addu,ar ita ce komai bawai wani k'okarinshi ko fad'anshi ba..'
'Yasani tarbiyya da akwai wuya amma, kuma yasan yayi iya kokarinshi, sai kuma yanzu da wani keson wargaza mishi komai.'
'Shi dake tuninshi daban da na mama, yayi amanna tabbas 'Soyyaya' ce ke dawainiya da Hafsah har bata tsoron fushinsu yanzu, ya lura tanayin duk abinda zai zamar mata maslaha ne ga soyayyar ta ko menene kuwa zai biyo baya.'
'Shi abba ba takaicinsa bane soyayyar data fad'a, a,a abinda yake b'ata mishi rai shine kalar yaron data nacewa.'
'Ya tabbatar ba na nunawa bane in banda haka meyasa ya kirashi, yak'i zuwa.'?
'Amma yanzu ya zamar mishi wajibi ya nemi yaron koda a waya ne, don maslahar shi.'
'Saboda haka yasa a ranshi gobe zai kira shi..'
'Da wannan tunanin ya kamo hanyar gida.'
'A gidan kuma, yaran ne suka dami mama bayan ta fito daga d'akin Abba, 'Wai ina yaya.'?
'Nace muku tana d'aki meye zaku dameni.'?
"Mama bata da lafiya ne..?"
'Inji Mufida.
"Ban sani ba, kije ki duba mana." 'Cewar mama cikin fushi.'
'Mufida ta mik'e ta nufi d'akin Hafsar.'
'Tana kwance sai juyi take.' Bayan ciwon kan daya addabeta yanxu kuma ciwon mara take fama.'
'Ga kuma uwa uba ciwon da aka haddasa mata cikin zuciyarta.'
"Yaya, Yaya, wai baki da lafiya ne?
'Ta d'ago jajayen idanunta, ahankali ta bud'e baki murya a dashe saboda kuka tace, "Eh Mufida, bani da lafiya."
"Kaii, amma baki fad'awa mama ba.?
Bari inje to in fad'a mata.
'Tana yunk'urin ce mata a,a, amma ina, ai tuni ta fice.'
'Daidai sanda ta dawo falo lokacin Abba ya shigo yaji tana cewa.'
"Mama Mama yaya bata da lafiya kuka take tayi ma."
'Mama ta d'an rud'e ta tabbatar kenan tun la,asar Hafsah keyin kukan nan, idan kuwa haka ne, to da akwai babbar matsala tabbas akwai abin da ya faru da Hafsan ayau d'innan kuma ta tabbatar mummunan abu ne, sai zarginta ya k'ara samun wuri.'
'Bata nuna damuwarta afili ba, ta dai mik'e ta nufi d'akin.'
'Abba ya jinjina kai sannan ya bita.'
'A kwance ta sameta sai juyi takeyi.'
'Maman tazauna, a gefen gado, ta tab'a k'afarta, abinda yasa Hafsah ta d'ago da idanunta, ahankali tace bani da lafiya.'
"To meya yake damunki"?
'Sai da tayi jinkiri, sannan tace, "Ciwon kai, kuma marata ciwo take."
'Mama tayi azamar k'ara yi mata tambaya, kana ji kasan a rud'e take matuk'a, kuma tana cikin tsoron faruwar wani abu.'
"Ke.. ke Haf..sah dazu ina kika je ehe.?
'Wani abu da Mama bata sani, ba shine da zarar tayi wa Hafsah tambayar 'inda taje, tana k'ara tuno mata da abinda ya faru ne.' sai taji bazata iya fad'a musu ba, kuma bazata iya rik'e kukanka ba.'
'Ta, rantse idonta don wani irin suka da taji zuciyarta nayi.'
'Wai shin Gaske ne yau taje gidan tayi Yusuf, har taga wannan mummunan al,amari.'?
'Tsawar mama ta firgitata da tace, bazaki fad'i gidan uban da kika je ba koh, cikin raunin murya tace, mama dubiya muka je.."
"K'arya kike.. Zaki fad'amin gurin wanda kika je idan na tattaka ki anan."
'Dam gaban Hafsah ya fad'i, har rawa jikinta ya fara yi, ka da dai mama tasan inda sukaje.'
'Muryar Abba taji da yake tsaye abakin k'ofa, yana cewa "Meye haka Amina, wacce magana kike yi ne ehe"?
"Yarinya bata da lafiya kina wani tuhumar ta da wani zancenki."?
'Ya juya kan Hafsah "Ke tashi maza, zaki iya tashi koh"?
"Ta gyad'a kai."
To tashi ki shiga toilet kiyi wanka, kisa ruwan 'Heater' dayawa kinji? Idan kin shirya kizo ki sameni.'
'Ahankali ta d'aga mishi kai.'
Gaskiya taji dad'in abinda Abba yayi yanzu.'
'Ahankali ta mik'e tana bin bango saboda dad'ewa da tayi a kwance har jiri takeji.'
'Mama ta daka mata tsawa,
"Zakiyi tafiya daidai, ki daina bin bango ko sai na ci ubanki!"?
'Babu shiri ta dawo kan doka da oda, inda ita kuma mama ta k'ura mata ido.'😅😄😄
🤔 To wai me Maman ke nufi ne.'???😒
'Ruwa mai zafi ta had'a, tayi wanka dashi, tanayi tana hawaye, wanda sun ma k'afe sai rad'ad'i cikin zuciyarta.'
'Ga takaicin abinda mama take mata, sai taga wannan karon tafi Abba ma d'aukar zafi.'
'To meye dalili??
'Wata zuciyar tace,
"Hafsah kina jawo mata magana ne da yawa..!
'Da tayi wankan taji dad'in jikinta sosai, kuma taji, zuciyarta ta rage k'una, sai ajiyar zuciya da take ta faman yi.'
'Ta tarar da Abba a falonshi, yana zaune kan kujera. Zata zauna a k'asa yace ta tashi, ta zauna a kujera itama, sanan tace Abba gani.'
'Memakon ya amsa mata sai yace mata, "Kin ci abinci"?
"Ta girgiza kai."
Ya nuna mata tray da mama ta shiryo mishi abincin daya ci d'azu, gashi nan ki zuba kishi kinji.'
'Ta, gyad'a kai'
'Madaidaici ta zuba sannan, ta fara ci ahankali, abba na kallon 'television' jefi jefi yana kallonta.
"Kici fa abincin nan sosai."
"To"
'Ta fad'a.'
Taci fiye da rabin abinci ta sha ruwa, sai ya nuna mata apple da aka yanka akan wani k'aramin 'plate' ta, d'auki guda d'aya ta fara ci."
'Gaskiya taji dad'in jikinta, cikin abinda suka addabeta har da yunwa.'
"Kin fad'a wa maman naki inda kika je."?
Tambayar da Abba yai mata kenan babu wasa a fuskanshi.'
'Ta d'aga mishi kai, "Eh"
'To fad'amin'
"Dubiya muka je ni da k'awata"
"Ina kenan."
"A asibiti aka kwantar da ita."
"To ya sunan asibitin a ina yake"?
'Tayi d'if, to fa anzo wajen'
Sai da yace "Uhum"?
'Sannan ta samu tace, um bansan.. Au na manta sunan shi"
"Haha, 'Abba yayi 'yar dariya..' "Ya akayi kika manta"?
"Babu komai"
"Hmm, to meyasa ki ke ta kuka."?
'Tambayar ta razana ta.'
"Babu komai."
"Wani ya dakeki ne"?
'Ta girgiza kai.'
"Hmm tom yayi kyau "
'Ya tsare gida sosai ya kuma nuna ta da yatsa'
"Hafsah, Hafsah,!! Ki kiyayeni cikin sha,anin fita daga gidan nan batare da kin fad'a min ko kin fad'awa mamanki ba, haka kika ga bashir nayi? Ace k'aninki yafi ki hankali'? Wallahi kinji na rantse idan kika kuma fita ko nan da k'ofar gida ne bada sanina ba sai na yi mummunan sab'a miki.!!"
"Kin manta kwanaki koh? To zan hanaki fita gaba d'aya ma."
"Abba kayi hak'uri."
Kada in sake jin wata k'awa tazo kun fita ke da ita ko ina kuwa zakuje, kina jina"??
'Ta d'aga kanta.'
"Ki kiyaye kafin na sab'a miki fa"
"To Abba"
"Ta shi ki fita saura inji labarin kink'i yin bacci."
'Ta wuce d'aki, ta kwanta' ko babu komai fad'an abba ya shige ta, da tana bin umarnin shi da bazata fita ba bare taga wannan abin bak'in cikin.'
'Ta d'akko Diary tana son ta rubuta wani abu a ciki, amma kuma ta kasa saboda cinkushewar zuciya.' Da ta d'ora biron akai sai taji hawaye ya cika idanunta."
'Ta cillar da Diary gefe guda, afili ta furta "Yusuf wai you choose to BROKE MY HEART??😭😭😭
'Ta kife kan pillow tana rizgar kuka har bacci ya d'auketa.'
'Washe garin ranar tatashi babu yabo babu fallasa, sannan kuma taji kwata kwata bata k'aunar fita ko da falo.'
'Ta daure tayi wanka ta koma gado ta k'ara kwantawa zuciyarta ce keson yi mata 'Karatun baya'
'Ta dinga tuno farkon had'uwar ta da Yusuf, halayenshi da ya dinga fito mata dasu, yadda Basma, ta fara chanja mata, da kuma zancen zuwanta birthday, sai kuma abinda ya faru ranar birthday d'in da kuma wanda idanunta suka gani jiya.'
'Ta rantse idonta, ta cije lebe, hadi da huro iska daga bakinta, ta dad'e tanajin ana cewa NZAFIN SO,' ko kuma 'SO GUBA NE.'
'Amma ita da yake tun farko rayuwarta bata ginu akan Soyyayya ba bata gane zancen sam.'
Tana jin haushin Jamila idan ta dameta da zancen 'Salim' ko ta zauna kod'a mata shi.."Ai Salim ya had'u, ina sonshi d'an beauty nah.."
'Wani lokacin har tsaki take yiwa Jamila, "Aikin banza shi mutum kamar kowa amma kita faman wani rawar kai kina kod'a shi kamar wata marok'iya sai kace da 'Gold' akayi shi.. Mtsw"😠
'Idan ta tuna jamila murmushi takeyi ta ce mata, "Hmm Hafsah bazaki gane ba ne."
'Akwai ranar da wata 'yar ajinsu a islamiyya tazo tana ta rizgar kuka, har da bubbuga benci, Hafsah har dariya taji ta bata. "Wai saurayinta ne ya zagaya yana son k'awarta.'
'Ko lokacin suna tare da Yusuf, amma hakan bai hana ta yin dariya ba, musammaman data ga bilhak'k'i kuka take yi."..
"Tana ambaton an cuceta."
'Ita dai dramar soyayya na burgeta.'

'Ashe marmari ce daga nesa.'😳
'To yau gashi abu ita ma ya sameta kuma ta rasa mafita.'.
"A tunaninta ko dai tayi wa Yusuf wani abu ne shiyasa ya rama.'?? 'Me yasa yanzu sai ka yarda da mutum, yake cin amanarka?..
W'ani Babban abin takaici shine gashi dai k'iri- k'iri tana jin zafin Yusuf, amma kuma gefe na zuciyarta na k'ara wassafo mata shi, da kuma karanta mata kada ta rabu dashi, tun da shima bai nuna mata ya rabu da ita ba.."
'Ita kanta tasan idan ta rabu da Yusuf, to tabbas tayi wa rayuwarta illa, tasan zuciyarta ma bata da jarumtar jure hakan.'.. Dole ne ta rungumi abinda yai mata, ta yi d'amarar kwato shi itama da k'arfinta, don idan ta barwa 'Basma' shi to tabbas ta tafka babbar asara, kuma Basma tayi nasara akanta kenan..'? Banda kuma dumb'in soyayyar shi dake dank'are cikin zuciyarshi, wacce bazata iya sadaukarwar da ita ba ga wata'..
'Ta sani aiki ne a gabanta ja, amma bata san ta ina zata fara shi ba.'
Dole ne dai tabi umarnin Abba idan tana son zaman lafiyarta, to idan kuma babu fita ta ina zata dinga had'uwa da Yusuf'?
'Tasha alwashin idan taga basma sai ta yi mata abinda bazata manta ba, sai ta d'and'ana mata b'akin ciki ita ma...'
Sallama ta jiyo a falo kamar ta Aysha, amma kuma kusan minti uku bata shigo d'akin ba kamar yadda ta saba.'
'Sai kuma taji an turo k'ofar. Mama ce tsaye kanta, "Sai ki fito ai." 'Abinda tace mata kenan, ta juya.'
'Ta mik'e ta fito, taga Aisha zaune, ta d'an saki fara,a, tazo kusa da ita ta zauna.'
'Ta lura da hararar da mama ke aika mata da ita.'
'Tayi yake sannan tace "Aysha Sannu da zuwa"
"Yawwa"
"Ya mamanku"?
"Lafiya lau wllhi."
'Duka sukayi shiru saboda ganin idon Mama.'
Ita Aysha nason tayiwa Hafsah zancen jiya kuma tana son kwantar mata da hankali, shi yasa tayo azamar tahowa lokacin baifi 11:00am, ba. Don tun jiya hankalinta ya kasa kwanta wa.'
'Hafsah ta lura da akwai magana don haka ta mik'e muje d'aki, "To" inji Aysha, taji kuma d'adin hakan.'
'Dama tunda tazo bayan sun gaisa da Maman, zata wuce d'akin Hafsan, mama tace ta dakata Hafsan, tafito.'
'Aysha na mik'ewa hankalin Mama ya yo kansu' fuskarta a d'aure ta kalli Hafsah, "Ina kuma zaku je"?
"Um bed room zamu shiga."
"Ba inda Zakuje, ku zauna anan."
'Har yanzu bata saki fuskarta ba.'
'Hafsa taji kunyar hakan, tare da jin takaicin Mama, "Meyasa take mata hakane yanzu."?
"Mama mai fara,a ga k'awayenta"?
'Amma yanzu duk ta sauya'?
'Dole ta dawo ta zauna ita da Aysha sukayi shiru.' sai can ne ma Ayshan k e sako mata hirar makaranta jefi jefi.'
'K'arar wayar Mama yasa ta shi da sauri ta nufi d'akinta, ta basu iska.'
'Tana zuwa tashi Aysha ta bud'e baki.'
"Don Allah Hafsah kada ki dinga saka damuwa don Allah wallahi bansan abinda zamu tarar ba da bazan kaiki ba, badai je gidansu Basma ne na tarar zata fita, kuma dana karb'i wayar ta sai naga yusuf ya mata text d'in address d'inshi.' ta dakko wayar