You Cannot Download this book untill you login but you can read it .

---

Login Register

mutunci da jin dadi.

Bayan sun koma cikin gida ne,
Aunty Lubna ta kalli Maryam tare da cewa.
"Ke zo muga kayannan da kyau,".
Dariya Maryam tayi kana ta matso ta fara bubbud'e akwatunan, Mommy, Mamy, goggo Dada kuwa suma zama sukayi suna kallon kayan d'aya bayan d'aya.
yayinda tuni Aunty Lubna keta viewing tana d'aukan komai a zazzafar wayarta.

Sune basu gama ba har aka kira sallan magrib, dole suka hak'ura suka k'arisa kallon a gaggauce kana suka rufe komai,
suka shirgeshi a cikin d'akin Mama,
kana duk sukayi al'wala dan gabatar da salla.

Bayan sunyi sallah harda na isha,
sukaci abinci,
sukaci gaba da hira,
dan Maryam jira take mijinta ne zaizo ya d'auketa hakama Mommy Malam Adam ne zaizo ya d'auketa,
Goggo Maryama kuwa Ya Ahmad ne zai maidata gida.

Baba Malam kuwa, tunda yamma yake gidan Malam  Adam,
dan amaryarshi bata zoba.
Ya Ahmad kuwa da Ya Aminu tunda safe suka tafi dukku kai ziyara dan Ya Ahmad ya kusa komawa Abuja.

Saida akayi sallan magriba suka dawo,
Kai tsaye parlour'n Baba Malam suka nufa,
nan Maryam ta kawo musu abinci,
bayan sun gama cine sukayi al'wala suka nufi masallaci a nan suka samu Baba malam da Malam Adam.
Koda aka idar da salla tare suka shigo cikin gida.

Suna shiga bada dad'ewa ba,
Dirankadi da Bappa Ali da Malam Ashiru suka iso harabar gidan.
Dirankadi ne ya kira Baba malam ya shaida masa isowarsu,
jin haka ya kalli Ahmad tare da cewa.
"Ahmad tashi kaje ka shigo da iyayen Saifuddeen."
Cikin tsananin girmamawa da sanin darajar mahaifa Ahmad yace.
"To." sannan ya miƙe tsaye ya fita.
Yana zuwa yayi musu jagora har zuwa parlour'n Baba Malam ɗin, sunyi farin cikin ganin juna sosai.

Bayan sun gaisa ne tare da ɗan taɓa hira,
sai Bappa Ali ya ɗan gyara zamanshi tare da yin gyaran murya kana ya fito da damin kuɗi kimanin dubu ɗari cas,
daga cikin aljihun babbar rigarshi,
miƙa kuɗin yayi wa Malam Adam tare da cewa.
"To ga aiken ɗana Saifuddeen ga sadakinshi."
cikin sakin fuska Malam Adam ya karɓa tare da cewa.
"Masha Allah. Allah ya sanya al'khairi. Yasa ayi damu."
"Amin Amin." suka amsa baki ɗaya,
sai kuma suka kalli Dirankadi da yace.
"Tofa ɗalibin naka yace yanzu sauran a saka masa rana kawai."
Murmushi mai kama da dariya sukayi baki ɗayansu, sannan
Malam Adam ya kalli amininshi Baba malam da yaketa murmushin jin daɗi yace.
"To Malam Bashir me kace kan batun saka ranan?."
Kanshi ya ɗan rausayar ya kalli babban ɗanshi mafi soyuwa a zuciyarshi, kana kuma ɗansa mai tsananin biyayya da kare mutuncinsa,
sannan ya kalli ɗan ɗan uwanshi kuma surkinshi mai kare daraja da martabar ahalinshi wato Ameenu kenan, yace.
"To ga yayun Zaleeha nan mu basu dama muga irin dattakunsu mana."
da sauri Ahmad ya ɗago kanshi ya kalli mahaifin nashi sai kuma yayi sauri yayi ƙasa da kannasa tare da cewa.
"Baba malam in dai kuna raye ai mu bamu da bakin mgn, sai abunda kukace."
sosai Ahmad ke burge su Bappa Ali yanayin biyayyarsa tamkar Saifuddeen.
malam Adam ne ya ɗan kishin giɗa kana ya kalli Ahmad da Aminu yace.
"To Ahmad mu ɗin tabbata zamuyi ne?."
A hankali ya jujjuya kanshi yana mai jin tsoron randa zai rasa iyayenshi.
Shikuwa Malam Adam cigaba yayi da cewa.
"To kaga shiyasa muke jawoku a jiki dan mu nuna muku yadda ake aiwatar da komai na jagoranci,
a matsayinku na manya wanda dole wata rana kune a madadinmu,
yanzu dole zamu so muga yanayin dattakunku,  tunda dai kusan komai kuma kunga an kawo ko wani abu na al'ada kama daga gishiri da goro da lefe da kayan rufi, kana yanzu kuma kunga sun gabatar da abinda shariya ta zantar sun kuma buƙaci a saka ranar biki,
to yanzu dattakunku muke son gani,
kai Aminu kaine Babba kan Ahmad yaushe nene kakega za'ayi bikin?."
A hankali Ya Aminu ya ɗan rusunar da kanshi sai kuma ya kalli Ahmad,
kusan a tare suka haɗa baki wurin cewa.
"Ashirin da bakwai ga wata mai kamawa. Yayi ko?."
A hankali Baba malam ya fidda sassauƙan numfashi tare da cewa.
"Yayi kyau,  to Amman meyasa har wata ɗaya, baku shirya bane?."
Cikin nitsuwa Ahmad ya kalli mahaifin nashi tare da cewa.
"Eh to Baba malam mun shirya amman bamu gama shirin ba.
Nanda kwana biyar zan koma Abuja,
sannan inada zirga-zirga tsakanin ƙasashe da dama Dubai, India, US, Korea, Egypt. Yanzu dai in na fita zan ɗan kwana biyu kafin in karkato Nigeria, kuma inaso inyiwa Zaleeha kayan ɗaki mai kyau zan bata zabi kayan ƙasar da takeso,
zan gama saya mata komai a online sannan nasan cikin sati biyu jirgi zai iso dasu nan,
to shiyasa nake son ya kai wata ɗaya."
murmushi Dirankadi yayi tare da cewa.
"Yaran zamani ku dai kunfi yarda da kayayyakin ƙasashen turawa, sam kun Kasa tsayuwa ku inganta mana na ƙasarmu yadda zamuci gaba muma, yanzu jihar gombe wanne irin kayane babu?.
Duk fa arewacin ƙasarnan babu jihar da ta kai jihar Gombawa yawan kafintoci da ci gaban kafintoci. Babu irin samfurin kayan ƙasar waje da basa iya sarrafawa,yanzu konan cikin Sahaja Ventures kuka shiga ae akwai kaya masu kyau da inganci, wasu ma harsun ɗarawa kayan waje kyau."
Malam Ashiru ne ya amshi zancen da cewa.
"Ahmad wannan zirga-zirga duk na menene?."
Aminu ne ya ɗan kalleshi tare da cewa.
"Ai driver ne shiɗin shiyasa yana nan kamar farin wata yana ko ina."
Cikin mamaki Bappa Ali yace.
"Driver kuwa?."
Murmushi Malam Adam yayi tare da cewa.
"Eh shi pilot ne driver' n jirgin sama. Yana aiki da kamfanin Azman Air Land."
kai bappa Ali ya jinjina jin suna kamfanin ma aikatar Ahmad ɗin.
Nan dai suka gama tsara komai da shirya komai na bikin yadda ya dace,
an dai bar batun ɗaurin aure nan da wata ɗaya mai zuwa.

Wai to ina Zaleeha ne, mun dai san Mama da Zahira kan suna Doho,
Ziyada da Zakariyya kuma mun san su dama gidan Hajja inna suke da zama tsohuwa mai boris.

A gidan su Saifuddeen kuwa su Adda Rahma suna dawowa,
duk suka zauna parlour'n Ummi suna hirar mutunci da karramawar mutanen, Hajia Rabi ce ta kalli Ummi cikin nitsuwa tace.
"Na ɗan samu nitsuwa da naga gidansu yarinyar gidan mutunci ne, duk mutanen gidan sunada mutunci."
Kai Ummi ta jinjina tare da cewa.
"Masha Allah."
Aunty kubra ce tace,
"A gsky ba laifi sunada dattaku, sai godiya suketayi kamar kyauta muka basu kayan."
Hayatuddeen ne yayi dariya tare da cewa.
"Nan kuma wayo zamuyi musuba mu ɗauke musu ƴarsu kayan kuma gidanmu zai dawo da dalelliyar amaryar Hamma na."
Dariya sukayi baki ɗaya, Imran ne ya ɗan sosa ƙeya tare da cewa.
"Aunty Kubra zamu tafi fa."
cikin dariya tace.
"Yo to ku tafi mana."
Sulaiman ne ya ɗan zaro ido tare da cewa.
"To kuɗin namufa da aka bamu?."
da sauri suka juyo suka kalli Isma'il da yayi dariyar ras Kamar ba kurma ba.
Hajia Rabi ce tace.
"Ohoho ni Rabi'atu wlh wata rana kuɗi zaisa Isma'il ɗina yayi magana, ji shewar da yake jin ance kuɗin nasu ne."
Hayatuddeen ne ya kece da dariya tare da cewa.
"Yaseen kuwa Mom Isma'il in yaga kuɗi har harshenshi zakiga yana rawa."
Dariya yayi tare da kaucewa dukan da Isma'il ya kai mishi,
Ita kuwa Hajia Rabi kuɗin ta fidda cikin Jakarta irgasu tayi ganin dubu hamsin ne a rafar forko kuma duk girmansu ɗaya,
shiyasa suka gane cewa dubu ɗari uku ne suka basu tukuici,
wanda a al'adan gombawa in an kai kayan lefe anasa kuɗi a ƙasan turame,
in dubu goma akasa to dangin amarya zasu ƙaro wasu dubu goman su ɗaura kan goman dake ƙasan turame sai su bawa wanda suka kawo kayan wannan nasune tukuicinsu kenan so su yasu zasu raba,
in dubu biyar akasa to biyar ɗin dangin amarya zasu ƙara,
In 20k nema to dole zasu ƙara in 30k ne ko 50k Ko 80k 100k nema dole su ninka,
to su dama dubu ɗari suka saka a ƙasan turamen,
su kuwa madadin su ƙara dubu ɗarin sai suka ƙara dubu ɗari biyu,
shiyasa suka samu dubu ɗari uku.
Rafan dubu hamsin Hajia Rabi ta miƙawa Hayatuddeen tare da cewa.
"To gashi ku karɓi wannan."
Da sauri suka amsa tare da ɗaukan tiren da Adda Rahama ta cika musu pepper chicken dasu drinks akai, tace kuci abinci kafin ku raba kuɗin.
to sukace kana suka haura sama a parlour'n Hayatuddeen suka baje kolinsu,
Imran ne ya ɗauki kuɗin ya irga 10k ya bawa Sulaiman kana ya bawa Isma'il ma 10k shima ya ɗauki 10k kana ya bawa Hayatuddeen 10k, 40k kenan,
sai ya ɗago sauran 10k ɗin kuma yace.
"To wannan 10k ɗin kuma na Zakariyya ne.
kun san Zakari namu yaseen in mukaci kuɗin nan bamu bashi ba sai ya tsigemu.
dan baya nanne shiyasa bai samu zuwa ba."
dariya sukayi baki ɗaya,
Hayatuddeen ne ya figi lallausan tsokan cinyar kaza tare da taunawa ido ya lumshe jin harshenshi na motsi dan daɗi, buɗe idon yayi tare da cewa.
"Yanzu ma yamin text wai wlh mu ajiye mishi naman rabonshi."
dariya Suleiman yayi tare da cewa.
"Wai ina yaje ne?  Ni tun jiya bamuyi mgna da shiba?."
Hayatuddeen ne yayi gyatsa tare da cewa.
"Dad'in kowa sukaje da Hajja inna tamu, da wannan fitinenniyar yayar tashi wai sunje gidan ƙanin Hajja inna tamun sai gobe zasu dawo."
dariya sukayi ganin Isma'il fa baya tare dasu sai harraƙawa yakeyi.
Nan sukayi ta hirarsu irinta sabbin matasa masu jin da rawan kan gigin balaga.

A parlour kuwa Adda Rahma da Raliyya sam ƙin karɓan kuɗin sukayi.
Ummi ta kalli Hajia Rabi tace.
"Ku rabasu, ki ɗauki dubu hamsin Kubra hamsin sai Goggo Dada itama a bata hamsin Aunty Mina ku bata hamsin Sadiyan Salisu hamsin.
Su kuma Rahma da Raliya angon zaizo ya basu tukuicin."
Dariya sukayi duka ganin karamci da kima da dottakun Ummi sannan tasa Aunty Mina ta raba musu kayan ciye-ciyen da suka dawo dasu.

Ganin magriba ta karato yasa  duk suka miƙe suka sallami juna suka tafi.

Hakama abokan Hayatuddeen duk sun tafi.

Bayan an idar da sallan magriba ya Adnan ya shigo har parlour'n Ummi in da ya samu suna zaune gaba ɗayansu ga Aunty Mina da Goggo Dada,
cikin sakin fuska ya kalli Hayatuddeen tare da cewa.
"Eye ƙanin ango me ka samu hakane naga sai murna kakeyi?."
kai ya jinjina tare da cewa.
"Ji nake kamar dai na jawo bikin nan."
kafaɗanshi ya ɗan buga tare da cewa.
"kamar yau ne."
Sai ya kuma kalli su Ummi tare da cewa.
"To Ummi mu zamu wuce gida,
tun ɗazu Faroq keta kirana wai muyi sauri mu koma."
kai ta jinjina tare da cewa.
"To Allah ya kiyaye hanya."
"Amin Amin".
yace tare da miƙewa ya amshi Akih dake hannun Raliya,
sannan ya juya ga matar tasa tare da cewa.
"Rahma taso mu tafi ko."
to tace kana ta miƙe ta zari hijabinta tabi bayanshi.

Ƙarfe tara na dare dai-dai su bappa Ali suna parlour'n Ummi.
suna shiga da kamar 15 minutes Saifuddeen ya shigo bisa wani zazzafan wheelchair ɗinsa red colour da gani kasan sabone.
ganinshi ne yasa su murmusawa gaba ɗayansu,
Ahmad dake biye dashi a baya wanda shine daya maida Imran sai ya ɗaukoshi dan shi tunda yamma yana gidansu Ishaq .
Cikin girmamawa ya gaidasu,
kana shima Ahmad yazo ya zauna gefen kawun nashi tare yin gyaran murya yace.
"Kawu Ali kun jene?."

"Eh munje yanzu ma daga can muke?."

"Masha Allah, to ya batun saka ranan?."

Malam Ashiru ne ya amshi zancen da cewa.
"Alhamdulillah an tsaida ranar ɗaurin auren."
Cikin zumuɗi Hayatuddeen yace.
"Yaushe ne auren?."
murmushi bappa Ali yayi tare da cewa.
"Yau saura kwana ashirin da takwas yadda lissafi ya nuna."
Wani irin zabura Hayatuddeen yayi tare da sakin sauti,
sai kuma yasa hannu ya rufe bakinshi tare da komawa ya zauna ganin wani irin kallon da Saifuddeen ke mishi alamun ya nitsu.
Zumbura baki yayi tare da karkaɗa kai.
Shi kuwa Saifuddeen wani irin yalwataccen murmushi yayi a cikin zuciyarshi yana mai jin wani irin zazzafan farin ciki na ratsa mishi jiki jini jijiya harma da ɓargo,
a fakaice ya kalli Hayatuddeen tare da yin mganar zuciya.
"Hmmmm am so sorry Hayatuddeen, duk farin cikin da kakeji baka kai niba, da kunsan yadda nakeji tabbas da kunsha mamaki,.
lumshe idanunsa yayi tare da ci gaba da batun zuci.
"Badan kunya da nakasar da Allah ya minba da nashayar daku mamaki, Wallahi ina ɗagowa daga sujjadar godiya ga mahaliccina sai inyi ta tsalle ina kurma ihu da kururuwa duniya tasan cewa ban taba samun irin farin cikin dana samu a yau ba."
a hankali ya buɗe idanunshi ya kalli,
Ahmad da fuskarsa ba yabo ba fallasa inda yace.
"Masha Allah, Allah ya kaimu lokacin bisa rai da lafiya."
Amin Amin suka amsa baki ɗaya.
Shi kuwa Saifuddeen sai godiya yayi musu kana ya kalli Umminshi da yake hango abubuwa biyu a kwayar idanunta farin ciki da fargaba mai tattare da tsoro,
ita kuwa Ummi zallan farin ciki dake cikin kwayar idanun gudan jinin nata take hangowa hakane yasa kaso 50 cikin 100 na fargabanta ya gushe.
kauda idonta tayi daga gareshi ganin alamun yana son keɓewa da ita,
cikin kula ta miƙawa Hayayuddeen Key ɗin BQ ɗinsu tare da cewa.
"Tashi kaje ka buɗewa su bappa Ali masauƙinsu kazo ka kai musu abinci."
Amsa yayi ya fita kana suma su bappa Ali dake son hutawa sukabi bayanshi.

Goggo Dada da Aunty Mina kuwa ɗakin budurcin su Raihana suka shiga dan duk sun gaji,
Ahmad ma miƙewa yayi tare da kamo hannun Raliya yace.
"Ke mu tafi bacci nakeji."
cikin jin kunya ta miƙe tabi bayanshi,
shi kuwa Saifuddeen ko inda suke bai kuma kallo ba.
Kai tsaye side ɗinshi ya nufa.

Yana shiga ratsetsen parlour'n shi yayi wani irin sassanyan a jiyan zuciya,
tare da lumshe manyan idanunshi,
murza masarrafin wheelchair d'in nashi yayi tare zaro harshen sa ya karkad'a a rashi yace.
"Kaddararki ce aurena Zaleeha, insha Allah sai kin amsa sunan matar wanna gurgun kurma nakasasshe ginennen tabon nan zai shayar dake zallan ruwan madarar da zata tsastsafo daka gareshi,
sai kin zama inuwar ni'imata,
wannan ginennen tabon sai ya zautar da kwanyarki."
A hankali ya fara zare rigar jikinshi yanayi yana shiga bedroom ɗinshi,
cire kayan jikinshi yayi can ya rage dagashi sai boxer d'inshi mai zanen fari da ja,
Bathroom ya shige cikin tsananin shauk'i da farin cikin cin nasara yake komai da kuzarinshi.
yana cikin bathtube ɗin wankan shi ya kalli surarshi tare da lumshe ido kana ya fara zancen zuci.
"Am sorry Baby zakisha bulalar nan da kika tab'o lafiyarta tsawon shekaru talin bata tab'a tashi tsayeba bare ta harba saida kika tab'a sashinta,
kuma daga ranar duk sanda zuciyata ta tunaki sai ta harba,
wannan shine yak'inin gidanta a jikinki yake."
A hankali dai yayi wanka yana fitowa yayi shirin baccinsa.

Bakin gadonshi ya zauna tare da mik'e k'afafunshi sannan ya d'aura system d'inshi a kan cinyoyinshi bisa dukkan alamu,
aiki mai mahimmanci yakeyi, wanda kuma fuskarsa cike take da farin ciki,

Yana cikin haka yaga Umminshi ta shigo bisa dukkan alamu itama ta gama shirin baccinta,
ganinta ya sashi muskutawa ya ɗan bata wuri,
ganin haka ta zauna gefenshi,
cikin tsananin jin daɗi ya ture system ɗin kana ya matsota a hankali ya raba jikinta kanshi ya kontar a kafaɗunta,
ganin haka alamune na yana cikin tsantsar farin ciki, ko tarin gajiya,
sabida Saifuddeen baya da juriyar hawala ko kaɗan in dai Umminshi na kusa to tana gane rauninshi shiyasa baya ma boye mata.
hannunta tasa ta shafa kanshi,
sannan ta matso da system ɗin cikin rashin kwarewa tayi rubutu a hankali.
"Gajiya ne ko farin ciki?."
ganin abinda ta rubutane ya sashi lumshe ido tare narkewa jikinta a hankali ya rubuta mata.
"Daɗi farin ciki kwanciyar hankali salama da annashuwa, Ummi yau ina cikin farin cikin da ban taɓa jin irinsa ba."
ya ƙarishe rubutun yana kallonta dan sam bai iya mata ƙarya."
murmushi tayi tare da cewa.
"Allah ya cika rayuwar auren naku da farin ciki."
A saman lips inshi ya amsa da Amin.
Sai kuma tasa hannu bisa bedside ta ɗauko cup mai ɗauke da zazzafan tea mai ganyen Na'a-na'a, ta miƙa masa.
karɓa yayi tare da ɗan zuƙa a hankali,
idonshi ya lumshe dan jin ƙamshin da tea ɗin keyi.
Ita kuwa Ummi a hankali tace.
"Sai da safe ko."
Kai ya gyadɗa mata alamun "To."
tana fita ta wuce bedroom d'inta,
kwanciya tayi amman baccinta yak'i zuwa nazari sosai takeyi tana tsoron duk wani abu da zaizo ya cutar mata da ɗanta.

Hayatuddeen kuwa a d'akinshi yana konce yayi ɗai-ɗai yana shan dadɗan sanyin A.C kana yana chatting da yan uwa da abokan arziki inda yaketa sanar musu date ɗin auren Hammanshi.
musamman a dandalinshi na Instagram wanda yakeda mabiya sama da dubu 9 wanda kuma yawanci sabida pictures ɗin Saifuddeen ne da yake sawa, da kuma son jin ainihin waye shi,
tarin tambayoyin da ake mishi bazai iya amsarsu ba,
sabida da yawama a zatonsu Saifuddeen bazai iya aureba.

Ganin tambayoyin sun mishi yawane ya rufe datan Instagram yana niyar buɗe WhatsApp sai ga kiran Amina ya shigo wayarshi video call.
yana ɗagawa yayi dariya ganin yadda ta haɗe fuska,
A ƙufule tace.
"Dariya ma na baka kenan?."
Cikin dariyar yace.
"Hmmm to ni me nayi miki naga sai hararata kikeyi?."
ajiyan zuciya ta ɗanyi tare da cewa.
"Yau kwana biyar kenan ina kiranka baka ɗaga waya meyasa."
da sauri yace.
"Sabida nasan zakice in bawa Hamma Saifuddeen wayar,
kuma duk sanda kike kira baya kusa shiyasa bana ɗagawa."
baki ta ɗan taɓe tare da cewa.
"Ai dai yanzu kam yana gida ko?."
Miƙewa zaune yayi tare da cewa.
"To amman ya shiga fa."
Da sauri tace.
"Please karkace komai ka kai mishi wayar. Dan Allah karkace a a."
jin haka ya miƙe tsaye ya nufi ƙasa.

Kai tsaye Side ɗinshi ya nufa inda Ummi ta rufeshi ta baya dan haka a sauƙaƙe ya shiga parlourn,
a hankali yace.
"Ni dai duk in da akace nawane sai ya koma kamar tirken doki,
kalli yanzu parlour nan ko sarkin makka zai zauna a nan komai tsab-tsab sai ƙamshi tamkar da turare ake mishi mopping,
kalli can kuma sama yadda banzayen nan su Imran suka wancakalarmin da parlour haka aka barminshi kamar wani maraya,
to yaseen yau a nan zan kwana."
Ya k'arishe mgnar lokacin da yake shiga bedroom d'in.

Ita kuwa Amina sai dariya takeyi dan duk taji me yake faɗin.
Yana shiga kai tsaye ya nufi kan gadon inda ya hango Hamman nashi na zaune wayar ya miƙa mishi cikin zumbura baki ya haura kan gadon ya konta gefen ɗan uwan nashi tare da rufe idanunshi wai shi yayi bacci.
Murmushi Saifuddeen yayi tare da gyara mushi rufuwan da yayi dan yasan bazai iya jure kwana cikin sanyin dashi yake kwana ba,
sai ya kuma juyo ya kalli fuskar wayar tashi daya miƙa mishi,
da sauri ya rage idanun nashi ganin fuskar Amina ita kuwa,
girarta ɗaya ta ɗaga mishi alamun ya dai.
sai ta kuma kalleshi cikin lunshe ido tace.
"Ya jikin ka?." bata tsumayi amsaba dan tasan ba samu zatayi ba shiyasa taci gaba da cewa.
"In zo har garinku har gidanku in dubaka da jiki,
in dawo Amman ko ka kira kaji mun dawo lfy ko?."
a hankali ya zaro harshenshi ya lashi jajayan labbanshi hakan yasa suka ƙara fitar da sheƙi,
Lumshe idonshi yayi tare ds longoɓar da kanshi bisa kafaɗarshi tare da narke fuska, haka nan yaji wani guntun murmushi ya suɓuce mishi,
ido ta lumshe tare da cewa.
"Bakinka yana min kyau, gashin girarka mai kyau, idanunka masu  tarin   kyau,  sajenka yana min  kyau sosai Hamma, ina son komai naka surarka, yan uwanka, abokanka ina son duk wani abu naka,
bayan Ya Amir kaine mutun na forko da nake bege da so."
shiru yayi ya zuba mata idanu, yana karantar lafuzanta,
ita kuwa cikin zazzafar soyayyarshi dake sarƙe mata zuciya da ruhi tace.
"Ina sonka Hamma Saifuddeen zaka aureni?  Kayi haƙuri kunya nakeji bazan iya rubuta makaba, kuma inajin kunyan in gayawa Hayatuddeen, gashi kai kuma baka jina to ta yaya zan shaida maka soyayyata,
ina sonka ka zamo mijina uban ƴaƴana, ina addu'ar Allah ya azurtamu da samun yara masu kama da kai."
sai kuma ta kalleshi ganin ya tsareta da ido haka nan yake jin kalaman nata har cikin zuciyarsa,
to amman wai meyasa ita bata kunyan faɗi mishi wasu abin ne, ita kuwa ganin yayi shiru ya kuma rage girmam idanunshi ne ya sata cewa.
"Ka gaji ko? bacci kakeji ko?, naga idonka yayi limshi, bari in kashe wayar sai da safe."
Tana kaiwa nan ta katse kiran,
shi kuwa Saifudddeen dariya yayi a ranshi yace.
"Sokuwa kawai mai tunanin yara wato kina sona, hmmm ke dai faɗi gsky bani kike wani soba, kinada dai abinda kikeso daga gareni."
daga nan yayi ta aikinshi.
sai kusan ƙarfe ɗaya,
ya sauƙo ya shimfid'a sallaya kana yaje yayi al'wala sannan yazo yayi nafilfilinshi sai d'aya da rabi ya konta.

Washe gari ranar Jummu'a tun da safe su Zaleeha suka dawo,
daga gidan Hajja inna tayi wanka ta wuce Billiri dan hira da nakassusun wancan yankin wanda k'arfe biyar na yammacin ranar jumma'ar ne zata gabatar da shirin, tun randa ta had'u da Saifudden a Jonapwd, bata sake zuwa canba,
kuma tunda ta turawa ishaq text ɗin ban haƙuri bai kulataba itama bata sake bin ta kanshi ba,
shi kuwa Ishaq shida Saifuddeen bakinsu a had'e a cewarshi ita da kanshi zata nemeshi har mazauninshi...

K'arfe uku ta dawo daga billiri kai tsaye gidan radio nasu ta nufa,
a nan tayi sallan la'asar, sannan ta zauna jiran lokacinta,
tana zaune anan Bilkisu ta shigo ita da Manager d'insu tana ganin Zaleeha ta kwashe da dariyar shak'iyanci cikin ingizarwa tace.
"Hajiyar nakasassu ina mutanen naki ne? Koda yake amaryar nakasashen gurgu kurma zance ko."
cikin tsananin takaici Zaleeha ta watsa mata harara tare da cewa.
"A a uwar nakasashe zakice ba amryar nakasashe ba wlh mai gado bana so ki daina had'ani da wannan musakin."
cikin Shek'iyanci bilkisu ta iso gareta tare da cewa.
"Sorry baza k'araba,  amman mutanen nakine da abin dariya."
juyawa tayi ta fita tabi bayan Manager ita kuwa Zaleeha Raveel ta kalla wanda yake mik'o mata sweet amsa tayi tare da cewa.
"Ngd."
kai ya gyad'a mata tare da cewa.
"Kada ki sake aibata nakasassu dan duk wanda bai mutuba ba'a gama mishi halittaba.
da kullum haka kike gaya min to meyasa kawai dan nakasasshe yace yana sonki sai ki juye daga Mai kakkyawar alaƙa i zuwa mummunar ɗabi'a, kada ki bari imaninki ya samu rauni."
kai ta gyaɗa mishi sannan ta juya ta nufi ɗakin gabatar da shirin nata ganin lokacinta yayi.

Mama kuwa da Zahira sosai zugar Ruda yayi tasiri a kwanyarsu da yake dama zuciyar ba inganci.

Ƙarfe huɗu dai-dai suka dawo daga doho,
suna shiga gidan kai tsaye side d'in Baba malam suka nupa,
a parlour suka sameshi shida Ya Ahmad da Ya Habu, sai Mamy dake haɗa musu tea a kofuna.
sannu da hanya sukayi musu, fuskarnan kamar zatayi ruwan jini Mama ta amsa musu kana ta gaida Baba malam,
sannan Ahmad da Habu suka gaidata,
Zahira kuma duk ta gaidasu sannan ta wuce cikin gidan tayi shashin maman.
Ita kuwa Mama a hankali ta mik'e ta fita ganin duk basubi ta kantaba,
to wazai kulata yadda taketa harare-harare,
tana fita ta nufi Side d'inta da yake tsab Maryam da Aunty Lubna sun gyarashi jiya da dare.
A parlour ta zauna,
dai-dai lokacin kuma Zahira ta fito daga bedroom d'in Maman a guje,
ganin Maman a parlour yasata tsayuwa cikin rawan jiki da halin fitina tace.
"Mama zo zo zo kiga wani abu a bedroom naki."
tsaki ta d'an ja tare da cewa.
"Menene kike wani zaro idanu haka?."
hannun uwar ta kamo tare da cewa.
"Mama zo ki gani mana an cika miki d'aki da akwatuna dasu buhunan gishiri dasu goro."
ido ta zaro gaba d'aya tare da cewa.
"Akwa tuna kuma to na meye."
cikin hatsabibanci tace.
"To waya sani ko lefen Anty Zaleeha aka kawo."
ai kafin ta rufe bakima Mama ta kutsa kai cikin bedroom ɗin.
wani irin wawan birki taja tare da cewa.
"To wanna kuma daga ina, to ko Abdussalam ne da tace mishi a turo komanshi Zaleeha ta yarda dashi, tuni ya turo ɗin,
sai kuma ta girgiza kai ina sam ba shi bane ai in shine zai gaya mata, shida kuma ɗazu suka gama mgna,
cikin tafasan bala'i tace to waye.
Sai kuma ta dawo parlour da sauri cikin karad'i da kware murya baki d'aya ta fara rabkawa Habu kira.
"Habu! Habu!! Habu!!! Habuuuu!."
da sauri ya iso cikin parlourn a tsorace yace.