You Cannot Download this book untill you login but you can read it .

---

Login Register

tasa ta share hawayenta a karo na barkatai, a hankali ta miƙe kana ta zari car key ɗinta, a falo ta samu Mama a hankali ta gaiseda da muryarta dake disashe, cikin haɗe fuska tace.
"Wato dai bazaki bar koke-koken nan ba ko, so kike sai an gane wani abu ya faru da ke ko?."
Kai ta jinjina cikin sanyi tace.
"Mama ai wani abu kam yama faru, sanadi nane fa akayi mishi komai, ban saniba yana raye ko ya mutu wani hali yake? tun randa abin ya faru da dare washegari naje asibitoci sunfi bakwai babushi ba dalilinshi, ni badan raina da sukayi min barazana da shiba, a a shida yake hannunsu nakeji kar su ƙara cutarmin dashi." ta ƙarishe maganar wasu zafafan hawaye na kwaranyo mata,
ita kuwa Mama kasake tayi tare da cewa.
"eyeh sannu uwarshi harda su wani kada su ƙara cutar miki dashi kamar kece uwarsa ko ƙanwarsa ko matarsa lallai Zaleeha kifa kiyayeni tam!."
tana faɗin haka tayi cikin kitchen, ita kuwa Zaleeha rumtse ido tayi hawayen dake ciki suka silalo kana ta fita ta nufi falon Baba Malam ,bayan sun gaisane ta ɗan gyara zama ciin disashewar murya tace.
"Baba Malam bari in fita zanje gidan Adda Maryam daga nan zanje asibiti dubo wani mara lfy, Baba Malam a sashi a addu'a Allah ya bashi lfy ya kareshi da sharrin masu sharri."
murmushi dottijon yayi tare da cewa,
"To Mamana in sha Allah zan sashi a addu'a Allah ya bashi lfy, kuma in kinje asibitin bashi kaɗai zaki duba ki ɗan zazzagaya ki tuba wasuma dan ki samu ladan dake cikin hakan." kai ta gyaɗa kana tamiƙe tare da sallamanshi ta
tafi.

Tana isa gidan Maryam kaitsaye bedrrom ɗinta ta wuce,
Maryam dake zaune gaban mirror tana kwaliyya ganin Zaleehan ne ya sata juyowa da sauri sai kuma tayi shiru ganin ta zauna ta kife kanta bisa cinya tana kuka mai sanyin sauti,
da sauri ta dawo kusa da ita cikin kaɗuwa tace.
"Meya faru ? Meya saki kuka gaya min dan Allah hankalina ya tashi ,Baba malam ne ba lfy ko ya Ahmad."
kanta ta ɗan nago ta kalli yayar tata cikin kuka tace.
"Ya Aminu yana nanne?."
kai ta jujjuya mata tare da cewa.
"A a ya fita ya kai su Abdul makaranta, amman zai dawo yanzu."
jin haka ta miƙe ta koma bakin ƙofa, rufe ƙofar tayi tare da gyara labulen sannan ta dawo ta zauna cikin kuka ta bawa Maryam labarin tun daga shagala da kallon Saifuddeen da tayi har ta kai ga buge motar Dalla da binsu da sukayi da dukansu da Saiddeen yayi da kuma dukan da suma sukayi mishi.
Gaba ɗaya jikin Maryam rawa da tsuma yakeyi tuni itama hawayen take zubdawa murya na rawa tace.
"Shike nan mun shiga uku Zaleeha Dalla kuma, shike nan sun kashe yaron nan, to ke me kikayi a kai?."
wasu sabbin hawaye ne suka kwaranyo mata kana taci gaba cewa.
"Daga wurin ban dawo gidaba police station name wuce, naje na shigar da ƙara na faɗa musu komai, amman da yake basu da imani ƙasar nan ba'a bin gsky sai suka zagayeni a wurin babban cikin su yace min wai,
na kiyayi kai na na haɗiye wannan maganar kada na kuskura na bari wani yaji koda da wasane,
yace min wai yanzu dai yana ƙarƙashin kulawarsu in banbi umarninsu wallahi zasu kasheshi, kuma nima zasu bawa Dalla adireshina, kuma wai duk wanda yayi yunƙurin ɗaga zancen zasu kasheshi."
kuka sosai taci gaba dayi tare da cewa.
"Kuma sai da suka haɗoni da police ɗinsu guda ɗaya ya kawoni har ƙofar gidanmu, yace min.
Duk abinda zanyi suna bibiyata kada na yarda na kuskura na bar koda alama ɗaya da a gida za'a gane akwai wata matsalar har a kai ga tambayata, muddin nayi yunƙurin zuwa wani police station zasu sanarwa Dalla komai ya tura yaranshi su kasheshi." ɗan zagaitawa tayi tare da cigaba da cewa.
"Wallahi ni ba don raina ba sai dan tseratar da ranshi yasa naketa boye abun a cikin raina har kwana biyu, ina tsiron kada su kasheshi, gashi naje asibitoci da dama na bincika babushi babu dalilinshi, na koma bakin sitadiyon ɗin ya kai sau biyar to wa zan tambaya ,jiya wuni nayi ina yawo, kuma ko yau da safe sun kirani sun gargaɗeni wai bani yar jaridaba in na kuskura maganar nan ta fito to wallahi kasheshk zasuyima suga ta zancen sunce min motata ince ƴan kalarene suka fasamin amman kada in kira sunan Dalla.
Adda Maryam ya zanyi ina zan shiga in ganoshi ina zan saka raina da nasa mu tsira daga sharrin Dalla da yan sandda ya zanyi in bashi kariya koda rabin yadda ya bani kariya ne! bani da konciyar hankali da nitsuwa bana iya bacci bana iya cin abinci, duk da sun gargaɗeni kada fa na sake damuta ta baiyana."
wannan al'amarifa ya firgita tunanin Maryam ya girgizata itama tuni hawayen takeyi sabida rauninta yama fi na Zaleeha cikin tausayawa tace.
"Kin gayawa Baba Malam ne?."
kai ta jijjiga tare da cewa.
"A a ban gaya mishiba kin san Baba Malam muddin na gaya mishi zai tada zancen zai sa Ya Aminu cikin mgnar su kuma zasu iya kasheshi, ni kuma bana son su cutar dashi ina son rayuwarsa fiye da tawa sabida shi Garkuwane magarcine ya ahlinshi zasuji tunda ni da bai sani bama ya zamemin Garkuwa inaga ahlinshi." sai hawaye shar-shar na bin fuskarta a hankali taci gaba da mgna wai dan kar Ya Aminu ya dawo ya jisu.
"Amman dai na gayawa Baba Malam ɗin cewa akwai wani mara lfiya yana buƙatar addu'a,
yace kuma in sha Allah zai sashi a addu'a, Mama kuma dana gaya mata wai ita ni take jiyewa cewa tayi muddin na gayawa wani bata yafe ba,
ni kuma in ban gaya mikibs na damuwar zata iya fasa min zuciya."
cikin sanyi Maryam tace.
"Kinyi dai-dai karki gayawa kowa,
sabida bisa dukkan alamu yana asubiti kuma duk inda yake zasu sani, kinga muddin kika ɗaga mganar suna iya kasheshin,
gatan da zamuyi mishi itace addu'a domin annabi yace addu'a'u saiful muminin mu zama garkuwarshi da addu'o'i in sha Allah bazai basu damar cutar dashi ba, ki dena kuka ki yawaita mishi addu'a kuma kici gaba da zuwa asibitoci, ki kuma koma police station ɗin ki ce su gaya miki asubitin da suka kaishi."
sosai taji daɗin shawarwarin ƴar uwar tata haka anan tayi wonka ta shirya, ta fita daga nan fa tayi ta bin asibitoci duk da anata kiranta wurin aiki,
sai da tayi sallan azahar kafin ta tafi kaltingo domin yin hira da Nakasassun wannan yankin.

Tun k'arfe biyu na rana take cikin garin kaltingo, sai k'arfe hud'u na yamma ta gama tattara rahotanninta,
kana ta kamo hanyar gombe, tana gab da shiga cikin garin taji wayarta na suwa,
ido ta d'an lumshe kana ta bud'e su tare da meda hankalinta kan draving d'in da takeyi,
wanda sanyi A,C da k'amshi ya cika motar kana sautim wak'arnan ta. Soyayyar dake raina bazan sauya ra'ayiba, wacce akewa taken
*Da ƙauna ta biki jiki an komawa wada ƙanwa*
hannu tasa ta k'ara volume d'in gaba d'aya Kasan cewar a gidan radio ensu na vision FM Gombe aka saki wak'ar wanda nanne ma'aikatan da take aiki inda take gabatar da program d'in ta mai taken *Mushsƙata da kuma Babu nakasasshe sai rago* wanda take hira da nakassu dan jin yanayin da suke rayuwa.
Kamar yadda yanzuma aikin ne ya kaita kaltingo wata k'aramar hukumar jihar Gomben.
kai take d'an rausayawa tana bin sautin wak'ar,
tamkar itace ta raira wak'ar, still kuma idanunta zubda zazzafan hawayen da duk sanda ta tuno Saifuddeen sai ta zubdasu, wanda kusan hakan yabi jikinta a cikin kwana biyun nan tayi kukan da itama da kanta batams san adadinshi ba,
taje sitadiyon yafi k'afa takwas hakama taje asibitoci da dama dan ko zata samu lbrinshi,
ganin ba lbri yasa yau da safe taje police station d'in nan amman sai suka nuna basuma san da wannan zancen da take musuba,
kuma abun mmki da tsoro bata ga police officers d'in da ta samu a wannan ranarba ko guda ɗaya, shiyasa gaba ɗaya ta rasa tudun dafawa.

Gudu take tsulawa kamar mai tashi sama, a hankali take bin sautin wak'ar still kuma hawaye na kwaranya a fuskarta har yana d'iga bisa tudun brest d'inta,
fuskarta d'auke da murmushi daya tunzura hawayenta tace.
"Ina kake wanne hali kake ciki me sunanka?."
sai kuma tace.
"Allah ya isanmin bazan yafe musuba, Allah zai saka maka zai taimaka maka fiye da yadda ka taimaka min."
wayarta keta ringing tanaji tana gani bata kula kiranba,
sai yanzu da taji an cire waqar daga can vision d'in ta d'an ja tsaki tare da d'ago woyarta ganin Abdussalam ke kiranta d'an minister, wanda yaketa nacin binta tun last week da suka had'u , Duwa plaza
taje sayan burger,
tsaki ta kuma ja tare da cewa.
"Wannan wanne irin maye ne da baida zuciya, ko uwar me yakeso in mishi da bak'ar fuskarshi kamar an k'ona taya."
aje woyar tayi dai dai lokacin data isa, bakin gate din (Jonopwd) d'in.
tafiyar mai d'an tsawoce kafin ta isa gab da ofishin nasu, dan sai ka wuce farfajiyar court d'in, dake wurin,
ido ta d'an lumshe kana tace kai.
"Ya Habu ka cika naci dan kawai ka bani motarka kaketa nacin kirana kamar bazan dawo ba."
haka nan har yanzu hawayenta sunƙi tsayuwa
sai kuma ta amsa kiran tare da yin kasa da murya tace. "Ya Habu sai yanzu na dawo, kuma yanzu ma haka ina, jonapwd ne."
sai ta kuma bud'e marfin motar kana ta zuro kyawawan k'afafunta woje,
sannan ta kuma yi muryar shogoban da yanzu mai tushe takeyi dan cikin kwana biyun nan ta zama uwa wata lalatacciyar jiniya abi kaɗan tasa kukan da taketa son ɓoye,
to yanzunma hawayen takeyi tare da cewa.
"Kuma sai naje Vision dan gabatar da program na."
A can gefen Ahmad ne ya amshi wayar Habu kana ya kara a kunne tare da gyara zamanshi kana ya rusunar da kai ya kalli mahaifin nasu kana yace.
"Baba malam ke nemanki, yace maza in kiraki ki taho gida."
fitowa tayi daga cikin motar, idanu ta lumshe still hawaye na tsiyaya jin wani sassanyan iska dake ratsa dukkan abin halitta dake wurin, a hankali ta bud'e idanun nata kana ta zuwaba jerin bishiyoyi da tsirran da sukayiwa harabar wurin k'awanya,
a hankali ta fara taku ih zuwa cikin asalin harabar ofishin,
kana cikin fargaba tace.
"Dan Allah Ya Ahmad kace wayata bata shiga, nasan abinda Baba malam ke nemana dashi."
cikin nitsuwa da kamala Ahmad yace.
"Yana ma jinki dan ina gabanshi."
ido ta zazzaro tare da dafe k'irjinta cikin kad'uwa tace.
"Gani nan zuwa."
tana fad'in haka ta katse kiran kana ta k'arisa bakin k'ofar ta shiga danna door bell.
minti d'aya tsakani wani matashi yazo ya bud'e mata k'ofar,
kana ta kusa kai ta shiga wani corridor tafiya kad'an ta bulla cikin wani tamfatsetsen office wanda aka k'awatashi da ababen buk'atar dan adam,
wasu kujerenu ne masu kama da mazaunin lilo ke zagaye da wani babban table na bak'in gilashi wanda yaketa shek'i
kana sai fankoki kusan guda biyar da sukabi layin tsawon table d'in, sai wani babbab firij dake can gefe kana, sai wani d'imemen TV sannan sai na'urar AC gudu biyu da suke fuskantar juna,
sai kuma wasu k'ofofi d'aya k'ofar tana gab da k'ofar shigowa office d'in wanda bisa dukkan alamu bathroom ne,
sai gefen dama da k'ofofi guda uku ke jere bisa dukkan alamu office din shugabannin k'ungiyar ce,
kana gefen k'ofofin sai akayi wani dan steps guda biyar in ka haura wani d'an madaidaicin table ne na farin gilas mai ruwan garai-garai sai kujera d'aya rak a gaba kana sai d'aya a bayan table d'in sai tarin na'urai wanda sun kai bakwai.
sai gefen hagu nanma haka tsarin yake sai dai shi sai ka d'an ratsa cikin wani corridor mai d'an fad'i.

Tana shiga wannan mutumin daya bude mata k'ofar yace.
"Barka da zuwa Zalihan nakasassu."
murmushi tayi kana taja kujera ta zauna tare da cewa.
"Ya Ishaq fa baya nanne?."
ba tare data jira amsarshi ba taci gaba da cewa.
"Ya naji ma'aikatan naku shiru yau ba mutane?."
bisa kujerar gefenta ya zauna tare da cewa.
"Ishaq yana Abuja, mutanen mu kuma duk suna fad'ar jiha sunje kai gaisuwa ga mai martaba."
mik'ewa tayi taku biyu zuwa uku ta nufi gaban firij,
tsayawa ta yi jin abinda Sani ke fad'in.
"Ayyah kiyi hak'uri ban kawo miki abin shaba, sorry dawo ki zauna zan kawo miki."
cikin yanayin sabo dasu tace.
"Wai ku anya kuwa ku makafi ne? yanzu ya akayi kasan gaban firij na nufa?."
murmushi yayi tare da d'an kaikaice kunnenshi irin yadda makafi keyi kana yace.
"Motsinki da takun tafiyarki ne ya ganar dani inda kika nufa,
ke har yau kin kasa barin mmki kan lamarinmu, abinda baku saniba ku.
Mu nakasassun munada experience sama daku masu gadara da cikekkiyar halitta."
murmushi tayi bayan ta dawo ta zauna,
robar faron ta bud'a bayan ta sha kana tayi hamdala dan ta ɗanji tafasar da zuciyarta keyi ya ɗan ragu aje goran tayi sannan tace.
"Toh Ya Sani ni zan wuce tunda ciyaman bainan,
wata k'il sai next week, zan shigo, dama zan tattauna da sune a shirin da za'a haska a tasharmu na Farin Wata, dan yace min wannan karon da kurame zan tattauna, to gashi Malam Ishaq bai sanarmin bama a kan baya nan da ban zoba."
"To ba matsala, Allah ya kaimu lokacin, wannan karon kam hirar da kurame za'ayita?."
ya k'arishe mgnar cikin neman k'arin bayani tare da
mik'ewa yabi bayanta kana suka fito tare har gaban motarta,
sannan tace mishi.
"Eh shiyasa dole su sai a tasharmu ta TV za'ayi hira dasu. Yace min da wani babban abokinshi zamu zanta wanda shine Garkuwar asusunku, da nike ta cewa ku fasa ku bani in canza mota, kukak'i, saida kuka bari yan kalare suka fasa min glass, sannan Ya Ahmad na ya canzamin, kuma a kanku motata ke mutuwa kullum ina yawon binku da k'wak'ulo baiwarku."
dariya yayi sosai kana yace,
wannan asusun namune mu yamu."
itama murmushi tayi kana ta shiga mota sannan suka sallami Juna.
Daga nan ya koma ciki.
Ita kuma ta ja mota,
kai tsaye hanyar Vision fm Gombe ta nufa, sanin ana jiranta yasa take sharara gudu kamar babu gobe kana dama d'abirta ne bawa mota wuta,
tana isa harabar maikatar tasu tayi parking kana ta fito sauri-sauri gudu-gudu ta shiga cikin ainihin wurin kai tsaye d'akin tace murya ta nufa,
tana shiga tazo dai-dai masauk'in bakinsu,
taji abokin aikinta Rabeel na cewa.
"M.B. S Dukku, sai yanzu ne, ya mutanenki?."
bata kai ga amsa mishiba taji muryar d'aya daga cikin abokan aikin nata ta bayanta tana cewa.
"M.B Dukku, sai yanzu tun d'azu Abdulsalam da tawagarshi ke nan ya kasa ya tsare sai raba ido yake ta ina zaki fito bai saniba kina can cikin mutanen ki Nakasassu."
tsaki taja tare da cewa.
"Na damu dashi, in yayi ya haƙura ya bari d'an marasa zuciya kawai."
jin wani ya kuma kiranta yasa tace.
"Kai dan Allah ku barni in huta ni dai ba dama ku barmin suna ya huta, daga mai cemin Zalee sai me cemin B M Dukku sai masu cewa M,B,S Dukku irin Rabeel har Dukkun kawaima zai kirani,
sai yawan kiraye-kiraye kamar makaf.."
sai ta kuma yi shiru bata k'arisa ba.
su kuwa Dariya sukayi baki d'aya, kana Maigado tace.
"Yoh meyasa kikayi shiru? ki k'arisa mana ai mutanenki ne, ga kuma Rabeel d'an had'i kina fad'i zai yad'aki a shirin *Mu daku* ya sanar musu."
ɗan wani guntun murmushi tayi tare da cewa.
"Ai duk had'inshi bazai ci nasara a kanmuba dan sun san Zaleeha tasuce."
dariya suka kumayi dan Zaleeha ta kowace ita kowa natane tanada fara'a da farfar da jama'a kana ga kaud'i da rakad'i awani sashin kuma tanada tausayi da mutunci, kana tana da white blood tanada kwarjini, da shiga rai shiyasa duk inda ta shiga sai tauraronta ya haska sai yawan tsiwa. tsoro kuma tamkar farar kura. sai dai Raveel ya kula kwana biyun nan bata cikin haiyacinta da nitsuwarta.
Zaleeha fara ce k'al irin farin fulanin Dukku.
Wanda dukkan mazaunin gombe ko ince dukkan wanda yasan jamar Dukku yasa fulanine, kana fulanine da sukayiwa sauran tsashi na Gombawa zarrawa a fagen kyau ilimi wadata kiwo noma,
duk wanda yasa mahaifin Zaleeha Malam Bashir Sulaiman Dukku muddin yaga Zaleeha to tabbas zai san ita d'in jininshi ce, haka yasa take tsananin kama da Ya Ahmad d'inta duk da ubane ya had'asu,
Zaleeha kekyawace irin first class d'innan Kana babbar yarinyace yar gidan babban mutun mai daraja, wanda k'asarmu ke al'fahari dashi
sannan taurarinta na haskawa tutarta na kad'awa kasancewarta ga ilimi ga asali ga haiba ga kyau uwa uba ga kud'i, sannan ga kwarjini bugu da k'ari yanayin aikinta yasa ta zama so popular
ita ba doguwa bace kana ba gajeraba, irin dai tsaka-tsakin nance,
tanada jikinta dai-dai da shekarunta yar sumul da ita, tana shek'i tamkar tarwad'a, kana tana da asalin gashi na fulanin asali,
wanda babu surki gashinta har bisa kafad'unta bak'ine sitik kana yanada yauk'i da sulbi,
duniyar Gombawa da ma sauran inda aka santa sunanta na haskawa kasan cewarta maikaciyar gidan radio ne yasa muryarta ta sanu wa Al'ummar gari musamman matasa domin shirinta na mushaƙata yanada farin jini, kana fuskarta ta kasance sanenniya sabida aikinta daya shafi sashinsu na TV,
Duk na miji mai rai da lfy in yaga Zaleeha sai yayi sha'awar ta zama matarshi kana in kasan gidan data fito dole kayi sha'awar had'a zuriya dasu sabida ko ba komai ana zatawa damuna sanyi,
yayinda ita kuwa Zaleeha ta tarkace babin maza ta watsa a gefe, bana ce da ita ruwan idoba, to amman har yau mahaifinta da Ya Ahmad tare da Ya Aminu sun gaza gane dalilin daya hanata tsaida gwaninta, duk da gashi k'anwarta mai bin k'aninta Zakariyya ma ta kai aure hakama mai bin mai binta itama ta fara girma uwa uba tayi karatunta har ta d'an kwana biyu da fara aiki.
cikin Jerin masoyanta kuwa harda Manager d'insu duk da ya bar abin a ranshi ganin yadda wasuma ke neman shiga ta wurinshi kana ga abokin aikinta Raveel bar irinsu Abdussalam.

Da sallama ta shiga cikin d'akin tace murya kafin a kai ga watsa shirin,
tana shiga ta samu Manager nansu zaune bisa kujera yana aiki,
zama tayi a kujerar gefenshi kana ta ajiye system enta sannan ta zaro woyarta,
aikinta ta farayi bayan kamar 4 minutes ya dago ya kalleta ido ya lumshe tare da shak'an k'amshin turarenta murya can k'asa yace.
"Yau ba gaisuwa ne?."
Jawo ababen aikin tayi ganin alamun ya gama kana tace.
"Oga na gaidaka baka ji bane."
hannunshi yasa ya jawo system in nata kana yace.
"Kawo in tayaki aikin."
ba tare da ta kalleshi ba tace.
"Ngd."
shi kuwa Oga ido ya kuma lumshewa kana murya can k'asa yace.
"Haram."
da sauri ta juyo ta kalleshi tare da cewa.
"Me d'in?."
mik'ewa yayi ya dawo gefenta kana ya fara harhad'a mata na'urorin sannan yace.
"Baliga tasa turare ta fita." shiru tayi sabida kunyar data rufeta daga nan shima bai kuma mgnaba,
har suka gama aiki,
sannan ya bata wani d'an k'aramin abu tare da turo mata laptop enta sannan ya kalli fuskar wayarshi yace.
"5:00 pm lokacin shirinki yayi, jeki sashin asashin watsa labaran ki had'a kawai ki tafi gida dare ya farayi."
mik'ewa tayi tare da gyad'a mishi kai, har taje bakin k'ofa taji ya kuma cewa.
"Ki dena sa turare in zaki taho kana da zakisa nik'ab da kin taimakawa wasu mazan daga fad'awa komar da baza'a kulasu ba."
kai ta gyad'a mishi kana ta fita,
kai tsaye sashin watsa shirye-shiryen su ta nufa tana shiga ta had'a program nata kana ta fito, bata koma cikiba kai tsaye ta nufi parking lot nasu ta shiga mota ta tafi,
a bakin Gate ta samu Raveel sarkin tsoka, cikin tsiya yace.
"Kiyi ta gudun masu k'afa da idanu daji da gani dai wataran sai gurgu ya kwasheki."
Harara ta watsa mishi tare da cewa.
"To sai me? mugu mai bak'in baki."
dariya ya kumayi kana yace.
"To ina ga dai Jinnul asheeq ne ya aure mana ke kowa yazo kice bakyaso sai na fara gulmataki a shirin Hasken Addini Baba malam ya taso min ke a gaba tunda kinƙi yin aure."
ganin zai b'ata mata lokaci ne yasa taja motarta ta tafi.
shi kuwa Rabeel murmushi yayi kana shiga motarshi.

ita kuwa Zaleeha
tana isa gida bayan tayi parking kai tsaye parlour Baba malam ta wuce tana mai jin fargabawa dan tasan kwanan zancen.



Abuja kuwa, k'arfe biyar dai-dai Amina ta shiga d'akin da aka meda Saifuddeen.
Domin ta bashi magungunan shi dayi mishi allura,
tana shiga tayi k'asa da kanta, har ta isa bakin gadon,
hannu tasa ta danna woni d'an abu sai kan gadon ya d'anyi sama yadda yana koncene amman kamar a jingine yake yake,
shi kuwa Saifuddeen jin motsin an d'an tab'ashi ne ya sashi bud'e idanunshi a hankali,
ido ya zuba mata ganin ta zubawa fuskarshi idanu,
amman ita bazata gane idanunshi a bud'e sukeba dan ya regesu sosai zakama yi zaton bacci yake,
shima kanshi ta tsakankanin gashin idanun nashi yake kallonta,
ita kuwa d'an hararanshi tayi kana ta kalli saitin mararshi sannan ta juyo ta kalleshi tare da tura baki tace.
"To Ayu sarkin jaraba, wasu in sun samu larurar daka samu basu sak'e mik'ewa da wuriba wasu kuma har abadan bazama su sake miƙewaba, amman da yake kai Ayune ana tab'aka kad'an kake mik'ewa ka razanani, to wlh allura zan maka a hannunka in ka kuskura, kamin irin na d'azu wlh bazan sake zuwa inda kakeba,
mutun baida lfy ma sai hegiyar fitina."
sai ta kuma kalleshi tare da cewa.
"Gashi Aunty Batulu tace min wai kai kurmane, to ni Amina yanzu taya zanyi in tasheka, bayan kuma nasan wannan abun naka ana tab'aka zai tashi kamar wani maciji."
Takaici ne sosai ya cika Saifuddeen a ranshi yake cewa.
"Kaji fitsarerriyar yarinya, tana k'are min tanadi, dan taga sirrina."
shiru yayi da tunanin nashi jin ta d'an zira mishi allura take a damtsen hannunshi
rumtse ido yayi da dan zafin allurar shigan ruwan allurar a jikinshi
saida yaji ta zare allurar sannan ya bud'e idanunshi dai-dai lokacin ita kuwa ta kalli fuskarshi.
ganin ya tsareta da idanune sai jikinta ya fara tsuma cikin yin k'asa da murya tace.
"Wannan matarshi ta shiga uku, mutun ana tabashi sai ya canza yanayi."
Sai ta kuma kalleshi tare da tsuke fuska tace.
"Gaka da jaraba gaka da k'aton joyst...!

A harabar asibitin kuwa, biyar dai-dai na yamma Su Ummi suka shigo asibitin,
kai tsaye office d'in Dr Aliyu Abban Farida da Ishaq suka nufa bisa jagorancin Dr Adnan.

Kana Ummi kuma da Hayatuddeen kuwa haggo inda Dr Batula yasa suka nufi inda take da alamun itama yanzu ta shigo asibitin,
da sauri suka nufi inda take.

Sukuwa su ishaq suna shiga cikin tamfatsetsen office d'in Dr bayan sun gaggaisa kana sun tambayi mai jiki,
Dr Aliyu ne yayi gyaran murya tare da fuskantarsu cikin nitsuwa yace.
"To Alhamdulillahi mun dai yiwa Saifuddeen iya abinda zamu iya mishi, sauran aiki kuwa yafi k'arfinmu tunda bamu da kayan aikin shi, so dole in dai anason yayi rayuwa cikin salama sai an fiddashi woje domin ceto rayuwanshi da mutuwar konce."
cikin tsananin kad'uwa da fargaba tare rashin gane me Dr yake son sanar dasu Ahmad ya zuba mishi idanu baki na rawa yace.
"Dr ban ganeba ban fahimci maganarka ba meya samu d'an uwana? me matsalar shi? yana raye kuwa? wani hali yake ciki? wani irin ciwone da babu kayan aikinshi anan k'asar tamu? , Dr zai worke kuwa!?."
gaba d'aya ya rude haka ya sashi jerowa Dr Aliyu tambayoyin a firgice.

Cikin taushin lafazi da iya magana tare da kwanatar da hankalin dangin mara lfy irin na sahihan doctors Dr Aliyu ya dafa kafad'an Abban Farida tare zuba mishi idanu kana a hankali yace.
"K.....!


*Ohohoho muje zuwa dai wannan lamarin littafin da salo na ban mmki da tsuma zuciya yake tafe, shauƙi bege ƙauna mai ratsa jikin maranci hmmm abin dai sai wanda ya bi littafin zai gane*



By
*GARKUWAR FULANI*
8/18/20, 7:52 PM -