You Cannot Download this book untill you login but you can read it .

---

Login Register

tara ribarsa randa ya samu ya tara koda 5 million ne sai ya maida mishi kud'inshi million ukun shikenan daya bashin,
shi kuma ya d'auki wannan na ribar tashi yaci gaba da sari ya samu jarinshi kenan da haka,
ya k'ara da cewa ya bar mishi su halak malak.
to fa daga nan Salisu ya fara harkar mota babu kama hannun yaro kuma Alhamdulillahi harkar ta amsheshi.

Shagunanshi a kasuwa kuwa yanzu Warisu da Bello da Mudassir suke kula dasu yayinda Ahmad kuma ya zama tamkar manajansu,
shine ma'ajiyinsu yakan fita zuwa su Lagos onitsha da dai sauransu yayi musu sarin kayan masarufi, direct to company.

Bappa Ali kuwa shine mai sarin kayan abinci ciki da wojen gombe Alhamdulillahi yanzu abun ya hab'aka shiyasa yawanci da Warisu yake shiga sauran k'auyuka na sauran jihohi kamarsu.
Bauchi, Jigawa, Jos, da Adamawa musamman kasuwar cigari ta adamawa inda nanne dilar manoman shinkafa na jihar.


Ummi taje makka ta sauk'e farali hakama bappa Ali da goggo Dada,
shima Saifuddeen yaje tare da Adda Rahma Ya Adnan kuwa ya biyawa kanshi da mamansu so duk a shekara d'aya sukaje.

To da yayi niyar Raihana da Raliyya duk zasuje shekarar data gabata,
inda yacewa Hayatuddeen yayi k'ok'arin haddace izu arba'in kafin nan to zai had'a dashi suje,
aiko Hayatuddeen yasa himma,
to yanata shirye-shiryen biya musu hajjin kwasam,
sai Alhaji Kabiru ya kawo mishi tallan wani gida dake kusa da gidanshi a nan federal low cost.

Koda ya samu Ummi da Bappa Ali da zancen sai Ummi tace ya bar batun biya musu hajjin ya bari sai wata shekar in Allah ya kaimu,
a cewarta kadarar babban filin da mahaifinsu ya bar musune suka saida suka kama sana'ar dan haka yayi k'ok'ari ya sai wata kadarar da zata ke tuna mishi da gadon da mahaifinsu ya bar musu.
shi yaso ya biya musu Hajjin to amman fir Ummi tak'i hakama bappa Ali dole ya hak'ura yabi ra'ayinsu.

Sai dai kuma cikin ribar ledanshi da yake tarawa tsawon shekaru da balance d'in machine d'in da Salisu ya rik'e tsawon shekaru da kuma wanda iro yake kawowa har yanzu da kud'in ne yace zai sai gidan sabida baya son tab'a wannan dukiyar gadon nasu yafi son ya sayi gidan da guminshi shi d'aya yadda zai zama halak makal d'inshi,
Ummi da bappa Ali sun amince da haka to amman kud'in nashi basu wuce rabin kud'in gidanba dan haka sai ya ranci sauran rabin kud'in a cikin tarin ribarsu na shekarar da zumar zai biya kud'in da balance d'in machine d'inshi da kuma ribar ledodinshi da omonshi da su pure water da ribarshi na gefen kayan masarufi wanda yanzu k'atun firijine ya saya ya ajiye a bakin shagonsu sannan yana saran omo yana sawa a gefe kuma har yau yakan rarraba leda ya kuma had'a kud'insu ya basu sannan ya cire ribarsa,
to duk wani abu daya sani dukiyarshice ta kanshi wanda ya tara da guminshi to a account number daya kuma bud'ewa na musamman yake sa kud'in a ciki.
so hakan ne yasa suka amince da hakan cikin wata biyar akayi cikinikin gidan aka gama,
sosai cinikin gidan ya zabge asusunsu Saifuddeen ya kuma sashi cin bashi,
sai dai kuma duk wanda yaga gidan yasan lallai tabbas gidan yaci wannan milliyoyin kud'in.

To fa tun randa Hayatuddeen yaga gidan ya kasa ya tsare dolefa su k'aura su bar dukku,
haka zai tasa Ummi da Saifuddeen a gaba harda kukanshi shidai a bar wannan k'auyen dashi.

Ahmad da Mudassir kuwa har yau a gidan Adda Rahma suke,
ita kuwa Adda Rahma har yau Allah bai basu haihuwa da Ya Adnan d'intaba.
Warisu da Salisu kuwa suma yanzu an kusa bikinisu inda sun gina 'yan madaidaitan gida jensu a cikin unguwar Dubai cottars.

Ishaq kuwa shima yanzu ya fara taka k'asa,
tuni yayi gidan kanshi saidai har yanzu bai fara neman aureba,
yafi maida hankalinsu wa kula da k'ungiyarsu ta,
Joint national association of persons with disabilities,
(Jonapwd) gombe
state chapter. All the best!!! yayinda yanzu shi har ya samu muk'amin ciyaman a kungiyar,
Saifuddeen kuwa bai fiye zuwa ofishin nasuba sai dai yana matuk'ar bada taimako da dukiyar da Allah ya bashi ta sanadin nema da guminshi kusan akwai kason daya ware duk wata yakan saka a asusun k'ungiyar,
baya zuwa amman hannunshi na zuwa sai dai in zasuyi Mittin mai girma da mahimmanci to Ishaq na sashi zuwa bisa dolen-dole da zaran an gama mittin kuma zai tafi.

Ahmad kuwa soyayya yake zubawa Raliya sosai.

Yauma kamar kullum Hayatuddeen ya tasa Ummi da Saifudden da Rahma da tazo duba jikin Mamansu Ya Adnan a gaba,
fuska ya kwabe tare da tura baki cikin kalato hawayen dole yace.
"Dan Allah mu bar zancen auren Ya Ahmad da wannan yar cukului d'in shin nan."
bai kula Raliyya dake watsa mishi hararaba yaci gaba da cewa.
"Ni dai dan Allah ku rufa min asiri mu k'aura mu bar wannan gari na dukku wallahi ni dai na gaji da garin nan."
cikin irin son da iyaye ke yiwa 'yan autansu Ummi tace.
"Wai ni kam ku saurari autana d'innan mana yace muku ya gaji da dukku."
fuskarshi ya kuma kwab'ewa tare da cewa
"Ba waninnan Ummi ai duk kece kikak'i ki amince na san in kin cewa Hamma na mu k'aura dai zai yarda."
Rahma ce ta gyara zamanta cikin sanyin muryarta tace.
"Wallahi Allah ko Ummi nima ina son ku k'aura ku dawo cikin gombe kusa dani,
ku ganifa bani da kowa a can dan ma Allah yayi Mamansu Ishaq tanada kirki,
wlh ko Ya Adnan ma cewa yayi ya dai kamata ku dawo gombe ko dan karatun Raliya da Hayatuddeen,
dan cewa yayi ya kamata ace Raliya taci gaba da karatu ta samu koda N,C,E ne tunda sun nacewa juna ita da Ahmad kuma shi yace bai yi aure a gidan hayaba,
gashi kuma ya kasa k'arisa ginin gidanshi."
shi dai Saifuddeen ido ya zuba musu dan shi kanshi ya gaji da wannan zirga-zirgan kuma yana son faranta ran Hayatuddeen da Faruq,
shiru sukayi jin Faruq na cewa.
"Nima dai wlh na gaji da k'auyen nan yaseen ko mu k'aura mu koma gombe, ko kuma inbi Ya Adnan in koma gidansu."
cikin nitsuwa Ummi tace.
"To Saifuddeen ka jisu ko?."
Kai ya gyad'a mata alamun eh yaji,
cikin sanyi tace.
"To nima da kaina ina son mu koma cikin gombe ko dan tak'aitawa Saifuddeen zirga-zirgan da yakeyi kullum yana hanya tsakanin Gombe da dukku,
to sai dai haka kawai in na tuna mu k'auran sai inji zuciyata ta tsinke wani azabebben fargaba yazo ya rufeni shiyasa jikina ke mutuwa."
Da sauri Rahma tace.
"In sha Allah ba komai sai al'khairi kawai dai inaga fargaban rabuwa da inda kika saba ne shiyasa kikejin hakan."
kai Ummi ta jinjina dan kamar ta gamsu da mgnar Rahma,
cikin sanyi tace.
"To na amince Babana in dai kana son mu k'aura to na amince."
da sauri Saifuddeen ya kalli Hayatuddeen da Faruq da suka durk'usa gabanshi suna ta magiyar dan Allah yace shima ya amince."
kai ya gyad'a musu alamar to ya amince.
Ido suka zazzaro gaba d'ayansu dan ganin wani irin...!




By
*GARKUWAR FULANI*
8/18/20, 7:51 PM - Ummi Tandama: 📝🍇🍇🍇🍇🍇🍇🍇🍇🍇🍇🍇🍇

*NAKASA BA KASAWA BACE*

*PAGE 11*

NA
*AYSHA ALIYU GARKUWA*

🍇🍇🍇🍇🍇🍇🍇🍇🍇🍇🍇🍇🍇


~Dan Allah kuyi haƙuri masu cewa in rufe group bazan rufeba! Sabida inada dalilin barinshi a buɗe~

_Lale marhababikun masoyan littafin Nakasa ba kasawa bace ina maraba daku, turo katin mtn na 300 kacal ta wannan number! 09097853276. Ko ka/yimin transfee ta bank ac na 0005388578 jaiz bank Aisha Aliyu Garkuwa, pleess ku fahimceni ɗari uku nace kuma ga number da zaki turo tanan ko ac no ɗina_


_Dan Allah dan soyayyarmu da annabi kuji tsoron Allah ku dena tambayata tsoffin littatafaina, sai kuzo ku haɗani da Allah in ban kulakuba inji ba daɗi, dan Allah 🙏🏻 ku bari bana so! Pleees fans ɗin hukuncin Allah da suka saya wai yanzu basu dashi ku dena tambaya bana so😡ku tambaya a gruops ɗin Hukuncin Allah, bana son shegen takura da rashin tausayi ,fisabilillahi a wuni zan samu pc sama da 1000, masu sabon littafi da masu son tsoffi da ƴan gaisuwa da wasu ga tarin rashin fahimta nayi bayani inda za'a turo kuɗin da adadin da za'a turo amman sai kaji ana, Slm Aunty Aishs ta ina zan turo/ koko Garkuwa nawane kuɗin littafin koma kece Garkuwa en nace eh sai ace wai ,a a ƙarya kike ba kece Garkuwa ba, ko kuma wai Garkuwa nake nema, koko wai dan Allah turo min littatafai masu daɗi jifa kamar ni baiwarsu ce ƴan gab da kano kawai yaseen ku ba ƙanenne uwata bace da amsa muku zai zame min wajibi_



Zabura da yayi tare zurma ihu mai cike da jin dad'i sai ya kuma zaro woyarshi dake cikin al'jihunshi samfarin infinix Hot 5 wanda a lokacin ita ake yayi, kid'i ya kunna tare da fara zabga rawa baji ba gani,
yayinda Faruq ma ke take mishi baya,
cikin yanayim fad'a Saifuddeen ya watsa mishi harara tare da mishi mgna cikin body language yace dashi.
"Irin godiyar da ya kamata ka yiwa Allah kenan bisa wannan ni'imar da yayi mana? rawa da ihu shine kaga ya dace?."
kai ya jujjuya mishi yana mai ci gaba da jujjuya k'ugunshi ganin haka yasa Saifuddeen yi mishi alamun cewa.
"To na fasa tunda hakane tunda bazaka nitsuba sai randa kayi hankali ka nitsu zamu k'auran."
da sauri ya nitsu tare fuskantar gabas kana ya gyara tsayuwarshi sannan yayi sujjadar godiya ga Allah,
yana d'agowa daga sujjadar ya fuskanci Hamma Saifuddeen d'in nashi cikin sanyi yace.
"Hamma Saifuddeen na nitsu dan Allah kada ka fasa kaji d'an uwana."
k'ara matsoshi yayi ganin bai kulashi ba sai ya kuma raunata fuskarshi sannan murya na rawa yace.
"Na tuba Abba."
cikin tausayin yaron Saifuddeen ya gyad'a kai dan duk sanda zai nuna mishi biyayya irin na d'a da uba to yakan ce dashi Abba.
tsalle yayi ganin Hamman nashi ya huce,
sai ya kuma lallatsa wayarshi sannan ya kara kunne jim kad'an aka d'aga.
Cikin tsananin jin dad'i yace.
"Hello Imran al'bishirinka."
A can d'aya sashin kuma cikin d'aga sauti da yanayin rawan kai da rigima irin na Hayatuddeen Imran k'anin Ishaq yace.
"Goro fari k'al ba dukke bani insha."
dariya Hayatuddeen yayi tare da cewa.
"Da kenan! yaseen yanzu Bagombe nake,
Hamma na da Ummi da Bappa Ali sun amince zamu k'auro."
wani wawan zabura imran yayi tare da zurma tsalle ya saki ihun da saida Ishaq dake gefenshi ya mik'e tsaye Mama kuwa dake bedroom ta fito parlour da gudu tana cewa.
"Innalillahi Imrana lfy kuwa meya sameka."
rawa yayi ya kuma juyawa sannan cikin karad'i yace.
"Su Hamma Saifuddeen zasu k'auro zasu dawo gombe,
yanzu Hayatuddeen yake gaya min."
sai ya kuma manna wayar a kunne tare da cewa.
"Hello Ba dukke kace wannan shekarar tamu ce lokacinmu ne kace birnin gombe zai amsa da rayuwar zafafan samari."
tsalle yayi tare da cilla woyar tashi jin Ishaq ya kama mishi kunne cikin yarfa hannu yake cewa.
"Wayyo Ya ishaq na tuba."
"K'arya kake baka tuba ba nasan ina sakeka zankaci gaba."
cewar Ishaq kenan Mama kuwa cikin farin cikin k'aurowar dasu Hayatuddeen zasuyi tacewa ishaq.
"Kai maza sakarmin kunnen d'an autana,
barshi yayi farin ciki,
nasan kaima d'in zakayi naka tsallen a side d'inka."
dariya sukayi baki d'aya kana suka zauna a parlour sukaci gaba da hirar,
mik'ewa Imran yayi ya d'auki wayarshi dake gefen Mama,
Suleiman ya kira wani abokinshi da suke yawan mgnar Hayatuddeen dashi ana d'aga woyar Sulaiman d'in yace.
"Hello Sulaiman."
da Sauri d'aya abokinsu mai suna Zakariyya wanda shine ya d'aga woyar Sulaiman d'in yace.
"Hege to ba Sulaiman bane Zakine."
dariya suka kece dashi baki d'ayansu sannan imran yace musu.
"Ba dukkenmu fa zasu k'auro zuwa nan cikin Gombe."
Sulaiman dake gefene yana jinsu yace.
"Yanzu Isma'il yamin text yake gaya min wai yaga Hayatuddeen ya fad'a a cikin what's app group d'inmu wai zasu dawo cikin gombe."
nanfa sukayi ta murnar dawowar da Hayatuddeen zai a kusa dasu dan sun saba sosai a media kuma duk sanda Hayatuddeen yazo gidan Adda Rahma to ranar dai su duka a gidanta suke wuni,
Imran, Hayatuddeen, Sulaiman, dan alhaji Sani, sai Isma'il d'an Alhaji Kabiru,
Sai Zakariyya wanda d'ane ga wani babban malamin da k'asarmu baki d'aya ke ji dashi,
kani kuma ga wani babban Pilot,
k'ani kuma ga wata shaharartiyar 'yar jaridar da taurarinta ke haska tutatar yayinda iska ke kad'a igiyar budurcinta kenta ya zama tamkar manuniya a gareta, *Zaleeha* sai kuma wasu sauran 'yan uwanshi...!

*****

Wata uku akayi anayiwa gidan duk kan gyare-gyaren daya kamata duk da dama gidan bashi da wani makusa yau aka gama komai na gyaran gidan.


Washe gari kuwa da Saifuddeen yazo shida Salisu a wata zazzafar motar da ys sarota a wannan satin.
kai tsaye gidan Adda Rahma suka nufa,
nan suka had'u baki d'aya,
Saifuddeen, Ishaq Salisu Ahmad, Warisu, Mudassir,
suka nufi federal law cos sukaje ganin gidan.

Suna isa gidan duk suka shagala da ganin kyau da girman gidan uwa uba da tsaruwarshi.
Gidane mai girma wanda yakeda zagaye da dogayen bishiyoyin nan na gidajen 'yan gayu ga kuma gajerun fulawi da yayiwa k'asan dogayen bishiyoyin nan k'awanya, sai daga cikin gidan wanda yake da wadaceccen parking lot ta gefen dama,
wanda zai iya d'aukan motoci bakwai zuwa takwas,
sai d'an wani d'aki mai girma wanda yakeda bathroom a ciki,
sai yar barandarshi ta gefen barandar kuwa akayi wani d'an rumfa mai girma in ka ganshi kamar d'aki wanda shima
yakeda bathroom a ciki,
can gefen hagu kuwa BQ ne mai d'an girma wanda yakeda d'an madaidaicin parlour sai two bedroom ko wanne da bathroom a ci sai d'an k'aramin kitchen da dinning area,
kana fitowa harabar gidan zaka fuskanci wani tsarerren gini mai tsananin kyau da d'aukar hankali,
daga harabar gidan wani babban corridor ne wanda ko motace zata iya ratsawa ta nan ta wuce, gefe da gefen corridor d'in duk fulawowine a shuke kansu dai-dai sunyi cib-cib dasu sunyi kore shar,
sai kuma fitilun dake biye da layin d'an dakalin da abakinshi aka zagaye fulawin
tafiya mai d'an nisa zakayi zaka ratsa ta wani dank'areren side mai girma wanda yake d'auke da wasu plat masu azabar kyau,
plat d'in guda biyune wanda suna gab da gab da juna,
daga tsakiyarsu anyi wani rawun da fulawowi masu d'an karen kyau da d'aukan hankali colors d'insi green and yellow sai ratsin pink suna da d'an tsayi sai hamyoyin shiga cikin zagayen fulawowin aka bari guda biyu,
bima'ana ko wanne part akwai kofar shiga ta gaban barandar.
cikin rawun d'in kuwa wata yar madaidaciyar bishiyar mangoroce wacce bata da tsawo sosai dan wasu ganyayenta har suna tab'a fulawowin sai 'yan k'ananun fulawowin da akayi musu zubin zanen heart daga nan tsakiyar heart d'in kuwa sai tattausan ciyawar grass carpet koro shar dashi,
sai wasu tim-tim d'in fulawowin da in ka gansu zakace kujerun zamane dan suna zagaye da heart d'in,
sai wani dogon k'arfe da kwan fitala guda buyi a jikin k'arfen,
sai kuma wani d'an pompo dake nan gefen wurin kusan dashi akeyiwa fulawin wurin ban ruwa.
Sai bakin barand'ar mashigar Part d'in duk suma suna zagaye da fulawowi,
barandar irin mai fad'in nanne,
marfin k'ofar parlour kanshi abin kallone,
kana shiga daga ciki wani tamfatsetsen parlour ne mai girma,
wanda daga gefen dama akwai wata k'ofar wanda kana shiga cikin zaka ratsa wani parlour mai girma wanda yake d'an madaidaicin dinning area,
sai bedroom mai girma wanda yakeda babban bathroom,
sai kuma gefen hagun asalin banban parlour da aka fara shiga,
wani tamfatsetsen dinning area ne mai girma wanda sai ka taka wasu step guda uku kafin ka hau wurin dinning d'in,
daga nan cikin dinning d'in gefenshi k'ad'an wani d'an corridor ne wanda gab da mashigar corridor akayi wani d'an wuri kamar na ajiye firij sai wata babbar k'ofa dake ciki wanda yake d'auke da tam fatsetsen bedroom mai girma sai bathroom shima k'ato,
sai d'aya gefen na cikin wurin dinning area d'in,
wanda yakeda kofofi uku d'aya kofar wani d'an madaidaicin d'akine wanda yakeda d'an ma daidaicin bathroom,
sai d'aya kofar shi kuma d'an k'aramin d'akine babu bathroom bisa dukkan alamu sito ne,
sai kofar dake gaba dashi shi kuma wani tamfatsetsen kitchen ne wanda yake,
daga cikin kitchen d'in kuma akwai wata kofar da kana bud'ewa bakiyat nasune sai dai bakin kofar anyi wani k'aton baranda irin na asalin mashigar babban parlour,
sai dogon luggu da yayiwa part d'in kawanya sai manyan igiyoyin shanya da ke d'aure guda uku sai pompo a dake wurin,
sannan sai jerin fulawowi da futilun dake mammane jikin ginin.
wanda koda da dare ne zakaga kamar da ranane.
to shima d'aya part d'in haka yake,
wannan ciki da parlour da dinning area ne kawai ke tsakaninsu.

daga nan kuma sai can cikin gidan wanda gidan samane mai girma.
kana shiga asalin wannan corridor direct har bakin k'ofar shiga cikin part d'in dake k'asan gidan saman ne inda gefen shi kad'an akwai bishiyar dabino wacce take 'yar d'ugus da ita sai yawan haihuwa.
wanni k'aton parlour ne mai d'auke da wani babban dinning area, sai wani dogon corridor wanda yakeda kofofi biyu suna fuskantar juna bedroom ne da bathroom nasu masu girma,
sai kuma can gefen hagun parlour kuwa wani d'an matakalane mai hawa d'aya wanda kofar kitchen ne a wurin sai sito dake manne da kitchen d'in.
Sai kuma wata k'ofar da takeda girma kana bud'ewa zaka ratsa cikin wani d'an parlour mai d'auke da bedroom.
Sai shimfidaddan steps d'in dake tsakar parlour wanda zaka hau ya sadaka da asalin saman.
Wanda kana hawa saman zaka ratsa wani tamfatsetsen parlour mai girma wanda yakeda two bedroom sai dining area da kitchen sai kofa d'aya rak wanda zata sadaka da wata 'yar baranda mai kyau wanda aka zagayeta da k'arafun silver masu shek'i wanda in kana daga cikin barandar zaka ke hango asalin tsakiyar wannan part mai plat guda biyun nan.
Kana daga windows d'in parlour ma zaka kalli duk abinda ke guda a tsakiyar wad'annan part d'in da asalin harabar gidan.
Sai kuma can bayan gidan saman wanda yake d'auke da wani babban garden mai tsananin sanyi wanda yake zagaye da fulawowi da itatuwa kamarsu Ayaba, goiba, dabino, mangoro, tsada, d'inya, gwanda, sai bishiyar giginya,
sai babban sweeming pull wanda yake zagaye da kujerun silver sosai wurin yakeda d'an duhu dan duhun itatuwan daga d'an gefe kad'an kuwa rufumfa ce guda d'aya rak sai dai tanada matuk'ar girma,
daga can gefe kuwa akwai fili mai girma wanda za'a iya tada wani part d'in.

Fentin gidan white and purple ne mai tsananin kyau sai shek'i yakeyi kasancewar fentin mai maine.

Gida kam dai masha Allah mak'i gani ya kauda idanu maso gani yayi son barka.

Sosai tsarin gidan yayi matuk'ar burgosu,
Addu'a sosai sukayi tare sanya al'barka,
sunata yiwa Saifuddeen tsiya wai saura a shiga babin batun aure tunda ya tara.

Nan Bappa Ali yasa musu ranar k'auran saura wata d'aya nan gaba.

Yayinda Hayatuddeen kuwa yaketa mita wai anja lokacin yayi yawa,
waishi wallahi ya gaji dan haka zai k'aura in yaso su biyoshi daga baya shi dai ya gaji da zaman Dukku.



Yau saura sati uku su k'auro sosai hidimomi sukayiwa Saifuddeen caa a kanshi,
danma Ahmad dasu Salisu suna samun lokacin tayashi hidima,

Yau tunda da Saifuddeen ya gama abinda yakeyi a kasuwa,
ya wuce shagonsu yana isa ya samu bakin shagunan na cike mak'il da mutane maza da mata yara da manya masu sari da masu sayan kad'an-kad'an,
ratsawa gefe yayi ya shiga cikin shagon inda Ahmad ke zaune yanata had'a kan kudad'en cinikin da sukeyi,
Warisu, Mudassir, kuwa sunata aunarwa masu sayan kad'an-kad'an Bello kuwa yana fama da masu sari
a d'aya sashin kuwa masu barone cike sai yara masu zuwa sarin pure water a kattin girijin da Saifuddeen ya ajiye a bakin shagon,
wanda yawanci Ahmad ke kula da cinikin,
matsowa yayi kusa da Ahmad suka ci gaba da harhad'a kan kudad'en,
tare da lissafi da ware na gegen magi da ban da ware na gefen kayan masarufi da ban dan su jarin Saifuddeen ne halal d'inshi sai kuma gefen kayan abinci.
Bayan sun gamane Ahmad ya d'ago kai ya kalleshi cikin fidda numfashi yace.
"Har ka gama ne yau?."
kai ya gyad'a mishi tare da mishi alamu da body language yace.
"Na gama so nake kazo muje wurin kafin tannan ya gama aikin kayan."
kai Ahmad ya jinjina tare da mik'ewa yaje gaban firijin nan ya rink'a d'aukan katon d'in juice da ledodin pure water yana sawa cikin firijin saida ya ciccikasu baki d'aya sannan ya dawo cikin shagon mik'a yayi tare da cewa.
"Wach Allah na."
sai ya kuma juyo ya d'an harari Saifuddeen tare da had'e fuska sannan yace.
"Kai yaseen na gaji bazan iya wahalar nanba."
sai ya kuma kalli Saifuddeen dake hararanshi da alamun kai dai ragone.
bud'e marfin robar faron daya d'auko yayi saida ya sha rabinshi sannan yace.
"Hege kai kuma waya kaika tsoron wahala,
gsky aiyukan shagunan nan suna mana yawa,
dole za'a nemi sabbin ma'aikata koda mutun biyu ne,
sam bamu da hutu wuni muke sunkuyawa da tashi,
shiyasa in dare yayi sai mu zama kamar tsoffi masu 70 years,
wannan a haka mutun yace zayi aure ai matar taga ta kanta."
mik'ewa Saifuddeen yayi tare kallon Ahmad da yaci gaba da cewa.
"Bari in d'auki jakar kud'in nan inzo mu tafi,
amman sai mun biya ta GT bank na ajiye kud'in sai mu wuce ko?."
kai ya gyad'a mishi alamar to.

A tare suka foto bakin shagon inda kasiyar Ahmad take,
shi ya fara hawa kafin Saifuddeen ya hau kana yaja suka tafi,
kai tsaye GT Bank suka nufa,
tare suka shiga bayan sun gama hidimarsu suka fito nan suka kama layin bello sabon kud'i inda jerin kafintocin jihar gombe suke cike birjic,
suna isa wurin kafintan suka samu an gama komai an kimtsasu an lik'esu cikin leda,
suna isa Babban kafintan ya kira biyu daga cikin direbobin motocinsu na kwasar kaya ih zuwa gidanjen costumes d'insu,
sukazo suka kwashi kayan aka loda a motocin,
sannan matasa uku suka shiga wanda su zasuyi jeren,
suna gaba motocin na binsu a baya,
suna isa Ahmad ya sauk'a ya karb'i key d'in gidan a hannun Saifuddeen sannan ya bud'e musu gate d'in yazo ya shiga suma sukabi bayansu.

Daga nan suka fara shisshigar da kayan suna shigarwa cikin can asalin cikin gidan.
Ahmad ke musu bayanin yadda zasu sassaka kayan dan su basa gane body language d'in da Saifuddeen zai musu,

Bedroom guda biyu dake cikin parlour dake k'asan suka fara kimtsawa suka kafa gadajen tare da durowowin da mirrors d'in,
sannan suka sassaka katifun,
sai kuma suka dawo cikin parlour suka kimtsa lumtsuma-lumtsuman kujerun masu kama da kiran royal sai dinning table mai azabar kyau da suka shiryashi a dinning area,
sai da suka gama kimtsa parlour sannan suka shiga d'aya kofar da zata sadasu da d'an karamin parlour da bedroom nan gado durowar suka kafa,
parlour kuma suka barshi ba komai,
sai kuma suka haura sama can suna shiga parlour bedroom d'in dake hannun dama suka shiga nan suka kafa gado da durowa da duk sauran kayan gado sannan
suka dawo falon nan suka samu Ahmad ya firfito musu da sauran kayayyakin da suka saya suka tara a d'aya bedroom d'in kamarsu cainis carpet da labulaye sai zannuwan gadaye da TV, Firij da dai sauran kayan wuta.
daga parlour saman suka fara saka labulayen masu azabar kyau da shek'i kalarsu pink and white, hakama kujerun da carpet d'in.
bedroom d'in da suka kafa gado suka shiga nanma suka sa labulayen masu kalar ja da fari,
zanin gado ma red and white sai carpet shima red and white,
suka gama kimtsa komai sannan suka dawo parlour suka ajiye d'an madaidaicin firij a cikin dinning area wanda shi bai samu damar samun dinnin table ba,
sai katon TV