You Cannot Download this book untill you login but you can read it .

---

Login Register

na gane komai. Ina da yaƙinin cewa mijina zai tashi nan ba da jimawa ba. Zai tashi mu yi rayuwan aure mai cike da soyayya da ƙauna, zai tashi mu haifi 'ya'ya kyawawa kaman sa, zai tashi ya kirani Mrs Jibo, zai tashi na nuna ma sa yadda na ke tsananin son sa" hawaye ya ƙwace ma ta.

"Ki yi haƙuri Aisha, Allah ya na tareda ke. Akwai wani likita da ke zuwa visiting doctor a nan kwanan nan ya dawo Nigeria kuma gaskiya ana yabon ƙwazon sa. Yana aiki ma da Dr Sajid so inaga idan ya zo gobe zai duba mijin ki. Mu ji wanni shawarwari zai bayar"

"Na gode Doctor amma idan ya zo ka kirani, zan so na ji mi zai ce da kunne na"

"Insha Allah zan kiraki" daga haka likitan ya fita.

Farida ta taso ta ƙarasa gadon Najeeb. Ɗankwalin ta ta cire ta kai gashinta dai-dai hancin sa ta ce "my champ na wanke gashin baya wari yanzu, ka ji ƙanshin sa. Do you like it?"

Ta sumbaci idon sa da ke rufe ta ce "ko za ka mutu a haka ba zan gujeka ba, zan jira ka. Zan cigaba da jiran ka har iya ƙarshen rayuwa ta. I love you, I love you so much. Ka tashi ka ji, ka tashi mu yi abubuwa, saboda kanada abubuwa ma su saka abubuwa kuma nima inada abubuwan da za su saka yin abubuwa. Ka tashi ka kissing ɗi na irin na ranan, ka tashi kamin tafiyar ka mai ɗaukan hankali ɗin nan. Ka tashi ka min dariyan ka mai daɗi"...

.........................

Washe gari ta zo ta tarar da abun mamaki, tana office Mrs Comfort ta shigo wai Anas yana kiran ta ana meeting a conference room.
Ba tareda ɓata lokaci ba ta wuce hall ɗin. Tana zuwa ta tadda an cika, duk wani mai babban matsayi yana wajen, abun takaicin ma har da Sabreen.

Anas ne ya raising motion kan ƙin amincewa da yai da shiga gasar da Farida ta sa.
Zaro ido tai lokacin da ya ce ko ta janye gasan nan ko kuma ya ajiye aikin sa.

"Ya Anas ya za ka min haka?" Ta faɗa idon ta ya ciko da hawaye. Ba ta ɗauka abin zai kai haka ba. Jiya sun rabu da Daddy akan zai yiwa Anas magana to mi kuma ya faru.

Sabreen ta ce Anas ba zai ajiye aiki ba idan ya ajiye kuma za ta cire shares ɗin ta. Ta sake cewa Farida ta ajiye aikin ko kuma dukkan ma'aikata su yi yaji.

"Its your lost Farida, dont destroy my Noory's company"

Sunkuyar da kai ta yi tanajin maganganun su. Ta jima a haka kafin ta ɗago, ga mamakin ta sai ta ga Najeeb yana kallon ta yana murmushi.

"Its not easy ko?, haka nima na ke fama da su, but you have to be strong, you have to stand by what you believe. Kin san ya akayi na gina wannan kamfani cikin shekara bakwai ta zama haka?"
Farida ta girgiza ma sa kai

"Saboda idan na sa abu a raina sai na ga na cimmaci na ke ajiyewa. Na gaya miki mi za su yi idan ki ka janye gasar nan?"
Ta ɗaga ma sa kai

"They will consider you weak and incompetence. Za su ce ki sauka daga matsayin ki za su ce ba abinda ki ka iya. Anas is good amma yana da tsoro da rauni. But you" ya nunata da yatsa "My Miss Salihu My Mrs Jibo My Aysherh ba ki da tsoro ba ki da rauni"

Firgigit ta yi lokacin da Anas ya ce " muna sauraren ki Aysherh"

Tashi tsaye ta yi tana shanye duk wani damuwa da ke ranta.

"Ya Anas za ka iya ajiye takardar a wajen sakatariya ta, za ta shigo min da shi office. Sauran da za su shiga yajin aiki kuma Bismillah sai na ji ku. Ma su son bin bayan ya Anas kuma takardan ajiye aikin ku duk ku ajiye wa sakatariya ta"

Ta maida kallon ta ga Sabreen ta ce "ke kuma zan fi kowa farin ciki idan ki ka cire shares ɗin ki a wannan kamfani"

"Ga wanda ya goya min baya wajen ayi gasa kuma. Zan sa a ajiye box a ƙasa kowa ya jefa ƙuri'ar sa ciki. Ba suna za ka saka ba ko matsayi, kawai ka ɗau takarda ka rubuta *i support* ka jefa ciki. Na barku lafiya"
Daga haka ta ɗau wayar ta ta fita. Anas dai mutuwar tsaye yai a wajen. Hall ɗin ya kaure da kace na ce.


Ko zama ba ta yi ba Sabreen ta shigo. " ba ki isa ki yi haka ba. Ba ki da matsayin da za ki kafa doka ki ce dole sai an bi ba"

Farida ta sa dariya ta ce " na samu matsayi tun ranan da aka ɗaura aure na da Miji na Najeeb. Love of my life, my heartbeat, my champion, my handsome.." mari Sabreen ta kai ma ta Farida ta riƙe hannun.

"Ka da ki kuskura ki taɓa ni, ko kuma na sa a yanke mi ki hannu. Duk wanni matsayi da ki ke da shi outside Nigeria ya ke da tasiri. This is Nigeria ba wanda ya damu da wata karuwar Hollywood a nan. Ki tattara ki koma inda ki ka fito ko kuma idan na waiwayeki ba za ki ji daɗi ba" ta tura hannun gefe.

Yadda ta ke magana da masifa ya sa Sabreen ta ɗan ji tsoro.

"Now get out of my office"
Yadda ta yi tsawan tamkar Najeeb ne ke wannan tsawa.

Sabreen ta ce " we'll see" sannan ta fita.

Daga fitan ta Yakubu ya shigo.

"Haba Farida, ta ya za ki yiwa Anas haka. Anas ya mi ki halacci ta ya za ki ma sa haka?"

Wayar ta ne ya fara ringing ta duba ta ga Doctor Sadiq ta ɗauki kiran tana faɗin to gani nan zuwa. Tana gama wayan ta kalli Yakubu ta ce.

"Barinje na yi magana da likitan mijina, duk wani ƙorafin ka zan saurara idan na dawo"

Yakubu yai galala da baki yana kallon 'yar uwartasa yadda ta koma Najeeb sak.

Jaka kawai ta ɗauka ta fita ta barshi a office ɗin...

............


Kai tsaye ɗakin Najeeb ta wuce lokacin da ta iso. Ba kowa a ciki dan haka ta kira likitan ta gaya ma sa cewa ta iso. Kusan minti goma sai ga doctor Sadiq ya shigo tareda wani likitan.
Idon sani ta gani, idon da ba za ta taɓa mancewa ba.

"Dr Lukman ga matar patience ɗin na mu" ya kalli Farida ya ce "Aisha ga Dr Lukman wanda na miki maganar sa jiya"

"Green eyes" ta faɗa bakin ta na rawa...



*SAKATARIYA TA*
.......(My Secretary).......


*Azizat......✍*
*Wattpad @000Azee*


*BISMILLAHIR RAHMANIR RAHIM*




0️⃣3️⃣5️⃣





"Kin san shi ne?" Dr Sadiq ya tambaya. Ba ta bashi amsa ba sai kawai kallon Lukman da ta ke, bai chanja ba ya de ɗan ƙara ƙiba da kuma gemu amma bayan nan yadda ta sanshi haka ya ke.
Lukman ya katse shirun da cewa " ka san na zauna a Jos, itama 'yar Jos ce"

Dr Sadiq ya ce ok barin barku. Sai da ya fita sannan ya kalli Farida da kyau. Although kayan jikin ta sun nuna tana cikin jin daɗi amma yanayin fiskarta ya nuna saɓanin haka.

"Aisha ya ki ke ya mai jikin?"

Da ƙyar ta haɗiyi miyau ta ce " lafiya Alhamdulillah"

Ƙarasawa yai gadon Najeeb duk da ma dai kafin zuwan Faridan shi da Dr Sadiq sun shigo sun duba shi, sai dai ɗazun rashin sanin ko waye ya sa bai damu da kallon ya patient ɗin ya ke ba. Masha Allah ya faɗa chan ƙasar zuciyar sa lokacin da ya ƙare ma sa kallo.

"Yaushe ka dawo?" Farida ta tambaya tana matsowa kusa da shi.

" shekara ɗaya da ya wuce"

"Ok"

"Sai dai tun lokacin da na dawo ban je Jos ba gaskiya"

Farida ba ta ce komai ba sai bin hannun sa ta ke da ido yadda ya ke tattaɓa jikin Najeeb.

"Kinga Allah ya amsa addu'a ta ko? He's handsome"

Maimakon ta bashi amsa sai ta ce "ka na ga zai tashi nan kusa?"

"Na duba records ɗin sa kuma na ga cewa ya taɓa motsa hannu sau ɗaya which is good news gaskiya. Insha Allah zai farfaɗo Aisha, dole ma ya tashi ya kula min da ke"

Sai alokacin Farida ta yi murmushi...

Daga asibiti dreba ya mai da ta kamfani. Tana zuwa sakatariyar ta ta miƙa ma ta resignation letter ɗin Anas. Har ga Allah ta ɗauka Anas ba zai yi haka ba. Dama so ta ke ya gane da gaske ta ke ba za ta janye ƙudirinta ba. Amma sai gashi ya ɗau abin da zafi.

Yakubu ta kira akan ya zo office ɗin ta. Bayan ya zo dai faɗa ya fara ma ta kan abinda ta yiwa Anas ga shi yanzu ta sa Anas ya ajiye aiki.
"Sai mu ga yadda za ki kula da kamfanin ba tareda Najeeb ko Anas ba"

"Akwai Allah Yakubu, da Allah na dogara kuma shi zai taimakeni"

Tashi yai zai bar office ɗin ta ce ya tsaya.

"Yakubu ka na tareda ni?"

"Farida zan ba ki goyon baya akan wani abu amma ba wannan ba"

"Ba ka yadda da ni ba ne kenan?" Ta faɗa tana matse hannayen ta.

"Mi ki ka sani gameda wannan gasa?"

"Ban san komai ba amma idan kuka min bayani zan fahimta"

"Farida abu ne mai wuya..."

"Dan Allah kar ka gujeni kamar yadda Ya Anas yai" ta faɗa tana narai-narai da ido. Ajiyar zuciya yai sannan ya ce...

..........................


Washe gari da ta ke tunanin za'ayi yajin aiki shiru ka ke ji kamar shaho ya ci shirwa. Kowa ya kama aikin gaban sa. Ba ta jima ba Sakatariyarta ta kawo ma ta box ɗin da aka ajiye tun jiya wanda ke cike da takardu.

"Ki je ki ware min wanda su ka supporting da wanda ba su yi ba ki gayamin percentage ɗin"

Mrs Comfort ta amsa da to ta fita.

Bai fi minti talatin ba Mrs Comfort ta dawo da result
"Madam, 65% sun supporting sauran 35% kuma ba su yi supporting ba"

" 'yan iska kawai, na gode Mrs Comfort. Yanzu ki je ki aikawa Mr Ogonna saƙo kan cewa na janye suspension da na ma sa kuma ya resuming aiki gobe"

Mrs Comfort na fita ta cigaba da duba wani littafi da ta ke ganin Najeeb na yawan dubawa lokaci zuwa lokaci idan baya aiki. Sai yanzu ta fahimci Najeeb mutum ne mai tsari. Waɗannan wa su details ne na yadda ya cimma wa su manyan projects na shi...

"Ina shegiyar ta ke?" ta jiyo muryan Najdah tana daka wa sakatariyarta tsawa.

"Ohooo! so wuyan ki yai ƙwari har za ki ce Ya Anas ya ajiye aikin sa? Who are you? Mi ki ka ɗauki kan ki ne. Idan akwai wanda ya dace ya riƙe kamfanin Big B to Ya Anas ne ba ke ba. Gold digging bitch"

Farida ta yi juyi kan kujera sannan ta ce " idan kin gama haushin na ki dan Allah a gaida min Daddy dan ban samu zuwa gida jiya ba. Miji na baya so na bar gefen sa"

Najdah ta harzuƙa ta je gaban Farida ta sa hannu ta fara janta. Wallahi ki tashi a kan kujeran nan, ba ki dace da shi ba..." saukan mari ta ji a fiskarta wanda ya sa ta yi saurin riƙe gefen fiskan ta.

"You slapped me!"

"Idan ba ki fita harkata ba Najdah sai na sa an zane min ke. A kan ki aka fara auta ne da za ki bi ki rena mutane. Ni sa'ar ki ce? Na ce ni sa'ar ki ce?"

Farida ta koma ta zauna da kyau sannan ta ce " ki rufe min ƙofa idan kin fita...

Najdah was so shocked da ƙwaƙwƙwaran motsi ta kasa. Ta jima tsaye kafin ta fita daga office ɗin... sai da ta fita Farida ta kalli wani hoton Najeeb da ke kan table ɗin ta ce "My champ ka ga za su haukata ni ko, Ina zaman zama na su ka ce na karɓi wannan matsayi kuma yanzu na karɓa ana min mugun kallo"...

"Najdah is my favourite sister mi ya sa ki ka mareta?"

"Ka na ganin rashin kunyar da ta min fa, dama tun ba yau ba ta ke gayamin maganganun da ta ga dama ina shareta"

"Ohooo ni da ki ke min rashin kunya kullum na taɓa marin ki?"

'Yar dariya ta yi ta ce "Haba my champ ni yaushe na ma rashin kunya, faɗi gaskiya dai" zuwa yai gaban ta ya ja hancin ta da ƙarfi.

" ouch! My champ da zafi fa" ta faɗa tana hararan sa...

"Madam na gama aikin" muryan Mrs Comfort ya dawo da ita daga duniyar tunani.

...........................

"Daddy she slapped me fa. Daddy ka yi wani abu please"

"Na san idan ba ki ma ta rashin kunya ba ba abinda zai sa ta mareki. Ki fita a maganan kamfanin Najeeb. Karatu ne a gaban ki yanzu"

"Daddy abinda za ka ce kenan, mu zuba ma ta ido ta ɓata komai ko? I will never do that" ta tashi ta bar falon da sauri.

Waya ya janyo ya yiwa Farida text akan ta zo idan ta tashi...

Anas ne ya fara zuwa kafin Farida ta zo. Ta samu Daddy yana mishi faɗa kan ajiye aiki da yai, dan shi bai gaya ma sa ba ɗazu Najdah ke gaya ma sa da ta kawo ƙaran Farida...

"Ni ban amince da wannan ba Anas. Idan ku ka raba kan ku kuna ga kamfani zai cigaba ne? Ka koma aikin ka, idan ba za taimaka ma ta har ayi gasan ba, ka cigaba da kula da sauran harkokin ai"

"Daddy ka yi haƙuri dan Allah. Kawai dai..."

"Ba na son jin wani ƙarin bayani. Gobe idan Allah ya kaimu ka koma aiki"

"Insha Allahu Daddy"
Juyawa yai kan Farida ya ce.

"Ku haɗe kan ku Aisha, saboda a samu cigaba mai inganci. Allah ya shige mu ku gaba" ta amsa da Amin...

Tana cikin yiwa Najeeb taɗi sai ga Lukman ya shigo da sallama. Ledar hannun sa ya ajiye wanda ke cike da fruits.
"Barka da yammaci Aisha" ya faɗa lokacin da ya ƙaraso wajen ta.

"An wuni lafiya?"

"Lafiya, ya mai jiki?"

"Da sauƙi Alhamdulillah"
Shiru ne ya ratsa ɗakin na 'yan mintuna kafin Lukman ya ce " zan wuce Abuja gobe amma Insha Allah zan dinga neman ki na ji ya mai jikin"

"Na gode" ta faɗa tana maida kallon ta ga Najeeb...

Bayan ya fita ta kalli Najeeb sai ga hawaye ma su ɗumi shaar su na zubowa.

"Kukan na miye? Tukunna ma waye wannan?" Najeeb ya faɗa yana haɗa rai

"Lukman, Dr Lukman sunan shi"

"Ina jin ki, miye alaƙar ku?" ya faɗa yana ɗaga ma ta gira. Nan ta fara bashi labarin soyayyar su da Lukman da yadda ƙaddara ta raba auren su.

"So kukan anga tsohon zuma kenan"

Kaman da gaske da Najeeb ɗin ta ke magana ta fara girgiza kai...


............................

Anas dai ya dawo amma kowa harkan sa ya ke. Ya ce ba zai sa hannun sa a maganar gasa ba. Farida ma ba ta damu ba tunda ya cigaba da ayyukan sa...

Mr Ogonna ya shigo yana washe ba ki " Madam an gama duk wani shiri, umurnin ki kawai ake jira"

"Ok, ka sa kowa ya hallara a hall" ...

Details ɗin tsarin gine-ginen da za a yi ta nuna a projector.
"Ba ni da masaniya kan harkan gine-gine amma kuma akwai wanda su ka jima a harkan kuma za su taya mu zaɓe. Akwai kyauta mai tsoka ga duk wanda aka zaɓi zanen sa. Sannan duk wanda ya shiga gasan kuma ko da ba a zaɓe shi ba, aikin sa ba zai tafi a banza ba domin akwai kyauta na musamman da za a bashi."

"Mr Ogonna zai gaya mu ku sauran baya nan" ta yi hakan ne saboda jiri da ta ji yana ɗiban ta. Da sauri ta bar wajen saboda za ta iya faɗuwa a wajen idan ba ta yi a hankali...

A ƙasa ta zauna dirshan saboda yadda ta ke jin kan ta na sarawa. Ta sani stress ne da yunwa ba komai ba. Gaskiya sai yanzu ta ganin jarumtar Najeeb, despite all this stress ba ya wani cin abinci mai yawa. Ta jima a zaune a wajen har sai da ta ɗan samu nitsuwa kafin ta je wajen fridge ɗin office ɗin ta buɗe. Maltina ta ɗauko ta fara sha saboda ko za ta samu ɗan ƙarfin jikin ta...


............... ..............


Wanda su ka shiga gasan zane da Farida ta haɗa, kowa ya shiga aiki tuƙuru wajen ganin zanen sa ya fi na kowa fitowa, kwana biyar aka ba su kowa ya kawo zanen sa. Anas kan ido ya zuba ma su dan bai yi kaman ya san ana wani abu makamancin wannan ba.
Su Mr Ogonna kam ganin Farida na tsoma shi cikin harkoki sai ya zaƙe yana ƙoƙarin ya ga an gudanar da komai lafiya saboda ya san ya kusa samun ƙarin matsayi.

Ranan da za a fitar da wanda ya ci kuwa ga mamakin kowa sai su ka ga manyan professors ne har uku a wannan ɓangaren Farida ta kira wanda connections ɗin Daddy ne ya sa su ka amsa wannan gayyata.


Cikin mutum sha uku da su ka submitting zanen su kowa ya yi ƙoƙari sai dai mutum huɗu aka fitar wanda na su ya fi fice. Arch Hassan yai na ɗaya sai Arch Bashir na biyu sai Arch Yakubu na uku da kuma Arch Thomas na huɗu, na biyar kuma Arch Bazu.
Bayan an ba su kyauta sannan taro ya watse. Farida sai da ta sake tattaunawa da professors ɗin nan kafin su ka tafi. Ranan da aka yi wannan abin ma Anas ko wajen bai leƙo ba, hakan ya sosa ran Farida amma ya za ta yi tunda yanzu gaba ya ɗaura ma ta ba gaira ba dalili...

Da yamma waɗanda su ka yi na ɗaya zuwa na uku su ka hallara a gidan Daddy. Chan wajen gazebo su ka haɗu su ka tattauna yadda za a haɗa kai a sake gyara zanen Arch Hassan, wanda although ko shekara bai yi da fara aiki da Najeeb constructions ba yaron ƙwaro ne kuma ana ji da shi. Sau biyu Najeeb na sa shi a team da su ka yi zanen wani project da aka ba su tare...


Duk wani aiki da su ke yi a ɓoye su ke saboda gudun munafukai. Dukkan su ukun sun haɗa kai kuma sun fito da abinda ya bada mamaki. Wannan karan ba wanda ya ga wannan zane a kamfanin.


........................

Baffa Musa ne ba lafiya shi ya sa ta je gida, rabon da ta je gidan ma ta manta. Jikin sa ya fara sauƙi dan kwana ɗaya yai a asibitin aka sallameshi, sai dai bai fara fita kasuwa ba.

"Farida kin gan ki kuwa?" Baffa Musa ya faɗa ganin yadda Farida ta dawo.

" anya za ki cigaba da wannan auren. Ance ma su laluran sa fa sai su ƙare rayuwar su a haka, wassu kuma ba su jimawa su ke mutuwa cikin dogon baccin na su"

Girgiza kai ta farayi tana hawaye.

"Wata uku da wani abu, anya zai tashi. Ƙarshen zuwa na fa yadda ya ke haka ya ke ba chanji"

"Baffa zan jira shi, ko shekara nawa ne, zan jira shi" ta faɗa tana fashewa da kuka. Tausayin Faridan ne ya kama shi. Shi yana ganin tunda ba auren soyayya su ka yi ba dama za ta iya haƙura da auren. Amma abinda idon sa ke gani yanzu ko da ace da Farida ba ta son mijin ta, to yanzu soyayyar sa ya ma ta mugun kamu. Dama miji da mata sai Allah...

***

"My Champ gobe za mu je Abuja, please be with me. Anas ya cire hannun sa ya bar min komai. But Alhamdulillah da taimakon Allah komai ya zo min cikin sauƙi". Ta ɗauko wayarta ta fara buɗe wajen hotuna sannan ta nuna ma sa hoton wani zane. "My love ga zanen mu, Allah shi ne gatan mu. Please be with me ka ji" ta manna ma sa kiss a lips ɗin sa...

Ta jirgi su ka tafi Abuja inda su ka sauka a gidan Uncle Abubakar, Daddy ne ya buƙaci hakan. Farida , Yakubu da Hassan kaɗai su ka tafi, su za su representing Najeeb constructions.

Kwana uku za a gabatar da wannan bid ɗin. Saboda ba su yi register da wuri ba sunan kamfanin su ya faɗo a rana ta uku...

Lokacin da aka kira Najeeb constructions Farida ne ta fara tashi ta yi ƙaramin bayani kafin Hassan da Yakubu su ka buɗe modelling na su, su biyun ne su ka bada bayani kan yadda na su zanen ya ke da inganci da kuma sauƙi wajen tsari, tareda nuna yadda kamfanin su zai ba da mahimmanci wajen ganin ginin zai tafi dai-dai da yadda aka tsara.

Farida na zaune ne amma hankalin ta ba ya wajen tana kallon yadda Yakubu da Hassan ke bayani amma kunnen ta ba maganganun su ta ke ji ba. Addu'a ta ke yi a zuciyar ta, dan ta san idan su ka faɗi ba ƙaramin kunya za ta sha ba, sannan ga Anas wanda zai ma ta madallah Allah shi ƙara.

Ji ta yi an kamo hannunta, ta ɗaga ido da sauri dan ta ga waye, idon ta ya sauka kan Najeeb wanda ya ke ma ta murmushi.
"Take it easy Aysherh, I'm with you" murmushi ta farayi hawaye na sauko ma ta...


*SAKATARIYA TA*
.......(My Secretary).......


*Azizat......✍*
*Wattpad @000Azee*


*BISMILLAHIR RAHMANIR RAHIM*




0️⃣3️⃣6️⃣






Ranan Jumma'a aka ce za a sanar da wanda ya ci wannan gasa. Sun bar wajen da ɗan hope a zuciyoyin su, base on yadda aka yi mu su tambayoyi da kuma nuna jinjina garesu.


Su na zuwa gida lafiyar gado ta bi. Ɗakin Afrah aka ba ta su Yakubu kuma ɗakin baƙi. Tana kwance zazzaɓi mai zafi ya rufe ta. Tana kwance sai rawan ɗari ta ke Najeeb ya shafa fiskarta ya ce "sorry love, zazzaɓi ko?"
Ta gyaɗa ma sa kai. Ɗaukan jakan ta yai ya fito da wayanta da ke ciki ya danna numban Yakubu ya sa ma ta a kunne.

" Hello, Yakubu dan Allah ka zo banda lafiya" ta faɗa tana tura wayan gefe.
Najeeb ba ya wajen ita ɗin ce dai ta ɗauko wayan.

Bai jima ba Yakubu ya shigo ɗakin, har lokacin tana rawan sanyi. Dai-dai lokacin wayan Faridan ya fara ringing Yakubu ya ɗau wayan ya ga Dr Lukman.
Amsa kiran yai su ka gaisa ya ke ce ma sa Farida ba lafiya zazzaɓi na damunta. Lukman ya ce ya turo ma sa address ɗin gidan zai zo.

Da su ka gama wayan ya kalli Farida ya ce " za ki iya jiran Dr Lukman ko kuma mu kai ki asibiti?"

Da ƙyar ta iya cewa za ta jira shi. Yakubu ya fita ya je ya sanar da mai aikin gidan akan ta haɗawa Farida tea...


Lokacin da ta buɗe ido Najeeb ta gani zaune yana karanta wani magazine.

"Sir Najeeb" ta faɗa a hankali

"Kin tashi, ya jikin?"

"My champ zan sha ruwa" ta faɗa tana ƙoƙarin tashi duk da kuwa hannun ta da canula an ɗaura ma ta ruwa.

"Kwanta za'a kawo miki ruwan"
Riƙe rigan sa ta yi da ɗaya hannun da ba canulan ta ce "kar ka tafi ka barni my champ, zan mutu idan ka barni, please my love"

A hankali Lukman ya gyara ma ta kwanciya ya ce " ba zan bar ki ba"
Sai da ya ga ta sake komawa da bacci kafin ya fita daga ɗakin. Har yanzu yana son Farida, duk da kuwa ya sani sarai ya rasa Farida har abada. But seeing her like this breaks him. Tana tsananin son mijin ta, son da ta ke mishi ko lokacin da su ke soyayya bai yi tunanin ta ma sa rabin son da ta ke wa bawan Allah nan ba.

Sai yamma lis kafin Farida ta farfaɗo da kyau, ta dena ganin duk wanda ya shigo a matsayin Najeeb.
Bayan Isha ta fito falo saboda ta gajiya da zaman ɗaki da ta yi, kuma yanzu tana ɗan jin ƙarfin jikin ta.

Yakubu ne ya ce ma ta Mr Hafiz Olabode ya kira ta kuma ya ce su haɗu gobe ƙarfe tara na safe.

Yakubu ya ƙara da cewa "Mr Olabode yana ɗaya daga cikin wanda za su judging pitch ɗin nan. Na san ƙila cewa zai yi ki bashi wani abu dan ya voting zanen mu. Kin san yanzu komai ɗan bin ƙafa ne, ka bribing officials na Gomnati a baka contract"

Hassan ya ƙara da cewa "mu addu'a za mu musu amma gaskiya bribe ake bayarwa, wanda ya fi ba da kaso mai yawa a bashi"

Farida kan jin