You Cannot Download this book untill you login but you can read it .

---

Login Register

Ni da Alhaji Musa mun samu saɓanin harshe a yau ɗin nan saboda wannan magana. Yanzu haka maganar da na ke maka an riga an dawo mana da sadaki da kuma kayan lefe da aka kai. Harta kayan yarinyar da aka kai gidan yarona sun je sun kwashe. Al'amarin ya ɓaci sosai gaskiya"

"Malam Abdullahi a duba dan Allah. Auren nan idan aka fasashi alhakin yarinyar nan zai bi Najeeb 'ya'ya da jikokin sa"

"Gaskiya zan faɗa ma ka Alhaji ko da za a dawo da bikin nan to ba gobe ba"

Shiru Daddy yai na tsawon lokaci kafin ya ce wa Anas su tafi.

...........................


Su Baffa da su Ummi sun zo asibitin da aka kwantar da Farida. Baffa kam a lokacin ma ya ƙara tabbatarwa kan sa ko mi zai faru to gobe sai ya aurar da Farida, domin idan gobe ta wuce bai san halin da Farida za ta shiga ba, balle ya san halinta yanzu sai ta ce ta haƙura da aure gaba ɗaya ta ce karatu za ta cigaba da yi.

Bayan ya tabbatar da ankawo duk abubuwan da za su buƙata sannan ya musu sai da safe saboda ance sai gobe za a sallameta. Ya zo zai fita daga asibitin da shi da Yakubu su kuma su Daddy su ka shigo.

"Alhaji Musa dan Allah ka tsaya" Anas ya faɗa lokacin da ya ga Baffa Musa ya gan su amma sai ya kau da kai yai kamar bai gan su ba.

Baffa Musa ya juyo ya kalli Daddy yana ƙarasowa wajen su, girman sa ya sa ya fasa masifar da ya ke shirin yiwa Anas.

"Alhaji Musa dan Allah ko za mu iya magana da kai"

"Ni yanzu gida zan wuce Alhaji, ina sauri"

"Ba komai Alhaji Musa za mu bika gidan"

Baffa Musa dai bai so ba amma ba yadda ya iya. Haka su ka wuce gaba, su ma su Daddyn su ka bi bayan su.

Daddy da Baffa Musa ne a falon. Yayinda Anas da Yakubu ke ƙofar gida suna tattauna wannan abin al'ajabi mai kama da almara.

Duk girman Daddy da matsayin sa haka ya fara yiwa Baffa Musa magana cikin sanyi da harshe mai taushi.

"Alhaji Musa dan Allah ka duba wannan al'amari. Na yiwa Malam Abdullahi magana kuma ya ce za su duba, kar a fasa auren nan gobe dan Allah"

"Aure ai ba za a fasa shi ba, kamar yadda na gayyace ka da farko ba chanji. Gobe ƙarfe shaɗaya na safe za a ɗaura auren Farida da ɗa na Yakubu. Tunda sun shaƙu da juna idan anyi auren za su fahimci junan su sosai"

"Alhaji idan ka yi haka ba ka yafe ba kenan"


"Alhaji ko ka san ni ɗin nan ni na shiga na fita har na ga na amso takardar Farida saboda ɗan shege mu ka aura ma ta ba mu sani ba. Yanzu kuma ace duk walaƙancin da iyayen Rayyan su ka mana sai na ba su auren Farida. Wallahi ba zai yiwu ba, gara ayi tuwona maina kawai "

Daddy yai shiru yana tunani chan ya ce " Alhaji Musa ina neman alfarma a wajen ka"

Zumɓur Baffa Musa ya tashi lokacin da ya ji buƙatar Daddy.

"Wannan zancen banza kenan, ba zan taɓa yiwa Farida auren cin fuska ba. Allah ya kiyaye"

"Alhaji Musa ka taimakeni dan Allah, yaron nan inaga son ta ya ke shiya sa yai haka"

"Alhaji ka tashi ka tafi dan Allah, abinda ka ke buƙata ba mai yiwuwa ba ne"

Maimakon Daddy ya tashi sai ya sa gwiwowinsa a ƙasa yana roƙon Baffa Musa. Tuni Baffa ya fara ƙoƙarin ɗaga Daddy yana faɗin "haba Alhaji ka fi ƙarfin haka, dan Allah ka tashi"

"Yaron nan yadda ka ke so ka ga ka aurar da Aisha haka nima na ke so yai aure. Nan da 'yan kwanaki zai cika shekaru talatin da biyar a duniya kuma har yanzu ba shi da niyyar aure. Shi kaɗai ne ɗa na namiji Ba na fata ya ƙarasa rayuwar sa a matsayin tuzuri"

Baffa dai rasa mi zai ce zai yi dan kan sa ya kulle. Alhaji Jibo ya girmeshi a shekaru nesa ba kusa ba ya girmeshi a matsayi da komai amma shine ya ke roƙon sa har kamar zai yi kuka. Farin cikin Farida ya ke so amma idan ya amsa buƙatar Alhaji Jibo anya ba baƙin ciki zai shuka a rayuwar Farida ba....




............................


Bayan fitan su Daddy ya shiga wani tashin hankali, bai taɓa ganin Daddy cikin ɓacin rai haka ba, he only mean to punish her. So ya ke idan an fasa auren ta yi kuka ta ji baƙin ciki sai ya koma ya nuna wa mahaifin Rayyan gaskiyar lamari cewa hotunan nan aikin photoshop ne. But is he stupid or what, idan ya je will that undo what has already been done.
Ya kira Anas sau ba adadi amma ya ƙi ɗauka. Ya fito da robar maganin sa ya ɗauko guda biyu sai kuma ya maida su. Ashe Daddy ya san halin da ya ke ciki all this while, shi bai san Daddy ya san da zuwan sa wajen theraphist ba, balle har ya san he has being on drugs all this while.
Duk da hasken da ke office ɗin na shi bai hana shi ganin duhu ba.
Mi ya sa koyaushe mace ce ke sa shi cikin ƙunci, first it was his Mom then Sabreen sannan wannan Miss Salihun.
Ya dafe goshin sa da ke sara ma sa kaman zai tsage...

..........

Bai san lokacin da ya isa gida ba balle ya san lokacin da bacci ya ɗaukeshi. Buga ƙofan sa da ake da ƙarfi ya sa ya farka. Tasowa yai da ƙyar ya je ya buɗe ƙofan.
Anas ya gani yana faɗaɗa murmushin sa.

"Maigida har yanzu ba ka tashi ba, yau fa ranan ka ce"

Najeeb ya juya ba tareda ya ce komai ba ya wuce banɗaki.

Anas ƙaramin walk in closet da ke ɗakin ya shiga yana duba kayan Najeeb ɗin.

Najeeb ya shimfiɗa sallaya ya gabatar da sallar asuba lokacin agogo ƙarfe bakwai saura kwata.

Anas ya fito da wasu kaya ya shimfiɗa akan gado barin ga wanne zai fi fito da kai. Blue ko fari ko ash.

"And what are you doing exactly?"

" ina nema ma ka kayan da zai dace da kai a rana irin ta yau"

Wayar Najeeb ɗin ce ta fara ringing ya ɗauka da sauri ganin Daddy ne.

"I'm coming Dad"

Anas dai dariya ya fara ƙasa-ƙasa lokacin da Najeeb ya fita.

A ƙaramin falon Daddy da ke sama ya sameshi yana zaune yana waya.

"E ƙarfe shaɗaya ne, e masallacin wajen ne. Abin ne ya zo bagtatan ayi haƙuri" ya na gama wayar ya kalli Najeeb da ke zaune opposite da shi ya yi zuru-zuru da ido.

"Muhammad Najeeb" ya faɗa da sigar jan hankali.

"Ka kunna wuta a rayuwarka kuma ni nan na nemi hanyar kashe wutan. Idan ka amince ni Adam ni na haifeka kuma ka yadda ina da hakkin na samu biyayya daga gareka to yau ina umurtar ka da ka je ka shirya, ƙarfe shaɗaya za'a ɗaura auren ka da Aisha"

"What!"

"Ka jini da kyau kuma ba na buƙatar wani dogon bayani e ne ko a'a, idan ka ce e to ka yiwa kan ka adalci, idan kuma ka ce a'a to ka zaɓi samun wani uban daban kenan ba ni ba"

"Dad i'll sort this out, zan je na gaya mu su gaskiya. You dont need to do this"

"NAJEEB!"

Shiru ya ratsa falon.

"Yes or no?"...

...............

Yana shiga ɗakin ya fara kaiwa Anas duka ta ko'ina.

"Dude ba fa ni na ma ta sharri ba fa da za ka sauke a kaina. Abinda ka shuka shi za ka girba"...


Duk da kasancewa abu ne da ya zo cikin ƙurarren lokaci hakan bai sa wannan aure ya tara jama'a ba. Daga ɓangaren Alhaji Jibo zuwa na Najeeb wanda Anas ne yai ta inviting mutane. Ma'aikatan Najeeb constructions da ma su son gulma da ma su zuwa dan Allah da ma su zuwa dan su yi tsegumi da zunɗen Ogan na su duk sun hallara.

Ranan ta asabat wanda ya kafa tarihi a ɓangaren gidajen biyu wato iyalen Alhaji Jibo da na Alhaji Musa Umar Wase.
Ƙarfe shaɗaya da 'yan mintoti aka ɗaura auren Engineer kuma Architect *Najeeb Adam Jibo, CEO Najeeb constructions* 😁 tareda amaryarsa *Aisha Farida Salihu* (ex- secretary @Najeeb constructions😂)

Mutane kowa mamakin auren babban Mutum kuma ɗan manya kamar Najeeb Jibo su ke. Aure ba IV ba sanarwa a kafafen yaɗa labarai ba komai.
Abunka da masu arziƙi a hakan sai da aka haɗa reception bayan an tashi a masallaci aka wuce venue wajen da aka ci aka sha.


Ƙarfe ɗaya saura motar da ta ɗauko su daga asibiti ta tsaya a ƙofar gidan. Ita da Ummi da Maijiddah ne a motan sai ƙanin AbdulWahab mijin Jiddah da ya ɗaukosu kasancewa motar Baffa Musa ta shiga garari.

A hankali su ka shigo gidan nan aka fara guɗa.

"Ayyiriri amarya a gidan manya, tsatson fulani tsatson larabawa. Kyakykyawa mai kyawun hali. Taka lafiya amarya agidan Alhaji Jibo."

Chak ta tsaya lokacin da ta ji kalmar ƙarshe " Alhaji Jibo"

"Mu shiga ciki Farida" Ummi ta faɗa tana hanata damar tambayar ma'anar abinda ta ji...

Zuwa bayan azahar Farida ta shiga ruɗani. Zancen da ake ma ta mai kama da shirin film ta ka sa processing na shi a ƙwaƙwalwarta.
Ba abinda Ummi da Nanna ke ce ma ta sai ta yi haƙuri haka ƙaddarar ta ya zo. Kodan ganin ba ta kuka ne ya sa su ke ma ta wannan zancen banzan wai ta karɓi auren Najeeb Jibo a matsayin ƙaddararta.
Ita da tun jiya da dare da ta fara jin sauƙi ta yankewa kan ta hukuncin komawa karatu ta yi pdg ta yi masters na ta. Sannan ace yanzu an aurar da ita wa Najeeb. Mutumin da ya rusa ma ta auren ta da Rayyan.

Zuwa yamma Baffa Musa ya sa aka kirata. Nasihar dai da su Ummin su ke ma ta shi ma ita ya maimaita. Wai ta yi haƙuri.

"Farida ke 'ya ta ce, kuma ba zan ga abinda zai cutar da ke na tura ki ciki ba. Wannan al'amari rubutacce ne daga Ubangiji. Ki yi haƙuri ki yiwa mijinki biyayya ki kuma zauna agidan ki lafiya. Ki rage yawar magana dan Allah"

Jin Baffa kawai ta ke yi amma aure da Najeeb kam ba ta ga ta zama ba.

Ummi ce ta sa dole ta yi wanka duk da ta ƙi kwalliya amma ta sa wani leshi mai kyau wanda Ummin ne ta siya ma ta saboda wannan rana duk da kuwa a maimakon gidan Rayyan da za a kaita yanzu gidan Najeeb Jibo ne...

Ummi hawaye ta ke tana roƙon Farida ta zauna lafiya da mijinta. " Aisha idan ba ki zauna ba haka za ayi ta irga mi ki aure. Kinga nima tawa ƙaddarar yadda ta kasance, aure na huɗu. Ba na fatan ki zama haka, idan ki ka bi a hankali da sannu za ki gano kan mijinki har ku daidaita kan ku" wannan nasiha na Ummi baƙaramin shigar Farida yai ba....

Ƙarfe takwas da rabi motocin ɗaukan amarya su ka zo. Ummi na kuka Farida na yi haka uwa da 'ya su ka rabu.
Kai tsaye gidan su Najeeb aka wuce da ita. Nanna da Baaba Sabuwa ne su ke tare da ita a mota ɗaya. Su suka ma ta jagora zuwa cikin gidan su mijinta. Su Mom da tawagarta sun ƙarɓi amarya lafiya kuma an karrama baƙin amarya daga ƙarshe aka kaita ɗakin Najeeb wanda anan za su zauna kafin Najeeb ya ƙarasa gyara gidan sa.
Anyi nasiha kuma anyi addu'a kafin wanda su ka kawo amarya su ka tafi.

Tun tana zaune tana jiran ko Najeeb zai zo har ta haƙura ta kwanta dan ba ƙaramin bacci ne a idon ta ba.
Washegari ba ta farka ba sai ƙarfe takwas na safe. Ta shiga banɗakin da ke ɗakin dan ta yi alwala nan ta ga ƙaton bathroom wanda sai ka kwanta ka yi minshari a ciki. Tsaf-tsaf ya ke sai ƙanshi, akwai bathtube na wanka sannan gefe akwai Inda aka kewaye da glass wajen shower kenan. Ta gama kallon banɗakin kafin ta yi alwala ta fito.
Karfe tara sai ga Adama tana ƙwanƙwasa ƙofar ɗakin.

"Amarya wai ki fito ki karya in ji Hajia" ta ce da ita.

"To barin shirya"
Ta yi wanka ta nemi atampa ta sa cikin kayan da aka kawo ma ta daga gida.

Lokacin da ta sauko sun gama karyawa tana saukowa tanajin Najdah na yiwa Mom ƙorafi " Mom wallahi i cant believe wai Big B ya yi aure, wai hakan ma da lousy secretary ɗin sa"

"Be happy for your brother, finally ya yi aure @35yrs"


"Mom ba ta dace da gidan nan ba..."

"E'e'em" Farida ta yi gyaran murya

Najdah ta ɗago ido ta kalleta. Farida ta ɗan risina ta gaida Mom. Mom ta ma ta ya kwanan baƙunta.

"Najdah take her to the dining plz"

Maimakon Najdan ta yi abinda Mom ta ce sai ta fara kiran Adama.

Farida dai ta taune ta haɗiye duk wani maganan da ke bakin ta, kar ace amarya daga kwana ɗaya ta fara faɗa da ƙanwar miji.

Da Adama ta kaita dining ɗin ɗiban abinda za ta ci ta yi ta koma ɗakin Najeeb ko na ce ɗakin su.

Baƙi sun zo ganin amarya kuma ta fita an gaggaisa. Yawanci 'yan uwa ne da abokan arziƙi...

Tana sallar Isha ya shigo ɗakin zama yai a bakin gado yana kallon yadda ta ke sallah. He cant believe he got married to this girl, a mere secretary.

Lokacin da ta idar da sallan ya kalleta da kyau sannan ya ce " Daddy na son ganin mu ƙarfe tara"

Zuwa yai ya zauna kan kujeran da ya ke aiki idan yana ɗaki, ya kunna laptop na shi yana duba wa su saƙonni.

"Sir Najeeb dama ka min sharri ne dan ka aureni?"

Yi yai kamar bai ji ta ba sai da ta sake maimaita tambayar sannan ya juyo ya ce " i wanted to punish you, i wanted you to cry, but it backfires on me. Na aure ki ne saboda Dad, only because of him"

Shiru ta yi tana nazarin kalamanshi tareda tunanin mafita a rayuwar ta ko na ce a rayuwar auren ta.

"Dad ba ya zama a gida, Baby na zuwa makaranta, Justice Nabilah ma ba ta zama. You'll feel bored at home"

"Ina ruwanka" ta faɗa da ƙarfi.

Juyowa yai yana kallonta sosai, har lokacin tana zaune akan sallaya.

"I'm offering you a job. Har yanzu ban samu secretary da zai maye gurbin ki ba, so you can have your job back"

"Kan uba. Lallai ma Sir Najeeb ka raina ni"

"Well its just an offer, idan ki na so za ki iya fara aiki next week monday"

"Allah ya isa na Sir Najeeb, Allah ya isa bulluƙutu"......


(Mrs Najeeb Jibo, Najeeb constructions needs your service, Oya de go de go😁)




*SAKATARIYA TA*
.......(My Secretary).......


*Azizat......✍*
*Wattpad @000Azee*


*BISMILLAHIR RAHMANIR RAHIM*

*wannan labarin na kuɗi ne, dan Allah kar a fita da shi*


0️⃣2️⃣4️⃣



Tare su ka shigo falon Daddy, ya na zaune yana karatun littafi su ka same shi.

Farida ta zauna ƙasa tana gaida Daddyn.

" 'yata tashi ki zauna mana"

"Daddy na fi jin daɗin ƙasan"

Daddy ya ajiye littafin ya ce

"Aisha, ina so na baki haƙuri kan yadda al'amura su ka kasance. Kin ga wannan da ki ke gani" ya nuna Najeeb.
"Babban banza ne, ba abinda ya sani sai kan sa. Ina roƙon ki dan Allah, ki yafe ma sa duk abinda ya mi ki"

"Daddy komai ya wuce, na yafe ma sa"

"Allah ya mi ki albarka Aisha. Sai ki riƙa haƙuri da shi domin shi ɗin wani bahagon mutum ne"

"Dad" Najeeb ya faɗa yana tsume fiska

"Ai gaskiya na faɗa, ko ba haka ba 'yata?"

"Haka ne Daddy, wallahi wani lokacin kaman majnuni" sai da ta yi maganar kuma sai ta ji kunyar abin da ta faɗa, ta fara rufe baki da hijabinta.

"To kinga duk waɗannan halayen na sa marasa kyau, ke ce za ki shafe su, ke ce za ki inganta rayuwar sa. Ina muku fatan samun zuri'a ɗayyaba"

Farida ta ɗago ido ta kalli Najeeb wanda ya watsa ma ta harara.

"Za ki yi haƙuri ku managing wannan gida zuwa wani ɗan ƙanƙanin lokaci kafin ya ƙarasa gyara gidan shi sai ku koma chan. Ina so ki sake jiki damu domin nan gidan ki ne. Allah ya sa albarka a wannan aure na ku amin"


"Na gode Daddy, Allah ya ƙara ma ka lafiya ya ƙara arziƙi da buɗi amin"

"Duk abinda Najeeb ya mi ki ba dai-dai ba, kinga duk girman shin nan a gaban ki zan sa bulala na zane shi"

Farida ba ta san lokacin da ta kwashe da dariya ba ta ce " wayaga ana zane Sir Najeeb, har na hango shi yana tsala ihu"

Daddy ma ɗan darawa yai.

Najeeb kam haɗe rai yai yana yiwa Farida kallon za ki gamu da ni.

"Najeeb idan ba abinda za ka ce, za ku iya tafiya"


"Good night" ya faɗa ya tashi da sauri kaman wanda a ƙaya ya ke zaune da ɗin.

Farida ta bi bayan shi bayan ta yiwa Daddy sai da safe a nitse...

Tana shigowa ɗaki ta sameshi ya na kishingiɗe akan gado hannun sa ɗauke da waya ya na dannawa. Ƙarasawa ta yi ta cire dogon hijab da ta yi sallah da shi ta ninke ta kaishi saman bedside drawer.

"Ba a ajiye kaya anan"

"To hijabin sallah ne ai"

"Ba a ajiye kaya a nan Miss Salihu"

Dariya ta yi ta ce "yau na ji wani zance, Miss Salihu kuma? Jiya dai aka ce wai Najeeb Adam Jibo ya biya sadaki na naira dubu ɗari biyu, ko ba haka ba?. Gara ka san da me za ka kirani amma ba Miss Salihu ba"

Kallon ta ya ke yi itama ɗin ta zuba mi shi ido, doguwar rigan bacci ne a jikin ta wanda ya kai har ƙasa amma siririn hannu rigan ke da shi.

"Oh! so yanzu kin zama Mrs Jibo kenan? Congratulations"

"Ni kam Sir Najeeb mi ye acikin Aisha ko Farida da ba za ka iya kira na da shi ba?"

"Ki ɗauke kayan nan, ba a ajiye kaya a cikin ɗaki"

"To ka nuna min inda zan sa kaya na ne. Ina wancan wajen duk kayan ka ne a ciki, kaya sai ka ce wanda mutum ya buɗe boutique"

" This is my room Mrs Jibo, dole ki bi tsarin yadda ɗakin ya ke, ba na son datti, ba na son clumsiness. Kin ga yadda komai ya ke a tsare, haka na ke so komai ya kasance a inda ya ke. So ki ɗauke wancan tsummukoran a wajen nan"

"Hijabin nawa ne tsummokara, lallai"

Shiru ta yi tana kallon sa, ta ga ya maida hankalin sa kan waya.

Ƙaraman tsaki ta yi sannan ta ɗauki hijabin ta kai shi wajen closet ɗin.
Tana dawowa ta zauna bakin gado tana shirin kwanciya ya ce " and what are you trying to do?"

"Bacci ma na"

"A ina ɗin?"

" ni fa Sir Najeeb ka ƙyale ni tam. Idan ba haka ba na gayawa Daddy, ka san ya ce har zane ka zai iya yi a kaina"

" there's no way i'm sharing a bed with you ki na sakatariya ta. Ga chan sofa chan ki je ki kwanta akai"

"Da ka san ba za ka iya haɗa gado da ni ba miyasa ka aureni. Ni bance ka min komai ba dan na san abinda ka ke tsoro kenan" ta ƙarasa maganar tana kwanciya da kyau.
Ajiye wayar sa yai ya taso ya na ƙoƙarin ɗauketa daga kan gadon, ita kuma ta riƙe zanin gado tana " Allah ba inda zan je, ba zan kwana a kujera ba sai dai kai ka kwana"

Wuff yai sama da ita ya zo ya sauketa a kan sofar. Yana ajiyeta ta sake tasowa ta zo za ta kwanta, yasake ɗaukan ta ya maida ita kan sofa.
"Mrs Jibo, idan ba wani abin ki ke nema a wajena ba, sleep here"

"Tabɗijam, wallahi ko a makaranta ban kwana a kujera ba balle a nan. Wallahi ka barni na kwanta ko na gayawa Daddy"

"Go on, je ki gaya ma sa" har ta fara tafiya sai kuma ta juyo ta ce "ƙila ya yi barci yanzu"

Miƙa ma ta wata na'ura yai ya ce " za ki iya gaya ma sa ai ba sai kin fita ba, ga shi ki danna 2 ki yi ma sa magana zai ji ki a ɗakin sa"

Ita fa ta ɗauka wasa ya ke dan abin yai ma ta kama da wayar cellular ta ƙarɓa ta ce "ƙila ma ƙarya ne"

"Go on try it"

"Daddy ga Sir Najeeb ya hanani kwana a gado, ka zo ka ma sa magana" ta faɗa da ɗan ƙarfi.

Murmushi yai ya ce " stupid girl"

Minti biyu kacal sai ga shi ana ƙwanƙwasa ƙofar ɗakin su.
"Najeeb be matured please, mi ye wannan shirmen"

Jin muryan Daddy ya sa Farida ta yi saurin kama baki tana dana sanin abinda ta ce.

"Sorry Dad, good night" Najeeb ya faɗa sannan ya kalli Farida da ke tsaye tana zare ido.

"On a second thought, za ki iya kwana akan gado but" ya nuna ta da yatsa "kar ki kuskura ki matso kusa da ni, i can bite"

"Ni ma kar ka kuskura ka matso kusa da ni, i can scratch"

Zuwa yai ya jera pillow biyu a tsakiyar gadon sannan ya kwanta.

"Wallahi wajen ka ya fi yawa, wannan ba tsakiya ba ne"

Sa hannu yai ya kashe wutan ɗakin. Dole ta laluba ta kwanta a haka.
Chan ƙasar ran ta tana tunanin anya akwai ranan da Najeeb zai iya jin son ta, ko da ɗan kaɗan ne? Anya za ta iya samun kan sa kamar yadda Ummi ta ce? Anya akwai ranan da za ta kwanta da shi ta yi rayuwar aure da shi?
Ta tuno abubuwan da ta yi ta sha da ci saboda samun amarci mai cike da tarihi tareda Rayyan, amma yanzu kam duk a banza. Tana cikin tunane-tunanen nan har bacci yai gaba da ita...

Ya na kwance ne amma ba wai ya yi baccin ba. He still wonders why everything turns out this way, jiya saboda bai san yadda zai haɗu da ita ba shiyasa ya kwana a office. Komai ya zamo ma sa wani iri, she's just his secretary and that's what she'll always be 🙄
Bai taɓa hango rayuwar aure da wata ba idan ba Sabreen ba. Sun planning komai tare, tun daga irin gidan da za su zauna har zuwa 'ya'yan da za su haifa. Yara biyu Sabreen ta ke so, kuma shi su ka tsara za su haifa ( ka ji fa😁). Ba su tsara zama a Nigeria ba saboda Sabreen ba ta so, a plan ɗin su Nigeria sai dai ziyara amma ba zama ba. But yanzu komai ya chanza and now auren Aysherh...

......................

Washe gari da asuba alarm ɗin Najeeb ya farkar da Farida, Ita kam ganin ƙarfe huɗu kuma akwai bacci a idon ta ya sa ta cigaba da bacci.

Ƙarfe biyar da rabi na ta alarm ɗin ya buga. Ta tashi ta hango Najeeb yana aiki a laptop ɗin sa. Cikin zuciyar ta ta ce "yanzu haka tun tashin sa bai yi sallah ba, shi komai aiki kaman machine"
Ta tashi ta shiga banɗaki fitsari ta yi sannan ta yi alwala ta fito.
Ta shimfiɗa sallaya ta tada sallah.
Da ta idar ta kalleshi har lokacin yana aiki.

"Sir Najeeb ina kwana"

"Morning" ya faɗa kaman ana roƙan sa amsan...

Tana azkar ɗin safiya ya tashi ya shiga banɗaki sai kuma ya fito ya ce "Mrs Jibo, next time ki ka yi amfani da toilet, you flush it immediately"

"Fitsari kawai fa na yi"

"Ba na son ƙazanta"

"Toh na ji, kuma ni ba ƙazama ba ce"


Ya jima a banɗakin har ta gama addu'o'inta ta koma gado ta kwanta bai fito.
Ya na fitowa ta bi shi da ido daga inda ta ke kwance, bathrobe ne ajinsa fari. Zuwa yai ya tsaya gaban mirror yana ƙoƙarin shafa mai. Duk abinda ya ke tana kallon sa har ya gama ya je ya shirya cikin wani grey suit na kamfanin Dolce and Gabbana. Dole ta rasa gane wani irin turare ya ke amfani da shi saboda turarukan da ya fesa sun fi biyar. Lokacin da ya gama ya taje gashin kan sa sannan ya matsa wanni mai a hannunsa ya shafa a gashin.

Ya sake shiga banɗakin kafin ya fito ya ce " i know you are staring Mrs Jibo, idan kin tashi ki kira Adama za ta gyara ɗakin"

"Ni mi zan gani, ni ba kai na ke kallo ba"

"Mrs Jibo think about my offer" yana faɗin haka