You Cannot Download this book untill you login but you can read it .

---

Login Register

ba ya zuban jini da an kwashi ƴan kallo don baza ta taɓa ƙyale ta ba, faɗa da suke siyarwa ai ta zo gidan ta ne, sai dai kuma arzikin ta ɗaya Malik da yake ta bata haƙuri kamar zai duƙa mata, ba don shi ba wlh baza ta ƙyale Nawwara ba. Haka ta wuce ta bar su a wurin ana ta zagin Nawwara sabida abun da tayi

Malik kuwa tuni ya wuce wajen motan sa ransa a mugun ɓace ya shige, yana ƙoƙarin tayar da motan ya barta a wajen don abun da yayi ninya kenan, amma sai tayi saurin shigowa sabida fahimtar abun da yake ƙoƙarin yi, bai bi ta kanta ba ya ja motan a guje ya bar wurin zuciyarsa na ƙara tafarfasa kamar zai ka dasu a hanya, baƙin cikinsa da bai amshi Numban Zahra ba

Ita kuwa Nawwara ko a jikinta sai ma gyara zama da tayi tana kallon hanya, zuciyarta fari tass domin ta san koda wasa bazai ƙara mata irin haka ba, idan ma yana tunanin yi a gaba to dole zai tuna da abin da tayi mishi yanzu ya fasa, ta tsani a rayuwa ta ganshi tare da Mace kuma dole ne ta riƙa ɗaukar mataki, ita kaɗai ce tashi bai isa yayi mu'amala da wata Mace bayan ita ba

Har suka kama hanyar Kano amma Malik bai yi mata magana ba, kuma bai tsaya a ko'ina ba bare su samu wani abun su ci

Ita kuwa jin yunwa ya ishe ta sai ta soma mishi ƙorafin, "yunwa take ji."

Wani kallo da ya watsa mata sai da hanjin cikinta suka kaɗa. Yana shirin yin magana wayansa tayi ƙara, haka ya ɗauka ya kara a kunne ganin sunan Mummy

Tambayarsa take Yi, "har yanzu basu kai ba?" Saboda ta kira waya can an ce basu je ba

Yanda yake jin mugun ɓacin rai daƙyar ya iya buɗe baki yace, "mun kusa kaiwa Mummy, motan CE ta samu matsala."

"Ayya dama nayi tunanin haka, shiyasa nace ku hau jirgi da wannan wahalar, to yanzu ga shi kun samu matsala sai shigan dare yanzu zaku yi, yanzu da karfe tara ta wuce ko zaku samu wajen kwana ne Malik ba na son tafiyar daren nan?"

"No Mummy mun kusa, ki ajiye wayan zan kira tunda ina tuƙi." Ya furta yana zare wayan daga kunnen sa, bai jira abun da zata ce ba ya kashe ya ci gaba da tsula gudu a kan kwalta. Bai sake kallon inda Nawwara take ba balle ya saurare ta

Itama sai ta share shi tana cin magani tunda ta san ba laifi tayi ba, ai ya san halinta a kan kishin sa babu abinda baza ta iya ba, abun baƙin cikin nata ma yanda yake tambayar Zahra number wato yaga kyakykyawa shiyasa yake son ƙulla alaƙa da ita, ina ai baza ta taɓa bari ba, gwara da tayi musu haka bazai taɓa samun wannan damar ba.






                ********

       Ita kuwa Zahra chemist ta wuce sabida yanda jininta ke zuba sosai, ga azaban zafi da yanzu ya addabe ta, shiyasa ta je aka yi mata treating wajen, dama kuɗi ta je ciro ma Innar su da za'a siya fridge dashi, sai kuma ga abun da ya faru, ƙarshe ma sai ta account ta biya me Chemist ɗin ta wuce gida tunda babu kuɗi a tare da ita

Tana zuwa Inna da Ummu suka ga bandage a kanta suka hau tambayar ta hankalinsu a matuƙar tashe

Tsaban takaici ma Zahra ta kasa yin magana, sai da suka ishe ta da tambaya sannan ta sanar musu abun da ya faru

Ai kuwa tana rufe baki Inna ta hau ruwan bala'i, haka take zagin Nawwara ta uwa ta uba tana ƙunduma mata zagi, tace ma Zahran, "su koma wajen ko zasu ga matsiyaciya wlh sai taga uban da ya tsaya mata, sai tayi Shari'a da ubanta tunda ta taɓa ta."

Zahra tace, "ba na tunanin za'a same su Inna don sun rigada sun tafi."

"Ai duk da haka sai mun je, sai naga uban da ya tsaya mata, tashi maza muje ki kaimu wajen, ƴar iska matsiyaciya dan ubanta mu zata nuna ma hauka? Gidanta ta zo yau sai na kakkarya matsiyaciya inga uban da ya tsaya mata." Haka Inna ta tasa Zahra har Ummu suka fito suka tafi kasuwa inda abun ya faru. Sai dai koda suka je basu same su ba amma haka Inna take ta ruwan bala'i tana jifan su da alkaba'i har Malik ɗin, a cewar ta, "dama shi ya kawo ta don ta bugar mata ɗiya, da sun tsaya da sun gane shayi ruwa ne, Allah ya so su, amma duk ranan da tayi tozali da yarinyar komin daɗewa to Zahra ta sanar mata sai ta ɗauki mummunan mataki a kanta."

Haka suka dawo gida Baba na tambayar inda suka je; don ya dawo bai same su ba shiyasa yake tambayar su

Inna sai surfa bala'i take yi tana cewa, "to ko na faɗa maka mai zaka iya yi a ciki? Ga ta nan Zahra CE wata matsiyaciyar la'ananniyar yarinya da uwarta ta haife ta ba ta hanyar sunna ba; ita ta fasa mata kai, ai naso in same ta wlh da sai naga uban da ya tsaya mata, ƴar iskan yarinya kawai har ita ta isa ta fasa ma yarinyata kai? Ai kuwa ta tono tsuliyar dodo don wlh jafa'i da masifa sai ya ƙare mata, sai nayi ta jan mata alkaba'ai yana ƙare mata, in Allah ya yarda sai taga masifa da bala'i dan uban ta..."

"Haba don Allah Harira ki sarara haka mana, mene ne haka ke ba ƙaramar yarinya ba? Kin tambayi ita Zahran ta sanar miki mai ya haɗa su ne haka kawai za ki yi ta zagin yarinya? Komai ai ɗan haƙuri ne mene ne a duniyar? Duka-duka nawa take? Kuma tsautsayi babu inda ba ta faɗawa..."

"Eh dama ai haka zaka ce, shi tsautsayin dan ubanshi bai san inda zai faɗa ba sai a kan yarinyata? Kuma wancan Shegiyar ce zata fasa mata kai? Dama na daɗe da fahimtar ba ƙaunar yaran nan kake yi ba, da Allah Malam idan baza ka iya taimaka mana da komai ba kayi min shiru don ba na son wa'azinka na banza ƙara tunzura Ni yake yi."

"Allah ya ba ki haƙuri." Baba ya furta yana yin gaba ya shige ɗakin sa

Haka Inna tayi ta masifa Ummu na taya ta don sun ƙi haƙura da zancen sam, sai da suka gaji don kansu sannan suka sarara

Ita kuwa Zahra takaici da baƙin cikin abun da Nawwara tayi mata duk sun hana ta saƙat; ko magana ta kasa yi, tana jin dama ace zata sake ganin Nawwara, uhm wlh sai ta kwantar da ita don ita nata mai sauƙi tayi mata, Chemist kawai ta je, but ita gadon asibiti za'a kaita, kuma ƙarshe sai ta ƙwace Malik ɗin a hannunta taga ƙaryan hauka, baƙin cikinta ɗaya bata san inda zata same su ba, ta cije yatsa ya kai babu adadi, da ace ta ba shi Numbanta da shikenan.













✳️✳️✳️✳️✳️✳️✳️


               *ABUJA STATE*
          Arab ta isa Abuja wajen gabanin magriba, sai ga Drivern Alh. Bashir ya zo ya ɗauko ta ya isa da ita hotel ɗin da Alh. Bashir yake zaune, kasancewar shima kasuwanci ne ya kawo shi nan Abuja but asalin shi ɗan Bauchi ne, a can iyalansa suke zaune but yawon gari-gari yake yi sabida harkan business ɗinsa, har ƙasashen ƙetare yana fita

Alh. Bashir irin mutanen nan ne masu son Mata, har kawalai yake dasu waɗanda suke kawo mishi mata don kawai ya ji daɗi dasu, Matarsa ɗaya da yaransa biyu duka maza. Kasancewar matarsa ta mallake shi shiyasa ya kasa yin mata kishiya; but yana bin matan Banza a waje

Tun da yaga hotunan Arab ya susuce da kyawun ta, ya gaza haƙura shiyasa ya buƙaci, "ta taho nan ta same shi." Daga shi sai Drivern sa wanda ya san sirrin sa shiyasa ya aike shi ya ɗauko ta

Yana kawo ta hotel ɗin ya nuna mata Numban ɗakin da Alh. Bashir yake ciki, ta buɗe ta shiga tana bin ko'ina da kallo, nan idanuwanta suka sauka a kan Alh. Bashir ɗin da ke zaune a saman sofa daga shi sai gajeren wando

Ƙaton Mutum ne don a shekaru zai haura sittin da biyar, Allah yayi mishi jikin girma don lukutete ne, ga shi baƙi babu zubin kyau ko kaɗan a tare dashi, tamkar wani basamude haka yake sai ƙaton tumbi a gaba. Yana ganinta nan da nan ya washe baki tare da miƙewa yana isa wajen ta, hannu yasa ya kamo nata a hankali ya janyo ta ya haɗe ta da jikinsa yana cewa, "welcome My Baby, sannu da zuwa, kin sha hanya."

Murmushi tayi ba tare da ta furta komai ba illa tunanin yanayin Mutumin da take yi a ranta; da kuma yanda zasu kwashe. Yanda ya matse ta a jikinsa ne yasa ta ɗan ɗaga kai tana ƙoƙarin janye jikinta

Hakan yasa ya sassauta mata riƙon tare da riƙe mata hannu gam ya wuce da ita saman kujera, sai da ya zauna sannan ya zaunar da ita a gefen shi yana washe baki cikin murna, "sannu da zuwa Baby; gaskiya ban taɓa tunanin kyawunki ya kai haka ba sai yanzu da na ganki a fili, kina da kyau Baby kin haɗu." Hannu yasa ya shafa fuskarta sai yace, "bari in Yi miki odan abun da za ki ci na san kin gaji, ki soma yin wanka before a kawo miki abinci, what do you want to eat?"

Farr tayi da idanuwanta cike da salon burgewa, tana ɗan yatsina fuska tace, "Whatever is brought I will eat."

"Ok to bari in kira waya." Yayi maganar yana tashi da sauri ya nufi wajen telephone, ɗaukowa yayi ya dawo ya zauna a inda ya tashi yana kiran wayan, babu jimawa suka ɗauka yayi odan abun da yake so su kawo mishi, daga nan ya ajiye wayan yana kallonta fuskarsa ɗauke da murmushi yace, "Are you going to take a shower now before you are brought in?"

Bakinta ta tura gaba tana mishi wani irin kallo me shiga jiki, tare da gantsaro ƙirji cikin jan hankali tana zare gyalenta, a hankali ta miƙe tsaye tana cewa, "ina ne toilet ɗin?"

Jikin sa na rawa ya miƙe yana cewa, "mu je in nuna miki." Yayi gaba ta bi bayan shi tana sake kallon ko ina har suka shiga cikin bedroom

Nan idanuwanta suka faɗa kan damin kuɗaɗen da suke ajiye a saman gado a cikin wani ƙaramin jaka, an barbaza su da alamu ƙirga su yake yi, nan da nan zuciyarta tayi wani fari idanuwanta suka fito waje, haka take zazzare su a kan kuɗin cikin farin ciki a ranta, har wani lanɗe baki take yi ta shagala da kallon kuɗin sabida tsaban taga abun da ke faranta mata, masu kuɗin rana kenan, masu sanya Arab shiga shauƙi, a duniyar nan babu abun da ke faranta mata, babu abun da ke saka ta cikin tsantsan farin ciki da walwala irin kuɗi, tana son kuɗi fiye da komai, zata iya yin komai don su, su kaɗai ne soyayyarta, babu abinda take yiwa biyayya sama dasu

Sai da Alhajin ya juyo yana kallonta don har ya kai bakin toilet ɗin ya buɗe mata ƙofa, sai ya juya ya ga bata biyo shi ba, nan ya hange ta tsaye idanuwanta na kallon wajen gadon shi, sai yace, "Baby taho mana, me kika tsaya yi?"

Da sauri ta dawo cikin hayyacinta tana wayancewa ta ɗauke kanta tana kallonsa; sai ta saki wani malalacin murmushi wanda iyakan shi saman laɓɓanta, har wani sanja tafiya tayi wajen ƙarisowa wajen sa tana wani rangwaɗa kamar zata karye

Lokaci ɗaya kuwa ta janye hankalinsa sai ɓashe baki yake yi, ya kama mata hannu suka shiga toilet ɗin ya haɗa mata komai na ruwan, sai kai mata cafka yake yi sabida ganin har ta cire kaya a gaban shi, ya kasa jurewa ya soma ƙoƙarin shige mata yana shafa ta

But sai ta hana shi ta nuna masa, "yayi haƙuri tayi wanka yanzu zata fito, komai nata nashi ne sai yanda yayi da ita." Daƙyar ta turo shi waje ta rufe ƙofan. Nan fa hankalin ta ya dawo kan kuɗin da ta gani, lokaci ɗaya ta waro fararen idanunta waje tana washe baki, a fili ta furta, "Wayyo Allana! Kakata ta yanke saƙa, da alamu na zo gidan kuɗi, Wayyo daɗi." Ta ƙare maganar tana facal-facal da ruwa cikin farin ciki, sai kuma ta dakata tana sakin ƙayataccen murmushinta me kyau, yayinda ta saki huci tana cije leɓen ƙasan bakinta, a ranta kuma tana tunanin yanda za'a yi ta wanke mutumin son ranta, "Allah yasa mai sakin hannu ne, yo ko ba mai sakin hannu bane dole sai na wanke shi, meyasa ma bazan sace kuɗin ba kawai in gudu?" Ta furta tana wulla idanuwanta zuwa ƙofa, shiru tayi tana tunani, sai kuma ta tamke bakinta tana sakin killer smile da ita kaɗai ta san ma'anar sa, "Yes, haka zan yi". Still ta furta tana ɗaukar soso ta soma goga sabulu cikin farin ciki a fuskarta.




  

*Please share and follow me on Wattpad UmmuDahirah*
[18/07, 10:07 am] OumƊahirah نفيسة: 🌍🌍🌍🌍🌍🌍

    *RUƊIN DUNIYA!*

🌍🌍🌍🌍🌍🌍


*NA_NAFISAT ISMA'IL LAWAL*
_UMMUDAHIRAH_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

*P.W.A✍️*










_________________________

*BABI NA GOMA SHA ƊAYA*

_______________Wankan tayi ta fito ɗaure da towel da ta gani a rataye a toilet ɗin, sai dai tana fitowa idanuwanta suka faɗa kan gadon but babu Jakar kuɗin, tuni ya kwashe kayan shi ya adana, tsaki ta ja tsaban takaici, tana nan tsaye ta ji motsin shi zai shigo, sai tayi saurin nufan dressing mirror tana zama

Yana shigowa ya hange ta zaune, sai ya taho wajen ta; baki a washe yana cewa, "Baby ga abincin an kawo miki."

Murmushi tayi masa tana kallonsa da cewa, "ok bari in shirya sai in fito."

"No Baby kinga yanda kika yi kyau a haka? Wlh na rikice ba na jin zan iya jira har wani lokaci, a hannu nake babyna ki gane mana." Sai ya sa hannu ya ɗago ta yana haɗa ta da jikinsa, tare da kai mata sumba cikin ƙwarewa yana sake cewa, "mu je a haka ki ci abincin a hannu nake Baby, zan fi jin daɗin ganin ki a haka."

Murmushin yaƙe tayi tana kawar da kai sabida yanda taga yana lashe ta kamar maye, da alamu mayen ne wannan bazai ɗaga mata ƙafa ba, a ranta tace, "banza kawai, mutum ko fasali." But babu yanda ta iya haka ta bi shi a haka suka wuce Falo

A saman cinyoyinsa ya ajiye ta; ya hana ta yin komai sai shi da kansa yake mata, abincin ma a baki ya bata sai shafa ta yake yi kamar zai cinye ta. Tun daga wajen wasan ya soma canzawa

Ita kanta Arab sakin jiki tayi sosai ta jiyar dashi daɗi, ai kuwa ta sha ihu sosai, sai sambatu yake mata, tun tana jin daɗin abun har ta gaji tsaban ya ƙi ƙyale ta, ga shi yayi mata girma da yawa, sai can da dare ya tsala sannan ya haƙura da ita, daga nan barci ya ɗauke shi kamar kasa. Tsaki kawai ta ja ta miƙe ta shiga toilet tayi wanka don baza ta iya zama da najasa a haka ba, alwala tayi ta rama sallolin da ake bin ta sannan ta soma neman inda zata samu kuɗin shi, ta tabbata idan ta gani sai dai ya neme ta a daren ya rasa guduwa zata yi, but duk neman da tayi bata samu damar gani ba, da alamu ya rufe su a cikin drower ne kuma ya ɓoye keys ɗin. Duk ta duba bata samu ba dole ta koma ta kwanta

Da asuba ya sake damun ta sai da suka ƙara yi, ta gane Mutumin shegen maye ne ba ya gajiya ko kwana zasu yi, duk da itama ɗin ƙwaruwa ce a harkan amma sam shi Mutumin ne bai yi mata ba, ga shegen girma da yake dashi da nauyi, shiyasa duk ya dame ta, amma haka nan ta haƙura take biye mishi suna shan Love; sabida ko a ranan sai da ya tura mata 100k a account. Sai murna take yi kamar zata haɗiye shi don daɗi

Shi kuwa murmushi yayi yace, "ai wannan ma kaɗan ne Baby in har za ki kasance dani a duk sanda nake so, ban taɓa jin daɗin Mace kamar yanda nake jin ki ba Baby, gaskiya ke ta musamman ce, zan so mu kasance a ko yaushe domin zumar ki yana ruɗa Ni, ba ki da matsala da kuɗi Baby ko nawa ne zan kashe miki."

Daɗi ne ya ratsa ta, sai ta sake shigewa jikinsa cike da kissa tace, "nagode Yallaɓoi, gaskiya naji daɗin samun ka nima Alhaji, Ni bani da damuwa idan har zaka sakar min kuɗi ko meye zan yi maka, bazan taɓa guje maka ba, ka saka a ranka Ni Arab taka ce sai yanda kayi dani ya Alhajjjj." Sai ta ja sunan kamar ta sha yaji tana kai harshenta saman bakinsa ta soma lashewa har zuwa saman hancin sa, inda tafukan hannun ta ke tallabe da fuskar tashi; tana mishi salo da zara-zaran ƙumbunan ta

Ai kuwa kamar ta tsokano shi nan ya sake ƙanƙame ta yana laluba ta cike da tsantsan sha'awa. "Baby za ki kashe Ni don daɗi, ke ta musamman ce, ki faɗi duk abun da kike so ni kuma a shirye nake da in miki babyna."

Sai da ta haɗe bakin su waje ɗaya ta tsotse shi son ranta before ta ɗago tana kallonsa, cikin farin ciki tace, "Allah ko Alhaji na?"

"Eh mana faɗa min duk abun da kike so zan yi miki in bai fi ƙarfi na ba."

Wal tayi da idanu cikin salon son burge shi tace, "Alhaji so nake yi ka siya min Mota sabida shi ne kaɗai burina yanzu."

"Mota kaɗai?"

Murmushi tayi masa tana kaɗa mishi kai tare da lumshe mishi idanu

"Kin samu, baza ki koma gida ba sai da motan ki, zan sa a zaɓa miki mai kyau mai tsada, ko kuma zamu je ki zaɓa da kanki."

Wani irin ihun murna ta saki tana ƙanƙame shi, ta hau mishi kissing ko ta ina, nan fa wasan ya sauya lokaci ɗaya ta soma shayar dashi madaran soyayyarta mai tsananin garɗi da tsayawa a rai

A ranan wuni suka yi shayar da junan su daɗi ko nan da can basu fita ba. Dayake shima Alhaji babu inda zai je yau, haka suka wuni yin abu guda ɗaya

Tabbas ya tabbatar Arab ƴar duniya ce kuma gogaggiya ce a wannan fannin, har manta kansa yake yi tsaban shauƙin da yake shiga, yana mamakin ƙaramar yarinya kamar wannan ta san kan harka, yanda zata tafiyar da Mutum cikin salon ta mai tsayawa a rai. Sun sha soyayya a ranan ko rabuwa na minti ɗaya ba sa iya yi sai idan abinci zasu ci

Washe gari ma haka suka ɗaura suna manne da juna, sai da yamma ne ma ya fita sabida akwai inda zai je, but kamar ya shekara sabida yanda Arab ta tsaya mishi a rai, ta san kan lagwon namiji wanda idan har ta kama mutum to zai yi wuya ya manta ta, daɗin ta ya wuce misali ta san yanda zata iya tafiyar da namiji, irin su Arab ne idan aka same su a yawon duniya to Matansu ta banu, domin babu wani namijin da zai iya rabuwa da su sai idan an haɗa da addu'o'i. Lokaci ɗaya ta rikita tsohon nan, haka yake ta zuba mata kuɗaɗe a account, kuma yace, "ta shirya su je ta zaɓi motan." Ai kuwa suka fita tare ta darzo na miliyan shida sabuwa fill

Kasancewar tace mishi, "bata iya mota ba."

Sai yace mata, "zai koya mata idan har zata zauna dashi."

Sai dai kuma bazai yiwu ba, dole tace mishi, "tana buƙatar komawa gida ko don jarabawan ta da zata yi wannan Mondayn."

Yace, "bata da matsala yana da hanyar da zai sa ayi mata, idan ma tana son kwalin S.S.C.E ɗin ne zai sama mata."

Murmushi kawai tayi tace, "no ya bar shi kawai, but zata zauna sai tayi mishi ko two weeks ne."

Bai so hakan ba amma yanda ta nuna mishi, "suna tare a ko yaushe." shiyasa ya haƙura zai barta ta koma nan da two weeks

A gida kuwa ko ɗarr Inna bata ji ba da Arab ta kira ta ta sanar mata, "Sai bayan sati biyu zata dawo." Bare yanda ta tura musu kuɗi gaba ɗayansu sun ruɗe sai murna suke yi

Baba ne kawai yake ta faɗa daga ƙarshe haka nan yayi shiru tunda babu yanda zai yi, baza a ji maganar sa ba, sai dai shiriya da yake nema musu, amma abun yana damunsa matuƙa a rai babu yanda ya iya ne, Inna ta gama mallake shi bazai taɓa iya magana ba

Arab kuwa na can Abuja an tare a wajen Alhaji, kullum da soyayyar da suke yi, ga shi har an fara koya mata motan kuma tana ganewa a hankali. Kullum da dare sai sun fita da Alhajin yawon shaƙatawa, a can ma sai da ta sake yin wani saurayin. Ana gobe zata tafi suka shiga super market da Alhajin ya dinga kashe mata kuɗi kamar hauka, kaf ƴan gidan su sai da tayi musu siyayya

Alhajin ya soma fita sabida kiran shi da aka yi a waya ya fita amsawa

Itama kuma tana tsaye wurin da ake ƙirga musu kaya, wayanta a hannu tana latsawa, long sleeve da jeans ne sanye a jikinta, sai flat Thoms a ƙafafuwanta, gashinta cikin ponytail. Maganar da mai ƙirga mata kayan yayi ne yasa ta ɗago kanta tana kallonsa, sai tace, "har ka gama?"

"Yes Madam."

"Ok." Ta miƙa masa ATM card ɗin Alhajin tace, "cire a ciki."

Yana ƙoƙarin amsa ne sai ya faɗi ƙasa, shiyasa ta duƙa don ɗauka. Dai-dai kan wasu fararen ƙafafu da suke cikin Black flat shoes suka sauka, inda shi kuma ya take ba tare da sanin sa ba sabida already ya ɗaga ƙafan sa ɗaya zai ajiye; ATM ɗin ya shige ya taka, ƙafafuwan ta bi da kallo sabida tsananin kyawun da suka yi mata, har ta so shagaltuwa a kai tare da tunanin ya mamallakin ƙafafun zai kasance? gaskiya Allah yayi halitta. Ɗagowa tayi da zummar tayi mishi magana ya ɗaga mata domin da alamu bai san ya taka ba ma. Sai karaf idanuwanta suka haɗe dana Doctor Aliyu, kallon kallo suka yiwa juna sabida dukkan su sun gane fuskokin juna, da sauri ta janye idanuwanta saboda irin kallon da yake sakar mata, sam ba ta ƙaunar haɗa ido dashi musamman yanda idanuwan nasa suka kasance wani iri ga su kalan Brown, sai ta ɗan yatsina fuska tana ci je baki da cewa, "excuse me! ka ɗaga ƙafarka zan ɗauki ATM."

Bai ce komai ba ya matsar da ƙafar yana bin ƙasan da kallo

Ita kuma tuni ta sake duƙawa ta ɗauka ta ba wa mutumin. Sai ta kawar da kai bata sake kallon inda Aliyu yake ba

Shi kuwa yana tsaye shima riƙe da kwandon da yayi siyayya a ciki. Fuskarsa babu walwala shima bai sake bi ta kanta ba, sai dai a ranshi mamakin ganinta a nan ɗin yake yi, but mamakin sa ya ƙare a sanda Alhaji Bashir ya zo wajen ta yana kiran ta da Baby yana tambayar ta, "ta gama ne su tafi?" Yana jin amsar da take ba shi, sai ya taɓe baki a ransa yace, "No wonder, ai ba abun mamaki bane don naga Karuwa a nan." Sai ya ja dogon tsaki yana ɗaura kwandon kayan shi ganin sun matsa daga inda suke

Arab tana jinsa, har sai da ta juyo ta dube shi, hakan yasa suka haɗa idanu ya balla mata harara fuskarsa babu ko ɗigon fara'a, kasa ramawa tayi don abun ma mamaki ya bata, "lallai wannan mutumin." Ta furta a laɓɓanta ba tare da ta san zai fito fili ba

Alhaji Bashir da ya ji kamar tayi magana, sai yace, "Baby are you talking to me?"

"No ba da kai nake yi ba." Ta furta tana sakar mishi murmushi

Cewa yayi, "su tafi."

Sannan ta bi bayan shi suka fice ma'aikata na kwashe musu kayan

Aliyu kuwa da harara ya raka su yana sake haɗe rai, ji