You Cannot Download this book untill you login but you can read it .

---

Login Register

irin feelings ɗin da bazai iya misaltuwa ba, sauke hannunta tayi saman fuskarsa tana zagaye mishi ƙaramin sajen sa da faɗin, "mene ne aibun shiga na after all you know I didn't start today? Ina da tarin samarin da kai ka san cewa ba kai kaɗai bane, Ni allura ce a cikin ruwa har yanzu mai rabo bai ɗauka ba, kuma shigana ba shi ne zai sa ka rasa Ni ba..." Sai ta ja wani irin numfashi tana hura mishi iska a kan fuska, inda ta ɗaga kanta sosai tana kallon cikin idanuwansa cikin wannan shu'umin murmushin nata ta sake cewa, "abu ɗaya na sani, kai ne ka kawo Ni nan, don haka muna tare da kai a kodayaushe; I will never pay attention to anyone, ka kwantar da hankalinka sweetie ba na son ina ganin damuwa a kan fuskarka..."

Bata ida maganar ba ya haɗe bakin su waje ɗaya yana mata wani irin tsotso tamkar zai cinye mata baki; sabida kawai bakin nata ne ya fi ɗaukar mishi hankali a time ɗin

Duk yanda ta so ta ƙwace bakinta ta kasa haka ta bar shi yana ta sarrafa ta son ransa, ganin yana son wuce gona da iri ne sai tayi ƙarfin halin zare bakin nata tana kwantar da kanta a ƙirjinsa saboda baza ta iya tsayuwa da ƙafafuwanta ba a halin da ya saka ta

Shi kansa ya kasa haƙura shafa ta kawai yake yi yana sake ƙwaƙume ta kamar wacce za'a ƙwace mishi ita, a hankali ya raɗa mata cikin wani irin hali da yake ciki yace, "Baby mu fasa zuwa don Allah, ina tsananin buƙatar ki bazan iya fita a haka ba."

Zare jikinta tayi daga jikinsa tana shirin wucewa

Sai ya damƙo hannunta yana kiran sunanta tamkar zai yi kuka

Kallonsa tayi tana ɗan nazartan shi, sai kuma tace, "I don't run I am always with you, but I want to go to the party because I want to be there."

"So how do I do it? After all I want to be with you? I can't go out like that."

Guntun murmushi tayi tace, "idan Abokin ka kuma ya ji shiru fa? Kar ka manta ka zo nan ne don bikin sa sannan ka kasa halartan biki, and nima ka saka min rai Ina son zuwa wajen; because it will make me very happy."

"Shikenan zan haƙura." Ya furta yana lashe bakin sa, yayinda ya janyo ta kusa da shi yana ƙara cewa, "but you promise me we will be together today without sleep."

Fari tayi mishi da manyan idanuwanta tace, "kaima ka san hali na, Let's go time is running out."

Bai barta haka nan ba sai da ya sake laluba ta duk ya ƙarisa lanɗe mata lipstick ɗin bakinta before suka fice ba tare da ta sake saka wani ba

Sai a cikin mota ne ta sake shafa wani ta gyara kwalliyan nata. Yana ta mata ƙorafi but bata saurare shi ba har suka kai. Time ɗin ma an ɗauki mintoci da farawa.
[28/07, 9:06 am] OumƊahirah نفيسة: 🌍🌍🌍🌍🌍🌍

    *RUƊIN DUNIYA!*

🌍🌍🌍🌍🌍🌍


*NA_NAFISAT ISMA'IL LAWAL*
_UMMUDAHIRAH_

*SARAUNIYAR TSOKANAR PERFECT 🧝‍♀️*



PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

                  *P.W.A✍️*

       









_________________________

*BABI NA GOMA SHA BAKWAI*
_______________Yana tsayar da motan kiran Umar ya shigo, nan yake tambayar sa, "har yanzu basu zo ba an fara?"

Sai yace mishi, "ga su nan a waje, yanzu zasu shigo."

A tare suka fito suka shiga Hole ɗin da ake taron. Lokacin party yayi zafi ana ta cashewa gunun sha'awa, su kansu wurin ya burge su don an shirya wajen ya haɗu

But yawancin mutanen wurin sai da idanuwansu suka koma kan Arab domin ba ƙaramin burge su tayi ba, musamman yanda take wani karairaya cikin yanga da jan aji sai idanu ya koma kanta, ga rigan da ta sanya dashi da babu duk ɗaya

Tariq kuma yana manne da ita don ganin idanun mutane yayi yawa a kansu, ya san bazai wuce Arab ce ta tsole musu idanu ba. Ai kuwa suna zama Abokan Ango suka soma mishi tsiya wai, "aina ya samo wannan tsaleliyar?"

Dariya yayi yace, "da abata na zo ai, dama nace sai a nan zan gabatar muku da ita, ita ce wacce zan aura."

Farin ciki suka taya shi kowannen su ya kasa ɗauke ido a kan Arab, zuciyarsu cike da sha'awarta da tsananin birge su da tayi, sai dai babu daman faɗin abun da ke ransu tunda ga gwaninta a tare da ita, sai dai sun yabe ta suna ta mishi murna

Shi kuwa washe baki yake yi yana ƙara tarairayan abar sa. Komai tare suke yi cikin wayewa da nuna gogewan su

Musamman ma Arab wacce take sake shan ƙamshi tana karairaya. Har wurin Amarya ta je suka gaisa sai kallonta ake yi don majority idanun mutanen wurin yana kanta tunda sun samu t.v, shigan jikinta ya sa da yawan maza susucewa, babu Macen da suke gani idan ba ita ba, duk ta rikita su, sai ma lokacin da ta shiga rawa tana takawa tunda tana son rawa sosai. Zo kuga yanda ake liƙa mata kuɗi ana shewa

Sai da Tariq ya je ya janyo ta don kishi ya hana sa sukuni, musamman da ya ga ita kaɗai ake kallo, kowa idanuwansa na kanta, shiyasa ma yace, "gwara su tafi gaskiya." Haka suka koma masaukin su ba'a gama taron ba ma

Arab kuwa dariya kawai take mishi, don abun nasa ma dariya yake bata, idan tayi ninyar kula wani a wajen bai isa ya hana ta ba, sai dai duk a cikinsu babu wanda yayi mata ne, don ita ba ta harka da ƙananan mutane sai dai manya, ta fi son inda zata samu maiƙo sosai ba ɗan gutsiri ka tsoma ba, ita babbar Mace ce ba kowa yake iya shiga rijiyar ta ba sai mai Rabo, ta fi ƙarfin ƙananan Yara. Amma ganin yana son wuce gona da iri sai wani ciccin magani yake yi don haushi da kishi ke ɗawainiya dashi, sai ta taka mishi burgi da cewa, "ka ga Malam, Ni fa ba matarka bace da zakana min irin haka, Ni budurwan ka ce baka da ƴancin hana Ni kula wani idan na so, but abun naka yana son wuce gona da iri don na sanar maka ba na son takura. Please don't do this to me or we will get into big trouble."

Yanda ya ga ta tayar da jijiyar wuya ranta na son ɓaci sai ya koma bata haƙuri tamkar wani wawa, domin ko kusa ba ya ƙaunar ace sun ɓata har wani saɓani ya shiga tsakanin su, soyayyarta ta rigada tayi mishi zurfi a zuciya har ba ya son ganin ɓacin ranta. Dole ya lallaɓa ta daga nan kuma zance ya juya

Kusan ranan basu runtsa ba sai gab da asuba. Ƙarshe sai goman safe suka tashi suka yi wanka sannan suka rama sallan da basu yi ba, bayan sun karya ne suka wuce gidan Firdausi don Arab tace mishi, "tana buƙatar zuwa kafin su koma."

Ai kuwa tayi murnan ganinta don bata yi zaton zuwan nata ba, farin cikin ta ba ya misaltuwa, nan da nan ta tarbe su da lemuka da snacks sannan ta zauna suka gaisa sai kallon Tariq take Yi

Arab da ta kula sai tace, "oh! Ban gabatar miki dashi ba, saurayina ne."

"Allah Sarki!" Inji Firdausin tana murmusawa, duk da a ranta ta san cewa bazai wuce samarin ta irin waɗanda ta saba tarawa bane, don ta san halin ta, shiyasa tace, "yanzu tun daga gida ku ka zo nan gaishe Ni tare? Ko dai dashi ne za'a yi?" Ta ƙare maganar tana dariya

Shima Tariq murmushi kaɗai yayi yana sunne kai ƙasa

Ita kuwa Arab dayake ba kasafai take ɓoye gaskiya ba, abun da ke ranta shi ne a zahiri, shiyasa tace mata, "biki suka zo nan ɗin, kuma ba ta son ta tafi bata zo sun gaisa ba tunda Allah ya kawo ta garin."

"Biki? Bikin wane?" Firdausin tayi tambayar da mamaki

Tana kurɓan juice ta bata amsa da, "Abokin Tariq ne, shi ne na rako sa."

Shiru Firdausi tayi bata iya cewa komai ba illa kallon Arab ɗin da take yi

Ita kuwa tuni ta canza zancen nata ko a jikinta; ta mayar da hankalinta a kan Tariq tana ce mishi, "wai baza ka ci komai bane? Nan fa ba baƙon waje bane gidan Babbar Yayar mu ce, don haka ka saki jikinka ko Mijinta ne bazai hana ka abun da kayi ninya ba bare ita."

Tariq murmushi kaɗai yayi yana jinjina kansa; tare da mamakin halin Arab, kowa dai bata bari ba, a ɗan zamantakewar su ya soma fahimtar halin ta, ko meye a ranta faɗi take yi, ba ta da shakku ko tsoro, iskancin ta a fili ne ba ta tsoron uban kowa

Itama Firdausin bata ce komai ba jin abun da Arab ɗin tace, don ta san zata iya faɗan abun da ya fi haka tunda ba kunya ta cika ba, sai dai ranta babu daɗi sabida ganin Arab ɗin tare da saurayin ta wai sun zo biki, har yanzu baza su canza halin su ba, abun ya kai har Inna tana barin su zuwa wani waje da saurayi, "Allah Sarki Baba! Na san kana nan kana kwana da baƙin cikin Inna, Allah ya kawo maka mafita..."

"Wai Aunty lafiyan ki ina magana kin yi shiru?" Arab ta katse mata zancen nata ganin hankalin ta ya ɗauke tana magana bata ji ta ba

Da sauri ta dawo hayyacinta tana kallonta tace, "me kika ce ne?"

"To ina kuwa za ki ji kin zauna kina saka tunani a ranki? Ga ciki a gaba amma baza ki bar zuciyarki ta huta ba, shiyasa ciwo ke kwantar da ke, Allah dai ya raba lafiya mu kam zamu tafi."

"Tun yanzu Arab? Ki bari ku kai anjima ko Nafi'u zai dawo sai ku gaisa."

"A'a Aunty, yanzu zamu tafi tunda ba wani abin zai bamu ba, ki gaishe shi dai in ya dawo." Tayi maganar tana tashi tare da rataya gyalenta

Babu yanda ta iya tana ji tana gani suka yi mata sallama ta raka su har bakin ƙofa, sai da ta ga fitan su gidan before ta dawo ciki zuciyarta cike da fatan shiriya gare su.



             A ranan su Arab suka dawo Zaria, don tace, "baza ta kwana ba ta gaji, kewar ƴan uwanta take yi." Dole suka dawo gida cike da niƙi-niƙin kaya da ya kashe mata kuɗi.








✳️✳️✳️✳️✳️✳️✳️✳️



           Su Malik duk yawon da suka yi don neman Arab but basu yi nasara ba, domin kuwa duk inda suka nausa sai sun nuna hoton ta ko zasu dace, duk da ita ba ɓoyayyiya bace don babu wanda bai san su ba a arean su, amma kasancewar ba wurin suka yi ba basu samu waɗanda suka santa ba, wasu kuma sun nuna sun santa sai dai basu san gidan su ba, sai dai a fuska sun santa har sukan ce, "suna yawan ganin su ta nan. Ko a waje kaza". Dole ba don sun so ba suka dawo gida tunda kwanan su biyu a Zaria, shiyasa suka koma Abuja da zummar bayan wani lokaci sai su sake komawa tunda gobe Monday ranan aiki ne

Sai dai kuma baƙin cikin sa tunda suka koma gida Abban su yace, "za'a tsayar da maganar auren sa da Nawwara, dama ya gaji da ganin su haka nan basu yi aure ba, don haka ya yanke shawaran dukka zai yi musu aure har Zainab itama ta fito da mijin."

Farin ciki wajen Nawwara ba a magana, kamar ta zuba ruwa a ƙasa ta sha, duk wanda ke tare da ita ya san tana murna da wannan albishir ɗin da Abba yayi musu

Shi kuwa gogan ko kaɗan ba ya farin ciki, bai san dalili ba amma ko kusa ba ya son Auren yanzu, amma kuma babu yanda ya iya don ko a fuska bai nuna yanda za'a fahimta ba

Tunda aka tsayar da rana nan da wata ɗaya sai Nawwara ta matsa mishi, "sai sun yi party."

Babu yanda ya iya ya biye mata suka shirya gagarumin taro a gidan su Malik ɗin, kuma duk ƴan uwa sun zo komai an tafiyar dashi cikin girma da arziki

Zainab ma an tsayar da ranan auren nata duk tare za'a yi, wani Ustaz ta samu zata aura don dama ya jima yana neman ta, tunda ta yiwa sauran Samarin ta maganar auren suka gudu don babu wanda yake fatan ta zama matar shi, Macen da suka gama sani a waje ita ce zasu aura? Haka suka guje ta kuwa kowa ya ƙi auren ta, don haka ta dawo ta lallaɓa Ustazun da ya nuna yana ƙaunarta ba tun yanzu ba amma kullum wulaƙancin yau daban na gobe daban, tayi mishi cin kashin duniya but ya ƙi haƙura da ita ya nace mata

Shiyasa a sanda ta sanar mishi yayi farin ciki matuƙa, bai taɓa zaton zai iya samun ta ba don ya cire rai, sai dai zuciyarsa ne ta hana sa rabuwa da ita, sai ga shi Allah mai jin roƙon bawan sa ne ya tabbata addu'ar da yake yi ne Allah ya amsa mishi, cikin murna ya sanar da iyayen sa suka je nema masa auren ta, aka sanya rana wata ɗaya tare da na su Malik. To Allah yasa yana da abun yi don Malamin secondary ne kuma har da islamiyya yana dashi, yana samun kuɗi ta hanyoyi daban-daban a sana'ar sa don baza a ce mishi talaka ba, har gida yake ginawa

Amma dai Zainab tayi kuka sosai tunda har ga Allah ita ba ta ƙaunar Ya Sheikh; wanda ɗalibansa suke kiran sa da haka. Amma kuma haka nan ta ɗauki shawaran ƙanwarta Ikhlas wanda tace mata, "ta fito dashi kawai tunda ta rasa wanda zata nuna, idan ba haka ba Abba bazai bar maganar ba tunda har yace mata ta fito da Miji."

Shi matsalar sa ba ya magana biyu, idan zai yi abu yana yin shi ne a lokacin da ya yanke, kuma babu wanda ya isa ya sauya mishi zance, idan ma bata fito dashi ba zai iya zaɓo mata wani a ƴan uwa tunda ya sha yin zancen, "shi yana son auren zumunci." Shiyasa auren Malik da Nawwara ya fi komai faranta mishi. Ya so ace su ma su Zainab sun samu mai son su a cikin ƴan uwa, don wani lokacin har kwatance yake yi, "da ace wane zai nemi Zainab; ko wane da wane." Ire-iren maganar nan yana yawan yin shi

To itama ta so hakan a yanzu, sai dai kuma ta san halin su duk a cikin wanda yake lissafowa babu wanda bai kama ta a club ba, duk sun san halin ta shiyasa suke yaɓa mata magana ba sa shiri da ita ko kaɗan, maganganun ɓatanci da musguna wa shi suke jifan ta dashi, ta san duk sanda ta sake ta faɗa gidan ɗaya daga ciki kashin ta ya bushe, gwara ta lallaɓa Ya Sheikh tunda ta san yana ƙaunarta, ga shi kyakykyawa ba shi da wani makusa, kawai dai Allah bai sa mata soyayyar shi a zuciyarta bane, amma gwara shi sau dubu a kan su tunda shi bai san tana da wannan halin ba

Shiyasa tunda aka sa ranan suka soma gyara ita da Nawwara. Ita Nawwara nata mai sauƙi ne tunda wanda zai aure ta ya san wace ce ita sannan kuma tare suke iskancin su. Amma ita Zainab ita ce a tsaka mai wuya, tunda zata shiga gidan da ba'a san tana aikata zina ba, ya Sheikh bai taɓa sanin wannan mummunan halin nata ba, Nawwara ta kaita ta baro ga shi ita damuwar abun da zai biyo baya ya cika ta, tun ba'a je ko ina ba samarin ta sun guje ta ina ga tayi auren? Da wanne idon zata kalli Ya Sheikh ta sanar mishi ba ta tare da budurcin ta?

Ganin ta damu sai Nawwara tayi ta kwantar mata da hankali tana nuna mata, "babu wani ganewar da zai yi, idan aka je aka ɗinke ta ta ci gaba da shan magungunan mata nan da nan zata haɗe, duk da lokaci ƙanƙani ne amma ya ishe su ta gyara kanta ciki da bai bazai taɓa ganewa ba, abu ɗaya kawai zata yi ta nisanci kowanne namiji daga yanzu, ita kanta itama baza ta tafi gidan Malik a haka ba sai ta matse ta koma budurwa, zai sha mamakin ta."

Shiyasa suka shirya suka tafi asibiti aka ɗinke su kuwa. Suka soma shan magunguna kala-kala duk don su matse

Wannan dalilin ne hankalin Zainab ya ɗan kwanta ta saki jikinta tunda tana ganin an sami solution ɗin matsalarta.

     





Please share and voted 🙏
28/July/ 2022.
[29/07, 8:33 am] OumƊahirah نفيسة: 🌍🌍🌍🌍🌍🌍

   *RUƊIN DUNIYA!*

🌍🌍🌍🌍🌍🌍


*NA_NAFISAT ISMA'IL LAWAL*
_UMMUDAHIRAH_

*SARAUNIYAR TSOKANAR PERFECT 🧝*




*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

                  *P.W.A✍️*

  









_________________________

*BABI NA GOMA SHA TAKWAS*
_______________Tun dawowar Arab Alh. Bashir ya matsa mata, "sai ta zo ta same shi." Har a cikin ranta ba ta son tafiya sabida yace mata, "yana Lagos ne yanzu haka." Amma kuma yanda yayi mata alƙawarin kuɗi har wasu ya tura mata ta account shiyasa duk ta ruɗe ta amince mishi

Already yanzu motanta dukkan su suke hawa, tare da su Zahra ake koya musu kuma duk Ibrahim yake koya musu, ko a sanda take Kaduna yana fita tare da su Zahran ya koya musu, da ta dawo kuma sai suke fita tare, yanzu ita hannunta ya faɗa duk da ba wai sosai ta iya ba, amma ta fi su Ummu since ita an daɗe da soma koya mata. Yanzu haka ta samu wurin ajiye motanta don ba ta ƙaunar ajiye ta a waje dama, yara suna taɓa mata duk da ba ta ganin su but idan ta zo ta duba sai taga alamun ana taɓa mata, shiyasa tayi tunanin kai ajiya gidan wata Amarya da aka yi a layin su, kasancewar duk layin babu wani gida mai Gate sai sabon gidan da aka yi, sun tare kusan sati ɗaya kenan, a gidan motan take kwana yanzu; tunda ta je ta tambayi Matar gidan, "zata riƙa kawo motan idan babu damuwa?"

Ai kuwa ta amince mata don yarinya ce itama Amaryan baza ta wuce sa'ar Zahra ba, amma kuma kasancewar Arab ta shiga ranta lokaci ɗaya suka yi sabo da juna, har da su Zahran ma suna zuwa gidan suna gaisawa

Kuma Mijin ba shi da matsala bai hana su ba tunda dai akwai filin ajiyewa, duk da yana jin raɗe-raɗin mutane da suke hana shi barin Matar shi tayi mu'amala da su Arab, ana yawan faɗa mishi, "karuwai ne kawai zasu ɓata mishi Mata ne, gwara ya raba su tun wuri." To shi dai bai hana su ba tunda suna gaisawar mutunci suna mishi kirki, ya dai ja kunnen Matarsa tayi hankali da su duk da yana ganin yanayin su da shigan da suke yi sam ba na masu tarbiyya bane, amma kuma wannan ba shi ne dalilin da zai hana taimaka musu ko ya hana matar shi mu'amala da su ba, idan za'a yi zaman lafiya shikenan, idan kuma abun zai juye a samu matsala sai ya ɗauki mataki

Ita dai Arab tunda ya amince ya bar su suna ajiye mota hakan ya fi mata komai daɗi, idan zasu hau suna zuwa su ɗauka, kuma baza su mayar da ita gidan ba sai dare. Koda ta tashi tafiya Legos ba da motan tayi ninyar tafiya ba, zata bi jirgi kamar yanda Alh. Bashir ya turo mata kuɗin da zata biya, ai wannan abun ba ƙaramin faranta ran Arab yayi ba, wannan ce rana ta farko da zata hau jirgi a rayuwarta, farin cikin ta ba ya misaltuwa, tana ganin girman ta da matsayin ta ya ƙara ƙaruwa

Dayake Inna ba ta hana su duk abin da suka yi ninya, bata damu ba da Arab ta sanar mata tafiyan, farin ciki ma tayi sabida jin zata koma wajen Alhajin nan, ta san zasu samu tagomashi ne shiyasa take murna, tunda duk abun da za'a ce kuɗi to magana ta ƙare, duk ita suka biyo ta koya musu son kuɗi da neman sa ko ta halin ya ya ne

Ranan Alhamis suka yi sallama da Tariq don a can gidan shi ma ta wuni. Yana ta mata ƙorafin tafiyan duk da bai san me zata je yi ba, kuma ta ƙi sanar mishi tunda ba kasafai ta cika ƙarya ba, ƙiri-ƙiri zata bayyana wa Mutum, "ba hurumin ka bane." Idan kuma zata faɗa maka to kai tsaye zata sanar maka don babu ɓoye-ɓoye a tare da ita, sai idan ta so ne take iya yin ƙarya, amma komai nata ƙuraratan ne don ba ta shayin ko waye ne

Shi kansa ya san halin ta a wannan ɗan ƙanƙanin lokacin da suka yi, shiyasa bai ja zancen ba tunda ta ƙi sanar mishi, kuma ya buƙaci, "zai bi ta can ɗin, su je tare."

But tace, "a'a ba ta buƙata."

Dole ya ƙyale ta suka sha love ɗinsu, sai dare ya mayar da ita gida

Washe gari kuma ta wuce Kaduna daga can ta hau jirgi zuwa Legos. Ta sauka da la'asar; kamar yanda wancan suka zauna a hotel wannan ma a can ne masaukin su. Gaskiya ta ji daɗin zuwa Legos ɗin don ba kaɗan ba rayuwar can yayi mata daɗi, irin rayuwar da take so kenan, shiyasa kullum sai sun fita, ko basu fita da Alh. Bashir ba zata fita ita kaɗai, a haka ne yasa ta samu friends irin gogaggun ƴan duniya asalin karuwan can, don har club take zuwa a can ta haɗu da su, zamanta a can ɗin ya sa ta sake wayewa idanuwanta sun buɗe sosai. Shiyasa bata so suka bar can ɗin ba sabida zaman yayi mata daɗi, musamman yanda suke fita outing da Abokanan ta, ga samari ƴan duniya masu hannu da shuni da ta sake cin karo da su. Kwanan su goma sha biyar suka wuce Jigawa, duk da ta so komawa gida amma Alhajin ya hana ta komawa, sai da ta ci kuɗi sannan ta amince mishi suka tafi

Koda suka je can ɗin ma kullum cikin hutawa suke da Alhaji tunda kullum yana gida suna manne da juna, sai yayi kwana biyu ma bai fita ba tunda meeting ya zo yi dama, kuma meeting ɗin ya ƙi ƙarewa ana ta cin lokaci

A ɗan wannan satikan da Arab tayi cikin hutu da jin daɗi ba ƙaramin canzawa tayi ba, ta sake yin ƙiba ta murmure hutu ya zauna mata tunda tana jin daɗi sai abun da tace tana so, bata da damuwar komai kullum cikin hutu take, sai dai ta aika wa su Inna da kuɗaɗe su ma su dangwali arziƙi

Babu abun da ya shalli Inna tunda burin ta ya cika, suna samun kuɗi sun fi ƙarfin komai, har kayan ɗakinta ta canza komai da komai, aka soma gyaran gidan ana ta canza filasta da penti, duka har su Ummu duk babu wanda ba ya taimakawa tunda su ma suna samun kuɗin samarin

Baba dai nashi ido ne tunda yanzu ba sosai yake fita wajen suyan nashi ba sakamakon jikin sa babu wani daɗi, ba komai yake tsinana musu ba domin shi kansa sai Inna ta dafa ta ba shi ya kan samu

Shiyasa kullum cikin gori take mishi, tayi ta tsiya bakin ta ba ya shiru ko kusa ba ta tausayin shi, wai, "kullum a haka zai ƙare zuciyarsa ta mutu yana gida ba ya tsinana musu komai sai dai ya ci, shi bai ji kunya ba ma ace Matarsa ce take ciyar dashi ko Yaranshi?"

To ta fi ƙarfin shi ba ya da bakin ma mayar da martani tunda ya san halin ta, amma kuma yanzu dai yana ɗan lallaɓawa ya fita ko ya ya ne ya samo duk da nashi ba a bakin komai yake ba, idan ma ya bata kuɗin sai dai ta amsa ta ajiye ba dashi zasu yi girkin ba

Ta kance, "uban me wannan kuɗin zai yi musu? Ta dai amsa don raba mugu da makami ibada ne; amma ba don wai zata yi amfani dashi ba."

Wannan jaraba na Inna Harira kullum gaba yake yi kwata-kwata ba ta tausaya wa Baba, duk wani ciwo ma da yake yi baƙin cikinta dana Ƴaƴanta