You Cannot Download this book untill you login but you can read it .

---

Login Register

san shi ba, amma Ni kallo ɗaya na gane waye shi, ba kalan Mazan nan da kike tunanin za ki samu cikin sauƙi bane, ban ba ki labari ba ma? Zuwana Abuja da nayi sai da muka haɗu a wani ShopRite."

Zahra cike da ɗoki tace, "haba dai? Don Allah da gaske?"

"Zan miki ƙarya ne?" Arab ɗin tafaɗa tana hararanta

Kafin Zahran tayi magana; suka ji sallaman Yaro yana ta kwaɗawa ko jingirta wa ba yayi

Hakan ne yasa Arab ta ƙunduma mishi zagi tana cewa, "dan uwarka ba kaga mutane bane kake mana ihu aka? Uwar me ka zo yi?"

"Wani ne ya aiko Ni a waje, wai ana kiran Arab."

Arab tace, "wane ne? Kuma a me ya zo?"

"A mota ne."

"Ok. Je ka kace ga Ni nan."

"To." Ya amsa da sauri yana juyawa

"Bari in je in duba waye ne, duk da ban yi da wani zai zo ba. Ina zuwa." Sai ta ajiye wayan tana miƙewa tare da zura slippers ɗinta da ke wurin, ta zari mayafin Zahra da ke jikinta ta rufe kanta kasancewar babu komai, daga ita sai doguwar riga Robber brown color; ta fice ta nufi waje. Tana fita ta hangi wata dalleliyar mota har wani sheƙi take yi tsaban kyawu da sabunta, da kallo ta bi motan tamkar idanuwanta zasu faɗo, zuciyarta tana me aiyana, "waye wannan?" Nan da nan sai ta sauya tafiya ta nufi motan kanta tsaye babu ko tsoro bare tunanin wani abu, yayinda ko ƙyafta idanu ba ta yi wajen kallon motan da santin da take yi har da haɗiyar yawu.
[01/08, 8:53 am] OumƊahirah نفيسة: 🌍🌍🌍🌍🌍🌍

     *RUƊIN DUNIYA!*

🌍🌍🌍🌍🌍🌍


*NA_NAFISAT ISMA'IL LAWAL*
_UMMUDAHIRAH_

*SARAUNIYAR TSOKANAR PERFECT 🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

                  *P.W.A✍️*










_________________________

*BABI NA ASHIRIN*
_______________Koda ta isa wurin motan sai da ta gama zagaye ta har tana leƙe-leƙe, sai dai ba ta ganin kowa sai na ciki ne zai ganta

Tana cikin dube-duben ne wani matashin saurayi ya fito daga ciki yana murmusawa tare da yin mata sallama

Ta amsa tana kallonsa tare da ƙare masa kallo, "lafiya Malam? Kai ne kake kira na?" Ta furta da mamaki sabida ganin yanayin saurayin kuma a cikin wannan motan, wacce a ƙiyasinta duk da bata gama sanin ire-iren waɗannan tsadaddun motocin ba; amma tabbas wannan zata iya kai wa miliyan takwas ko goma

Saurayin ne ya sake magana sabida ganin tayi shiru hankalin ta ma ba ya wajen sa

Hakan ne yasa ta ɗan yi firgigit tana ɗan waro kyawawan idanuwanta a kansa, tare da ƙirƙiro wannan Shegiyar murmushin nata tana cewa, "ina jin ka Malam, mai kace ne?"

Murmushi yayi yace, "ba suna na Malam ba, suna na Ahmad, kuma Ni ɗan saƙo ne wajen ki, aiko Ni aka yi."

"To fa. Wane ne ya aiko ka?" Tayi maganar tana ɗan gyara tsayuwar ta, tare da ƙara kafa mishi idanuwanta ko ƙyafta su ba ta yi

"Kar ki damu za ki sanshi ai, sai dai shi bai bani damar bayyana miki kansa ba, abun da ya aiko Ni kawai na zo yi, shi uban gidana ne shi ne yace in kawo miki wannan." Sai ya buɗe motan ya ɗauko wata ƙatuwar jaka ja mai kyau da burgewa a ido, ya zagayo yana miƙa mata

Ta saka hannu ta amsa tana bin Jakar da kallo, kana kuma ta mayar da kallonta gare shi

While shima idanuwansa a kanta yana cewa, "wannan shi ne saƙon, sannan akwai waya a ciki idan kika kunna za ku iya magana a ciki don zai kira ki." Sai ya miƙa mata key ɗin mota ya ƙara da faɗin, "sannan wannan ma shi yace in ba ki, motan nan taki ce."

"Ban gane ba?" Ta furta tana zare idanu tare da shiga ruɗu da jin zancen nasa

Murmushi yayi shi kuma yace, "kar ki damu za ki gane ai, Ni dai abun da aka ce in Yi kenan, kuma na aiwatar da aiki na, Ni zan tafi sai kuma wani lokacin."

Da kallo ta bi shi har ya juya ya wuce a ƙafa, ta kasa motsawa sabida mamakin da ya cika ta tare da tunanin waye wannan? Wane ne ya aiko sa? Amma kuma tuna furucin sa na ƙarshe da cewa motan nan nata ne; tuni fuskarta ta sauya nan da nan ta washe baki ta soma zagaye motan tana shafawa, cikin wani irin farin cikin da ya tabaibaye ta har jikinta rawa yake yi ta juya gida da gudu. Tana shiga gidan ta soma kwaɗawa Zahra kira

Zahra da ke wurin inda ta bar ta tana shan waƙa, sai tayi saurin zare earpis ɗin da ta sanya saboda yanda taga ta sukwano wajenta a guje. "Lafiya mene ne?"

Arab ta kasa ma magana sabida yanda bakin ta ya ƙi rufuwa tsaban daɗi, sai yarfa hannu take yi tana son yin magana but ta gaza. Daƙyar ta natsu ta furta, "wlh na yi kamu.. na yi goshi.. na yi kasuwa ne ina tunani."

"Faɗa min mana me ya faru ne don Allah? Kin saka Ni a cakwakiya." Zahra itama ta furta cikin zumuɗi da son sanin abun da ya faru

"Mota... Mota... Mota ce wani ya kawo min Alkur'an, kin ganta ne kuwa? Wayyo Allana! Daɗi zai kashe Ni wlh." Tayi maganar cikin tsantsan farin ciki tare da tura mata Jakar tana cewa, "kinga har da wannan ya bani." Sai kuma ta soma ƙoƙarin buɗewa

Zahra na taya ta da faɗin, "wai wane ne? Waye zai ba ki mota?"

"Nima ban sanshi ba, amma yace min..." Sai kuma tayi shiru sabida ganin abun da ke cikin jakar

Gaba ɗayansu suka ɗauke wuta ganin wannan maƙudan kuɗaɗen da ke cikin jakar. A tare suka kama baki suna zare idanu

Hannu na rawa Arab ta sanya tana shafa kuɗin, yayinda take ɗauka tana mayarwa tare da zaro kwalin wayan da ke ciki. "Kuɗi.. kuɗi ne..." Ta furta cikin ihu da tsananin murna

Wanda hakan ne ya farkar da Ummu da ke cikin ɗaki, ta fito da sauri tana hamma da cewa, "wai ihun me ake yi ne a wurin nan?"

"Zo ki gani, zo ki ga abun mamaki." Zahra ta furta itama tana kai hannu kan jakar kamar zata taɓa sai kuma ta janye hannun, don ta tsorata da ganin wannan kuɗaɗen, don babu shakka ƙila ɗan yankan kai ne ya aiko mata da kuɗin

Itama Ummu zuwa tayi wajen tana durƙusa wa tare da zaro idanu tana mamaki da faɗin, "wannan kuma daga ina? Aina wannan kuɗin ya fito?"

"Wlh Arab ce, Arab ta zo da su." Zahra ta furta cikin tsoro

Arab tace, "Wani ya bani, nima bai faɗa min ko waye ba, yace min idan na kunna waya mutumin zai kira Ni, sannan ya bar min mota a waje yace nawa ne."

"Mota? Amma waye wannan?" Cewar Ummu cikin sake shiga mamaki, sai kuma ta miƙe tana cewa, "mu je mu ganta."

Zahra tace, "wai kun tabbatar ba ɗan cin kai bane? Kar fa mu shiga uku, Ni a tsorace nake wlh."

Tsaki Arab ta ja itama tana tashi da cewa, "ɗan cin kai kuma? Ke ana maganar arziki kar ki kawo mana ta tsiya mana. Uban ɗan cin kai ɗin." Sai ta dubi Ummu tace, "Aunty Ummu mu je ki ganta."

Suka fita a tare da sauri tare da barin kuɗin a nan wurin

Itama sai Zahran ta tashi ta bi su. Sun sha mamakin ganin zazzafan motan nan, tare da mamakin wanda ya aiko da su? Abun ya ɗaure musu kai; musamman da suka shiga ciki suka duba kuɗin wanda ƙiyasin su ya tabbatar musu da One million ne, sannan ga babban wayan da ke ciki ƙirar Samsung, har da simcard a ciki. Koda suka kunna babu komai a ciki bare su kira Number. Sun kasa kataɓus don a wurin suka zauna suka tasa kuɗin a gaba, kowa na kawo nashi tunanin a kan mutumin da ya aiko kuɗin

Ita Arab farin ciki kawai take yi, sai da ta tashi ta taka rawa don daɗi, ita a wurinta ko waye ne wanda ya aiko mata da kuɗin babu ruwanta ko ɗan cin kai ne wlh, kuɗi dai ya zo hannunta baza ta taɓa mayar wa ba, a kan kuɗi babu abun da baza tayi ba, burin ta ma kawai ta ga kiran Mutumin, don ta ƙosa ta san waye ne me yake nema a wajen ta? Me yake so ta ba shi? Amma shiru babu kiran sa

      
   
Har Inna ta dawo suka shafa mata wannan daddaɗan labarin, ai daɗi kamar ta zuba ruwa a ƙasa ta sha don babu wanda ya fi ta farin ciki, ita gani take yi ƴarta ne tayi goshi, duk yanda aka yi babban Mutum ne wanda ya aiko mata da wannan kuɗin, Shiyasa take ta sake musu huɗubar tsiya ta ci gaba da ɗaura su a kan keken ɓera, tare da sake ba wa Arab shawaran, "duk yanda za'a yi kar tayi sake da duk wane ne ma mutumin? Domin tana ji a jikinta arzikin su ne ya zo, tun yanzu ma sun tashi a sawun talakawa. Ai arziki kashi a wurin su yanzu."

Sai dariya suke mata sabida yanda take ta santi har tana kasafa kuɗin yanda za'a yi dashi

Ita dai Arab ta amshi dubu ɗari biyar a ciki ta ɓoye kayan ta, zuwa gobe zata kai banki ta zuba a account ɗinta. A ranan kasa barci tayi don daɗi, bata taɓa shiga farin ciki kalan wannan ba, Allah-Allah take yi mutumin ya kira ta don ta ƙosa sosai ta san waye shi? Amma shiru har safe tayi babu kiran shi. Tun tana zuba ido haka ta haƙura ta dena tasa wayan a gabanta; daga ƙarshe ta koma harkokin ta

Kusan ƙarfe biyu na rana suka fita da Ibrahim a sabon motan nata, sun sha yawo babu inda basu zaga ba. Sai yamma suka dawo gida suka rabu a kan zai dawo anjima su fita zuwa club. Akwai wani Abokinsa da suke party a can, bayan ya bata labari shi ne tace, "zata bi shi."

Da dare nayi kuwa ya zo ɗaukar ta. Ta ci wanka ta saka riga da wando matsatstsu tace ma su Inna, "zata je party da Bestyn ta." Haka ta fice babu wanda ya damu bare ya saka mata ido

Baba ma bai san da fitan ta ba tunda yana ɗakinsa a lokacin

A sabon motanta suka wuce zuwa club ɗin. Tun a waje za ka tabbatar da wurin babu ɗan kirki

Maza ne da mata suka cakuɗe kowa da shigan banza a tare da shi, daga masu shaye-shaye sai masu casu, haka wurin ke tashin kiɗa ana ta iskanci, duk ƴan duniya ne gogaggu mara sa tarbiyya su ke wurin

Yanda wurin ya haɗu kowa na harkan gaban shi ya burge Arab. Nan fa jikinta ya tsumu tunda ta ji kiɗan nan sai da ta shiga ta taka

Daƙyar Ibrahim ya janyo ta suka fice zuwa wajen Abokin nasa, a nan ya gabatar da ita a cikinsu

Duk babu wanda bai yabe ta ba a ciki yana koɗa kyanta. Sai dariya suke yi da nishaɗi, inda aka kawo musu kayan maƙulashe da su kwalaben giya kowa ya ɗauki abun da yake so

Har Deen wanda shi ne ya haɗa partyn yake zolayan Arab ganin ta ɗauki drink tana sha, yace, "ba girman ta bane shan drink kaɗai, ga win na irin su shi Yakamata ta sha."

Tayi murmushi tace, "no ba na buƙata gaskiya, wannan sai irin ku don ba ya burge Ni."

"Oh! ba ki san daɗi ba Baby Gaskiya, Ibson guy yakamata ka nuna mata fa'idan shan shi, akwai dad'i."

Dariya kawai Ibrahim yayi, dayake shi yana sha shiyasa yake ta kurɓan abun sa

To cikin wannan yanayin ne duk samarin wajen bayan sun fita cikin hayyacin su suka ja ƴan matan su suna ta holewar su

Ita dai Arab tana tare da Ibrahim suna zaune suna hira. Hankalin ta ma yana a kan waya tana chart, jefi-jefi suna hira da Ibrahim ɗin. Ganin dare ya tsala sosai tace mishi, "ya tashi su tafi."

Shi ne suka tashi suka yi musu sallama suka wuce. Time ɗin duk Ibrahim ya soma fita hayyacinsa don sai sambatu yake mata sabida giyan da ya kwankwaɗa

Abun da ta tsana kenan Arab ta ga Mutum ya shiga wannan halin, shiyasa sam giya ba ya burge ta don ba ta ƙaunar hankalin ta ya riƙa gushewa. Musamman yanda ta ga Ibrahim yana ta maganganun hauka, daƙyar ta tura sa a cikin motan ta shiga tana ƙoƙarin ja

Amma ya hana ta, ƙarshe janyo ta yayi jikinsa ya soma ƙoƙarin romance ɗinta, yana ta mata sambatu yana gaya mata irin daɗin da take dashi idan suna tare, sai lashe ta yake yi kamar wani tsohon maye

Haka ta biye masa tunda itama yanda take ji a lokacin gaba ɗaya ya tayar mata da tsumin ta. Sosai suka gogi juna kamar zasu cinye junan su, sai da kowannen su ya gamsu sannan ta tayar da motan suka wuce gida. A ƙofar gidan su tayi packing sannan ta taimaka mishi suka wuce gidan su Ibrahim ɗin, tana kai shi ƙofar gida ta dawo. A wani lungu ta ji an fizgo ta babu zato aka shige da ita cikin lungun, lokaci ɗaya aka danne mata baki sabida ƙoƙarin ihu da ta soma yi, cikin tsoro da firgita ta ɗaura hannunta a saman wanda aka ɗaura a bakinta tana ƙoƙarin cire wa, amma ina ta gaza sabida alamu ya nuna ba Mutum ɗaya bane masu kokawa da ita, suna ƙoƙarin danne ta a ƙasa zasu cire mata kayanta.
[02/08, 9:24 am] OumƊahirah نفيسة: 🌍🌍🌍🌍🌍🌍

     *RUƊIN DUNIYA!*

🌍🌍🌍🌍🌍🌍


*NA_NAFISAT ISMA'IL LAWAL*
_UMMUDAHIRAH_

*SARAUNIYAR TSOKANAR PERFECT 🧝*




*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

                  *P.W.A✍️*











_________________________

*BABI NA ASHIRIN DA ƊAYA*
_______________"Baaba wannan Shegiyar yarinyar nan ce fa ƴar gidan Iro mai kifi, shegiya tana ƴar hannu amma tana ƙoƙarin yin mana gardama, gwara ma ki tsaya mu mori rabonmu mu bar ki kafin ki ja muyi miki illa, banziya kawai." Ɗaya yayi maganar yana ƙara tale ƙafafun Arab da ta dage baza su buɗe ta ba

Samu tayi ta gantsara wa ɗaya cizo a hannun da ya rufe mata baki, ta kwatsa ihu tana ƙoƙarin fincike jikinta

Amma basu bar ta ba sai danne ta suke yi suna ta cikiniyar zare mata wando, ɗaya kuma ya matse mata nonuwa haka suke ta kokuwa da ita suna latsa ta

Daƙyar ta samu ta ƙwaci kanta don yanda suka shawu duk ƙarfin su ya ƙare. Tana ƙwace wa ta ruga aguje sai gida, sai da ta ji ta a cikin zauren gidansu sannan ta samu natsuwa ta tsaya tana nishi; don ba ƙaramin gudu ta sha ba. Wayanta ta zaro a cikin Aljihun ta tana dubawa, Allah yasa bata yi komai ba don ta fi jin wayan a kan komai, sabida sabuwar wayanta ne da aka bata, ganin bata yi komai ba sai ta saki ajiyan zuciya a fili ta furta, "wlh da sun ci kutmar uban su da wayan nan tayi wani abu, matsiyata tsinannu kawai." Ta ja tsaki cike da azaban da ke ratsa ta sabida yanda duk suka sa ta ƙuƙƙuje a garin ƙwatan kanta, ciki ta shiga ta wuce ɗakinsu don har su Inna sun kulle ƙofa, nasu ɗakin kuma an sakaye shi but ba'a rufe ba

Dukkansu babu wacce tayi barci sai chart suke yi

Tana shigowa ɗakin Ummu tace, "ashe za ki dawo? Nayi tunanin a can za ki kwana ai."

"Uhm ku dai bari, wlh daƙyar na sha."

"Me ya faru?" Suka tambaye ta a tare suna tashi zaune

"Ƴan iskan gari na samu suka so min fyaɗe, daga na je raka Besty gida suka tare Ni, wlh daƙyar na ƙwaci kaina har na hango yanda za su yi min."

Dariya suka saka mata su kuma

Inda Ummu tace, "kuma yanzu ƙyale su za ki yi? Sun raina miki wayau wlh, nan gaba ma za su sake kwatanta hakan in dai ba'a ɗauki mataki ba."

"Nima tunanin da nake yi kenan, but babu wanda na gane a cikin su wlh da a gobe a cell za su kwana, domin ƴan sanda zan kira musu, sai dai kuma yanzu bani da tabbacin waɗanda suka yi min wannan abun, amma dole zan ɗauki mataki."

"Gwara dai, don matsiyata ne mutanen nan, ta yiwu irin ƴan shaye-shayen nan ne da suke yawo kango-kango, da yanzu sun samu arhanki sun ci banza." Zahra tafaɗa tana dariya

While Arab ta tashi tana shinshina kayanta, tare da cewa, "ƴan iska tsinannu waɗanda uwayen su suka tsine musu, duk sun zuba min warin su dole sai nayi wanka wlh." Ta ja tsaki tana tuɓe kayan a wurin

Zahra CE kaɗai take bata amsa tana dariya

Ita kuma Ummu tuni ta mayar da hankalinta a kan wayanta ta ci gaba da abun da take yi

Sai da Arab tayi wanka sannan ta zo ta kwanta. Ta ɗauki wayanta itama ta hau net. A haka ta raba daren cikin chart da samarin ta, har su Ummu suka yi barci da daɗewa ita tana nan tana sana'ar nata, don in dai wajen chart ne ta ƙware sosai, yawanci duk sex chart take yi da su, wasu ma har video take musu ta tura musu, ko kuma ta ɗauki jikinta duk ta tura musu, ba ta wannan abun sai idan zata mori kuɗin ka, don ita a kan kuɗi babu abun da baza ta iya yi ba. Sai gab da asuba barci ya ɗauke ta

Babu wanda ya tashe ta tunda su rayuwar su kowa yana yin shi yanda yake so ne, babu mai takurawa wani

Shiyasa sai wajen goma ta farka, tayi wanka sannan tayi sallah, time ɗin ma su Zahra sun shiga school, ita dayake bata rigada ta koma makarantar ba duk da an koma tun last week. Yau ma haka ta wuni jiran kiran Mutumin nan amma shiru babu kiransa babu alamar sa, sai can da yamma ne ma ta samu saƙon sa, ta sha mamakin abun da ya rubuta

Wai, "ta jira saƙo yau da dare za'a kawo mata, kar ta tayar da hankalin ta shi mai sonta ne, amma zata san shi bada jimawa ba."

Daga haka babu abin da ya ƙara, kuma da ta kira Numban switch off ake ce mata. Duk ta sanar da ƴan gidan su suna jiran su ga abun da zai kawo

Ai kuwa sai ga Ahmad wajen ƙarfe biyar da mintuna araba'in, ya kira Numban ta tunda Ogan nashi ya ba shi, idan ya je sai ya kira ta. Ai kuwa tana fitowa suka gaisa faram-faram da shi, sannan ya bata takardun gida wanda ogan ya siyan musu a can GRA, yace, "su koma can da zama saboda bazai iya zuwa wannan anguwan ba, shi babban Mutum ne ba ya buƙatar sa ido."

Sun rikice da ganin gidan da aka kai su, don ita Inna ta kasa haƙura sai da ta tasa su suka je suka ga gidan tunda Ahmad yayi musu kwatancen gidan, kuma suna zuwa suka ga shi ne tunda da keys a hannun su. Babban gida ne makeke da ya ruɗa su ya saka su a wasi-wasi, suna tunanin wanne irin Mutum ne haka da yake kashe musu wannan maƙudan ƙuɗin? Me yake so a wurin su? Tsaban murna sun kasa barci a wannan ranan. Gari na wayewa suka ɗibi kayan su suka koma sabida zumuɗi

Har da Baba babu yanda ya iya dole ya bi su tunda sai abun da Inna tace, kuma bazai yiwu ya bar iyalan shi ba idan ma yace, "bazai je ba."

Ai kuwa ranan ƴan anguwa sun sha habaici da yaɓa magana wajen Inna, tana faɗin, "yanzu kuma sai su yiwa uban su tunda sun fi ƙarfin su yanzu, sun tashi sun bar musu anguwan, masu saka wa yaranta idanu sai suyi da uban su matsiyata, a haka zasu ƙare babu ci gaba, ita kuwa tayi musu fintinkau har abada baza su taɓa kamo ta ba, dama hassada ga mai rabo taki ce."

Babu wanda ya kula ta tunda sun san jaraban ta, ƴar hau ce yanzu sai rikici ya kaure tunda ba mutunci ta cika ba, kowa Allah ya kyauta yake cewa don son kuɗin Inna yayi yawa, suna mamakin hali irin nata

A wancan gidan da suka koma kowacce da nata ɗakin, kuma har da Toilet a ciki

Sai abun da yayi gaba yanzu a wajen Arab, ta ƙaro wulaƙanci tunda komai tana dashi, babu abun da masu kuɗi zasu nuna musu wanda su basu dashi, su ma sun tashi a talaka sun koma masu kuɗin waɗanda sun fi ƙarfin raini, ga motocin ta duk a gidan, ɗaya take hawa ta bar wa su Zahra ɗayan. Yanzu ko school ta dena zuwa don yanzu bata da lokacin sa ma, ba don lokaci ya ƙure ba da tuni ta zana S.S.C.E ɗinta tunda yanzu abun da tayi tunani kenan, but ta bari zuwa next year ɗin sai ta zana, yanzu komai kuɗi nayi ko bata je ba zata samu kwalinta a hannu shaidar ta gama school, yanzu iskanci a wajen ta sai abun da yayi gaba, ba ta kula ƙananun yara sai manya, kuma idan har zaka ganta a wuri sai irin manya-manyan wurin nan inda sai masu hannu da shuni suke zuwa, shiyasa yanzu samarin ta duk irin manya-manyan Alhazawan nan ne; sai dai ta ci kuɗinsu son ranta

Har yanzu suna tare da Besty don tare suke tsula tsiyan su. Tare suke yawon ta-zubar ɗin su duk inda akwai casu da holewa can zaka gansu, yanzu ta kai har ba ta kwana a gida sai idan ta so, wata rana ma sai dai su bar garin gaba ɗaya sunan sun tafi biki ko wani party, babu mai hana ta tunda Inna tana goyon bayanta. Yanzu ba Alhaji Bashir kaɗai take bi duk inda ya so ba, kowanne Alhaji idan ya kira ta tana bin shi ya kwana da ita, zai ɗauke ta tsawon kwanakin da zai yi idan tafiya yayi, zata zama ita ce tamkar matar shi har sanda zai dawo, shiyasa yanzu Arab ba ƙaramar mai kuɗi bace don ta fi ƙarfin komai, ta fi ƙarfin Yara kamar yanda take faɗa a koyaushe yanzu burin ta ya cika, babu inda sunan ta bai zaga ba in dai ana zancen gagga-gagga kuma tatattun ƴan duniya ne waɗanda suka shahara a iskanci. Duk wani babban ɗan iska ya santa kuma yana mu'amala da ita. Ta sake sauyawa tayi ƙiba na samun hutu da jin daɗi, ga jikinta da ya ƙara buɗewa ta zama babbar Mace komai ya ji, ƙirjin nan nata sun yi fam breasts a tsatstsaye suna tsole idanun Maza tare da ruɗan su, haka ma zubin dirinta, baza ka taɓa tunanin ƴar 17years bace tsaban yanda ta haɗa waɗannan kayan, sai dai a fuska ne kawai idan ka kalle ta za ka tabbatar da yarinya ce sharaf tunda fuskar Yara gare ta, fuskarta ƴar tsut ce da kyawu da Allah ya bata, tana da circle ɗin fuska da kuma kufan gashi, don duk fuskarta gashi ne har saje take dashi, gashin giranta kuma har sun kusa haɗewa; ga manyan idanu masu ban sha'awa da ɗaukar hankali farare sol a lumshe irin masu shiga jikin nan idan ta kalli Mutum, bakinta ɗan ƙarami sai dogon hanci, skin ɗinta kuma irin mai kyau ɗin nan ne don fara ce sol irin mai ɗaukar hankalin nan, ta ko'ina Arab ta kai Mace wacce kowanne namiji fatansa ace ya same ta, tana da kyau na fizgar hankali shiyasa suke ruɗewa idan suka ganta, ga ta da saurin shiga rai saboda yanda ta iya sarrafa jikinta, tafiyarta ma kanta abun kallo ne idan tana sarrafa jikinta, ga shegen iyayi da yanga kamar ta karye tsaban ta ƙware a bariki. Sai dai kash! Duk wannan kyawun; kyawun ɗan Maciji ne..... Uhmmm mu je zuwa, yanzu ne za a fara kafta wa.....








            **********


            Alh. Ƙasim Ali, shahararren mai kuɗi ne wanda yake zaune a garin Kano, tsohon ɗan siyasa ne wanda ya ci jiya ya ci yau; kuma yana saka ran gobe ma a dama dashi, yanzu haka kujeran senator yake kai, but yana neman takarar gwamna wanda yake son ya zama gwamnan jahar Kano a wannan shekarar. Shi mutane suka sani a yanzu kuma sunan shi babu inda bai zaga ba, Mutum ne mai facaka da kuɗi da