You Cannot Download this book untill you login but you can read it .

---

Login Register

shi yake haifar mishi, tunda kullum cikin damuwa da tunani ba shi da sukuni, a haka kullum yake shiyasa yau ciwo gobe lafiya abun ya ci ƙarfin shi, asibitin ma ba ya iya zuwa tunda ba ya dashi sai dai ya je chemist ya siya magani, Inna bata taɓa damuwa da damuwar shi ba ita dai idan bai kawo ba ta dinga jaraba kenan har sai wunin ranan ta gushe, ƙarshe sai dai ya bar mata gidan

Ko kuma tace, "ya ga don yaran suna samu ne shiyasa yake wani langaɓe wa a gida yana son dena fita nemowa, amma ada har dashi yake musu baƙin ciki da hassada yanzu kuma ya zo yana ci, ai da yayi zuciya ya barsu su ci kayan su kawai".









              **********

             Yau Arab ita kaɗai ce sabida Alh. Bashir ya fita tun safe, dayake yau ne zasu ƙaddamar da meeting ɗinsu na ƙarshe wanda suke sa ran samun matsaya a kan kasuwancin nasu da suke ƙoƙarin haɓaka shi, zuwa gobe ko jibi kuma sai su wuce

Arab kaɗaicin ya ishe ta shiyasa ta tashi ta zura dogon Hijab Robber purple a saman kayan jikinta, dayake kayan shan iska ne gajeren wando blue Black, sai vest pink color mai taushi da siraran hannu. Komai na jikinta ana gani duk da ta saka Hijab ɗin; don da shi da babu duk ɗaya ne, albarkatun jikinta tamkar a waje suke don yanda suke kaɗawa dole ne duk wani namiji mai lafiya ya ruɗe, but ita babu ruwanta haka ta fice tana kaɗa jiki cikin tafiyanta na yanga da ɗaukar hankali, duk inda ta wuce kuwa kallonta ake yi don majority mutanen da zata haɗu da su a hotel ɗin idanuwansu yana kanta. Ita kuwa hankalinta yayi gaba wajen waya da Bestyn ta, sai dariya take yi cikin nishaɗi har tana sanar mishi, "yanzu ne ma ta fito zata ɗan sha iska don ta gaji."

Yayi dariya yace, "ai na faɗa miki kin samu duniya yanzu babban yarinya, yanzu sai hutu da jin daɗi kike ba ki da wata matsala, Ni na ƙosa ma ki dawo don nayi kewar ki sosai, yaushe ne za ki dawo don Allah?" Ya ƙare maganar cikin narke murya da salon jan hankali

Dayake already ta fice daga hotel ɗin, ta fita zuwa bakin titi tana kallon mutane sai ta jingina da wata mota da ta gani, a nan ta tsaya tana ci gaba da waya dashi suna ta dariya da nishaɗi; wanda hakan ya ɗauke mata hankali har tana hayewa saman motan

Ashe na wani Alhaji ne yana ciki a zaune, kasancewar wurin akwai irin manya-manyan shagunan nan; yana tare da Matarsa ta tsallaka siyayya, hawa motan da tayi ne ya ja hankalinsa gare ta, sai ya fito daga cikin motan da ninyar yin mata masifa, amma yana yin tozali da ita ta ja hankalinsa, zuciyarsa nan da nan ta kwaɗaita da ita tunda shima ɗan hannu ne, har wani haɗiye yawu yake yi tsaban jaraba. Wajen ta ya nufa yayi mata sallama

Dalilin da yasa ta katse kiran tana mayar da hankalinta a kanshi tare da kallonsa sama da ƙasa
     
Shi kuma yayi mata murmushi yace, "sannu ƴan mata."

Murmushin itama ta maida mishi tana dirowa daga kan motan tare da amsawa

Yace, "But here you are or you will pass?"

"No, Ina nan ne. I am in this hotel."

Abun da yake son ji kenan shiyasa nan da nan ya washe baki yana cewa, ""If you don't mind, give me your phone number. I often come here; or we will meet together."

Dariya tayi mai jan hankali, sai ta ɗage kafaɗa tace, "ok fine." Daga nan ta soma karanto mishi Numban

Ashe fitowar matar shi tana hango su, kuma ita ga ta akwai shegen kishi, tunda ta hangi Arab nan da nan hankalinta ya tashi zargi ya ɗarsu a zuciyarta, tsaban kishi ya ci ranta tana zuwa wajen ta zubar da kayan hannunta bata yi wata-wata ba ta cakumi wuyan Arab

Basu an kare da zuwan nata ba shiyasa sai ganin ta suka yi

Kafin Arab ta farga Matar ta wanka mata mari tana cewa, "dan kutmar ubanki me ya haɗa ki da Mijina? Dan ubanki nace mai ya haɗa ki da Mijina iyee karuwan Banza?"

Da sauri Alhajin ya soma ƙoƙarin fincike hannunta yana cewa, "Ke.. ke Lubna mene ne haka? Ba ki da hankali ne?"

Ita kuwa Arab tunda taga Matar ta sake ta sai itama ta wanke ta da marin cikin zafin nama, tare da cewa, "uban ki ne ya haɗa Ni da mijinki dan durun uwar ki."

"Ni kika mara? Ni?" Matar ta furta cikin tsantsan mamakin Arab ɗin, musamman yanda ta ganta ƙaramar yarinya a kanta, but har ta cire hannu ta mare ta bayan ita tayi mata laifi

Hankalin Alhajin ya tashi don ya san halin matar shi, shiyasa yayi saurin shiga tsakani yana jan hannunta da cewa, "dama kin saba ja min magana Lubna, yanzu ma a nan sai kin kwance min zani a kasuwa? Ki wuce muje da Allah."

"Wlh bazan tafi ba, kana ganin yanda ta mare Ni kake cewa in tafi? Tunda ba ka da gaskiya mugu azzalumi ai dole ka ce in tafi." Sai ta fashe da kuka tana ƙwace hannunta

Ita kuwa Arab tana tsaye a wurin don ko gezau bata yi ba, kuma ba ta shakkar duk abun da zai faru, tana gani yanda mijin yake lallaɓa matar don su tafi amma ina ta kafe sai ta ci uban Arab; shi kuma ya hana ta ya shiga tsakani

Cikin baƙin ciki ta nuna Arab da yatsa tace, "wlh tallahi sai na ɗauki babban mataki a kanki karuwan Banza karuwan hofi, sai na nuna miki Mijina ya fi ƙarfin ki dan uwar ki, shegiya asararriya wacce iyayen ta suka tsine mata suka ce ta je zata gani."

Dariya Arab tayi ko a jikinta tace, "ok haka kika ce ko? To nima zan nuna miki Ni cikakkiyar karuwa ce mai lasisi, Mijin naki zan raba ki dashi har abada, kuma Ni da mijinki sai dai ki haɗiye zuciya ki mutu babu mai raba Ni dashi, Ni Arab zan nuna miki tantiranci na."

Ai kuwa ba ƙaramin fusata matar tayi ba, duk da yawan jama'ar da suke wurin an taru haka ta cire gyalenta ta ɗaure tana ta ƙunduma wa Arab zagi, mummunan zagi kuwa wanda kare bazai ci ba, ga shi ta kasa ƙwace wa a hannun Mijin, tace, "wlh sai ta ga bayan Arab, sai ta kashe ta idan har bata rabu dashi ba."

Daƙyar Mijin ya samu ya saka ta a cikin motan duk ranshi ya jagule, jikinsa ɓari kawai yake yi don sosai yake jin tsoron matar tashi, ba ya ƙaunar fitinan ta ko kaɗan

Arab kuwa sai dariya take mata tana ƙara mata kayan takaici, kuma ta ƙi tafiya a wurin sai da taga sun tafi, sannan ta taɓe baki ta juya zuwa wani shago ko a jikinta, ko kallon ma mutanen da sukai caa a wurin kamar sun samu t.v sai hayaniya suke yi; bata bi ta kansu ba ta wuce ta siya ice-cream ta koma room ɗinsu. Baƙin cikinta ɗaya ba ita ta amshi numbansa ba; da tun a yanzu ta soma kiransa ta maida mata da martani, but tana nan tana jiran duk lokacin da ya kira ta wlh sai ta koya ma Matar nan hankali, sai ta raba ta da Mijin har abada, sa'arta kawai kar ya soma ya kira ta, but idan ko ba haka ba sai ta shayar da matar nan mamaki, sai ta nuna mata ita karuwa ce; mai lasisi kuwa

Tana gama shan ice-cream ɗinta tayi ɗai-ɗai a kan gado ta shari barcin ta

Sai da Alh. Bashir ya dawo sannan ya tashe ta, da jaraban sa ya tashe ta daƙyar ya bari tayi wanka sannan suka tsulmiya gogin soyayya. Sai da suka gamsar da junansu son ransu sannan suka sake yin wankan suka shirya, abinci suka ci daga can ma wasan ya juye sai romance ɗin juna suke yi tamkar zasu haɗiye kansu, kwata-kwata ba sa gajiya musamman Alhaji da shi sam ba ya ƙoshi da Arab, ita dai tana biye mishi ne kawai don kuɗinsa don ba wani daɗin azo a gani take ji ba, sai ta tuna da Tariq wanda shi kaɗai ne idan zasu yi sex take iya gamsuwa ɗari bisa ɗari, ya iya tafiyar da Mace ba kaɗan ba, har kewarsa tayi ta ƙosa su koma

Dukkan su babu wanda yayi Sallah a cikin su sai bayan sallan isha'i sannan suka haɗa daga la'asar har isha'i suka rama. Sannan suka ƙara mannewa da juna, sai da suka raba daren sannan suka yi barci

Washe gari kuma suka fita suka yi siyayya sannan suka shirya tsab, daga nan suka rabu Arab tayo gida, shima ya wuce Bauchi inda yake.
[30/07, 10:28 am] OumƊahirah نفيسة: 🌍🌍🌍🌍🌍🌍

    *RUƊIN DUNIYA!*

🌍🌍🌍🌍🌍🌍


*NA_NAFISAT ISMA'IL LAWAL*
_UMMUDAHIRAH_

*SARAUNIYAR TSOKANAR PERFECT 🧝*




*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

                  *P.W.A✍️*











_________________________

*BABI NA GOMA SHA TARA*
_______________Ana ta shirye-shiryen bikin su Malik, sai dai shi har yanzu hankalin sa ya ƙi kwanciya, tunanin Arab tamkar zai kashe shi, ya kasa cire ta a ransa ya kasa haƙura da ita

Tun Sinior yana kwantar mishi da hankali yana faɗa mishi, "ya manta da ita, ya dena saka damuwa a ransa tunda ba lallai ya ganta ba, sannan ko ya ganta bai zama dole ya same ta ba, ta iya yiwuwa ma Matar aure ce ko kuma ita ta ƙi shi."

But bai taɓa yarda da zancen sa ba, ya kan ce, "shi ya fi ƙarfin Mace ta ƙi shi, kuma ko Matar aure ce wlh bazai bar ta ba, sai dai abu biyu ya faru, ko Mijin ya sake ta ko kuma su zama Mijin ta su biyu, don dole ne sai yayi rayuwa da ita."

Dariya kawai Sinior yake yi idan yana jin wannan zancen, sai yace, "wlh kana bani dariya Malik, an gaya maka kowa irin ka ne ɗan iska? Yanzu kana nufin idan har ba ka same ta ba zaku yi rayuwar bariki a ɓoye? Cab ɗijam.. idan kuma ita ba halin ta bane fa?"

"Uhm ko ba halinta bane zata fara a kaina, zata san daɗin irin wannan rayuwar duk idan ta haɗu dani, wlh ko ta rabu da mijin ko kuma dole ne sai ta bi zaɓi na, don duk yanda zan yi sai na yi ta zama tawa, bazan taɓa barin ta ba. Hmm kaima ka san hali na Sinior ka san me zan iya aikatawa."

Kafaɗu ya ɗage alamun, "he can see".







              Kasancewar bikin na gogaggun ƴan duniya ne; kuma ga kuɗi a ƙasa, shiyasa aka yi wadaƙa kuma aka zubar da su, an yi ƙarya ba Ni da ƙarya ba, almost two weeks ana shagulgulan biki, kuma kowacce rana akwai event ɗin da ake aiwatarwa. A ranan Asabar kuma aka ɗaura auren sannan aka yi dinner bayan an kai kowacce gidan Mijinta

Duk ustazancin Ya Sheikh babu yanda ya iya sai da ya halarta duk wani events da aka yi, tunda dai ba shi ya shirya ba daga gidan Amarya ne, and kuma babu daman ƙin zuwa sabida ba ya son ɓacin ranta

Bayan an gama daga can ne kowacce aka mayar da ita gidan ta. Babu wacce aka kwana mata kowacce daga ita sai Angon ta

Fannin su Malik sun sha soyayyar su tamkar zasu cinye juna. Musamman ma Nawwara da farin cikin wannan rana daban ne a wurin ta, yau Allah ya cika mata burinta ta mallaki Malik ɗinta a matsayin Mijinta, ya zama nata ita kaɗai kamar yanda take fatar ya kasance. Babu ɗaga ƙafa haka suka kasance a wannan ranan

Shi kansa Malik ya kasa gane ko canza mishi ita aka yi, sabida yanda ya ji ta zam-zam ga daɗin da ta ƙara sakamakon gyaran da suka yi, ta koma mishi tamkar yau ya soma ɓare ta a leda shiyasa yayi farin ciki walwalan sa ma daban ne, har kasa haƙura da ita yayi haka suka kwana kamar zasu cinye juna.






              Fannin Zainab ma abun da ya faru kenan. Ya Sheikh bai taɓa sanin wata ɗiya mace ba a rayuwarsa, sannan babu wacce ya taɓa so face Zainab ɗin, hakan yasa bai gane komai ba tunda dai ya ji ta daƙyar yake shiga, bai ga wani bambanci da ya saɓa da na budurwa mai budurci ba. Sai dai abu ɗaya yanda ya sha mamakin Zainab, kasancewar ta gogaggiya a wannan fannin kuma ta san Maza shiyasa ta nuna mishi ƙwarewar ta ba tare da ita kanta ta san tayi ba, domin daɗin da ke ratsa ta musamman yanda ta ji Ya Sheikh daban da sauran Mazan nata, ga shi ya iya tafiyar da Mace, hakan yasa itama ta nuna ƙwarewanta ko kaɗan babu kunya irin ta Amare bare nuna raki da suke yi. Hakan ne yasa mishi wasi-wasi da shakkar ta. Har daga baya yake tambayar ta, "shin ko ta taɓa yi ne wai ya ganta haka da son abun? Shi yayi mamakinta tunda ya san cewa duk wata budurwa dole ta guji daren farkon ta na aure."

Jin wannan zancen sai da gaban Zainab ya faɗi, ta rasa mai zata ce mishi ma duk alamun rashin gaskiya ya nuna a bayyane da ita

Hakan ne ya sake ɗarsa mishi zargin ta, cikin yanayin damuwa yace, "Zainab don Allah ki faɗa min gaskiya, taya kika iya wannan abun bayan ke ba ki taɓa aure ba? Alamu ya nuna kin saba tunda har kika nuna zaƙewar ki kuma babu tsoro na a tare da ke."

Cikin dabaran da ya faɗo mata a nan take ta sakar mishi kuka, babu shiri ta tashi da sauri ta nufi Falo

Sai ya bi ta cikin tashin hankali yana kiranta. A zaune ya ganta a saman couch tana ta kuka, sai ya zauna gefen ta cikin yanayin damuwa da tsantsan ruɗewa yake cewa, "dan Allah Zainab ki dena wannan kukan naki yana ɗaga min hankali, ki sanar da ni abun da ke faruwa da ke kar zuciyata ta buga Please." Sai ya sanya hannu ya ɗago ta zuwa jikinsa yana ƙoƙarin share mata hawayen

Amma sai ta buge hannunsa tana shirin tashi still ta ƙi dena kukan

Janyo ta yayi sosai ya hana ta damar ƙwace wa, cikin lallami yake sake bata haƙuri tare da tambayarta abun da yayi mata take kuka?

Cikin kissa da nuna tsantsan shagwaɓarta take cewa, "ba kai ne ba kake zargi na don kawai na nuna maka irin soyayyar da nake maka gami da farin cikin da nake ciki, har kake iya kallo na ka furta min wannan zancen, nufin ka kenan ina bin Maza a waje? Kenan ba ka yarda ma ina tare da mutunci na ba? To wlh bazan taɓa zama da kai ba dole sai ka sake Ni, bazan iya zama da wanda yake zargi na ba, tun ma ba'a yi nisa ba kenan dama halarcin da zaka yi min kenan ko?" Sai ta fashe da wani sabon kukan tana sake narke wa a jikinsa

Duk ta gama kashe masa jiki; tare da ƙara dulmiyar dashi cikin tsantsan tashin hankali gami da ruɗu da jin zantukan ta, nan da nan ya gama ruɗewa ya hau rarrashin ta yana ce mata, "ba haka yake nufi ba, amma tayi haƙuri ta gafarce shi wlh bazai sake ba." Haka ya dinga rarrashin ta har yana duƙa mata, don babu abun da ya fi firgita shi irin cewa da tayi, "zata tafi ta bar shi sai ya sake ta."

Daƙyar ya samu ta haƙura tace, "zata zauna. Amma duk ranan da ya sake gaya mata makamancin irin wannan maganar wlh sai ta bar gidan sa, dama ta ɓoye mishi irin ƙaunar da take mishi ne sai a wannan ranan zata bayyana mishi, amma kuma sai ga shi yana zargin ta don kawai ta ba shi haɗin kai wajen jiyar da shi daɗi, to idan ba ta ƙaunar shi taya zata amince ta aure shi? Duk samarinta ace shi kaɗai ne zata iya nuna wa wanda zata aura; duk wannan ba so bane?"

"Wlh na yarda Sahiba, na yarda kina matuƙar ƙaunata, yau na gane haka, tunda Ni kaina ina ta mamakin ya aka yi kika zaɓe ni a cikin dubu duk da irin halin da kike nuna min? ba ki taɓa bani dama ko na minti biyar ne mun yi magana da ke ba, kullum cikin hantara na kike yi, Ni kuma na ƙi yin zuciya na kafe sai ke, duk da na san cewa kin fi ƙarfi na amma gani nake yi kamar wata rana za ki zama rabo na, ashe hakan ne kuwa tunda ga shi Allah ya nuna min wannan ranan, wlh Zainab ban taɓa tunanin kina so na ba sai yanzu, ashe duk da gangar kike yi min haka?"

Dariya tayi masa tana sake shigewa jikinsa tare da ɓoye fuskarta, cikin nuna kunyarta tace, "Ina sonka Ya Sheikh, sai dai na kasa nuna maka hakan ne saboda in gano irin soyayyar da kake min, amma duk abin da nake maka wlh da sani na nayi maka, kuma ga shi yanzu na goge maka tantamar ka, na zama taka yanzu."

"Godiya ga Allah maɗaukakin Sarki." Ya furta cike da farin ciki yana sake rungume ta, "na ji daɗin wannan rana Sahibata, bazan taɓa manta wa da wannan karamcin da kikai min ba, kuma zan nuna miki Ni masoyin ki ne na gaskiya, Allah ya bar mu tare."

"Amin." Ta furta tana dariya, yayinda cikin zuciyarta farin ciki da hamdala take yiwa Allah da ya rufa mata asiri, har ga Allah a yau ne take jin zuciyarta tayi sanyi da tsanar Ya Sheikh, har tana jin cewa zata iya zama dashi har ƙarshen rayuwarta, kuma baza ta sake aikata makamanciyar rayuwar da tayi a baya ba, haƙiƙa Allah na sonta tunda ya rufa mata asiri ya bata Ya Sheikh a matsayin Mijinta, don haka dole ne ta gode masa, ba don haka ba ta san da tuni a yanzu suna tsiya da mijin ko kuma ya sake ta a kan abun da tayi na rashin zuwa da budurcinta, gwara da Allah yasa bata auri sauran Samarin da take bi ba; Allah ya musanya mata da Ya Sheikh, ga shi a yau kaɗai ya shayar da ita farin cikin da bata taɓa sanin zata samu daga hannun sa ba, har ta fi jin gamsuwa ɗari bisa ɗari fiye da sauran ranakun da ta aikata sauran masha'an ta, kuma daɗin da ta ji ya fi na kowanne namiji da ta sani

Shi kuwa Ya Sheikh tunda ya ga ya shawo kanta sai ya ja ta suka koma ciki, sai da suka ƙara shayar da junan su daɗi before suka kwanta rungume da juna cikin tsantsan farin ciki a ransu.

     


             Bayan kwana biyu da auren ne su Malik suka wuce New York, a can ne zasu yi Honeymoon ɗinsu, daga can kuma zasu sake zaga wasu ƙasashen, basu da matsalar komai tunda a Campanin Mahaifin Malik suke aiki.








✳️✳️✳️✳️✳️✳️✳️✳️


           Yau su Arab suna zaune a tsakar gidan su, Inna ta fita zuwa PZ canzo fridge; tunda wanda suka siya yayi ƙarami shi ne Arab ta bada kuɗi tace, "a canza babba zai fi."

Su uku ne kaɗai a gidan a yanzu, Zahra da Arab suna bakin bishiyar gidansu suna hira. While Ummu tana kwance a ɗaki barci ya sure ta tun sanda suka dawo school ita da Zahrah. Labari suke yi a kan saurayin Zahran; Haidar wanda yake ƙasar waje yana karatu, ita Zahra abun ya soma damunta kasancewar tayi masa alƙawarin baza ta taɓa bari wani ya kusance ta ba bayan shi, ga shi tunda ya tafi ya ƙi dawowa, kuma yanzu lamarin yana son ya zame mata matsala tunda a yanzu dai tana matuƙar buƙatar namiji tunda ya ɗanɗana mata abun da ake ji, duk da tana rage zafi da samarin ta amma ta kasa ba wa kowa damar da zai kusance ta idan ba Haidar ba

Shiyasa yanzu Zahra tace, "gaskiya ita ta gaji wlh aure take so, tayi-tayi Haidar ya dawo suyi aure amma ya ƙi, ya zata yi dashi ne?"

Arab kuwa dariya tayi tana cewa, "ke wlh banza ce, meye na wani jiran Haidar ya tafi can ya manta da ke? Ke kin san me yake yi ne a can? Ni ban taɓa ma tunanin ke sakarya bace idan ba yau ba."

"Ni kike kira sakarya?" Zahran ta furta tana ban ka mata harara

"To idan ba sakarya ba mece ce?" Arab ɗin ta sake cewa tana ware mata idanu da dariyan shaƙiyanci, "kinga fa, Ni ba na tunanin wannan Haidar ɗin zai iya auren ki wlh, kwata-kwata zubin shi na ƴan yaudara ne, zai ci moriyar ganga ne kawai ya yasar da kauren ta, to ban da abun ki ma meye na tunanin aure yanzu? Na san dai abun da kike buƙata bai wuce ɗa namiji ba, kuma kina da su sai wanda kika zaɓa ya jiyar da ke daɗi. But you are still talking about Haidar and you are not sure if he will marry you or not."

"Hmm Arab kenan! Baza ki gane bane, wlh ina matuƙar ƙaunar Haidar, idan ba shi ba ba na jin zan iya auren wani namiji a duniyar nan, sai dai Mutum ɗaya da nake tunanin a cikin su idan na same su tabbas na more, har ga Allah har a cikin zuciyata ina son in Yi rayuwar aure da su."

Arab tace, "Ok kina ma da wani bayan Haidar ɗin kika zauna kina jiran sa? Kin san fa irin gidan Sarautar nan wlh ba lallai su amince da ke ba, ko shi yace zai aure ki iyayen sa baza su yarda ba, tunda zasu ce za'a ɓata musu gida ne, bare kin san yanda muka yi tambari a anguwan nan, ana zuwa za'a basu shedar duk wani halayyar mu, shawaran da zan ba ki kawai ki bar shi ki nemi ɗayan; don na san zai ɗan fi gwaɓi-gwaɓi a kan Haidar."

"That's what you think, bayan shi wannan ɗin ban ma san inda zan same shi ba, ban san komai a kanshi ba, maganar ma da nake miki bai ma san ina yi ba."

Sakato Arab tayi tana kallonta, sai kuma ta kawar da kanta tana ƙoƙarin soka earpis a wayanta tare da cewa, "To wannan kuma daga ina kika samo shi?"

Sai da ta buga tagumi kamar zata yi kuka tace, "ina wannan Likitan Abokin Nafi'u Mijin Aunty Firdausi? wanda muka je asibiti muka haɗu da shi a Office ɗin Doctorn nan?"

Da sauri Arab ta ɗago kanta tana kallonta, yayinda ta furta, "wai shi kike so?"

"Eh. Shi zuciyata ta mutu a ƙaunar shi, Ni kaina wlh mamaki nake yi sabida yanda na kasa manta fuskarsa, abun da nake ji a kan Haidar haka shima nake ji a kanshi, tunani na da burina kawai in ganshi a yanzu, abun farin cikin kuma sunan su ɗaya..."

Dariyan da Arab ɗin ta kwashe dashi; shi ya tsayar da ita daga zancen da take yi. Yayinda ta furta, "haukan Banza, wai wannan Mutumin kike so Aunty Zahra? Ki rasa wanda za ki so sai shi? Amma gaskiya zuciyar ki bata yi miki adalci ba, shiyasa kwata-kwata na tsani soyayya don na san abun hauka yake zama." Sai ta ƙare maganar tana dariya sosai; yayinda ta sanya earpis a kunnenta tana ƙoƙarin latsa wayan da cewa, "to yanzu aina za ki ganshi kenan?"

Shiru Zahra tayi mata tayi banza da ita

 
Sai ta ɗago ta kalle ta tana cewa, "ya na ji kin yi shiru?"

"To ba dole in Yi shiru ba kin mayar da zance na wasa? I'm telling you my problem but ke kamar bai dame ki ba."

Murmushi tayi tare da zare guda ɗaya earpis ɗin a kunnenta tana cewa, "to na ji, na dena dariyan, amma maganar taki ce akwai ban dariya da kayan haushi, wannan mutumin wlh ba shi da mutunci ko da ganin shi, sannan ma kin san inda muka haɗu dashi taya kike tunanin zai so ki?"

"Leave this conversation alone; tunda dukkan mu bamu san shi ba."

Dariyan rainin hankali Arab ta saki tana cewa, "ke ce ba ki