You Cannot Download this book untill you login but you can read it .

---

Login Register

kasafai yake son magana ba

Sai ta sake cewa, "ina ta jiranka sai yanzu ka zo?"

"Wlh kuwa, ban gama abun da nake yi bane Aunty."

"Ok yaushe zaka koma?"

Yace, "yau nake saka rai."

"Kana nufin baza ka koma gidana bane?" Tayi maganar cikin waro ido

Sai ya ɗan langaɓe kai da cewa, "to Aunty mai zan koma yi?"

Hararansa tayi da cewa, "mu yi sallama mana."

Sai yayi murmushi mai bayyana haƙora yana shafa suman kanshi yace, "to ai Aunty ga shi muna yin sallaman."

"A'a Ni ban yarda ba, wai kana saurin meye ne?"

"Aunty kin san na bar Dad, kuma kinga ban bar wa kowa drugs ɗinsa ba dole zan koma."

"Eh haka ne, but ya jikin nashi?"

"Da sauƙi sosai. Next week we'll be back in Germany to check it out."

Murmushi Auntyn tayi tace, "alhamdulillah Masha Allah, haka nake son ji, amma don Allah kar ka tafi ka bari in tashi mu je gida tare."

"Aunty akwai inda zan je yanzu, kuma ina son in ziyarci wani Aboki na da muka yi school tare, tunda na zo yakamata in je har gida mu gaisa before in koma, ban san ranan dawowana ba."

Aunty tace, "shikenan bazan matsa maka ba tunda kace hakan, sai muyi sallaman a nan."

"Or how long are you going to get up?" He speaks looking at her

Tace, "by six insha Allah."

"So I'll come and say goodbye when I finish what I'm doing, zamu haɗu a gidan."

Washe baki tayi tace, "yauwa ɗan lele na, haka nake son ji."

Murmushi sosai ya bayyana a kan fuskarsa sabida yana jin daɗin wannan sunan

Itama murmushin tayi tace, "yanzu ina son duba person suna jira na bari in je."

"Ok." Yace hakan yana miƙewa tare da sake faɗin, "bari in je nima aunty, sai na zo gidan."

"To Ƙanina, ka kula da kanka."

Murmushi yayi bai ce komai ba ya juya ya fice

Itama kuma ta rufe file ɗin gabanta sannan ta ɗauki wani ta tashi ta fita; zuwa room ɗin da zata duba mara su lafiyan ta.








✳️✳️✳️✳️✳️✳️✳️✳️



        Su Arab da suka fita kai tsaye keke napep suka hau suka ce, "ya kaisu wani Asibitin." kamar yanda suka sanar da wancan

Sai dai har wannan lokacin babu wacce tayi magana a cikin su. Kowa yana jajanta abun da ya faru tare da tunanin wannan kyakykyawar saurayin da yayi musu haka

Musamman ma Arab wadda abun yayi matuƙar ƙona mata rai da bata mamaki, abun haushin yanda ta kasa buɗe baki ta mayar mishi da martani sabida tsananin shakkar sa da kwarjininsa da ya cika ta, tabbas ranta yayi matuƙar ɓaci saboda babu wanda ya taɓa gaya mata magana kamar wannan guy ɗin; bare har yayi mata tsawa a kai, sosai ranta ke ƙara ɓaci wanda ji take yi kamar ta koma tayi masa wulaƙanci, tabbas baza ta taɓa hucewa ba idan har bata mayar mishi da martani ba. Kanta ta kama ta riƙe sosai sabida ta rasa tunanin me zata yi don ta huce takaicin sa

Zahra kuwa itama tunanin ne a ranta, sai dai ita nata ya sha bamban dana Arab, ba ƙaramin burge ta yayi ba, yanayin sa kawai take tunanowa fuskarta ɗauke da murmushi, idan da ace zata same shi fa. Haƙiƙa ya haɗu ga baiwar kyawu, Allah yayi halitta a nan, ga babu alamar tsoro a tattare da shi wanda ko wacce Mace ta ga halayyarsa sai ta afka mishi a soyayya. "oh Allah! Dama akwai saurayi irin sa a wannan zamanin?" Ta furta a ranta tana sake murmusawa, sai kuma ta kalli Arab ganin yanda ta kama kanta, sai ta taɓo ta tana tambayarta, "lafiya Auta me ya same ki?"

Ɗago kanta tayi ta sauke mata manyan idanuwanta da suka soma sanja kala zuwa ja, sai dai bata ce komai ba ta mayar da kanta ƙasa ta duƙar

Itama Zahra bata sake magana ba don babu shakka abun da Aliyu yayi musu shi ne yake damun Arab, ta san halinta kuma tayi mamakin yanda ta kasa mayar mishi da martani, amma ta san ya cancanci hakan ne tunda ba wanda za'a yi mishi wargi bane, wannan ya wuce tunanin su domin ko da ganinsa ba shi da wasa.


               Tsayar da napep ɗin da Drivern yayi ne shiyasa suka dawo cikin hayyacin su a lokaci ɗaya, ganin sun tsaya a wani gini a saman an rubuta Hospital center shiyasa suka tabbatar an kawo ne. Sai suka fito suka ba shi kuɗinsa da ya sanar musu suka shiga ciki

Wannan karon koda suka samu wata nurse basu tambaye ta kai tsaye Office ɗin Likita ba, sai suka bata kuɗi suka ce, "ta sanar musu idan ana zubar da ciki a nan? Nan suke nema."

Ai kuwa ganin kuɗi har 5k. Farin ciki ya cikata tunda sun samu haɗamammiya dai-dai da wacce suke nema. Ta ko kai su wurin wani likita Christian

Babu ɓata lokaci ya amince da buƙatar su bayan ya sara musu kuɗi mai yawa, wanda suka ciro ma bai ishe shi ba sai da ya caje su wani kuɗin

But sai Arab ta ƙi ba shi don ita ta fi shi zalamar kuɗi, duk wani wayonka ba ka isa ka ci bati a wurinta ba duk da ba ita zata biya kuɗin ba. A nan tayi dabaru irin nata a matsayin ta na riƙaƙƙiya ƴar duniya wacce ta san yanda ake tafiyar da naMiji, ta kalallame shi da yaudaran ta a haka yayi musu sauƙi. Har da yin mishi alƙawarin, "zasu haɗu da shi a duk inda yake so." sannan ta amshi Numban shi

Shi kuwa gogan ya ga zuƙa-zuƙan ƴan mata kuma ya samu banza a ɓagas, ai kuwa ya yiwa Zahra abun da zai mata ya cire mata cikin, sannan yace, "dole sai ta zauna ya ƙara mata ruwa tunda jikinta babu daɗi."

Haka kuwa babu yanda suka iya sabida baza ta iya tashi ba, duk jikinta yayi weak sai jiri da take ji sakamakon yanda ta zubar da jini

Kasancewar suna sauri ba sa son su jima sosai sai Arab ta matsa mishi, "ya sallame su kawai." Tunda ta ga leda ɗaya ya ƙare. Tace, "idan suka koma gida za'a saka mata wani."

Yace, "kin tabbatar za'a saka mata?"

"Yes Doctor I'm sure, muna komawa gida zamu samu Doctor ya ƙara mata."

Baki a washe yace, "Me kyau ko za ki bani address ɗin gidan ku sai in zo in saka mata hakan zai fi ko?"

Murmushinta da ke shagaltar da duk wanda tayi masa ta saki, tana wani yatsina fuska cike da yanga tace, "don't worry doctor, ba sai ka zo ba muna da likitan da zai duba ta, babu damuwa."

"Yarinya mai kyau kin tabbatar?"

Kanta ta gyaɗa mishi still tana sakar mishi kyakkyawar murmushinta

"Ok. Let me give you the medicine she will take, her body will be much easier."

"Ok thanks."

Haka ya haɗa musu a kyauta kuma da kanshi ya amso musu. Ya basu ya raka su har haraban asibitin, tamkar kar ya rabu dasu yana ta ɗaga musu hannu yana washe baki cike da jin daɗi

Su kuwa ko bi ta kanshi basu yi ba suka wuce gida

Ai kuwa Firdausi da Ummu tuni sun soma tambayar su, "ina suka je suka daɗe haka?" Musamman yanda suka ga yanayin Zahra tamkar bata da lafiya tunda har a lokacin daƙyar take tafiya, fuskarta duk ta sauya

Arab tace, "zaga gari nace muku zamu yi, kuma Aunty Zahra zazzaɓi ne ya rufe ta shiyasa."

Nan fa suka ruɗe dukkan su. Firdausi har da cewa, "su je asibiti hankalin su zai fi kwanciya, gwara a duba abun da yake damunta."

But Arab tayi saurin cewa, "sai da muka je daga can ma muke, ga maganin ta a hannu na, sun ce babu damuwa fever ne kawai, very soon zai sauka."

Hakan yasa hankalin su ya ɗan kwanta

Sai Zahran ta je ta kwanta a ɗakin Firdausi

Nan Arab ta bi bayanta tana cewa, "ta bari idan sun koma gida sai a ƙara mata ruwan idan jikin bai yi daɗi ba." Sai ta juya ta barta ta koma Falo.






                Kusan ƙarfe biyar da rabi suka gama shiryawa zasu tafi gida. Wanda har lokacin jikin Zahra bai yi sauƙi sosai ba tunda bata da wani ƙarfi, sai a hankali dai zata warware. Sun yi shigan su iri ɗaya riga da skirt na material les, kowacce da nata style ɗin, sun yi kyau matuƙa tunda sun saba shiga iri ɗaya, kowa ya gansu sai ya ji sha'awar su shiyasa duk inda suka je a tare sai an kalle su kuma sai sun burge don daga gani ƴan gida ɗaya ne

Firdausi kamar zata yi kuka ganin sun fito zasu tafi, sai tace, "don Allah kar su sake banzartar da ita, Please su dawo nan kusa kar su biyewa Inna su ƙi zuwa su duba ta, zata ji daɗi idan sun zo."

Duk dariya suke mata ganin yanda tayi da fuska kamar zata yi kuka

Arab tace, "to ke Aunty ke meyasa baza ki zo ba sai mu?"

"To Auta kin san halin Innarmu shiyasa ma Nafi'u ya hana Ni zuwa har yanzu; sabida bai san me Inna zata yi mana ba, amma kwanan nan zan zo in duba ku ko ba a so."

"To ai naga kina da Baba me ƙaunar ki meye na wannan maganar? Kawai idan za ki zo ki zo ba wai ki tsaya da hujjar Inna ba ta so ba." Arab ɗin ta sake faɗa tana taɓe baki

Murmushi kawai Firdausi tayi sai ta sauya maganar da cewa, "to Ni dai don Allah ku zo ba sai na haihu ba."

Ummu tace, "kar ki damu Aunty duk sanda muka samu hutun school me yawa zamu zo muyi miki kwana biyu, ki kwantar da hankalin ki kawai."

Murmushin farin ciki tayi cike da murna tace, "yauwa Nagode, don Allah idan kun je ku gaishe da su Innan da kyau, ga wannan ledan sai ki bata, da saƙon Baba a ciki shima ki gaishe shi da kyau, idan kun koma zamu yi waya." Ta miƙo ledan da ke hannunta; Zahra da ke kusa da ita ta amsa

Arab tace, "wai Aunty mu fa zamu tafi idan Mijin nan naki bai dawo ba, mun gaji da jira."

  
"Kai Auta kin cika ƙorafi wlh, yanzu fa kika ga na kira shi yace ga shi nan a hanya."

  
"To ai naga ba shi da alamar zuwa ne ya shanya mu sai kace bayin shi..."
   

Bata rufe baki ba sai ga sallaman shi sun shigo tare da Aliyu Abokin sa

    

A tare idanuwan su Arab da Zahra suka sauka a kan Aliyun da shima ya haɗa ido da su, sai kawai aka koma kallon-kallo da juna babu mai motsin kirki a cikin su, har shi Aliyun ya kasa jirgawa daga inda yake tsaye a bakin ƙofan hannunsa ɗaya a cikin Aljihun wandon sa.
[14/07, 8:42 am] OumƊahirah نفيسة: 🌍🌍🌍🌍🌍🌍

     *RUƊIN DUNIYA!*

🌍🌍🌍🌍🌍🌍


*NA_NAFISAT ISMA'IL LAWAL*
_UMMUDAHIRAH_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

*P.W.A✍️*










_________________________

*BABI NA TAKWAS*
_______________ Maganar da Nafi'u yayi mishi ne ya dawo da shi cikin tunanin sa, sai ya ɗauke kanshi a kansu yana isowa izuwa kan kujerun falon kamar yanda Nafi'u yayi mishi iso

A cikinsu babu wanda ya motsa duk da akwai wajen zama amma duk sun ciccika wurin

Arab da Zahra mamakin ganin shi kawai suke yi wanda yasa dukkan su babu me magana, yayinda suka ɗauke kai tuni

Musamman ma Zahra wacce gaba ɗaya zuciyarta ke faman bugawa sabida abun da take ji a game dashi, bata taɓa tunanin zata sake ganin kyakkyawar saurayin nan da ya ƙi fita mata a rai ba ya tsaya mata cak

Ita kuwa Arab tuni ta ɗaura ƙafa kan ɗaya tana wani shan ƙamshi sai kace bata san dashi ba; duk da kuwa itama tayi mamakin ganinsa tana tunanin meye haɗin shi da nan gidan?

Sai dai maganar Nafi'u duk ya shafe musu wani tantama har shi. Inda yake musu bayanin cewa, "Doctor waɗannan su ne ƙannin Matata Firdausi." Sai ya kalli Firdausin yana murmushi da cewa, "wai kin gane shi? Aboki na da nake ba ki labari yana zaune a Abuja?"

Murmushi tayi tace, "na gane shi mana tunda na san shi sau ɗaya." Sai ta gaishe shi cikin fara'a

A lokacin ne ya ɗago kansa shima da ɗan guntun murmushinsa ya amsa mata yana tambayar ta, "ya jiki?"

"Alhamdulillah jiki da sauƙi wlh."

"Masha Allah. Allahumma ya ƙara sauƙi." Ya furta yana ɗaukar wayansa da ke ƙaran shigowar text

Daga Firdausi sai Nafi'u suka amsa

Inda Firdausin take cewa Ummu, "please Ummu ɗauko mishi drinks a fridge mana."

"To." Tace tana miƙewa

Yayinda itama Arab da ke faman shan ƙamshi har yanzu, fuskarta babu walwala ko kaɗan ta miƙe tana yatsina fuska da cewa, "please get up and let's go, ba a nan zamu zauna mu ƙare ba muna da abun yi."

Duk kallonta suke yi sabida yanda take maganar da gadara tana wani ciccin magani, ba wanda bai san halinta ba

But sai Nafi'u da wasa da dariya yace, "haba Auta ki jira muyi sallama mana, ai yanzu na dawo."

"To wanne sallama bayan ga shi ka dawo? We will go, Aunty mun tafi." Sai ta suri jakarta tana cewa, "idan kun gama zaman ku taso mu wuce." Tayi hanyar waje zata fita, kamar an ce ta kalli inda Doctor Aliyu yake zaune, sai suka haɗa idanu, wani irin banzan kallo ta sakar mishi tana jan ƙaramin tsaki tayi waje da sauri

Shi kuwa tsananin mamaki da al'ajabi ne ya cika sa har ya kasa yin magana, sabida ba kaɗan ba yarinyar tayi matuƙar ɓata mishi rai da irin kallon da take mishi, a ransa sai ya ji wani irin tsanarta yana huda mishi can cikin jikinsa, a rayuwa ya tsani ya ga Mace mara tarbiyya sheɗaniya, ko da gani wannan yarinyar bata da kunya. Koda Ummu ta kawo mishi drinks ɗin ya kasa sha sabida ganin yanayin yaran babu ko kunya a tattare da su, da idanu a tsakar ka suna yi tamkar karuwai, ko ba'a faɗa mishi ba zubin su ya tabbatar mishi da hakan. Abun ya dame shi har ya kasa sakin jikinsa koda suka tafi, yana mamakin ya aka yi Nafi'u ya je ya auro ƴar gidan mara su tarbiyya? Duk da cewa ya ga bambanci mai yawa a tare da Firdausin da su, ko da gani ba tarbiyyar su ɗaya ba amma abun ya ba shi mamaki don ya san halin Nafi'u.. daga ƙarshe ce mishi yayi, "zai wuce sabida a kan hanya yake tunda yana son komawa Abuja ne yau."

A haka suka fito har haraban gidan Nafi'u ya rako shi, sosai yayi murna saboda yanda ya zo mishi ziyara, yana ta godiya a haka suka rabu cikin farin ciki cike da kewar juna

Motansa ya hau ya wuce gidan Auntyn shi Hussaina wacce take aure a nan ɗin; tare da yaranta da mijinta. Su biyu ne kaɗai mahaifiyar su ta haifa kafin ta rasu, sai Dad ɗinsu ya auri wata Matar itama ta haifa yara uku duka Mata. Doctor Aliyu da Aunty Hussaina duk likitanci suka karanta. Yanzu haka Doctor Aliyu shi yake kula da mahaifinsu da bai da lafiya yana ciwon Sigar da Cancer da suka taso shi gaba, yau jikin da daɗi gobe babu haka suke fama.









✳️✳️✳️✳️✳️✳️✳️✳️


           Sai da aka kira sallan magriba sannan su Arab suka isa gida. Sallah suka yi sannan suka shantake a farfajiyar gidan suna ta zubawa Inna labari har Zahra da ba ƙoshin lafiya ta cika ba, sai ƙarfin hali da take nunawa don kar a gane halin da take ciki

Baba ma da ya dawo yayi murna sosai, musamman da ya ji jikin Firdausin da sauƙi ba yanda yake zato ba.



       Bayan kwana biyu da dawowar su ne Alhaji Bashir ya matsa wa Arab sai ta biyo shi Abuja tayi mishi ko kwana biyu ne. Ai kuwa yanda ya matsa ɗin ne shiyasa tace mishi, "tana nan zuwa."

Ibrahim ta kira ta sanar mishi yanda suka yi. Shi ya sake kwaɗaita mata a kan, "ta je kawai ta wanki gara."

Hakan kuwa ta kasance, tace ma Alhaji Bashir, "zata zo gobe."

Tare da Ibrahim suka tafi super market ta yo siyayyan kayan da zata buƙata. Sai da suka gama suka tafi yawo tare, sai kusan magriba suka iso gida

Tana zuwa ta hangi motan Tariq a ƙofar gidan su, dama ya kira ta duk bata ɗauka ba a yau ɗin, da alamu yana da takura ne shiyasa take ba wa banza ajiyansa, ita ta tsani a takura mata, sam ba ta ɗaukar hakan. Sallama suka yi da Ibrahim tace, "ya tafi kawai sai sun yi waya." Sannan ta wuce zuwa gidan ba tare da ta kula Tariq ɗin ba

Yana ganin zata wuce sai ya fito da sauri yana kiranta, "haba Gimbiyyar mata kamar ba ki ganni ba?"

Wani kallo ta watsa mishi lokacin da ta juyo ta kalle shi, sai ta taɓe baki da cewa, "ban ganka ba, ashe kai ne?"

Murmushi yayi yace, "ko dai sarautar ne ya tashi? Don Allah ki zo mu shiga mota muyi magana, Please?" Ya ƙare maganar yana ɗan haɗe hannayen shi alamun roƙo

Kamar baza ta motsa ba, sai kuma ta gama shan ƙamshin ta cike da yatsina ta taho ta buɗe motan ta shiga bata ce mishi uffan ba

Shima sai ya shige ya rufo ƙofan yana kallonta da cewa, "wai Gimbiyyata me nayi miki ne kika share Ni kwana biyu? Kin hana Ni zuwa gidan ku tun sanda kika dawo bayan kin san da ƙishin ruwan ganin ki nake wuni a ko yaushe, ba na so kina min horo da rashin ganin ki zuciyata baza ta iya jura ba."

"Ko?" Ta furta tana latsa wayanta ba tare da ta kalle shi ba, kuma babu wata alamar damuwa a tare da ita

Hakan ne yasa ya ji babu daɗi, cikin kwantar da murya yace, "Arab wai don Allah me kike so in Yi miki da zai tabbatar miki da na damu da ke?"

Ɗago kai tayi ta zuba mishi, sai kuma tayi murmushin gefen baki da cewa, "Yallaɓoi me kake so in Yi maka nima? Meye damuwar ka?"

"Kin san ko meye damuwata Princess, kwata-kwata kin kasa bani dama na shiga rayuwarki sosai, ina so don Allah ki bani wannan damar ko kaɗan ne, tunda kin ce ba kya son ina zuwa gidan ku me zai hana mu samu inda kike buƙata mu tattauna?"

"Why not." Ta furta tana ɗage kafaɗa still tana ci gaba da murmushin nan nata da ba kowa yake gane ma'anar shi ba

Jin hakan sai shima ya yalwata fara'a a kan fuskar shi da cewa, "kin amince kenan?"

"Yes, I agree. But tomorrow I will travel. We will talk when I get back."
       

Fuskarsa ne ta nuna damuwa, cike da rashin jin daɗi yace, "ina za ki je kenan?"

Murmushi tayi tana ɗan kashe mishi ido da faɗin, "ba sai ka ji ba Yallaɓoi."

"Kina kashe min jiki idan kina min wannan kallon, meyasa baza ki fahimce Ni ba? Ni mai ƙaunar ki ne wlh ina matuƙar ƙaunar ki." Ya ƙare maganar kuma yana kai hannunsa a hankali ya kama nata, yayinda ya zuba mata lumsassun idanuwansa da suke ƙoƙarin sauya kamannin su

Ita kuma murmushi kawai take mishi tana ƙare mishi kallon ƙurilla, lokaci ɗaya ta gama saka shi a wani irin yanayin da ya soma ficewa a hayyacinsa, ba kaɗan ba ta san lagwon namiji musamman idan ta gama laƙantan shi.. sai da ta janyo shi jikinta yana ƙoƙarin haɗe bakin su sai ta hana shi damar hakan tana saka yatsarta ɗaya a setting bakin sa, still fuskarta na ɗauke da murmushin nan nata me zautar da duk wanda tayi masa, a hankali ta girgiza mishi kanta tana ɗan buga yatsan nata a laɓɓansa tare da cewa, "a'a Yallaɓoi mene ne kuma haka? Ka bari sai na ba ka damar yin wani abu dani." Sai ta saki dariya me sauti tana janye jikinta tare da zuba mishi rikitattun idanuwanta tana kashe mishi ido ɗaya

Ya kasa jurewa shiyasa ya sake damƙo ta yana cewa, "haba Princess I need you, please kar kiyi min wannan horon, ko nawa ne zan iya ba ki domin in kasance tare da ke a yau."

Harshenta ta sanya ta lashi kumatun sa tana dariya, sai kuma ta kafa mishi fingers ɗinta da suke zaro-zaro kamar na cin kare, sun sha jan lalle sun yi wani kyau na ɗaukar hankali a kan zara-zaran fararen yatsunta, hakan ne yasa ta hana shi ƙoƙarin kissing ɗinta da yake faman yi kamar wani maye, har ya soma yawo da hannunsa ɗaya a jikinta, sai tayi saurin cewa, "idan fa kana taɓa Ni farashin ka yana ƙara yawa ne. Wait until we trade."


"So how much do you need? What do you want me to give you? I can give you wlh." Yafaɗa cikin rawan murya wanda tuni ya fice a cikin hayyacin sa sabida jin albarkatun jikinta manne da shi

Janye jikinta tayi tana yatsina fuska, sai kuma ta ɗauki wayanta tace, "For my account number, send me the money before we talk."

"Ok." Ya furta da sauri yana ciro nashi wayan tare da kwashe Numban nata da ta karanto mishi, bai yi wata-wata ba ya tura mata 50k a account ɗin

Tana gani ta ƙyalƙyale da dariya, sai kuma ta dube shi cikin tsananin nuna soyayya tace, "But please be patient Malam, now I don't have your time, don haka idan kana so muyi wata harƙalla ka bari sai na dawo daga tafiya, sai abun da kace zan yi." Ta ƙare maganar tana cije leɓen ƙasan bakinta cikin wani irin salo me jan hankali

Shi kuma jajayen idanuwansa ya zuba mata, tare da matsowa sosai wajenta, hannu yasa zuwa saman cinyanta yana shirin kware mata skirt din da ke jikinta, cikin marairaice fuska yace, "Please help me I can't stand it for a while, Princess I love you I need you in my life."

Ɓata fuska tayi tana ɗaura dogon farin hannunta a saman nashi, tare da cewa, "kuɗin ka bazai yi min maganin komai ba Malam, idan ba ka amince da abun da nace ba zan dawo maka da kuɗin ka, ba na son takura." Ta ƙare maganar tana kwaɓe fuska kamar zata yi kuka

Hakan yasa yace, "shikenan is ok, na amince Princess, but ko ɗan kaɗan ne ki bani dama in ɗan rage wani abu."

Murmusawa tayi tace, "You don't agree with what I'm telling you?"

"Na yarda but please, just 10mint."

"Ok." Ta furta tana ɗan janye hannunta daga saman nashi hannun

Hakan ne ya ba shi damar ci gaba da abun da yayi ninya cikin sauri da nuna zalamansa, they immediately clung to each other, at one point they began to romance tamkar zasu haɗiye kansu, kowannen su cike da ƙwarewa yake aikawa ɗan uwansa message

Sai da ta ga abun yana son wuce gona da iri sannan ta janye jikinta, duk da dai sosai taji daɗin kasancewar su tare don ba kaɗan ba alamu ya nuna mata Tariq ɗan Love ne ya iya sarrafa Mace, ta san cewa duk sanda suka kasance tare zata ji daɗi ba kaɗan ba, sai dai kuma bata yi ninyar ba shi kanta ba a yanzu don ba shi ne a gabanta ba, shiyasa ta lallaɓa shi sannan ta samu ta fito ta wuce gida

Shima ya tafi zuciyarsa na ƙara tsananin bege da ƙaunarta, bai san ya zai yi da mahaukaciyar ƙaunarta da sha'awar ta da yake fama da su ba, duk da dai ya san ita wace ce amma a zahiri da zai samu damar mallakar ta a matsayin Mata wlh sai ya aure ta, amma zai jure duk wani wulaƙanci domin ya mallake ta, shi dai ya san ya more idan ya samu zuƙeƙiyar yarinyar nan, bata da makusa ko ta'ina tayi mishi ɗari bisa ɗari, ya san idan ta zama mallakin sa dole zai hana ta mu'amala da duk wani namiji, ita ba irin matan nan da za'a iya yasar da su bane, sun san kan rayuwa kuma sun san yanda zasu bi domin su mallake zuciyar ɗa namiji, don haka shi babu ruwan shi don ita karuwa ce, shi dai ya same ta domun farin cikin zuciyarsa, ita kaɗai ce zata iya dashi.




             Arab kuwa koda ta shiga gida ta tarar da ƴan uwanta a gindin bishiya ne zaune. Inna kuma tana ɗaki a lokacin, but