You Cannot Download this book untill you login but you can read it .

---

Login Register

miƙewa daga kan gadon. Sai ta bi bayan Firdausin bayan ta fita ta kulle ƙofan. Toilet ta shiga taYi wanka sannan ta ɗaura alwala ta fito, bayan ta gama shiryawa ta sanya kayan barcin ta riga da wando sannan ta rama sallan isha'i da bata yi ba. After she's finished sai ta kashe fitila ta kwanta, a nan ne ta ɗauki wayanta tana ta faman latse-latse. Bata yi barci ba har kusan ƙarfe ɗaya, tana kan WhatsApp tana hira da samarin ta, ciki kuwa har da Alh. Bashir da suke charting dashi, tamkar sun daɗe da sanin juna yanda ta saki jiki suna ta hira. A ranan basu kwanta ba sai da ta ci kuɗin shi, don account yace, "ta tura mishi." Tana yin mishi sending ya tura mata 50k a account ɗinta, farin ciki ne ya cika ta sai murna take yi

Yace mata, "yana buƙatar su haɗu, bazai iya jira har sai ya zo Zaria ba, amma ta biyo shi Abuja inda yake zaune."

       
Bata ja lokaci ba ta amince mishi zata zo, but sai dai tace mishi, "ya bari zuwa Sunday sabida yanzu tayi tafiya."

Yace, "ba komai."

   
Haka suka jima suna chart daga ƙarshe ta tura mishi hotunan ta sannan ta sauka ta kashe wayan, bata jira ma reply ɗinsa ba. A ranan a cikin farin ciki ta kwana, ta tabbata zata samu kuɗi a hannun mutumin nan, har ta lissafa irin fantamawan da zata yi, yanzu burin ta zai cika, dole ne ta wanke shi iya wanka har sai ta mallaki mota a hannun sa, burinta kenan. A haka barci ya sure ta cikin tunane-tunane da mafarkin kuɗin da zata samu.
[07/07, 11:30 pm] OumƊahirah نفيسة: 🌍🌍🌍🌍🌍🌍

         *RUƊIN DUNIYA!*

🌍🌍🌍🌍🌍🌍


*NA_NAFISAT ISMA'IL LAWAL*
_UMMUDAHIRAH_

*SARAUNIYAR TSOKANAR PERFECT 🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

                  *P.W.A✍️*










_________________________

*BABI NA BIYAR*
_______________ Washe gari Arab ita tayi musu Breakfast suka ci gaba ɗayan su

Ganin jikin Firdausi da sauƙi, sannan ga Arab a tare da ita shiyasa Nafi'u ya fita wajen aiki ya bar su

Bayan fitan shi ne Arab ta wuce ɗakin Firdausin tayi wanka ta shirya cikin doguwar rigan atamfa fitet gwon. Sosai rigan ta zauna mata ɗas a jikinta ta fito mata da duk wata sura da Allah ya bata. Bata ɗaura ɗankwali ba sai ta zauna a bakin gado ta ɗauki wayanta ta kunna. Saƙonni ne suka soma shigo mata bayan ɗan wani lokaci da wayan ta gama daidaita, yawanci duk na samarinta ne sai na Ibrahim. Na shi ta soma buɗewa ta duba yana mata korafin, "meyasa ta kashe wayanta?" Bata yi mishi reply ba sai ta soma duba messages ɗin Alh. Bashir da taga ya turo mata. Murmushi ne ya bayyana a kan kyakkyawar fuskarta tana yi tana karantawa, ta san dama za'a rina dole zai susuce a kan hotunan da ta tura mishi, hakan take so dama. Wani irin shu'umin murmushi ta saki har da sautin shi, sai ta cije leɓen ƙasan bakinta tana wani turo baki, still akwai murmushin a kan fuskarta take ta faman karanta zafafan saƙonnin shi, har da korafinsa shima domin jin wayanta a rufe. Yana sanar mata ma, "bazai iya jurewa har tsawon wannan lokacin batare da ya kasance da kyakykyawa irinta ba, shi bai san ma haka take ba wlh." Kalamansa suna nuni da cewa ya gama susucewa da kyawun ta, hakan shi ne burin ta dama, yanzu ne wasan zai fara. Sai kawai ta danna airplane mode a wayan tare da ajiyewa, sai ta miƙe ta fice tana rera waƙar Isa Ayagi na "So ƙaddarar zuciya!" Har da murza jiki tsaban farin cikin ya kai mata

Firdausi da ke zaune a falo da Cup ɗin tea a hannunta, duk da yanzu suka gama karin safe amma har ta haɗa wani tea ɗin tana sha, sabida ba ta jure yunwa tunda ta samu cikin nan. Tun fitowarta ta ɗaga kai tana kallonta

Ita kuwa ko a jikinta tunda dama ba kunya ne a idanunta ba, rawan ta kawai take yi tana dariya sosai. A haka ta iso kujeran da Firdausi ke zaune ta zauna a kusa da ita cikin farin ciki da walwala wadda hakan ya nuna a kan fuskarta

Firdausi tace, "Auta wannan murna haka me ya faru?"

Kafaɗa ta ɗage da faɗin, "nothing. It was just something I remembered."

"Ok."

Sai ta shafa kanta tana sake kallon Firdausin da cewa, "za ki yi min kitso Aunty, kaina duk ya kwance."

Ɗan waro ido Firdausin tayi da cewa, "haba Auta, Ni da ban da lafiya ai bazan iya ba, ko kin manta jinya kika zo?"

Dariya tayi, sai kuma tace, "na manta wlh. Shikenan idan na koma sai in Yi, or when Aunty Ummu arrives she offers it to me." Ta ƙare maganar tana tashi ta ɗauko remote control da ke gaban t.v, and she came back sat down and started changing channels. Da haka suke hira da Firdausi zuwa ɗan wani lokaci sannan ta tashi tace, "bari ta ɗaura musu girki." Tana sane ta kashe wayanta saboda Alh. Bashir, tana son ta sake kama zuciyarshi don sai ta gama jan mishi aji before ta sake kula shi, haka tsarin ta yake, ba kowa ke samun Arab cikin sauƙi ba, yarinya ce me shegen wayau da shiga rai, musamman yanda kyawunta ke fuskar mutane shiyasa take da sauƙin kama zuciyar ko waye. Sai dai komai nata tana yi ne cikin class, She is not easy to deal with in her people, abu ɗaya ne yake saurin kama zuciyarta shi ne kuɗi, idan kana da kuɗi zaka ga tarairaya da ƙauna a wurinta, sai dai tana yin komai ne duk saboda kuɗi, tana da taurin zuciya wanda ba kowa ne zai iya shigan ta ba, duk yanda zata nuna maka ƙauna na ɗan lokaci kaɗan ne zata watsar da kai, ko kaɗan soyayya ba ta burge ta, koda wasa bata taɓa yi ba, in fact ma har yanzu ita bata yarda akwai wani SO ba, already ta sa a ranta komai kuɗi yana yi, farin ciki ne a soyayya, to ta tabbata duk sanda ta samu hamshaqin me kuɗi wanda take mafarkin samu a koda yaushe zata aure shi, shi ne kawai zai kawo mata farin ciki da soyayya a ranta, kuma har yanzu idanunta basu nuna mata wannan zaɓin ran nata ba, domin duk samarinta da ta taɓa yi kala-kalan masu kuɗi; har yanzu bata samu me kuɗin da zai iya siye zuciyarta ba bare har tayi marmarin auren shi. Sannan ita a rayuwa ba ta ƙaunar aure yanzu sabida gani take yi yanzu ta soma ɗiban duniyarta da tsinke, baza ta iya kashe kanta tun da ƙuruciyarta ba ta tarawa kanta matsalolin aure ba, tana da burika da yawa sai ta cika su kafin zata zaɓo namijin da ya cancanta ya mallake ta, sannan baya ga kuɗi tana son namijin da yayi suna a duniya ko iya Nigeria, wanda dai ya zama shahararre ne shi, irin kalan Mazan da take buƙata kenan.



            Sai ku bi Ni masoya mu gani burin Arab zai cika ko kuwa? Wanne irin ƙalubale zata fuskanta sakamakon duniya da ke ruɗanta? Uhmm bamu fara ba fa, ku gyara zama kawai FAN'S 😍.









✳️✳️✳️✳️✳️✳️✳️✳️



                    *ABUJA STATE*
            Kwance yake a bakin tafkin Swimming pool, a kan kujera mai kamar gado na katako, babban garden ne wajen wanda aka ƙawata ko'ina da green grass. Yana sanye da Singlet fari sol tare da gajeren wando kalan kore da ɗige-ɗigen ja. Yayinda ya ɗaura dantsen hannunsa ɗaya a saman goshinsa, ɗaya hannun kuma yana riƙe da wayansa yana kallo, inda kyakykyawar murmushi ya ƙawatu a saman beauty face ɗinsa, ga dukkan alamu ya shagalu da kallon fuskar wayan ba tare da ya ankare da zuwan wata budurwa ba

Ita kam tana sanye da riga da wando matsatstsu da suka fito mata da halittun jikinta, sai ta saka baƙin gyale ta ɗaura a saman gashin attachment ɗinta da aka yi mata kwalliya dashi. Zuwan ta wurin ba tare da ya san da ita ba sai ta sanya hannu ta zare wayan daga hannunsa

Yayinda shi kuma a lokacin sai yayi firgigit tamkar ya dawo a cikin hayyacin sa yana bin ta da kallo, kana kuma ya tashi zaune fuskarsa tana haɗewa lokaci ɗaya murmushin da ke kai ya ɓace ɓat

Kafin ma yayi magana sai ita ta ɗago kai a fusace kasancewar ganin wata kyakkyawar yarinya da yake kallo a jikin wayan, wanda hakan ne ya ɗauke mishi hankali har bai san da zuwanta wajen ba. Hakan yasa zuciyarta tayi baƙi nan da nan fushi da kishi suka bayyana a kan fuskarta, inda ta kalle shi cikin wani irin yanayi tace, "What is this Malik? Who is this girl? What is your connection with her?"

Ɗan waro idanusa yayi yana mata kallon mamaki, ba tare da ya amsa mata tambayoyin nata ba kuma sai ya ɗauke kanshi yana sake haɗe rai sosai

Hakan ya sake fusata ta cikin tsawa da ɗaga murya ta sake cewa, "Malik, are you talking to you and keeping me quiet? I said who is this girl? Ka bani amsa idan ba haka ba wlh zan yi abin da zaka yi dana-sanin sani na."

"Kiyi abun da za ki iya kinji ko? And bazan faɗa ko wace ce ba, dalla bani wayana."

"Bazan bayar ba." Tayi maganar cikin tsiwa still a fusace wadda har ƙwalla sun cika mata idanu

Shima a fusacen a yanzu yace, "Ke Nawwara ba na wasa da ke, i said give me the phone or..."

Ta katse shi da sauri cikin muryan kuka da cewa, "wato amanata kake ci ko? Wlh tallahi ba ka isa ba Malik, baka isa ka wulaƙanta Ni ba, kayi kaɗan." Ta ƙare maganar cikin buɗe mishi idanu wadda a lokaci ɗaya ta fashe da kuka cikin ƙunan rai da ke nuni da tsantsan kishinta

A dai-dai lokacin ne wani saurayi Black beauty ya iso wajen, tare da faɗin, "wai me ke faruwa ne a nan?"

Dalilin da yasa Malik ya kasa yin magana kenan ya bi saurayin da kallo suna haɗa idanu

Yayinda shi kuma saurayin ya mayar da idanunsa a kan Nawwara da ke faman kuka kamar wacce ranta zai fita, nan da nan har ta ɓata fuskarta da kwalliyan da ta caɓa. Kafin yayi mata magana har ta wurga wayan a jikin Malik ta ruga da gudu tana kuka sosai

Da kallo suka bi ta har ta ƙulewa ganinsu. Inda Malik ya ja tsaki yana ɗauke kanshi ya mayar a kan wayan da ke jikinsa ya ɗauka

While shi kuma saurayin sai ya taho ya zauna a saman carpet da ke shimfiɗe a wurin an jera drinks a sama. Zaman shi ya bi Malik da kallo yana cewa, "me kayi mata ka taɓo ta haka?"

"Me kuwa nayi mata? Shirmen kishin ta take so ta nuna min haukansa a nan."

Murmushi yayi yace, "Allah ko? Ni dai na san da abun da kayi mata shiyasa ka motsa mata, please tall me what did you do to her?"

Ɗago kai Malik yayi ya kalle shi, sai ya ɗauke kanshi yana mayarwa a saman wayansa tare da duban hoton budurwan da ke jiki, bai san sanda murmushi ya suɓuce mishi ba yana faman shafa kan wayan a hankali

Ganin haka ne yasa Abokin nashi ya amshi wayan yana dubawa shima. Arba da yayi da kyakykyawar halittar da ke gaban wayan, sai ya ɗago kai da sauri yana duban sa tare da faɗin, "wace ce wannan kuma?" Ya ƙare maganar yana sake duban wayan

Shi kuma Malik yalwataccen murmushin ne ya sake suɓuce mishi, sai da ya kai hannu ya shafa ƙasumban shi kafin yace, "I don't know her."

"Kamar ya?" Ya furta yana kallon sa

Numfashi ya sauke yana ɗan cije leɓen ƙasan bakinsa. Sai da ya fuskance shi before yace, "Sinior ita ce yarinyar da ta hana Ni sukuni a tsakankanin wannan lokacin."

"You mean. Ita ce wacce ta sanya ka a cikin wannan halin da kake ciki?"

Gyaɗa mishi kai yayi

Sai shi kuma Sinior yayi murmushi tare da cewa, "cab ɗijam! Kace ka taro match ne ba ka da ƴan wasa, ai dole Nawwara ta tashi hankalin ta ashe ta kama ka kana kallon wata ce, amma ya aka yi ban sanka da ita ba? Duk a cikin ƴan matan ka ban taɓa ganin kyakkyawa irin wannan ba, Guy aina ka samo ta domin ta haɗu wlh babu ƙarya?"

"Ban santa ba nace maka, yanda ka ga hoton ta haka nima nake gani kullum, kuma a haka ne ta sanya ni a cikin wannan halin."

"Wai ban gane ba fa, me kake nufi?"

"Sinior I don't know her, nima tsintan hotonta nayi a facebook, wani ne yayi post a page na Arewa show. Tunda naga hoton wlh na susuce hankali na ya tashi, bani da buri sama da in Yi tozali da ita, amma abun ya faskara, yau tsawon sati biyu kenan na rasa sukunina na kasa cire ta a raina bare in manta ta, hasali ma ko sunanta ban sani ba, na bibiyi wanda yayi post ɗin but shima yace min bai santa ba, ya tsinci hoton ta ne shima yayi post a page ɗin." Sai ya ja wani dogon numfashi mai fita da huci, a hankali kuma ya ci gaba da cewa, "Sinior na kusa na rasa hankali na gaba ɗaya idan ban samu yarinyar nan ba, zan mutu wlh, bani da buri face in ganta in bayyana mata irin tarin ƙaunar da nake mata ba, wlh ban taɓa son ɗiya mace makamanciyar yanda nake mata ba, kai ko kwatan-kwata ban taɓa yiwa wata halitta ba kamar yanda nake jin nata soyayyar a zuciyata ba."

Da kallo kawai Sinior yake bin shi dashi ba tare da yayi yunƙurin katse shi daga zantukan shi ba, haƙiƙanin gaskiya yake gani tsagwaronta a cikin idanunsa, wanda ya san waye Malik ciki da bai kuma ya san tabbas da gaske yake yi, babu shakka ko shi da ya kalli hoton yarinyar ya ji matsananciyar soyayyarta domin ita ɗin abun burgewa ne ga kowa, sai dai me, babu halin ya bayyana nashi soyayyar sabida Abokinsa ya riga shi. Numfashi ya ja shima yana mayar mishi da wayan nashi tare da cewa, "yanzu kana nufin duk tarin ƙaunar da kake yiwa Nawwara bai kai na wannan yarinyar da ba ka san wace ce ita ba?"

"Bazan ɓoye maka ba ka san hali na Sinior, wlh da gaske nake maka ban taɓa jin irin soyayyar da nake mata a kan wata Mace ba, Ni kaina ina mamakin yanda zuciyata ta haukace da tunaninta, komai ba na iya yi yanzu sai da tunanin ta, wlh Sinior idan har zan samu yarinyar nan zan iya bada komai nawa domin in mallake ta, Ina sonta da gaskiya, kuma son da nake mata ba irin na sauran Mata da nake musu ba ne." Sai kuma ya fuskance shi sosai tare da ƙara faɗin, "wlh idan har zan samu yarinyar aurenta zan yi domin in killace ta a gidana, amma ban san ya zan yi ba, ban san ta inda zan fara ba."

Jinjina kanshi Sinior yayi tare da faɗin, "lallai kam Malik, kana da babban aiki a gaban ka, ba wai nemo yarinyar da ba ka san inda za ka neme ta ba, a'a; matsalar yana ga wurin Nawwara, yarinyar da ka koya mata soyayyarka tun bata san kanta ba, yarinyar da ta so ka a rayuwarta ba ta jin maganar kowa sai kai, yarinyar da ta mallaka maka komai nata, yarinyar da ta fitsare jikinta duk saboda kai ta koma yanda take a yanzu, to ya zaka yi da ita? Da wanne ido za ka kalle ta? Ka san halin Nawwara ba sai na ba ka labari ba, a kanka zata iya kashe ko waye ne sai dai itama a kashe ta, ta sha yin dambe duk a saboda kai, ta sha zuwa cell duk a sabida kai, ta koma tamkar Matarka duk don ta faranta maka rai, sannan kai ma kayi mata alƙawari ba sau ɗaya ba; ba sau biyu ba a rayuwa, to ya za ka yi da ita?"

Shiru kawai Malik yayi yana kallon Sinior yayinda ya kasa cewa uffan

Sai shi Siniorn ya sake cewa, "kaga Malik idan ma mafarki kake yi to ka farka daga wannan barcin, duk da naga hoton yarinyar nan na san cewa ta fi Nawwara komai, bama za'a haɗa su ba idan kyawu ne, amma ba ka san inda take ba, ba ka san ta ina za ka fara nemanta ba, ba ka san cewa tana raye ko ba ta raye ba, to; ta ya zaka soma sonta bayan ba ka da hanyar da zaka iya nemanta? ba ka da wani takamaiman hanya ɗaya mai sauƙi da zai kaika gare ta, Malik ka dawo hayyacinka tun kafin ta shiga tsakanin ka da Nawwara, kaima abun da bazai taɓa faruwa bane."

Malik yace, "na ji abun da kace, but ka sani wannan issues ne na rayuwata, soyayyata ne na gaskiya, bazai taɓa yiwuwa in cire abun da nake ji a game da yarinyar nan ba, ba Ni na sakawa kaina ba taya ya zan cire?"

"Akwai hanyoyi da dama da za ka iya bi ka cire ta."

"Which way is it?" Malik ya tambaye sa yana zura mishi idanu

Sai yayi murmushi shi kuma yana cewa, "na farko dai na tabbata soyayyar yarinyar nan abu ɗaya zuwa biyu yasa ka kamu da ita, na farko kyawunta, Ni na tabbata kyawunta da sha'awarta yake ruɗanka Malik, baya ga haka babu komai Malik, kuma idan kayi yaƙi da zuciyarka ka nuna mata wannan ba irin Matan da kake samu cikin sauƙi bane zata fahimta, wannan baka santa ba, ba ka da tabbaci ma Mutum ce ita ko aljana domin kyawun nata yayi yawa..."

Katse shi yayi da cewa, "yanzu kana nufin ba ka yarda cewa ina sonta har zuciyata bane? Taya kake ganin zan iya bayyana wannan magana alhalin akwai Nawwara a tare da Ni? Meyasa zan janyowa kaina fitina?"

"Shikenan na yarda kana sonta, amma zaka iya cire ta ai, kaga Malik don Allah ka dena wannan maganar ma domin abun da bazai taɓa yiwuwa bane, da ace ka san inda yarinyar nan take to Ni zan iya goya maka baya ka aure ta, sai dai da sharaɗin zaka haɗa su su biyu da Nawwara, amma babu batun ka kawo wata wai kana so alhalin kuna tare da ita."

"Ok." Ya furta yana miƙewa ba tare da ya sake cewa komai ba

Sai Sinior ya bi shi da kallo yana cewa, "ina kuma zaka je?"

"Zan shiga ciki." Yayi maganar ba tare da ya juyo ba yayi tafiyar sa

Sinior shima ɗage kafaɗansa yayi before ya miƙe ya doshi hanyar fita gidan gaba ɗaya.




          Malik na zuwa babban falon su ya ci karo da Mummyn su

Ganin shi yasa tace, "Malik zo nan, me ya haɗa ku da Nawwara ne wai? Yanzu ta shigo tana kuka tayi ɗakin su Zainab."

Yatsina fuska yayi, sai kuma ya taho yana zama a gefen Mummyn tare da cewa, "me tace miki nayi?"

"Idan da ta faɗa min ai bazan tsaya ina tambayar ka ba."

Tamke bakin sa yayi before yace, "a kan kishinta na banza ne, Allah yarinyar nan ta soma ƙure Ni, da abun da yakamata da wanda bai kamata ba duk sai ta hau kai tana nuna kishi, to ni wlh ta soma kai Ni bango bazan jure ba."

Dariya Mummy tayi da cewa, "wai kana nufin Nawwaran naka ne yau ta soma kai ka bango? Lallai kam yau naga abun da ya fi ƙarfi na."

"Uhm Mummy ki dena ɗaukar abun nan da wasa, wlh abun da take yi ya soma isata, yarinya sai bak'ar kishin jaraba sai kace ita kaɗai ce aka halarta min in aura?"

"Tofa! Kace dai ka samu wata ce kake so ka juya mata baya? To ai da gaskiyarta tunda tana kishi ne a kan abinda take so, to bari kaji Ni kaina bazan taɓa goya maka baya a kan abun da kake shirin yi ga Nawwara ba, tunda har ka ɓata mata rayuwa ta zama yanda ta zama a yanzu dole ne ka aure ta."

"Wai ban gane ba Mummy, na ɓata mata rayuwa kamar ya don Allah? Me kike nufi?"

"Abun da nake nufi kaima ka sani, yarinyar nan dai tun tana ƙarama take tare da kai, ta ƙi kowa sai kai, ga shi yanzu har ta gama karatunta kuna tare, sai yanzu kuma da aka zo gaɓa ana shirin aurenku shi ne zaka zo da wani magana?"

"To yanzu Mummy wanne magana na zo da shi ne?" Yayi maganar kamar zai yi kuka

Hannu ta sa ta shafa kanshi before tace, "to idan baka zo min dashi ba ka faɗa min mene ne musabbabin abun da ya haɗa ku yanzu kuke faɗa? Sannan gaba ɗaya ka sauya a ɗan kwanakin nan ko fara'a ba ka yi, duk me ke damun ka ne?"

Shiru yayi yana kallonta, kamar zai yi magana sai kuma yayi shiru yace, "ki bar zancen nan Mummy."

"Shikenan tunda yau Ni kake ɓoyewa abun da ke ranka, idan yayi wari zamu ji. Ina maganar mu da nace zaka je Kano?"

"Ki bari gobe sai in je tunda yanzu yamma tayi."

"Ok Allah ya kaimu rai da lafiya, akwai saƙon Mai martaba da zan baka sai ka wuce mishi dashi."

"To Mummy." Ya furta yana miƙewa tare da sake cewa, "Mummy bari in je in Yi wanka zan fita, but ki ce Zainab ta kawo min laptop ɗina tun kafin in karyata."

"Kun fi kusa ai, idan ka karya ta kuma kai da Abban ku." Tayi maganar tana mayar da idanunta a kan t.v

Yayinda shi kuma ya wuce ba tare da yace komai ba, ya haura sama inda ɗakin shi yake yana fito ya shige ciki

Nawwara da ta fito cikin ɗakin su Zainab ƙannin Malik, sai ta hange shi ya shige shiyasa ta bi bayan shi ta tura ƙofan ta shige itama.
[07/07, 11:32 pm] OumƊahirah نفيسة: 🌍🌍🌍🌍🌍🌍

     *RUƊIN DUNIYA!*

🌍🌍🌍🌍🌍🌍


*NA_NAFISAT ISMA'IL LAWAL*
_UMMUDAHIRAH_

*SARAUNIYAR TSOKANAR PERFECT 🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

                  *P.W.A✍*










_________________________

*BABI NA SHIDA*
_______________Har ya zauna a saman sofa ya soma latsa wayansa sai ya ji motsi, da sauri ya juya suka haɗa ido da ita, sai ya ɗauke kai yana sake tamke fuska ya ci gaba da abun da yake yi

Ita kuma tana tsaye tana faman kallon bayan shi, sai kuma ta tako a hankali ta iso kujeran da yake ta samu waje ta zauna tare da kama hannunsa tana ƙoƙarin shigewa jikinsa

Da sauri ya ɗago yana kallon ta yace, "stop it, I don't want you to be near me."
   

Ɗago idanunta tayi ta zuba mishi waɗanda a yanzu har sun tara ruwan hawaye, cikin sanyin murya tace, "me nayi maka?"

"Tambayana kike yi?"

"Yeah. Ban san me nayi maka ba."

"Ok." Ya furta yana ɓanɓare hannunta tare da miƙewa zai wuce

Da sauri ta tashi ta ƙanƙame shi ta baya tana sakin kuka me ban tausayi

Take ya runtse idanuwansa sabida jin yanda ta manne mishi a jiki, bazai iya jurewa ba shiyasa yayi saurin soma ɓanɓaro ta a jikinsa yana cewa, "Nawwara ba na son wannan abun, Please sake Ni."

"No bazan sake ka ba, wai me nayi maka ne kake so ka kashe Ni? Me nayi maka?" Tafaɗa cikin kuka sosai kuma ta ƙi sakin sa

Tamke bakin sa yake yi yana wani karkaɗa kai, sai kuma ya ja jiki a hankali ya koma saman kujeran yana cewa, "is ok mana, mene ne na kukan kuma?"

"Kai ne ai."

"Me nayi miki?" Ya furta yana kamo ta sosai ya sake mannata a jikinsa tare da yunƙurin share mata hawayen

Sai ta kawar da kai tana kallonsa tace, "wace ce yarinyar nan da na ganku tare? Kana nufin ka dena so na ne ko kuma ka gaji dani ne? Ka faɗa min mene ne alaƙar ku idan ba haka ba zan mutu?"

Shiru yayi kawai yana kallonta, shi ya kan rasa wacce iriyar Mace ce Nawwara, idan da ace zata san waye shi a zahiri ba ya tunanin zata iya kai wa anjima bata mutu ba, sai dai kuma komai nasa yana yi ne