You Cannot Download this book untill you login but you can read it .

---

Login Register

da ganin kukan dijama a ko da yaushe a ko wane lokaci, har mamaki takeyi kamar ba dijamar da tasani bace jaruma mai fitina Wanda kafin kaga zubar hawayenta aikine babba."

Hakan ta lallashe ta tasamu tayi shuru ta gyara mata kwalliyarta sann suka fito."

Mommy ta dubi mahmud tace gidanka zamuje muyiwa matarka sallama daga nan sai su gaisa da inna domin yau da la'asar zamu koma gida."

Murmushi kawai yayi sai a lokacin ya tuna da yana da wata mata,
Ya mik'e tsaye yace "to mommy naso kubari sai an kwana biyu koda zaku koma gida."

Tsohuwa tayi "karaf tace to bazamu bari ba yau zamu tafi gida,
Kuma nayi iya tabbata maka dijama bazata koma makarantar kwanan nan Wanda ake shanye jinin mutane
kai nafa fad'a maka k'afa ta k'afarta a tare zamu koma k'auye muci gaba da zamanmu kamar yanda muka saba,

Diba ka ga yarinya duk ta rame ta kod'e kamar wacce batada jini ajiki wnn zaluncin da mai yayi kama."

Ta gefen ido mahmud yake kallon dijama da ke zaune a kusa da mommy,

Snn Abba yace "ai tunda kowa ya shirya sai mutashi mutafi."

Mota biyu suka shiga da motar Abba da motar Mahmud kai tsaye gidan mahmud suka nufa."

Da sallama suka shiga gidan amma ba Wanda ya amsa masu saboda ba kowa a cikin pallow Yusra tana birdromm a kwance tana waya da Aminiyata tana bata shawarwarin hanyar da zatabi ta samu Mahmud yazama nata."

Sautin magana taji a can pallow yasa tayi saurin yin sallama da ita tamik'e da sauri tana sanye da gajeren wandon iya cinya da tare da wata Riga Wanda wa ita wa babu duk d'aya."
Wnn shigar da takeyi ba wani abin mamaki bane ga duk Wanda ya santa domin a cewarta manyan kaya nauyi suke mata a jiki."

Cikin tafiyarta ta yanga da Jan hankali ta nufi pallow."




*kuyi hkr dani Dan Allah wasu hidimomi ne suka sha kaina amma da zarar na kammalasu zaku dinga ganin posting dina ako da yaushe*

🌹 *DEEJAMAH*🌹
( _Yar gidan tsohuwa_ )😅




Writing
By
*UMMU SAFWAN*
( _Fareeda Basheer_ )





*41*






Kai tsaye tanufi pallow tana tafiya tana girgiza tana yanga,
A can ta hango mutane Zazzaune a kan kujera,
Mahmud yana tsiyaya masu lemo a cup,
daga ganin alama kasan suna da fahimmanci gareshi."

Sai da tazo dafdasu a can tayi tozali da Abba,
fara'a tasaki a fuskarta, ta nufi wurinsa domin ta gaida shi,
don shi kad'ai tasani a cikin mutanen da tagani zazzaune a pallow,

amma daga ganin mommy ta fahimci cewa itace mahaifiyar mahmud sai kuma Khalil wanda ta sanshi tun a wurin partty kasancewar ya gabatar mata da kanshi a matsayinsa na k'anen Ango,
Bayan hakan kuma da zarar ka kalli Khalil da mahmud zakaga suna matuk'ar kama da junansu sosai."

Sai kuma kyawawan 'yan mata da tagani guda biyu wad'anda suka ci kwalliya, musamman dijama data hard'e k'afa d'aya kan d'aya tana mata wani kallo na bakida tarbiya."

Mahmud yayi saurin doka mata tsawa tun kafin ta kai da zuwa wurin Abba, yana Jifanta da wani kallon tsana,
Wanda yasa tayi saurin dakatawa da zuwa wurin, jikinta ya soma rawar tsoro."

Ya nunata da hannu rai b'ace yace "dibeki kidibi jikinki, ki kuma dibi kayan da ke sanye a jikinki a hakan zaki tunkari mahaifana da sunan zaku gaisa dasu?"
Kina so ki nunawa duniya cewa bakida tarbiya kenan, kina kuma so ki nunawa mahaifana cewa banyi dacen matar aureba."
Ya kuma doka mata tsawa yace "Dan Allaha malama kije ki suturta jikinki, ki sanya kayan mutumci snn kifito Ku gaisa."

Sai a lokacin taji kunyar kayan dake sanye a jikinta, jiki sab'ule ta juya tana tafiya ko ina na jikinta yana motsowa."

Gaba d'ayansu saboda jin kunyar shigar da tayi ko wannensu ya kauda kai daga kallonta amma banda Khalil,
Da ya karkace kai ya k'ureta da ido yana k'arewa surar jikinta kallo a zuciyarsa yana fad'in brother yayi dacen mata amma gaskiya zai huta a wurin can."

Tsohuwa kuma saboda mamaki da Al'ajabi kasa magana tayi, xaune take wuri d'aya a kan kujera ta rafka tagumi, tarasa abin fad'a,
Can ta nisa ta kalli mahmud dake zaune daga ganinsa akasan ransa a b'ace yake tace "kai kuma irin matar da KA aura kenan?"
Ta rik'e baki tace "Allah mai iko yau naga abinda mmki, naga abinda bantab'a gani ba a duniya."

Kowa yayi shuru yana sauraren tsohuwa a zahirin gaskiya kuma kowa da abinda yake tunani a ransa musamman mommy da tun farko bataso aurensa da Yusra ba sabida rashin tarbiyarta da kuma sangartarta uwa uba rashin kamun kai,
Dan dai ba yanda zatayi ne,
Abba ya riga da ya goyi bayan sai anyi auren."

Abba shima abin mmki yake bashi Ashe Dama Yusra bata da kunya hakan bai saniba?"
Ashe bata da tarbiya bai saniba?" Da yasan hakan take gudanar da tarbiyarta da bbu abinda zaisanya ya amince da buk'atar Alhaji Atiku, na aurawa mahmud ita."

Amma yaji dad'in tsawar da Mahmud yayi mata akan taje ta suturta jikinta wnn shi zaisanya tasan ba dai dai ta aikataba ko da a nan gaba idan wasu bak'in sukazo bazata tab'a tunanin ta fito a hakan ba."

Mommy taja dogon numfashi daga tinanin da takeyi ta kalli mahmud dake zaune tace "meyasa KA dokawa matarka tsawa wanda har ya sanyata tayi saurin firgita a gabanmu?"

Karka kuma yimata tsawa hakan Idan tayi wani abin da ba dai dai ba janta zakayi wuri d'aya KA zaunar da ita cikin hikima da kwantar da hankali ka nuna mata abinda tayi bata kyautaba, KA Nuna mata yanda kakeso ta kasance, zatafi fahimta
Baka dinga yi mata tsawa kana disgata a gaban bainar jama'a ba, hakan da kakeyi bayada kyau ko a addini."

Sunkuyar da kai yayi yace "mommy kiyi hak'uri bazan kuma ba."

Murmushi tayi tace "Allah yashi maku Albarka ya Baku zaman lafiya da hak'uri a zaman aurenku."

Aka amsa da Ameen amma banda dijama da tsohuwa."

Tsohuwa ta mik'e tsaye tana gyara mayafinta
tanufi hanyar waje, tana fad'in "ni da yake ba uwarka bace Wanda ta tsungunna ta haifeka, A lokacin da nake magana ai kyaleni kayi, kayi banxa dani,
Amma da uwarka tayi maka magana sunkuyar da kai k'asa kayi kana saurarenta daga k"arshe kuma kashiga bata hak'uri."

To na bar maka gidanka, na barka da marar kunyar matarka mai yawo tsirara a gaban bainar jama'a. Kai kan bakayi dacen mata ba, a hakan za'a aura maka 'yar uwarka a kawo maka ita, wnn fitsararriyar matar taka ta b'ata mata tarbiya,


Gaba d'ayansu kowa ya d'aga kai yana kallon tsohuwa Abba da mommy sai rok'on Allah sukeyi Allah yasa kadda tsohuwa ta furta abinda ba yanzun sukayi Alk'awarin fitar dashiba."

Tsohuwa na ganin kallo ya dawo kanta komai ta tuna ohoo tayi saurin Jan bakinta tayi shuru."

Shima mahmud d'in yashiga mmkin wace 'yar uwa tashi za'a aura mashi?"
Idan kuwa da gaske ne,
So akeyi a kashe masa rayuwa baza"a barshi ya zab'i wacce yakeso ba?"
A gaskiya a wnn karon sai dai Abba ya hak'ura domin bazai tab'a Amince masa ba."

Dijama najin hakan sai da gabanta ya yanke ya fad'i, tashiga tashin hankali,
Wace 'yar uwace tashi Wanda za'a kuma aura masa?"

Khalil kuma da yasan kwanan zancen ya kuma had'e rai, yana kallon tsohuwa yana jiran ta furta wata magana wanda batayi masa ba a tsakanin dijama da mahmud a nan take zai bata amsa domin kuwa babu wani Wanda ya isa ya aure dijama bayanshi, a yanda yakejin dijama a ransa komai yana iya aikatawa in har zai sanya ya sameta ya aureta tazama mallakinsa."

cike da mmki mahmud ya Mik'e ya nufi wurin tsohuwa
yana fad'in "yi hak'uri tsohuwa kidawo ki zauna ba kyaleki nayiwaba, ai ke kinsan bana kyaleki."
Fad'amun naji wacece kuma za'a aura mun?"

Tsohuwa tace "bazan fad'aba sainaji shak'a da bak'ura."

Mahmud yace "Allah yabaki hak'uri 'yar tsohuwa mai ran k'arfe."

ganin kusan minti 30 yusra bata fitoba,
Mommy da Abba suka mik'e tsaye Abba ya riga fita yana masu sallama snn mommy tare da su dijama,
Mahmud y bisu da kallo yace mommy bazakujira tafito Ku gaisa ba?"

Mommy tace idan tafito KA gaida ita sai mun sake dawowa, tafita SU fateema suka bi bayanta tareda Khalil, wanda duk yaji haushin tafiyar da akayi batare da Yusra tafito ya kuma kallonta ya tattacewa brother irin matar da ya aura."

Hakan ya rakasu mota Khalil yajasu suka nufi gida kowa da abinda yake sak"awa a ransa."

A fusace ya juya ya shiga gida, kai tsaye d'akinta ya nufa yana huci, kwance ya tarar da ita kan gado tana latsar wayarta hankalinta a kwance."

Zuciya ta kuma rufeshi ya fisge wayar yayi jifa da ita saida screen d'inta ya farfashe snn ya fincikota da k'arfi ya kwad'a mata mari har sau biyu yana furta , " na tsaneki bana sonki ko a lahira bana fatan nayi tozali da macce irinki nakashashiya marar tarbiya."

Kin wulak'anta mun iyaye wad'anda darajarsu kikaci har aka d'auramun wulak'attacen Aurenki,a kaina amma a yau sune kika bari zaune a parlour suna zaman jiranki."
kisani iyayena k'annena kakata wlh sune farin cikina, kuma yanda kika wulak'antasu sai na wulak'antaki na kuma wulak'anta ubanki."

Ya kuma kwad'a mata mari a karo na uku, ta rik'e kunci tana kallonsa tana kuka,
Ta nufoshi ta shige a jikinsa ta cimuimuye shi,
tana "fad'in KA kasheni mahmud KA kasheni nace Domin kawai nace ina sonka?
,KA kasheni na huta, amma kasani ko yanzun KA kasheni nacika burina na aureka, kai mijina ne ni matarka ce sai dai bak'in cikina d'aya da har yanzun ban......

Bata iyar da maganar da takeyiba taji saukar belt a jikinta abinda tunda uwarta ta haifeta bata tab'a jiba."

Kuka takeyi sosai tana Neman d'auki dakyar tasamu ta fita d'akin da gudu ta fad'a d'aya d'akin ta rufe ta sanya key tashiga kuka tana birgima, a maimakon tayi nadamar aurensa da tayi sai ma wani sabon sonshi taji yana taso mata. A zuciya."

_Hmmmmm so hana ganin laifi_

Da zuwansu Abba gida suka hau shirya kayansu zuwa gida, Amma banda Khalil da yace sai zuwa anjima zai taho idan Ahmad ya shirya."

Cikin ikon Allah suka sauka gida lafiya,
Washe gari tsohuwa itama ta hau shirya kayanta harda na dijama zasu koma Tofa, Abba da mommy suka shiga bata hak'uri dakyar aka samu tsohuwa ta hak'ura amma da sharad'in za'a fitar da dijama makarantar kwana."

Abba ya ameence da hakan, Dama kuma saura mako d'aya sufara jarabawar k'arewa."

*************

Sulaima da matarsa Fareeda kud'i sun zauna hankalinsu ya kwanta har fareeda ta kuma haihuwar 'yarta mace fadila."

Babu abinda zai iya cewa Abba da mahmud sai godiya domin A yanzun Abba ya wuce mahaifin Abokinsa, ya zama mahaifinsa mahmud yawuce Abokinsa ya zama d'an uwansa,

Tin lokacin da sulaima ya d'ora ido a kan dijama yaji yakamu da sonta,
Kuma duk irin rashin ji da yakeji mahmud yana fad'a akanta bai ganshi a tare da itaba.

Asalima na tsuwa ya gani a tare da ita da kamala,
Macce Wanda bata son yawan suruto da damuwa,
Bai taushi hannu ba kai tsaye ya same Abba ya fad'a masa k'udurinsa a kan dijama,
Abba yanuna jin dad'insa sosai a kan hakan kuma ya Amince a kan yaje ya nemi so a wurinta."

Alhaji Atiku hankali ya kwanta shalelensa ta aure Wanda takeso,
Amma wata damuwa d'aya da take damunsa tun lokacin da ya kori sulaiman daga wurin aiki bai kuma samun nutsuwa da kwanciyar hankaliba."

Da zarar ya shiga ofice d'insa zaiji gaba d'aya hankalinsa ya tashi baya iya zama yayi aikin da ya kawoshi, a cikin tashin hankali zai fita daga office d'in ya koma gidansa

A yanzun abin ya cutara kwata kw zauna ata baya k'aunar yabi Kota kusa da ofice d'in bare ya shiga cikinsa ya yayi aiki."

🌹 *DEEJAMAH*🌹
( _Yar gidan tsohuwa_ )😅




Writing
By
*UMMU SAFWAN*
( _Fareeda Basheer_ )





*42*






~~ Gaba d'aya yaransa abin yana damunsu,
sun shiga cikin damuwar canzawar da oga yayi, a lokaci d'aya,
amma banda Mahmud, dako a jikinsa aikinsa yakeyi ba ja da baya."


Yanzun kimanin shekara d'aya kenan Alhaji Atiku office d'insa ya gagaresa zama
Ga kuma lokacin siyasa ya kunno kai ana buk'atar taimakon commandan d'in sojoji, domin a bawa k'asa tsaro."

a duk lokacin da shugaban k'asa yayo aike a sanar ya tura jami'an tsaro sojoji ba'a tarar dashi a office."

Anan take sak'o ya iso wurinsa daga shugaban k'asa, akan cewa andakatar dashi daga aiki har sai zuwa lokacin da yaje ya nemo lafiyarsa snn yadawo bakin aikinsa."

Cikin kwana biyu aka Dora mataimakinsa mai adalci, ai kuwa cikin sati d'aya komai ya fara tafiya dai dai akan gaskiya."

Tun lokacin da sak'on sallama daga aiki ya tarar da Alhaji Atiku ya shiga rud'u da tashin hankali, babu abinda yafi d'aga masa hankali sai ce masa da akayi yaje ya nemo lafiyarsa."

Kuwa yakeyi yana d'aga murya tare da kai komo paloow zuwa birdromm yana fad'in " naje na nemo lafiyata hauka akace inayi ne?" ko zaucewa akace nayi?"

Sam bazai yiwoba inaji ina gani da raina da lafiya ta a saukeni daga kan kujerata,
Da k'arfi yashiga doka Kansa a bango,
mommy mahaifiyar Yusra tana gefensa tana magiya akan yayi hak'uri yabi komai a sannu, sai k'ok'arin fisgoshi takeyi amma ina yafi k'arfinta."

Sallamar mahmud taji yashigo pallow wanda rabon da yazo gidan tun kafin a d'aura masa auren Yusra."

Hango Alhaji Atiku yayi yana magagganu yana doka kansa a bango cikin hanzari ya nufeshi,
Yana fad'in subahanallahi Daddy meyake faruwa?"

Mommyn Yusra tace "Dan mahmud KA taimakamun ka janye shi daga wurin KA zaunar dashi."

Da kyar Mahmud ya samu ya janyeshi ya kwantar dashi a kan kujera,
Ya kafeshi da ido yana fad'in sannu daddy,
"Mommy meya sameshi?"

Alhaji Atiku ya zabura ya tashi zaune yace "mahmud wai ni za'a dakatar daga wurin aiki, ni Alhaji Atiku, sai kuma yayi shuru."

Shuru mahmud yayi ya yana tunanin irin dubban mutanen da shi ya kora da kansa, ashe
Ba dad'i."

"Daddy kayi hak'uri KA barwa Allah komai, idan kayi dibo da irin mutanen da kayita sallama daga aiki, ina ganin suma hak'urin sukayi suka barwa Allah,
Kaima ya kamata kayi hak'uri tunda kaine mai sallama gashi sallamar tazo kanka."

Magagganun da mahmud yakeyi sune suka dawo da tinaninsa,
Ashe dama hakan akeji idan aka dakatar da mutum da ga aiki?"

Yanzun duk wad'anda ya kora haka suka zauna cikin bak'in ciki da tashin hankali?"

Babu wanda ya fad'o masa a rai sai sulaiman wanda tun lokacin da ya koreshi ya kasa zama cikin kwanciyar hankali, gaba d'aya natsuwa ta k'aura cemasa,

Hakan sulaiman ya tsinci Kansa a cikin tashin hankali,a lokacin da ya koresa?"
yana da labarin irin wuyar da yasha kafin ya samu aikin, ba dan komai sai dan yayi dogaro da kansa ya kuma tallafi mahaifansa."

Mahmud ya katse masa tunani da yake cewa, daddy kayi amfani da shawarar da suka baka kaje asibity a diba lafiyarka ko ba komai kana buk'atar ganin likita ko Dan ayi test din jininka a fad'a maka halin da kake ciki domin kuwa silinda maiyi maka hidima a office ban yarda da lafiyarta ba."

Yana kaiwa nan ya mik'e tsaye yace "Allah ya tsare gaba daddy,
Shalele tana gaida kai."
Yyi wuce warsa."

Tashin hankali Alhaji Atiku ya kuma shiga da yaji kalaman da Mahmud ya fad'a masa yana nufin bai yarda da lafiyarsa kenan?

Wai mai yasa mahmud yake tunkararsa gaba da gaba ya fad'a masa magana,
Ya tsinci kansa da kasa d'aukar masa mataki?"

Wacece silinda kuma?"
kaddai ace yana ganin lokacin da yake hutawa da abokiyar aikinsu?"

Rud'u ya kuma yashiga, yana fad'in karya ne, lafiyata glau babu abinda yake damuna."

mommy ta matso kusa dashi ta zauna tashiga kwantar masa da hankali cikin kalamai masu taushi snn da kyar ta samu ya kai kwance akan kujera bacci b'arawo yayi awon gaba dashi."

****************

Yau ake yin bikin kammala makaratun su dijama Wanda za'a had'e tare da walimar saukarsu, Khalil sai kai da komo yakeyi, duk wani abinda dijama da fateema suke buk'ata Khalil ya sawo ya ajiye masu."

Hakan sulaiman shima ya taka rawar gani wurin tashi gudunmawa."

Khalil yana lura da take taken sulaiman a kan dijama, ya fahimci sonta yakeyi, wnn dalilin yasa idan zasuyi had'uwa goma wuri d'aya baya iya masa magana sab'anin da,
Idan suka had'u har hira sukeyi har da 'yar wasa a tsaka ninsu."

Shima sulaiman hakan ya fahimci khalil ya fad'a matsananciyar soyayyar dijama wanda yake ganin dijama a yanzun alurace cikin ruwa mai rabo ke d'auka, Dan haka duk wani shariyarshi yaje yayi abarsa bai damuba Allah ya ba mai rabo sa'a."

Wanda ita kuma dijamar gaba d'aya duk abinda ake baya gabanta burinta d'aya Allah yakawo yaya mahmud lafiya wanda tun asuba da sukayi waya ya sanar da ita cewa gashi a kan hanyar zuwa,
amma kadda ta fad'awa Mommy da Abba sai dai kawai su ganshi yazo."

Gashi yanzun har kusan k'arfe 10am bai isoba,
kowa ya hallara a wurin amma banda dijama wanda ta shirya cikin wani lesi ruwan madara wanda Abba ya d'unka masu iri d'aya tare da fateema, d'inkin riga da saket ne, sunyi matuk'ar kama jikinta k'ugunta ya fito tare da k'irjinta wad'anda suka bayyana a cikin rigarta sunyi tsaitsaye sun cika cikin rigar,

Fateema ta dubeta tace kai sister kinganki kuwa yanda kikayi kyau?" Dijamah ta d'an saki murmushi tace "nagode sis aikema kinyi kyau kinma fini kyau."

Fateema ta rik'e baki tace wace ni, aini nasan kinfini komai bama zan had"a kaina da keba."

Dijama ta d'an ya mutsa fuska ta dubi wayar hannunta,
Snn tace "daina fad'ar hakan dani dake duk d'aya,

Ganin lokaci yana tafiya Abba ya soma kiransu suyi sauri sufito,
Fateema ce bata iyar da kammala shiryawa ba,

Ta dubi dijama tace "lah kinga sister hijabanmu suna d'akin Momy kije ki d"auko mana kafin na sanya kayana."

Mik'ewa dijama tayi da waya a kunnenta tana gwada kiran yaya mahmud ko Allah zaisa kiran ya shiga,
Amsa d"aya ce ake bata wayar a kashe take."

Ta cikin babban falon gidan ta wuce zata shiga d'akin mommy bata lura da mommy da Abba da Khalil da sulaiman ba, gaba d'aya hankalinta baya tare da ita yana a wayar ta, zaune suke suna jiran fitowarsu."

Tafiya takeyi tana wani juyi, idan kagani sai KA d'auka da gaggan takeyi kuma ainahin tafiyar ta kenan,

Ga k'irjinta a cike Dana shanu gata doguwa fara kyalkyawa, masu karatu duk yanda zan misalta maku dijama ta wuce nan."

Duk yanda Khalil yake tunanin dijama sai ma gani yayi ta wuce nan,
Haka sulaiman da ya k'ureta da ido yana kallo."

Wani kallo Khalil yake mata irin nasu na 'yan duniya wanda suka San qualities d'in cikakkiyar mace."

Wani kishi ya tasowa Khalil ganin yanda sulaiman ya kafeta da ido yana kallonta,

Shima sulaiman hakan,
Atare suka juya suka kalli junansu suka sakarwa junansu harara."





*IYA COMMENT D'INKU IYA TYPING D'INKU*🤷🏻‍♀🤷🏻‍♀🤷🏻‍♀

🌹 *DEEJAMAH*🌹
( _Yar gidan tsohuwa_ )😅




Writing
By
*UMMU SAFWAN*
( _Fareeda Basheer_ )





*43*






Abba na ganin hakan yayi gyaran murya ya kuma dibonsu a tare gani yayi ko wanne jiyakeyi kamar ya had'iye d'an uwansa,
Yace "ya kamata kutashi Ku isa wurin kafin muk'araso."

Gaba d'ayansu suka kalli Abba,
Mommy tace "ya kamata ku isa wurin tin yanzun domin kuga yanayin taron gamu nan zuwa yanzun idan suka kammala shiryawa."

Jiki ba kwari kowannesu ya mik'e ya d'auki key din motarsa ya fita, domin zaman da sukeyi a wurin ko wanne yaci Alwashin a motarsa dijama zata shiga."

Tsohuwa ce tafito daga d'akinta wanda yake masauki ne a gareta a duk lokacin da tazo,
Itama cikin shirinta na zuwa walima."

Tana fitowa taga Abba da mommy zaune, a pallow
Sai da ta lalubo goronta a Jakarta ta gutsara snn ta kalli Abba tace "wai tun d'azun me ake jirane, ba'a tafiba
Har na kwanta bacci na tashi,
Duk a tinanina har kuntafi kun barni."

Mommy tayi murmushi tace "wamu nan ai bamu isa mutafi mu barkiba, Inna."
Abba ya k'ara da cewa "sai dai a fasa walimar."
Tun d'azun zaman jiran fitowarsu mukeyi."

Tsohuwa bata ce komaiba illah ta nemi wuri a kan kujera ta zauna, tana kallon TV tana cin goronta."

Da sauri dijama ta fito d'akin mommy sanye da k'atuwar hijabi mai hannu ruwan madara kalar lass d'inta,
Hannuta rik'e da d'aya hijabin fateema zata kai mata,
Sai a lokacin ta lura da Abba da mommy da kuma tsohuwa dake zaune a gefe d'aya."

Mommy tace "karfa kub'ata mana lokaci, Ku muke jira tun d'azun kun barmu a zaune."

Ta had'a da d'an saurinta tanufi d'akinsu domin ta mik'awa fateema hijabinta tana fad'in "yi hak'uri mommy ai mun kammala shiryawa."

A kofar d'akin ta tarar da fateema ta mik'a mata hijabin snn suka fito suka shiga motar Abba, tsohuwa ce gidan gaba,
snn gaba d'ayansu har da mommy suka shiga gidan baya Abba yajasu suka nufi makarantar."

Motar Khalil ce a gaba snn mortar sulaiman, a tare suka shiga makarantar ko wanne yanaji da kansa suna nunawa junansu isa."

Khalil ya fara fitowa cikin isa da gadara, ya nufi office d'in shugaban makarantar domin ya biya kud'in duk abinda ake buk'ata, gaisawa sukayi da shugaba,
Ya shiga tambayarsa nawa ne kud'in?" Dame dame ake buk'ata?"

Shugaba yace "ai tuni, Yayanka yazo yabiya harda kyauta ya mana mai tsoka, kai munji dad'i sosai ubangiji Allah ya biya yayanka shima ya bashi wad'anda zasu taimakesa."

"Ameen yace a tak'aice, tare da mayar da kud'insa a Aljihu."

Yafita yana mamakin wanne yayan NASA?"
Shi dai yasan brother bai zoba, to kodai sulaiman ne yayi masa rigage."

Hmm lallai kuwa zai nunawa sulaiman ba'a ja dashi a fagen Neman macce."


Motar Abba ta tsaya a harabar makarantar taro yayi taro mutane an hallara manya da 'yan siyasa, Abba yana d'aya daga cikin manyan bak'i wad'anda ake jiran isowarsa,

Haka itama mommy da tsohuwa suka nufi wurin mata iyayen yara suka zauna cikin manyan mata 'yan gayu."

Suma su Dijama suka nufi wurin d'alibai 'yan uwansu suka zauna."

Anan aka fara gudanar da abinda ya tarasu a wurin."

Ko wanne d'alibi yana cikin farin ciki amma banda dijama da sai murmushin yak'e takeyi hankalinta na wurin yaya mahmud, rashin ganinsa da batayi ba."

Abinda batasani ba shine,
tun k'arfe 8am mahmud ya dura garin kano, bai zame ko ina ba sai makarantarsu kai tsaye wurin malaman ya nufa wad'anda dama sunsanshi sunsan matsayinsa a wurin su dijama.
Anan yashiga tambayar shugaban makaranta duk wani abin da ake buk'a."

Shugaba yashiga yimasa lissafi, anan take ya cire kud'in ya biya, tare da tashi gudunmawa."

Gefe d'aya yaja ya zauna yana kallon kowa d'aya bayan d'aya,
A can ya hango motar Khalil da sulaiman,
Har zuwa lokacin da Khalil yashiga office d'in shugaban makaranta,
mahmud yana ganinsa ya shiga office d'in yyi murmushi yace "yaro man kaza."

Jim kad'an yaga Abba ya shigo tare da mommy da tsohuwa."
Snn ya hango dijama ta fito tare da fateema, ko wanne ya tafi wurin zamansa ya zauna."

Cigaba akayi da bikin,
yana gefe d'aya yana kallon kowa d'aya bayan d'aya."

Nana khadija hassan yaji ankira domin ta bud'a taro da karatun AlQUR'ANI Dijama ta fito jiki a sanyaye tana tafiya a hankali,

Ta gefen tsohuwa tabi zata wuce tsohuwa ta d'an mangareta a k'afa tana magana k'asa k"asa "ki d'aga k'afa kiyi tafiya,
Kina tafiya kamar wacce kwai ya fashewa a ciki."

Dijama ta waiga ta kalli tsohuwa tasaki murmushi,
Snn ta kuma juyawa taci gaba da tafiyarta a hankali mai cike da yanga da rangwad'a."

Khalil da sulaiman ko wanne ya kafe ta da ido cike da birgewa,
Hakan shima mahmud wanda tun tasowar ya kafe ta da ido yana kallonta domin gani yayi tayi masa wani irin fitinannin kyau, wanda baya misaltuwa

d'aga ido yayi yaga duk ilahir mutanen dake wurin kallonta sukeyi."

Wani abin yaji ya taso masa, a zuciya bai San lokacin da
Yaja dogon tsaki ba tare da had'e fuska