You Cannot Download this book untill you login but you can read it .

---

Login Register

Aikina ba na Gado ba, to yanzu Hafiz ka bukaci Hakkin ka, ni Musulmi ne na san hukuncin wanda ya danne ma wani hakki, nikuma bana daga cikin masu dannewa mutane hakkinsu" ya tura mai wani dan safe box yace "Wannan Miliyan hamsin da hudu(54) ne, a ciki akwai filaye 3 da location dinsu, da gidaje 2 a garin Katsina" ya juya ya kalli Zaid yace kai kuma ga naka hakkin Miliyan hamsin da--" da sauri Zaid ya katse shi ta hanyar cewa "Haba Yaya? Me zanyi da kudin nan? Ni bank'i a sadakar da su Allah ya Jikkan su Baba, ba abunda zanyi da su, shi da ya ga zai iya ai Shikenan ka bashi hakkin sa" a fusace Zaid ya tilla ma Hafiz key din mota ya juya ya bar gurin rai a bace.

Hafiz ya duka ya dauka key din motar da murmushi a fuskar sa yace "Nagode Yaya, hakika kai uba ne a gurin mu,tunda har ka san Hakkin dan Adam baka tauye ni ba, Nagode Allah ya bar Girma" mamaki ya hana Habib Magana. Hafiz ya dauke Safe din ya fita.

Sai da ya kai Safe din Bankin da Baban su ya bude musu kafin ya kira Anas a waya, tunda suka hadu da Anas, Anas ke faman kuran ta shi" The multiple Millionaire, yanzu za a dama da kai, ina dukiyar? Hafiz ya dan bata rai yace ba ruwanka da inda suke" Anas yayi daria yace to shin kai filayen nan d gidaje me za kai dasu? Ai kawai kasa su a Kasuwa ka ci kudin su, in yaso in Ka tashi mallakar Gida sai ka gina Uban uban su".

Da wannan huduba na Anas Hafiz ya sa gidajen shi da filayenshi kasuwa, a ka siyesu a wulakance ba tare da sanin kowa ba, Hafiz ya zama wani tauraro cikin abokan shi, yayi ta musu bushashar kudi.

Baba Tijjani yayi fada sosai da yaji abunda Hafiz yayi, amma ya fi ba Habib laifi akan biye mishi da yayi, Habib yace "Baba ya zanyi dashi?, tutiya yakeyi Hakkin shi ne, ba wanda zai danne mishi, baba naga nima wannan nauyi ne ka sa mun, shiyasa na sauke nauyin, shi Zaid da na mika mai naahi kin amsa yayi yace ba abunda zai yi dasu, ina ga kar ka daga hankalin ka, kowa yayi da kyau zai gani. Baba ya jinjina kansa yace "Allah shi kyauta" Zaid "yace Amin".

Bayan Sati daya
Aka sha bikin Habib Iro Lema da Amaryar sa Aishatu Tijjani Masanawa bisa sadakin Naira Dubu Dari. Biki ne wanda ya amsa sunan biki, ba a tsawalla ba, ba ayi karya ba, ko lefe akwati 6 yayi a cewar Baba Tijjani Albarkar aure akeso.
Ran da akayi dinner Hafiz ya taka rawar gani, don sai da masu Kida suka san da zaman shi, don dubu dubu ya dinga likawa, Suko sai kara kudashi suke suna cewa "kanin ango hafiz mai naira" shi ko kanshi sai kara girma yake yi ya cigaba da rawar sa yana ruwan liki. Da yawa cikin mata sun kyasa Hafiz don a cewar sa yaro da kudi sai a bashi ya sha. Habib zaune a high table yana kallon Hafiz na barin kudi. Hafiz ya koma wani abu daban, kamar ba kanin shi mai kunya ba, amma ji lokaci daya ya fandare ya zama mara ta ido, ya tuna satin da ya wuce inda hafiz ya sameshi a parlo yace "Yaya Ya shirye shiryen biki?" Ba yabo ba fallasa Habib yace "Alhamdulilah Hafiz muna tayi" Hafiz yace "Allah taimaka, yaya ga gudummuwa ta bikin ka" ya ciro wani da case, ya bude mishi, sarka da yan kunne ya mika mishi, Habib ya sa hannu ya amsa, Habib baki bude, yace Hafiz me zan gani haka kamar sarkar Zinari? Yayi daria yace Zinari ce yaya, a matsayina na kanin ka shine na ga ya dace na baka gudummuwa, ka hada a lefe" Habib ya bude baki da ya kara kallon Sarkar, ya tsorata da lamuran Hafiz, yace Hafiz wannan sarkar da kake gani Jiya da naje Siyayya a Shoprite a Kano na tayata, wallahi exact sarka, kasan nawa nagani? 450,000. Tsadar ya hanani daukarta amma tayi kyau, naga dai akwai Zinari a lefen da na sa shisa na barshi, Hafiz meyasa ka kashe makudan kudi wurin siyan sarkar nan? Hafiz yayi dan daria yace "yaya kenan, toh kare da kudin sa sai ya sha lahaula" so nake nima na taka rawar gani a bikin yaya na mai sona, shisa na cire kudi har haka na siya maka, kuma ko da ya fi haka zan siya, don su san cewa ba Tsiya a dangi Lema, saboda haka yaya gashi" Habib yace shi sam ba zai amsa ba, Hafiz ya bata rai, yace don ba maman su daya ba shine ya ke nuna mai wariya, da Zaid ya kawo mishi abu amsa zaiyi, amanar da baban su ya bashi kenan? Nan da nan Habib ya rude yace"haba Hafiz ya kake magana irin wannan? kasan da kai da Zaid daya kuke a wurina" yace toh idan haka ne ka amsa, Habib ya amsa yace toh "Nagode"

Habib ya kai kallonshi kan Zaid da ke zaune a gefe yana kallon mutane, shi ko dancing floor din be shiga ba, a ranshi yace Allah ya shirya Hafiz. Haka aka gama taron biki aka kai Amarya Gidan ta da ke Layout.
(Amarya Aisha Allah bada Zaman Lafiya)

_Bibilicious Biebee_
👧🏽KE ALHERI CE 🙇🏼‍♀

NA

BIEBEE ISA

® NAGARTA WRITERS ASSOCIATION (NWA)

Pg1⃣3⃣

BAYAN SHEKARA DAYA.

Kama daga kayan maye, bin mata, chacha, ba wanda Hafiz beyi, barin ma Chacha da ya maida shi sanaa, wata rana har Lagos yake zuwa don yi Chachar, wata rana ya ci nasara, wata rana akasin hakan, da kyar ya samu 4credit a SSCE din su, makarantar ma da ya ya gama shi? Ko da suka koma aji 6 kullum yana cikin gari, shine scaling fence din school(diran katanga).
Ba wanda ya san Hafiz da Halayen nan, don ko sigari ya sha sai ya siya alawa ya sa a baki kuma ya feshe jikin shi da turare.

Tafiya takeyi da kyar, don tun wayewar garin yau take jin ta wani iri, ganin kafarta na gaza daukar ta ya sa ta zube kasa tana murkususu, kamar daga sama Habib da Hafiz sukayi sallama, da sauri Habib ya karasa gunta ya na cewa "Shaty na, lafiya? Ko haihuwar ce?" Kai kawai take girgiza mai tana hawaye ta na nuna mishi cikin ta, a rude yace da Hafiz dauko mota, Hafiz ya fita fa sauri, don ko Matar yayan su me kirki ce ya jawo mota har gabon Parlon kasa, Habib ya cicibeta yayi mota, Hafiz ya ja motar na sai Asibitin Turai Yaradua inda suke da File.

Suna isa nurses suka karbeta, nan aka ce haihuwa ce, suka shiga da ita dakin haihuwa, sai da ta kusa Awa biyu kafin ta sauka, ta haifi santalelen saurayi. Sai da aka gyara su kafin aka sanar da su Habib, Habib yace muna iya ganin su? Nurse tace "why not? Da sauri suka yi dakin, murna gun su ba a magana, Zaid ya shigo da sallama don sunyi waya da Hafiz ya gaya mishi inda suke, Habib da Hafiz nayi ma Aisha Sannu, shi ko Zaid yana zuwa yayi inda jaririn ke kwance ya dauke shi ya rungume, ya dagi ya kalli yaron, a hankali yaron ya bude ido, wani ikon Allah sai Zaid ya ga kamar yaron yayi murmushi, Zaid yace "Uhhm Rafeeq(Gentle), murmushi kakeyi?"

Hankalin Habib ya dawo kan Zaid da Jaririn, Habib yace "kai Zaid ya zaayi jariri ya maka murmushi?" Zaid yace "Wallahi Yaya baka ga wani soft gentle smile din da ya min ba" to naji zaka ara min na ganshi ko kuwa? Yayi dariya ya mika ma yayan shi jaririn ya matsa yana ma Aisha Sannu. Habib ya mishi Addua, ya kalli Aisha yace wani suna kike so a mai huduba da? Tayi murmushi tace RAFEEQ.

Hafiz ya amsa yaron ya kura mai ido, ya kalli Aisha yace matas dangin larabawa menene kuma Rafeeq? Ta harare shi cikin wasa tace a koma islamiya a yi Arabiyya, Zaid da Habib suka fashe da daria, shi ko Hafiz ashe abun ya mai zafi amma sai ya dake ya share kamar ba komai, chan ya tsinkayi muryar ta, tana cewa Rafeeq na nufin(gentle friend/gentle ally). Uhmm kadai Hafiz yace.

Bayan wata Shekara
Aisha ta sake haifar diyar Mace, wacce taci suna Rafi'ah, Rafeek na da wata sha ukku,sai kace dan shekara 2 ne, don kato ne sosai gashi ja, ba inda be zuwa da kafar shi.

A cikin shekaran nan Hafiz ya fara tsiyacewa, duk makudden Kudadden nan ya rasa inda suke tafia, da yake ance Kudin Gado bai da albarka don ba gumin ka bane ba, ba ka san zafin nemo su ba, gaskiar magana kudin hafiz sun kare ne a Chacha, Sai Anas da ke mishi wayau don yanzu ya san sirrin shi tas

Hafiz dan kimanin shekaru 18 a duniya wanda Matasa ke ma lakabi da "Young Millionaire" ya wayi gari yau be da ko taro cikin safe dinshi, naira biyar ta gagare shi, duk kudadden sun kare a Chacha, hankalin shi ya tashi, ya shiga neman layin Anas be shiga, damuwa dari da sittin a kanshi, kwalbar syrup ya bude ya kwankwade tas kafin kace meye wannan ya bige da Bacci.

Habibi ina ganin tunda Jamb din nan ya ki samuwa, me zai hana ka fidda Hafiz da Zaid Waje, suje suyi karatun su chan? Da suyi ta zaman banza" Habib ya kalli Matarshi Aisha da take shayar da baby Rafiyah yace " nima tunanin da nakeyi kenan, kawai na samo musu makaranta ko a Malaysia ne, amma sai nayi shawara da Baba" Aisha tayi murmushi ta na mai jin dadin Alakar Baban ta da Mijin ta.

Ai ko Baba Tijjani ya amince dari bisa dari, nan da nan Habib ya shiga neman ma kannen sa makarantar a kasar Malaysia.

"Kai Bahba akwai damuwa fa" Anas yace haba miloniya, wace irin damuwa? Me zai dameka Hafiz yce Wallahi kudin sigari na neman gagarata, gashi yarinyar nan Sofy na bina bashin eh yane har 250k, ni ban san yanda zanyi ba wallahi" Anas yace ba dai kudin nan sun kare ba? Hafiz yace "tas, komai ya ware" Anas yace "to kaii, ai gidanku da masu shi kawai ka tambaye su" Hafiz yace "kai tsaya Anas, nifa ina da kunya, ba a kai shekara 3 da naje gun yayana na mishi rashin kunya kan Gado na, ya dauko ya bani, Kawai yanzu saboda ta bare dani sai naje na tambaye su? Kasan bansan raini, ko a min wani gani gani, balle wurin kane na Zaid, kawai ka samo min mafita" Anas yayi daria yace bigboy no raini, to abun da nake gani kawai ka dan zaro kudin ba tare da sanin su ba, tunda kasan ma'ajiyar" Hafiz ya bude baki yace kaii, duk iyarshege na ba ruwana da sata, ba ma zan iya ba, kai ni ko barawo naga an kama ji nake kamar na harbe shi balle ni in dauka kai samo min wata mafitar, Anas yace "kai fa dan kauye ne, waya ce ma sata ne? ai ba sata bane, ai Baban ku daya, kar fa ka manta abun bros na bros ne" Hafiz ya sheke da wata mahaukaciyar dariya ya na nuna Anas da hannu yace bad boy, kuma haka ne ai, gaskia ka fada, Abun bros, na bros ne..

_Bibilicious Biebee_👧🏽KE ALHERI CE 🙇🏼‍♀

NA

BIEBEE ISA

® NAGARTA WRITERS ASSOCIATION (NWA)

Pg1⃣4⃣

Hafiz ya yanke hukuncin ziyartar Save din da daddare, haka ko akayi, dare nayi wurin 8 ya san Yayan su na gida time din, ya wuce straight Gidan inda Save din yake, da yake an san Hafiz dan Gida ne, kuma ba wanda ya musu shamaki da shiga gidan ya sa mai Gadi ya wangale kofar Gate din, Hafiz ya shiga da motar shi, Staright office din ya wuce, ya bude lockcode (LEMA)din ya shiga hankalinsa kwance.

Wardrobe din ya bude ya ga Save's biyu sai kuma inda aka cire nashi safe din, Irin Save dinshi mai kama da nashi ya jawo, aka sa enter password, Hafiz ya hau chanki-chankan(guessing) passwords, ya sa;Lema, be bude ba, wani tunani yazo mai, ai password din safe dinshi Hafiz Lema ne, kuma Yaya Habib ne yayi setting dinshi, which means toh wannan Save din can either be Zaid Lema or Habib Lema, bari ya fara da Zaid, cikin ikon Allah ya na typing Zaid Lema safe ya bude, wani ihun jin dadi Hafiz ya sake, baiyi wata wata ba ya kaushi kudin son ranshi, ya kulle yayi locking ya maida komai yanda yake ya fita.

Bayan kwana 3 Hafiz ya dawo ya kara diban kudin nan, haka Hafiz ya maida Save din Zaid Bankin kudin shi, da yan bukattunshi ya tashi ko na abokan shi sai yaje Ma'ajiya(Save) din Zaid ya jida na jida, da abun yayi kamari sai dai Hafiz ya dauke Save din ya kai gida, cikin Save dinshi ya juye dukkan dukiyar da muhimmar takarddun daga Save din Zaid. Ya na tunanin ya zaiyi da Empty Save din Zaid? Ina zai wurgar inda ba zaa gani ba?

Rafeeq da Rafee'ah sunyi bulbul da su, kowa na sonsu, maman su na ta zuwa Aiki, da su take tafia tunda tana da mai aiki, Soyayyahr su sai gaba takeyi da Habibinta.

Hold up ne ya tsaida Zaid daidai titin Kofar kaura,kamar ance waiga gefe, Wani yake hangowa kamar Hafiz da wata babbar mata dake gaban mota, daga baya kuma Anas ne zaune, Zaid yayi mamaki, to ko dai Mamar Anas ce? Kai aa, in mamar Anas ce sai dai ta zauna bayan mota ko shi Anas din ya tuk'ata.Gani yayi matar ta sa hannu ta shafi kumatun Hafiz, cikin Zaid ya kada, Haka kurum zuciyar Zaid ya ki aminta da ganin da ya ma su Hafiz, ya bi Bayan su da aka basu hannu.

Be bari sun lura dashi ba, don a hankali yake bin bayan su har suka zo wani Gida da Hafiz ya siya don holewa da yan matanshi ya shiga yayi parking, ganin wani mota a bayan su ya sa Maigadi barin gate din bude don a zaton sa tare suke. Tun da Hafiz yayi parking motar nan suka fara watsewa da wannan matar cikin mota, Anas kuma na kwankwadan Syrup duk sunyi nisa gun aikata Sa6o.

Iya karfin shi ya shiga bubbuga gilashin mota, ji kake kwam kwam!! A firgice suka dago, Hafiz ya tsorata, da sauri ya fito, idanuwan Zaid suka kada sukayi jaa, da karfi yace "Haba Hafiz, me zan gani haka? Dama harkar mata kake yi? Ji wannan matar a haife ta haifeka wlh, amma kaji kunya". Hafiz dai ya kasa magana don kunya ya kama shi kamar kasa ya tsage ya shige ciki, Anas yayi ta maza yace "Ji mana Zaid" Zaid ya galla mai harara ya kalli matar da ke tsaye tana gyara tsayuwar rigar ta yace dallah wuce ki ba wa mutane guri, ko a jikin ta tace "Fizboy my balance" jiki na rawa ya ciro rafar dubu 1 ya bata ta sa a jiki ta mai blowing kiss, Zaid ya bita da harara" ya juya a fusace zai bar wurin, da saurin Hafiz ya rik'e hannunshi, yace "Zaid, i'm terribly sorry, Sharrin shaidan ne, yau na fara, kuma iyaka ta kenan wallahi, Zaid ka yarda dani" Zaid ya kalle shi shek'ek'e yace wannan kuma tsakanin ka da Ubangijin ka, shi zaka roka gafara bani ba" da sauro Hafiz yace" Wallahi na bari, da ma ba halina bane, kai ka sani, don Allah kar ka gayawa Yaya" Zaid ya kalli Hafiz, ya ga hawaye kwance cikin idanuwanshi, ya bashi tausayi matuk'a, yace Allah shi Kyauta ya shige motarshi ya tafi".

Anas yace "Fizboy, Zaid ya ga gurin kwanan ka, yana kaninka amma ji yanda yake gasa maka magana kamar ka kashe wani, mtsww dole ka dauki mataki a kanshi" Hafiz yace "barni da dan shegiyar, zanyi maganin shi nan ba da jimawa ba"..

SATIN DA BAI WUCE BIYU BA.

Hankalin Habib yayi mummunar tashi da ya bude Wardrobe ya ga ba Save daya, ya duba ya ga Save din Zaid ne babu.
Habib ya kwala wa Securities kira cikin rudewa, suka zo a gurgurje, yace "Akwai wani baren da ke shigo gidan nan ne?" Security yace "ai Oga Gidan nan ba me shigar shi daga kai sai kannenka biyu, a rude yace yaushe suka zo last? Yace " Oga Zaid yazo jiya, sai bayan Maghrib ya tafi, Oga Hafiz kuma ya kusa 3weeks rabon shi da nan arean"
Habib ya fita da sauri ya shige motar shi, yayi gidan shi.

Tsaye suke a parlo suna ball shi da Rafeeq, Aisha ta fito dauke da Warmers ta ajiye kan dinning ta kalle su cikin murmushi, tace Uncle Zaid da danshi, wallahi ku ka fasa min Showglass sai kun biya ni, in banda abunku wa ke kwallo cikin parlo? Zaid yace "haba Matas, don dai Showglass? In mun fasa ni da boy dina muna da kudin sayen miki wani ai--" be rufe baki ba Habib ya shigo kamar zai tashi sama. Aishatu ta tsorata, Zaid ya dauke Rafeeq da sauri don kiris ya rage Habib ya ta kashi.
Aishatu ta matso da sauri, Daddyn Rafeeq me ya faru? Lafiya? Yace "ina lafiya shatu? Banga Save din Zaid ba. Kai zaid ka dauki Save din ka ne?" cikin rashin fahimtar abunda Yayan sa ke fadi yace "Yaya meye kuma Save?".

Yaya har sai ka bata bakinka wurin tambayan inda Save din Zaid yake? Ai shi zai dauki abunshi? Idan ba shi ba wa zai dauka? Duk suka maida hankalin su ga Hafiz da yake shigowa parlorn, ya cigaba da cewa " bros, ashe baka gaya mai ka dauko ba?" Zaid baki ya sake galala yana kallon Hafiz, sai yanzu ya gane me suke nufi. Ran Habib in yayi dubu ya gama baci, da karfi yace "Zaidu, Ya za ka min haka? Idan kana da bukkatar Gadonka kamata yayi ka gaya min, ba wai kaje ka dauka kai tsaye ba, haka kurum ka sa hankali na ya tashi?" Zaid cikin rawar murya yace "Yaya, Wallahi ban dauka ba, hasalima ban san inda suke ba" Hafiz yace "Ka fara jokes dinka ko? Jiya jiyan nan kace man kana da bukatar Gadon ka na baka shawara ka sanar da Yaya" Zaid cikin bacin rai yace "Kaji tsoron Allah Hafiz, yaushe mukayi haka da kai? Wallahi ban san inda Save din yake ba Wallahi ban dauka ba" Habib yace "dallah rufe wa mutane baki, mutumin banza mutumin hofi, karya za a maka?, yace "Yaya wallahi-- tasss kakeji, Habib ya tsinke Zaid da Mari, ya shiga dukkan shi ba kaukauta wa, ni za ka tada ma hankali? After all i'm doing for u? Dukkan shi yake ko ta ina, Rafeeq na ta tsala Ihu, Aishatu ma kukan takeyi, da kyaur ta kwace Zaid hannun Habib ta turashi waje tace "Ruga daki Zaid". Habib ya zube kan kujera yana maida numfashi, yau yayi abun da be taba yi ba, bugun kanneshi,.
Ran Aishatu bace, ta daga kai don neman Hafiz, tunani takeyi ina Hafiz yaje da Habib ya ke dukkan Zaid. Tsaye ta ganshi daga gefe, da alamun yana gun a lokacin da Habib ya ke ta jibgar Zaid, In dai idanuwanta ba yaudarar ta suke ba, to murmushi ne kwance kan fuskar Hafiz.

_Bibilicious Biebee_

👧🏽KE ALHERI CE 🙇🏼‍♀

NA

BIEBEE ISA

® NAGARTA WRITERS ASSOCIATION (NWA)

Pg1⃣5⃣

Tabbas Hafiz, murmushi yake yi don ko da suka hada ido da Aishatu gwalo yayi, a ranta tace me hakan yake nufi? Da kyar ta samu Habib ya sha ruwan sanyi ta tura shi toilet don yin wanka, ta shiga sintiri cikin daki tana tunanin abun da ya faru yau, tabbas akwai ayar tambaya akan lamarin.

Ashe fitar shi, gidan Baba Tijjani yayi, ya gaya mai Karya da gaskia, hikimar yin hakan, kar Zaid ya zo ya fara samun shi ya wargaza mai lissafi shisa yazo ya fara gaya mishi, Cikin mamaki Baba Tijjani yace "kuma shi Zaid din ya ki amsa laifin sa? Hafiz yace "sai rantsuwar karya yake tayi" Ran baba Tj ya baci, yace tashi muje gidan.

Tara su yayi duka a parlor, Zaid a kasa yana hawaye, Hafiz da Aisha kan kujera, Baba TJ yace "Habib Me ya faru?" yanda Habib ke magana zaka san ransa a bace yake, yace "Wai Baba, bayan munyi maganan Joint Ventures din nan, na tafi Warehouse don cire 2m daga Save din Zaid, na cire 5m daga Save dina kamr yanda ka shawarta kawai ina bude wardrobe naga saura Save daya babu daya, hankali na ya tashi a tunani na wasu yan ta'ada ne sukayi gaba da Dukiyar maraya, Ashe shi da kanshi ya dauke kayansa. Ran Baba Tj ya baci yace "kai Zaid meyasa ka dauke Ma'ajiyar ka ba tare da sanin wan ka ba? Zaid ya girgiza kai yace "Baba, banda masaniyyar abunda ya faru, ku yarda dani wallahi"

Habib ya jefe shi da mukullin motar sa. Yace "ni kana bata min rai idan kana rantsuwa a kan karya, tsaya kaji Zaid, ni ba ka ban haushi ba don ka bukaci hakkin ka ba, da ka gaya min kana da bukata da da kaina zanje na dauko na damka maka komai kamar yanda na ma danuwan ka, amma kai kaje ka dauko, ka tada min hankali, yanzu kuma kana ta rantse rantse ka ki amsa wa." Zuciyya ta dau Zaid, yace Yaya shi kenan, na dauki Save dina, ina da bukkatun na shiya sa na dauka, ka yi hakuri idan na tada maka hankali. Yana kaiwa nan ya tashi ya bar musu parlon.

Aishatu tace "anya Baba anyi ma Zaid adalci? Ai ya kamata ayi bincike, Habib yace wani bincike kuma? Bakiji ya amsa laifin sa ba? Tace ya amsa ne don bai da mafita, bayani yake muku amma ba ku son yarda, hasalima da ya fara bayani kuke katse shi, be da wata mafita in banda ya amsa laifin da bai aikata ba. Idan ana maganan irin wannan tarin dukiyar, be kamata ace an bar magana haka ba, what if Zaid bai dauka ba? Shikenan dukiyar ta salwan ta? Nidai ina ganin ayi bincike" Hafiz ya shiga hararrar ta a ranshi yana kiranta 'munafuka' Baba Tijjani yace kuma maganar ki Aisha abun dubawa ne, dole a yi bincike kam. Hafiz yace "toh a fara da dakin shi mana?" Zaid yace "wani gun zai kai ai ba zai aje a daki ba" Hafiz yace muje dai mu duba, dukkan su suka nufi waje don zuwa dakin Zaid, dakinshi ne na farko sai na Hafiz, Hafiz ne a gaba suna bin shi a baya har Aisha. Zaid na ciki yana kuka yana ganin su ya tashi ya matsa gefe, Hafiz ya shiga neme neme a wardrobe, Habib na daga katifar Gado sai ga Save na kallon su, gabaki daya suka sake sallati. Habib yace "Ahap, ai na gaya muku, ni na sani gashi nan dai, Habib ya ciro save din ya bude password din 'Zaid Lema' wayam ya ga save din, ko allura babu, Zaid ya hadiye wani irin mugun bakin miyau, ya san bai da wata mafita. Habib yace kagani ko Baba? Ba komai cikin Save din, ya salwantar da su. Baba Tijjani ya girgiza kai, yace "Zaid, ka bata wayonka" ya fita, Habib da Hafiz suka bi bayan shi.

Aishatu ta kalle Zaid cikin ido, hawaye ne malale kan kumatun shi, fuskar nan tashi tayi Ja, tace "Zaid why?" girgiza kanshi yayi yace "Aunty wallahi i didnt do it" gyada kai tayi tace "i believe you".

Bayan Sati 2.
"Haba Habib, meyasa kake haka, don me zaka biya ma Hafiz kudin makaranta ka ce ba ruwanka da Zaid, ya biya ma kanshi? Naga dai da Hafiz da Zaid duk daya suke a gunka?" yace "Aisha, Ni Zaid ya sire min, ya bata wayon shi, ya ban kunya,