You Cannot Download this book untill you login but you can read it .

---

Login Register

baƙo idan sun shirya.
Dukkaninsu sukai tunanin bazai wuce ɗaya daga cikin
masu zuwa gida yanai musu karatu ba, saboda haka ko a
jikinsu. Suka shige izuwa sashinsu sukai wanka suka
kimtsa a hankali sannan can yamma suka bayyana a falon
gidan.
Nusi na sanye da doguwar riga samfurin daular
Maikironomada mai ɗauke da bezar gashin zaki. Babu
abinda take sai sheƙi. Kyawunta ya bayyana matuƙa a
wannan lokaci, domin kuwa tuni Nusi ta cika ƴar shekara
sha biyar da haihuwa a duniya. Ga dogon gashinta yana
kwanciya akan kyakkyawar fuskarta mai ɗan duhu.
Cokali ya ɗan rage ƙiba, amma duk da haka yana da
tumbi da kuma da manyan gaɓɓai. Shi kuwa Iliyasis
kamalarsa da nutsuwa ta ƙaru. Yana rataye da takobinsa
launin ja.
Abinda suka gani basu yi tsammani ba, domin kuwa ba
kowa bane a zaune acikin wannan falo ba illa yarima
Niyashi. Hannunsa ɗauke da jaridar kamfanin Maikiro ta
wannan sati.
Dukkaninsu suka gabato izuwa gareshi fuskokinsu cike da
damuwa, duk da kuwa babu sauran tsoro a tattare dasu.
Abu ɗaya da suka sani shi ne idan da Niyashi yaso halaka
su da tuni hakan ya ɗaru tun shekaru tara da suka wuce.
Yana ganinsu ya miƙe fuska cike da murmushi yana
cewa, "Ahh.. duk kun girma. Nusi... dube ki har kin kamo
ni tsayi. Cokali kaima....."
Amma a dai-dai wannan lokaci da Niyashi ya ajiye jaridar
data rufe masa fuska suka ga fuskarsa sosai sukai tiris
suka cake a inda suke, baki a buɗe. Niyashi yana nan dai-
dai da dai-dai yadda suka ganshi shekaru tara da suka
wuce. Da daida girma ko kuma canji na kwayar zarra
babu a fuskarsa. Hasalima sai kace sa'ansu ne koma sun
girme shi. Musamman ma Iliyasis da yake da kamannin
manya lallai zaka ce ya girmi Niyashi.
"W...ane ne kai? Maike faruwa?"
Wannan kawai shi ne abinda duk su ukun suka buɗe baki
suka cewa Niyashi cikin mamaki da ɗimuwa.
Amma Niyashi yai murmushi tamkar ba wani abu ya ce,
"kada ku damu, sannu a hankali zan baku labari na.
Amma ba yanzu ba. Kamar dai yadda kuka gani bana
tsufa kuma shekaruna sun tsaya cak tun daga ranar da na
cika shekara sha shida a duniya. Babu wanda yasan
wannan labari daga ƴan gida na saiku. Kuma abinda ya
kawo ni nan a wannan lokaci shi ne ina so kuyimin
alƙawari cewa baza ku gayawa kowa ba. Baza ku gayawa
kowa kun sanni ba, sannan kuma baza ku gayawa kowa
wannan labari nawa na rashin tsufa ba. Idan kukai min
wannan alƙawari to ni kuma zanyi muku alƙawarin
taimakon ku a duk lokacin da kuke buƙatar taimako,
sannan kuma zanyi muku bayanin komai akan dalilin da
yasa nake neman Nusi da kuma dalilin da yasa bana tsufa
idan lokaci yayi."
Duk su ukun suka kalli juna suna mamaki wannan abu.
Iliyasis ne ya fara magana, "To mai yasa bazaka gaya
mana yanzu ba?"
Niyashi ya amsa yana murmushi, "Saboda bazan iya ba."
Nusi ta tari numfashinsa tace, "Zanyi alƙawari, amma
idan kayadda cewa zaka amsa min tambaya ɗaya."
Niyashi ya ce, "Wacce tambaya ce?"
Nusi tace, "Ka gayamin, shin kasan mahaifina?"
Niyashi yaja dogon nimfashi tare da sunkuyar dakai, baya
so ya amsa wannan tambaya, amma ga dukkan alamu
Nusi ta daɗe tana so tayi masa wannan tambaya, kuma
baza ta amince da wannan alƙawari nasa ba idan bai
amsa mata ba, saboda haka a ƙarshe ya buɗe baki yace,
"Nasan shi. Amma bazan gaya miki komai akansa ba
yanzu."
-------
To daga wannan rana Nusi da Cokali da Iliyasis da Niyashi
suka ɗaura wannan alƙawari. Niyashi ya daɗe acikin
wannan gida suna tare a wannan karan, amma bayan ɗan
ƙokaci ya ƙara tafiya ya koma daular Infiriya. Kuma tun
daga wannan rana har zuwa sanda Nusi ta zama ɗaya
daga cikin manyan ɗalibai masu hazaƙa a daular
Maikironomada basu ƙara haɗuwa da Niyashi.
Nusi tana ƴar shekaru sha tara ta shiga takarar jarabawar
da zata bata dama ta zamo ɗaya daga cikin waɗanda za'a
ɗaukaka matsayinsu a daular Maikironomada. Jarabawar
da ta kaita inda suka haɗu da Armad a shekarun baya.
Jarabawar da ta canja rayuwarta har abada.
Nusi bata ƙara ganin yarima Niyashi ba sai a gasar
Jinzidal. Tayi mamaki sanda ta ganshi yana nan dai-dai
yadda ta sanshi shekaru goma sha da duka wuce. Kuma
taso su gana dashi amma Niyashin bai amince ba. A
cewarsa akwai kunnuwa a binne a ƙarƙashin ƙasa, da
kuma idanu a kafe a sararin samaniya wanda baya so suji
ko kuma su ganshi tare da ita.
---------
Iliyasis na tsaye rataye da takobinsa yana kallon ƙaton
mutun-mutumi na Al-yaya a bakin ƙofar garin Khan. A
gefensa Cokali ne tsaye shima yana kallon wannan
mutun-mutumin. Abin mamaki basu kaɗai ne tsaye suna
kallon wannan mutun-mutumi ba. Mutane sama da ɗari
biyar kallonsa kawai suke suna kuma kallon jaridun dake
hannunsu. Babu abinda kake ji sai hayaniya. Wataƙila ace
ba abin mamaki bane aga mutane suna kallon wannan
mutun-mutumi ba, tunda sama da shekara ɗari mutun-
mitumin gida shida ne a ƙofar garin na Khan, amma ƴan
watannin baya kaɗan na bakwai ya ƙaru. Lallai maza da
mata zasu so suje suga wannan sabon mutun-mutumi da
ake cewa na wani kyakkyawan saurayi ne.
Sai dai kuma abin aljabin shi ne wannan sabon mutun-
mutumi yana tsaye ɗaure a kansa da ɗan kyalle. A saman
hannunsa na dama walƙiƴa ce take ta ci tana balbali. A
hannunsa na hagu kuwa takobi ce tsirara. Idanun
wannan saurayi sunyi kama dana jakadun mutuwar ƙarni
na farko. Gashin kansa baƙi ne, wani a kwance wani a
tsaye. Idan ka matsa kusa zaka gane cewa wannan yaro
ba wani bane illa Armad Wilbafos. Kuma shi ne acikin
shafin wannan jarida da mutane suke ta kallo suna
hayaniya. A saman wannan hoto nasa ga kuɗi nan ansa
har Ayrid sama da miliyan.
Iliyasis ya dubi Cokali ya ce, "Lallai Ururu sunji labarin
wannan mutun-mutumi shi yasa suka zabga wannan kuɗi
akan Armad. Amma dai a halin yanzu ya zama dole mu
nemeshi a duk inda yake, domin kuwa shi kaɗai ne zai iya
gaya mana taƙamaimai inda ƴar uwarmu Nusi take.
Amma na yarda da shawararka, mu fara zuwa daular
Infiriya mu tuntuɓi yarima Niyashi muji ko yasan inda
take."
Cokali ya kyaɗa kai, "To mai muke jira, mu ɗau hanya
kawai. Mu da dawowa wannan gari sai sanda muka ganta,
ko kuma mu mutu muma nema, domin kuwa ita ma
haka zatai mana idan mune muka ɓata."
A wannan shekara Cokali da Iliyasis suka shiga duniya
neman ƴar uwarsu Nusi Djinn.
_____________________
Yarima Niyashi shi ne wanda Armad yaci galaba akansa a
gasar Jinzidal, nayi tunani da nasa labarinsa a babi na
baya zaku ce ya akai yake saurayi tun lokacinda su Nusi
suke ƴan shekara shida, sannan kuma yake saurayi bayan
sun girma har a sanda suka fafata da Armad. To ga amsar
nan dai na faɗa, yarima Niyashi yana da sirrin Izza a
jininsa tayadda baya tsufa. Yanzu tambayar ita ce mene
ne alaƙarsa da Nusi?
2)Yaku ma'abota karatun littattafan Hausa ga wata dama
ta samu. Wepsite din Hausaebooks
wanda zai ringa kawo maku littatafan hausa a cikin apk
na ebook ya kuma baku daman downloading zuwa kan
wayoyinku kyauta batare da sisin ku ba Zaku samu
sabbin littafai wanda babu su a kasuwa. Muna muku
barka da zuwa.
Yi hanzari ku ziyacemu
A shafin mu na facebook akan
www.facebook.com/hausaebooks
Nidinne dai Shuraih Usman inkiya
99%
Daga taskar magajin wilbafos
MAGAJIN WILBAFOS
Marubuci: Dr Abdullahi Muhammad Ibrahim
Babi na 73: Ikenga
Post by: Shuraih Usman
@shuraih 99%
www.facebook.com/hausaebooks
.
Daga:- Taskar Magajin Wilbafos
______
Kwana biyu kun jini shiru
Bani da lafiya ne shi yasa jiya na fara samun sauki,
.
---------
Ran Nusi a ɓace haka suka rankaya tare da Waziri, Saiza,
da Galadima, Náru, da Sarkin Bai, Rayaya, izuwa garin
Dula. Akan hanyarsu ne Nusi ta waiwayo izuwa waziri
tana mai cewa, "amma nasan dole akwai mutanen da
suke da damar keta wannan bango a sashin Ikwatora, ko
kasan su?"
Waziri Saiza ya ja dogon numfashi tare da kyaɗa kai yana
cewa, "Eh, lallai akwai mutun ɗaya, babban sarkin
Ikwatora, sarki Rainay Guguwa. Shi ne kaɗai sarki a
ikwatora wanda tun shekarar da aka saukarda al'ummar
biladama izuwa ƙasashen ƙasa yake mulki a sashin
Ikwatora. Duk shekara tsibirin guguwa shi yake zaɓa a
sashin Ikwatora dake doron ƙasa ta biyu. Ko a wannan
shekara ma shi aka zaɓa. Wasu daga cikin mutane suna
ganin cewa acikin baƙar guguwa aka haifeshi. To koma
dai menene shi ne sarkin da yafi kowanne ƙarfin iko a
sashin Ikwatora, kuma shi ne ya saka hannu a dokar hana
ratsa wannan bango shekaru dubu da suka wuce, kuma
shi kaɗai yake da ikon sauya wannan doka."
Nusi taji daɗin wannan labari na waziri, inda ta juyo
izuwa gareshi cikin jin iko da ƙarfin mulki tana cewa,
"mene ne matakin da ake bi wajen zama babban sarkin
Ikwatora? Ko zaɓe ake yi? Domin koma me akeyi saina
hau wannan kujera na kuma karya wannan doka. Babu
ruwana da a ina aka haifi sarki Rainay Guguwa, ko kuma
ƙarfinsa ko kuma alaƙarsa da Ururu. Abinda na sani
kawai shi ne saina nemo abokina Armad da ƴan uwana
Iliyasis da Cokali.
Koda jin wanann magana sai duk su ukun suka ja linzami
cikin firgici suna duban Nusi wadda ko a jikinta. Baki a
buɗe sun kasa cewa komai, haka suka rankaya har zuwa
fada ba tare da kowa yace uffan ba.
***
A shekarar da aka gama Jinzidal abubuwa da dama sun
afku. An siyarda Armad a matsayin bawa, Nusi ta ɓata
sannan kuma Ikenga ya gudu bayanda yayi arba da Uznu
Ururu.
Armad ya rayu a hannun Ururu duk da kuwa uƙubar da
suka gana masa, sannan ya farkar da babbar Izza a
jininsa.
Nusi ta rayu duk da raunin da Uznu yaji mata, sannan
kuma ta tsinci kanta a sashin Ikwatora ba tare da tasan
yadda akai taje ba.
Shi kuwa Ikenga yana ɓacewa daga wannan fili ya
bayyana a tsakiyar saharar dajin Ƙairus dake doron ƙasa
ta biyar. Babu gida gaba babu gida baya, hasalima Ikenga
shi kaɗai ne a tsakiyar wannan dokar dajin. Ƙuwwar iska
da zafin rana da yashi yasa gumi ya fara karyo masa.
Gashi tuni ya ƙarar da ƙarfin Izzarsa a fafatawarsa da
Armad. Saboda haka dakyar yake tafiya. Sai dai kuma ana
cikin haka yaji wata ƙara a bayansa. Yana waiwayawa yai
arba da wasu manyan-manyan sadaukai guda biyu.
Wanda kana ganinsu zaka tuna da tarihin daular
samudawa. Saboda nauyinsu ƙafafunsu sun nutse acikin
ƙasar da suka dira. Suna sanye da baƙaƙen kaya masu
ratsin ɗorawa daga sama. Kowanne ɗaya acikinsu Izzarsa
ta haura dubu ɗaya.
Ikenga yana ganinsu ya gane su. Ba wasu bane illa biyu
daga cikin kwamandu biyar dake aiki a ƙarƙashin Uznu
Ururu. Ikenga yayi murmushi yana mai cewa, "dama
nasan baza ku kyale ni haka ba."
Ɗaya daga cikin kwamandun guda biyu ya miƙa
hannunsa kan takobinsa yana mai cewa, "ka miƙa kanka
salin-alin babu gardama. Dukkanmu izzarmu ta haura
dubu, kana da ɗari kacal. Mai zaka iya yi face miƙa wuya."
Ɗaya kwamandan wanda keda baƙar fuska da manyan
ƙasusuwa masu kama da duwatsu ya ƙara da cewa, "kada
ka zargi kowa ka zargi rauninka da lalacinka dana zuri'ar
ka."
"Hmmm....." Ikenga yaja dogon numfashi tare da
murmushi yana cewa, "Idan zaku iya kama ni to ku
gwada." Yana rufe baki ya tafa hannayensa guda biyu
yana kiran waɗansu ɗalasimai da harshen Wilburish.
Lamarinda yasa wani shinge na koren haske ya bayyana
ya kewaye shi. Abin mamaki daga cikin wannan haske
saiga wasu mutane uku sun bayyana. Babban abin
mamakin shi ne biyu daga cikinsu kamarsu ɗaya sak da
Ikenga, kai hasalima Ikenga ne kawai. Babu maraba koda
kuwa ta kwayar zarra. Ɗaya mutumin kuwa wannan
tsohon ne mai suna Kána, wanda aka gansu tare da
Ikenga watanni kaɗan kafin Jinzidal, a lokacin da Ikenga
ya jawo salwantar ruhin Armad.
Waɗannan mutane biyu masu kama da Ikenga suka
rikiɗe izuwa iska sannan suka shige jikin Ikenga. Haka na
faruwa wannan da'irar haske ta ɗauke, amma Izzar
Ikenga nan take ta canja daga ɗari zuwa duba ɗaya,
sannan ta ƙara rikiɗewa daga dubu ɗaya zuwa dubu
goma. Gashin kan Ikenga ya rikiɗe izuwa fari fat, sannan
kuma ya ƙara tsayi har zuwa gadon bayansa. Fatarsa
jikinsa tai fari fat tamkar an zuƙe jinin dake jikinsa. Wata
sabuwar nutsuwa ta bayyana a tattare dashi. A wannan
lokaci idan baka sanshi sosai ba baza ka gane shi ba.
Ana haka saiga aljani Gal-iyyu ya bayyana ya fito daga
jikin Ikenga ya zube a ƙas cikin biyayya. Shima wannan
tsoho Kána a ƙas ya zube yana mai cewa, "barka da dawo
wa, sarkin duniya."
Su kuwa waɗannan kwamandu guda biyu buɗe baki sukai
cikin firgici suka fara jada baya, amma ina tuni sanyin
babban sihiri ya sauka a garesu. Wannan ƙanƙara ruwan
toka mai ɗauke da ƙarfin Izzar Ikenga ta ratsa ƙashinsu,
sannan ta rusa ruhinsu. Kan kace meye wannan
waɗannan kwamandu masu Izza sama da dubu sunyi
bindiga sun faɗi ƙasa matattu.
Ikenga ya juyo izuwa Aljani Gal-iyyu da tsoho Kana yana
magana a nutse tamkar ba shi ne ya halaka ma'abota Izza
sama da dubu ba. "Kunga yanzu duniya zatai tunanin
ƙarfinmu bai wuce na Izza ɗari ba. Za suyi tunanin cewa
ƙarfin Izzarmu bai wuce na mu kara da wannan yaro ɗan
zuri'ar Wilbafos ba. Hakan zaisa baza a saka mana ido ba
a lokacin da muke gudanar shirye-shiryenmu ba."
Ɗan tsoho Kána ya amsa da cewa, "wannan haka yake ya
shugaban mu. Zanso naga fuskar yaron nan Armad a
sanda zai gane cewa da ɗaya bisa ukun ka ya fafata amma
ya kasa samun nasara. Hasalima saida ka raba izzarka
gida ɗari sannan kai amfani da kaso ɗaya."
"Armad?" Ikenga ya tambaya cikin girman kai da jin Izza
tamkar bai taɓa jin sunan Armad ba, sannan ya ɗora da
cewa, "Ah... sunan sa kenan."


2)Yaku ma'abota karatun littattafan Hausa ga wata dama
ta samu. Wepsite din Hausaebooks
wanda zai ringa kawo maku littatafan hausa a cikin apk na ebook ya kuma baku daman downloading zuwa kan wayoyinku kyauta batare da sisin ku ba Zaku samu
sabbin littafai wanda babu su a kasuwa. Muna muku
barka da zuwa.
Yi hanzari ku ziyacemu
A shafin mu na facebook akan
www.facebook.com/hausaebooks


Nidinne dai Shuraih Usman inkiya
99%
Daga taskar magajin wilbafosMAGAJIN WILBAFOS
Marubuci: Dr Abdullahi Muhammad Ibrahim
Babi na 74: Miyura (1)
Post by: Shuraih Usman
@shuraih 99%
www.facebook.com/hausaebooks
.
Daga:- Taskar Magajin Wilbafos
--------
A wani gari nisan kimanin shekaru hamsin daga inda
Armad tsaye, a wani tsiburi dake tsakanin doron ƙasa ta
farko data biyu, wasu yara ne ƴammata guda biyu ke
wasa a gefen wani kogi. Kana ganin ƙirar yaran da kayan
jikinsu zaka san cewa lallai ƴaƴan sarauta ne. Dukkan
idanunsu farare ne fat babu ko kwayar baƙin dake cikin
ido. Kai ka rantse makafi ne.
Amma zaka gane cewa suna gani tar-tar kamar kowanne
ɗan adam a yayinda ɗaya daga cikinsu wadda ta kasance
fara mai gashi roɗi-roɗi ta ga wani mutun a kwance a
gabanta ruwa ya koroshi. Ba shiri taja rigarta sama, ta
kuma fara kiran ƴar uwar ta, "Suwee! Suwee!! Suwee!!!"
Ƴar-uwar tata ta juyo izuwa gareta. Asalin sunan ƴar
uwar shi ne Suwainah, amma ƙanwar tata mai suna Zeera
ta fiso ta ringa kiranta da Suwee.
Zeera ta nuna mutunin dake gabanta tana cewa, "Kizo
kinga wani ma, ina ragowar ukun?"
Suwee ta zare ido cikin firgici tana cewa, "Wani ne ya
ƙara bayyana? Waɗancan baba ya tafi dasu wajen sarki."
Zeera ta buɗe baki cikin mamaki,"Baba kuma? kina nufin
baba da kansa! To gaskiya ne kenan abinda ake faɗa cewa
daga wata duniyar aka jefosu!"
Tun kafin ta rufe baki yayar tata mai kimanin shekaru sha
shida wadda kuma ta bata shekaru uku, ta taho wajen da
take da gudu domin taga wannan mutun da ƙanwarta
take nuna mata. Tana zuwa ta rufe ƙanwar tata da faɗa,
"ba baba yace mu daina faɗa ba, so kice wasu suji. Yana
ina?"
Zeera ta nuna mata wani yaro kwance a gefen kogin, duk
taɓo ya shafe masa jiki da fuska. Amma duk da haka idan
kalura sosai zaka ga cewa akwai ɗaurin jan kyalle a gaban
goshinsa. Kuma lallai idan kasan Armad Wilbafos
mamallakin tambarin Miyura zaka gane cewa shi ne ba
wani.
Suna tsaye suna tunanin ya zasu yi kawai sai suka ji
hayaniyar sauran ƴan matan daga nesa suma suna
kusanto wannan kogi.
Zeera ta dubi ƴar uwar tata cikin sauri tana cewa, "Yaya
to ya zamuyi dashi, ga mutane nan!"
Nan take Suwainah ta fito da wata ƴar ƙaramar jakar
tsafi a cikin rigarta ruwan hoda, inda ta bawa ƴar uwarta
ta. Suka kuma fara tala wannan jaka har saida takai dai-
dai tsayin yadda zasu iya zira Armad aciki.
Ƙanwar ta miƙa hannunta domin ta fara saka kan Armad
aciki, amma a lokacin al'amari ya canja.
Domin kuwa tana taɓa jikin Armad hannunta ya shige
cikin kansa tamkar babu komai a wajen. Cikin sauri ta
zaro hannunta ta kuma ƙara taɓawa dan ta tabbatar,
amma hakan dai ta ƙara faruwa a karo na biyu.
Nan da nan ita ma Suwainah ta miƙa nata hannun ta taɓa
ƙafarsa, amma taga itama hannunta ya shige tamkar
babu komai a wajen. Cikin tsananin mamaki suka fara
tunanin ko mafarki suke. Amma maganar ƴan uwansu
matan dake ƙara matsowa ita ce ta tabbatar musu cewa
ba mafarki suke ba. Nan take suka fara bin duk wata
hanya domin zira jikin Armad acikin wannan jaka, amma
ina.
Kuma suna cikin haka ne ɗaya daga cikin matannan masu
ƙarasowa ta hango su, ai kuwa nan take ta fara kwala
musu kira, tare da tahowa inda suke.
Nan take Suwainah ta yanke hukunci tana mai cewa,
"Zeera jeki ki gano inda baba yake. Idan da dama ki gaya
masa abinda ke faruwa a ɓoye ba'a cikin mutane ba.
Zanyi maganin abubuwa anan."
Tana faɗar haka ƴar uwar tata Zeera ta rankaya a guje ta
nufi gabas.
Suwainah tayi duk wata dabara da zatai ta ɓoye ruhin
Armad amma abin ya gagara. Tana cikin wannan hali
wannan ƴammata huɗu suka iso wajenda take tsaye. Tai
kasaƙe tana jira su tambaye ta wane ne wannan mutun
dake kwance a bayanta amma ba suce komai ba.
Hasalima tamkar basa ganinsa. Wanda hakan yasa
Suwainah waiwayawa cikin zafin nama tayi duba izuwa
inda tabar Armad amma babu shi babu alamunsa.
Tana cikin diri-diri taji muryar ɗaya daga cikin wannan
mata dake gabanta. "Suwainah me kike anan ke kaɗai?
Saura kwanaki bakwai a rantsar da ma'abota Ururu na
wannan shekarar, kije ki rubuta sunanki ki hau layi."
Suwainah ta kyaɗa kai tana cewa, "Eh hakane. Dama nazo
wanka ne kuma bansan an fara rubuta suna ba. Yaya
tsarin yake?"
Ɗaya daga cikin ƴan matan taja dogon numfashi kafin
daga bisani ta kyaɗa kai tana cewa, "fafatawa za'ai kawai.
Duk wanda ya farkar da Ururun dake idanunsa zai shiga
cikin ma'abota Ururu. Ragowar kuma zasu ci gaba da
zama anan sai wata shekarar. Sannan kuma acikin
waɗanda suka farkar da Ururunsu za'a raba su izuwa
mataki-mataki. Muje mu rakaki ki saka sunanki."
Suwainah tana so taje ta saka sunanta to amma bata so
tabar wajen ba tare da taga Armad ba. Domin kuwa
tuntuni take ta zulumin ina Armad ya shiga. To amma
babu yadda zatai, tunda babu wani uzuri da zata iya
gayawa ƴan matan saboda haka suka rankaya tare izuwa
cikin wannan gari.
Wannan tsibiri dai waje ne na musamman wanda yake da
tarihi na sama da shekaru dubu. Ya kasance akan iska a
tsakanin doron ƙasa ta farko da kuma doron ƙasa ta
biyu. Sunan wannan tsibiri Tsibirin Sido-Ururu.
Akan tsibirin Sido-Ururu anan ƙabilar Ururu take bawa
ma'abota Ururu horo akan yadda zasu farkar da Ururun
dake idanunsu. Asali dai ana haifar ƴan ƙabilar Ururu ne
da baƙaƙen idanuwa to amma wannan idanu na farko
basa aiki da Izza. Duk wanda yake so ya farkar da
Ururunsa izuwa matakin Izza saiya fara juyarda idanunsa
izuwa fari fat kamar irinna waɗannan ƴammata. Irin
wannan fararen idanu su ake kira da Sido-Ururu. Daga
matakin Sido-Ururu akwai horo kala-kala da ake bayarwa
kafin mutun ya ƙara juyarda idanunsa izuwa baƙaƙe. Duk
wanda yabi wannan matakai ya zama ma'aboci Ururu.
A ƙarƙashin ƙabilar Ururu mai mulkin doron-ƙasa ta
farko akwai aƙalla manyan gidaje guda goma. Kowanne
gida yana da matuƙar girman da shi kansa zaka iyai masa
kallon ƙabila mai zaman kanta. Wannan gidaje guda
goma sune kamar haka:
1)Gidan Kuyurussa'ayi Ururu: Ɗa ɗaya
2)Gidan Dumaƙisu Ururu: ƴaƴa ashirin.
3)Gidan Uznu Ururu: ƴaƴa sha takwas
4)Gidan Dul'Ururu Ururu: ƴaƴa tara.
5)Gidan Jushai Ururu: ƴaƴa talatin da uku.
6)Gidan Ƙilbaru Ururu: ƴaƴa sha tara.
7)Gidan Jidda Ururu: ƴaƴa bakwai
8)Gidan Nasára Ururu: Ƴaƴa huɗu
9)Gidan Shiysui Ururu: ƴaƴa shida
10)Gidan Fayziy Ururu: ƴaƴa sha ɗaya.
Kowanne ɗaya daga cikin gidajen nan yana da jikoki
barkatai, waɗanda sune wanda ake turowa wannan tsibiri
domin samun horo su farkar da Ururunsu. Sauran
ragowar ma'abota Ururu dake doron ƙasa ta farko idan
suna buƙatar tayarda Ururunsu sai dai suyi shi a sauran
wajaje da aka tanada a bisa doron ƙasa ta farko.
A saboda haka Armad bai sani ba, amma a dai-dai
lokacinda ruhinsa ya ɓalle ya bayyane akan wannan
tsibiri inda yayi arba da Suwainah Ururu da Zeera Ururu
jikokin gidan Ƙilbaru Ururu.
Akwai jarabawowi da dama da ake gudanarwa kafin a
zama Ma'aboci Ururu, kuma waɗannan ƴan mata,
Suwainah da ƙanwarta, abinda ya kawo su wannan tsibiri
kenan.
Kwana ɗaya kafin baiyanar ruhin Armad a wannan tsibiri,
ruhin mutanen nan uku dake muradin mallakar littafin,
wanda Ikenga yayi musu haramiya ya kuma yi cilli dasu
izuwa Tsibirin-Sido-Ururu suka bayyana. Suna bayyana
mahaifinsu Suwainah wanda shima jikane a gidan
Ƙilbaru Ururu ya ɗebe su ya nufi dasu wajen sarkin
wannan tsibiri mai Shadi Ururu, wanda jikan gidan Fayziy
Ururu ne.
Babu wani ɓata lokaci, Shadi Ururu yana ganin ba suda
Ururu yasa aka sare musu kai sannan aka binne
gawarwakinsu ba tare da kowa ya sani ba. Domin a wajen
ma'abota Ururu indai ba kada Ururu to kai ba mutun
bane. A wannan lokaci hatta su Suwainah basu san
halinda ake ciki ba, sudai kawai mahaifinsu yace kada su
faɗawa kowa labarin waɗannan mutane da suka tsinta,
sannan kuma ya gaya musu idan sunga wasu su kira shi.
Saboda haka Suwainah ta tura ƙanwarta Zeera domin ta
nemo mahaifin nasu, amma bisa mamaki ruhin Armad
ya ɓace ɓat babu shi babu alamunsa.


2)Yaku ma'abota karatun littattafan Hausa ga wata dama
ta samu. Wepsite din Hausaebooks
wanda zai ringa kawo maku littatafan hausa a cikin apk na ebook ya kuma baku daman downloading zuwa kan wayoyinku kyauta batare da sisin ku ba Zaku samu
sabbin littafai wanda babu su a kasuwa. Muna muku
barka da zuwa.
Yi hanzari ku ziyacemu
A shafin mu na facebook akan
www.facebook.com/hausaebooks


Nidinne dai Shuraih Usman inkiya
99%
Daga taskar magajin wilbafosMAGAJIN WILBAFOS
Marubuci: Dr Abdullahi Muhammad Ibrahim
Babi na 75: Miyura (2)
Post by: Shuraih Usman
@shuraih 99%
www.facebook.com/hausaebooks
.
Daga:- Taskar Magajin Wilbafos
----------
Yara ma'abota Sido-Ururu guda dubu goma ne akan
wannan tsibiri suna karɓar horo. Suwainah da Zeera biyu
ne kacal daga cikin wannan adadi. Kowanne babu abinda
yake so illa ya farkar da Ururun da tafi ta sauran ƴan
uwansa girma.
Abu ne sananne akwai Ururu mataki-mataki ɗai-ɗai har
mataki bakwai. Mataki na bakwai shi ne mataki da yafi
kowanne ɗaukaka da buwaya da girman Izza. Kaɗan ne
daga cikin ma'abota Ururu tun daga farko duniya har
izuwa wannan lokaci suka taɓa mallakar mataki na
bakwai na Ururu. Hasalima mutun uku ne kacal. Ɗaya shi
ne sarkin Ururu wanda ya ture Eyriyon Wilbafos daga kan
kujera a lokacin juyin-mulkin Amri, sai kuma yarima mai
jiran gado na Ururu wanda aka fi sani da Dúmaƙisu
Kuyúrussa'ayi Ururu, sai mutun na ƙarshe wanda shi ne
babban wazirin sarki Kuyurussa'ayi Ururu.
Mataki na shida na Ururu shima abu ne mara yawa, kuma
waɗanda aka sani dashi basu da yawa. Akwai sarakuna
goma dake jagorantar gida je goma na Ururu wanda
muka labarta a babi na baya, sarakunan da ake kira da
ASHURA. Sannan bayansu akwai wasu ƴan tsirarin
sadaukai wanda sukai shura a gidan Ururu.
Mataki na biyar shi ne iyaka da aka sani, wanda duk
wanda yaje shi ana ganin yakai ƙololuwar Izza a gidan
Ururu. Mataki na huɗu dana uku dukkansu suna da
ƙarfin izzarda zasu iya tarwatsa rundunar mutane da
aljanu komai girmanta ba tare da wahala ba. Mataki na
biyu akan yi musu laƙabi da Matasan-Ururu, wanda su
ake bawa muƙamin kyaftin-kyaftin na runduna. Mataki
na farko kuwa sune mayaƙan Ururu mafi ƙanƙanta.
Amma a hakan kowanne ɗaya daga cikinsu idan har ya
kware akan sarrafa Ururun sa shi kaɗai dai-dai yake da
runduna guda.
Abin mamaki ruhin Armad na laɓe akan wannan tsibiri
yana kallon duk abinda ke faruwa tamkar mutun mai rai.
Jiki ne kawai babu. Ba jimawa yana cikin wannan hali ya
yanke shawarar abinda zaiyi. Saboda haka ya ci gaba da
laɓewa yana nazarin wannan yara tsahon wata da
watanni. Inda ALLAH ya taimaki wannan ruhi baya
buƙatar ci ko sha, sannan kuma saboda rashin gangar jiki
yana iya shigewa ta jikin kowanne abu. Hasalima a
waɗannan watanni wannan ruhi na Armad ya gano cewa
yana iya shiga jikin mutun ko dabba harma su gana da
wannan mutun ba tare da kowa ya sani ba. A saboda
hakan ɓuya ba abu bane mai wahala ba.
A wata na goma wannan ruhi yabi wannan yarinya mai
suna Suwainah cikin wani daji inda take keɓe wa tana
koyon sarrafa al'amuran Izza.
Suwainah na tsaye a tsakankanin bishiyu masu kama
dana darɓejiya sai dai sun fisu tsayi da kauri, sannan
kuma rassansu suna da kaifi da tsini tamkar masu. Kana
ganin idanun Suwainah kasan tana da kafiya irin ta
ma'bota Ururu.
A waɗannan watanni da ruhin Armad yayi yana nazarin
waɗannan yara ya gano cewa Suwainah irin mutanan
nance da zasu iya aikata koma meye akan su sami ƙarfin
Izza. Kuma wannan shi ne dalilin da yasa ruhin Armad ya
zaɓe ta.
Idanun Suwainah suna nan a farare fat sanfurin Sido-
Ururu, amma takobin ta tuni ta juye izuwa baƙa-ƙirin
samfurin Ururu. Lallai Suwainah tayi rantsuwa saita
zamanto ɗaya daga cikin matasan Ururu da ake kwatance
dasu. Musamman duba ga yadda sama da shekaru ɗari
biyar babu wanda aka samu ya fito daga gidansu wanda
ƙarfin Ururunsa yakai mataki na biyar. Wanda hakan yasa
ake ganin gidan nasu ya fara rushewa. Amma Suwainah
tayi rantsuwa lallai saita ɗago da wancan martaba a
matsayinta na ɗaya daga cikin ƴan gidan.
Hannunta a miƙe, tana riƙe da doguwar takobin.
Idanunta a rufe tana fuskantar yamma. Saboda yadda ta
tsaya a ƙame tare da miƙe ƙafa ɗaya da kuma ɗage ɗayar
ƙafar, lallai zaka ce mutun-mutumi ne wanda bai taɓa
motsi ba.
Ruhi da Izza na Ururu na kewaye da jikinta. Hatta wannan
bishiyu idan ka lura zaka ga suna tsoron suyi wani abu da
zai dame ta.
Acikin wannan hali Suwee ta ci gaba da tsayuwa tana
nazari da lazimin al'amuran Izza dake cikin idanunta har
saida asubahi ta gabato. Sannan ta buɗe idanunta, inda
wani baƙi