You Cannot Download this book untill you login but you can read it .

---

Login Register

muku
barka da zuwa.
Yi hanzari ku ziyacemu akan
http://hausaebooks.cf
Ko kuma shafin mu na facebook akan
www.facebook.com/hausaebooks


Nidinne dai Shuraih Usman inkiya
99%
Daga taskar magajin wilbafos
MAGAJIN WILBAFOS
Marubuci: Dr Abdullahi Muhammad Ibrahim
Babi na 67: Bango
Post by: Shuraih Usman
@shuraih 99%
www.facebook.com/hausaebooks
.
Daga:- Taskar Magajin Wilbafos
____
Armad ya yamutse fuska domin tuni ya fara gajiya da
aikin da Babara ya bashi sama da sa'a uku da suka wuce.
Tun bayan da Armad ya amince zai fara koyon yadda zai
sarrafa idanuwansa a wajen Babara sai Babara ya fito da
wani ƙaton dutse daga aljihunsa ya sa Armad ya ɗora
hannunsa na dama akai.
Fuskar dutsen a shafe take, kuma launinsa fari ne fat.
Yana da faɗin da mutun uku zasu iya ɗora tafin hannunsu
saboda haka ba matsalar Armad bace wajen da zai ɗora
hannunsa, matsalarsa ita ce hannunsa ya ƙage saboda
daɗewa, sannan kuma ga wani koren haske da yake ta
walwali daga fuskar dutsen yana haske masa ido. Armad
yana ji tamkar wannan dutsen yana zuƙar wani abu a
jikinsa wanda baisan meye ba. Hasalima Babara yayi
bacci tun sa'a ɗaya data wuce, amma kafin yai bacci
saida ya jaddadawa Armad kashedin kada ya sake ya
ɗauke hannunsa daga kan dutsen har sai dutsen ya daina
haske. Babban abin haushin kuma baima gayawa Armad
amfanin dutsen ba.
Armad na gabda kwalawa Babara kira ya tashe shi ya gaya
masa ya gaji sai wannan dutse ya daina wannan walwalin
haske da yake. Armad yai ajiyar zuciya sannan ya cire
hannunsa. Yana niyyar tashin Babara sai idonsa yakai ga
wasu ƙananun rubutu akan dutsen, wanda ba daban
sunansa daya gani a farkon rubutun ba da ba wani abu
bane. Amma kalmar farko a jerin rubutun sunan sa ne.
A dai-dai wannan lokaci ne yaji muryar Babara a
kunnensa, "Miƙo muga Tsarin-runinka."
"Tsarin-ruhi?" Armad ya ɗaga gira cikin mamaki. Yasan
meye Tsarin-ruhi amma bai taɓa ganin wannan dutse ba.
Akan dutsen an rubuta::
Suna: Armad
Ƙabila: Wilbafos
Aljani: ??
Izza: Shekaru 1000
Fasaha: Kabanshisu, Wasu-wasi, Hisabi, Ƙawanya-walƙiya,
Sanyin-babban-sihiri, Ɗorawa, Wilbafosiyan-siwod-dans,
Al'yaya.
Babara yayi murmushi gami da girgiza kai, "Lallai ka koyi
abubuwa da dama a wajen Zaikid da kuma a yayin
tafiyarka ta neman Tarifil-fakta. Idan na fahimci abinda
wannan dutse yake faɗa, kakanka Zaikid shi ne wanda ya
farkar da aljaninka da kuma Izzarka, wanda shi ne mataki
na farko da kowanne sadauki ma'aboci Izza yake fara
takawa. Sannan kuma daga nan ya fara koya maka yadda
zaka sarrafa fasahar walƙiya.
"Daga bisani ya koyar dakai hare-hare wanda suke amfani
da fasahar ka ta walƙiya da kuma takobi. Ɗaya daga cikin
irin wannan hare-hare shi ne harinka na Wasu-wasi. Sai
dai matsalar wannan hari na wasu-wasi baka iya aiwatar
dashi akan mutun indai Izzarka bata fi tasa ba.
"Zaikid ya koyar dakai wasu daga cikin manyan ɗalasimai
irinsu Kabanshisu, wanda shima sau ɗaya kacal zaka iya
amfani dashi a shekara.
"Sannan kuma ya koya maka Wilbafosiyan-siwod-dans
wanda baka kware akai ba, kuma duk sanda kai amfani
dashi sai hankalinka ya gushe. Hasalima ka gayamin
lokaci na ƙarshe dakai amfani dashi ka rasa shekaru biyu
na rayuwarka ba tare da kasan yadda akai ba.
"Sannan kuma bayan ka sami Takobin Wilbafos daga
Hidaya ka fara koyar fasahar Ɗorawa wadda take baka
dama ka wanzarda Nauyi akan abokin gabarka ka hanashi
motsi. Sai dai ita ma wannan fasaha tana zuƙe
shekarunka na rayuwa wanda haka ne yasa mahaifiyarka
ta hanaka amfani da ita.
"Kafin ka rasa Miyurarka kana iya amfani da ita ka ƙarawa
kanka Izza a lokacin da kake buƙata. Sannan kuma
Miyurar taka ta baka matsayin Magajin-wilbafos.
"Ka kuma samu matsayin Al'yaya a ƙofar garin
Maikironomada, sannan kuma a gasar Non-toch-teka ka
samo Littafin-takobi.
"Ina ganin wannan sune dukkanin abubuwan da kake
dasu a yanzu idan akwai abinda na rage kai magana."
Armad yai shiru kafin daga bisani ya girgiza kai, "A'a,
komai ka faɗa."
Babara ya kyaɗa kai tare da miƙewa, "Lokaci yayi da
zamu shiga Bango, mu fara abinda ya kawo mu."
Nan take su biyu suka nufi hanya izuwa wannan
katafaren bangon ruwa wanda yake ta kwaranya tamkar
bazai taɓa tsayawa ba. Lallai wannan bangon ruwa yana
da ban al'ajabi, musamman duba ga yadda jirage suke
hawa kansa su tsaya cak suyi tafiya ba tare sun faɗi ba.
Armad ya daɗe yana mamakin yadda za'ace jirgi yana
tafiya akan Bangon, ga dukkan alamu yau zai ganewa
idonsa dalili.
Suna isowa dai-dai gaɓar inda ƙasa ta yanke Armad yaga
tamkar ansa takobi an datsa ƙasar gida biyu tayadda
Bangon ruwan yayi katanga a gaba kaɗan da inda ƙasar ta
ƙare. Armad ya leƙa tsakanin ruwan da inda ƙasar ta
yanke, inda wani ƙasaitaccen duhu yayi masa sallama.
Babara ya ɗakko Ayrid mai mataki na biyar daga
aljihunsa inda ya juyar dashi izuwa ɗan ƙaramin kwale-
kwale. Ba jimawa Babara ya jada baya yai tsalle ya
tsallake ramin dake tsakanin Bangon da doron ƙasar da
suke kai. Abin mamaki yana dira akan ruwan ya tsaya cak
da ƙafarsa. Armad yayi tunani Babara zai faɗa ƙasa cikin
ramin ko kuma ya nutse amma sai gashi ya tsaya cak
akan ruwan tamkar wanda ke kan doron ƙasa. Hankali
kwance Babara ya ajiye kwale-kwalen ya shiga ciki sannan
ya ɗagowa Armad hannu da niyyar ya taho.
Hankalin Armad bai yadda da abinda ke faruwa ba,
amma babu yadda zaiyi haka yai tsalle izuwa cikin kwale-
kwalen nan. Yana dira aciki kwale-kwalen ya ɗanyi ƙasa
alamun mutun ya shiga ciki, amma dai suna nan a tsaye
cak ba suyi gaba ba kuma basu nutse ba.
Babara ƴa dubi fuskar Armad wadda ke cike da mamaki
yai murmushi, sannan kamar yasan mai Armad yake
tunani ya fara yi masa bayani, "Kai sani cewa Bango
tamkar doron ƙasa yake, kuma daga sanda kahau kansa
babu zancen ace zaka faɗa ƙasa domin kuwa tamkar
kana kan wata doron ƙasar ne. Da sannu zaka gane mai
nake nufi. To amma yanzu cikin bangon zamu shiga,
saboda haka....."
Babara ya zaro sandarsa ta Izza daga inda ya ɗaure ta a
bayansa ya daki kan ruwan dai-dai ƙasan kwale-kwalensu.
Abu kamar almara saiga ruwan nan ya fara darewa
kwale-kwalen nasu kuma yana shigewa ciki. Armad ya
miƙa hannu ya maƙale cikin kwale-kwalen domin yana
jin tamkar zai faɗa cikin ruwan a kowanne lokaci, amma
hakan bai faru. Ba jimawa Armad ya tsinci kansu acikin
tsakiyar wannan bangon kewaye da ruwa amma ruwa
baya taɓa su.
Yana jin wani sanyi yana ratsa jikinsa tamkar wanda aka
saka masa tubalin ƙanƙara acikin cikinsa. Gashin jikinsa
ya miƙe zuciyarsa ta fara tunane-tunane. Ana samun
matsala wannan ruwa zai haɗiye su, kuma lallai sai sun
halaka. Babara dai yaga halinda Armad yake ciki amma
kawai murmushi yayi baice komai ba.
Bayan kimanin daƙiƙa ɗari suna tafiya sai kwale-kwalen
ya fara gudu, lamarinda yasa Armad yin sauri ya zauna ya
riƙe kefensa ƙam ya kuma rufe idonsa. Kwatsam ana
cikin haka sai jiyayi tamkar sun faɗa cikin wani ƙaton
rami, lamarinda yasa ba shiri ya buɗe idonsa. Ai kuwa yai
arba da kwale-kwalensu yana faɗowa ƙasa. Ya waiwaya
bayansa yaga wannan Bango da kuma wannan ƴar ƙofa
da suka shigo ta ciki. Nan take ya gane cewa lallai kodai
cikin tsakiyar wannan Bangon ruwa suka shigo ko kuma
bayansa.
Bayan sun shafe sama da daƙiƙa hamsin suna faɗowa
Armad ya tafa hannunsa ya kirawo duk wata fasaha da
yake da ita domin kare kansa, domin yasan koma ina
zasu faɗo to lallai yana da nisan gaske kuma jikinsu zai iya
tarwatsewa. Banda kuma cewa bai masan mai zasu tarar
ba.
2)Yaku ma'abota karatun littattafan Hausa ga wata dama
ta samu. Wepsite din Hausaebooks
wanda zai ringa kawo maku littatafan hausa a cikin apk
na ebook ya kuma baku daman downloading zuwa kan
wayoyinku kyauta batare da sisin ku ba Zaku samu
sabbin littafai wanda babu su a kasuwa. Muna muku
barka da zuwa.
Yi hanzari ku ziyacemu
A shafin mu na facebook akan
www.facebook.com/hausaebooks
Nidinne dai Shuraih Usman inkiya
99%
Daga taskar magajin wilbafos
MAGAJIN WILBAFOS
Marubuci: Dr Abdullahi Muhammad Ibrahim
Babi na 68: Tarihin nusi
Post by: Shuraih Usman
@shuraih 99%
www.facebook.com/hausaebooks
.
Daga:- Taskar Magajin Wilbafos
*Yanzu zamu ɗan ajiye Armad a gefe mu leƙa muga
halinda Nusi da Ikenga da kuma Miyurar Armad suke
ciki*
-------
Garin Khan
Shekarar 1835 Bayan Amri
**
Acikin babbar kasuwar dake wannan gari wata yarinya ce
kimanin ƴar shekaru shida sanye da baƙaƙen kaya
wanda kana ganinsu kasan sunji jiki. Tana tafiya da kyar
tana iya ƙoƙarinta wajen kaucewa mutane. Tana da
duhun fata sannan fuskarta nada tsayi madaidaici.
Idanunta na cike da yarinta amma kuma haɗe da rashin
tsoro. Tasan cewa bata da kowa a dai-dai wannan lokaci,
kuma hanya ɗaya da zata rayu shi ne idan tayi juriya da
jarumta ta tsaya da ƙafafunta. Domin kuwa wannan gari
ba garin su bane, kuma lallai tayi nesa da gida.
Abu ɗaya kacal da wannan yarinya take iya tunowa a
game da iyayenta shi ne rabuwarsu ta ƙarshe, da kuma
alƙawarin da mahaifin ta yayi mata na cewa bazai huta ba
saiya kaita gida wajen mahaifiyarta.
Sai dai kuma kash, wannan yarinya tasan cewa a
matsayin ta na ƴar ƙabilar Djinn komawa gida a wajenta
abu ne mai wahala. Domin kuwa garinsu mai suna
Shaniza an ƙulle ƙofofinsa sama da shekaru ɗari da suka
gabata, sannan kuma an katange bangwayensa daga
dukkan halittu, mutun ko aljan ko dordor. Amma abin
mamaki wannan yarinya tana jin yaƙini zata koma gida
watarana. Kuma lallai baza ta mutu ba sai taga
mahaifiyarta wadda ke cikin garin Shaniza. Sunan
wannan yarinya Nusi, Nusi Djinn.
Wata biyar kenan da babanta ya barta a hannun abokinsa
domin ya kula da ita a yayinda shi kuma ya tafi domin
gamuwa da wata tawaga, amma ƙaddara ta ratsa, sai
gawarsa aka dawo da ita. Koda abokin baban nata ya
tabbata a yanzu babu wani abu da zai samu saiya kore ta
daga gidansa, lamarinda yasa watanta uku kenan cir tana
rayuwa akan titi. Abincin da zata ci ma wahala yake mata.
Sauƙi ɗaya kacal da take samu shi ne abokanta guda biyu
wato Iliyasis da Cokali, wanda suma yara ne sa'anninta
wanda suke bin titi a sakamakon siyar da iyayensu da akai
a cinikin bayi na wannan shekara.
Nusi na tafe kanta na nazarin mutanen dake gefenta.
Daga ganin yadda take ɓoye fuska kasan akwai wanda
take gujewa. Ba jimawa tasha wata kwana inda babu
mutane da yawa. Tana shan kwanar ta fara gudu inda ta
ƙara shan wata kwanar dai-dai gefen wata bola inda babu
mutane da yawa. Da yake magariba ce kuma duhu ƴaɗan
fara yi da kyar ta iya hango wasu yara dake laɓe a bayan
wani ƙaton kwanon zuba shara dake gaba da ita.
Nan da nan ta isa wajen yaren, inda suka ƙura mata ido
cikin tsammani suna jira suji mai zata ce. Ita kuwa Nusi
sai ta canja fuska zuwa kalar tausayi, lamarinda yasa nan
take jikin waɗannan yara yayi sanyi. Koda taga haka saita
fashe da dariya tana cewa, "Wululu... Tsokanarku nake na
samo..."
Wannan yara dai ba wasu bane illa Iliyasis da Cokali.
Dukkaninsu suna yara, Cokali irin yaran nan me masu
ƙiba da kumburarriyar fuska mai ɗauke da kalar tsoro,
amma Iliyasis siriri ne mai tsayi kuma yafi Nusi haske sai
dai kuma shima Cokali ya fishi haske.
Nusi ta zira hannu acikin tsohuwar rigarta ta futo da ƴar
jaka mai ƙunshe da kuɗaɗen Ayrid. Suna ganin haka
sukai tsalle suka rungume Nusi cikin farin ciki, haƙarsu ta
cimma ruwa. Nusi ta zira hannu a cikin jakar ta lissafa
Ayrid ɗai-ɗai har guda ashirin ta miƙawa Iliyasis. Sannan
ta ƙara miƙawa na Cokali Ayrid ashirin. Sannan itama ta
ɗebi ashirin. Amma duk da haka jakar na nan cike da
Ayrid ko rabi basu ɗiba ba.
"Ƴar uwa mai za'ai da ragowar?" Suka tambaye ta cikin
mamaki.
"Mayar masa zanyi. Dama aikin da mukai masa na wata
biyu akan kuɗi Ayrid ashirin-ashirin ne. Tunda yaƙi
biyanmu ba laife bane idan muka kwaci kuɗinmu, amma
bai kamata mu ɗebi sama da haka ba."
Daga ganin fuskar Iliyasis da Cokali basu yadda da
wannan mataki ba, amma tunda ita ta ɗakko kuɗin babu
yadda zasu yi. Iliyasis ya buɗe baki ya ce, "To ta yaya zaki
mayar masa? Kinsan za'a iya kama ki fa tunda yanzu na
tabbatar yasan kuɗinsa baya nan, kina mayarwa zai gane
ke kika ɗauka."
Nusi ta kyaɗa kai, "Eh haka ne, amma dai duk da haka sai
an mayar masa. Wataƙila amma sai gobe. Yanzu muje
mu ci abinci mu siyi kayan sawa mu kuma nemi wajen
kwana. Wataƙila zamu samu ko ɗaki ɗaya ne da
kuɗinmu."
Su ukun suka juya suka nufi hanya domin suje su ci
abinci. Da wannan kuɗi nasu suka samu suka siyi abinci
kuma suka kama wajen kwana.
Sun kwana cikin farin ciki a wannan rana, ko ba komai
sun kwana acikin ɗaki sannan kuma cikinsu a cike da
abinci.
------
Washe gari bayan isha duhu ya fara yi, ƙasaitaccen ɗan
kasuwarnan mai suna Ɗan-darbejiya yana tafe zai koma
gida bayan rufe shaguna. A kewaye dashi akwai zaratan
samari uku majiya ƙarfi waɗanda aikinsu kawai su kare
shi. Fuskar Ɗan-darbejiya na rufe da ƙasumba da gemu
amma hakan bai hana baƙin cikin dake lulluɓe da ita
bayyana ba. Kuma zaka fuskanci lallai Ɗan-darbejiya
yana da dalilin yin baƙin cikin idan ka lura cewa jiyan nan
yayi asarar dukkan ribar da ya samu ta gaba ɗaya watan.
Babban abinda yake ciwa Ɗan-darbejiya tuwo a kwarya
shi ne bai masan yadda akai kuɗin suka ɓace ba. A iya
tunaninsa bai taɓa yarda ko da Ayrid ɗaya ba a tsahon
rayuwarsa. Hasalima saboda san kuɗi na Ɗan-darbejiya
yana da shaguna sama da goma amma yana tafiya yana
kallon hanya ko zaiga wani ya yadda kuɗinsa ya tsinta. A
cewar Ɗan-darbejiya duk wanda ya yarda kuɗi baya so
ne. Abu ne sananne duk wanda yayi wa Ɗan-darbejiya
aiki to da wuya kuɗinsa su fito, hakan nema yasa duk ƴan
kwadagon kasuwar suke gujewa yin harka dashi. Kuma
dalilin da yasa Ɗan-darbejiya yake saka yara ƙananu aiki
domin kada ya biya kuɗi da yawa.
Kwanakin baya ya saka Nusi da Iliyasis da Cokali aiki.
Kuma daga bisani ya hanasu kuɗin. Su Nusi sukai jele har
suka gaji suka daina zuwa. Amma kwanaki huɗu bayan
sun ɗauke ƙafa Ɗan-darbejiya ya wayi gari aljihunsa da
yake saka kuɗaɗensa ya yage kuma kuɗinsa sun faɗi a
tsakiyar kasuwar. Ɗan-darbejiya yai rigimarsa ya gaji,
amma babu wanda zai kama a tsakiyar kasuwa. Hasalima
da dama suna tunanin Ɗan-darbejiya haɗa labarin kawai
yayi domin kada ya biya bashin da ake binsa.
To abinka da yarinta, tunanin yara ƴan shekara shida
zuwa takwas bashi da ƙarfi. Kawai Ɗan-darbejiya yana
tafiya yana saƙe-saƙe a ransa saiga ƴar sakarsa da yake
ajiye kuɗi ta yiwo tsalle daga sama ta faɗi a gabansa. Ai
kuwa tunma kafin yayi magana ƙarti biyun dake kewaye
dashi suka rankaya a guje zuwa wajen da wannan jaka ta
taso.
Su Nusi dai sune suka cilla wannan jaka da danƙo, kuma
suna cilla ta suka rankaya a guje suka sha kwana. Amma
suna cikin gudu saiga ɗaya daga cikin ƙartin ya bayyana a
gabansu, lamarinda yasa suka juya da gudu, amma suna
juyawa suka iske ɗaya ƙaton tsaye a bayansu an saka su a
tsakiya.
Ƙaton gardin dake gabansu yai dariya gami da kyaɗa,
"Hahaha.... Nusi, Iliyasis, Cokali, dama na gayawa oga
kune kuka saci kuɗin nan yaƙi yadda."
Na bayan yai wata dariyar mugunta tare da cewa,
"Hukunci sata kisa."
***
2)Yaku ma'abota karatun littattafan Hausa ga wata dama
ta samu. Wepsite din Hausaebooks
wanda zai ringa kawo maku littatafan hausa a cikin apk
na ebook ya kuma baku daman downloading zuwa kan
wayoyinku kyauta batare da sisin ku ba Zaku samu
sabbin littafai wanda babu su a kasuwa. Muna muku
barka da zuwa.
Yi hanzari ku ziyacemu
A shafin mu na facebook akan
www.facebook.com/hausaebooks
Nidinne dai Shuraih Usman inkiya
99%
Daga taskar magajin wilbafos
MAGAJIN WILBAFOS
Marubuci: Dr Abdullahi Muhammad Ibrahim
Babi na 69: Tarihin nusi 2
Post by: Shuraih Usman
@shuraih 99%
www.facebook.com/hausaebooks
.
Daga:- Taskar Magajin Wilbafos
------
Dukkanin wannan ƙarti biyu dake kewaye dasu Nusi
Izzarsu akan shekaru casa'in da tara take. Na gaban ya
taka a hankali ya isa gaban su Nusi, a yayinda su kuma
suke ta janyewa suna ƙara takurewa a tsakiya cikin tsoro.
Gaba zaki baya damisa.
Yana isa saitin Nusi ya zaro wuƙa samfurin zabira, sannan
ya finciko Nusi yana cewa, "A fuskarka zan rubuta miki
ɓarauniya, kinga daga yau koda oga yaji tausayinku ya ce
kada a kasheku nayi miki sheda."
Babu abinda Nusi take sai karkarwa fuska cike da tsoro,
amma wannan sadauki ko a jikinsa, babu ko alamun
wasa ko tausayi a tattare dashi. Kana ganin yadda ya ɗaga
wuƙar kasan lallai bashi da niyyar tsayawa.
Sai dai kuma a dai-dai wannan lokaci ne komai dake
wannan waje ya tsaya cak tamkar wanda aka tsayar da
lokaci. Wannan sadaukai biyu dake neman halaka su Nusi
suka ƙame ƙam, idan ka kalli wannan sadauki mai wuƙa a
hannunsa zaka ganshi tsaye da wuƙa riƙe akan iska
tamkar hoto. Na bayan shima ya ƙame a dai-dai inda
yake. Da Nusi da Iliyasis da Cokali duk ba wanda yasan
inda kansa yake. Ana cikin haka wannan sadaukai biyu
tare da shugabansu, Ɗan-darbejiya, suka fara aman jini
baƙi-ƙirin. Kan kace meye wannan tuni sun isa lahira.
Duk abinda ke faruwa su Nusi basu san me ake ciki ba.
Kuma abu na gaba da suka gani shi ne bayyanarsu acikin
wani katafaren gida mai yawan bishiyu da sanyin ni'ima.
Kuyangi da sauran bayi suna ta kai-komo acikin hidima.
Idan da Armad yana nan da kallo ɗaya kacal zai yiwa
wannan gida ya gane cewa wannan shi ne gidan da suka
zauna da Nusi watannin baya.
Su kuwa su Nusi da Iliyasis da Cokali tuni sun farfaɗo
kuma suna zaune acikin ɗaki mafi alfarma acikin wannan
gida. Kewaye dasu abinci ne irin wanda basu taɓa gani ba.
Abin ka da yarinta kuma ga yunwa, babu wani tunani
haka suka afkawa wannan abinci. Bayan da suka
kammala saiga wata farar kuyanga nan tayi sallama a
garesu. Kunyangar na shigowa su Nusi sukai tsalle suka
jada baya cikin tsoro. Amma kuyangar kawai murmushi
tayi, sannan kuma ta tambayesu ko suna buƙatar ƙari.
Nan take duk su ukun suka ƙurawa wannan kuyanga ido
cikin tsananin mamaki. "Ƙari??"
Cokali ne ya fara yin magana, "a ƙaro, wallahi ban ƙoshi
ba. Rabona da abinci tun ina yaro...."
Wannan kuyanga tayi iya ƙoƙarinta amma ta kasa riƙe
dariyar dake wuyanta. Koda ganin wannan kuyanga tayi
dariya, sai itama Nusi tayi murmushi. Lallai ga dukkan
alamu ba gidan yankan kai suke ba.
Nan take wannan kuyanga ta tafa hannu, inda wasu
kuyangin guda uku suka fara safarar kwanuka izuwa
wannan ɗaki. Ba jimawa Nusi da Cokali da Iliyasis suka
ƙara afkawa waɗannan kwanuka. Lallai baza kaga laifin su
Nusi ba a wannan hali, domin kuwa da yunwa ta kashe ka
kwanda daɗi ya kasheka. Ko manya sun san haka. Sannan
kuma basu da tabbashin daga wannan rana zasu ƙara
samun irin wannan abinci. Wataƙila ma shikenan
haihata-haihata.
Wannan kuyangar ta ɗanyi kyaran murya, lamarinda ya
ja hankalin su Nusi suka ɗaga kai daga wannan kwanuka
suka kalleta, "Idan kun gama akwai tafki na wanka mai
cike da ruwan zafi. Kuyangi suna ciki suna jira suyi muku
wanka."
Cokali ne ya ƙara yin magana da ƴar kumburarriyar
fuskarsa cike miya caɓo-caɓo. Lallai kallo ɗaya zakai
masa ka fashe da dariya. "Wanka???!!! Iliyasis yaushe
rabonka da wanka."
Iliyasis ya harari Cokali, "Kai yaushe rabonka? Nusi ce
kaɗai tayi a wannan satin, har gwanda nima nayi wancan
satin. Kaifa?"
Duk su ukun suka fashe da dariya. Ko a mafarki basu taɓa
tunanin samun irin wannan daula ba, kuma lallai basu da
niyyar yin tunanin daga ina wannan daula take har sai
sunyi hani'an. Haka kuwa akai, kwata-kwata basu fara
tunanin matsaloli ba sai washegari bayan sun tashi daga
baccin awa ashirin da sukai akan wani katafaren gado na
alfarma. Duk su uku acikin fararen kaya irin na bacci.
Iliyasis ne ya fara tashi, sannan Nusi.
Su biyun suka kalli ƙasaita ta cikin wannan ɗaki sannan
suka kalli junansu cikin damuwa. Iliyasis ya numfasa ya
ce, "ba dai abinda nake tunani kike tunani ba?"
Nusi ta kyaɗa kai, lallai duk abu ɗaya suke tunani. Waye
ya kawo su nan? Kuma maiya faru dasu Ɗan-darbejiya?
Ina ne wannan gida da suka tsinci kansu?
Ba jimawa suka tashi Cokali, fuskarsa cike da yawun bacci
suka labarta masa cewa akwai matsala. Abu kamar wasa
Cokali ya buɗe baki ya ce, "amma dai ba'a gidan yankan
kai muke ba ko? Ba siyar damu akai ba? Ina ne nan?"
Ba jimawa tsoro ya cika su duk su ukun, inda kafin kace
meye wannan tuni sun cure a ƙarshen gadon suna leƙe-
leƙe. Kafin wani lokaci tuni sun fara lissafe-lissafen yadda
zasu tsere daga wannan gida. Suna cikin haka sai suka ji
an buɗe ƙofar ɗakin. Suna tsammanin suga wannan farar
kuyanga sai suka ga wani farin saurayi mai yawan gashi.
Lallai tsayin gashinsa ya haura na mata da yawa a wannan
zamani, domin kuwa yakai har gadon bayansa. Sai dai
abin mamakin gashin nasa launin ja ne, jajawur. Yana
sanye da baƙar alkyabba. Yana shigowa ya nemi waje ya
zauna, sannan yayi murmushi a garesu.
Duk su ukun suka ƙame a waje ɗaya, ko numfashi basa
iya yi sosai ballantana magana.
Saurayin ya fara magana cikin lafazi mai ɗauke da
tsantsar Izza da kamala, "suna na Yarima Niyashi. Ni ne
na ceto ku daga waɗancan mutane dake neman halaka
ku. Sannan kuma ni ne na kawo ku wannan gida."
"Y....yarima Niyashi?? Kai.... ne Yarima Niyashi?" Iliyasis ya
fara magana cikin ƙinƙina, domin kuwa indai abinda yake
tunani haka ne to kuwa lallai suna ganawa da ɗaya daga
cikin waɗanda ake yiwa kallon su zasu iya mulkar duniya
anan gaba. A duk faɗin ƙasa bakwai mutun ɗaya ne mai
suna Yarima Niyashi wanda keda irin wannan jan gashin,
saboda haka Iliyasis bai ɓata lokaci ba ya dubi wannan
saurayi ya ce, "Yarima Niyashi, ɗan sarkin Jinzidal, Rafiya,
na daular Infiriya?"
Saurayin yayi murmushi, tare da kyaɗa kai. Alamun haka
ne.
Cokali ya ja rigar Iliyasis cikin tsoro, "Wane ne? Kasan
shi?"
Iliyasis bai kula da Cokali ba ya ci gaba da magana, "to
amma mai kake yi a daular Maikironomada? Na tabbatar
duk wanda ya ganka anan cewa zaiyi leken asiri kazo."
Wannan saurayi ya ɗan numfasa tare da juyawa ya kalli
Nusi wadda tai shiru tana tunane-tunane, ga dukkan
alamu ita ma ta gane wane ne wanna saurayin.
Kafin daga bisani saurayin yayi mata magana, "Tsahon
lokaci ina nemanki, Nusi Djinn."
***
2)Yaku ma'abota karatun littattafan Hausa ga wata dama
ta samu. Wepsite din Hausaebooks
wanda zai ringa kawo maku littatafan hausa a cikin apk
na ebook ya kuma baku daman downloading zuwa kan
wayoyinku kyauta batare da sisin ku ba Zaku samu
sabbin littafai wanda babu su a kasuwa. Muna muku
barka da zuwa.
Yi hanzari ku ziyacemu
A shafin mu na facebook akan
www.facebook.com/hausaebooks
Nidinne dai Shuraih Usman inkiya
99%
Daga taskar magajin wilbafos
MAGAJIN WILBAFOS
Marubuci: Dr Abdullahi Muhammad Ibrahim
Babi na 70 & 71: Cokali da ilyasis sun shiga Duniya
Post by: Shuraih Usman
@shuraih 99%
www.facebook.com/hausaebooks
.
Daga:- Taskar Magajin Wilbafos
-------
Nusi ta ƙara jada baya cikin tsoro, inda ta ɓoye a bayan
ƙibar Cokali. A wannan rana ta gane cewa hatta ƙibar
Cokali nada ranarta. A ranta tama kasa gane maike
faruwa. Ta yaya za'ace wai ɗan sarkin babbar daular
Infiriya yana nemanta? Wai tayaya ma akai ya santa?
Dududu shekarunta shida kacal a duniya, kuma acikin
waɗannan shekaru bata taɓa yin inda hanyar daular
Infiriya take ba, ballantana ace ta gamu da ɗan sarkin
dake mulkin wannan daula, harma ace wai yana
nemanta. Lallai koma wanne laifi ta aikata yana da
girman gaske, tunda har za'ace ɗan ɗaya daga cikin
sarakuna biyar na Jinzidal ya taso ƙafa-da-ƙafa yana
nemanta.
"Kada kiji tsoro." Muryar yarima Niyashi ta shiga
kunnenta tamkar ana busa algaita. "Banzo danna cuce
kiba. Nazo ne danna taimake ki. Amma kiyi sani cewa a
halin yanzu bani da ikon gaya miki tayadda akai na sanki
ko kuma mai yasa nake nemanki, duk da kuwa nasan
wannan tambayoyi sune suke yawo akanki. A halin yanzu
wannan gida da muke ciki naki ne halak-malak. Bama
gidan ba kaɗai, tare da duk abinda ke cikinsa. Sannan
kuma akwai kuɗin Ayrid kimanin miliyan ɗaya dana bari
wanda zaku yi amfani dashi zuwa sanda zan dawo. Na bar
umarni mutanen cikin wannan gida zasu yi muku shaidar
zama cikakkun ƴan garin nan kuma zasu saka ku a
makarantar koyon Izza. Akwai mutanen mu wanda zasu
kula dake har zuwa sanda zan dawo."
Koda yarima Niyashi yazo nan a zancensa sai ya miƙe ya
gabato izuwa gaban wannan gado dai-dai inda Nusi
maƙale a bayan Cokali tayi kalar tausayi. Koda ganin haka
sai Iliyasis yai tsalle ya dira a gabanta, wato ya shiga
tsakaninta dashi.
Iliyasis yai ta maza ya buɗe baki ya ce, "Bazan bari kayiwa
ƙanwata wani abu ba indai inada rai."
Abin mamaki saiga Cokali shima yai tsalle ya dira a gefen
Iliyasis, inda gadon yai wata ƙara ƴana neman ɓallewa
saboda nauyi. Hannun Cokali na karkarwa, ƙaton cikinsa
na sama da ƙasa saboda tsabagen nishi, yana ƙinƙina
yana cewa, "ni....ma... b...bazan bari k...ka taɓa taba.
Kwandama ka tafi ko kuma ka tafi." Koda Cokali yazo nan
a zancensa amma Niyashi bai tsaya, sai nan take
haƙoransa suka fara karkarwa tamkar wanda aka tsoma
acikin dusar ƙanƙara.
"Baza ka tsaya!!!" Cokali ya kwala ƙara mai kama da kuka.
Amma Niyashi yai kamar baiji shi ba yaci gaba da tafiya.
Yana ƙarasowa saitin Cokali ya tsaya, inda ya juyo da
kansa ya kalli Cokali. Abun mamaki suna yin ido-da-ido
Cokali ya faɗi ƙasa sumamme saboda tsananin tsoro.
Sannan ya tafi gadan-gadan zai faɗa ƙasan gadon. Haka
na faruwa Niyashi yai sauri ya taroshi tare da fashewa da
dariya. Yana cewa, "Haha... lallai Nusi kina da wanda zasu
kare ki ba saina damuba." Yana rufe baki ya shafa fuskar
Cokali ya farfaɗo dashi ta hanyar ɗalasimai. Sannan ya
juya ya fice daga ɗakin yana dariya.
---------
Tun daga wannan rana basu ƙara ganin Niyashi ba, tun
suna tsoron wannan ƙaton gida har suka saki jiki. Duk
abinda suke buƙata akwai aciki, sannan idan zasu fita
akwai bayi jarumai dake kula dasu. Ba daɗewa suka zama
tamkar wasu ƴaƴan attajirai a wannan gari na Khan.
Suka shiga babbar makarantar Izza dake wannan gari na
Khan.
Abu kamar wasa suna jira Niyashi yazo amma baizo,
bashi ba alamunsa. Rani yazo, kaka tazo, bazara tazo, akai
hunturu sannan damuna ta kewayo. Sannu a hankali har
sunyi shekara ɗaya a wannan gida. Abin mamaki duk su
uku tamkar an haɗa baki suka zamanto masu matuƙar
ƙoƙari a makaranta. Sannu a hankali a kwana a tashi wata
shekarar ta wuce. Iliyasis ya zaɓi ɓangaren takobi a
makaranta, shi kuma Cokali ya zaɓi ɓangaren aljanu da
zanunnuka. Nusi kuwa ta zaɓi ɓangaren Izza da dabarun
yaƙi na daular Maikironomada.
Sannu a hankali a wannan hali saida sukai shekaru tara
cif, harma sun fara mantawa da labarin Niyashi. Ranar
nan kwatsam sun dawo daga makaranta su uku sai
babbar hadima mai yi musu hidima a gidan tace musu
suna da