You Cannot Download this book untill you login but you can read it .

---

Login Register

su biyar gaba daya, wannan karon ko a raye ko a mace.


*GARIN MAI DUGURI*

Aisha kuwa hankalinsu a tashe tun lokacin da suka ji cewa unguwar su Sajida sun kwana cikin tashin hankalin harin ‘yan boko Haram, hakan ya sa ta ajiye a ranta cewa za ta je domin ta ga wanne hali suke ciki. Safiya na wayewa, ta shiryawa Fateema kamar kullum, driver ya dauketa har zuwa unguwar su Bilkisu kamar yada aka saba, amma sai suka tarar da taro a unguwar, mutane sun rufe hanya kama daga masu zowa duba halin ‘yan’uwansu sai masu zowa ganin me ya faru, tun da uwar safiya. Ganin za ta iya makara zuwa makaranta, ta umarci driver da ya kaita makaranata, ta tabbata Bilkisu ba za ta yi fashin zuwa makaranta ba, suka isa makaranta, ana tsakiyar assembly amma hankalinta na kan gate na shigowa makaranta ko Allah zai sa ta kyalla ido ta hango Bilkisu, amma har aka gama aka sallamesu ba Bilkisu ba alamunta. Ana koyar da su a aji, amma sa hankalinta ba ya gun har malamai suka fahimta suka tambayeta, da tambayar ta yi yawa sai ta gaya musu damuwarta, su tausayamata ainun musamman da yake lbari ne da kusan kowa ya ji abinda ya faru.


Da aka tashi makaranta, ta zo ta sanarda mahaifiyarta cewa Bilkisu ba ta je makaranta ba, kuma ta tabbatar da lafiyarta kalau, ba za ta yi fashin zuwa makaranta ba. Dalili ke nan da ya kara tada hankalin mahaifiyarta. Suka shirya suka nufi unguwar su Bilkisu.


Da rana ne, hakan ta sa taro da suka tarar da safe bai kai wannan ba, domin wannan har yara kanani da mata kake gani, dalili da ya sa suka ajiye motarsu kenan nesa, suka taka ya zuwa gidan a kafa, sai kutsa jama’a suke yi su shiga wannan kutsu su fita wancen har suka karaso ta kofar gidan, suka samu suka shiga, abin mamaki, suka tarar ba kowa a gidan, suka fito suka tambayi wadanda suka tarar a bakin kofa labarin su Sajida, wani saurayi ya basu amsa da “ba wanda ya gansu tun jiya, illa dai shi Qasimu munsami gawarsa da aka yi wa kisan gilla ta hanyar yanka shi”. Nan take hawaye suka zubo mata, Fatima kuma ta kamkame mahaifiyarta a jiki, kamar wacce ake shirin kwacewa.


Cikin sanyin jiki suka dawo gida. Sai zullumi Aisha ke yi tana tuno irin wahala da Sajida ke sha da kuma irin jajircewarta, ta tabbata mace ce da za a amfana da ita, gashi yanzu ba wanda yasan duniyar da ta fada, ko boko haram sun tafi da ita, ta sake zubowa da sababbin hawaye a lokacin da ta tuna basira da hazakar Bilkisu da kuma burinta a rayuwa.


Kullum sai sun je unguwar suna neman wanda ya ji labarin su Sajida, amma shiru babu.


*JEJI*


Suka ci gaba da tafiya ba tareda sanin ina zasu ba, tun safe har zuwa dare, suka dan huta na wasu awanni kana suka ci gaba da tafiya cikin surkukin jeji mai dauke da hadaruruka da musibu.



DR. ZAIN
[2/3, 5:04 PM] Saudat A J: *'YAN GUDUN HIJIRA*
_Labarin Sajida_
-----------------------------------------
_based on true life story_
🐾





2⃣5⃣




Na




*ZAINUDDEEN ZAIN*
_DR. ZAIN_





dedicated to: _Marayun da suka rasa mahaifansu a sanadiyyar boko haram_





® *PEN WRITERS ASSOCIATION*




```QUOTE OF THE DAY```




_it a rayuwa tamkar alawa ce, dadinta ba ya dorewa_









*Shafin Masoya*



Kyautar Allah fans





***CI GABA***





Sai kara nutsawa suke yi cikin surkukin jeji, tun saurayi na nuna alamun kasawa, har shima tafiyar ta bi jikinsa, ba ya bukatar su tsaya hutawa. Wasu lokuta su sha kashin ruwa, wasu lokuta kuma zafin rana ya gasa su, su shiga wannan kwararon su fita wancen, a haka har suka dauki wajen kwanaki biyar suna kitar wannan jejin.




A bangaren ‘yan boko haram, wadanda aka turo su bi bayan wadanda aka aiko domin su kama su Sajida kuwa, suka ci gaba da dubawa har Allah ya sa suka tarar da ragowar hudun zaune a karkashin wani katon ice, suna tattaunawa kan yadda zasu bullowa wannan lamarin lura da lokacin da aka diba musu ya rigaya ya kare, kuma ga shi basu sami kamo su Sajida ba. Hango motoci da Babura, suka fahimci me ke faruwa, tabbas farautarsu aka turo. Sun rigaya sun san da cewa ba tausya musu za a yi ba, saboda haka suka yo cikinsu da zinmmar su yi fada da su, sukaa shiga dukansu. Ganin haka, wadanda suka zo a mota da Babura, suma suka mayar da farmakin, fada mai tsanani ya kaure tsakaninsu, inda suke kokarin kawowa juna sara da suka, idan wannan ya saro wannan sai wannan ya goce shima ya kai masa duka ko wawa ko sara har suka dauki lokaci mai tsawo suna fafatawa, sun jima juna rauni sosai, daga karshe suka sami kashe mutane hudun bayan suma sun kashe musu mutum uku.




Suka dauki gawarwakinsu suka bai wa wasu daga cikinsu, suka saka a mota suka umarce su da su kai wa shugabansu, inda su kuma sauran suka ci gaba da farautar su Sajida.



Daga isar su a garin nasu, suka jibge gawarwakinsu a tsakiyar filin da ake taruwa, nan take aka sanar da shugaban cewa wadanda ya tura sun dawo. Ya zo ya shaida aikin da suka gabatar. Ya jinjina musu, ya kuma kara jaddadawa mutanen da aka tara cewa, ba wanda y isa ya kubuta a hannunsa, kuma wannan shi ne karshen duk wanda zai saba umarninsa ko ya nemi ya ha’ince sa kamar yadda yake fada. Ya kara da cewa tabbas su Sajida ma za su shigo hannu, kuma zasu dandana daga mafi munin azaba kafin a raba su da rayukansu. Jawabansa, suka sanyaya jikin duk wanda ya halarci wurin, kama daga ma’aikatansa har su wadanda aka tsare a garin. A fusace ya koma tantinsa domin ya ci gaba da tsara wurare da zasu kai hari. Sauran jama’a suka ci gaba da sabgogin rayukansu.



Su Sajida kuwa suka ci gaba da tafiya, har kafafuwansu suka kumbura jikinsu ya jigata gabadaya yanayin jikinsu ya canja, amma sai tafiya suke hakan, ga masifar yunwa ga kishi na ruwa, wanda ta kai sai su dauki kwana biyu ba tareda sun hadu da abinda za su ci ba, ruwa ma sai idan sun yi sa’a ne an yi ruwan sama sai su samu su sha daga garesu, abinci kuma da kyar suke samun zomo ko bushiya su kama, wani lokacin kan rashin wuta danye suke cin nama gudun kar rayuwarsu ta salwanta.



Wata rana suna tafiya, da maraice, sai wani iska mai karfi ya taso, dalili kenan da ya sa suka nemi wurin fakewa karkashin wani katon ice, mai dauke da wani katon kogo, iskan sai kara karfi yake yi, kuma ga duhu na kara shigowa abinda ya yi sanadiyyar tashin hankalin Sajida ke nan, musamman ganin Bilkisu ta gaji sosai, kasancewar yau kwana biyu kenan suna tafiya ba tareda sun huta ba.



Suna zaune a gindin icen, duk da icen kato ne, amma a haka iskan ke wujijjiga shi kamar zai fado, suna zaune, sai suka ga hayaki na fitowa daga cikin kogon, sun lura da hakan ne a lokacin da suka fara jin wani masifaffen zafi na fitowa ta daga kawunansu, dubawa da zasu yi sai suka hango hayaki na fitowa daga kogon. Cikin tsoro suka tashi suka ja daga baya, amma kamar wadanda aka ba wa umarni sai suka tsaya suna kallon yadda hayakin ke fita, zafin sai karuwa yake yi, abinda ya fi basu mamaki shi ne, yadda wannan iskan bai shafi fitowar hayakin ba, sun yi zaton wuta ce ke kokarin fitowa ko kamawa a jikin icen.



Suna tsaye nesa da icen, sai suka ga wani katon maciji da girmansa ya ninka Sajida sau biyar ya fito daga kogon, ai ko fitowarsa zafin ya karu, a jikinsa launuka ne na shudi da ruwan dorawa da ja, ya wuce da sauri a saman iska. Wannan ne ya haddasa su duka suka fadi, kamar tunkudasu aka yi, kowannensu ya kasa magana ko motsi kan tashin hankali na ganin wannan shirgegen maciji da ko a mafarki ba wanda ya taba ganin irinsa a cikinsu.



Ya jima yana wucewa kan masifar tsawo, duk da ya wuce, zaka ga alamun launukan ta wurin, haka hayakin ya jima kafin ya bar fitowa.



Ai ko kuzarinsu na dawowa, suka ce kafa me naci bambaki ba, suka ranta a na kare, sai gudu suke suna kokarin waigowa domin su tabbatar da cewa ba biyar su yake yi ba, duk da gajiyar Bilkisu, ita ce gaba a gudu sai Sajida a bayanta. Sun dauki lokaci mai tsawo suna gudu, domin sune basu tsaya ba har sai da sanyin asuba ya fara sauka, suka sami wani kogo a jikin wani dutse suka shiga, sai haki suke yi kamar rayukansu zasu fita.



Sun jima suna zantawa kan wannan abin al’ajabi da suka gani. Kana suka rama salloli da ke kan su, suka sami wuri suka kwanta domin su rage gajiya da ke tattarre da su, tun da subahi suke barci har rana ta fadi ba su farka ba, kamar hadin baki, sai cen cikin dare, Sajida ta farka, ta fito daga kogon ta duba yanayinsa a waje, ta dan zagaya, inda ta ci karo da ramun wasu tsuntsaye, nan take ta ja daga baya, ta dawo ta tad yaranta, da suka wartsake, ta shaida musu abinda ta gani, cikin farin ciki suka biyo ta bayanta, ta nuna musu ramin, ta yi amfani da kara ta saka a ramin, fir! Tsuntsayen suka farka, jin motsin farkawarsu, su Bilkisu suka karaso ta kusan su, suka dinga kama duk tsuntsun da ya yi yunkurin guduwa, a haka har suka kama adadi mai yawa, suka dawo makwancinsu, suka fige, inda lokacin da suke aikin fiigar ita da mahaifiyarta, shi kuwa saurayin yana cen yana kokrin nemo itace da za a gasa wadannan tsuntsayen.



Da ya kawo suka hura wutar kamar kullum ta hanyar amfani da duwatsu, musamman da yake daren ranar ya zo da sanyi, sun ji dadin hura wutar sosai, dalili da ya sa kenan duk da sun kammala gashin sai da suka dade suna karo itace domin su duma jikinsu da wutar, har zuwa tsakiyar dare. Suna so su yi barci amma sun rigaya sun yi barci mai tsawo sosai, shi ne dalili da ya sa suka buge da fira mai tsawo. Inda idan wannan ya bayar da labari, wannan sai ya bayar da nasa, sai raha suke yi sun dariya tsakaninsu



Nan Sajida ta ce, “ku bari na baku labarin KARSHEN ZALUNCI labarin kawo karshen ta’addancin sarki RUSKINANU na littafin ARTABON SARAKAI mai KARAGAR TSAFI wanda ya mallaki maganin mutuwa KUWWATUL KITAAL.”



“Maganin mutuwa fa Inna? Hala akwai maganin mutuwa ne?”




“ba ki ji na ce mulkinsa ya zo karshe ba, shi ke nunamaki ita mutuwa ba ta da magani, wata hanya ce da duk ratsen mutum dole sai ya bi ta wurin, gata ba ruwanta da sarki ko talaka, batasan yaro ko babba ba, batasan namiji ko mace ba, batasan nagari ko dan banza ba, idan ta kira ka kuma ba wanda ya isa ya hanaka zuwa”



“shi wannan sarkin kuma waye shi?”



“kina nufin baki karanta labarin ARTABON SARAKAI ba, na ZAINUDDEEN ZAIN DR. ZAIN?”



“ban taba jin littafin ba”


“taff! Ashe kuwa jirgi ya bar ki tasha”



“inna tau me zai hana ki bamu labarin daga farko?”



“inda nake da niyyar baku, yafi dacewa da halin da muke ciki, zai kara muku karfin guiwa na sanin cewa uangiji bai manta da mu ba, yana sane da halin da muke ciki”



Nan saurayi ya kara gyara zama, sai ya nisa ya ce, “amma ba a wannan zamani aka yi wanann sarkin ba, tun daga sunansa da kuma aikin da naji ya yi, na mallakar maganin mutuwa?”



“sosai an yi shi ne sama da shekaru dubu goma, ya yi mulki na zalunci fiye da tunanin mutum, ga shi jarumi mai masifar karfi, ga tsafi ga mulki ga shi da ‘ya ZABZABATU mummuna amma ga masifar karfi da dabarun yaki, da bokansa AJAMALU da kaf a lokacin duniya ba kamar shi a tsafi. Ga rashin imani da rashin tausayi”



“zan so ko naji karshen wannan sarkin, RUSKINANU ne kika ce sunasa ko?” saurayi ya fada.



Sajida ta gyara zama sai ta fara.





DR. ZAIN
[2/3, 5:04 PM] Saudat A J: *'YAN GUDUN HIJIRA*
_Labarin Sajida_
-----------------------------------------
_based on true life story_
🐾



2⃣6⃣



Na



*ZAINUDDEEN ZAIN*
_DR. ZAIN_




dedicated to: _Marayun da suka rasa mahaifansu a sanadiyyar boko haram_




® *PEN WRITERS ASSOCIATION*




```QUOTE OF THE DAY```



_yanzu suka dora tasu tukunyar, tuni tamu ta tafasa_










*Shafin Masoya*


*YAN GUDUN HIJIRA FANS*




***CI GABA***






Dandano daga littafin *KARSHEN ZALUNCI*





Dukkan yabo da godiya su tabbata ga Allah makadancin sarki, wanda ya bai wa musulunci girma da martaba a sama da duk wani addini, shi ya halicci komai da kowa kuma shi kadai ya dace a bautawa, gagara misali ne a lamuransa wanda buwayarsa ta zarce misali. Ina kara gode masa kan baiwa da ya bani, har na tsintsi kaina cikin dandazon marubuta masu rubuta abin da al’umma za ta amfana ko ta nishadantu, ina rokonsa da ya datar da ni da gidan aljannarsa Firdausi ameeen.



Salati nayo gun Muhammad (SAW) Bakuraishe jikan Abdul-Muddalibi dan Aminatu manzon gaskiya wanda kaunarsa ta mamaye zuciya, kuma tafiyarsa ba za mu ki binta ba, muna rokon ubangiji da ya sadamu da tozali da shi a yinin gobe kiyama a gun shan ruwan Alkhausara ya bamu mu sha da lallausan fararen hannayensa ameeen.



Tsira da aminci ubangiji ka dada gun iyalan gidansa, wadanda suke masoya a gare shi, tare da zaratan sahabbansa wadanda farin cikinsa shi ne nasu, wadanda suka bayar da rayukansu fansa gare shi, tare da duk wanda ya bi turbarsu ya zuwa ranar tsayuwa.




Ina mika godiya ga mahaifiyata wacce ko da wasa ba zan buda shafin godiya ba ba tare da na bata nata sakin layi ba, ita ce jigo da silar duk wani ci gaba nawu, ina rokon ubangiji da ya kare ta daga sharrin masharranta ya kuma datar da ita da gidan aljanna.



Masoyana na nesa da na kusa, banida baki da zan gode maku, musamman a dan karamin littafi irin wannan, amma naso ace zan iya bude zuciyata, da na nuna muku yadda soyayyarku ke shimfide a huhu da ruhi da kahon zuciyata, irin kun dai ganennan ana tare.




*TSOKACI*



Wannan season din, wato *KARSHEN ZALUNCI* ci gaba ne na _KUWWATUL KITAAL_, idan maikaratu bai manta ba, mun karanto season one _(KARAGAR TSAFI)_ season two _(KUWWATUL KITAAL)_ wannan shi ne season three *(KARSHEN ZALUNCI)*. Kar maikaratu ya damu ko da wanne season ka fara za ka iya fahimtar ina labarin ya dosa, amma idan baka karanta season one ba kafin ka fara wannan season na uku yanada kyau ka nema a shawarce, akwai lambata a jikin littafin, idan aka nema zan turo.



Idan maikaratu bai manta ba a karshen season one, su _JAUHARANU_ da _WALKINANU_ sun shiga hannun dakarun _SARKI SAMAKATUL BAHAR_ har aka killace su a cikin keji, domin yara su zo su dinga kallonsu a matsayin tsuntsaye, sun yi yunkurin su kubutar da kawunansu amma, a banza domin duk wani tsafi da suka sani sun yi amfani da shi amma abin ya ci tura, dole suka hakura suka ci gaba da zama a keji, abinci ma sau daya suke gani a wuni, hakan ta sa suka rame sosai har sai sun ba ka tausayi idan ka kalle su, labarinsu kuwa, dole aka rufe aka ki sanar da _SAMAKATUL BAHAR_ gudun hukunci da zai dauka kan mazauna garin kafin su _JAUHARANU_.



A karshen season two kuma mun ji yadda _GIMBIYA ZABZABATU_ da mahaifin _WALKINANU_ wato _WASHMANU_ suka sha alwashin karbo su tareda dauko ita _KARAGAR TSAFI_, tambaya a nan ita ce, _BAHARUL MAUTI_, gari ne da ke a karkashin ruwa kuma yana dauke da hadarurruka bila adadin, me zai faru da su _ZABZABATU_? Za su sami damar dauko _KARAGAR TSAFI_ kuwa? Za su kwato mutanensu kuwa? Cikin labarin komai zai warware.



Wannan season zai fi karkata ne gun fassarar mafarkin da _ZABZABATU_ ta yi har sau shida a season two, wanda zai dauke mu ya zuwa tarihin wani jarumin gaske, wanda sam baisan tsoro ba, kuma ga shi addininsa ya bambaanta da na su, sunan jarumin _AMJAD_, yana zaune ne a kasar _HERA_ da ke nesa sosai da kasar _FARETU_.



Ta yaya fassarar mafarkin zai alakanta da wannan jarumin? Ya halin su _RUSKINANU_ wanda ya mallaki *KUWWATUL KITAAL* maganin mutuwa? Duk za mu ji a wannan littafin da ikon Allah.




Wanne addini ne ake yi a kasar _HERA_? Duk za mu ji a cikin labarin.



*FARKON LABARIN*


Kasar _HERA_ kasa ce da ke dauke da wasu al’adu wadanda suka sabawa mafi yawa daga cikin kasashe, kasa ce wacce ta tara jarumai da manyan masana a fannoni daban-daban, kasa ce wacce ta hada da mafarauta da masu ilimin likitanci, amma duk wadannan a kan koyamaka ne gwargwadon inda matsayinka ya fada, misali wadanda za su zama jarumai dole ne su fito daga gidan jarumai, ko gidan sarauta, dan matsafi duk yadda ya kai ba za a bari ya koyi yaki ba, haka wanda za a koyawa tsafi dole ya fito daga gidan bokaye, haka sauran, doka ce diyan talakawa su koyi wani abu a kasar idan ba sana’a ce ba, kamar kera makamai ko wani abu da ya danganci aikin kwadago. Wannan dokoki da ke shimfide a kundin kasar, shi yasa kasar ake kallonta da tsaurin ra’ayi inda talakawan ke kallon gaba daya ba a masu adalci, duk da haka kasar tana kula da bai wa na gaba girmansa, duk da tana cike da zalunci suna nuna soyayya tsakanin junansu.



Kasar suna bautar duk sarkin da ke kan mulki, duk wanda ya ki sai ya biya da kansa. A haka abubuwa suka ci gaba da tafiya a kasar, har aka haifi jarumi _AMJAD_, sai dai aka yi rashin sa’a, domin mahaifinsa _SUMAIRU_ talaka ne sosai wanda ke sana’ar kera makamai.



Tun haihuwarsa, mahaifinsa ya ga abubuwan al’abi dangane da shi, mahaifiyarsa ta rasu ne sanadiyyar haihuwarsa, amma tun haihuwar ta sa, abubuwa suka fara canjawa mahaifin, idan da naira dubu yake samu a wuni, sai ya dawo samun dubu goma, wannan shi ya bashi damar kulawa da dansa ta hanyar siya masa duk abinda yaro ke bukata, a haka har ya kai shekaru takwas, a makaranta kuwa idan ana koyar da shi sai kayi zaton ya ma fi malamansu sanin abun, bayan kaifin basira da rikon abu ba mantuwa akwai shi da zuciyar jarumai, wanda kan haka har ake ganin ko ba ya da tausayi ne, karami ne amma akwai matsanancin karfi, wannan jarumta ta shi ita ta sa gaba daya sa’anninsa shayinsa suke yi, kai har na gaba da shi na tsoronsa duk da kananan shekarunsa.



*Note:* _duk seasons da nake kawowa online, ina katse su ne daga asalin yadda na rubuta su, saboda haka ba komai ne nake sakawa online ba, ainahin labarin, idan zan fitar a kasuwa zan sanar sai a nema, domin ko kashi talatin na labarin ban sake ba._




DR. ZAIN
[2/3, 5:04 PM] Saudat A J: *'YAN GUDUN HIJIRA*
_Labarin Sajida_
-----------------------------------------
_based on true life story_
🐾



2⃣7⃣



Na



*ZAINUDDEEN ZAIN*
_DR. ZAIN_




dedicated to: _Marayun da suka rasa mahaifansu a sanadiyyar boko haram_




® *PEN WRITERS ASSOCIATION*




```QUOTE OF THE DAY```



_kyawun budurwa asanta da kunya_









*Shafin Masoya*


Jega Village




***CI GABA***





*Cigaban labarin ‘yan gudun hijira.*




Tana kawowa nan da labarinta, suka yi shiru gaba daya, sai kallon juna suke yi cike da alamun tambayoyi a fuskokinsu, da ta fahimci tambayoyi suke so su mata kan labarin KARSHEN ZALUNCI ta ce, “kar wanda ya min tambaya cikinku, idan labari ne zan ci gaba da baku shi a duk lokacin da muka sami lokaci, a halin yanzu mu mayar da hankalinmu kan yadda zamu sami fita daga wannan jejin mai dauke da hadaruruka”



Suka girgiza kawunansu alamar gamsuwa da zancenta. Kana suka shiga shirin daukar hanya na wannan tafiya da ba a san ina za a dosa ba, kawai dai titi ne mafarkinsu.



Haka suka cigaba da tafiya shiga wannan ramin fita wancen, shiga wannan hadarin fita wancen, har rana ta yi zafi sosai, ganin haka suka sami wuri suka labe cen cikin wani katon rango da ya samu ta sanadiyyar ruwa da ke saukowa daga kan falalen dutsi. Nan suka yi sallah, suka dan sami abinda suka sakawa cikinsu, kana suka ci gaba da tafiya.



Har zuwa faduwar rana suna tafiya, ba gari ba alamunsa, da rana ta fadi, suka tsaya suka yi salla, sai suka hura wuta domin su duma jikinsu. Cikinsu sai kiran ciroma yake, kaancewar sun dauki lokaci ba tareda sun ci komai ba. Duk da haka cikin walwalaa suke firarsu, duk da ana cewa wai yunwa ba ta da sabo.



Ganin sun nutsu, sai ta ci gaba da basu labarin KARSHEN ZALUNCI.




*DANDANO DAGA LITTAFIN KARSHEN ZALUNCI.*




Kamar yadda muka sanar jarumi Amjad ya taso ne hannun mahaifinsa wanda yake sana’ar kere-kere, hakan ta bashi damar sanin makamai sosai da amfaninsu da kuma sanin yadda ake sarrafa su, da yake kasar Hera kasa ce da ta haramtawa duk wani dan talaka koyon dabarun yaki, Amjad bai samu damar shiga makarantar koyon yaki ba, amma a haka yake labewa yana kallon yadda ake koyar da fada azuzuwan da ake koyar da jarumai, idan dare ya raba tsakiya sai ya dinga bitar abinda ya koya, hakan ta bashi damar zama gwani wurin iya sarrafa takobi, da iya harba baka, domin zai iya harba baka, har tayi tafiya tsawon kwanaki uku. A karfi kuwa sai ya dauki giwa komai girmanata ba tareda wahala ba, duk wannan abin da ke faruwa da Amjad, masarauta ba ta sani ba, amma mahaifinsa ya san komai, duk da da farko yana masa fada daga baya ya dinga karfafamasa ta hanyar kera masa makamai nashi na kansa musamman.




Jarumi Amjad da ya girma sai ya zama wani saurayi mai kyau sosai mai kwarjini a idanun mutane haka a zuciyoyin ‘yan mata.




Wata rana suna tafiya da abokaninsa cikin jeji suna yawon farauta, kwatsam sai wasu dakaru na makociyar kasarsu suka tare su da niyyar illata su, dakarun za su haura dari, su kuwa su biyar ne kadai, ganin mutum dari sun zagaye su, gaba daya hankalinsu ya tashi, sai rawar jiki suke yi, Amjad ne kadai tsaye a kafafuwansa, su duka dauke suke da makamai banda Amjad domin shi kadai ne daga gidan talakawa, kuma a dokar kasar ba a bari talaka ya koyi fada, a cewarsu bai dace da shi ba. Ganin abokaninsa sun tsorata, ya zare takobi daga hannun daya daga cikin abokanin nashi, ya tinkari wadannan dakarun, ya fara saransu yana sukarsu, su kuwa sukai masa kawanya. Suka fita batun abokaninsa suka yi wo kansa da niyyar illata shi, suka zagaye shi sai kawo mashi sara da suka suke yi, yana gocewa shima yana kokarin kai musu sarar, cikin kankanin lokaci ya illata su gaba daya. Cike da mamaki abokaninsa suka fara kallonsa. A kan hanya suke tambayarsa, ina ya koyo irin wadannan salallai na fada, yaki ya sanar da su.




Da suka dawo gida, ya tafi bakin aiki a kasuwa domin komai ba su kamo ba ranar, ya je wurin mahaifinsa domin ya gani ko da aikin da zai taya shi, su kuwa abokanin nashi suka wuce makaranta, domin an umarce su da su zo karatun maraice, shigarsu ajin da dan wani lokaci aka fara masu darasi. Daya bayan daya suke fitowa domin su fafata da malamin nasu, kasancewar yana so ne ya gwada hazakarsu, har ya zo kan wanda Amjad ya yi amfani da takobinsa, wurin tarwatsa dakaru dari. Daga zare takobinsa, sai malaminsu ya fara kallon takobin cikin mamaki, bayan sun kammala darasi, sai ya kira shi ya ce da shi, “me ya faru da takobinka, na ganshi da jini na mutane, kuma da alama ka fafata ne da mutune da dama?” nan ya fara rabon idanu, yasan idan ya yi karya, fille masa kai za a yi domin shi ne dokar kasar. Dole ya kwashe labarin gaba daya ya sanar da malaminsu, sai da malamin ya dade yana tunani kafin ya nisa ya sallameshi.




Amjad na kan hurawa mahaifinsa wuta shi kuwa yana kokarin narke darma da