You Cannot Download this book untill you login but you can read it .

---

Login Register

matar aure!... Maganganu dai babu daɗin ji!”

Daddy ya dubi Mu'az dake murmushi. Kafin ya kai ga cewa wani abu, Mu'az yace.

“Iyaka abin da na ce kawai ta faɗa. Ba ta faɗa miki abin da ita 'yar tata ta min ba?”

“Me Rashidan ta maka?”

Daddy ya tambaya.

“Saboda Allah Daddy. Kamar ni Mu'azzam Jibrin Gimba za ta shanya a ƙofar gida ina jiranta. Wai tana kwalliya?. Ko me za ta yi wa kwalliyar?. Wannan mummunar baƙar ƙazar fuskar tata da bata rabo da majina sanda tana yarinya ko me?... Kuma da ma can fa ni ba ta min ba. Yarinyar ba class ɗina ba ce. And ta cika rawar kai da yawa!”

Cike da mamakin abin da yayanta ke faɗi a kan Rashida Mima ta ɗaga kanta sama tana hango fuskar Rashidan. Ko ita da take mace Rashida na burgeta. Saboda iya wankanta da son gayu. Amma tsabar wulaƙanci irin na Mu'az cewa yake wai ƙazama ce!.

“Ya Mu'az Rashidan ce ƙaz...”

Shiru ta yi saboda kallon da ya mata. Ta haɗiye maganar ta kora da miyau ɗin bakinta. Mu'az ya harareta yana faɗin.

“Ƙaramar mara kunya!...”

“Sannu shugaban marasa kunya!...”

Faɗin Mummy a ƙufule ita ma tana wurga masa harara.

“Mu'az”

“Na'am Daddy!”

Ya amsa a ladabce.

“Rashida ce ba ta maka ba ko wata ɗabi'a ce gareta wadda baka so?”

Ya yamutsa fuska yana faɗin.

“Ta min ƙanƙanta da yawa. Sa'ar Mima ce fa Daddy. Kuma taba da rawar kai. Ga ta cika iyawa... Gaba ɗayanta ma bata min ba. I dislike her at all!...”

“Ka kyauta. Ka kyauta da ka zubar min da mutunci a idon aminiyata”

Mummy ta tari numfashinsa.

“Hauwa! Kin san ni me son abin da yarana suke so ne. Tun da har baya sonta babu yanda za ayi na aura masa ita. Da ace yana sonta kuma sai inda ƙarfi na ya ƙare wurin neman aurenta!”

“Shi ya sa nake sonka Daddy. You're the best!”

“Ban gama da kai ba ai... Dan baka son Rashida bai kamata ka riƙa kusheta ba. Hakan babban kuskure ne. Da fatan za ka kula nan gaba!”

Sai ya sunkuyar da kansa yana faɗin.

“To Daddy. Za a gyara!”

Wayarsa dake aje a gefen plate ɗin da yake cin abinci ce ta shiga ringing. Hakan ya sa ya ɗauka domin duba me kiran, ganin Faruk ne ya sa ya amsa.

“My Gee what's up?”

“Fine Wallahi. Ya ? Me ya sa ba ka zo barrack ba har yanzu?”

Mu'az ya miƙe tsaye wayar kare da kunnensa ya nufi sink domin wanke hannunsa da yaci abinci da shi. Saboda shi duk rintsi duk wuya ba ya cin abinci da spoon ko fork.

“Cin abinci na tsaya. Ka san aikin nawa ma ba zai iyu ba ba tare da na cika cikina ba!”

“Aikin ke nan ai. To sai ka yi sauri ka zo dan mu je mu haɗu da Muktar (Ɗan sandan da yake bincike a kan case ɗin mutuwar Munira) ɗin. Tun da yace gobe zai yi tafiya”

Mu'az ya goge hannunsa da toilet paper yana faɗin.

“On my way”

Daga haka ya sauƙe wayar ya dawo dinning area.

“Mummy ni zan tafi... An jima zan aiko driver ya zo ya karɓa min abinci!”

Mummy ta wurga masa harara tana faɗin.

“Saboda ga Mummy baiwarka ka aje za ta maka girki ko?”

Mu'az ya ƙunshe daiyarsa.

“Oh lord of mercy!”

Ya faɗa, sannan ya kalli Mima.
“‘Yar lukuta ki min girki zan aiko a karɓa min. Yau Mummy ta yi fushi da ni!”

Ba dan Mima ta so ba haka ta gyaɗa masa kai. Dan ita yau ta riga da ta tsara fita tare da ƙawayenta. Kuma bata isa ta masa musu kan ba za ta yi ba. Ita a wa?. Yanzu sai ya hauta da bala'i. In ba sa'a ba ma ta kaisu ga duka.

“Oga tulele ka gama mu je na sauƙeka?”

Ya faɗi yana kallon Na'im. Na'im ya ɗauki bagpack ɗinsa yana faɗin.

“Eh na kammala mu je”

Suka yi wa Daddy sallama suka fita tare. Mummy ta yi ƙwafa.

“Wai yanzu haka za'a zuba masa ido ya zauna babu aure?. Ga shi Mariya da take ƙanwarsa har da yaro ɗaya. Amma shi tsayuwa da 'yan matan ma ya ƙi. Ballantana har a fara batun yin aurensa!”

Daddy ya yi murmushi yana sipping tea ɗinsa. Ya aje mug ɗin yana faɗin.

“Hauwa ke nan!. Shi fa aure da mutuwa duk lokaci ne da su. Idan Allah ya nufa sai ki ga an yi nan kusa. Wata ƙila kuma shi nasa rabon a nesa yake”

“Hum-um. Ai bana jin Ya Mu'az zai yi aure kwana kusa Daddy. 'Yan mata nawa Mummy ta masa?. Amma duk cikinsu cewa yake babu wadda ta masa. Har da wadda yace warin baki take. Ai babu me iyawa wannan mutumin sai Allah. Ga zafin zuciya kamar garwa shi. Ga hancini!. Ga faɗar baƙar magana kamar jikan kutare!...”

“Duk zai daina with time. Har yanzu Allah bai haɗa shi da wadda za ta dace da shi ba ne...”

Daddy ya katseta. Mima ta taɓe bakinta tana ganin rashin iyuwar hakan. Dan a ganinta, babu budurwar da za ta iya zama da yayanta da halayensa. Su ma da suke 'yan uwansa wasu lokutan kasa ɗaukan halin nasa suke ballantana wani da ban.

*Nigerian Army resources center, Mambilla Barrack, Asokoro, Abuja.*

“Hello! Sirikina ina kwana”

Faɗin Mu'az a lokacin da ya shiga office ɗin Faruk dake jiransa. Dan bayan ya je ya aje Na'im a school kai tsaye ya wuto nan barrack ɗin. Saboda daga gidansu zuwa Barrack ɗin ba nisa.

Faruk dake tsaye a jikin shelf yana duba wani file ya jiyo ta kalli Mu'az ɗin dake shigowa office ɗin. Kamar kullum, sanye yake da wandon kakin sojoji, da kuma rigar da suke sakawa a ƙasan rigar uniform ɗin nasu me kama da T-shirt. Amma shi kam da ma abu ne me wuya ka gan shi sanye da complete uniform.

A cewarsa waccan ta saman takura shi take. Saboda shi da riga kamar maƙiya suke. Idan ka gan shi da complete uniform to meeting zai shiga, ko kuma akwai wani wurin da zai je ba barrack ba.

“Sannu da zuwa sir”

Faɗin Faruk yana sarawa Mu'az ɗin. Kasancewar shi ne sama da shi. Mu'az ya cire glasses ɗin idonsa yana faɗin.

“Karka sa na ji kunya mana sirikina. Ni ban san wannan abin. Ka share kawai”

Faruk ya sauƙe hannunsa yana murmushi. Dan wannan ɗin magana ce wadda ya haddaceta a cikin kansa.

“Ina ɗana?”

Mu'az ya tambaya.

“Lafiyarsa ƙalau.”

“An jima muna da meeting da general Haladu Mansur. Gwanda mu je mu ga Muktar kafin lokacin ya yi”

Ya faɗi yana maida glasses ɗinsa.

“Okay”

Daga haka suka fita zuwa FCID domin jin yanda binciken mutuwar abokiyar aikinsu ya kwana.

*FCID (Force Criminal Investigation Department), Moshood Abiola Road, Garki, Abuja.*

“A halin yanzu mun yi nasarar gano wuri na ƙarshe da ta halarta kafin ta ɓata. Kuma abin da muke ta ƙoƙarin yia yanzu shi ne gano wanda ta haɗu da shi a wurin. Saboda mun gano wani saƙo a wayarta dake nuna cewa wani ne ya kirata zuwa wurin domin su haɗu. Daga zarar mun samu damar gane wanda ya aiko mata da saƙon za mu iya cewa mun kama me laifin. Saboda shi ne abin zargi na farko!”

Mu'az da Faruk suka dubi juna a tare. Kafin suka kalli Muktar ɗin da ya gama zayyano musu bayanin.

“Lord have mercy!”

Faɗin Mu'az yana furzar da iska ta bakinsa. Yayin da Faruk da ya fi kowa shiga damuwa a kan case ɗin ne ya shafa kansa cike da damuwa.

Saboda ɓatan abokiyar aikin nasu me suna Munira tashi ɗaya ya basu mamaki. Hakan ya sa suka bazama nemanta a ko ina. Bayan sati ɗaya da ɓatanta kuma suka samu labarin tsintar gawarta a wani layi. Babban abin tashin hankalin ma shi ne an tsinci gawar tata ne ba tare da wasu sassa na jikinta ba.

Saboda tsabar yanda makashin ya bata wahala wurin kasheta ya sa su kansu ba su tabbatar da cewa gawarta ba ce sai da iyayenta suka zo suka tabbatar da cewa ita ce. Kuma tun bayan rasuwarta da Mu'az Faruk ba su huta a kan binciken wanda ya kasheta ba.

“Ka yi haƙuri Kaigama. Da yardar Allah za'a kama mai laifin”

Faɗin Mu'az a ƙoƙarinsa na kwantarwa da Faruk hankali. Ganin yanda suka fito daga headquartern duka a dame. Cike da damuwa Faruk ya dube shi yana faɗin.

“Har yanzu na kasa mantawa da hoton gawarta da na gani a idona MJ. Kuma hoton tashin hankalin da ahalinta suka shiga lokacin mutuwar ya kasa fita daga kaina. Ba na jin hankalina zai kwanta idan har ban kamo me laifin nan ba MJ!”

Mu'az ya dafa kafaɗarsa.

“Insha'Allah za mu kamo shi!”

“Allah ya yarda”

MAIMUNA POV.

Kamar yanda ta saba farkawa sassafe haka ta farka a asubar yau ma. Abu na farko da ta fara yi shi ne alwalal sallahr asuba. Ta dawo ɗakinta ta tada sallahr. Kuma bayan ta idar ta fita tsakar gidan ta fara aikinta na safiya kamar yanda ta saba.

Duk da yanda sanyin safiyar yake sauƙa a kanta bata haƙura da aikin ba. To da ta isa ma ta haƙura da aikin?. Ita a wa?, Kare da gudun layya?. Sai da ta yi shara. Sannan ta wanke kwanukan da aka ɓata a daren jiya. Kafin ta zauna ta fara firar doyar da za ta dafa ta kuma soya domin kai wa makarantun safe dake kusa da su. A lokacin Auwwa ta fito daga ɗakinta tana hamma.

Kanta ta ɗaga ta kalli Auwwan. Sannan ta gaisheta a ɗarare. A ranta take ƙiyasta lokacin da Auwwan ta tashi. Dan ta san lokacin dai ƙarfe bakwai za ta yi. Kuma ita ba ta isa ta tasheta a bacci ba. Saboda kyakkyawan warning ne daga Auwwan, kan kada ta kuskura ta tasheta idan tana bacci.

A kan idonta Auwwan ta ɗauki buta ta yi alwala. Sannan ta shiga ɗaki domin yin sallah. Sai da a kammala fere doyar sannan Gambo yayanta ya shigo gidan. Kallonsa ta yi tana gaishe shi. Ko kallon arziƙi bata samu daga gare shi ba. Ballantana har ta yi zaton zai amsa gaisuwar tata.

A tasowarta a gidan bata jin akwai rana ɗaya da suka taɓa yin magana da ɗan uwan nata ta minti biyar ta arziƙi. Ko kalo bata ishe shi ba ballantana har su samu damar yin hira. Kuma da ma shi ba zama yake a gidan ba. Kullum yana waje wurin abokansa masu hayar napep.

“Ke Maimuna!”

Auwwa ta ƙwala mata kira daga cikin ɗakinta bayan Gambo ya shiga ɗakin.

“Na'am”

“Ki yi maza ki ɗora ɗumamen tuwo yanzu. Gambo yace yunwa yake ji”

“Auwwa na ɗora tukunyar doya fa”

Tsautsayin shan zagi ya sa bakinta ya suɓuta wurin faɗar hakan. Ai ko an danƙaro mata zagin. Dan sai da Auwwa ta zaɓo wani zagi tun na zamanin maguzawa ta makawa uwarta dake cikin ƙasa.

“...Gidana ko gidanki?. Da har zan ce ki yi abu ki kawo son ranki”

“Allah ya baki haƙuri”

Maimuna ta faɗi. Tana nadamar maganarta ta farko. Jiki na rawa ta sauƙe ƙatuwar tukunyar doyar da ta ɗora. Sannan ta ɗora ta ɗumame.

“Kuma ki cire bayan tuwon da ya bushe”

Ta ji Auwwa ta sake faɗi daga cikin ɗakin.

“To”

Ta amsa wani sashi na zuciyarta na farin ciki. Dan ta riga da ta san yau babu rabonta a ɗumamen nan. Kuma tun da Auwwa tace ta ɓare bayan tuwon tana nufin ta zubar bata so. To ita kuma da wannan damar take amfani wurin rage yunwar da take damun cikinta. Dan idan ta ɓare bayan wankewa take, sai ta ɗan saka yaji ta ci.

Yau ɗin ma haka aka yi. Tana ɓarewa bayan tuwon shinkafar da ya bushe ta saka musu tuwon a cikin miyar dake kan wuta. Yayin da ta zube bayan tuwon da ya bushe a roba, ta wanke shi, tafaki ido ta zuba yaji a ciki. Ta koma gefe ta cinye.

Sannan ta wanke robar ta aje. Ta dawo ta sauƙe tukunyar ɗumamen. Ta sanar da Auwwa cewa ɗumamen ya kammala. Kafin ta mayar da tukunyar doyar kan wuta. Tana zaune a wurin. Auwwa ta fito ta zuba ɗumamen a kwanika biyu, ɗaya nata ɗaya kuma na Gambo.

Maimuna bata ta shi daga gindin murhun nan ba sai da ta gama dafa doyar, sannan ta soyeta da fulawa tas. Ta faɗawa Auwwa cewa ta gama. Auwwan ta zo ta zauna ta lissafa kuɗin doyar. Sannan ta saka mata a cikin bokiti fallasa.

“Ta dubu uku da ɗari biyar ce. Saura kuma yau ma ki bada bashin”

Faɗin Auwwa tana hararta. Maimuna ta gyaɗa kai tana nufar randa.

“Ub*n me za ki yi kuma?”

Ta juyo a tsorace tana faɗin.

“Na ga hantsi ya fara ɗagawa ne. Shi ne zan zuba ruwa a bokita na aje a rana. Kafin na dawo daga talla na san ya yi ɗumi sai na ɗan yi wanka da shi!”

Auwwa ta maka mata harara haɗi da jan tsaki. Sannan ta miƙe ta ja tulelen jikinta ta shiga ɗaki. Maimuna ta zuba ruwa a bokita. Ta aje a rana. Sannan ta shiga ɗakinta ta saka hijabina ta fito tana ɓoye kuɗin babur ɗin da Mummy ta bata.

Ta ɗauki bokitin doya da fulawar ta fita. Kasancewar yau ƙafar tata bata ciwo ya sa ta isa makarantar Famfo goma da ta fi kusa da su da wuri. Dan a yankin unguwar tasu kusan makarantu shida ne. Kuma duk ciki babu wadda bata kaiwa tallahr doya da fulawa da safe.

Tana isa makarantar ta wuce sashin da 'yan tallah ke taruwa a babbar makarantar ta 'yan mata. Kasancewar government school ce ya sa masu kawowa tallar kayan suke taruwa da yawa. A kusa da wadda ta fi sani cikin 'yan tallar me suba Rahina ta aje bokitinta.

“Yau kin zo da wuri Maimuna. Dan sauraminti goma a fito tara”

Faɗin Rahina. Mamuna ta yi murmushi.

“Dan Allah Rahina so nake ki jire min kayana zan je asibiti a dubani!”

Rahina ta dubeta. Kasancewar ta san cewa su masu scikler ba'a raba su da jinya, ballantana kuma yanzu da ake cikin lokacin sanyi da cutar ta fi yawan tashi yasa tace.

“Ƙafar ce ko bayanki ne yake ciwo?”

“A'a. Ai yau da na tashi ban ji ciwon ƙafar ba. Auwwa ce ta ƙona ni jiya da dadare!”

Ta ƙarashe tana nuna mata singalin hannunta na hagu da ya yi alamar ƙuna. Dan fatar wurin har ta tashi Cike da jin tausayinta Rahina ta kawar da kanta gefe tana kare fuska.

“Subhannallahi. Wallahi Maimuna Auwwa muguwa ce”

Maimuna ta sunkuyar da kanta tana gyara ledar dake kan murfin bokitinta. Sannan ta ɗaga kai ta kalli Rahina dake kallonta.

“Bari na je”

“Amma kar ki daɗe”

Maimuna ta gyaɗa kai tana miƙewa. Kuma kai tsaye ta nufi bakin titi. Domin hawa napep, wadda za ta kaita Haɗejia general hospital. Duk da asibitin bata da nisa da unguwar Fantai.

Da yake ta san sashin da Mummyn su Maryam take sai bata sha wahalar nemanta ba. Kai tsaye ta je ta sameta a inda suke zama. Kuma Mummy ita ta kaita aka ɗaye fatar ƙunan da ta tashi. Sannan aka saka mata magunguna.

Kuma a pharmacy ɗin asibitin Mummy ta sai mata magungunan da aka rubuta mata, har ma da wanda ba'a rubuta ba. Wato magungunanta na cutar sickler. Kasancewar ta sanar mata cewar nata sun ƙare.

Basu rabu da Mummy ba sai da ta sai mata dafaffen ƙwai. Dan ko ba'a faɗa ba ta san cewa Maimuna na buƙatar kayan ƙarin jini. To kuma sai ƘADDARA ta sa ta taso a gidan da abincin da za ta sa a cikinta ma gagararta yake. Ballantana ta samu wanda zai ƙara mata jini. Haka Maimuna ta yi ta mata godiya har suka rabu ta dawo makarantar Famfo goma.

_Share fi sabillilah❤️_

_______________

_Ya kamata a fara biya tun daga yanzu fa!_

_If you want to subscribe pay ₦300 to._

5487270431
Salma Isah
Monie point

*Daga alƙalamin Salma Ahmad Isah✍️.*
*CANDY CE🦋.*

°°°°°°°°°°°°°°°°°°

*ƘADDARA CE!*


*©SALMA AHMAD ISAH.*
*CANDY🦋*

_ArewaBooks @SalmaAhmad_
_Wattpad @Salma_Ahmad_Isah_


*03*

*No.42, Inuwa Wada crescent, Utako, Abuja.*

*12:55 na dare.*

MARIYA POV.

A dai-dai irin wannan lokacin da ya kasance duk wani abin hallita yake bacci domin samun hutu ita idonta biyu. Duk wani hankali da tunaninta ta tattara shi a kan agogon bangon dake manne a bangon ɗakinta. Burinta bai wuce ta ga ƙarfe sha biyu ta cika dai-dai ba. Ba dan komai ba sai dan ta tafi babban meeting ɗin ƙungiyarsu da za'a gabatar a yau da ƙarfe sha biyu na dare.

Cike da ƙaguwa ta juya ta kalli Hilal dake kwance a kan bed ɗinta yana bacci. Ta ja tsaki tana ƙara maida idonta kan agogon. Ganin mintuna biyu ne suke rage sha biyun ta cika ya sa ta miƙe tsaye. Ta sunkuya ƙarƙashin gadonta ta janyo wani akwati dake aje a wurin.

Zama ta yi a ƙasa, sannan ta buɗe akwatin, komai dake cikin akwatin ja ne. Kuma abubuwan dake cikin akwatin ba su wuce huɗu ba. Daga wata jar doguwar riga, sai 'yar ƙaramar ƙwarya da aka yiwa fentin ja. Sanna kuma a cikin ƙwaryar akwai wani jan ruwa me kauri.

Daga gani daskararren jini ne. Sai reza dake ɗauke da busasshen jini a jiki, da kuma wasu zobunan ƙarfe har da sarƙoƙi. Hannu ta kai ta ɗauki rigar. Sannan ta miƙe tsaye, ta cire tufafin jikinta ta saka rigar. Har ƙasan ƙafafunta rigar ta sauƙa, kuma hannun rigar dogo ne sosai.

Hannu ta kai ta cire ribbon ɗin da ta ɗaure gashin kanta da ba kitso. Ta barbaza shi a bayanta. Ta ɗauki zobina masu ɗauke da kan wata dabba mara fasali ta saka a yatsunta duka goma. Sannan ta saka sarƙoƙin dake cikin kayan. Ta ɗauki kwaryar dake ɗauke da daskararren jini ta riƙe a hannunta. Sannan ta juyawa gabar baya tana jiran cikar ƙarfe 12.

A dai-dai lokacin da hannun agogon ɗakin ya kaɗa a kan ƙarfe sha biyu dai-da. Mariya ta rintse idonta da ƙarfi. Sannan pendant ɗin ɗaya daga cikin sarƙoƙin dake wuyanta ya kawo jan haske. A hankali cikin salihar muryarta ta furta.

“Mhish!”

A lokacin da fatar leɓenta ta sama ta haɗu da 'yar uwarta ta ƙasa wurin kaiwa karshen kalmar taɓace bat a cikin ɗakin.

*RED SHAITAAN'S SAVERNTS PALACE.*

Babban ɗakin taro ne. Wanda ya ƙunshi jerin kujeru sama da ɗari. Kuma duka kujerun suna kallon juna ne daga ko wani bango na ɗakin. Kamar dai jerin kujerun majallisar sarakunan gargajiya.

Ko wace kujera a wurin ja ce, kuma kowacce tana ɗauke da sunan me ita. Daga can kan stage ɗin dake a tsakiyar ɗakin taron daga can ƙarshe kuma kujeru ne guda uku. Wadda ke tsakiya tafi kowacce kujera girma. Yayin da biyun da suke a gefe da gefenta kuma irinsu ɗaya. Amma kuma su ma sun fi sauran kujerun dake ɗakin girma.

Daga tsakiyar ɗakin kuma wani katon rami ne dake ɗauke da itatuwan dake ci da wuta. Ga kuma wasu kayan tsaface tsaface da baka ce ga sunayensu ba. A hankali suffar Mariya sanye cikin jan kaya ta bayyana a tsakiyar ɗakin taron. Kuma sai da ta ji ƙafafunta sun sauƙa ƙasa, sannan ta buɗe idonta a hankali. Ƙafarta ta cira ta fara tafiya a hankali. Har ta isa kujerar dake ɗauke da sunanta a cikin ƙungiyar. Wato RAZOR!.

Sai da ta zauna sannan ta aje ƙwaryar dake hannunta a kan wani teburi. A hankali a hankali mutane suka ci gaba da bayyana a cikin ɗakin. Kafin kace me har sun cika ɗakin. Duk yawan waɗannan kujerun sai da suka cika su taf.

Mutane ne da ban-da ban, daga sassan duniya, wasu baƙaƙen fata ne, wasu kuma fararen fata ne. Kuma ko wa a cikinsu na sanye da jan kaya. Yayin da wasu daga cikin bayin shaiɗan na wurin ke aikin haɗa wutar dake ci a ɗakin taron.

Bayan shuɗewar wani lokaci wata ƙofa dake kusa da babbar kujerar dake ɗakin taron ta buɗe. Sannan wani tsoho da ya tara farin gemu ya shigo sanye cikin jan kaya. Bayyanarsa a cikin ɗakin taron ya sa sauran bayin shaiɗan ɗin suka miƙe domin nuna girmamawarsu ga Shugaba!.

Tsohon ya tsaya a jikin kujerarsa da tafi ta kowa kyau da girma a ɗakin taron, wadda ke nuna cewa ya fi kowa matsayi a wurin. Ya ɗaga hannayensa duka biyu sama, sannan ya haɗesu wuri guda alamun bauta da jinjina.

“Jinjina zuwa ga bayin shaiɗan!”

Duka ɗakin ya ɗauka da muryoyin mutanen cikinsa, masu banbancin jinsi, al'ada da yare.

“Jinjina zuwa ga shugaban bayin shaiɗan!”

Tsohon ya yi murmushi, sannan ya musu alama da su zauna. Kowa ya zauna, sannan shina ya zauna. Sai da ya juya ya kalli ɗaya daga cikin kujerun da suka saka tasa a tsakiya. Wadda wani ba'indiye ke zaune a kai, alamun dai shi ne na hannun hagunsa.

Kafin ya juya ya kalli ɓangaren kujerar dake damansa, wadda babu kowa a kai. Sannan ya juya ya kalli sauran bayin shaiɗan ɗin da suka yi shiru suna jiran jin abin da ya sa aka tara su a wurin.

“Kamar yanda muka saba gudanar da taron tattaunawa a ko wani mako. Yau ma haka ne. Sai dai ina so na sanar da ku cewar lokacin sadaukarwa ya kusa. Dan haka sai ku shirya domin sadaukar da ɗaya daga cikin waɗan da kuke so ga shugabanku shaiɗan. Sannan kuma ku sani cewa duk wanda ya kuskura ya tsallake sharuɗanmu to zai mutu, kamar dai yanda Kunda ya mutu. Duk wanda muka nuna cewa shaiɗan na so a cikin ahalinku, dole a sadaukar da jininsa. Ƙin amincewa da hakan na nufin barin mutum duniya. Dan za ku mutu ku je ku faɗa wuta tare da shaiɗan!”

(Wa'iyazubillah.!)

“Mun ji mun amince shugaban bayin shaiɗan!”

Suka amsa da babbar murya. Ciki har da RAZOR.

“Sai kuma batu a kan wanda zai maye kujerar Kunda!...”

Sai ya dakata yana kallon Razor da ta maida hankali kansa.

“Razor!”

Razor ta zabura ta miƙe tsaye, daga ciki ban da tsallen murna babu abin da zuciyarta ke yi. Dan da alama mafakin da ta ci burin cimmawa ne ya zamto gaske. Mafarkin da ya samu muhalli a cikin rayuwarta tun bayan mutuwar Kunda na hannun daman shugaban bayin shaiɗan. Wato maye kujerar Kunda ɗin. Shugaban bayin shaiɗan me suna Wahash ya kalli sauran bayin shaiɗan, sannan ya nuna Razor da hannunsa yana faɗin.

“Razor ita ce wadda za ta maye wurin Kunda!”

Cike da farin cikin wannan batu na Wahash Razor ta zube ƙasa, ta yi wa wutar shaiɗan sujjada tana masa godiya. Kafin ta miƙe tana yi wa Wahash godiya.

“Amma kafin faruwar hakan, dole ki sadaukar mana da ɗanki Haruna Faruk Kaigama. Hilal nake nufi!”

Wahash ya faɗi abin da suke buƙata a maimakon wannan kujera. Ba tare da tsoro, shakku, ko ɗar ba Razor ta amince cike da farin ciki.

Ta sadaukar da abubuwa da dama kafin ta kawo yanzu. Na farko sai da ta fita daga musulunci, dan sam a yanzu bata sallah ballantana azumi a watan ramadan, ko wata ibada da ta kasance wajib a kan ko wani musulmi na mai imani. Sannan ta sadaukar da mahaifarta bayan ta haifi Hilal. Ta kuma ƙauracewa haɗa shimfiɗa da mijinta tsawon shekara guda duka a kan wannan ƙungiya.

Abubuwan da ta sadaukar ba za su ƙirgu ba. Dan haka ko da mahaifinta Alhaji Jibrin Gimba Gashuwa GG suka buƙata za ta sadaukar da shi, ballantana Hilal ƙaramin alhaki. Da wannan batun taron nasu ya waste. Amma kafin Razor ta tafi sai da suka yi tattaunawar sirri ita da Wahash.

“Razor!”

Ta kalle shi cikin girmamawa.

“Mun gano cewa mijinki da yayanki suna bincike a kan mutuwar Munira abokiyar aikinsu da kika kashe. Sakamakon ganinki da ta yi a lokacin da muka aikeku ku kashe Kunda a BB Paradise hotel!”

Nan take yanayin bugun da ƙirjinta yake ya sauya salo. Daga na farin ciki zuwa na tashin hankali. Daga Mu'az har Faruk babu wanda ta yi wa ƙaramin sani. Ta san halinsu kamar yunwar cikinta. Idan har suka gano gaskiyarta ba za su yi la'akari da alaƙarta da su ba za su hukuntata. Ganin kamar ta tsorata ya sa Wahash faɗin.

“Babu buƙatar ki ɗaga hankalinki. Domin mun yi wa tufkar hanci, ta hanyar goge duk wani CCTV footage na ranar da kuka haɗu da Munira a hotel ɗin!”

Idonta ta lusmhe tana jin bugun zuciyarta na dai-daita. Sannan ta buɗe idon nata.

“Wahash yaushe zan sadaukar da Hilal ɗin?!”

Ta tambayi abin da ya fiye mata muhummanci. Dan ita a yanzu babu abin da take buƙata da ya wuce maye kujerar Kunda. Kuma ita ta ƙagu ta sadaukar da Hilal ta huta. Tun da da ma shi da ubansa duka ba sa gabanta. Wahash ya goya hannayensa a bayansa yana murmushi.

“Me kike ci na baka na zuba Razor?. Ai daga