You Cannot Download this book untill you login but you can read it .

---

Login Register

fita ya lura kuka takeyi, ajikin bango ya mannata sannan ya fara share mata hawaye rungumeta yayi tsam ajikin shi, tare da zura bakin shi cikin nata"

Angama loda kayan Jamal amman har yanzun basu fito ba, dan haka momy ta nufi komawa ta dubo su"

Tana tura kofar tasakai, juyowa naga Momy tayi da sauri har tana tuntube"

Karan kofar ne yasa Jamal ya saki ma'u, cikin sauri ya fito daga falon ya nufi mota yayin da ma'u kebin bayan shi, tana tafiya ahankali tare da kallon kasa"

Tana zuwa gurin da momy take ta tsaya har yanzun idonta na kasa"


Cikin motar ya shiga ya zauna daddy ne zaija motar yayin da Jamal ke zaune agefen sa"


Har daddy ya tada motar Momy ta daga hannu tanawa jamal bye bye, idonta cike da kalla, juyawa tayi takali asma'u hawaye tagani yana malaluwa daga idonta"

Hannun asma'u ta jawo takaita saiti window da Jamal ke zaune"

Ido ya zuba mata sannan ya girgiza mata kai, wani hawayen ne ya sake zubowa wadda ita kanta tarasa na menene"

Hannun shi ya miko ya rike nata sannan yasa dayan hannun ya share mata hawaye, fuskan shi dauke da murmushi"

Daddy ne yayi gyaran murya sannan yace, asma'u koma gida kiji ko"

Ahankali jamal ya saketa tajuya ta nufi gida"

Daddy ne yakalli momy sannan yace toh kema wuce kuje Ku daura wa shamsudeen girki, yan zunan zan dawo"


Karfe 11:30am jirgin su jamal ya lula sararin samaniya"✋🏻


Gidan Alhaji bashir daddy ya nufa"

Aharaban Gidan yaga wani gafjejen saurayi, cikin kananan kaya masu tsadan gasky, takalmin dake kafar sa ma abin kallo ne, yana ganin shi ya shai da shine shamsudeen, idon shi sanyi da bakin Glass kwaftarere"

Alama yamai da hannu yazo cikin sauri ya bude motar ya shiga, har suka kusa gidan deeni be juya ya gaida daddy ba, bare ya gaida shi"

Dan haka daddy jefi jefi yake juyawa ya kalli deeni yayi mormushi"

Shiko deeni yama manta inda yake yayi nesa atunanin asma'u ji yake yanzun Jamal babu abin da zai nuna mishi, ko yaki ko yaso dole ya bashi ma'u, jira yake kawai ya huta yaje nemanta"

Suna isa suka sakko sannan daddy ya rike hannun deeni suka nufi cikin gida"













Heart Beat
*Mmn Yazeed*💗💝💝💗
​*BUGUN ZUCIYA*​
( ​Heartbeat​)

💓💝💗
💗

💓💝💗
​By​
💗
​​*Fadeela Lamido*




*@AM££NCI WRITER'S ASSOCIATION🤝*
​

*SADAUKARWA👇🏻*
*AMINCI WRITER'S*👍🏻💋💋


*GAISUWA TA MUSAMMAN GARE KU👇🏻*

*Fadeela Lamido Fans group*
*Bugun Zuciya fans 1 2 & 3*


6⃣7⃣to7⃣0⃣



🤳🏻 Ma'u na kwance dakin nafisa taji uhun nafisan tana murnan ganin shamsudeeni"

Tsaki taja sannan ta dada gyara kwanciyarta dan yau jinta take kamar wata mara lfy, ga waya ahannunta amman ta kasa kiran deeni"

Momy ko tunda taga shamsudeen ya shiga ranta, sai dai ta kula akwai karancin tarbiya atare dashi, dan tunda ya shigo babu wadda ya gaida, kujera ya samu ya daura kafa daya kan daya"

Nafisa ko kur tamai da ido, hakanan taji yana birgeta"

Bayan sun hallara akan tebirin cin abici suna tsaka da cin abincin, daddy ya kalli deeni yace" shamsudeen baka iya gaisuwa bane?

'Dagowa yayi ya kalli daddy sanna ya maida kansa kasa yace"

Sassanun ku, ya gari yajin dadi?

Mormushi daddy yayi tare da bin deeni da kallo, zuwa can yace"

Shamsudeeni haka ake gaisuwa? Karna karajin kayi irin wannan gaisuwan bata mutanen kirki bace kaji ko?, yana da kyau idan ka samu dan uwanka musulmi kamai sallama, sannan ka gaida shi inakwana ina gajiya"

Ahankali deeni yace toh"

Daddy yaci gaba da cewa kuma irin wannan kayan dake jikin ka karka kara saka su, gobe zan baka kudi ka shiga kasuwa ka samo kaya na mutunci, gashi jamaludeen baya gari da kunje tare amman ba komai saina hadaka da drive"

Tsagal nafisa tace daddy zan rakashi"

Wani harara deeni ya waigo ya zafga mata, wadda saida yasa nafisa ta dukar dakai"

Shiko daddy fadi yake yauwa ga kanwar ka nan zata raka ka"

Bayan sun kammala ne, momy tasa Nafisa ta nunawa deeni dakin da zai zauna, tana gaba deeni nabinta abaya"

Koda suka shiga dakin wuceta yayi tare da fadin fice kiban guri shegiya munafuka"

Da mamaki ta kalleshi sannan ta juya ta fice guiwanta babu kwari"

Itako ma'u duk abinda ake tanaji, jin muryan bakon take kamar na deeni dan haka taji tunanin shi ya bijiru mata kewanshi ya dameta"

Tashi tayi ta zauna sannan tace afili Allah meyasa ka dauramin son abin da bazan samu ba, ina tsananin son deeni, inason nayi rayuwata dashi, nakuma kare dashi, bana gajiya da kallon sa, bana gajiya da sauraron muryan Sa, hawaye ne sosai yake zubowa a idon ta"

Nafisa ce ta shigo da gudu ta fada gado, tare da fashewa da kuka"

Hannu ma'u tasa ta goge hawayen dake fuskanta sannan ta juya ta kalli nafisa tace"

Nafisa menene?

Kaman jira take ta juyo ta kalli ma,u tace"

Anty Asma'u kina ganin waccan bakon daga zuwan shi ya fara duramin zagi"

Zagi? Kuma kika tsaya kina kallon shi?

Toh yazanyi babba ne fah"

Tabe baki ma'u tayi sannan tace hakane fah babu inda zakiyi nima da haka yaya Jamal yamin idan yaje gidan mu har bulala yake sawa ya dakeni"

Da gaske? Nafisa ta tambaya"

Kai ma'u ta gyada mata kawai domin kiran sunan jamal yasa tunanin sa ya dawo mata"


Har dare ma'u ta kasa kiran deeni, ga waya ahannunta amman zuciyarta babu sukuni, tunin jamal kawai take, lallai mutum rahama ne, Ashe ko gilmawan shi ma arziki ne"

Haka ta kwana da tunanin mutun 2 azuciyarta deeni da Jamal"

Washegari ma kasa kiran deenin tayi, ta rasa menene dalili, gashi dai azuciyarta tana masifan son jin muryan sa kuma tanason tasa wani hali yake ciki"

Tana daga cikin Daki taji fitan nafisa da bakon su, dan haka ta mike ta fito falo"

Kallon ta Momy tayi sannan tayi murmushi kadan tace"

Ai na dauka bacci kike, yanzun su nafisa suka fita, dakin bisu kema kiga gari"

Yake tayi kadan sannan ta dukar da kanta kasa"

Ganin haka yasa momy ta sake cewa ko Jamal yace karkije ko ina ne?

Kai ta girgiza tare da fadin a'a"

Shiru sukayi na d'an wani lokaci zuwa can, momy ta sake cewa"

Kunyi waya da jamal kuwa?

A'a ta fada tare da dago kai ta kalli momy, tambayan ta take son yi ita ya kirata ne, amman ta kasa"

Jugum sukayi kowanne da tunanin sa, Nafisa ce ta katsa musu tunanin da tashigo cikin kuka"

Jikin momy ta fada tare da fasa wani sabon kuka, arude momy ke tambayanta lfy ?

Cikin kuka tace yaya shamsudeen ne yaita zagina ahanya sannan yacewa drive ya tsaya na sauka"

Tabe baki momy tayi sannan tace toh yanzun ina samsudeen din?

Saukeni sukayi suka wuce, da kafa na dawo, kuma saida ya bari anyi nisa"

Hararanta momy tayi tare da fadi, maganin Ki kenan, daga ganin mutum sai shigemai kike, yanzun ai kya kiyaye shi"


***



Kwanan deeni uku agidan suka tafi kano shida alhaji bashir domin dauko ummi"

Bayan sun iso sun sameta jiki ya dada rikecewa, ko hutawa basuyi ba suka nufi asibiti da ita, kwananta uku sa samu sauki dan haka suka koma gida"

Washegari Alhaji bashir yace ta hada kayanta dan tafiya zasuyi da ita amman tace sam bazata ba, dagewa yayi itama ta dage, dole ya hakura, juyawa yayi yacewa deeni tashi mutafi"

Nan fah hankalin alhaji bashir ya Kara tashi domin cewa deeni yayi jeka kawai ina gurin ummina"

Shiru Alhaji bashir yayi zuwa can alhaji bashir ya kalli deeni tare da fadin bamu guri muyi mgn"

Mikewa yayi yana waiwayen ummi sa"

Ya kwashe kusan minti 30 sannan yaji Alhaji bashir ya kirashi"

Yi alwala muje masallaci, alhaji bashir ya fada tare da kwance agogon hannun shi"

Bata rai deeni yayi sannan yace"

Nifah banazuwa masallaci ad'aki nakeyin kayana, dan 'yan unguwar nan gaba dayan su munafukai ne"

Daker suka shawo kanshi ya yadda zashi masallaci, bayan ankidar ne yaji ance kowa ya zauna akwai daurin aure"

Mamaki ne ya kamashi lokacin dayaji ana daura auren ummin sa da alhaji bashir, ji yayi kaman acire masa wani gungumemen dutse ajikin sa"

Suna komawa gidan ummi suka hau shiri, duk da cewa alhaji bashir yace karsu dauki komai amman deeni saida ya kwashe wukaken shi tas"

Cikin takaice tare da dana sani alhaji bashir ya kalli deeni sannan yace"

Me kuma zakayi da wukake haka, bafa nason wannan dabi'ar yanzun ba da bane"

Ummi ce tace auta kabarsu anan karka tafi dashi"

A'a ummi akwai abin da zanyi dashi ummi, kisan zama be ganni ba, bazan barwa Jamal asma'u ba, dole zan nemesa duk inda yake, yabani kayata, wlh wlh ummi matsawar inna nunfashi bazan barwa Jamal asma'u ba' daga
ranan da nasamu nasara asma'u ta dawo gareni zan aje makami na"

Sakatoto Alhaji Bashir yayi da baki yana kallon deeni zuwa can yace"

Saratu wacece Asma'u?

Ahankali ummi ta warwarewa masa komai"

Shiru yayi na wasu lokaci zuwa can ya dafa deeni tare da fadin"

Ka kwantar da hankalin ka, indai kudi na magani zaka Aure asma'u ka neme shi, ko nawa yake so zan bashi, bukatata kawai ya saketa"

Take wani dadi ya ziyarci zuciyan deeni, bakin abban sa dayake gani ya goge tas"

Karfe goma da rabi na dare suka isa Abuja, saida suka sauke deeni agidan daddy sannan suka wuce giida"


Tunda deeni ya dawo kullum saiya fita neman ma'u, yayi dakon jiran kiranta harya gaji"

Damuwa ya fara shiga, Allah yasa Asma'u lfy take, dan yasan inda lfy take bazata bari har akwashe kwanakin nan bata kirashi ba"

Babu laifi yanzun deeni ya natsu, kulum da safe yake zuwa ya gaida daddy da momy"

Nafisa ko bata gajiya da kallon deeni, akulum tana cikin satan kallon shi"

Duk da cewa daya kalleta yake galla mata harara"

Yauma kamar kullum, deeni na zaune afalo shida daddy da nafisa"

Babu abin da deeni ke yi banda tunanin ma'u, yana takaicin wai kamar asma,u ace babu waya ahannunta, tsaki yaja kadan sannan ya dauko wayar shi"

No da ma'u ta kirashi kwanaki ya gani, ji yayi kamar ya kira, sai kuma ya tuna tace mishi na kanwar Jamal ne karya kira"

Gani yayi bazai iya hakuri ba dan wannan ce damar data rage mai danna no yayi tare da karawa akunen sa"

Dai dai lokacin wayar nafisa dake gefe ta fara kuka"

Daukan wayar tayi ta danna tare da fadin hello"

Cikin sauri deeni ya kashe wayar tare da kallon nafisa"

Itama sauke wayar tayi tare da jan tsaki"

Kara duba no deeni yayi, tabass itace dan yariga ma ya haddace no din"

Kira ya kara dannawa, wayar nafisa ta sake kara



Cikin mamaki deeni yake kallon nafisa yaya akayi haka"

Tunawa yayi da lokacin da daddy yace gashi jamaludeeni bayanan da kunje tare, take wani gumi ya fara karyo mai"

Mikewa yayi tsaye cikin matsanancin tashin hankali, juyawa yayi ya kalli daddy yace"

Daddy jamaludeen yana da mata ne?

Cikin murmushi daddy yace kardai kace min baku taba gaisawa da asma'u?

Wani irin mummunan faduwa gaban deeni yayi, take idon shi ya kada yayi jawur, wasu jijiyoyi ne suka tasomai kamar zasu tsintsinke, jikin shi na wani irin rawa"

Daddy ne ya kalle shi yace yadai?

Ajiyan zuciya ya sauke sannan ya daki bango tare da fadin, ina, billahillazi la'ila ha'illahuwa bazata sabo ba"

Daga daddy har nafisa mikewa sukayi, daddy ne ya karaso ya dafah kafadar deeni tare da fadin menene ya faru?

Babu komai ya fada yana kokarin fita afalon"

Koda ya koma dakinsa bangon ya sake duka, zuwa can ya share gumin da ya karyo mai sannan yace"

Wannan dama ce babba nasamu, da wannan damar zanyi amfani innunawa Jamal kuskuren Sa, da wannan damar ne zan turamai takaicin da sanda ma zai saketa be sani ba"

Kwashewa yayi da dariya saida yayi me isarsa sannan ya sarara"

Gurin megadi ya nufa domin yanason yasan unguwar da gidan Jamal yake"

Mamaki yayi sosai dayaji cewa wai asma'u anan cikin gidan take, dan haka ya yake shawaran da dare zaikai mata ziyara"


1:32am Nafisa da Asma'u ne kwance akan gadon dakin nafisa"

Gaba dayan su bacci suke duk su bararraje"

Ahankali deeni ya turo kofar ya shigo dagashi sai gajeren wando"

Kallon yabi gadon dashi, daga can gefe ya hango ma'u"

Takawa yayi yakai saitinta sannan ya tsaya, kurama mata idon yayi na wasu lukuta, ahankali ya aje ajiyen zuciya sannan ya tsuguna agabanta"

Gani yayi tayi fari tare da kiba kadan, ahankali yace Allah yasa baki bashi furata ba"

Murmushi yayi kadan daya tuna yadda ma'u take nonamai kyauna"

Ahankali yasa bakin shi saitin fuskanta yana hura mata isa"

Kara runtse idonta tayi sannan ta dada gyara kwanciyan ta"

Ahankali yasa dan yatsan shi awuyanta ya fara mata tafiyan tsutsa......








Heat Beat
*Mmn Yazeed*💗💝💝💗
​*BUGUN ZUCIYA*​
( ​Heartbeat​)

💓💝💗
💗

💓💝💗
​By​
💗
​​*Fadeela Lamido*




*@AM££NCI WRITER'S ASSOCIATION🤝*
​


Dedicated👇🏻
*Beebee Isa*






Cikin bacci taji taji kamar wani abu na mata yawo ajiki"

Hannu ta fara mikewa ta shafa gurin"

Jitayi kamar ta rike hannun mutum, ahankali ta fara bude idanuwanta"

Fuskan deeni ta gani yana mata murmushi, kara mutsuke idonta tayi, sannan tasa hannu ta murza idon ta sake budewa"

Yana nan dai ayadda taganshi dazun, dan haka afirgice ta fara kokararin tashi, tare da mika hannun domin tashi nafisa"

Hannun ya daga mata alamar kul, cikin sauri ta janye hannunta tare da kara tsareshi da ido"

Da hannun ya sake mata alama ta sakko"

Batai musu ba, dan tarasa metakeyi mafarki ne, ko da gske ne"

Ahankali ta sakko deeni yana gaba tana binshi abaya, har zuka fita dakin

Jatayi ta tsaya bakinta ya kasa furta komai"

Zuwa can tayi ta mazata tace deeni kai ne? Ko kuma mafarki nake yi"

Ni ne asma,u, nine ba mafarki kikeyi ba"

Kara zero ido tayi sannan tace, yaya akayi kazo nan, deeni ta ina kashigo, dan Allah dan darajan annabi ka rufamin asiri ka tafi, dasafe zan kiraka awaya zamuyi mgn"

Ganin inda jikinta ke rawa yasa yayi dariya sannan ya fara takowa ya dafa kafadarta tare da fadin ki kwantar da hankalin ki, nasan kina da lbrn bakon da kukayi agidan nan, bakowa bane nine shamsudeen"

Cikin mamaki tare da zubuwar hawaye tace"

Yaya akayi haka ta faru"

Ahankali ya shiga warware mata komai"

Cikin sanyi taja da baya ta manne ajikin bango, tare da fadin, ina lillahi wa inna ilaihir raju,un"

Hannun deeni yasaKe dagawa yakai bakinshi, ya mata nuni datai shiru tare da waigawa ya kalli bayan shi sannan ya matsa ya dafa kafadanta"

Da saurinta tasa hannu ta zame hannun deeni daga jikinta"

Hannun da ma'u ta sauke ya kallah sannan ya daga idon sa ya kalle ta yace"

Asma'u nine fah?

Sunkuyar da kanta tayi kasa ahankali tace nasani deeni"

Hunnuwanta ya sake jawowa ya fara tafiya da ita zuwa dakin sa"

Deeni ina zaka kaini?

Dakina, akwai mgnr da zamuyi domin mu samar ma kanmu mafita"

Cikin sauri ta girgiza kai sannan tace"

Haba deeni baka tunanin wani ya ganmu, akwai fa Aure akaina, duk wadda ya ganmu tare da wannan lokacin bazai mana uzuri ba, karashi mgnr tayi cikin zubowan hawaye"

Ido deeni ya zuba mata tare da fadin me kike nufi da wannan maganar ?

Shiru tayi zuwa can tace ina nufin ka bari da safe zan kiraka awaya saimu yi mgnr"

Kallo ya sake binta dashi cikin jajayen idon sa da suka kuma jawur yace"

Asma,u kardai kice min kin fara son jamal idan kikamin haka nima bazan miki uzuri ba, wani abo ya shiga tsakanin ku ne?

Girgiza kai tayi batare da ta dago kai ta kalleshi ba"

Hannun shi yasa ya dago kanta sannan yace"

Gaya min meye matsayi na azuciyar ki?

Cikin rada tace deen kana nan a inda kake, babu abin da ya canza"

Karya ne, ada bakimin musu, yau ko nagani acikin idon ki, kina nema ne kimin taurin kai"

Bata bari ya rufe baki ba' tace yanzun da daba daya bane deen, yanzun fah agidan mijina na nake, kuma ina tare da iya.....

Batakai ga karasawa ba taji deen ya make mata baki, cikin sauri tasa hannunta ta dafe bakin, sabo da tsabar zafi sai takeji kamar hakurinta ya zubo"

Cikin fada tare da daga muryan shi sama yace"

Ni kike cewa agidan Mijin ki kike, kinsan yadda nake jin sonki acikin zuciyata kuwa? Da kin sani bazaki furta gidan mijinki agabana ba"

Ganin inda ta dafe bakinta yasashi saurin kai hannun fuskanta tare da fadin Allah yasa banji miki ciwoba, yi hakuri raina ne ya bacci, bazan iya juran ganin ki kina taraya dawani namiji bani ba, jeki ki kwanta, amman gobe da safe ki fito falo inason ganin ki ko bazamu yi mgn ba"

Har bakin dakin nafisa ya rakata sanna ya juya yana waigenta, jiyake kamar ya makaleta ajikin shi ta tayashi kwana"

Ya wuce tsakiyan falo yana daf da fita momy tafito"

Daidai lokacin da deeni ya taba kofar zai fita"

Shamsudeen Momy ta fada cikin matsanancin mamakin ganin shi wannan lokacin"

Cikin dakiya yace na'am momy sannan ya waigo yana kallonta"

Agogo ta kallah karfe 3:34am dan haka ta juyo takalshi tace"

Shamsundeen me kakeyi cikin daren nan afalo tun dazon nakejin motsi"

Murmushi yayi tare da shafa keya sannan yace"

Momy waya nayi"

Oh tafada sannan tayi murmushi ta juya daki"

Ma'u ko tana shiga daki ta samo nafisa zaune abakin gado, jitayi gaban ta ya fadi"

Wani irin kallo nafisa ta mata sannan tace ina kikaje kuma?

Toilet ta fada tana kokarin hawa gado"

Cikin mamaki nafisa ta bita da kallo, zuwa can tace Amman ga toilet adaki me zaikai ki waje?

Jawo bargo tayi tare da fadin kofar ce taki buduwa"

Nafisa batakara cewa komai ba ta haye gado ta kwanta"

Ma,u ko bata iya runtsawa ba tunaninta ta wacce hanya zata bollowa lamuran ta, hakika ayanzun tana neman shawara sai dai babu wadda zata iya tunkara da wannan zancen"

Kuma tana tunanin kar mutuncinta ya zube a idon duniya, tasani deeni ba abun kunya bane awajen shi, dan angan su tare, amman ita tasani ganin su tare masifa zai janyo mata babba tare da bakin fetin da batasan ranar fitanshi ba, wata kila abba da mama su tsine min duniya ma zata zageni, da auren wani akaina kuma ina sauraran wani, babu wadda zai fahimce ni, koda bawani abu muke aikatawa"

Cikin hawaye cabe cabe take,cikin zuciyarta tace Allah ka kawo min mafita, Allah kasa nafi karfin zuciyata, inason deen kuma akwai aure akaina"


Washegari tashi tayi bakinta ya kunbura, saboda dukan da deeni yayiwa bakinta, idonta maha sakamakon kukan da takwana yi"

Nafisa ko kallon ma'u kawai take amman acikin zuciyarta bata yarda da zancen ma'u ba, gashi yadda taga fuskanta ya nuna mata akwai matsala, dan haka tunda safe taje ta kira momy"


Yadda momy taga fuskan ma'u abin ya bata tsoro, dagota tayi tana kara kallon fuskanta"

Asma'u menene ya sameki abaki?

Bugewa nayi cikin dare na tashi zani bayi shine ban sani ba nabige"

Shiru momy tayi tana kallon asma'u zuwa can tace toh idonki fah?, naga duk kinci kuka ga dukkan alama bakiyi bacci ba, kuma begewa ai bazaisa ki kuka haka ba, wani abu na damun ki ne?

A'a

Toh ko kina tunanin mijinki ne?


A'a ta sake fada da saurinta"

Toh ki gayamin abun da ke damun ki idan ba hakaba to tunanin Jamal kike"

Shiru tayi kanta akasa domin bazata iya gayawa momy abonda ke damunta ba gara aje atunanin Jamal din take"

Momy bata kara cewa komai ba kallon ma'u kawai take tana girgiza kai, zuwa can tace"

Asma'u ki kwantar da hankalin ki kamar yau ne zakigan shi ya dawo, kodan kinga har yanzun be kira bane hankalin ki ya tashi?, nima da hankali na ya tashi amman daga baya daddyn ku yaje Office dinsu dakenan Abuja antabatar mai suna nan lfy gurin