You Cannot Download this book untill you login but you can read it .

---

Login Register

na jikin gidan glass ne kama daga windows,kofofi,da kuma wasu bangaren jikin gidan glass ne,daga ta waje painting gidan light brown ne amma daga zaran mutum ya shiga cikin gidan , nan ne ze san anyi wasa da kuɗaɗe acikin wannan gida kamar ba'a so, painting ciki White color ne,falo yana da girman gaske ga manyan kujerun da suke ciki suma farare hatta carpet, chandelier light se kawo wuta kala_kala sukeyi,ga makeken tv dake manne a jikin ginin kamar tare aka gina gidan dashi,gefe daya na kuma wani wajene da aka tanadeshi dan shan dumi, idan ana sanyi wajan duk gilashi ne amma shi da kanshi ze kunna wuta ya bawa falon warm weather,iya haɗuwa falon ya haɗu,ga matattakalar bene dake falon wanda in mutum ya hau ze sadashi izuwa wajan lifter. anan zaka samu damar zuwa bangarori da suke dauke da wasu ɓangaren daban acikin gidan,suma wannan bangaren sun gaji da haɗuwa dan zan iya cewa ya mafi downstairs tsaruwa da hafewa.gidan LTG.Taj ya hadu ta ko ina innace zan tsaya zayyane muku irin kyawun gidan to fa ko page daya be ze ishemu ba.
Ya na shigowa falo ya cire armless vest din dake jikinsa ya rike a hannunsa ya haura stairs domin ya sada shi da lifter da ze kai shi part din shi.bayan lifter ya tsaya bedroom din shi ya shiga ajiye vest din ya yi akan gado sannan ya nufi toilet ya yi wanka ya fito daure da guntuwar towel daure a kugunsa nan ne nasake ganin ainihin zubin halittar jikinsa, farfadar kirjisa na dauke da wasu kwancecciyar suma mai laushin gaske sun yi luf_luf akan fatar kirjinsa haka daga abinda ya yi cinyar sa har izuwa ƙafafuwan sa akwai wayan nan kananun sumar nasu jan hankali, remote control ya dauka ya ɗanna nan take wani bangare daga cikin dakin ya bude ko ta ina gilashi ne ,a wajan shiga ciki ya yi,dakin kayan sawan sa ne kawai aciki komai wani irin nau'in kaya bangaren sa daban haka zalika bangaren uniform din shi ma daban,three quarter na company Dior designer black color yasa ka,ba tare da yasa riga ba ya fito daga dakin ya dawo bedroom din shi ya kwanta akan gadonsa.


Nigeria


Sauri_sauri ya ke tafiya saboda baze iya gudu ba, sakamakon raunin da ke ƙafar sa,burinsa shine ya samu wanda ze yarda dashi ya dauki wannan ma'adar memory card din,yabasa da yake tare da shi.waigowan da zeyi se yaga sun kusa cin masa acikin bakar motar hakan yasa ya faɗa cikin wani restaurant (cin abinci)da ba kowa aciki alamar sun tashi a aiki,ya buya a kasan table,haka wa'yanda suke binshi a motar suka shigo cikin wajan suka neme shi amma basu gan shi ba,fita sukayi a wajan cin abincin suka ci gaba da neman shi,nauyayyan a jiyar zuciya ya sauke ya fito daga kasan table din yana goge zufan da ke kan fuskarsa.fito da memory card din ya yi yana tunanin waye ze bawa wannan memory, saboda duk mugun shirin su ya rigada ya yi recording a ciki.kallon ƙafarsa ya yi da yake daure da rigarsa gudun kar jini ya dinga zuba saboda harbin bindigan da suka mishi, amma da yake gudun ceton ranshi ya keyi hakan yana mishi jin raɗaɗin da karfasa yakeyi.

Motsi yaji a bayan shi hakan ne yasa ya juya, daya daga cikin ma'aikatan restaurant din ne, kallon tuhuma take bin shi dashi kafin ta ce "Malam daga ina!?kuma ne kake yi a ciki nan a irin wannan lokacin!?" "Ki taimake ni in kwana anan,wasu ne suka biyo ni zasu kashe ni."cikin tsoro ta ce "what!!su waye su din kuma meye alaƙar ka da su!?"be iya ce mata komai ba se ma runtse idanunshi da ya yi ganin hakane yasa ta rike hannunsa ta taimaka mishi suka shiga can ciki wani dakin dake cin restaurant din ta taimaka mishi ya kwanta, warware rigarsa daya daure ƙafar dashi ta yi,ganin harbin bindiga ne yasa duk ta rikice ga shi ita ba doctor ɓace ɓalle ta cire mishi harsashin.
Shi ya dinga faɗa mata yanda zata yi har ta cire harsashin yana ƙaran azaba itama tana kuka saboda ba aikin ta bane,bayan haka kuma mata suna da matuƙar rauni.



Wayewar garin yau ne Fu'ad ya fara shirin tafiya ji yakeyi kamar kar ya tafi saboda har ya fara kewar su Sabriyah da Asmita duk da ya musu alkawarin ba ze daɗe ba ze dawo, sannan babu yanda be yi da Sabriyah kan ze siya musu gida su bar afafa ba, amma fir ta ƙi ta ce ita babu in da yafi mata can dinm hakan yasa babu yanda ya iya ya kyaleta ya dauki makudan kuɗaɗe ya basu.
Fitowa ya yi da trolley din kayansa ya samesu a falo suna zaune, mikewa sukayi da suka ga yafito su ma da nasu trolley din su a hannu.karewa Sabriyah kallo ya yi daga sama har ƙasa tana sanye da wandon jeans crazy blue color,se riga me daguwar hannu me high neck white color gashin kanta ta sa'ke su a bayanta murmushi ya yi ya ce "Sabriyah kinyi kyau sosai"ba ta bashi amsa ba illa murmushi kawai da ta mishi .duk babu dadi takeji domin sabo turkin wawa ne.fitowa sukayi daga hotel suka shiga motar shi yakai su har afafa,fitowa sukayi daga motar suna wa juna bye_bye,se da ya tabbatar sun shiga cikin gidan sannan ya wuce, komawa hotel din da ya baro ya yi, ya canza daki daban ya kama wani.wasu mutane ne sukayi knocking ya je ya buɗe musu kofar, wasu zabga_zabgan matasa ne su bakwai suka shigo dakin ko ina na jikinsu a murde yake wani irin alama sukayi da hannunsa alamar girmamawa gyada musu kai kawai ya yi,kallon su ya yi cikin harshen yaren French ya ce "kun kama shi ne!?"dayan su ne ya ce "ah ah ya ɓace mana amma ko ta halin ƙa'ƙa se mun kama shi domin inde wannan daukan ya fita shirin mu ya tashi a banza!" "To ku gaggauta yin hakan, in kuma ba haka ba ku fuskanci hukunci,domin ya riga da ya kwashi duk wani sirrin mu a cikin wannan daukan da ya yi.gobe zan bar Nigeria ku tabbatar kafin in tafi kuzo mini da albishirin kun kasheshi."ya gama maganar idon shi na kansu. Sa'ke yin wannan alamar sukayi kafin dukkansu suka haɗa baki wajan faɗin "we are the mafias!, blood shed blood!,we stand with our words!,the world is ours!,we choose who to live, and we choose who to die!, mafias are the most strongest union."suna gama fadin hakan suka fita acikin dakin hotel din suka tafi.

A bangaren su Sabriyah kuwa ko da suka shiga ciki basu samu Anty Teema ba,zama sukayi acikin dakin suna ta hiran irin kyautatawar da Fu'ad ya musu.wayar Asmita ne ya yi ƙara dubawa ta yi taga saurayinta Taheer ne hakan yasa ta dauka tasa a kunne hira sukayi sosai har take sanar dashi sun dawo afafa.

Se karfe biyu na rana Anty Teema ta dawo jin kamar motsin sune yasa ta leka dakin nasu tun daga bakin kofar dakin ta fara magana "in ya!!, yara kun zama ajeboters se yau Allah ya yi kuka dawo kenan?",tayi maganar tana karasowa cikin dakin nasu ,da gudu suka je suka rungumeta sun yi kewarta sosai,shafa kansu ta yi tana dariya ta ce"har wani fresh kukayi abunku!"dariya su din ma sukayi suka zauna akan katifa, nan fa hira ya barke tsakanin su sunata bata labarin rayuwar da suka yi a oriental hotel,da kuma yanda Fu'ad ya dinga kulawa da su,nan Anty Teema ta ce "ai Wallahi Sabriyah gwara da kika ce mishi ku nan zaku dawo in bahaka ba, boss lady har can oriental hotel din zata tura a dauko mata ku,ɓalle ma ke yanda ta mayar dake ATM din ta, yanzu haka ina shigowa naga gidan rawa ana gyara shi alamar yau za'a yi show shine na fara tunanin cewa de ku bakwa nan,ashe ku har kun dawo ma abunku."kallon juna Sabriyah da Asmita sukayi cike da mamaki domin kuwa yau ai ba lahadi bane ɓalle ace suna da show din rawa yau Alhamis ,ta ya hakan ze kasance.

Mikewa Sabriyah ta yi ta ce "bari in je wajan boss lady din in gaisheta in ji yau nice zan yi show din ko wata ce!"ta yi maganar tana saka takalmi a ƙafar ta,ba ta saurari Anty Teema dake mata magana ba ta yi gaba.a hanyar zuwanta wajan boss lady ta hadu da ƙawar Nabiha suka gaisa ta tambayeta ina Nabiha nan ta ce mata sun fita dazun ita da Cele. "Okay in ta dawo kice mata mun dawo dazun" sannan ta wuce. ta shiga wajan Boss lady.a kwance ta sameta ga dan daudun nan yana daddanna mata kafofunta ita kuma tana daga kwance tana shan w'iwi,zama a kusa da ita Sabriyah ta yi ta gaisheta, murmushi Boss lady ta yi ta ce"hot girl manya,yanzu kam nasan zaman da kikayi a wajanshi ya mayar dake cikakkiyar mace,shisa naga ko ina na jikinki ya ciko,ai hannun namiji iri ne."murmushi kawai Sabriyah ta yi dan batasan me za ta cewa boss lady ba hakan yasa ta canza maganar ta hanyar faɗin "boss lady naga anata shirya gidan rawa!,akwai wacce za ta yi wasa ne!?" "Ehh ke da Asmita ne zakuyi wasa saboda muna da manyan ba ƙi,ga kayan nan ki tafi dasu"ta ƙarishe maganar tana daukan ledar sabbin kayan rawan ta miƙa mata,kar ɓan su Sabriyah ta yi cike da nishadi ta tashi ta yi mata se anjuma ta koma sashin su.yanda ta tafi tabar anty Teema da Asmita haka ta same su nan ta faɗa musu yadda sukayi ita da boss lady.ita de Asmita wannan rawan bawani son yi takeyi ba,kawai tanayi ne dan babu yanda ta iya tunda de bata Isa ta ce bazata yi ba.ita kuma Sabriyah babu abinda idan ta yi take samun nishadi irin wasan rawar hakan na kwantar mata da hankali,shisa duk sanda ya kasance ranar zatayi wasa to fa za'a ganta cikin walwala,haka suka ci gaba da hira har lokacin da Cele ya shigo yana ganin su yabasu hannu suka tafa nan fa sabon hira ya barke a tsakaninsu kamar wa'yanda sukayi shekara basu haɗu ba.fita a dakin Cele ya yi ya je ya siyo musu nama da drinks.ya dawo aka daura hira daga inda a ka tsaya.



8:00pm na dare Sabriyah da Asmita anyi musu kwalliya ga kayan da suka saka ya ainihin fito musu da shape din su,har sun zo fita Sabriyah ta lura abin hannunta ba ya tare da ita nan ta fara dubawa,ko ta yarda shi ne a dakin. Asmita da ta lura da kamar abu ta ke nema ne ya sa ta ce.

"My Tom me kike nema ne haka!?" batayi wata_wata ba ta bata amsa,jim kaɗan ta yi ta ce "to ai tun kafin mu bar gidan nan babu shi a hannunki".

Arazane Sabriyah ta kalli Asmita cike da tarin tambaya "bangane ba,me kike nufi da baya hannuna!?".hannu Asmita ta sa ka a saman window dakin nasu ta dauko mata shi ,ta ce "kina bacci ne ya fita a hannunki shine na adana miki, anan kan cewa washe gari in ba ki to kuma se na manta har muka tafi ban ba ki ba ."ajiyar zuciya Sabriyah ta yi har idonta ya cika da hawaye ta ce "Nagode sosai my Jerry,da ace wannan abun ya bata da bansan wani irin hali zan shiga ba,domin wannan din alkawarine tsakanina da Tajuju na,in na batar dashi kamar na batar da soyayyar da nake mishi ne."gaba daya jikinta ya yi sanyi ji ta yi kamar bata kyauta ba da har tabar abin hannun ya fita a hannunta,dafa kafardata Asmita ta yi ta ce"kar kuma jikin ki ya mutu mana,ko kin manta yau ranar nishadin ki ne!?"murmushi ta yi suka rungume junansu kafin suka fita a dakin,suka nufi gidan rawan da ya cika makil su kadai kawai ake jira.
Suna shiga aka hau musu tafi da watsin kudi,nan suka fara gabatar da wasan rawar nasu cikin kwarewa.

Se kusan karfe goma suka kammala wasan nasu, sun sha ruwan kudi na fitan hankali,manyan baƙin da boss lady ta yi se turawa sukeyi a kira musu Sabriyah da Asmita,amma fir sunki zuwa daga karshe ma barin wajan suka yi saboda tsananin gajiyan da sukayi,dakin su Nabiha suka wuce nan suka sameta tana gyara kayanta da ta wanke, zama sukayi gefenta ,kallon su Nabihan ta yi ta ce "gaskiya yau na yi missing banga wasa ba" "uhmmm kin kyauta ai,Cele ya ce mana zakizo se bamu ganki ba"in ji Asmita,ajiye kayan da take ninkewan ta yi,ta ce"ke Wallahi Asmita ba ki iyawa mutum uzuri ba,sugar daddy na ne ya ce in shirya gobe zamuyi tafiya shisa ban samu fitowa ba."

Sabriyah kam zani ta dauka ta daura a kirji sannan ta kwanta ta basu baya tana jin su se hiran su sukeyi,anan wajan suka raba dare har wajan karfe sha biyu sannan suka koma na su bangaren.
Suna isa Sabriyah ta ji wayarta na kara dubawa ta yi taga Fu'ad ne ya mata kusan 10 missed calls,kiransa ta yi suka sha waya sannan ya ce tabawa Asmita wayar su gaisa hakan akayi kuwa nan ma sun bata tsawon lokaci suna hira da Asmita kafin nan sukayi sallama.

Kwanciya suka yi da niyar yin bacci,har bacci ya fara daukan su Sabriyah ta farka, soma yi wa Asmita dake bacci magana ta yi.

"My Jerry kin san abinda ya kamata muyi kuwa gobe!?"

Asmita da idonta duk bacci ga Sabriyah ta tasheta ta ja tsaki ta ce "meye ne ɗan Allah,baccin ma ba za ki bar mutum ya yi ba haba!"

Dariya ne yaso kufcewa Sabriyah ta danne ta ce "gobe ya kamata mu shiga kasuwa tunda kin ga akwai kudaden da Fu'ad ya bamu,mu yi siyayya mu gyara dakin mun nan Wallahi,mu sa mishi komai sabo!"

Wani irin kututun bakin ciki da takaicin Sabriyah ne ya tsaya mata a rai,ta kalli Sabriyah,rai abace ta ce "yanzu saboda wannan banzar maganar kika tasheni Sabriyah!?nikam wai meye nufin kine?kina tunanin zamu tabbata a cikin wannan ƙaddararren gidan ne?,ke shikenan ko da yaushe magana daya biyu baya wuce akan gidan nan,to nikan nagaji Wallahi ko kina so ko bakya do Sabriyah se mun bar gidan nan gaba."yanda Asmita take magana kadai ya isa ya nuna kan cewa ranta ya yi mugun ɓaci, saboda ita ta rasa menene abinda Sabriyah ta gani a cikin gidan da kullum in an tashi magana se ta ce bata da wajan da zataje yafi mata wannan gidan,a duk lokacin da ta yi wannan maganar ran Asmita bakaramin ɓaci yakeyi ba.


Lura da ta yi ranta ya ɓaci ne yasa ta mayar da maganar wasa amma ita kam har ranta tana son zaman gidan saboda muddin tabar gidan batasan ina kuma rayuwarta ze ƙare ba tunda ba iyayene da ita ba
,ɓalle ta ce tasan wata rana zata hadu dasu,bata da kowa,shisa duk irin ɓacin ran da take fuskanta a gidan be sa tayi tunanin barin gidan ba.

"Ke dallah karki mini masifa wasa nake miki,amma de kinga ledar dakin mu ya mutu, se muje mu siya wani goben!".

Watsa mata harara ta yi ta ce"ki fadawa wanda be sanki ba,nayi miki sanin da ko kaina banyiwa ba,kamar yanda kika mini farin sani haka nima nayi miki,dole duk maganar da kikayi in san da gaske kike ko kuma wasa.amma wannan maganar ta ki kam nasan har cikin ranki kika faɗe ta saboda ba tun yau kika saba faɗa ba."

Tsaki Sabriyah ta yi ta juya mata baya ta ce"se kuma kiyi ai kanki ake ji."

Baccin da basu yi da wuri ba kenan saboda cacan bakin da suka tsaya yi daga karshe ma Sabriyah juya mata baya ta yi ta kyaleta,haka Asmita ta yi ta masifa kamar zata aro bakin wani ta ci gaba, babban abinda ya bata mata rai ma shine shareta da Sabriyah ta yi taƙi biye mata su ci gaba da faɗan,hakan yasa ta zuba mata dundu a tsakiyar bayanta.

Sosai dukan da ta mata ya yi mata zafi amma ɗan neman magana kawai se tafara munshari irin bacci ya yi nisa da ita, tana dariya kasa_kasa,haka Asmita ta gaji da masifar ta kwanta ta yi bacci.


Tunda garin Allah ya waye babu wanda ya kula wani acikinsu kowa harkan gabansa yakeyi, Kamar kullum Asmita ce ta musu abin karyawa ta zuba musu a plate sukaci, Sabriyah ce ta fara yin wanka sannan Asmita ta shiga.

Shiryawa Sabriyah ta yi cikin doguwar riga mara nauyi ya dangale mata pink color,yana da open shoulder rigar kafadarta awaje da kuma bayanta ga sunan Tajuddeen baro _baro da yafito abayanta ,gashin kanta kuma ta daure su waje daya da ribbom ta saka hula shima pink.kallon Asmita dake kwance ta yi ta ce "ki tashi muje mu siyo ledar dakin!" ɗa kamar bazata je ba se kuma ta mike ta dau wayar ta,ta ce" muje"


Ledar dakin suka siya sannan suka fara kokarin koma wa gidan hango wata yaloluwar riga Asmita ta yi ta cewa Sabriyah "barin in je in siya ina zuwa".

Tsayawa a wajen Sabriyah ta yi rike da ledar tana jiran Asmita da taje siyan riga. Shuru_shuru Asmita daga siyar riga daya se ta ɓige da duba wasu kayan.

Tsaki Sabriyah ta yi aranta ta ce bari in je in samu wani wajan in zauna in jirata .
Daukan ledar dakin ta yi ta soma tafiya waigawa bayanta ta yi saboda taga ko Asmita ta fito daga shagon.
Gif!taji ta buge abu kamar gini da sauri ta juya dan taga menene mutum tagani a gabanta sanye da kananan kaya fuskar shi da facemask da kuma hular facing cap idon shi kawai da ke binta mugun kallo ta iya gani me kama dana zakin zakuna wanda yafito farauta,kayan hannunta ne ya zube akasa da kuma wayarsa a tare suka sunkuya domin daukan kayansu,tsaban tsaurin ido irin na Sabriyah duk da yanda ta ganshi a murde amma tsaban yanda take fama da rashin kunya ta ja tsaki ta ce "kai makaho ne ko kuma gani ne bakayi zaka wani buge mutane!?" ,a tare suka sake mikewa, kallonta ya keyi da mamaki yarinya karama da ita har tana da karfin halin mishi rashin kunya se kuma ya tuna location din da yake ance duk karuwai ne suka fi yawa a wajen nan take yaji wani tsanar ta me karfi ya kamashi ya fara binta da kallon tsana hannun shi ɗaya yasa ya hankaɗe ta ta faɗi akasa har seda hannunta ya gurje wajen ya yi ja ko juyawa be sake yi ba ya yi tafiyar sa.

Bin bayanshi ta yi da kallo ta daga murya tace "Allah ya isa mugu kawai, azzalumi macuci ma yaudari,ma ha'inci!" Haka ta dinga faɗa da karfi tana hararan bayanshi tana kuma shafa hannunta da ya yi ja,tana tura baki,duk maganar da take yi akan kunnenshi danne fushinsa ya yi domin kuwa yasan muddin ya koma wajanta tofa se ya kasheta,shisa kawai ya yi tafiyar sa ,nan take kuma ya tsaya sakamakon wani irin luguden duka me karfin gaske da yaji zuciyarsa tana yi kamar ze fito waje,duk jarumta irin nashi ya kasa ci gaba da tafiya saboda yanda yaji zuciyarsa take bugawa,ji ya yi kamar akwai abinda ya jefar atare dashi da yakamata ace ya tsaya ya nema ko kuma ya yi mantuwar wani abu.

"Hello LTG. we have found them"muryan major Marry ya ji ta cikin Bluetooth din dake manne a kunnen shi, nan ya dawo cikin hankalinsa sannan ya cigaba da tafiya.


Fitowa Asmita ta yi daga shagon ta hango Sabriyah a ƙasa har lokacin bata tashi ba tsabagen takaici kuma bata bar zage_zagen da takeyi ba kamar zata ci babu.da gudu ta iso wajanta ta dagata ta ce "garin ya ya kika faɗi my Jerry!?"cikin ƙuluwa ta ce "uban waye ne ya ce miki faduwa na yi!?wani mugu mara tausayine ya tureni na fadi."

Sannu Asmita ta yi mata ta dinga dannata ta yi shuru amma ta ki yi se ci gaba da magana takeyi kamar wanda ya tureta din yana gabanta.

Napep suka shiga suka fara tafiya har sunyi nisa kwatsam from nowhere mutum ya faɗo musu cikin napep, jikin shi da raunin se haki yake ta yi damƙar hannun Asmita ya yi numfashinsa na fisga da kyar ya iya furta.

"Na ji ajikina ke din nan za ki taimaki al'umma, dan Allah ko ta wani hali ki tabbatar da kin kai memory card din da zan baƙi wajan hukuma domin al'umma suna cikin hatsari ,saboda yan ta'adda masu hatsarin gaske sun shigo cikin Nigeria"daga Asmita har Sabriyah gaba dayansu tsananin tsorone yasa ko da yawu sun gagara haɗiyewa,yanda yake a firgice yana musu magana haka suma suke a firgice hatta me napep din da ya dauko su shima a tsorace ya ke.

Dakyar Asmita ta iya haɗiye wahalallen yawu da ya wuce dakyar se da yabada sauti 'kwatt' ta ce"tooooo....meneneeee... sunanka!?" Yanda take jan magana ma kadai ya isa ya nuna zallan tsoron da take dauke da shi.

"Sunana Barrister Lameer,ni lauya ne, ina dauke da wani babban sirrin wasu yan ta'adda wanda hakan yasa suke son kasheni,nasan bazan yi tsawon rai ba!dan Allah ku tabbatar da kun damƙa wannan memory wajan hukuma.!"ya yi maganar yana damƙa wa Asmita memory card din gam a hannunta,duk da yanda yake cikin firgici da tashin hankali amma hakan be hanashi ganin digon tawadar Allah guda uku da suke gefen yatsunta ba,da sauri ya ɗago yana faɗin.

"Asmitaaaaaaa......"yana faɗar sunanta wa'yanda suke binsu abaya suka sa hannu suka jawo shi acikin napep din sukayi wurgi dashi akan titi motar ya bi ta kanshi.


Razanannen ƙara Asmita da Sabriyah suka saka,tunda suka zo duniya basu taɓa ganin irin wannan tashin hankalin ba se yau, karan bindiga ne ya din ga tashi ana binsu a baya kankame junansu sukayi suna kuka,me napep se gudu ya keyi,karan bindigan ne ya fara lafawa,leka kanshi me napep din ya yi sannan ya ce "yanzu babu wa'yanda suke binmu a baya" sude hankalinsu be kwanta ba,burinsu kawai su gansu a afafa.


Sauke su ya yi yaja napep din shi ya yi gaba yana me da_nasanin fara sana'ar napep a rayuwarshi.

Tsayawa sukayi a bakin gate din su basu shiga ba,har lokacin rawa jikinsu yakeyi riko hannun Sabriyah Asmita ta yi ta ce"my Tom ki rike wannan memory card din a wajan ki saboda kece me yawan saka breziya masu zip a ta ciki"ta yi maganar tana damƙa mata a hannunta,jiki na rawa Sabriyah ta karba ta jefa memory card din cikin breziyar ta.

Jiki a sanyaye suka shiga cikin dakin su. suka zauna ko wacce da abinda take ai yanawa aranta can Asmita ta ce "my Tom amma ta ya Barrister Lameer yasan sunana "

Kan sabriyah a ƙasa ta ce "nima abinda nake ta nazari kenan aina ya sanki to!?".

Babu wanda ze basu amsar wannan tambayar hakan yasa suka yi shuru har zuwa lokacin kirjinsu na bugawa. haka suka yini a ranar kamar zakaran da ruwa ya yi wa duka, babu wani kuzari a tattare dasu.


Lagos oriental hotel

"LTG. Wannan sune ɗaukan CCTV cameran wannan hotel din."cewar security hotel din,matsowa LTG.Taj ya yi ya fara duba daukan Cameran,shige da ficen Asmita da Sabriyah ne yafara gani lokacin da suke hotel room din da Fu'ad yakama,ga Fu'ad din a tare dasu,se de kwata_kwata fuskar Fu'ad be bayyana ba.

Kallon security din hotel din LTG.Taj ya yi ya ce "meye alaƙarsa da wa'yannan yan matan!?".

Nuna Sabriyah security ya yi ya ce "wannan din ƙaruwar sa ce saboda kwanan su goma acikin wannan hotel din ,dayar kuma ƙawarta ce.".

Zooming din fuskan su LTG.Taj ya yi,nan take fuskar Sabriyah ya bayyana me kyau ajikin screen din.kallo daya ya mata ya tuna haɗuwar su a cikin kasuwa,kallon major Marry ya yi ya ce"with less than 5 minutes, I need more information about her, saboda dole tasan inda shi saurayin nata yake!?.

Ɗaukan hoton major Marry ta yi ta maida shi wani na'urar tonon asiri wanda iya jami'an tsoro ne na kasar waje suke iya amfani dashi.

Nan take suna da komai da komai na Sabriyah ya fito ajikin na'urar,saboda tanada lasisin karuwancin da akayi mata shisa komai nata ya bayyana cikin sauki.

"LTG.the girl is a prostitute,and she lives in afafa the most popular place for the criminals and prostitute's!".

Fita ya yi awajen