You Cannot Download this book untill you login but you can read it .

---

Login Register

ribon ta ɗauke gashin ta sannan ta nufo ɗakin Mummy,
Bata tararda kowa ɗakin ba, motsin ruwan da taji ya tabbatar mata da tana bathroom guri ta samu ta zauna tana kallon kofar banɗakin har ta Mummy ta fito,
“Mummy good morning”
Da murmushi Mummy ta amsa
“Morning Minal how are you har kin tashi?”
“Eh tun ɗazu ai nima na haɗa breakfast”
Zaunawa Mummy tayi kusa da ita tana shafa kanta
“Allah yayi miki albarka Minal ya kara miki lafiya ya shirya min ke”
Hannunta Minal ta rik'a “Amin Mummy tashi muje kici abincin”
Ba musu Mummy tashi suka fice,
Downstairs suka nufo, kamin su k'arasa saukowa Minal ta hango Kairat zaune tana breakfast, aiko ba shiri ta saki hannun Mummy ta nufo Dining area da gudu, Kairat na ganinta ta tashi da sauri ta zagaya ta baya tana dariya,
“Minal am so sorry inajin yunwa ne kuma tsohuwa tace min ke kika girka da kanki shine naci naji idan yayi daɗi”
Dariya Mummy tayi ta kalli Kairat
“Nan kika kwana ne?”
“A'a Mummy yanzu na zo ina kwana”
“Lafiya kalau ya gidan?”
Kujera Minal ta jama Mummy
“Mummy zauna a nan kici lokacin zuwa aikin ki yayi”
Nan ta juyo gurin Kairat
“Ke kuma ki wuce ɗakinki ko ki koma gida”
Mummy ta zauna tana faɗin,
“Babu inda zataje kin taɓa ganin mutun ya bar gidan su yaje wani gurin?”
Fuskar shagwaɓa Minal tayi
“Toh Mummy taje ta haɗa ma kanta breakfast ɗin dan ni ba zata ci min abunci b katuwa da ita”
Mummy zatayi magana tsohuwa dake kokarin shigowa ta rigata,
“Yau ku ji min Minal ke da nake dafa miki kina ci fa”
Juyowa Minal tayi “Ke tsohuwa mi ya kawo ki nan, kuma ni ai ba wani girma ne dani sosai ba balle kice ita fa tayi uku ɗina haka kawai zan dafa mata abinci”
Tsohuwa tace "Ai ba ita kika dafa ma Hajiya kika dafa ma Hajiya kuma uwarta ce dan haka dole ta ci”
Dariya Kairat tayi “Yauwa tsohuwa faɗa mata dai cin abinci kan har na gama dai dai kiyi hak'uri”
Mummy dake cin abinci ta kalli Kairat “Zauna kici tun bai huce ba yar mamarta”
Kujera Kairat taja ta zauna tana yima Minal gwalo, ɓata fuska Minal tayi kamar ta fasa kuka
“Har da ke ko Mummy”
Mummy ta kalleta “Yau toh ya zanyi Minal ya tace fa”
Rumgume hannayenta tayi “Toh duk ku tashi ma na fasa baku abincin”
Tsohuwa ta rik'e baki “Har da Hajiya?”
“Eh har da ita kuma kema ba zaki ki ci shi ba”
“Yau ni tsohuwa dani mi zanyi da kwai da plantain ni tun da safe na karya da koko da kosai kuma kuma na ci ɗumame dan haka ki rike abinki indan ni”
Fuskar shanu Minal tayi ta koma saman kujerar parlor ta zauna, dariya tsohuwa tasa mata ta nufi kicin tana gyara tsintsiyar da ta shigo da ita, Mummy da Kairat ma dariya suka rik'a yi mata Kairat har da wani rawar kai

Sai da Mummy ta gama cin abinci ta sannan ta tashi yana hamdala tace “Minal Allah yayi miki albarka abincin nan yayi daɗi kin iya girki”
Kawar da fuska tayi “Nidai Mummy kyale ni bazan sake dafa miki ba”
Murmushi Mummy tayi nufi upstairs tana faďin “Na kyale ki kinga ma tafiya ta amman dai ayi hakuri a sake dafa min yayi daďi kin iya girki”
Wink Kairat tayi mata da ido tace “Mummy so fa take ta nuna miki ta iya girki ayi mata Aure”
Filon kujera Minal ta ďauka ta jefe ta dashi “Tashi ki bar gidan nan busa kawai kibar biredi”
Fashewa Kairat tayi da dariya “Ai ni bana da Wata muguwar kiba dan kina kamar ki kare ne kike ganin kiba ta amman ni daidai nake yanzu ma maza son fi son masu ďan jiki ba irinki ba masu kamar su kare”
Minal tace “Wallahi karya ne anfi son irin mu na gaban mota”
Kai Kairat ta girgiza,
“Ki yarda kawai Allah anfi son irin mu yanzu idan muka auri miji ďaya sai yafi sona dake”
Sai a lokacin minal tayi dariya
“Lallai Yarinya waya faďa miki miji ďaya zamu aura har ya fi sonki dani? Ai ni bazan aure mijin wata ba wata kuma ba zata auri miji na ba”
“Toh wanene mijinki wanene kuma mijin wata?” Kairat ta tambaya,
“Idan na auri mai mata toh mijin wata ne ni na aurar mata miji dan zaki ji ance mijin wance ta aura, idan kuma wata ta auri mijina ita ce ta aurar min miji dan haka bazan auri mijin wata ba saurayi zan aura ba kuma zan bari wata ta aurar min miji ba”
Tasowa Kairat tayi ta dawo kusa da ita tana zolayar ta,
“Koma minene kara ki chanja da gaskiya miji ďaya zamu aura”
“Lol Ke kama kanki ba zaki iya kishi dani ba dan ni bana son kishiya”
“Yau ai nima ba kanwar lasa bace kinga tun nan mun saba da munje can cigaba kawai za muyi”
Da dariya tsohuwa ta fito kicin tana zolayar Minal, daďi Kairat taji ta samu mai kama mata suka rika caccakar Minal tun tana ramawa har ta gaji ta samu su ido,
Suna haka Mummy ta fito da shirinta na zuwa office, tana sauko downstairs Kairat ta tare ta “Mummy dan Allah a aura mana miji ďaya da Minal”
Watseta Mummy tayi “Ke dan Allah rufe min baki tun ďazu ina jinku kun tarar mata har da tsohuwa kuna takura mata yar baiwar Allah”
Daďi Minal taji, “Ai dama kin aura mana miji ďaya ďin da ita wallahi da kin sha wahala”
Minal ta karasa maganar tana hararar Kairat, kallonta mummy tayi “A haka Minal da wannan jiki”
B'ata fuska Minal tayi “Oh Mummy har da ke ko?”
Da fata Mummy tayi “A a ina nufin kina da kiba”
Ture hannun Mummy tayi ta nufi upstairs, Kairat da tsohuwa suka sa mta dariya har Mummy sai da tayi mata dariya sannan ta fice Kairat nayi mata Allah ya kiyaye,

Haka suka cigaba da rayuwarsu cikin farinciki da kwanciyar hankali da kuma jindaďI,
Mummy tafi kowa farin ciki da daman haka take son ganin farincikin Minal shine kwanciyar hankalinta, yadda suke rayuwa yanzu har yafi na da kamar ba uwa da ya ba sai ka dauka kawaye ne ko kuma abokanin wasa tsakanint da Mummy har ma Kairat.



*I'm still on wattpad @khadeeja_candy*
_Don't forget to vote and comment_
[9/13, 11:19 PM] Auntie Candy: BABBAN GORO...!

NA

KHADEEJA CANDY


BABI NA GOMA SHA HUDU___14


Wattpad @khadeeja_candy


BAYAN WATANI UKU............
A firgice Saif ya farka sakamakon ringing ɗin da wayarshi take, sai da ya ɗan murza ido sannan ya ɗauki wayar ya duba ganin bakuwar number yasa ya maida wayar mazauni ta ya juya ya cigaba da bachin shi,
yaji kiran yayi yawa sannan ya mika hannu ya ɗauki wayar ya danna picking ya kara a kunne, cikin murya bachi ya ce

“Hello”

“Hello Saif how are you?”

“I'm fine who is on the line.?”

“Minal ce”

Daga kwance da yake ya shafi kanshi,

“Oh ya kike?”

“Lafiya kalau”

Sai da ya nisa sannan yace

“Kina bukatar wani abun ne.?”

Shiru ta ɗanyi,

“Eh ina bukatar ganin ka idan kana free”

Tashi yayi zaune

“Ok amman sai jibi nake free zan shigo idan na kare abun da nake”

Cike da jindaɗi tace

“Ok ba matsala @.?”

Sai da ya kalli a gogon ɗakin sannan yace

“@9pm”

“Ok see you”

“Alright bye”

Ya kashe wayar yana sauke ajiyar zuciya, sai a lokacin yaji sarar da kanshi yake na farkawar da yayi a firgice. Ya ɗan daɗe zaune sannan ya sauko saman gadon ya nufi bathroom,

kamin ya kai wayarshi ta sake yin ringing, da tsaki ya juyo dan a zatonsa Minal ce ta sake kiran, yana dubawa yaga PA ɗinshi nan yayi wurgi da wayar saman. Gado ya shiga bathroom ɗin,

Bayan ya fito ya shirya cikin farar shadda da bakar hula da takalmi suma bakake, yayi kyau sosai haka ya fito kamar wani karamin saurayi,

Keys ɗinsa ya ɗauka tare da waya ya saka aljihu ya fice,
Hanyar downstairs ya nufa, kuskuskus ɗin da kunnuwa shi suka jiyo yana tashi ɗakin Huda ne yasa shi da wowa da baya ya tsaya daidai kofar yana sauraren su,

“Kawata kiyi amfani da wannan ance shi baya saka komai, kuma yana kariya sosai ba kamar wacan ba”

“Yauwa ta waje na haka nake so na gode sosai wallahi, kinga wannan ai ya fiye min allura da magungunan gargajiyar nan dan ni ba yarda nake dasu ba sai naga ma kamar basa yi”

“Ai ki gwada wannan kawai yar gari, nima dashi nake amfani kuma har yanzu ban taɓa samun wata matsalar ba shiyasa ma nace bari kema na kawo miki”

“Ai kuwa Wallahi kin kyauta na gode sosai Allah ya bar Zumunci”

“Amin kinga bari na tashi kar mijinki ya dawo ya same ni yace kullum cikin yawon zuwa gidan ki nake”

“Hahaha Saratu sarkin tsoro ai mijina bashi da wata matsala kiyi zaman ki mu sheki ayar mu”
“A a kara dai na tashi, gidan su Hauwa nake son biya wa itama akwai nata sakon”


Jin alaman fitowar ta yasa shi saurin komawa ɗakin shi, magana ɗaya da biyu da shiga masa yawo a kunne, _Ta fiye mata alura, ita bata son mai matsala_ me hakan yake nufi kenan?, Huda na shan maganin hana haihuwa ne ko kuma me? Wai shin mema wannan Qawar ta ta take yawan zuwa yi a gidan ne tun da gashi har ita da bakinta ta faɗa wai kar yace tana yawan zuwa gaskiya ya kamata ya bincika dan ga dukan alamu akwai wani abu a kasa,

Hular shi ya cire ya dora saman mirror, sai kai da kawo yake cikin ɗakin saman gadonsa ya kwanta yana nazari da tunano wasu maganganun da kunnenshi suka jiyo masa,

Bayan kamar mintuna arba'in ya tashi ya fito daga cikin ɗakin, daga bakin kofar ɗakin sa ya hango Huda zaune a parlor tana aikin data saba na kallo,
Hakan ya bashi damar wuce wa ɗakinta kai tsaye dan tabbatar da abunda yake zargi.

Bincike ya shiga mata kamar wadda ya bata ajiya, ya buɗa can ya buɗe can har jakar yan kullenta sai da ya zazzage, amman bai ga komai ba,
Har ya juya da nufin barin ɗakin sai kuma yaji a zuciyar sa da akwai wani abun, Wardrobe ɗinta ya nufa ya buɗe duk sai da ya zubar mata da tufafi kasa gurin bincike nan ma ba komai,
Kamar wadda aka tsakura sai kawai ya leka karkashin gadonta, akwati ya hango ɗan karama, da sauri yasa hannu ya janyo shi ya hau saman gadon ya zauna yana kokarin balle kwaɗo da aka rufe shi dashi,

Yayi iya yinsa wajen ganin ya ɓalle kwaɗon amman abun yaci tura, hakan yasa ya buɗe wata yar durowa da yasan tana aje keys ɗinta, gaba ɗaya ya kwaso so ya shiga gadawa, cikin sa'a kowa ya samu mai daidai da kwaɗon, jiki na rawa ya lakkama ya buɗe akwatin,

Magunguna ya gani kala kala wadda cikin zan iya cewa har da na mata, ya mutsa ya shigayi kamar mai ɗatu, wani table naga ya ɗauko mai kananan ɗiya yana dubawa gaba da baya,

Kai naga ya girgiza, ya tashi a fusace ya fice tare da maganin,
Downstairs ya nufo tun kamin ya karaso ya kwala mata kira,

“Huda minene wannan.?”

Yanayin kiran yasa gabanta ya faɗi, ɗago kai tayi tana kallon shi har ya sauko, maganin ya watsa mata a jiki yana mata wani mugun kallo,

Tana ganin maganin gabanta ya faɗi, sai a lokacin ta tuna da baya gidan toh yaushe ya shigo bata sani ba miya kai shi ɗauko wannan maganin bincike yayi mata kenan? Ko dai yaji abunda suka tattauna ne? Ba mamaki ma a fili na aje shi har ya gani, Wani rabon ido take tana mamakin lokacin daya shigo da kuma ganin maganin da yayi, cikin taku tace

“Wai wannan kake magana? Jiya da qawata tazo ta manta dashi”

“Ke karki raina min hankali wace Qawar ce zata shigo cikin gidan nan har tasa miki shi a akwati”

Tashi tayi tsaye ganin yadda yake tada jijiyoyin wuya, ga fuskar sa ba rahama,

“Saif Wallahi.. -”

Kasa k'arasa maganar tayi sakamakon hannun daya ɗaga mata,

“Bana son rantsuwa Huda kinyi matukar kaiwa karshe halinki ya isheni wannan wace irin rayuwa ce? Kinfi kowa sanin yadda nake son haihuwa amman kika ɗauki maganin hana haihuwa kika sha, for what.? Ance miki bana iya kula da yaran ne ko nace miki sunyi min yawa ne.? Ko kuma baki da lafiyar da zaki haihu ne?”

Kasa bashi amsa tayi, zufa sai karyo mata take, abunka da marar gaskiya lokaci ɗaya ta zube kasan gwuiwoyinta ta fashe da kuka,

“Dan Allah Saif ka yafe min kayi hak'uri Wallahi kuskure ne”

Hannayensa ya rungume ya ɗaga kansa sama,

“Ban san mi yasa na fara son mace irinki ba Huda har ya kai ni ga Aurenki, bansan wace irin kalar mace bace ke komai naki ya banbanta dana sauran mata duk wata rayuwa da macen Aure take a gidan mijin ta ke baki yi,
Damuwar mijinki bata dame ki ba damuwar ki kawai kika sawa gaba komai sai kinga dama kike yi a gidan nan amman duk wannan bai ishe ki ba sai kin sha maganin hana haihuwa, wadda ke kanki kinsan zai iya haifar miki da matsala wai haihuwar ce baki so ko me?”

Kuka take sosai tana tushe baki,
“Indai har haihuwar ne baki so ba sai kin kara shan maganin ba ni zan ɗauki mata ki”

Da sauri ta kalleshi, tana ganin juya ta rik'o kafarshi,

“Dan Allah Saif ka yafe min karka aikata abunda zaisa mu shiga wani halin kafi kowa sanin halin dana shiga a baya bazan iya rayuwa ba kai ba Saif karka min abunda kasan zai iya zama ajalina Saif ina sonka”

“Yes, kina sona Huda shine kawai abinda kika sani kuma kika iya dana taɓa ki kice kina sona sai yawan nuna kishi a kai na, amman duk abinda zai faranta min rai ruwanki dashi damuwa ta bata dame ki ba,
Na gaji huda kalaman nan su nake ta maimaita miki kuma da bakinki kince bazaki iya chanja wa ba na ɗaga miki kafa dan haka zan ɗaga miki kafar daga yau”

Yana kai wa nan ya fisge kafarsa ya nufi ɗakinshi, toshe bakin ta tayi yana matsar kukan daya zo mata, sai wani abu takr tana numfashi da karfi, da gudu ta tashi ta nufi ɗakinta.
[9/13, 11:19 PM] Auntie Candy: BABBAN GORO...!

NA

KHADEEJA CANDY


_I dedicated this page to my special good friend of mine, Sweetheart you can do it no wrong, my happiness is all yours._
_More grace to your shining star's ROSE OKAFOR Rosy Lurv_

WATTPAD @khadeeja_candy


BABI NA GOMA SHA BIYAR__15

Tana shiga ta faɗa saman gado tana kuka,ta tsora ta sosai da yadda taga Saif irin wannan ranar take gudu, daman hausawa suncd rana dubu ta ɓarawo,ɗaya ta mai kaya.
Wayarta dake saman kujera ta baɗo mata a rai,cikin rawar jiki taje ta ɗauka, ta shiga neman number Mummy. Sai da tayi mata kira biyu sannan ta ɗauka,

“Dan Allah Momi kizo gidan nan yanzu ki ceci raina”

Cikin kuka take maganar tana gurfane a kasa kamar mai rokon gafara. banji mi akace mata ba na dai ga tana girgiza kai

“Eh Momi Saki zaiyi dan Allah kizo yanzu”

Nan ta kashe wayar, ta faɗi kasan carpet gana kukan dake zuwa mata har cikin ranta, ko kaɗan Huda bata son taga Saif yayi fushi da ita, musaman yanzu da take fushin nashi har a fuska, Saif mutun ne mai hakuri duk abunda take masa yakan shanye ya kyale ta idan har taga fushinsa a fili toh lallai ranshi ya ɓace sosai.

Cikin mintuna Ashiri da wani abu Momi ta iso gidan,Huda najin tsayawar Motar ta ta fito da gudu daga ɗakin ta nufo downstairs, Saukowarta yayi dai-dai da shigowar Momi falo, faɗawa Huda tayi jikin Momi tana kuka

“Faɗa min mi kikayi masa miya haɗa ku?”

Momi sai Tambayar take abunda ya faru,ita kuma ta kasa magana sai kuka take, duk hankalin Momi ya tashi,

“Saif ɗin yana nan ne?”

Daker ta iya ɗagawa Momi kai sai wani kara narkewa take kamar wadda akayi mutuwa

“Saifullah! Saifullah!!”

Kira Momi take kwala mishi kamar zata tada gidan,
Yana daga kwance ya soma jin kiran bai amsa ba dan bai ɗauka Momi bace duk da yaji kamar muryar ta, Sai da yaji kiran ya tsanan ta sannan ya tashi a kasale ranshi kuma aɓace ya nufi kofar fita,
Tsaye Yayi bakin Stairs ɗin yana kallon Momi da ke lallasar Huda tana harararsa, haka ya nufo downstairs yana mamakin abunda ya kawo Momi yanzu a gidan dan ba kasafai take zuwan gidan ba. Wata zuciyar tace masa Huda ce ta ta kira ta, Baki ya ɗan tsosa a ransa yana zata iya tunda ba kunya ne da ita ba,

Har ya Karaso Momi bata daina Harararsa ba, cikin girmamawa ya gaisheta

“Momi ina wuni”

Bata amsa masa ba sai kawai ta haushi da masifa,

“Mi Huda tayi maka da zaka sake ta?”

Zaunawa yayi saman kujera yana maida numfashi, ganin hakan yasa Momi ta katsa masa tsawa kamar wani karamin yaro

“Ba da kai nake magana ba kayi min shiru ko nima shashancin zaka yi min?”

D'agowa yayi ya kalleta,

“Momi..-”

Sai kuma yayi shiru, Kallonsa Huda tayi da jajayen idanunta kamar munafuka wani ɓangare na zuciyarta tsoron abunda zai fito bakinsa take dan tasan Momi ma bazata raga mata ba sai tayi mata nata faɗan,
Ido cikin ido ya kalleta yana magana da Momi

“Momi matsalar mu ce da kika sani ta baya Huda ba zata taɓa chanajawa ba sam,nayi faɗa har na gaji bata ji ni kuma na gaji gaskiya da halinta kuma nasha faɗa miki tun baya yau ba”

Zaunar da Huda Momi tayi saman kujera sannan itama ta zauna tana kallonshi

“Saboda ba kasan Miye Aure ba ko? Shiyasa kake son saki a rayuwar ka nayi bakin cikin jin haka daga gareka Saifullah ban taɓa sanin cewa bakan mutucin Aure ba sai a yau,
Duk abunda zaisa Namiji ya saki matarshi Babban abun ne, Amman kai ka ɗauke shi ba komai ba miyasa kake son maida kanka wani irin kalar mutun ne?”

Gashin kansa ya shafa daman yasan indai faɗa ne sai Momi tayi masa musamman yanzu da take ganin Huda bata daɗe da dawo ba. ɓangaren Huda kuma daɗi takeyi tana hamdala da Saif bai faɗi dalilin faɗan nasu ba, ita kanta tasan tayi sa'ar miji dan ba kowa ne Namiji ne zai iya ɓoye sirrin matarsa ba, duk da a koda yaushe Iyaye sukan faɗa mana idan faɗa ya shiga tsakanin ka da Iyalinka toh ka barshi tsakanin ku, dan idan kuka faɗa ma Iyaya koda ku kun shirya kanku ko an shirya ku zaku iya manta abun ammman Iyaye basu manta ba.

A hanlaki ya furta,

“Momi bafa sakin ta zanyi ba kawai ina bata tsoro ne wasa nake mata”

Nan Momi ta saki baki

“Wasa kuma au shi sakin har wasa ake dashi? kasan mi kake faɗa?”

Salon faɗan da take masa sai ya chanja, Shi dai kanshi na kasa har tayi ta gama sannan ya shiga bata hakuri

“Naji duk abunda kika faɗa Momi kuma hakan ba zai sake faruwa ba In'sha Allah Allah ya huci zuciyar ki”

Tashi tayi tana faɗin,

“Kowa dai yayi na gari dan kansa kuma duk abunda kayi wa yar wani sai anyi ma taka, ya dai kamata kayi ma kanka faɗa kasan ciyon kanka ka rika Y'ar mutane da mutunci ba ka wulakanta ta ba”

Juyowa tayi gurin Huda,

“Ke kuma duk abunda kika san yana kawo miki matsala da mijin ki ki daina ki guji ɓacin ransa idan zaki iya kunga tafiya ta”

Bata tsaya jiran mi zasu ce ba tayi tafiyar ta suna mata a sauka lafiya,
Bayan Fitar Momi Huda ta nufo Saif da nufin masa magana ,sai kawai taga ya tashi tsaye yasa hannayensa aljihu ya nufi upstairs,
A hankali ta jingina da kujera tana kallonsa har ya shiga bedroom ɗinsa.

Yana shiga sai yaji duk wani haushi na Huda da yake ji ya karu, ba damar ya sake mata faɗa yasan kiran Momi zatayi ta faɗa mata shi kuma sam baya son Momi taga kamar bai ji maganar ta ba. Can guraren Azahar ya shirya cikin manyan Kaya ya ɗauki makulin motarsa ya bar gidan.



***** ***** *****
Bai shigo ba sai dare. a falo yaci karo da ita kwance saman doguwar kujera sanye da wata rigar bachi mai ɗaukar hankali, baibi ta kanta ba duk da tayi masa sannu da zuwa, haka ya nufi ɗakinsa ba tare daya amsa ba.


WASHE GARI.................
Tun takwas da rabi ya bar gidan dan kwata-kwata baya son huda ta sashi a ido danshi fushi yake da ita bilhakki.
Huda kan bata ma san fitarsa ba dan bata tashi ba sai goma na safe, tana tashi ta nufi kicin ta haɗa masa karrin kummalo dan a zaton ta yana nan tunda bai saba fita da wuri ba. Bayan ta kare ta nufo ɗakinta tayi wanka ta shirya cikin doguwar riga ta feshe jikinta da turare, sannan ta nufo ɗakinsa,
Haka ta fito sululu kamar hawainiya ta koma ɗakinta idon cike da ruwan hawaye, Tana shiga ta faɗa saman kujera tana share hawaye, wunin ranar wuni tayi cikin ɗaki, Sai kusan La'asar ta fito koshi dan yuwar da taji tana matsa mata lamba ta nufi dinning,ruwan tea ɗazun ta zuba tasha ta sake koma wa ɗakinta.


***********
Saif bai shigo gidan ba sai da ya tabbatar da ta isa yin bachi, rashin ganinta a falo ya tabbatar masa da hakan. wutar falo ya kashe ya wuce ɗakinsa,
Washe gari ma haka yayi mata koda ta tashi ya ficewarsa duk da yake ta tashi da wuri yau, abunka da wadda bai saba ba sai duk tabi ta shiga damuwa, sam baya son Saif ya fita safgarta dan ya riga ya saye mata jiki da zama tare dashi,daga iya zuwa yau duk ta wani chanja ta koma wata kala har da yar ramar rashin cin abincin da take dan iya karta ruwan tea,
Tunani take tayi yadda zata filloma lamarin, Dan tasan haka ɗin da Saif yake mata ba karamin fushi yake da ita ba, kuma shawo kansa sai ta shirya, bayabda saurin fushi kan amman kuma idan yayi yayi kenan sai kuma wani ikon Allah.



***** ***** *****

MINAL............

K'is! k'is!! k'is!! kake ji taunar cingan ɗin da Minal take tana danne-dannen wayar dake hannunta, Kairat na zaune kusa da ita tana rubuce-rubuce jin abun yayi yawa yasa taja tsaki,

“Haba Minal dan Allah ki jefar da cingan ɗin nan tun ɗazu kin damu mutane da taunar cingan kamar wata tsohuwar karuwa”

Harara Minal ta watsa mata,

“Wadda ya raina tsayuwar wata a hawa yake ya gyar idan zai iya ko idan kuma bazai iya ba sai ya zuba ido”
Kairat zatayi magana Talatu ta shigo Gardem ɗin tana faɗin

“Minal ga abokin ki can harabar gida yace a kira ki”

Da sauri ta tashi tana faɗin,

“Toh nama bar miki wajen ci tsinci abinda zaki tsinta”


Tsaye ta tararda shi jikin Mota yana dannar waya, Rumgume shi tayi kamar yadda ta saba,

“I miss Deen?”

Lumshe ido yayi naɗan mintuna ya buɗe ya shafa kanta,

“I miss you too Deen you