You Cannot Download this book untill you login but you can read it .

---

Login Register

taji daɗi ba, ta kashe wayar. tashi tayi ta nufi ɗakinta, bata fito ba sai da taji shigowar Saif sannan ta aje Lil Minal ta, taso ta nufo downstairs,

“Wow Beauty na”

Ya faɗa yana kallonta fuskarsa ɗauke da murmushi,

“Sannu da zuwa”

Sai da ya aika mata kiss sannan ya rumgume ta yana faɗin

“Yauwa Wannan kwaliyar fa?”

Gurin wuyanta ya ɗora kansa yana goga mata dogon hancinsa, ita kuma sai kokarin zame jikinta take

“Akwai mutane a falon fa”

Bai kula ta ba sai da ya gama abunda yake son mata wannan ya juyo yana kare ma falon kallo, sai a lokacin ya lura da abunda take magana a kai, juyowa yayi ya kalleta da ɗan ɓacin rai

“Amman kuma shine baki saka hijab ba?”

“Kai kace min na daina sawa a gida”

“A ina nufin idan mi kaɗai ne a gidan ba jeki ki saka hijab ɗin ki”

Murmushi tayi mai sauti har da fitar da halshe tana masa kallon zolaya, ta juya ta nufi upstairs, shima da kallon ya bita dan bai taɓa ganin hakan a fuskarta ba tun da tazo gidan.
     Tana shiga ɗakin ya shigo juyowa tayi ta kalleshi

“Mummy tace ka kai mu gida a can zamu ci abincin rana shine tace mu wuce da wannan mutunen”

Ta faɗa dan tasan sai ya tambaye da wanene kuma bata san karyar da zata nasa ya yarda suje dashi ba,

“Really?”

Ya tambaya kamar bai yarda ba, taɓe baki ta ɗanyi

“Na taɓa maka karya ne?”

“Na sani ko yanzu zaki fara”

Yaja hancinsa juyawa tayi.sanin nufinta yasa shi kisgota ta faɗo saman kirginsa suka faɗa saman gado. sunfi minti talatin a kan gadon yana aika mata da sakwannin ita kuma tana son kwace kanta amman ta kasa har ta gaji ta hakura. sai da yaji wayarsa na ringing sannan ya sake ta ta tashi tana duba wayar number Mummy ce baiyi picking ba dan yasan yana picking zata ce masa ya kawo Kairat. Bathroomƴa nufa, bai daɗe ba fito ya ɗauki keys ɗinsa,

“Saka hijab ɗin ki muje”

Da sauri ta nufi gurin da hijaban nata suke ta ɗauki wanda yayi kala da atamfar ta saka sannan ta ɗauki lil Minal ta kalleshi alamar ta shirya,
  Matsowa yayi kusa da ita ta yadda tana iya jin bugun zuciyarsa tana mata wani kallo

“Idan muka dawo anjima zan baki wani muhimmin sako”

“Wane irin Sako ne haka?”

Ta tambaya kamar bata san abunda yake nufi ba duk da tasan manufarsa. murmushi kawai yayi yaja hannunta suka fito.

Sai da zasu shiga mota Saif yake ma Alhasan kallon tsaf nan take gabansa ya rika faɗuwa yanayinsa ya canja. Bai ce da ita komai ba tun da suka shiga motar ita bata ce masa ba har suka gidan kowa da abunda yake tunani. ta ɗan daɗe cikin motar sannan ta fito Talatu ce karshen fita tasa hannu ta karɓi lil Minal ta wuce. A hankali take takawa gabanta na faɗuwa har suka isa cikin palon,
   “Miye haɗin ki da wannan Kairat ina kika haɗu da shi?”

Mummy ta tambaya tana nuna sa da yatsa, bata bata amsa ba sai da suka kai tsakoyar parlour sannan ta kalli Mummy tace

“Dan Allah Mummy ki saurare shi na tabbata yayi nadama kuma akwai abunda yake son ce miki”

Tassssss Abbah ya wanke mata fuska da mari cike da ɓacin rai. Da sauri Saif ya jata ya maida gefensa ya ɗago yana Abbah wani kallo kamar zai rama mata.



LIL MINAL


53

Fashewa tayi da kuka Saif ya rumgume ta. Palon yayi tsit baka jin komai sai sautin kukan Kairat, Saif kan duk ya ɓata rai sam bai jidaɗin Marin da akayi mata ba gashi daman ran nasa a ɓace yake. jin kukan yayi yawa yasa Mummy ta nufe ta ta dafa ta

“Kairat”

Nan Saif ya sake ta ta rumgume Mummy ta cigaba da kukan, Mummy ta kalli Abbah

“Da baka mare ta ba”

“Na mare ta akan me zata shigo dashi cikin gidan nan har tace ki saurare shi ina kuka haɗu da shi?”

Ya karasa da faɗa yana kallon Saif, Kamin yayi magana Kairat ta ɗago ta kalle Mummy

“Shine ya kawo kansa akan yana so na masa iso gurin Mummy, saboda kin ki saurare shi, Mummy duk mai rai ajizi ne, matukar akwai rai a jikin ɗan adam toh kullum shi mai aikata laifi ne ubangijin mu ma muna masa ya yafe mana kina ganin da Minal na da rai kinyi mata adalci kenan ki wulakanta mata mahaifi?”

Wani wawan kallo Abbah ya watsa mata

“Sai yanzu na tabbatar da baki da hankali da tunani Kairat kin manta duk abunda yayi mata shi ya raba da duk wani jindaɗi na duniya yanzu har yana da damar da zaice a saurare shi ko an saurare shi yana da abun faɗi ne?”

“Ya zamo sila ne kawai dan haka Allah ya kaddaro mata ko dashi ko ba dashi sai hakan ya same ta miyasa ba zakuyi imani da hakan ba?”

Ta juyo gurin Mummy,

“Kalle shi mummy kalli yanayin shigarsa ke kanki kinsan ba cikin jindaɗi yake ba wannan kawai ya ishe shi ishara”

Hawaye ne suka cika mata ido ta sauke ajiyar zuciya, ta lumshe ido. ta daɗe a haka sannan ta zauna. Kairat ma zaman tayi tana kallon Mummy ganin hakan yasa Abbah ya tashi a fusace ya fice. sai a lokacin Hajiya Suwaiba ta samu damar magana,

“Kiyi hakuri Salama'tu ko bai komai kinyi masa nisa yanzu”

Kallonta Mummy tayi ta Kamar tayi magana sai kuma tayi shiru. Karasowa yayi kusa da Ita ya risina kasa idonsa na hawaye ya ce

“Kiyi hakuri Salamatu ki dubi girman Allah ki yafe min nasan na cutar da ke na kuma yi kuskure, tun daga lokacin da na gudu na barki ban sake ganin Alheri a rayuwa ta ba, lokacin da abun ya faru sai na bar yola na koma katsina da zama gurin yayan mahaifina a nan ne na haɗu da wata yar mai kuɗi muka kulla soyayyah gaf da zamuyi aure mahaifinta ya nema min aiki a Sky Bank sannu sannu har aka bani manager na Bankin sai dai tun da nayi aure duk wani jindaɗi na rayuwar aure da ake samu ni ban samu ba kullum da kalar cin mutumcin da take min saboda ganin karkashin mahaifinta na samu aiki gashi kuma Allah ya jarraɓe ni da wani abu na rashin samun haihuwa dan tun da na aure ta sai dai tayi ɓari amman ba dai cikin ya tsaya ba, muna haka na kulla soyayyah da wata yarinya wanke ke aiki karkashina
    Sai muka rika kazantaciyar rayuwar ni da ita ta haka ta yaudare ni tasa na na shiga na fita na ba wani kawunta aron kuɗi kusan miliyan talatin daga lokacin da ta fahimci tafiya ta fara nisa sai ta bar zuwa aikin shi kuma babu shi babu labarinsa. matar da nake aure kuma ta addabe akan sai na sake ta ita ba zata iya zama dani ba, ba dan naso ba na sake ta sai naje na auri wata bazawara mai manyan Yaya duk da hakan ban samu haihuwar ba muna haka banki suka bukaci kuɗinsu ni kuma bana da su tun ina sa musu rana har suka gaji suka sauke ni daga mukamin bayan an same ni da wasu kananan laifuka da suka kama ni dasu daga karshe dai sai suka sayarda duk wani abun da na mallaka suka kuma kai ni kotu daga haka aka saka ni gidan yari, shekaruna shida a can ina cikin ta bakwai kwatsam sai gashi anzo kai tsaye aka ce an sallame ni, bayan sallama ta daga gidan yari na samu labarin mijin yata ne yasa aka sallame ni kuma ya biya kuɗin. a lokacin ne na samu kai na cikin wata rayuwa mai cike da nadama da dana sani tun daga lokacin na saka kafata gurin neman ki amman ban samu hakan ba har naje Yola gurin iyayenki na tabbatar musu da gaskiyar halin da na saki daga haka nazo abunja duk da hakan sai da nasha wahala gurin neman ki duk da yake ba a ɓoye kike ba, bani abun bakin ciki sai na tararda wanda nazo dan ta bata duniyar, bana iya misalta miki halin da na samu kai cikin ba ban san abunda zan ce ma halaccina ba ko da ke kin yafe min ita fa nasan ta tafi da son tasan waye uban ta na cutar da ku na cuci kaina......”

Shine yake kuka mai sauti Mummy kuma hawaye take wasu na bin wasu, Kairat ma kukan take Saif ma idonsa cike da hawaye. Kairat ta tashi ta karɓo Lil Minal a hannun Talatu taje ta mika masa tana faɗin

“Wannan shine abunda Minal ta bar mana. kamin ta rasu kance min ina ma zata ga mahaifinta da zata tambaye shi miyasa ya gudu ya barta baiyi tunani halin da zata shiga ba wace riba ya ci? ita kan tana son tayi masa wannan tambayar”

Rumgume Lil Minal yayi yana wani irin kuka. Saif ya tashi da sauri ya bar parlour, nan mummy ita ma ta fashe da kuka Kairat daman shi takeyi babu wanda baiyi kuka ba cikin parlour mutuwar ta ta dawo musu sabuwa.
       Saif na bita ya nufi gurin motar sa ya kifa kansa ya lumshe ido kansa sai sarawa yake. bai ɗago ba har sai da yaji kukan wayarsa yayi yawa number Lubna ya gani yana ɗagawa tace

“Momy na neman ka”

Kashe wayar yayi ya sauke ajiyar zuciya ya buɗe motar ya shiga daman can baya son komawa parlour cikin hanzari ya bar gidan.
    Har ya isa gidan ransa a ɓace yake babu abunda yake tunani sai Minal. ya daɗe cikin motar bayan yayi parking sannan ya fito ya nufi hanyar da zata sada shi da parlour gidan. Tsaye yayi yana kallon Safiyyah da ke kwance gurin tana kuka, kanta ba ɗankwali. tana ganinsa ta tashi zaune still tana hawayen abun tausayi. A sanyaye ya karasa kusa da ita ya risina yasa hannunshi a fuskarta yana share mata hawayen. ganin kukan nata yaki tsayawa yasa yaja zuwa kirjinsa ya rungume ta! sai shima ya samu kansa da kukan bai san dalili ba.

   “Yaya...”

Lubna ta kira sunan nasa tana tsaye bakin kofar fuskarta ɗauke da mamaki. Haka yayi kamar bai jita ba duk da ya ganta, ya kara kankame Safiyyah ya lumshe ido.


TOFA! ANA WATA SAI GA WATA ? YAYA KENAN?

SHIN KUNA GANIN ABBAN MINAL YA CANCANCI YAFIYA KUWA?

KEEP VOTING DEARS😍
54



Ya daɗe a haka sannan ya buɗe ya ɗago yana share hawaye,. Har lokacin Lubna na tsaye tana kallonsu tada ita yayi tsaye ya rik'a hannunta suka nufi cikin parlour, saman kujera ya zaunar da ita sannan shima ya zauna yana kallonta yana murmushi. Lubna ma zaunawa tayi a kujerar dake fuskantar tasu ta kura musu ido kamar tv.

“Ta ci abinci?”

Ya tambaya yana kallon Lubna, Kai ta girgiza masa, yana ganin haka ya tashi da kansa ya nufi dinning ya zubo abincin a plate, ya dawo kusa da ita ya zauna ya rik'a bata a hankali tana ci,

“Lafiya?”

Ya tambayi Lubna ba tare daya kalleta ba ganin yaddata sakar masu ido ko kyaftawa bata yi, tashi tayi tana faɗin

“Bari na kira maka Momy”

“Ban saki ba”

Ya tari numfashinta, a nan ta koma ta zauna still bata daina kallon nasu ba. Sai da ya tabbatar da ta koshi, ya bata ruwa ta sha. Sannan ya tashi ya nufi ɗakinta Momy.

     Goma saura kwata Saif ya shigo gida, kana ganin yanayinsa kasan baya cikin  walwalah, kai tsaye ɗakinsa yana tunani, sam bai lurada Kairat dake falo ba har sai da tayi masa magana

“Sannu da zuwa”

Da sauri ya juyo, sai a lokacin ya lura da ita, a maimakon ya amsa sai kawai ya zagayo ya zauna kusa da ita yana murmushi ya kai hannu ya taɓa sakar wuyan ta

“Wannan kwaliyar fa”

“Uhm”

Kawai tace ta ɗauke kai ta tashi, da kallon Saif ya bita har ta shige ɗakinta sannan ya sauke ajiyar zuciya ya tashi ya shiga ɗakinsa, wanka yayi ya shirya ya sauya kayan jikinsa zuwa jallabiya fara da gajeren wando ya fesa body spray, ya hau saman gado ya kwanta yana shafa cikinsa. Babu wanda yake tunani a yanzu sai Minal maganar ta da akayi ɗazun ya dawo masa da tunanin ta a ɗayan ɓangaren kuma ga maganar da Momy tayi masa wai shine silar shigar Safiyyah wannan halin.
   Kairat ce ta faɗo masa a rai cikin hanzari ya tashi ya nufi ɗakinta, tana kwance taji an turo kofar ɗakin, Lil Minal na gabanta ta zuba mata ido sai kallon ta take. zuciyarta ta nasalta mata Saif ne ya shigo ga kuma kanshim turarensa da fara kai ma hancinta ziyara tun kamin gayar ya iso, har ya mai da kofar ya rufe bata motsa a daga inda take ba tana jin ya kusa karasowa kusa da ita ta lumshe ido kamar mai bachi. Leka ta ya fara yi yana idonta a rufe, sai ya zauna gefen gadon yana kare mata kallo kamin ya kai hannu ya mirgino ta ta juyo gefensa ya rungume ta tsamtsam a kirjinsa

“I'm so sorry Momy ce ta kira ni shiyasa ban dawo ba, kuma hankalina ya ɗauku ban je na ɗauko ku ba”

Har yayi surutansa ya gama bata motsa ba balle ma tayi masa magana, ganin bata da niyar maganar yasa ya tashe ta zaune ya ɗora bakinsa daidai kunneta ya soma mata magana kamar mai raɗa

“Haba yar gidan Mummy kiyi hakuri mana nasan nayi laifi amman a yafe min dan Allah”

Sai a lokacin ta buɗe idon ta, ta kalleshi

“Amman kuma shine baka dawo ba sai yanzu”

Fuskarta ya rik'a yana rufe ido da buɗewa yace

“Kin san Safiyyah ba lafiya shine na.........”

Sai kuma yayi shiru kamar wanda ya tuna abu, basar da maganar tayi sai ta kalli cikin kwayar idonsa

“Ka ci abinci?”

“A'a tun abincin Safe”

“Miyasa.?”

Bai bata amsa ba, ita ma kuma bata kara tambaya ba sai kawai ta sauka saman gadon ta rika hannunsa for the first time

“Muje kaci abinci”

Tashi yayi tsaye, a maimakon yayi tafiya sai kawai taji ya rungume ta, ta baya yana sauke wani dogon numfashi. Sai gashi ita ma ta samu kanta da sauke numfashin mamancin nashi ta lumshe ido, kamkamkan ya rungume ta shima idon nashi a lumshe, sun daɗe a haka, sai kanshim jikinsa take shaka rahamar jikinsa ta baibayeta a nan ta soma jin sanyin dake fita daga jikinsa kamar raɓa, ɗagowa tayi tasa hannunta ta ɓanɓare rikon da yayi mata ba tare da ta juyo ba tace

“Bari na haɗa maka tea jikinka da sanyi”

Bai ce mata uffan ba ita bata jira yace mata ba ta fice daga ɗakin, Bata daɗe ba ta dawo hannunta rike da plate ɗin fruits ɗayan hannun kuma rike da Cup ɗin tea. Wani ɗan karamin tebur ta jayo ya ɗora cup da plate ɗin sama sannan ta kalleshi.

“Ka fara shan tea sai kaci fruits ɗin zaka fi jindaɗi idan baka ci abu mai nauyi ba”

Murmushi yayi mata as respon ya ɗauki tea ya fara sha, kallonsa take a sake tana karantar wasu abubuwan game da shi. Daga shigowarsa zuwa yanzu ta fahimci yana cikin damuwa, sai kuma ta samu kanta da jin ba daɗi ganin halin da yake ciki, yanayin yadda yake shan tea sai ya saka ga ganin kamar baya jindaɗi sa, ba kuma daɗin sa ne baya jin ba tun da tasan mijinta ma'aboci shan tea ne da kuma coffee akwai dai abunda ya ɓata masa rai. Bayan ya shanye tea ɗin ta karɓi kofin tana faɗin

“Faɗa min yau da ina da ina kaje bayan gidan Momy?”

“Ban je ko ina ba a gidan kawai na wuni, Na manta ban tambaye ko yadda Mummy tayi da Mutumen ta ba”

“Zan faɗa maka gobe yanzu faɗa min abunda yake damun ka”

“Ni..?”

Ya ɗan zaro ido sai kuma yayi murmushi ya cigaba da cin Apple ɗin dake gaban sa, nan tasa hannu ta ɗauke plate ɗin fuskarta babu alamun wasa tace

“Faɗa min abunda yake damun ka Saif Please”

“Ya kamata sunana ya canja launi a bakin ki fa yanzu”

Ya faɗa yana son basar da wacan tambayar. Murmushi mai sauti

“Toh wane suna kake so?”

“Ke ce zaki sa min da kanki”

“Fine Abbah lil Minal”

Dariya yayi

“Sunan yayi tsawo kuma bai min ba”

“Toh faɗa min sunan da kake so mana”

“Ba xan faɗa ba kece dai zaki zaɓa min”

“Hubby”

Kai ya girgiza,

“honey”

“Nop”

Shiru tayi tana nazari dan duk sunan da ta kawo masa cewa yake a a, can ta kalleshi

“K'albee yayi maka?”

Kai ya ɗaga mata cike da jindaɗi ya janyo ta zuwa jikinsa ya rungume,

“Zan ji daɗi idan kika kira ni haka”

Murmushi tayi

“Haka zan rika kiran ka har sai kace na daina”

“Aiko ba rana”

Ya faɗa da dariya, yana ɗan shafa bayanta shiru ne ya biyo baya shi dai yana abunda yake ita kuma tana saurare sa kamar ɗalibar da ake yima darasi, ta natsu sosai tana saurarensa, har sai da taga yayi nisa sannan ta kira sunan sa a hankali

“K'albee......”

Kamar ba zai amsa ba zuwa can kuma ya amsa mata a wahale can cikin makon shin shi

“Umhm”

“Faɗa min mi yake damun ka?” 

Bai yi magana ba sai kawai dai cigaba yake da abunda yake mata, ganin hakan yasa ta janye jikinta ta matsa gefe tana gyara rigarta tana ganin ya matso sai ta kara matsawa,

“Dan Allah karki min haka Kairat yana ɗaya daga cikin abunda yake sani damuwa ki daina hana min abunda Allah ya halitta min wallahi wahala nake”

Cikin walallaliyar murya yayi maganar idonsa a rine.
Ita kanta da san da hakan dan tana lura da irin halin da yake shiga idan suka kwana tare, tsayawa tayi kamar mai tunani tana haka taji ya rika ta bata unkurin hana shi ba, ya ci gaba da abunda yake mata ita kuma tayi shiru tana sauraren karatun nasa, ganin ya wuce gona da iri yasa ta rik'a kokarin kwace kanta a nan ya nuna mata karfi ba ɗaya ba, kiransa ta rika yi amman ina yayi kisa baya jin kira. Rawa jikinta yake ta ko ina kan kace kabo sai gata tana kuka da hawayen ta.
      Daren ranar daga ita har shi basu yi bachi mai tsawo ba balle ita da sam bachin bai mata daɗi ba. Washe gari shi ya taimaka mata tayi wanka tare da alwala ya shinfiɗa carpet tayi Sallah, tana sallamewa ko addu'a bata tsaya yi ba ta kwanta a gurin sai bachi.

  Bayan ya gama haɗa breakfast ya shigo ɗakin tsaye yayi kanta tana kallonta fuskarta ciki da annuri sai murmushi yake, can kuma risina ya kai hannu ya shafa fuskarta. Juya tayi ta ci gaba da bachin, murmushi yayi bai yi unkurin tashin ta ba ya juya gurin Lil Minal yasa hannu ya ɗauke ta ya fice.
     Sai sha ɗaya har da kwata ta farka koshi ba dan ta gaji da bachin ba sai dan yunwa da ta tashe ta. Ba dan dole ba da ba zata fita daga ɗakin ba, sai dai kuma babu yadda ta iya tun da ba kiransa zatayi ba, daker ta tashi tsaye ta nufi kofar ɗakin tana wata tafiya. Yau kan sai taji sauka stairs yayi mata wahala kamar ba kowace ta saba ba,
     Saman kujera ta gansa zaune rike da lil Minal yana ɗaukar ta hoto, har kasa ta duka ta gaishe shi cike da kunya

“Ina kwana”

Bai amsa ba sai kawai yasa ɗayan hannunsa ya rika.ta suka tashi tsaye tare,

"Sai yanzu kika tashi"

Ya faɗa kamar mai raɗa kai kawai ta daga masa tana kokarin zame jikinta, lil Minal ya aje yasa hannyensa ya zagaye kugumta yana murmushi

"Dan Allah ka sake ni yunwa nake ji"

Bai yarda ya sake ta ba ɗin sai ya ɗauke ta cak ya nufi gurin cin abincin da ita. sai da ya tabbatar da ta koshi sannan ya zuba ya ci kaɗan ya sake ɗauko ta a dawo da ita saman kujera ya rumgume ta yana sauke ajiyar zuciya.
 
“I'm not baby dan Allah ka kyale ni”

“of course you are”

Duk yadda taso ya sake ta kiyawa yayi har sai da tayi kamar zata masa kuka sannan ya sake ta ta tashi da sauri ta nufi ɗakinta.
    Wanka ne kawai ya zame mata dole tana yinsa ta ɗauko lil Minal ta bata nono sai da ta tabbatar ta koshi sannan ya kwatar da ita gabanta ita ma ta kwanta sai bachi.

    Da dare takeaway yayi masu dan wuni tayi tana bachi shi kuma yana ganin tayi bachin ya sa kafa ya fita bai dawo ba sai bayan Sallah isha i,
  Bayan ya shiga ɗakinsa yayi wanka ya dauko abinci ya nufo ɗakinta a bakin kofa ya tsaya ya sauke ajiyar xuciya sannan ya shiga da sallama,
   Duk yadda yaso ya ɓoye damuwarsa dai ta gano dan idonsa take karantar halin da yake ciki ita kaɗai ta ci abincin sho bai ciba sai saka da yayi gaba yana kallo kamar tv,
    Bayan ta kare cin abincin ya janye abubuwan dake gabanta ya matso kusa da ita ya rumgume ta, a nan ta kara fahimtar halin da yake ciki.
   
Haka suka kwashe kwana biyu ita da shi, ita ta kasa ta tambayeshi damuwarsa shi kuma ya kasa faɗa mata, sai dai kuma duk tsawon kwana biyu nan bai barta ta huta ba, kullum da salon da yake zo mata.
   Yau ma bayan sun gama breakfast ya tashi kamar jiya ya nufi ɗakinsa, har yayi abunda zaiyi ya fito tana zaune a inda ya barta ganin yanayin shigarsa ya tabbatar mata da fita zaiyi. sai da ya kawo bakinsa daidai kumatunta zai mata kiss tayi saurin jayewa ya sake dawowa ɗayan gefen ta sake kauda fuskarta,

“Lafiya?”

Ya tambaya yana fuskantar ta, kallonsa tayi

“Bai kamata ace kana ɓoye min damuwar ka ba a tunani na yanzu ni da kai mun zama ɗaya”

shiru yayi sai kuma yaja kujera ya xauna ya kama hannunta,

“Matsalar Safiyyah ce take damu na saboda Momy da Gwaggo sun ce nine silar shigarta wannan halin hakan yasa yanzu Daddy shi ma ya kasa fahimta na”

Tasan me yake nufi tun da ta daɗe da sanin babu wanda Safiyyah take kauna irin Mijinta. sai dai kuma me su suke nufi har ya kai suna ganin laifinsa? ko aurenta suke so yayi? dan ta samu wannan amsar yasa tayi masa wata maganar.

“Toh ka aure mata sai ka wanke kanka”

Rumgume yayi yana dariya

“Funny girl ina ni ina Safiyyah bana mata kallon matar da zan iya aure ba zan iya zaman aure da Safiyyah ba sai dai kuma nima kai na tana bani tausayi sosai”

Wani sanyi taji ya tsara zuciyarta kara lafewa tayi jikinsa,

“To yanzu ya zakayi?”

“Oho gani ga Allah ni dai fata na kawai ta samu lafiya”

“Toh miyasa ba zaku sata under medication ba?”

“Gwaggo ce bata yarda ba wai kara firgita mata kwakwalwa za'ayi sai dai a nema mata na hausa”

“Ka barta ta nema mata na hausan wata kila a dace”

Sun daɗe a haka manne da junna sannan ya sake ta ya fice.

   
                                  ***    ***     ****
       

Abu kamar wasa sai ga Safiyyah ta kwashe wata biyar da wannan lalurar tun ana ganin kamar sauki sauki yanzu abun ya fara wuce gona da iri, kuma duk da hakan Gwaggo taki yarda a kaita wajen maganin turawan ma sai an saci idonta ake bata,
   Sannu sannu ake sabo yanzu kan Kairat ta san kan gidanta da kuma mijinta, ga kula da lil Minal da take sosai da sosai itama yanzu tayi kyau tayi wayo dan yanzu tana cikin wata na bakwai, in ka ganta kamar ka sace ka gudu.



    Tana cikin kicin tana aiki taji an danna bell lil minal kuma ta kwala ihu saboda tsoro, da gudu ta fito tazo ta ɗauke ta,

“Ya akayi mi ya faru?”

Shiru tayi ta kalli kofar falo jin an sake danna bell ɗin, ɗauke da ita taje ta buɗe kofar, Da sauri ta rumgume Mummy ta welcomin ɗin ta.
 
“Ashe ma kinji sauki ce min akayi ɓaki da lafiya”

Mummy ta faɗa tana kunno kai cikin parlour,

“Naji sauki