You Cannot Download this book untill you login but you can read it .

---

Login Register

nemi izininsa duk da kasancewar ta yar boko kuma yar siyasa amman bata taɓa yarda ta fita ba tare da izininsa ba, Hannu yasa ya rumgumo ta cike da jindaɗi

“Nayi miki, ba ta da lafiya ne?”

“Eh kasan Tana fama da ciwon nan na blood cancer kuma ga cikin da ke jikinta”

“Toh Allah bata lafiya ya sauke ta lafiya”

“Amin haba ko kai fa amman ka wani taso min ɗazu da matsifa duk kasa na tsorata”

Dariya yayi irin tasu ta manya yana kara janta jikinsa.


*** *** ***

Saif na fitowa part ɗin Daddy ƴyaji duk ya tsani gidan, babu abinda Saif ya tsana irin faɗa, faɗan da Daddy yayi masa yasa rance ya ɓace sosai, yasan kuma babu gurin da zai samu sassauci idan ba ganin Minal yayi ba dan a yanzu ita kaɗai ce farin cikin sa, komawa yayi part ɗin Momi ya ɗauki makullin motarsa ya bar gidan.

*** ** ***

“Sister ina zoben ki.?”

Kairat ta tambaya lokacin da idonta suka kai kan yatsun Minal,

“Saif ne ya cire shi”

“Saboda mi?”

“Wai yana so”

“Kuma kika kyale shi ya ɗauka”

“A a ban ma sani ba hannu na kawai ya rika ya zare”

“Kin ban mamaki Minal kinyi saurin ba da kai ace duk wulakancin da Saif yayi miki kina kulashi har ki bashi damar rika hannun ki yay....”

“Kairat.....”

Mummy ta tari numfashinta tana zuba ma Minal abinci a plate, ta cigaba

“Da zaki lura da zaki gane Saif yayi nadama Kuma yana son Minal sosai a yanzu”

Kai ta girgiza,

“Oh Mummy abunda nake kokarin lurar da ku ba shi kuke son ganewa ba, yana son ta zai wulakanta ta yaki saurarenta”

Mummy ta zauna kusa da Minal tana kallon Kairat

“Dole ne duk namijin da ya kama matarsa da wani yayi abunda Saif yayi koma abinda yafi wanda Saif yayi,
Zuciya a ɓace take a lokacin ido a rufe kunnuwa kuma a dwaɗe ba zai iya sauraren ta balle har yayi mata uzuri amman kin ga a yanzu da gaskiya ta bayyana yanzu ne zaiyi ma kansa bitar karatun da ya manta,
Minal tana bukatar kulawar Saif a halin da ake ciki yanzu ko dan abinda yake cikin ta.....-”

Shigowar Saif yasa Mummy katse maganar da take ta kalleshi, Hannayensa zube cikin aljihu fuskarsa ba yabo ba Fallasa ya gaishe ta,
Da mamaki ta amsa masa ganin dawowarsa yanzu bayan bai daɗe da tafiya ba, abinci dake Hannunta ta aje ta tashi ita da Kairat suka fice,
Murmushi ya sakar Minal ganin yadda ta sako masa ido tana kallonsa, da sauri ta rufe idon nata kamar mai bachi, karasawa yayi kusa da ita yaja mata hanci

“Tashi ki ci abinci ba wani bachi”

Buɗe ido tayi sai kuma ta ɗan haɗe fuska, yana taɓa mata hannu ta fisge, bai damu ba ya zauna a kusa da ita ya ɗauki abinci yayi one spoon zai kai mata a baki ta kawar da fuska

“Zan iya ci da kai na ka aje”

“Oh Kairat tace miki wani abu kenan ko?”

A nan ya aje abinci ya tashi da zimmar fita, tayi saurin riko hannunsa,

“Ba ta ce min komai ba kawai dai bana son ka bani ne”

Dawowa yayi ya zauna,

“Duk abinda nake miki Minal ina yi ne ɗan baby na da yake jikin ki, da kin haife min shi ba zaki saki ganina ba”

Yana faɗar hakan ya tada ita zauna ya soma bata abincin.
Sai da ya tabbatar da ta koshi sannan ya aje plate ɗin ya gyara mata jikinta ya kuma gyara mata kwanciyarta, ya hau gefen gadon ya kwanta, ya jata zuwa kirjinsa yasa mata hannu ciki riga, zabura tayi ta tashi zaune tana kallon shi

“What.?”

Ya tambaya kamar bai san abinda yayi ba,

“Dr yace na dai na kwana da wani a ɗaki ɗaya”

Ta faɗa murya kasa-kasa, murmusawa yayi

“Common Minal karki mai da ni wani kalar mutun mana, ko ba likita bane ni ai nasan aikin su, ko ki kwanta ko na ɗauke ki muje gida mu kwana”

Karantar da gaske yake a idonsa yasa ta koma ta kwanta ta bashi baya, Hannu ya sake sa mata A inda yasa ɗazu, ganin tana unkurin sake tashi yasa ya rumgumeta still hannun nashi yana cikin riganta,

“For the sake of our baby......”

Ya raɗa mata a kunne yana lumshe ido, buge masa baki tayi da kanta tana murkususun kwace kanta

“Sake ni naje wani ɗakin na kwanta bachi nake ji”

“No kwanta a nan ba zan miki komai ba i promise”

Ya faɗa yana zare hannunsa daga cikin rigan nata, a nan ta gyara kwanciyar ta, shi kuma ya sauke ajiyar zuciya ya shafa kansa yana haɗiyar yawu.


*** *** ***

MORNING @9:21AM.............

Da kansa ya haɗa mata kari, ya rika bata a baki tana ci har ta konshi sannan ya washe komai ya mai da gefe, ita kuma ta kwanta tana kallon windo, a nan ya shiga matsa mata kafafu a hankali, ganin tana jindaɗin matsar yasa shi fara wuce guri yana shafar cinyoyinta,

“Please Saif stop..”

Ta faɗa tana janye kafafunta, ɗauke hannunsa yayi yasa yatsunsa cikin gashin kansa yana matsar gashin ya lumshe ido.
Ringing ɗin wayarsa yasa shi buɗe ido, yasa a hannu aljihu ya ɗauko wayar yana dubawa, number Momi ce

“Hello”

Ban ji me aka ce masa ba na dai ji yace

“Ok”

Ya kashe wayar ya fita.
Bai daɗe ba ya dawo ɗakin tare da su Momi da kannensa,
Tashi Minal tayi zaune tana kallonsu, murmushin da ta gani a fuskar Momi yasa ta kalli Saif, shima murmushin ta ga yana yi mata. Momi ta nufo ta ta kama hannayenta

“My child.....”

Sai idonta suka cika da hawaye, rumgume ta Momi tayi tana shafa bayanta,

“Kiyi hakuri yata ki yafe mana rashin sani ne yasa muka wulakanta ki ashe ke alheri ce a gare mu”

Kuka Minal tasa ma Momi kuka mai ban tausayi da tsuma zuciya, Momi tayi ta bata hakuri har su Kairat da Mummy suka shigo, Kairat taji daɗin ganin Momi sosai hakan ya tabbatar mata da lallai Saif yayi nadama tun da gashi har mahaifiyarsa ta zo ganin matarsa, Fira Momi da Mummy suke hirar yaushe gamo, sun ɗan daɗe suna tattaunawa sannan Momi tayi musu sallama.

*** *** ***

Kai da kawo Abban Huda ya rika yi a gurin Saif ganin yadda ita Huda ɗin duk tabi ta haukace akansa, amman Saif ya ce sam shi kan ba dashi ba gaɗa a hurumi, shi kan ta riga ta fita ransa, ganin hakan yasa shi zuwa gurin Daddy ya tuntuɓe shi da maganar Daddy bai ki tasa ba sai dai kuma shi ɗin mutun ne da baya tursasa yayansa yin abunda basu tashi ba yasan a halin yanzu Saif ya riga ya yafe ta, hakuri kawai Daddy ya bashi yace su cigaba da addu'ah.


Sannu-sannu bata hana zuwa sai dai a daɗe ba aje ba, kuma bayan wuya sai daɗi hankalin Minal a yanzu kwance yake babu abinda ƴke damunta, kula take samu ta ko'ina bata da matsala a yanzu in ban da rashin lafiyar da take fama da ita dan ciwon yaki ci yaki canyewa kullum sai karuwa yake kamar ba abunda ake yima magani ba, hakan yasa likitoci suka bada damar ya rika fita da ita suna ɗan zaga gari sai dai ba tafiya mai nisa ba ko da a cikin asibitin ne zasu iya yinta, ganin cikinta ya fito kuma yana ɗan yi mata nauyi.

Yau ma kamar kullum yana zaune saman gadon tayi matashin kai da cinyarsa yana karanta mata magazine yana saka mata gauta a baki.

“Saif...”

Ta kirashi a hankali, bata damu da ya amsa mata ba ta cigaba

“Huda ta kira ni ɗazu”

Rufe magazine ɗin yayi ya kalleta,

“Mi tace miki?”

“Kawai ta gaishe ni kuma ta tambayi kana nan nace mata a a lokacin ka ɗan fita ne”

“Da wace wayar ta kira ki?”

“Waya ta mana”

Hannu ya kai ya ɗauki wayar dake kan filo

“Daga yau ba ke ba waya sai kin haihu”

“Haba dai karka min haka mana wallahi ita ta kira ni”

“Naji ai, na dai ce ba zaki sake rika waya ba that's all”

“Amman Saif da ka saurare ta baka sani ba ko wani abun zata ce maka ta faɗa min wai tana kiran ka baka ɗagawa”

Leɓenta ya rika ya ɗan matsa kaɗan,

“Da ba ke bace kika min wannan maganar da sai na buge miki baki”

Turo baki ta ɗanyi, wai ita ala dole tayi fushi, yadda tayi ɗin sai ya bashi dariya har ya aika mata da kyautar kiss yana shafa ta.
Shigowar Dr. Zainab bai sa ya dai na abunda yake ba, tun da ba yau ta soma ganin yana taɓa ta ba kuma a ganinsa ba haramun yayi ba sai dai ace yayi rashin kunya,

“Sannun ku da hutawa”

Ta faɗa tana murmushi, tashi Minal tayi zaune

“Yauwa Dr sannu da zuwa”

“Yauwa Minal ya lafiyar jikin?”

“Alhamdulillah”

“Ina ganin ni daga yau za muyi canji aiki da abokin aiki na wato likitan da yake kula da ke ya dawo kuma shine zai cigaba da kula da ke har lokacin da zaki samu sauki”

Ta kalli Saif da bai san ma abunda take faɗa ba dan hankalin baya gurin, wasa yake da yatsun Minal yana goga mata fuskarsa yana raɗa mata wasu maganganu a kunne wanda ita kaɗai tasan manufar su kuma take jin mi yake faɗa,

“Saif ...”

Dr. Zainab ta kirashi ta yadda zai iya bata aron hankalinsa

“Yes”

Ya amsa mata ba tare da ya kalleta ta ba, sai dai ya ɗan ɗago kai alamar yana sauraren ta,

“Na gode sosai da ka cika min alkawari na a yanzu haka mahaifiyata tana cikin farin ciki nima kuma ina cikin sa dan farin cikin ta shine nawa”

“Your welcome”

Ya faɗa yana ɗan cizon kumatun Minal. Murmushi tayi

“Minal Allah ya kara lafiya ya kuma saukar da ke lafiya”

“Amin na gode sosai”

Juyawa tayi ta fice daga ɗakin tana murmushi, indai sabo ne ta saba da ganin irin wannan soyayyar a gurin Saif tun da Huda ma yana mata kuma ganinta bai sa ya daina abunda yake.

*** *** ***

“Saif Mi kayi mata hala?”

Kiss ya rika mata yana faɗa mata,

“Wani ne nasa aka sako mata ko mijin mamanta ko me oho wani dai Alhasan Muhammad Yola”

Ras! Ras! Sunan ya kayar mata da gaba duk da bata san mai sunan ba, amman ba zata manta da Mummy ta faɗa mata fullname ɗin mahaifinta ba shima Alhasan Muhammad Yola, sai dai ba lallai bane ya zamo shi ɗin bane,

“Mi ya faru? Ko kin sanshi ne?”

Ya tambaya ganin computer ta nuna faɗuwar gaban nata,

“A'a ban sanshi ba”

“Miyasa gaban ki ya faɗi?”

“Babu komai”

Baya son ya matsa mata da tambaya, gashi kuma yaga yanayin ta ya canja kwantar da ita yayi yana buga bayan ta alamar tayi bachi.
Amman ina bachin yaki yazo mata sai ma ta dasawa kanta sabon tunani, ganin hakan yasa ya tashi ya sauko da ita saman gadon

“Muje mu ga gari”

Da sauri ta gyara tsayuwarta daman abunda take nema kenan, shi kuma ya rika hannunta ya ɗauki wasu abubuwan da likita yace ya rika, rika mata idan zasu fita.

*** *** ***

Yawo ya rika yi da ita har sai da tace masa ta gaji sannan ya biya wani shago ya saya mata kayan ciye-ciye, a maimaikon ya dawo da ita asibitin sai kawai taga ya nufi wani gida da ita,

“Mi za muyi a nan?”

Ta tambaya tana kallon fuskarsa shi kuma ya bata amsa yana kokarin kashe motar

“Karatu”

“Wane irin karatu kuma?”

Bai ce mata komai ba ya buɗe motar ya zagaya gefenta ya buɗe mata

“Fito muje ciki ba zamu daɗe ba”

“Mi zamu yi a ciki?”

“Idan muka je zaki gani ai”

Kamar tayi masa musu sai kuma ta fito suka nufi kofar shiga cikin gidan.
Saman kujera ta zauna tana karewa parlour kallo shi kuma yayi murmushi ya zauna kusa da ita yana jan hancinta, tana kallon shi ya ɗaga mata gira ya kai hannu ya taɓa cikinta,

“Saif ka daina mana”

Ta faɗa kamar zatayi kuka,

“Baby na ne ai”

Unkurin tashi tayi yayi saurin rumgumeta yana dariya, ya shiga matsa mata jiki yana murzawa cikin wani irin salo wanda ita kaɗai tasan fassarar sa,
kallon tuhuma tayi masa, shi kuma ya ɗaga mata kafaɗu yasa mata hannu cikin riga, zatayi magana ya haɗa bakinsa da nata..........


*** *** ***

A ɓangare Safiyyah ma bata da wata matsala, dan Momi bata nuna mata komai ba gashi kuma tana samun kula gurin Gwaggo, kafar ta ma zan iya cewa ta warke tafiyar ta ce kawai ke da saura ta dawo dai-dai,
abu ɗaya ne yake damun ta wanda kullum shi ne yake ci mata tuwo a kwarya, son Saif son da ba zai taɓa gogewa a zuciyarta ba, son da bai taɓa bari taga laifin Saif ba, son da kan rufe mata ido ta aikata komai,
Ajiyar zuciya ta sauke ta lumshe ido, Gwaggo dake rike da carbi ta kalleta

“Ki dai na damun kanki Safiyyah, ki bari kawai ki kara jin sauki hankali ya kwanta zamu samo kan Saifu sai mun ba kowa mamaki”

Bata ce komai ba ta kai hannu ta ɗauki plate ɗin indomie dake gabanta ta fara ci.


*** *** ***
Wasa-wasa yanzu cikin Minal yana cikin wata na bakwai, duk wanda ya ganshi sai a ɗauka yayi wata tara saboda girman da yayi,
Sai dai kuma wata matsalar ɗaya, ciwon ta a yanzu yafi na da, dan zubar jinin sosai take yinsa abun har ya fara ba likitocin tsoro kusan kullum sai an sa mata jini, gashi a yanzu har hannu take sawa ta cika shi da jinin dake mata zuba a hanci,
Yau ma Saif na shigowa ya ga ta cika hannun da jini har da sare, tasa ya ɗauko ya tara mata ta zuba jinin ya shiga gyara mata jikints jinin na kara mata zuba,
Ita kanta taji tsoron yadda taga zubar jinin yau daman ta daɗe da sadakarwa tasan ba zata tashi ba, ganin tsoron dake fuskarta yasa Saif ya rumgume idonsa taf da hawaye,

“Za ki ji sauki Minal okey karki da ta hankalin ki”

“Dan Allah Saif ka Auri Kairat marry her and make her happy ta yadda zaku kula min da abunda zan haifa,”

Ya ɗago fuskarta

“Haba Minal taya zan aure ta ina auren ki ? Ba zan sake yin wani auren ba dake zan zauna har a bada”

“Ba zamu yi irin wannan zaman ba Saif mafarkin mu ba zai taɓa tabbatuwa ba,
And Saif ka faɗawa Kairat ta kula min da Mummy da Baby na”

Hawayen dake idonsa suka zubo sai kawai ya samu kansa da wani irin kuka kamar mace, hannu tasa ta shafi fuskarsa

“Saif I love you I love you so much, If there ever comes a day when we can’t be together, keep me in your heart, I’ll stay there forever”

Ganin tana kokarin zauta shi yasa ya sake ta yana share hawaye,

“Bari na kira Dr”

Rike shi tayi

“Karka je Saif ina jin daɗin rumgumar nan da kayi min ina jin wani sanyi yana ratsa ni, Saif ka cigaba da nema min gafarar ubangijina ko da bayan mutuwa ta kuma kace Mummy ta yafe min, idan ka ga Mahaifina ka tambaye shi mi nayi masa ya gudu ya bar mu ni da Mummy na? Kace masa wace riba ya ci?. Saif ka nunawa ɗana kabari na ka karanta masa kyakkyawan tarihina ka ɓoye masa mummuna ka sashi a jikin ka ka nuna masa so kaji? Kar ka masa irin abunda mahaifina yayi min,
Saif ka faɗawa Deen na yafe masa kuma ina sonsa yana nan a matsayinsa na aminina Saif ka rika tunawa dani kaji ka rika yi min addu'ah”

Ture ta yayi da karfi

“Ya isa Minal ya isa”

Ya juya ya fita yana hawaye ya kira Dr. Hankalin Dr ya tashi sosa ganin yanayin ciwon nata a yau, cikin sauri ya rubuta mata wani magani wanda zai tsayar da zubar jinin,
jiki na rawa Kairat ta siyo maganin, dan Mummy da Saif hankalin su a tashe yake komai basa iya wa,
ana kawo maganin likitan ya bata ta sha, yasa wata nurse ta gyara mata jikinta Saif kuma ya hau saman gadon ya rumgume ta yana shafa kanta.
ba ayi minti goma sha biyar da shan maganin ba jinin ya ɗaina mata zuba, sai dai kuma suka nemi numfashinta suka rasa ga idonta yana motsi amman ba numfashi, a nan hankalin likitocin ya kara tashi da sauri suka canja mata gado suka nufi wani ɗakin da ita suka sa mata abun neman numfashi suka saita numfashin da computer suna dannar kirginta, amman ina mai kira yayi kira manzo mutuwa mai gaggawa idan lokaci yayi ba tsaya wa,
a nan suka ga ta kangare ido tana motsi da baki kaɗan-kaɗan.

*** *** ***
Su Mummy na tsaye cirko-cirko suka ga likitan ya fito, kallo ɗaya yayi ma Mummy tausayinta ya kama shi, yasan yadda Mummy take son Minal dan shine likitan da take kula da Minal tun tana karama yasan yadda hankalin Mummy yake tashi duk lokacin da ciwon ta ya tashi,
yanzu taya zai iya faɗa mata mutuwar ta! Su kuma sai kallon shi suke sun kasa tambayarsa ya ake ciki.
Suna haka wani likitan ya fito daga ɗakin yana faɗin

“Dr. Sulaiman Abunda yake cikin ta yana da rai.........”

Dummmm gaban Mummy ya faɗi idonta cike da hawaye ta kalli Dr

“Ta mutu kenan?”

“Kiyi hakuri mutuwa tana kan kowa kuma idan lokaci yayi ba a tsaya wa”

Wata irin kara Mummy ta saki tana ja da baya, Kairat tabi gini ta sulale kasa zaune, Saif kuma ya nufi ɗakin da sauri yana faɗin

“No no no no nooooo!”


BABBAN GORO 41

Faɗuwa Mummy tayi zaune tana wani irin numfashin tana kallon tiles, da sauri likita ya nufe shi da Kairat, Kairat ta dafa ta,

“Mummy Mummy”

A nan ta ɗago ta kalli Kairat idonta a raunene kamar mai jin tsoro, ta jata jiki na rawa ta rumgume

“Minal my child.....”

Fashewa Kairat tayi da kuka hakan yasa Mummy tayi saurin sakin ta, ta matsa can ta dafe kai ta rumse ido,
   Ta ɗan daɗe kamin ta buɗe idon ta kalli kofar ɗakin da Minal take ciki, a nan ta tashi tsaye ta nufin tafiya sai kafafun ta suka kasa ɗaukarta ta faɗi, da sauri likitan ya rika ta yana kiran wasu nurses,
  Unkurin ta sake yi a karo na biyu da nufin sake tashi a nan ma faɗuwan tayi dan jikinta yayi ma kafafunta nauyi basa iya ɗaukar ta,
  A nan ta soma jin wani kalar abu na daban, zuciyarta tayi mata nauyi kanta ya sara sai ta rika jin kamar mafarki take kalmar Dr ta rika dawo mata _Duk mai rai mamaci ne_ sai a lokacin idonta ya cika da hawaye alamun rashin ya fara fisgarta, kamin ka ce kwabo sai gata tana kuka mai haɗe da dariya,

“You know what? Minal she's always asking me Mummy idan bana nan ya zaki ji! Minal ina ma zaki zo yanzu kiji yadda nake ji....”

Kairat ta matso kusa da ita ta kama hannunta tana kuka mai tsuma zuciya,

“Mummy kiyi hakuri haka Allah yaso”

Fashewa Mummy tayi da kuka

“Mutuwa baki kyauta min ba, Minal ita kaɗai ce farin ciki na ita ce family na ita kaɗai na mallaka a duniyar nan miyasa zaki ɗauke ta ki bar ni bayan ni nafi dacewa dake haba mutuwa haba mutuwa....”

Rufe mata baki Kairat tayi tana girgiza mata kai,
   A nan ta mai dubanta gurin Kairat

“Kin ga Minal ta tafi ta bar ni ko!......"

Shiru tayi tana kallon tafin hannunta, zuwa can ta sake kallon Kairat tace

“But never mind i will take good care of her clothed and her room so that I can be with her again I will always....... ”

Sai kuma tayi shiru tana kallon yatsun hannunta hawaye masu zafi na mata zuba,

“She's will come back to me very soon”

Ta faďa tana fisgar gyalenta tana kuka.
   Yanayin kalamanta da kuma abunda take ya tabbatar ma da likitan tana kokarin barin hankalinta ne, A nan yasa wasu Nurse suka ɗauke ta aka ɗora ta saman kujera suka nufi wani ɗakin da ita sai surutai take...

          ***       ***    *** 

Kamar mahaukaci Saif ya shiga ɗakin, ya nufe ta da sauri ya shiga girgiza ta

“Minal Minal Minal Minal wake up!”

Da wani irin karfi yake girgiza fuskarta, zafafan hawayen dake masa zuba na ɗiga a saman  kumatun ta, ganin bata motsa ba ya hannunshi ya matse mata baki

“Talk to me Minal Saif ɗin ki ne please Minal please”

Ya faɗa yana taɓa lips ɗinta da wani irin karfi. A nan wata nurse ta nufo shi ta ɗafa tana janshi baya

“Kayi hakuri ta riga ta rasu iya.......”

Bata karasa maganar ba ya kai mata wani mugun haushi nan take bakin nata ya fashe da jini, ba shiri ta fasa ihu tayi waje da gudu.
   Hannu yasa ya tallafo kan Minal ya rumgume ta tsam-tsam a kirginsa kamar mai rai yana kuka

“Please Minal karki Min haka kin san bamu taɓa irin wannan wasan da ke ba, Minal wake up please ko dan babyn mu kin san Mummy tana son ki how can go and leave her! Im still here”

Dukowa yayi dai-dai ita ya haɗa fuskarta da tasa hancinsa yana gugar nata yadda ya sata mata lokacin da take raye,

“I love you Minal...”

A hankali ya faɗa idonshi a lumshe yana goga mata hancinsa hawaye na mishi zuba, yasan da tana da rai da yanzu ta shafa kanshi ko ta mayar masa da amsa.
    Hakan yasa ya sake ta yayi baya yana kallon fuskarta kamar wanda yaga wani abun tsoro ya fashe da wani irin kuka yasa yatsunsa cikin gashin kansa yana matsar gashin da kokarin buga kansa a ginin ɗakin.

  Daga likitocin har nurses ɗin babu wanda yayi unkurin yi masa ko da magana balle ma taɓa sa sai kallonsa suke.
   Shi kuma kuka yake ba kakkautawa kamar karamin yaro, can kuma ya tashi tsaye da sauri kamar wanda akayi ma shocked ya bar ɗakin da gudu,
   Duk gun da yabi kallon sa ake har ya isa parking space, bana jin yasan lokacin da ya buɗe motar ya shiga har yayi mata key, sai da ya tsinci kansa a saman ti-ti sannan ya fara tunanin ina zai je?

_Gida gurin Momi_ Wata zuciyar ta bashi amsa a nan ya kara gudun motarsa kamar mai wasan tsere