You Cannot Download this book untill you login but you can read it .

---

Login Register

sauke ya zauna saman kujera yana nazarin maganganun. A hankali Safiyyah ta kai dubanta gurin Nsir da ya kafe ta da ido yana mata wani wawan kallo, suna haɗa ido tayi saurin kawar da nata idon ta nufi ɗakinta.

  Tana shiga ɗakinta ta maida kofar ta kulle tana safa da marwa, can ta nufi wyarta ta ɗauka ta nanna kira bugu biyu aka ɗauka cikin sauri tace

“Hello Shafa kina ina?............”



             ***         ***         ***

Saif kwana yayi yana nazarin maganar Safiyyah, daga karshe dai ya yanke shawarar zuwa ya samu mummy da maganar Kairat ɗin ta dawo gidan su da zama ɗin dan shi dai baya son yayi nisa da LIL MINAL kamar yadda yake kiranta.



    Safiyyah ce zaune a parlour su Shafa tana labarta mata halin da take ciki, Shafa ta kalleta

“Amman Safiyyah miyasa kika bashi shawarar ya bar ta acan a shayar da ita beside miyasa ma kike son shayar da ita?”

glass cup ɗin dake hannunta ta ajeye

“Saboda shi da Momi su yarda da gaske nayi nadama kuma na cire Saif zuciyata su yarda ina son abunda Minal ta haifa, abunda yas nake son shayar da ita saboda a yanzu babu abunda Momi da Saif suke.so kamar wannan yarinyar idan ina shayar da ita dole zai rika kula da ni zai rika tausayina kuma zai ga girma na yace ya shayar da yarsa ta hakan zan samu kansa har sona ya shiga zuciyarsa”

Kai Shafa ta ɗaga alamar gamsuwa sannan tace

“Toh yanzu ya kike so muyi da maganar Kairat?”

“So nake kije gidan iyayenta da suka haife ta ki faɗa musu tana nan ta shirya shan magani dan ta ba yar Minal nono nasan ba zasu yarda ba tunda budurwa ce ba ta taɓa aure daga haka nasan yar zata dawo daga gareni ni bazani ba tunda sunsan fuskata”

Kalkalewa Shafa tayi da dariya tana bugun kafaɗar Safiyyah

“Shegiya kawata baki da kyau”

Safiyyah ta kalleta

“Hmmm ai kowa yaci tuwo dani miya yasha”

     
           ***         ***         ***

Yadda suka tsara haka kuwa sukayi Shafa ita ta shirya da kanta ta shiga motar ta ta ɗauki hanyar gidan Ibrahim Ahlam.
   Bata sha wahala gurin shiga ba dan masu gadin kallo ɗaya sukayi mata ganin ba yar kananan mutane bace suka buɗe mata gate, a natse tayi parking ta fito ta nufi cikin gidan,
   Cikin sa'ah ta tarar da Hajiya Suwaiba zaune parlour ta ita kaɗai, guri ta samu ta zauna bayan anyi mata iso, sannan ya gaishe ta cike da ladabi, da far'ah Hajiya ta amsa tana faɗin

“Ban gane ki ba”

“Eh ba zaki gane ni ba saboda baki san ni ba amman nazo miki da maganar ne mi muhimmaci”

Hajiya ta gyara zama

“Wace magana nace haka?”

“Nasan baki san Kairat tana shan maganin kowowar ruwan nono ba dan ta shayar da yar da Minal ta bari, idan kuma har kin sani kika kyale ta to gaskiya kinyi kuskure dan Kairat budurwa ce ba matar aure ba hakan zaisa duk namijin da zai aureta ya rika mata wani kallo, gaskiya ku canja shawara ku samu wata ku biyata tayi muku wannan aikin ba Kairat ba”

Tana kai aya Hajiya ta kalleta ta mugun mamaki tace

“Wallahi bata faɗa min ba ban ma san me ake ciki ba taya zan yarda Kairat tayi haka”

Shafa ta tashi tsaye tana faɗin

“Zaki iya kiranta ki tambaye ta dan nasan ba zata ɓoye miki ba sai an jima”

Bata jira abunda Hajiya zata ce ba ta juya da sauri ta fice daga parlour. Hajiya da kallo ta bita tana mamakin maganar. kasa natsuwa tayi sai nazarin maganar take wata zuciyar nace mata karya ne can dai ta tashi ta nufi part ɗin Abbah.
   Cikin sa'ah ta tarar ya tashi daga bachin da yake yana zaune rike da carbi da aƙlama lazimi yake. Sai da ta jira ya shafa sannan tace

“Har ka tashi a she”

“Eh tun ɗazu”

Ya faɗa yana kallonta dan yasan bakinta da magana, tashi tayi

“Bari na kawo maka abinci”

“A a zauna tukuna naga bakin ki da magana ya akeyi.?”

Ajiyar zuciya ta sauke ta shiga kura masa bayani. Kai Abbah ya gingina yana murmushi

“Kairat tana da tunani da hangen nesa yarinya ce mai kaifi basira, tun a bukatar da ta farko na gane hakan”

Hajiya ta kalleshi

“Haba Alhaji budurwa fa ce ba zaura ba ina zan yarda da hakan sam ba zan barta ta aikata wanna kwaɓa ba”

Abbah yayi yar dariya

“Haka zaki gani zaki ga kamar tana shirme amman daga baya zaki gane tana da tunani dan nima haka nayi lokacin da tazo min da zancen Auren Salamatu...!”

Abbah bai ko kai aya ba Hajiya ta daki kirji ta tashi tsaye tana zaro ido,

“Na shiga uku ni suwaiba Kairat ce tace maka ka auri Salamatu? anya Kairat cikin hankalinta take kuwa inna illahi”

Abbah yayi mata wani kallo

“Miye na ɗaga murya haka daga magana Salamatu ce fa sai kace wata bakuwar ki”

“Toh in salamatu ce fa ai daman nasan daga kai Har Kairat ɗin ba banza ta barku ba tun da kurciya ba ayi abu ba yanzu za ayi oh wato ta kwace min miji ta lalata min rayuwar ya ko? tunda ita bata da makoma Toh Wallahi ba zan yarda ba”

Haka ta rika matsifa ta inda take shiga ba ta nan take fita ba, Abbah dai in banda kallonta babu abinda yake har ta gama bururutan ta, ta fice.

         ***         ***        ***
Mummy na cikin bachi ta rika jin hayani ni tun tana ɗaukar mafarki ne har ta farka taga da gaske hayaniya ce ake ko kuma nace faɗa, jin kamar muryar Hajiya Suwaiba yasa tayi saurin saukowa downstairs. Tana kawowa Hajiya ta nuna da yatsa tana hantarar fuska

“Ke kuma munafuka macuciya daga yau sai yau babu ke babu yata bari mijina azzaluma dan kinga baki da makoma ko shiyasa kike son ɓata tawa rayuwar ko wato ki malleke min miji yata kuma ki lalata mata rayuwa to kinyi ƙkaɗan, ni ban taɓa tunani zaki aikata abunda kika aikata ba wallahi”

Ta juyo kan Kairat dake kuka

“Ke kuma kinji na faɗa miki ki haɗa duk abinda kika san naki ne ki bar gidan nan ina xaune na aka zo aka faɗa min komai dan haka ki bar nan gidan tun wuri”

“Haba Hajiya Mummy fa uwata taya zatayi abunda zai lalata min rayuwa ? ba itace tasa ni ba nice nasa kai na”

Kairat ta faɗa cikin kuka,

Hajiya ta hantareta ta hannu

“Aikan ba uwarki bace tun da tayi nufin ɓata miki rayuwa babu ke babu ita daga yau nice uwarƙki nina haife ki”

“Ita kuma ita ta raine ni Hajiya tun ina karama a hannunta na tashi”

Hajiya ta saki baki

“Laaaaa ashe da gaskiyar Zainab au haka ta koya miki ki bata muhimmaci sama da ni dana haife ki?”

  Dr.Salamatu da tun ɗazu kallonsu take ta karaso kusa da Hajiya tana faɗin

“Wai me yake faruwa ne ni ban gane kan wannan maganar da kuke ba?”

Hajiya ta watsa mata harara,

“Kin fi kowa sani tun da ke kike shirya komai ni nayi mamakin abunda kike kokarin wallahi wai har ki yarda Kairat tasha maganin nono bayan kinsan budurwa ce koda yake banga laifin ki ba tunda ba Minal bace ai ita tattalinta kike da yake ita ce yar ki Ke kuma na faɗa miki ki haɗa kayanki ki dawo gida in har ba so kike duniya ta juya miki baya ba”

Tana kaiwa nan ya juya a fusace ta fice. Mummy ta kalli Kairat

“Kin gani ko ɗaya daga cikin illar da nake gudu kenan kinga tun ba a kai ko ina ba mun fara ko?”

“Ba haka bane Mummy kishi ne ya rufe mata ido kuma nasan zata sauko”

Kairat ta faɗa tana share hawayenta Mummy tace

“Kishi kamar ya?”

“Saboda naje na Samu Abbah da maganar ya aure ki shine take ganin kamar ƙkece kika tura ni”

Tassssssss! Mummy ta watsa mata mari idonta jawur tace

“Fita ki bar min gida”

Dafe kunci Kairat tayi kamin ta juya da gudu ta nufi Garden.
Tsugunawa tayi gurin tayi ta kuka, sai da tayi mai isar ta sannan ta tashi ta shiga cikin gidan ta ɗauki key ɗin motar ta ta fice daga gidan.

              ***       ***       ***

Ko da Saif ya shigo ya tararda Mummy zaune a parlour jugummm kamar marar lafiya ta tsura ma tv ido duk da hankalinta ba a nan yake ba,
   Sai da yayi sallama kusan uku sannan ta ɗago ta kalleshi ta amsa mushi ciki-ciki, bayan sun gaisa ya koro mata bayani akan kudurinsa.
      Mummy ta kallesa A hankalce ta soma magana,

“Saif ba zan yarda Kairat ta koma gidan ku da zama ba, Kairat ba Muharrar ka bace komai zai iya faruwa idan har hakan kake so zaka iya auren Kairat dan ta zama mallakinka kaga ita da yarka duk suna karkashin ikon ka da kulawarka,
   A halin yanzu Kairat ta canja shawara ba zata shayar da Yarka ba ɗan haka sai ka nemo mai shayar da ita”

Mummy na kaiwa nan ta tashi ta shige ɗakinta, Saif ya bita da kallon na rashin fahimta da kuma mamakin maganarta.
  Kamar haɗin baki wayarsa tayi kara yana duba yaga number Kairat kamar kar yayi picking sai kuma ya ɗauka

“Saif kazo ka same ni ina Happy Island”

Tana faɗar hakan ta kashe wayar.

      Yana tuki yana tunanin lokacin da Minal take faɗa masa tafison zuwa Happy Island idan tana cikin ɓacin rai saboda guri ne da babu ruwa kowa da kowa ga iska yana kaɗawa babu wanda zai dame ka kayi kukan ka har ƙa gaji babu takura.

    Yana yin parking ya hango ta tsaye jikin icce rumgume da hannayenta, ya ɗan daɗe yana kallonta sannan ya karasa kusa da ita, bata jira ya mata magana ba ya ta juyo ta kalleshi idon ta cike da hawaye tace,

“Ka faɗa ma Safiyyah ta fita hanya ta, ni ba irin Minal bace ta kama gabanta kar kuma ta sake taka kafa taje gidan mu dan nasan ita kaɗai ce zatayi wannan kule-kulen tun da Hajiya tace zuwa akayi aka faɗa mata Wallahi idan bata fita hanya ta ba zata san wacece ni!”

“Kaiyrat .....”

Bata amsa mishi ba ba ta kuma tsaya saurarensa ba ta nufi gurin motar ta.
    Kamar walkiya, Saif ya iso gida cikin fushi ya tura kofar parlour ya shiga. duk suna zaune parlour har Momi kai tsaye ya nufo Safiyyah yana faɗin

“Me kika je yi gidan su Kairat?”

Zabura tayi dan a tsawace ya tambayeta gashi ya nufo ta kamar xai dake ta,
Cikin rawar Murya tace

“Wace Kairat kuma miye haɗina da Kairat da zanje gidan su?”

D sauri Momi ta tashi ta shiga tsakanin su ganin yadda yanayin Saif ya canja tan tambayar abunda ya faru, daker ya ita faɗa mata abunda Kairat ta faɗa masa. a nan Safiyyah tasa kuka tana rantsuwa

“Wallahi wallahi ban je gidan su Kairat ba mi zai sa naje nayi haka wallahi ban taɓa zuwa gidan ba idan har na taɓa taka kafata zuwa gidan su Kairat kada Allah yayi min rahama”

Tana kaiwa nan ta nufi ɗaki tana kuka. Momi ta kalleshi

“Saif batayi ba tun da kaji tayi wannan rantsuwar akwai dai ko wanene amman ba ita bace Safiyyah ta canja yanzu”

Zaunawa Saif yayi saman kujeara yana sauke ajiyar zuciya.

              ***     ***     ***

Tun da uwar Safiya Talatu take safa da marwa daga bakin gate zuwa ɗakin Mummy saboda wani tsoho da ya takura sai yaga Mummy,  wannan karon tana shigowa Mummy ta katsa mata tsawa

“Wai Talatu akwai wasa tsakanin mu ne na faɗa miki bana bukatar ganin kowa a yanzu kije ki faɗa mishi bana da damar ganinsa ko wanene”

Talatu jiki na rawa tace

“Wallahi Hajiya shine ya matsa har da kukansa kuma yace yana tafe da magane mai muhimmaci Hajiya da kin saurare shi ko kaɗan ne dantijo ne”

Mummy ta daɗe kamin ta bata amsa

“Je kice ya shigo parlour”

Da sauri ta tashi ta fice, mummy kuma ta tashi ta shiga bathroom tayi wanka tana fito bata ko shafa mai ba ta saka tufafinta dan bata jin zata iya shafa man, ta ɗauki katon hijab tasa ta nufo downstairs dan tun tana bathroom Talatu ta faɗa mata mutumen ya shigo,

  “Ina yake?”

Mummy ta tambaya tana kallon talatu dan ita bata ga kowa a parlour ba, Nuna mata shi talatu tayi

“Gaya a can”

Nuna shi da Talatu tayi yasa ya taso ya nufo mummy idonsa cike da hawaye, da rawar murya ya kira sunanta

“Sala...ma..tu...”

Yana kiran sunan nata ta watsa masa mari ta sake watsa masa mari, bai yi unkurin hana ta ba har ta wanke masa fuska da mari takwas masu kyau. sannan ta nuna masa kofar fita da yatsa dan bata iya masa magana.



WAI INA DEEN NE?

INA LABARIN HUDA?

ME ZAKU CE AKAN WANNAN DOGON PAGE?

ME KUKA HANGO ZAI FARU A GABA?

PLEASE VOTE VOTE VOTE AND COMMENT ON EVERY LINE.


46

Wannan Shafin Sadaukarwa Ce Gare Ki FEENAH BABY



Hawaye ne suka gangaro daga idon dattijon, ya kalli Mummy da fuskar tausayi ya ce

“Kiyi min ko wane irin hukunci Salamatu na cancanci ko wane irin hulakanci daga gare ki amman ina son ki saurare ni ki kuma....”

Bai karasa ba Mummy ta ɗaga masa hannu har lokacin batayi magana ba ta nuna masa kofa, a maimakon ya juya ya fita sai kawai ya faɗi zaune yana kuka

“Dan Allah ki saurare ni nasan ni mai laifi ne amman kiyi ma girman Allah ki saurare ni”

Sai a lokacin Mummy tayi masa magana da jan ido,

“Sauraren tsawar bakin hadari yafi min saurarenka ganin mutuwa ta yafi min ganin ka, ka fice daga gidan nan tun kamin na kashe ka!”

Kallo ɗaya zaka yi fuskata ka tabbatar da furucin dake fita daga bakinta har cikin zuciyarta yake, shi kuma ya wani marairaice ya koma abun tausayi sai kuka yake yana kokarin rika kafarta

“Ki kashe ni Salamatu matukar kashe ni zai sa ki sassauta min wallahi a shirye nake na mika miki rayuwa ta Salamatu dan Allah ki saurare ni”

“Wallahi ko zan  kashe ka ka sake rai na sake kashe ka ka sake rai na sake kashe ka bazan sassauta maka ba dan haka ka fice min daga gida”

Kuka yake sosai kuka mai ban tausayi,

“Dan Allah ki saurare ni Salamatu ko dan yar mu....!”

“Y'a ....”

Mummy ta ɗan ja baya tana mishi wani kallo da ba zan iya fassara shi ba, shi dai ba kallon mamaki ba, kuma ba kallon tsoro ba, ba kuma kallon tausayi ba.

“Kai baka ji kunyar furta wannan kalamin daga bakin ka ba? ashe kasan kana da Y'a lallai rashin kunyar ka da yawa yake”

Mummy ta kalli Talatu tun ɗazu take tsaye tana kallon ikon Allah

“Ki ra min Sani da Mu'azu”

Cikin sauri ta juya ta fita, bata daɗe ba tadawo tare da su ko wanne sai kallon Dattijon yake da alama ta  labarta musu gulmar. Mummy ta nuna musu shi

“Kun ga fuskarsa kun ga kamaninsa?”

Duk suka ce Eh har talatu, Sani ne ya duka yana kallonsa dan kara tabbatar da kamanin nasa.

“Ku fitar min da shi kuma karku sake bari ya shigo min gida duk kuka barshi ya shigo min gida a bakin aikin ku!”

Kallonta sukayi suka sake kallonta jin furucinta sannan suka shiga kokarin mikar dashi tsaye.

“Idan ke ba zaki saurare ni ba toh ki sadani da Y'a ta, dan Allah ki nuna min ita”

Ya faɗa cikin kuka yana kara zubewa. Hannu Mummy ta ɗaga musu alamar su rabu da shi ta nufi upstairs tana faɗin

“Biyo ni na nuna maka Y'ar ka”

Cike da kwarin guiwa ya tashi ya rufe mata baya har suka shiga ɗakin Minal. Mummy sai da ta kai tsakiyar ɗakin sannan ta juyo ta kalleshi ta nuna masa pictures ɗinta

“Ka ganta nan, gaka tufafin nan, kaga takalminta nan, ga gadonta can da kayan kwaliyarta”

Duk abunda ta nuna masa kallo yake dan shi sam bai gane inda ta dosa ba, can ya ɗaga kai yana kallon hotunan nata,
Wani gurin tana tare da Mummy wani gurin da Kairat wani da Yan makarantar su wani kuma da Deen sai wanda sukayi da abokanta na kasar waje da kuma wanda tayi tare da Mummy da Kairat. Tabbas yarsa ce dan babu abunda ta rage a kamaninsa wani kallo ya bi ɗakin da shi wanda zan iya cewa na farin ciki ne da kuma jindaɗi.

“Ina take.?”

Ya tambaya yana kallon Mummy idonsa na zubar da hawaye.
Mummy kamar mai jira a take ta bashi amsa,

“Ta tafi inda zaka je zanje mu tsayu da ni da kai da ita a gaban mahalincin mu ayi mana hisabi na jidaɗin da ba kayi ido biyu da ita ba na jidaɗin da bata raye bata ga wulakantaccen uban ta ba!”

Nan take kalarsa ta canja hawayen da ke masa zuba suka tsaya, ya saka hannunsa ya dafe gefen zuciyarsa ya faɗi zaune yana kallon tile ɗin ɗakin  kamar wanda bai san inda yake ba.
Mummy ta kwala ma Sani kira, yana shigowa ta nuna masa shi.

“Ku fitar min da shi karku sake bari ya shigo min gida”

“Toh Hajiya”

Da sauri ya duka ya shiga kokarin tayar da Dattijon tsaye, daker ya tashi tsaye har lokacin yana dafe da zuciyarsa ya rika tafiya a hankali sani na ruke dashi har suka sauka downstairs.
       faɗuwa Mummy tayi zaune ta kai hannunta gurin takalmin Minal taja ɗaya ta rumgume ta fashe da wani irin kuka muryarta har rawa take.

                         ***             ***             ***

A hankali Kairat take driving, har ta isa gidansu, bayan tayi parking taja gyalenta ta share hawayen da suka zubo mata sannan ta fito ta nufi cikin gidan. Babu kowa farlon hakan yasa ta nufi ɗakin Hajiya. tun kamin ta karasa take jin shesshekar kukan Hajiya, ta daɗe bakin kofar sannan ta kai hannu ta tura kofar a hankali.
     Unkurin ɓoye kukanta Hajiya tayi ta maida fuskarta gefe tana share hawaye. Kairat ta karasa kusa da ita ta risina ta ɗora hannayenta saman guiwoyin Hajiya

“Ga ni Hajiya gani na dawo”

Bayan ya gama share hawayen nata ta juyo ta kalli Kairat

“Ai kara da kika dawo ba zaki sake zama can gidan ba”

A hankali Kairat ta soma magana

“Hajiya yanzu idan na mutu ya zaki ji?”

Wani kallo tayi mata

“Wace irin magana ce wannan?”

“Hajiya ki auna ki gani yanzu idan na mutu ya zaki ji. naga ke baki shaku da ni kamar yadda Mummy ta shaku da ni ba a hannunta na tashi tun ina karama ita tayi ta ɗawainiya da ni har na kawo a inda nake yanzu rana tsaka sai kika ce zaki raba mu bayan mun shaku da juna kuma ni kaɗaice farincikin ta a yanzu shin idan kece ya zaki ji?”

Shiru Hajiya ta ɗanyi kamin ta kalli Kairat

“Toh saboda me zata sa kije gurin Abban ku kice ya aure ta wane irin halacci ne ba muyi mata ba!”

Tashi Kairat tayi tsaye, ta zauna kusa da ita ta yadda zata fuskance ta.

“Hajiya na tabbatar zuciya ce a kirjin ki Hajiya ba ko taɓa tausayin Mummy ba? ba ki taɓa mata fata na ta sake samun wasu yayan ba? Mummy bata taɓa yi ma Abbah kallon so ba kullum a uba take ganin shi bata taɓa sha'awar auren mijinki ba tun zaman ta gidan nan bata taɓa cin amanar wani ba baki taɓa jin ance an ganta da wani ba,
  Duk da hakan zuciyarki bata yi sha'awar ta kasance abokiyar zaman ki ba? Wallahil azim Hajiya Mummy ba ita ta tura ni tasa nayi ma Abbah magana ba nice naga dacewar hakan kuma nayi masa bata sam da wannan maganar ba sai yau sanadin haka yasa tayi min wannan marin”

Ta nuna ma hajiya gefen fuskarta gurin da yatsun Mummy suka kwanta mata a kunci. ido Hajiya ta tsura mata tana kallonta kamar mai karantar abu a fuskarta. zuwa can ta ɗauke kai ta sauke ajiyar zuciya. Kairat ta rika hannunta

“Na sani Hajiya Mummy ba zata taɓa yarda ta auru Abbah ba. saboda halaccin ta ki kwantar da hankalinki aure ba zai taɓa shiga tsakanin Mummy da Abbah ba”

Hajiya dao bata ce mata komai ba, hawayen dake makkale a idonta suka zubo mata a nan ta dantse bakinta. Sun daɗe a haka ganin bata da niyar magana yasa Kairat ta tashi. har ta kai bakin kofa sai kuma ta juyo ta ta kalleta daga gun da take da duka kasa ta haɗe hannayenta kamar mai neman gafara tana hawaye tace

“Na haɗa ki da girman Allah Hajiya karki hana ni shayar da Lil Minal, Hajiya ko da Minal na raye ni mai iya shayar  da Y'arta ce balle bata raye, Kullum Minal tana faɗa har a gaban ki cewar idan ta haihu ni zan raini yarta dan Allah Hajiya karki hana ni yin wannan shi ne farin ciki ne”

Har lokacin Hajiya bace mata komai ba sai hawaye take. Kairat ma bata sake cewa wani abun ba ta tashi jiki ba gwari ta fice.

         
                       ***                  ***                   ***

Nasir ya sauke ajiyar zuciya tare da shafa kansa,

“Toh kai yanzu ya kake ganin za'ayi?”

“Ya za'ayi ban da a kyale ta in yaso sai Safiyyah ta shayar da ita”

“No”

Nasir ya girgiza kai

“Ni kaina ban yarda Safiyyah ta shayar da ita ba Kairat ce ta cancanta ta shayar da ita kuma na tabbata da ta samu damar yin wasiya da sai ta faɗi haka”

Shiru Saif yayi yayi ma bakins wani abu alamar damuwa

“marry her and make her happy shi ne abunda Minal ta faɗa min lokacin da zata rasu tace min ka auri Kairat dan ku kula min da abunda zan bari that's mean na bar Kairat ta kula da yarta but the problem is ita ta ki aminta”

Nasir ya tari numfashinsa

“Wannan ba hujja bace kamata ƴyayi ka lallaɓa ta baka san dalilinta ba tun da kaga abun ya kai har gurin iyayenta”

Saif ya kalleshi

“Lallaɓa ta? karamar yarinya ce da zan lallaɓa ta”

“Ba a haka Saif yarinyar yar ka ce bai kamata ka nuna halin ko in kula ba beside ni wallahi Kairat ɗin nan har tausayi take bani yarinya ce mai hakuri da hangen nesa ta raba hankalinta gida biyu ni ina ganin ma ta wannan hanyar zaka iya cika burin ka ka kuma cika wasiyar Minal”

Kai  Saif ya gyaɗa

“I'm not ready yet”

Nasir zaiyi magana wayar Saif tayi kara, ganin number Abbah yasa shi saurin ɗauka,

“Hello. okey gani nan zuwa”

Shine kawai abunda ya faɗa ya kashe wayar ya kalli Nasir

“Daddy na nema na”

“Ok muje kaji kiran nasa sai muje gidan su Kairat ɗin”

Tashi sukayi tare suka shi ya nufi part ɗin Daddy Nasir kuma ya nufi parlour Mummy.

   Da sallama ya shiga. bayan ya samu guri ya zauna ya kalli Daddy yace

“Gani Dad”

Sai da ya gama duba jaridar dake gabansa sannan ya ɗago ya kalli Saif.

“Akan maganar Huda ne ko ɗazu sai da Mahaifinta yazo gidan nan, ya faɗa min ko abinci bata iya ci a yanzu ta koma wata kalar mace su kansu yanzu abun ya dame su”

“Toh ya za'ayi da Kaddara tayi hakuri kawai haka Allah yaso”

“Ba haka naso ji daga bakin ka ba Saifullahi ya kamata ace a yanzu ka duba mata nasan iya nadama yanzu tayi ta kuma kaga ko dan yawon da mahaifinta yake a gidan nan ya kamata ka mutun ta shi”

Bakinsa ya cika ma iska

“Dad ni fa ban gane ma maganar ka ba wannan zirga-zirgar da mahaifinta yake yi ban ga amfaninsa ba kai ma sai naga kamar kana manta babu aure tsakani na da Huda”

“Akwai aure tsakanin ku mana ba saki biyu ka yi mata ba?”

“Biyu nayi mata a yanzu can farko na yi mata ɗaya kaga babu aure kenan ya cika uku”

“Subhanallahi”

Daddy ya faɗa yana ɗan nazari

“Dad ita kanta tasan da haka sai idan sune bata faɗa ma ba amman Momy ma tasan da wannan”

Nisawa Daddy yayi

“Bari zanyi magana da Abban nata amman ka tabbata da gaske ne dai ko?”

“Wallahi Daddy da gaske ne ka tambayi Momy tasan komai”

Kai Daddy ya ɗaga masa yana