You Cannot Download this book untill you login but you can read it .

---

Login Register

mata harara baice komai ba, ya kalli Ummuh yace“Ummuh zanje naci girkin Mamah yau tuwon shinkafa nace tai mana. Ihsan zo muje na baki sak'o ki kawoma Aunty B.” ya k'are maganar yana mik'ewa tsaye, ya zura hannayensa aljihun wandonsa, ya saka takalminsa zai fice ta mik'e tsaye ta kamo damtse hannunsa ta janyo hannunsa waje ta rik'e masa tafin hannu. Wani irin laushi biyu ne da d'umi ya ratsa hannayensu. Ajiyar zuciya sukasauke atare. Kallonta yay akai-kaice yace“Mamy wai miye don Allah?” Bata kalleshi tace “Deeni ice cream zan sha. Ummuh kice ya siyamin.” Idanunsa ya d'an runtse da k'arfi aransa have “Mamy zata kasheni wlh. D'an murza lallaunsan tafin hannunta yay da yake cikin nashi, ya janye hannunsa da sauri. Sakammakon wani shock da ya jasu atare. Yace “Okay zan siya miki.” Ya fice da sauri, yana fad'in “Ihsan muje.” Ummuh tace“Kafa rabu da shirmanta tinda ita babar banza ce, tasan kanada kud'in ko bakada? Karka siyo mata. Inace yazu ba jimawa ta zo? Mai ya hana ta siyo awajan aikinsu?” Deeni bai tankaba ya bud'e k'ofar gidan ya fice Ihsan tabi bayansa. Mamy ta zube ajikin Ummuh ta narke jikinta tana matsalar k'walla tace“Ni kawai ba'a sona gidan nan Bari naje na had'aku da Goggonah. Ummuh tace“Allah ya temakeki ya bada sa'a. 'Yar dariya tai tana lumshe idanunta kasala ta gama baibaye ko ina na jikinta. Zazzune suke saman tabarma misalin 8 pm. Su na dinner, harda Abbansu mai unguwa, Wanda haka al'adarsa take, zama cikin iyalinsa yaci abinci ana raha. Mamy tana gefe tai wanka taci kwalliya tana jiran AUTAH. Gidan Babban yaya (Yaro). Goggo ce k'ofar d'akinta zaune, saman tabarma, 'yar k'aramar fanka na bata iska sabida zafin da ake, gari ya had'a hadari. Sai gurzar goro take, amagurjin goron, tana watsawa bakinta. 'Yan jikokinta kewaye da ita suna cin tuwo. “Kunga nifa matsalata daku kenan shegen surutu sai kun k'ware, 'yan banza masu kan giginya.” Hamrah tai dariya tana kwaso tuwon ta dungurama Goggo Nandou abaki. “Lah! Ni Hamara kike ma d'uran tsanwar miya? Deeni kana zaune zasu kashe maka ni?” Ta k'arashe maganar tana mik'ewa ta nufi fanfo Hamrah na dariya ita dasu Jalil. Zaune yake saman tabarma kusan mama ladi, yana cin tuwon shinkafa da miyar lalo wacce taji busashen kifi, da man shanu, sai lumshe rikitattun idanunsa yake. Sai yanzu ya kalli yaran yace“Wlh zanci uwarku Hamrah idan na sake gani kunsan bana mgna biyu koh? Goggota kiyi hak'uri bari na siyo miki kifi kinji.” Goggo Nandou tace“Hajara ni zaki ciwa mutunci ki aiko yaranki su d'uramin tsanwar miya abaki sabida kina son ganin bayana?” Mama ladi tace“Allah baki hak'uri Goggo.” Taja bakinta ta tsuke. Zaharaddin dole ya mik'e ya Kama hannun Nandou ya kaita ta zauna yay mata rad'a akunnenta ko me yace oho musu, dariya tai ta ce“Ban mukashe jika mayata kaka.” Sai da ya mata wayo ya dawo kusan Mama ya zauna yay loma d'aya yacire hannunsa yace“Na k'oshi.” Mama ladi ta shafa yalwatacciyar sumar kansa, mai laushi ta ce“Rigimanme, cin tuwon ma kamar dole, Deeni sai kukayi Yaya, ko once kukayi uba yau an bada uwar rainonku.” Idanunsa ya runtse da k'arfi ya fesar da iska mai zafi daga bakinsa ahankali ya bud'e baki wajan cewa“Allah ya sanya alkhairi.”Mama tace“Ameen Allah yasa wannan karon ayi bikin karta kwanta jinya.” “Ameen” Yace yana mik'ewa yace“Bari na watsa ruwa, zan d'an FITA. Wai Jamaluddin ina ya shiga mama?” Maman tace“Ya wuce wajan shagon computer, baka lek'a wajansa bane?”yana tafiya yace“Eh naje wani wajene.” Goggo Nandou tace“Hajara kin gama munafurcin ko? Wai me Bilkisu ta tsare mikine? Ko kin d'auka d'anki auranta zaiyi da gaske shiyasa kika k'ago tai auran?” Mama ladi tace“A'a Ina Zan d'auka me zatayi da yaronda taci kashin sa da fitsarinsa? Allah bada hak'uri wlh ina sontane da rahamar ubangiji, dan aure rahamace.” Goggo Nandou ta tab'e baki tana fad'in “Insha ALLAH AUTAH shine mijinta na har abadan, ko anaso ko ba'aso.” Ladi bata kulataba ta shiga tartare kwanunka da yaran sukaci abinci. Tafe take tana waya sai murmushi take. Tana sanye da hijab milk color har k'asa, mai hannu ya mata kyau matuk'a,sai baza k'amshi takeyi, tafiyar tata abin burgewa, sam bazaka kalli Mamy kace shekarunta 34 ba! “Uhmm AUTANA ni dai gaskiya tinda ka katsemin aikina dole sai na rik'eka har 10 pm, ga kuwa hadari nan ya gangamo ah toh.” ta k'arashe maganar cikin siririyar muryata mai dad'in sauraro. Ta na kallon k'aton filin gidan nasu cikin hasken k'wan fitilun kowace k'ofa akwai k'wan fita da ya haske k'ofar. Hannunsa zube cikin aljihun wandonsa yake tafiya cikin izzarsa yana gaggawa yaje gaga lfy Jamaluddin baizo gida ba, ya kirasa wayar bata shiga. Yana kallonta duk abinda take ya kauda kansa yazo ta gefenta ya rab'a zai fice sabida tazo dab da soron k'ofa. Kallonsa tai tana katse wayar tace“Kai idan ka fita kace ma Mijina ya shigo tsokanarsa nake na fito.” Cak ya tsaya dab da ita, ya waigo gefenta, ya kalleta fuskarshi asake cikin cool voice nashi mai dad'in gaske yace“Ok Bilkisu insha Allahu.” ya sa kai zai fice. Taji haushin kiranta Bilkisu kai tsaye ba girmamawa, ta sha gabansa tace“Bakada kunya ni kake kira Bilkisu?” Ta k'arashe maganar ashagwab'e ta dakeshi ak'aton k'irjinsa. Tana mammatse idanunta. Ta ce“Wai d'azu ka siyomin ice cream d'aya? Pls ka k'aromin.” ta k'arashe maganar tana sake tare hanyar. Deeni ya kafa mata rikitattun idanunsa masu tasiri akanta. Bai tankata ba ya rab'a ya wuce. Tsaki taja tai zaune saman banci tana jiran AUTAH. Deeni yana fita bai ko kalli motar ba bare yakai sak'on nata shi ta d'an uwansa yake. AUTAH jin shiru Mamy bata fito ba ya Kira. “Haba My Queen...” “Rigimamme nafa aikin yaron nan ya Kira min kai bai fad'ama ba?” AUTAH yace“A'a ba yaron da yazo.” Mamy ta ciza lips d'inta cike da haushin Deeni tace“Ok shigo.....” ★★★ Bayan kwana shidda ya rage gobe ne d'aurin aure da tarewa. Wannan Karon dingi ba mai cikakken bacci an dage da addu'a akan auren Bilkisu Allah ya amince ayisa, sabida ganin Abu ya matso bata kwanta jinya ba! Bilkisu Tasha gyara Masha Allah ciki da waje, kasancewarta mace mai Neman sanin duk wani Abu da zai gyara mata jiki da baiwa had'i abun k'amshi toh zata siya duk tsad'arsa sai dai idan batada kud'in siya. Anje anyi gyaran d'aki komai da komai, Masha Allah gidanta tamfatsetsan ginin zamani yaji komai na rayuwa, dangi sai yabawa suke tai daca miji na gari ga gida na zamani. Family's d'insu akwai had'in kai gasu talakawa amman akwai takaici, anyi mata kaya nagani na fad'a dai-dai na talaka, itama ta k'ara da nata, dan mai unguwa da Yaro sunk'i yarda da kayan da AUTAH yace zai mata order d'insu. Akwati 12 shak'e da tsadaddun kaya AUTAH ya mata jama'ar unguwa da gida sai son barka ake 'yan tsurku nayi. Yadda ta sha murza da tsumin turaroka kala-kala, siririn jikinta ya qara samtsi da taushi sai shek'i take idan ka kalleta dole ka sake kallonta tai mugun kyau ga masifaffan k'amshinta mai ratsa zuciya, ko giftawa tai k'amshi ya samu muhallin zama awajan. An rangad'a mata kitso da k'unshi, na kece raina kallo d'aya zaka mata kasan cewa eh ita d'in amaryace. Tsakaninta da Deeni kuwa kowa sabgar gabansa yake, tin ranan bata kuma shiga sabgarshi ba. Shima haka ya sawa zuciyarsa salama yasan komai na Allah ne, ya matsu su gama huta ya tafiyarshi, amman sonta da k'aunarata akullu k'ara nink'aya yake acikin zuciyarasa yasan bazai tab'a daina sonta ba, sabida tinda yazo duniya yake k'aunarta tin baisan irin son da yake mata ba har ya sani. Komai nata idan zai faru yana ji ajikinsa. Ummuh tana zaune gefe jama'ar gidan tare da mak'ota sai aikin kayan miyar biki ake,. Goggo Nandou ta shigo tana tokare sanda tace “Maryama ina Bilkisu?” Ummuh cikin girmamawa tace“Ai tin safe ta tafi gidan Zuhura tace can zata kwana k'awayanta zasu had'a musu shagalinsu can, nan takura zasuyi. Amman na mata kashedin karsu kuna ko radio idan dai ba karatu zasu saurara ba.” Goggo Nandou ta shiga tafa hannuwa tace“Zuhura ce sakara ta barosu tazo ta yini anan. Aikuwa yanzu-yanzu kirawomin ita Bilkisun bani ita awaya ta dawo kafin magarib.” Da “Toh” Ummuh ta amsa tana laluban number Mamy ta kira. Wayar akashe, ta Kira ta Zuhura ba'a d'aga ba. Ummuh tace“Mama wayar akashe.” “Ai kuwa zan tura ubanta Mai unguwa yanzu ya kawota shegiyar yarinyar tsigalala, da bata san ciwon kanta ba. Muna Neman ayi abu lafiya agama shine zataje su kunna kid'a gayyar shaid'anu.” ta fice tana masifa. Sai bata hak'uri ake ba wanda ta kula ta fice. Sanye yake da wasu mahaukatan k'ananun kaya wad'anda sukayi masifar masa kyau, sun fito da asalin kyawunsa da murd'add'an jikinsa, kana ganinsa kasan yana training d'in jikinsa, sai wani fitinannan k'amshi yake zubawa. Sauka yay daga kan mashin d'in yana zare key d'in ya zura cikin aljihun wandonsa, ya zaro wayarsa ya Kira number Aunty Zuhura. Tanata ringing ba'a d'aga ba, har kiran ya yanke ya sake Kira. Sai da ta kusa katsewa aka d'aga hayaniya ta cika masa kunne ya rik'e hab'a zaiyi magana yaji daddad'ar muryata ta daki dodon kunnensa, cikin sanyin murya tace“Hello Assalamu Alaikum, bata nan mai wayar sun tafi kasuwa, ki sake bugowa anjima.” Kitt ta tainke kiran dan har ga Allah bata tsaya ta duba sunan da kyau ba, sabida yadda takejin cikinta yana azababban ciwo da kanta, ga hayaniyar su Adama da Fauzi k'nnanta sai Nabila k'awarta da sauran k'awayenta dukkansu sunada aure da 'ya'ya amman abinda suke yau kasan ba k'aramin farin ciki suke yiba Nabila ta ajiye girman tana tik'ar rawa yarinyarta Hindu takai 12 years sai dariya take tana rawa itama. Deeni yayi maamakin jin Zuhura bata nan amman sun cika mata gida da kid'a kamar wasu yara, geme-geme dasu, baza suyi alwala ba su d'auki Qur'ani su karanta suka bi hanyar shaid'an? Tsaki yaja ya sake kiran layin cike da haushinta. Tana dab da yankewa Mamy ta d'aga kiran tare da sallama. “Kizo k'ofa yanzu zamuyi magana.” Mamy jin murya da bata tsmmataba ya saka ta jin wani iri ga cikinta na ciwo sosai, cikin tsiwa tace“Bana son rainin hankali ni sa'arkace zaka kirana kace nazo k'ofa bazan zo ba d'an rainin hankali.” ta k'arashe maganar cikin dauriya tana lumshe manyan idanunta da sukayi jajir tana fitar da zazzafan numfashi. Deeni yace“Mamy bakida lafiya koh? Pls kizo sak'on Aunty Zuhura zan baki, sai muyi sallama da asubah zan wuce makaranta insha Allahu.” Tsaki taja tana ciza lips d'inta na k'asa tace“Ina ruwana da tafiyarka? Bazan fito ba d'an rainin hankali. Ba fushi kake daniba ka shareni wajan kwana 6 ko wulginka na daina gani?” ta k'arashe maganar cikin shashek'ar kukan da bata san ma ta fara ba, ta tsinke kiran ta ajiye wayar ta mirgina tsakiyar bed d'in tana toshe kunnuwanta. Bata son qaran sautin radion. Deeni yaji zafi sosai abinda ta masa amman ba yadd zaiyi ita d'in jininsa ce. Yasan kuma fushi take da shi. Kukan ya d'aga masa hankali, bazai so wani abun ya sameta ba, sabida yanjin maganarta yasan batada lafiya. Kai tsaye ya tura k'ofar soron ya shiga da sallama. Nabila cike da kunya ta zauna tana fad'in “K'ananmu!” Deeni ya harari Fauzi da Adama, ya maida kallonsa kan Nabila yace“ Aunty Nabila da girmanku sabida Allah kuke wannan aikin baza ku zauna kuyi karatun Qur'ani ba tare da Addu'ar Allah ya nuna mana gobe lafiya a d'aura auren nan. Sai Ku fake da kid'a da rawa kuna k'ara kusanta kanku da shaid'an....” Wani gigitaccan ihuuun Mamy ne ya kard'e ilahirin gidan baki d'aya, Wanda ya razana su Nabila sabida murya abin tsoroce. Deeni aguje ya nufi d'akin da yaji ihuuuuun.........!🖊️*🙆🏻‍♀️MIJIN MAMY😭*

_GARKUWA WRT ASS..._

*Bismillahir Rahmanir Raheem*

*ςհɑԹԵҽɾ7️⃣&8️⃣*

Aguje ya isa tsakiyar falon, bai gantaba, ya danna kansa cikin bedroom d'in inda yake jiyo gurnaninta. Cak ya tsaya yana kallon ikon ubangiji, ganin yadda Mamy ta k'akk'andare, idanunta sun firfito waje, harshanta ya zalzalo kumfa na fitowa da ga bakinta, tana wani irin ihu mai had'e da gurnani. Deeni ya isa saman gadon ya zauna yace“Ikon Allah yau tanan kuka b'illo? Su Nabila ne suka shigo ganin halin da Mamy take ciki ba k'aramin firgitasu yay ba. Atake suka zube ak'asa suna sakin kuka. Deeni yace“Dallah can kuma mutane shiru, suwaye suka janyo mata wannan masifar? Ai kunada kamasho aciki. Akawomin ruwa a cup.” Ya k'arashe maganar yana zama saman gadon , ya sanya hanunsa ya ciccib'eta amman ina ta sandare bata lankwasuwa. Fauzi Ce ta kawo ruwan a cup ya amsa yay bismillah ya fara karanto yasin, ya karanta Ayatul'kursiyyu, ya tara hannunsa ya dinga shafa mata addukan jikinta ta saki wani irin k'ara mai firgitarwa, wanda ya saka su Nabila fita aguje su biyar ba wcce ta tsaya acikin gidan sai k'ofar gida. Mamy jikinta ya fara saki daga sandarewa da tayi, tana wani irin zanzana, idanunta suka rufe ruf. Deeni yana ganin hakan ya ciccib'eta dukkanta, abinka da siririyar mace. Tsam ya rungumeta jikinsa, ya d'ago da kanta, ya tallafe fuskarta da hannunsa ya d'ora bakinsa saman kunnenta, cikin nutsuwa da kamala ya furta. “Sannunku da zuwa ya Ku azzalumai, me kuke nema jikin baiwar Allahn nan?” ya k'arashe tambayar yana buga kanta da k'arfi. Wani irin k'ara aljanin yay yace“Banason kowa ya aureta, nine mijinta na har abadan. Sannan wannan karon bazamu kwantar da ita jinya ba zamu bari ayi auren amman Tahir zai mutu kamar yadda Lawan ya mutu...” Buge bakin Deeni yay cikin zafin nama yace“Kaci ubanka azzalumi mugu bak'in arne, bani aya ko hadisin da Allah da manzonsa sukace a tsakaninmu daku akwai aure?” Bushewa yay da wata irin dariya yace“Kaifa d'an iskane munganoka abokin adawarmune, kana sonta ko? Deeni yace“Eh ina sonta ina rok'on Allah mad'aukakin sarki yasa auren nan ya juye akaina lokacin zaku gane ba Ku kad'ai bane tantirai, harda jinsin mutane akwai tantirai.” Ya na Kai k'arshen maganar bai jira me aljanin zaice ba, ya rik'e kanta da kyau bakinsa cikin kunnenta ya fara karanto suratul baqarah, da dukkan iyawarsa yana k'ugawa sosai. Acan gidansu kuwa Goggo Nandou, tana zuwa part d'insu ta d'auki wayarta ta k'ira Yaro mahaifin Deeni, bugu d'aya ya d'aga tare da sallama cike da girmamawa. Goggo Nandou tace“Yaro kaga yarinyar nan, salon ta janyo mana salalun tsiya, su na gidan Zuhura an tara shed'annu ana kid'a da raye-raye bayan ba lafiyace da ita ba, idan shegun aljanunta suka tattaro family's d'insu suka ritsasu abun bazai kyau ba.” Ajiyar zuciya Yahaya ya sauke yace“Subahanallahi! Ummi kiyi hak'uri bari kuwa yanzu da kaina zanje na sanyota agaba, ya muna murna wannan Karon zamuyi biki lafiya ba Matsala suje su kunna mana kid'a? Kiyi hkr bari naje na d'aukuta.” Su na sallama,ta Kira mai unguwa mahaifin Mamy ta sanar dashi kamar yadda ta sanar da Yaro ta shaida masa ta aika Yaro. (Daman kuma haka take musu idan D'an wanan yay abu sai ta fara sanarwar Yaro kasancewarsa babba kafin ta sanar da mahaifin yaron, su dukansu mazan biyar haka take musu. Ladee tana gindin murhu tace“Ai kuwa Goggo gwara da kika shaida musu aje akorota gida, Mamy na rasa wace irin matace, geme-geme da ita uwar wane kakar wane amman tana abu irin na yara 'yan shekaru Sha biyar. Fisabilillahi dan ta ga jikin yara Allah ya bata 'yar siririya sai ta maida kanta baby...” Goggo Nandou ta zurawa Ladee ido har ta gama b'ab'atunta, lokacin da take zuba shinkafa atukunya. Goggo Nandou tace“Hajara kin gama zagin Bilkisun? Ladee tace“Allah bada hak'uri daga fad'in gaskiya, ai muma munaso a d'aura auren nan ba tare da Matsala ba.” Goggo Nandou tace“Allah yasa toh.” Ladee tace“Ameen tana gatsina fuska ab'oye aranta tace“Ai dole mamusu wlh inajin tsoro a mannawa yarona a toh... Ai kuwa kusan atare Yaro da mai unguwa suka isa gidan k'anwarsu Zuhura. Lokacin ne su Fauzi suka fito waje aguje suna hak'i. Yaro yace“Kai kukuma wane irin rashin hankaline wannan? Sabida Allah Nabila kece babba amman kuke irin wannna abun? Idan ita Mamy shirme da sakarci ya mata yawa sai ki tattaro daga gidanki kikazo kuka tare anan kuna aikin kiran shed'an ko?” Nabila ta rusuna tace“Papi ayi hak'ura wallahi bazamu kumaba munga abinda yafi k'arfinmu yau d'in nan.” Mai unguwa yace“Ina ita Mamy take? Ya naga mashin d'in Babandi anan?” Fauzi ta isa wajan mahaifin nata ta Kama hannunsa tace“Abba wlh aljannu sun shafeta, kunga abinda take ihun ne ya tsoratamu muka fito aguje tana ciki yana mata karatu.” Yaro yace“Kunga irinta ko? Nace kunga abinda muke gudu ko? Ina Zuhura d'in? Adama tai saurin cewa “Ai sun tafi kasuwa itada k'awarta.” Mai unguwa yace“Ku shige mu shiga Allah ya tak'aita wahala, Mamy.” Toh fa lokacin da suka shigo alokacin ne suka tarda aljanin yana magana, yana fad'in idan an d'aura aurenta da Tahir AUTA zai kashe shi. Abin ya girgizasu sosai, amman sai suka d'auka ai shirman aljanine. Su na k'ofar d'akin tsaye sun kasa cewa uffan sabida gani lamarin babbane, har zuwa yanzu da yake karanto mata baqarah tana zunduma ihu. Yaro ya shigo yana fad'in Babandi ubangiji yay maka albarka, sannu da qoqari idan yak'i fita ak'one la'ananne kawai.” Ya k'arashe maganar yana sunkuya gaban gadon ya rik'e masa k'afafunta tana harbe-harbe. Mai unguwa ya iso shima ya fara karanto zafafan ayoyin Qur'ani mai girma, yana tofa mata, kusan 22 minutes suna k'one aljaninan da ayoyin Allah. Sai sukaji yana fad'in. “ Ba kun cika taurin kaiba? wallahi indai nine Zakari Ambassador d'in birnin k'udus kujira kuga mai zai faru cikin kwanakin nan, saura k'iris na zama mijin Mamy na zahiri wallahi Mamy matata saura k'iris na rabaku da ita ma'assalam yaku bil Adam masu taurin Kai na tafi nayi jinya na dawo.....” Yana idar da maganar wani irin hayak'i mai azabar bak'i ya rink'a fita daga bakinta, da hancinta, tai wata mahaukaciyar atishawa jikinta ya saki ta narke ajikin Deeni sai bacci. Yaro yace“Mai yasa baku k'one shege ba?” Mai unguwa ya mik'e yace“Babban Yaya kana ganin abin nan na wasane kuwa? Daman aljanune suka auri Mamy?” Yaro shima ya mik'e yace“Wallahi ba abinda zai faru sai alkhairi su sun isa su mata abinda Allah bai mata ba? Aljani fa k'araya gareshi wlh zaiyi duk yadda zaiyi dan yaga an FASA auren, wa kaga yana biya maganar jinnu idan ba marasa tauhidi ba? Muje za'ayi ta addu'a insha Allahu lafiya za'a d'aura auren Mamarmu ba wata matsala. Babandi ka kwantar da ita ka jira ta farka sai ka kawota gida. Ku kuma sai ku wuce ko wace ta tafi gidanta, tinda kun jijjib'o mana masifa.” Ai sumi-sumi suka fice kowace ta tattara yanata -yanata. Deeni yana k'ok'arin kwantar da ita ta k'ank'ameshi tana tura kanta tsakiyar k'irjinshi, cikin murya mai kamar ta 'yan maye ta ke fad'in Deeni karka barni kaji.” Kallonta yay yaga bacci ma take abinta ta rik'eshi ba rik'on wasaba. Idanunsa ya runtse gam ya zagaye hannayensa gadon bayanta ya rungumeta gam bakinsa dab da kunnenta yace“Mamy MATAR aljan sabida me kikace kar na barki? Bayan kinamin tijara? Ai kuwa da asuba Zan fece ban jiran ganin aurenki.“ Kuka yaji ta saka masa tana k'ank'ameshi tana kiransa “Deeni.” Kyakkyawar fuskarta ya kalla, kitsonta masha Allah, ya kalli santaleliyar k'afarta fara tashan k'unshi. Ahankali ya furta. “Ya Salam! Mamy zaki kasheni.” Ya fad'i yana buga bayanta ya lek'o yaga bacci take sosai harda minshari. Kakkauran jajayen lips d'inta ya sumbata sai da k'aran ya fito tsutt. Ta k'ank'ameshi tana kiransa “Deeni marata ciwo” Ahankali ya nufi hannunsa saman shafaffan cikinta ya shafo amman ya kasan kai hannunsa k'asan marata. Ajiyar zuciya ta sauke, tace “Deeni massage pls. Idanunsa ya zaro waje yana danne dariyasa dan tabbas ya yarda Mamy bata haiyacinta. Cikin dubara ya samu ya zare jikinsa ya kwantar da ita ya runguma mata pillow, ya kama kanta ya tofa mata addu'a ya sauka daga saman gadon ya fito waje tsakar gida. Ido hud'u sukayi da Yaro mahaifinsa. Deeni yace“Papi ta samu bacci sosai banjin zata farka nan kusa.” Papi muje gida tinda magarib ta gabato bayan sallar isha sai nazo na d'auketa.” “Toh ai mun kora su Fauziyya ga Zuhura bata zoba, shirmamma ai duk laifintane ma...” Sallamar Zuhura ta kard'e gidan yaranta na biye da ita. Rauda da Ayman 'yan biyune 'yan kimanin shekaru 9. Zuhura ta waro idanunta waje tana tsayawa tiris da cikinta da ya tasa, tana fad'in “Lah! Su Ya mai unguwa sannunku. Deeni yaushe kukazo?...” Yaro yace“Imana shiru mashiririciyar banza. Dan Mamy ta girmeki ba d'iya take wajanki ba? Sai kika biye mata da shirmanta ga shi ciwonta yau ya bayyana. Gatacan kwance idan ta tashi ki Kira Babandi yazo ya kaita gida karki kuskura ki barta ta fita ita d'aya.” Zuhura ta shiga rarraba idanunta tace“Ya Yaro kuyi hak'uri hakan bazata sake faruwaba, Allah bata lafiya.” Da “Ameen” suka amsa. Ayman ya rik'e Deeni yace“Uncle Zan biki tinda gobe weekend ne ba school. ” Rauda ma tace zataje. Haka ya goyasu Ayman bayan mashin Rauda agaba. Su Yaro kowa ya d'au mashin d'insa suka nufi gida sabida magarib ta matso. Zuhura ta Shiga d'akin tana mai cike da tsoron abinda zata gani. Mamy tagani tana baccinta rungume da pillow. Fita tai ta share gidan ta d'ora girkin dare kafin Mamy ta farka. AUTAH ne tsaye jikin motarsa acikin katafareran gidansu, hankalinsa amugun tashe yana k'iran number Mamy akashe. Ahankali ya furta“Ko dai ciwon ya kwantar da ita? Da rana munyi waya tana cemin kanta yake ciwo, bari nayi sallah naje gidan aunty tata na dubata.” Ya k'arashe maganar ya na nufar cikin gidan domin d'auro alwala....🖊️*🙆🏻‍♀️MIJIN MAMY😭*

_GARKUWA WRT ASS..._

*Bismillahir Rahmanir Raheem*

*ςհɑԹԵҽɾ9️⃣&🔟*


Wani hamshak'in falo AUTAH ya shigo, da sallama. Falon wanda ya ji manya-manyan kujeru na alfarma da kayan alato. Wata kyakkyawar dattijuwa bak'a azaune, 'yar kimanin shekaru 60, tana Jan casbi. Amsawa tayi fuska asake tana fad'in. “Ango kasha k'amshi, daga ina?” Kusanta ya zauna yana jinginu da kafad'arta yace“Ummee daga company nake, inata kiran Bilkisu ba na samunta, da rana munyi waya take fad'amin batajin dad'i, shiyasa duk hankalina naji baya kwance.” Murmushinsu na manya tayi, ta shafi kansa tace“Insha Allahu tana lfy, ka gaishemin ita idan kaje.” Kai ya jinjina ya mik'ewa yaje d'auro alwala yana tafiya yace“Ummee su Haneefa basu dawo ba?” “Ai anajin sai da safe su taho da Hibbah.” Kansa ya jinjina ya fice zuwa masallaci. Deeni tinda suka koma gida, baida nutsuwa ji yake kamar wani abun zai iya samun Mamy. Agaggauce yay wanka ya tafi masallaci. Goggo Nandou tana idar da sallar magarib, yau azkhar bata tsaya yiba, ta koma 'bangaransu Mamy. Ummuh tana zaune saman darduma, tana kwararo addu'o'i Goggo Nandou ta sameta. “Maryama ya labarin wajan Bilkisu ta iso?” Ummuh sai da ta shafa addu'a ta maida hankalinta wajan Nandou tace. “Bata zoba.” “Zata dawo na fad'awa mahaifinta k'ilan lokaci ya k'urene sai sunyi sallah suje suzo da ita, shashashar banza, ina nan sai ta k'araso, ta ga yadda zamu kwashe da ita, yarinya gotai-gautai, ba wayo. Kai Ruda kike kowa wa? Wa ya kawoku?” Raudah tace“Goggo uncle Deeni yace muzo yanzu Mamy zatazo sai mukwana wajanta.” Nandou tace“ Kaji Ko uhmm inanan ai.” Ta k'arashe maganar tana zama saman tabarma, tana kallon yadda gidan yake cike da bak'i, danginsu da na Maryama, kowa murnar yake Mamy zatayi aure. B'angaran AUTAH yana idar da sallah ya shige mota ya nufi gidan Zuhura. Kwance take tayi d'ai-d'aya saman bed, bacci take ba na wasaba. Fuskarta fayau kitson amarcin ba qaramin kyau yay mata, ba yadda zaka kalli Mamy kace shekaru talatin har da hudu gareta aduniya. Zuhura tana cikin addu'a taji sallama. Ta shafa addu'ar ta mik'e ta isa wajan Mamy ta d'an bubbuga damtsen hannunta. Firgiggita ta farka bakinta d'auke da addu'a. Zuhura tace“Tashi ki watsa ruwa kiyi sallar magarib. Bari na lek'o waye ke buga k'ofa” Mamy manyan idanunta ta waro waje tana dafe kanta tace“Bacci nayi har haka?” Ta sauko ta fito tsakar gidan, ruwa ta d'auka a buta ta shiga