You Cannot Download this book untill you login but you can read it .

---

Login Register

yace yau naga duk kin wani natsu ne ko wani ne ya taba min ke,
ta gyada mishi kai,
ya ajiye ruwan hannunshi yace to menene, ko kina son wani abu ne,
ta kara girgiza kanta,
ya bata rai sosai yace akwai damuwa a fuskar nan kinada wanda zaki faďawa da ya wuce ni,
tace um um,
yace to fada min da sauri kinji, idonta ya ciko da kwalla muryarta na rawa tace ba komai,
hajja tace iskanci ne kawai fa da shagwabar banza yau ko abinci bata ci ba saboda abin ya motsa,
jabeer yace dan Allah hajja kiyi shuru karki kara bata min ranta, tashi muje waje ki faďa min kinji,
ta mike jiki a sanyaye suka fita,
a zaure suka tsaya ya kalleta yace ki mayar da kukan nan kar ki bari ya zubo, in naji abinda ke damunki ya cancanci kuka sai in tayaki muyi tare kinji,
ta gyada kai har lokacin kwallah na makale a cikin idonta, yace to inajinki waye ya taba min ke,
ta shagwabe fuska tace ni ba abinda ke damuna kawai dai ina tunanin mutuwa ne,
ta shige jikinshi sosai tace yaya jabeer ay bazaka mutu ka barni ba ko,
ya sa hannunshi ya kankameta hade da lumshe idonshi yace mutuwa lokaci ne Afee babu wanda yasan ranar mutuwarshi,
ta dago kanta tace ni nasan lokacina yaya jabeer,
jabeer ya tallabi fuskarta yace wace irin magana kikeyi,
tace ni nasan duk ranar da ka mutu to nima zan mutu,
yace to ke waye yace miki zan mutu, tace ba kowa ina dai fada maka ne,
yayi dariya sosai yace to naji,
ta marairaice tace dan Allah yaya jabeer karka mutu kabarni kai kadai nake dashi a duk duniyar nan,
kai kadai kake understanding dina, kuma kai kadai kake tolerating dina, kai kake sani dariya kuma ka hanani kuka,
dan Allah ka dinga yi mana adduar in mutuwa tazo ta daukemu lokaci ďaya kaji,
yayi murmushi ya share kwallar da ta zubo daga idonta a zuciyarshi yace yaro yaro ne, ya kalleta yace naji amma ki daina kawo mana maganar mutuwa ke da zaki zama amaryata ranar Saturday,
kar in kara ganin hawayen nan kinji, tace too,
yace yauwa babynah, kin san meye, ta girgiza kai tace a'a,
yace banaso in faďa miki sai kin min alkawari,
tace alkawarin me, yace alkawarin bazaki yi kuka ba, kuma bazaki damu ba, kuma zaki min addu'a,
tace umm nayi alkawari Allah ya bani ikon cikawa,
yace ameen baby,
ina zanje daura gobe amma fa gobe zan dawo in shaa Allah,
Afeeyah ta karkatar da kanta gefe tace ni um umm wayau kamin wallahi na kwance alkawarin,
yayi dariya sosai yace ba'a kwance alkawari yarinya, dan Allah kimin hakuri gobe kawai akwai abinda zanyi mai muhimmaci, kuka ta fara yi tana bubbuga kafa tace wallhy ni bazan yadda ba saidai mu tafi tare, ya rike baki yace ina zamu tafi tare, tace daura mana,
yace haba Afee nah yanzu kinaso in ďaukeki mu tafi gurin su kaka liman tare, ay sai suce amaryar ma bata da kunya,
ta turo baki tace naji ay sau ďaya zasu ce, ya daura hancinshi kan nata yana gogawa a hankali yace haka zasu dinga faďa kullum,
jikin Afeeya ya mutu sosai saboda yadda yakeyi da hancinshi kan fuskarta, ta kalli idonshi dake lumshe ta fara kokarin kauda fuskarta,
hanata yayi ta hanyar daura bakinshi kan nata a hankali yace I love uu to d moon nd bck baby,
ta sunkuyar da kanta kasa tace I love u too yayana,
yace to tunda u love me ki barni inje I promise you komin dare in na shigo gari zanzo in ganki kinji,
ta kalli cikin idonshi tace ko biyu na dare ne fa zan jira ka,
yace na yarda baby kiyi fatan Allah ya kaini lafiya,
tace to Allah ya kaimun kai lafiya ya dawo min da kai lafiya, yace ameen Afee nah,
sun daďe tare a ranar suna hira kamar kar su rabu,
Da kyar suka rabu gurin 11 ya tabbatar mata zai shigo ya ganta kafin ya tafi,.
rakiyar kura suka dingayi har saida ya gaji ya kaita har cikin daki ya tabbatar ta kwanta sannan ya tafi gida cike da nishadi, ya yi matukar kosawa Afeeya ta zama mallakinshi, shi yasan auren Afeeyah shine lst dream dinshi, yasan yana aurenta ya gama samun komai a rayuwarshi,
da wadannan tunaninkan masu dadi bacci yayi gaba da jabeer da gidan Bara'u...

Mrs tijjani shattima...
[15/12 09:34] Anty aisha ya'u kura: ◆◆ RABO AJALI ◆◆ 2⃣9⃣ By Aysha Ya'u Kurah

Tun 5 saura na asuba jabeer ya farka jikinshi duk da ya jike da zufa, duk sanyin a.c dana damuna basu hanashi yawan jin zafi a yan kwanakin nan,
bayi ya shiga yayi wanka da ruwan sanyi ya ďauro alwala ya fito yayi nafila ya zauna jiran a kira sallah..

Yana idar da sallah ya zauna kan kujera ya lumshe idonshi kanshi na kallon sama,
Allah kaďai yasan tunanin da yakeyi a wannan lokacin,
sai 8 ya mike jikinshi a sanyaye ya gama shiri cikin farar shadda, yayi matukar kyan da bai taba yin irinshi ba shi kanshi saida ya faďi da ya kalli madubi,,,
saida ya gama shiryawa tsaff har zai fita daga ďakin sai kuma ya dawo ya dinga kallon ko ina ko akwai abin da ya manta bai dauka ba, drawer ya buďe ya dauko driving licences dinshi har zai rufe drawer sai yaga wasu takardu,
daukosu yayi ya dubasu yayi murmushi ya mayar dasu mazauninsu ya rufe drawer yasa kai ya fita daga ďakin,

A parlor ya tadda babanshi zaune yana karyawa ya tsuguna ya gaisheshi, ya amsa da fara'a yace sammako zakayi kenan,
jabeer yace eh baba ina son in dawo da wuri ne shiyasa,
Abida ta fito rike da cup din kunun gyaďa da plate din alale ta zauna kusa da mijinta, jabeer yace ina kwana ummi,
tace lafy lau jabeer yau dai kaka liman yayi kira irin wannan sammako hka,
jabeer yayi dariya yace na kosa inje in ga uwargidana sarautar gida shiyasa,
ta gutsiri alalen ta kai bakinta tace kace ka kosa kaje kuyi faďa har ku gaji,
yayi dariya yace kamar kin sani,
dai2 lokacin Amirah ta shigo parlorn cikin uniform itama rike da break dinta a hannu ta gaisheshi ya amsa yace miko min naki kije ki zubo wani, Amirah ta turo baki tace yaya fa nayi latti dan Allah kasa Dayyaba ta zubo maka,
alhj bara'u yayi mata dakuwa yace gidanku, zubo abincin ne zai hana ayi miki dukan latti, ajiye mishi kije ki zubo wani,
Amirah ta ajiye tana kunkuni ta wuce kitchen ta zauna ta zuba wani kunun tana sha tana mita,
shima jabeer kaďan yasha kunun ko alalen ma bai taba ba ya mike yayi sallama da iyayenshi sukayi mishi fatan Allah ya tsare hanya,
har ya shiga mota yaji kamar ana kwala mishi kirah,
fitowa yayi ya nufi parlon yace gani baba, alhj bara'u yace ban kira ka ba jabeer saidai ko umminka,
Abida tayi dariya tace muna tare a zaune zan kirashi baka ji ba,
ta kalli jabeer dake tsaye yana kallonsu yana murmushi tace ni wai me ma zakayi a daura ne ka kirkiri tafiyar gaggawa,
alhj bara'u yayi dariya yace zuciyarki ce ta kirashi kenan dan tayi mishi wannan tambayar,
jabeer yayi dariya kamar zai faďa musu sai kuma ya fasa yace ziyara kawai zanje yi ummi,
tace to Allah ya bamu ladan tare, duk sukayi dariya haďe da cewa ameen,
kallon babanshi yayi yace baba akwai maganar da zamuyi dakai akan wasu takardu suna nan a ďaki na in na dawo in shaa Allahu zamu tattauna, alhj bara'u yace Allahumma yashaa ka gaida Baba da Goggo,
yace zasu ji sosai ya fita Amirah ta biyoshi da gudu tana mishi bye bye,
hararta yayi yace Allah yasa a fasa miki jiki da dukan latti,
tayi mishi gwalo ta shige mota tana dariya tana daga mishi hannu,
shima motarshi ya shiga ya tada ya fita yana gaisawa da baba ado da sauran masu aikin gidan..

Hanyar daura ya ďauka ba tare da ya tsaya yaga Afeeyah ba saboda yana gudun bata mishi lokaci da zatayi dan yasan in har ya shiga to bazai taba tafiya da wuri ba,,
Karfe 10 da mintina ya isa gidan kaka liman, bayan ya huta yaci abinci da furah suka dinga hira dasu Goggo, basu fara aiwatar da komai ba sai da sukayi sallar azahar sannan suka fita shi da kaka liman,
suna tafe yana mishi bayanin irin mugayen tsafin da akayi ma Affan wadanda aka binnesu a cikin gidan, kaka limann yace saboda rashin imani irin na matar nan har kafin fita gida tayi mishi dan kar ma ya fita wani ya ganshi yayi mishi addu'a ko ya taimaka mishi, sannan ta katangeshi daga dukkan adduar mutane ta mantar da mutane ciwonshi in ba waďanda suke kusa dashi ba,
jabeer ya jinjina kai yace ay ni ban ďauka zaluncinta har ya kai haka ba walhy kaka, amma in shaa Allahu karshenta yazo,

wani kauye suka je a cikin kasar Nigar mai suna "Tsatsunburum (s Burum)"
kauyen bashi da nisa da zangon daura, gaba da gidan sarki sukaje kaka liman yace ya tsaya anan,
jabeer ya kalli gurin,
a katange yake da wata katuwar bishiya a ciki, kaka liman ya fito ya shiga gurin jabeer na binshi a baya, ashe wata katuwar rijiyace a cikin gurin mai cike da tarihi,
kaka liman ya kwance ledar da ya zo da ita ya fito da wasu layu da magunguna ya fara haka rami ya binnesu sannan ya ďauko wata gora a cikin jakarshi da magunguna a ciki yasa hannu a cikakkiyar rijiyar ya debo ruwan cikinta sannan suka fito daga gurin,
jabeer dai kallon gurin yakeyi ga rubutu a jikinshi amma rubutun ya fara gogewa,
ya kalli kaka yace kaka amma wannan rijiyar tana kunshe da tarihi ko,
kaka liman yace kwarai kuwa,
abin al'ajabi ya taba faruwa a gurin nan,
ya nuna mishi wata bishi dake dan nesa kaďan da gurin yace kaga waccan bishiyar, jabeer yace eh kaka, yace to daidai saitinta da gurin kiwon shanu ne, shanaye da yawa ake kiwo a gurin, "akwai wata saniya guda ďaya kullum aka bata abinci sai taki ci haka ruwa, saidai a ganta kullum da yamma tazo nan gurin da muka shiga kafin a katange shi ta daďe a gurin har sai dare take komawa cikin yan uwanta, kullum haka takeyi sam bata cin abincin da ake basu, ana cikin haka rannan sai mai shanun ya dinga binta a baya dan ganin abinda takeyi a gurin, yana zuwa gurin yaga ta kafa kanta a wani ďan tsukukun rami tana shan ruwa, tana gamawa yaga ta kwanta karkashin bishiyar nan lokacin tana karama sosai a gurin take bacci har dare sannan ta koma cikin yan uwanta, in takaice maka dai wannan saniyar tunda ake kiwonta bata taba cin abinci ba wannan ruwan shine ya zamo ruwa da kuma abincinta sannan wannan bishiyar ta zamo gurin hutu a gareta har ta mutu a gurin, bayan ta mutu ne mutane suka haka wannan ramin ya zamo rijiyar da bata taba kafewa ba duk wahalar ruwan da akeyi a garin tofa wannan rijiyar na nan da ruwanta sannan wannan bishiyar tana nan bata taba fadi ba shekaru fin 100 dan nima labari aka bani,
jabeer yace ikon Allah shine aka katange ta, kaka liman yace kwarai kuwa kuma cikin ikon Allah ruwan cikinta yana zama waraka ga duk wanda ya yarda da Allah kamar yadda ta kusugu take,
jabeer yace Allah ya kara ma Annabi daraja, kaka yace ameen jabeer shiga muje dan zan ga Aminina "Maina dogon yaro" shima akwai abin da zai bani daga nan mu wuce cikin daura mu karasa,
jabeer yace to kaka, suka shiga mota suka wuce jabeer na kallon girman bishiyar yana tasbihi ga Allah...

Sai bayan magriba suka gama komai suka dawo gida a gajiye,
dakyar jabeer ya iya taba abincin da Goggo ta kawo mishi sauri2 dan yana son ya dauki hanyar gida komin dare,
babu yadda basuyi dashi ba akan ya kwana yace samm bazai kwana ba dan gobe da wuri yake so fara aiwatar da aikin cikin gidansu Affan wanda shine mataki na karshe na aikin,,
sai da yayi isha' sannan kaka liman ya fito yayi mishi rakiya yana kara nuna mishi yadda zaiyi amfanin da maganin yana kuma mishi faďa akan yayi taka tsantsan da oyizah,
jabeer ya shiga mota yace in shaa Allahu kaka zanyi duk yadda kace, mun gode sosai, kaka liman yace to Allah ya tsare kayi tuki a hankali ďan boko, jabeer ya tada motar yace baka da matsala tsoho, yaja motar suna ďaga ma juna hannu, saida yaga kulewar motarshi sannan ya juya gida,
haka kawai ya tsinci gabanshi da tsananin faďuwa,
a waje ya zauna yana bin sawun motar jabeer da kallo yana mishi adduar Allah ya kiyaye hanya...
[15/12 09:34] Anty aisha ya'u kura: ◆◆ RABO AJALI ◆◆ 3⃣0⃣ By Aysha Ya'u Kurah

★ 9:54pm ★

Tun bayan magriba hadari mai tsananin duhu ya taso yana kokarin haduwa a gabas,
iska ce mai dadi taketa kaďawa a wannan lokacin har zuwa karfe 9:32pm, lokacin ne hadarin yamma ya kusa haďuwa da na gabas, iska mai karfin gaske haďe da guguwa da walkiya su keta tashi ta ko'ina kamar zasu tashi gidaje da motocin biladama,
yaf yaf ruwan feshi ke busawa a cikin iskar,

A wannan lokacin gudu jabeer yakeyi cikin motarshi yana Allah Allah ya isa kano kafin goma ko kuma goma daidai,
wuce motoci yakeyi yana tafiyarshi cikin kwanciyar hankali yana wiping yayyafin dake sauka a kan glass din motarshi, karfe 9:50 ya rage saura k.m baifi 15 ba ya shigo garin kano, murna ya dinga yi dan yasan in shaa Allahu kafin 10:30 zaiga Afeenshi,
har ya dauko wayarshi zai kirata sai ya fasa so yakeyi kawai ta ganshi kafin lokacin da ya daukar mata..

Wani haske ya gani ya gifta gabanshi hade da girgiza mai karfi wacce tayi sanadiyyar fitar tayar motarshi ta gaba,
runtse idonshi yayi sosai yana kalmar shahada saboda yadda yaji shi a sama motar na juyawa sosai, wasu masu trailer sukayi parking gefen hanya suna salati cikin tsoro saboda yadda motar ke wulwulawa a sama,
saida tayi minti uku a haka sannan ta daki wani katon dutse ta tarwatse a kasa dai2 lokacin ruwa mai karfi ya tsuge haďe tsawa, mutanen gurin kowa ya kunna full light dinshi suka karasa kusa da motar jiki na rawa saboda basu taba ganin accident irin wannan ba,
ba karamin dagargajewa motar tayi ba, nan da nan suka fara kokarin ciro mutumin da suka gani a gaban motar, da kyar suka iya ciro jabeer saboda wani karfe da ya shige cikin hancinshi ya bullo ta kanshi,
kuka mutanen gurin sukeyi suna salati saboda sun tabbatar da wanda suka ciro a cikin motar nan bashi da sauran rai,
da sauri suka soma bincika aljihunshi dan motar babu abin dauka a cikinta, driving licences suka gani sai kudin da ya baci da jini ko ta ina,
farar shaddar jikinshi ma babu wanda zaice fara ce dan duk ta koma ja, basu samu adress dinshi jikin d.l din ba sai dai sunanshi,
daukarshi sukayi cikin mota suka shigo cikin garin kano suka zarce police station dashi,, (innalillahi wa inna ilahir rajiun)

A kuma dai2 wannan lokacin Affan na zaune kusa da daddynshi suna dan taba hira duk da rabin hirar tasu shirme ce,
a hankali ya karkatar da kanshi yana kallon daddy idonshi ya ciko da kwalla yace daddy yau ma kaga har dare yayi abokina baizo ba, ya kalli inda ya tara wasu fararen duwatsu guda 8 na kirga yace daddy kagani yau kwana 8 kenan,
alhj basheer ya shafa kanshi yace kayi hakuri Affan kasan yanata shirye shiryen biki dole ka rage ganinshi,
Affan ya marairaice fuska yace to daddy ni yaushe zaka min aure, alhj basheer yayi dariya yace duk ranar da ka shirya Affan,
Affan yayi dariya shima yace daddy ay na shirya, daddy yace to wacece matar,
Affan ya rufe idonshi yana girgiza kai fuskar Afeeyah nata mishi yawo a cikin kwayar idonshi da kwakwalwarshi,
yayi saurin bude ido yace Barbie din jabeer, daddy ya kara sautin dariyarshi yace wacece kuma barbie, Affan yace AFEEYAH, daddy yayi dariya yace Afeeyar da jabeer zai aura,
Affan ya gyada kanshi yana dariya yace eh daddy ay yace zai bani ita ta dawo nan gidan da zama,
daddy yayi dariya yace to naji tashi kaje ka kwanta kaga ruwa na neman tsugewa,
Affan ya mike yana murna yana fadin daddy zai aura min barbie..
dariya alhj basheer yayi ya mike ya wuce dakinshi dan oyizah tayi tafiya tun da safe..
Affan na shiga ďaki ya haye kan gado yanata wakar abu ďaya, tsawar da akayi mai karfi tayi daidai da faďuwar gabanshi, mikewa yayi daga kan gadon ya leka window yana kallon ruwan da ya tsuge kamar da bakin kwarya,
Affan cikin tsoro ya rike kirjinshi dake tsananin bugu ya fita da gudu yayi dakin daddy,
da kyar daddy ya lallabashi suka kwanta tare amma fa bacci ya kaurace a idonshi dan daga ya runtse idonshi to fuskar jabeer zai gani yana kuka mai tsanani..

Hakan ta kasance da Afeeyah, wannan tsawar da akayi ita ta farkar da ita daga baccin da bata san tayi ba mai cike da mafarkai,
agogon wayarta ta duba taga 9:56 ta zauna tana sauraron zubar ruwan sama tana kara duba agogo kirjinta na harbawa da sauri,
10:20 ta kira wayar jabeer taji ta akashe, a hankali ta koma bayan hajja ta kwanta tana duba wayarta ko zata ji kiranshi shuru taji har 11 ta gota,
a hankali ta fara rero kuka tana kiran sunanshi,
kamar a mafarki hajja taji kukan ta farka da sauri tace yanzu ke Afeeya har yanzu baki bar kukan nan ba,
wani irin iskanci ne wannan,
Afeeyah tace hajja sha ďaya fa ta wuce kuma shi ya cemin goma da wani abu zai dawo,
hajja cikin masifa tace shikenan kuma ana wannan ruwan in ya dawo sai yaki zuwa ya huta yazo gurinki saboda gaki yar gwal ko,
Afeeyah ta shige jikin hajja tana kuka sosai tace hajja fa ya kashe wayar shi ne, kuma tun jiya fa ban ganshi ba, dan Allah ki taimaka min wallhy bazan iya bacci ba in ban ganshi ba,
hajja taji tausayinta sosai tace to yi shuru ya isa haka,
kinga yanzu dare yayi babu mamaki wayarshi ta mutu babu charge kuma bayason yazo ya sameki kina bacci kinga kuma ruwa akeyi kina son ya fito cikin ruwan nan ne, Afeeyah ta girgiza kanta,
hajja tace to ki mishi uzuri gobe nasan tun kafin ki tashi daga bacci zaizo kinji, Afeeyah ta gyada kanta tana share hawaye haďe da ajiyar zuciya,
hajja ta kwantar da ita tace yi addu'a kiyi bacci,
Afeeyah ta fara karanto adduoi hawaye na zubo mata ta gefen idonta a zuciyarta tana jin haushin jabeer na kin cika alkawarin da yayi mata, yanzu haka zanyi bacci banganka ba yaya jabeer, atlst ko waya ya kunna naji muryarshi zan dan rage wani zafin abinda ta dinga fadi a zuciyarta kenan, baccin ranar a gurin Afeeya rabi da rabi ne, saboda duk farkawa saita duba wayarta taga ko ya kirata,
( Allah sarki Afee zanso ace kinsan gani da muryar jabeer ma bazaki kara ji ba bare har kiga missd call dinshi,)

Abida ma juyi take tayi idonta na kan agogo, babu irin kiran da batayi ma wayar jabeer ba amma taki shiga,
Alhj bara'u yace Abida ya kamata ki cire duk wasu tunani a ranki kiyi addu'a ki kwanta kiyi bacci in shaa Allahu babu abinda ya sameshi babu mamaki mota ce ta bashi matsala,
Abida tace matsalar mota sai tasa ya kashe wayarshi yasan dole hankalin mu zai tashi alhj,
alhj bara'u da shi kanshi daurewa yakeyi yace kinsan sharrin netwk mu zuba ido zuwa da safe mu gani, Abida dai uhum kawai tace saboda yadda takejin nauyi a kirjinta, rungumeta yayi ta baya yana faďa mata kalamai masu kwantar da hankali dan in ya bari tasan shima hankalinshi a tashe yake to fa zata kara daga hankalinta fiye dashi ma,
Kaka liman ma ya kira har sau uku yaji ko ya iso,
shima hankalinshi a tashe yake saboda jin har lokacin jabeer bai isa gida ba...

Mrs tijjani shattima....
[15/12 09:34] Anty aisha ya'u kura: ◆◆ RABO AJALI ◆◆ 3⃣1⃣ By Aysha Ya'u Kurah

Washe gari tunda alhj Bara'u ya idar da sallah yake zaune kan dadduma,
hankali tashe ya kalli Abida da ta zuba tagumi tana jan carbi yace Abida har yanzu wayar yaron nan bata shiga ba ko,
Abida ta gyada kanta kawai tana kallonshi,
yace innalillahi wa inna ilaihir rajiun, Allah dai yasa jabeer lfy yake dan bai taba irin wannan abun ba, ko wayarshi nada matsalar charge ay duk inda yake bazai rasa wayar da zai kiramu ya sanar damu halin da yake ciki ba,
Abida tace uhummm zuciyata tana faďamin duk inda jabeer yake ba lafiya yake ba,
alhj bara'u yace ki daina faďin haka, haka kawai zuciyarki ta dinga kitsa miki mugayen tunani, ya mike tsaye yana duba lokaci yaga 7 har ta wuce ya fita daga dakin yayi hanyar waje,
Abida ta share kwallar data ďan fito daga idonta tace ya Allah ka sassauta min zafin da nake ji a zuciyata ka bani ikon jure duk wani abu da zanji game da jabeer,

Malam Atiku na kwance idonshi a lumshe da radio a gefenshi yanajin labaran karfe 7 kamar yadda ya saba kullum, bayan an gama labarai akan halin da kasarmu take ciki da kuma na kasashen ketare, sai aka sako labaran kwallon kafa, cikin kosawa ya mika hannu zai kashe radion saboda sam labaran kwallon kafa basa gabanshi,
tsayar da hannunshi yayi sakamakon jin sanarwar hatsari da akayi anan hanyar shigowa gari wanda akace an tsinci gawar saurayi mai suna Jabeer Bara'u, wadanda suka cinci gawar sunyi saurin mikashi ga hukumar yansanda, yanzu haka yana can asibitin Aminu kano, ga duk wanda yaji kuma yasan inda yan'uwan baw----- ay malam Atiku bai karasa sauraro ba ya diro daga kan gado yana faďin innalillahi wa inna ilaihir rajiun,
ko takalmi baisa a kafarshi ba ya fita waje da sauri jikinshi na rawa,
a kofar gida ya samu alhj bara'u zaune kan dakali, da sauri alhj bara'u ya mike yace malam Atiku lafiya na ganka haka ko takalmi babu,
Malam Atiku ya saki ajiyar zuciya yace tunda na ganka zaune lfy lau ay alhamdullh, wallhy wata sanarwa naji yanzu a radio akan wani hatsari da ya faru a daren jiya kuma sai naji an kira sunan jabeer shiyasa hankalina ya tashi,
Alhj Bara'u ya mike yana salati kamar zararre, malam atiku yace alhj lafy,
Alhj bara'u baki na rawa yace jabeer dina ne,
jabeer dina ne wallhy, tun jiya muke neman layinshi bamu samu ba, innalillahi wa inna ilaihir rajiun,
malam atiku yace lahaulu wala kuwwat illa billah, alhj bara'u ya rike hannun malam atiku ya rasa ta inda zai fara sai janshi yakeyi yana fadin muje asibitin da suka ce, malam Atiku zaiyi magana parking din motar alhj basheer ya dakatar dashi,
da sauri ya fito yace lafy alhj bara'u ,
alhj bara'u ido zuru2 yace jabeer ya tafi,
alhj basheer cikin rudewa yace ina ya tafi,
malam atiku yace karka yanke hukunci alhj muje asibitin tukunna, in shaa Allahu ma bashi bane, alhj basheer yace wani asibiti,
malam atiku ya fada mishi abinda yaji a radio, alhj basheer da sauri yace kuzo mu tafi asibitin,
alhj bara'u da bakinshi bai daina salati ba ya shiga motar jikinshi a sanyaye suka wuce Aminu kano T.H,

Tunda suka shiga gaban alhj bara'u ke faduwa har suka karasa cikin mortuary, suna shiga aka nuna musu D.L din jabeer sannan aka karasa dasu inda yake,
Juyawa alhj bara'u yayi da ya kalli gawar sau ďaya ya fara addua cikin sambatu kamar tababbe,
D.L din kawai yake kallo yana jujjuyashi yanaso ya gasgata shin wannan gawar ďanshi ne