You Cannot Download this book untill you login but you can read it .

---

Login Register

tsaye a gafensu rike da wani bakin kare,
Afeeyah bata kara firgita ba sai da taga oyizah ta dauki kwaryar jini ta shanye tass sannan ta kara daukan wani ungulu tana kiran sunanta dashi,

fitsari ta saki nan take saboda ganin duhu ta ko'ina bata iya hangen gabanta,
lalube ta fara yi tana addu'a da karfi tana kiran sunan hajja dan ta tsorata matuka da abin da idonta ya gane mata, ga wannan girgizar har lokacin bata bar jinta ba,
a cikin laluben taji hannunta ya taba mutum, nan take ta tsandara ihu haďe da faduwa kasa sumammiya,

A gigice alhj basheer da ya fito dan ganin abinda ya samu wutar gidan ya haskata da torch light,
cikin kidima ya fara kiran sunanta yana fadin innalillahi wa inna ilaihir rajiun, safiya, safiya,
oyizah ta tsorata matuka da jin muryar alhj basheer dan tasan yayi bacci,
cikin azama ta tattara kayan tsafinta ta cire na jikinta ta mayar da night gown din jikinta ta fito tana mutsika ido,
alhj basheer yace safiya zo ki kama min yarinyar nan mu kaita asibiti ko numfashi bata iya yi na rasa me ya fito da ita cikin daren nan,
oyizah ta matso da sauri tace wace yarinya,
alhj basheer yace Afeeyah ce, kamata da sauri dan Allah,
oyizah cikin murna ta kama Afeeyah dan a tunaninta tsafinta ne ya kamata,
suna fitowa wutar gidan ta kawo alhj basheer ya bude motar suka tura Afeeyah ciki, oyizah ta koma ta dauko hijab dinta suka wuce asibiti,

Tunda aka kaita asibiti a wannan daren likitoci ke iya kokarinsu suga ta farfaďo amma abin yaci tura,
oyizah cike da murna ta nemi guri ta zauna a zuciyarta tace yarinya ai tunda kika shiga gona ta sai kinyi noma wallhy,
alhj basheer kuwa hankalinshi ba karamin tashi yayi ba dan baisan meye ya sami yar mutane ba, safa da marwa kadai yakeyi a cikin asibitin,
dakyar doctor musah ya lallabashi akan in shaa Allahu zuwa gobe zata farfado in kuma bata farfado ba sai musan abin yi,
alhj basheer akanta ya kwana ko runtsawa baiyi ba,
ana kiran sallar asuba yaje yayi sallah ya wuce gidan malam atiku,
hajja a firgice ta fito idonta ya ciko da kwallah tana tambayar wane asibiti,
alhj basheer yace ki kwantar da hankalinki hajja, safiya na can zaune da ita ba sai kin je ba,
hajja tace inaaa aiko sai naje wallhy, ai kowane aiki da wakilinshi bazamu daura mata nauyin jinya ba,
malam atiku yace Baba ay tunda yace kar--- tayi saurin katseshi tace walhi danbaba babu abinda zai hanani zuwa gurin hajara,
alhj basheer yace to shikenan hajja muje,
tayi saurin sa takalmi jiki na rawa ta bishi,

Suna isa asibitin suka tarar oyizah na bacci Afeeyah kuma bata farfaďo ba har lokacin,
gefenta hajja taje ta zauna tana kuka tana tofa mata addu'a,
alhj basheer yace ki kwantar da hankalinki hajja babu abinda zai sameta bari muje gida a kawo muku abinci, hajja tace to sannu alhj an gode,
alhj basheer yace haba ai yiwa kai ne nima ay yata ce,
ya kalli gurin da oyizah ke bacci ya dan bubbugata tayi firgigit ta farka tace
"an gama komai ko"
alhj basheer yace me aka gama,
oyizah ta fara goga ido tace na dauka doctor ne,
alhj basheer yace bashi bane ki sameni a mota mu wuce gida,
dakyar ta gaida hajja sannan tabi bayan alhj basheer suka wuce gida...

Alhj basheer na shiga parlor ya tarar da Affan zaune a kasa ya haďe kai da gwiwa yana kuka sosai,
da sauri ya karasa kusa dashi ya dagoshi yace meya faru dan gidan daddy,
Affan ya kwanta kan jikinshi yace daddy tun dazu nake neman Afeeyah ban ganta ba na duba ko'ina bata nan naje gurin mai gadi yace kai ka dauketa ka fita da ita, daddy ina kuka kai ta?
Oyizah tayi saurin matsowa kusa dashi tace sorry my baby Afeeyanka taje siyo maka abun dadi zo muje kayi wanka kafin ta dawo kaji,
cikin rashin gamsuwa da kalamanta yace mummy karfe nawa zata dawo,
oyizah tayi murmushi tace 10 zata dawo kaji, Affan ya gyada kanshi, tace yauwa baby muje kayi wanka kasha magani ko,
taja hannunshi suka wuce zuciyarta wasai dan jiya kadai Afeeyah ta kusa daura mata hawan jini yanzu kuwa zata ci karenta babu babbaka tunda ta tafi 4 good....

Goggo ta kalli kaka liman bayan ya gama karyawa tace sai tafiya ko,
ya goge bakinshi yace in shaa Allahu ai yau "ta dabo' tayi kirah, goggo tace da ka bari sai gobe saboda akwai daddawa da dawo da zaka tafin ma da Abida dashi,
kaka liman yace ai ciwo ko mutuwa ne kadai zai hanani isa ta dabo yau,
Ke bazan ma iya bacci ba in banje ba,
tace to Allah dai ya tsare wannan tafiyr ta gaggawa,
yace ameen ke kike ganinta haka ni kuwa a guri na ba gaggawa bace saboda na dade ina sa rana banje ba, mafarkin da nayi jiya shi ya tabbatar min da wannan lokacin ne lokacin sa'a a garemu, Goggo tace to Allah ya bada sa'ar wannan sirrintaccen aikin da ko ni kaki yarda ka fada min,
kaka liman yayi dariya yace ameen ta liman, aikin ne saida sirri, tace haka ne ai sirri a komai ma yana da kyau Allah ya dawo daku gida lafiya,
ya mike tsaye yana faďin ameen ameen,
har zaure ta rakashi inda drivernshi da alhj bara"u ya ajiye mishi yake jiranshi,
saida suka sha mai a filling station sannan suka dauki hanyar KANO TA DABO TUMBIN GIWA.....

Mrs tijjani shattima.......
[15/12 09:37] Anty aisha ya'u kura: [7:13PM, 05/04/2016] Ummu Nan: ◆◆ RABO AJALI◆◆ 4⃣7⃣ By Aysha Ya'u Kurah

Tiryan tiryan abubuwan ke dawo mata cikin kwakwalwarta,
a hankali ta fara motsa jikinta tana girgiza kanta, wadannan halittun ta dinga gani kewaye da ita suna kokarin shigewa jikinta,
wani irin ihu ta saki haďe da faďin hasbunallahu wa ni'imal wakil,
hajja dan Allah kizo ki taimakeni zasu kasheni,
zasu kasheni, wayyyo Allah nah,
Hajja tayi saurin katse sallar da takeyi ta yo kanta da gudu ta riketa, nan fa ta kara fasa wani ihun a firgice tana fisge jikinta,
addu'a hajja ta fara karantowa da karfi tana tofah mata,
a hankali ta bude idonta, ganin hajja ce zaune a gabanta yasa ta faďa jikinta tana kuka tana faďin kasheni zatayi hajja, wallhy kasheni zasuyi, dan Allah ki gudu dani gida,
a firgice hajja tace wacece zata kashe ki,
kafin Afeeyah tayi magana doctor musah ya shigo dakin da sauri nurses na biye dashi a baya,
karasowa kusa da gadonta yayi yace sannu mama, yanxu nurse take fada min taji tana ihu,
hajja tace wallhy farkawa tayi a firgice tana ihu bansan takamaimai abinda ke damunta ba,
doctor musah yayi gwaje gwajen da zaiyi yace dan Allah mama kice mata ta kula sosai ta daina yawan firgita saboda cikinta baiyi kwarin da zai dauki hakan ba dan bai wuce sati uku ba, Allah ma ya kiyaye cikin bai samu matsala ba, saboda haka dan Allah a kiyaye,
Hajja cikin mamaki tace ciki doctor, doctor musah yace kwarai mama,
hajja tayi murmushi tace ikon Allah, To Allah ya inganta mana, yace ameen mama ya bata magani yace in taci abinci a bata tasha, hajja ta amsa ta mike da sauri ta hado mata tea,
saboda murna hajja bata kara bi takan zancen da Afeeyah ke mata ba,,
Tana bata magani ta mike ta kabbara sallah,
kafin ta idar su alhj bara'u suka shigo, Amirah ta ajiye basket din abinci tayi gurin Afeeyah ta zauna tana mata sannu,
Abida ma ta karaso cikin dakin tace ashe ta farfado alhj,
alhj bara'u yace saidai in yanzu ta farfado amma dazu da muka zo da alhj basheer bata farfado ba,
Abida ta karasa kusa da ita tace sannu Afeeyah ya jikin,
a hankali tace da sauki ummi,
Abida ta karasa kusa da hajja da ta idar da sallah ta tsuguna suka gaisa, tace hajja me suka ce yake damun ta,
hajja tace to nidai har yanzu bansan dalilin firgicinta ba amma likita ya tabbatar tana dauke da karamin ciki na sati uku,
Afeeyah tayi saurin runtse idonta saboda takaicin fada musu da hajja tayi,
Allahu akbar alhj bara'u ya fadi yana murmushi,
Abida tace lallai Allah da iko yake, Allah ya fito mana da wannan zazzafan rabon lafiya, Hajja taji tausayin Abida sosai a hankali tace Ameen,
nan suka cigaba da yar hirarsu ta manya duk akan cikin, Afeeyah dai tunda ta runtse idonta bata bude ba har suka tafi,,,

Alhj basheer ma da yazo doctor musah ya faďa mishi ba karamin farin ciki yayi ba,,
bai wani dade a asibitin ba ya wuce gida dan kai ma su safiya albishir,,,

Da murnarshi ya shiga gidan, tun kafin ya karasa cikin parlon yake kwala ma oyizah kirah,
da sauri ta fito tana faďin alhj lafiya,
yayi dariya yace lafiya lau safiya albishirinki, gabanta ya faďi da taga yana dariya dan ta dauka kiran fađin mutuwar Afeeyah yakeyi mata,
a hankali tace goro, yace kin kusa samun miji ko kishiya,
cikin rashin fahimta tace ban gane ba alhj, yayi dariya yace ay dama bazaki gane ba tunda ba bahaushiya bace ke,
to ina nufin kin kusa samun jika,
oyizah ta haďiye miyau dakyar tace kana ta min magana a cukurkuďe a gurin wa zan samu jika,
alhj basheer yace kina da wani dan da ya wuce Affan ne,
oyizah ta saki baki tace ciki matarshi ke dashi,
yace kwarai kuwa, kinga rabo ko,
ranar da aka sa aurenta da jabeer a ranar aka daura auren da Affan kuma a ranar Rabo ya rantse kanshi,
oyizah da zufa ke keto mata ta ko'ina tace umm hakane yanzu ta farfaďo kenan,
alhj basheer yace garau ma tana can na barta a zaune,
oyizah ta mike tace to bari a haďa mata abinci a kai mata ko,
alhj basheer yace ya kamata kam, ki haďa mata duk wani abun da kika san me ciki na bukata in ma babu ayi min magana dan Allah, oyizah ta wuce tace to,
Zama tayi a kasa a dakinta ta zuba uban tagumi tana tunanin yadda akayi ta samu failure a aikin jiya, da kuma yadda akayi har ciki ya shiga jikin yarinyar nan,
inaaa bazai yiwu ba dole cikin nan ya fita, dole ne in kashe yarinyar nan dan wallahi bazan yarda ta sake dawowa gidan nan ba,
mikewa tayi zubur ta wuce kitchen ta shiga shirya abinci daidai cin mutum daya, tana yi tana zancen zuci dan bata taba yin aiki irin haka ta samu failure ba..

Gab da la'asar kaka liman ya bayyana a asibitin,
a zaune ya samesu hajja ta tasa mata abinci a gaba tana ci, fuskar hajja dauke da fara'a ta gaishe shi ya amsa yana kallon Afeeyah,
Afeeyah ta sunkuyar da kanta ta gaishe shi ya amsa yana murmushi yace ya jikin kuma,
Afeeyah tace da sauki, ya zauna a kan kujera yace to Allah ya karo sauki, suka ce ameen ita da hajja,
saida suka dau kusan minti biyu shuru sannan ya kalli hajja yace dan Allah hajja in bazaki damu ba ko zaki dan bamu guri,
Hajja ta mike tace haba babu komai wallhy ta fita daga dakin,

Bayan fitar hajja da kamar minti uku kaka liman ya kalleta yace ya mai gidan naki,
Afeeyah tace yana nan lafiya kaka,
kaka liman yace lafiyar ciki ko ta waje,
Afeeyah ta dago cikin rashin fahimta tace ban gane ba kaka, yace ina nufin wace irin lafy, lafiyar koshin lafiya ko kuma ta duka harda kwakwalwa,
Afeeyah tace lafyr koshi kaka, sannan lafiyar kwakwalwarshi ma ina tantama akanta,
wani lokacin in yayi abu kamar cikakken me lafy baya mintina kuma sai ya koma kamar da,
kaka liman yace to yaya kika fahimci mutanen gidan, ina nufin a tunaninki wane irin zama sukeyi da yaron nan, kina ganin suna kaunarshi tsakan--- sammm ta katse kaka liman, tace muguwar tsana sukayi mishi wallhy,
amma a gaban daddy sai su nuna basu da kamarshi, sannan kaka bata barinshi yayi sallah, duk wata ibada bata barinshi yayi, sannan kaka jiya da dadd--- yayi saurin katseta yace tambaya daya nayi miki, bari in yi miki cikakkun bayanai akan abubuwan da baki fahimta ba tukunna sai mu shiga wani,

mijinki ba lafiyar koshi kadai gareshi ba harda ta kwakwalwa,
tambayarki zanyi,? tsakaninki da Allah kinajin zaki iya yin duk abinda ya dace domin ki kubutar da mijinki daga wannan halin da yake ciki,?
Afeeyah ta gyada kanta tace zanyi kaka,,, yace yauwa yar albarka,

Ki sani mijinki ya samu saukin tabuwar da kwakwarshi tayi sai dai kuma azababben sihirin da ake mishi shi ke kara dagula kwakwalwar ya rasa fahimtarshi ya dinga yin abu kamar yaro, wani magani ake bashi wanda idan yayi awa shida bai sha ba zai iya dawowa mai lafiya amma ba sosai ba saboda akwai wasu tsibace tsibbacen da aka birne a cikin gidan wanda gano su sai ansha matukar wahala,
duk ranar da aka hako wadannan asiran to wannan ruwan maganin ya daina tasiri a jikinshi domin duk wata tabuwar kwakwalwa zata barshi, karki ce sihirin wasa akayi mishi, wannan na gasken gaske ne wanda yake da matukar wahalar karyewa, kin fahimceni ko, Afeeyah ta gyaďa kanta tace ay kaka duk abinda aka ce min matar nan zatayi bazan musa ba saboda ni ganau ce ba jiyau ba,,,
shigowa dakin sukaji anyi babu sallama,
da sauri suka waigo dan ganin ko waye.......

Mrs tijjani shattima.....
[15/12 09:37] Anty aisha ya'u kura: ◆◆ RABO AJALI ◆◆ 4⃣8⃣ By Aysha Ya'u Kurah

Oyizah suka gani tsaye idonta kyarr kan Afeeyah, gefenta kuma salma ce rike da basket din abinci,
gaban Afeeyah sai faduwa yakeyi a zuciyarta tana adduar Allah yasa bata ji tautanawarsu ba,
gyaran murya kaka liman yayi ya kalli oyizah yace an wuni lafiya,
da sauri ta kauda kanta tace lafiya lau ta karaso gaban gadon Afeeyah jikinta a mace tace ya jikin,
da sauki Afeeyah ta fadi ba tare da ta kalleta ba,
salma kuwa ajiye basket din tayi ta koma gefe tana cika tana batsewa,
mikewa kaka liman yayi ya kalli Afeeyah yace bari in koma,
Kiyita "hasbunallahu wa ni'imal wakil" saboda maganin musibun duniya, Allah ya kara sauki ya kuma inganta abin dake cikin ki,
Afeeyah tace ameen kaka nagode yaushe zaka dawo,
yace too zan dai gani amma ay bazan koma ban sake dawowa ganin jikin naki ba, tace to sai ka dawo kaka,
ya kalli oyizah da kanta ke kasa yace to hajiya sai anjima ko, tace to sai anjima,
har ya fita ya kuma lekowa yana kallon kwandon abincin yace
"ki danne kwadayinki, in har ya taso miki to ki tambayi goro a baki domin kwantar dashi kin gane ko"
Afeeyah ta kalli kwandon nan take ta gane manufarshi tace to kaka nagode,

Oyizah da ta tabbatar kaka ya tafi sai ta dago kanta ta zauna ta dafa Afeeyah tace sannu, amma jikin da sauki ko,
umm kawai Afeeyah tace,
oyizah tace kin ci abinci kuwa,
Afeeyah ta yatsina fuska tace bana iya cin abinci amai yake sani, oyizah tayi murmushin mugunta tace shiyasa na dafo miki abincin da nasan masu ciki naso,
salma ďan zubo mata,
Afeeyah tayi saurin cewa a'a ta barshi doctor yace a daina bani abinci saboda aman na wahalar dani, oyizah tace doctors din nan sun cika iyayi manta dasu kici babu aman da zakiyi,
Afeeyah tace saidai ko zuwa anjima dan yanzu bacci nake ji, oyizah zata kara magana cikin bacin rai salma ta katseta tace haba mummy dole ne, ji yadda kike wani pettn dinta tunda tace baza taci ba ba sai ki kyaleta ba, cikinta,,,,
oyizah ta harari salma tace baki san me lalurar ciki sai an matsa mishi yake cin abinci ba,
ko so kikeyi in bari ta wahalar min da jika,
Afeeyah ta kwanta tace uhmm,
oyizah tace rabu da salma kinji bata san lalurar ciki ba shiyasa, salma tayi tsaki ta tashi ta fita daga dakin tana mamakin yadda mummy ke lallaba wannan yar iskar yarinyar,
babu yadda oyizah batayi ba akan Afeeyah taci abincin da ta kawo amma firr taki, har hajja ta shigo tasa baki Afeeyah tace ita sam yunwa ne bataji kuma tana ci zatayi amai,
oyizah ta boye bacin ranta tace to hajja anjima ki tabbatar taci saboda bai kamata mai karamin ciki ta dinga zama da yunwa ba,
hajja tace karki damu in shaa Allahu zata ci, oyizah ta dan kara zama shuru kafin ta tashi tayi musu sallama haďe da jaddada ma hajja akan ta kula da Afeeyah ta dinga cin abinci akai2,

cikin mamaki hajja ta kalli Afeeyah tace kin ga matar nan yadda ta canza kamar ba ita ba, gaskiya naji dadin yadda ta nuna kulawarta gareki ga dukkan alamu ta saduda ta fara sonki,
Afeeyah ta juyar da kanta gefe a zuciyarta tace kwarai kuwa tana matukar son kasheni hajja ai dole ta kula dani kafin hakanta ya cimma ruwa,
buďe kulolin abincin hajja tayi tana fadin masha Allah irin wadannan namomi haka,
Afeeyah tayi saurin mikewa tace hajja dan Allah a ina zan samu agwaluma ko cashew anan gurin,
hajja tace aiko akwai wani mai agwaluma da na gani anan waje bari in duba Allah yasa bai tafi ba,
Afeeyah tace ameen dan Allah hajja ya baki mai tsami sosai, hajja tace to ta fita da sauri,
tana fita Afeeyah ta mike ta kwashi kulolin abincin tayi waje dasu ta zuba a bola tayi saurin komawa daki, ko minti biyar hajja batayi ba ta dawo da agwaluma cikin leda ta mika mata,
kwanciya Afeeyah tayi ta dauki agwaluma daya ta fasa ta fara sha,
salatin hajja ne yasata juyowa da sauri tace lafiya hajja,
hajja tace kulolin ne naga babu komai, Afeeyah tace eh na cinye baki ga dama na mutum daya ta yi ba, hajja tace daga fita ta har kin cinye, Afeeyah tace eh mana to nawa abincin yake,
hajja tace shine dan bakar mugunta ko naman baki ragemin ba,
Afeeyah tayi dariya tace ke kuma nama ne aranki sai kace wata kurah,
hajja tace waya sani ko kurar ce gaskiya kin shiga hakkina,
Afeeyah tace karki damu hajja nah anjima nasan zamu samu wasu naman,
hajja tayi tsaki ta tashi ta fita wanko coolers din...

Bayan isha'i kaka liman ya dawo asibitin, sun dade suna hirah da hajja kafin ta basu guri shi da Afeeyah,

kaka liman ya kalli Afeeyah yace dazu muna magana bamu gama ba na tafi,
yanzu sai muyi sauri dan naji gobe za'a sallameku ko,
Afeeyah tace eh,
kaka liman yace nima goben zan koma,
da fatan duk abubuwan da na fada miki dazu kin fahimcesu ko,
Afeeyah ta gyada kanta,
yace yauwa to yanzu sai ki faďa min abinda kika gani,
nan Afeeyah ta faďa mishi duk abinda ta gani jiya da daddare,
kaka liman ya jinjina kanshi yace wannan shine abinda nakeso Allah ya nuna miki dan nasan da na faďa miki hakan tun farko to tsoro bazai barki ki shiga gidan ba ma bare har tausayin affan ya shigeki ki yarda da taimakon da zakiyi,
wannan abun da kika gani shi jabeer ya gani amma nashi ya banbanta da naki saboda shi yaji suna tsafin ne akan Affan da mahaifiyarshi,
shin tunda kika shiga gidan kinji ko sau ďaya alhj yayi maganar zeenatu,
Afeeyah ta gyada kanta, kaka liman yace to bashi ba ma har yan uwanta da makusantanta basa iya maganarta ko ke kin taba tuna ta tun bacewarta,
cikin mamaki Afeeyah tace a'a kaka,

kaka liman yace mugun asiri akayi mata,
karyewar asirin na farko shine jin da jabeer yayi mata har ya sanar da ni,
a aikin da nayi na gano laya ce aka turata cikin bakin DAMO aka binne ta anan cikin gidan da kuke,
Afeeyah ta zaro idonta tace a cikin gidan? yace kwarai kuwa,
sannan duk wasu asiran da tayi a cikin gidan ta binnesu da yawansu bansan takamaimai inda ta binne ba amma suna cikin gidan,
in har Allah ya taimakemu muka san inda suke har muka ciresu to saukin abun yazo dan mun riga mun gama wasu ni da jabeer karashen ne wannan kuma sune masu wahalar,
Afeeyah ta jinjina kanta tace to kaka ya za'ayi musan inda tayi binne binnen,
kaka liman yace shine yanzu abinda nake tunani,
hannu yasa a aljihu ya ciro wata bakar leda, bude ledar yayi ya fito da wasu layu guda biyu da wani ruwan turare sai garin magani,
layun ya fara mika mata yace rike wadannan layun, dafatan zaki jajirce akan duk abinda zaki gani,
Afeeyah tayi kulu kulu da ido tace kaka banyi yarinya da daukar wannan kasadar ba kuwa,
kaka liman yayi dariya yace Afeeyah kenan sai kiga abinda zakiyi ni bazan iya yinshi ba saboda wani lokacin kwakwalwar yaro tafi ta babba kaifin rike abu,
Afeeyah ta gyada kanta tace to Allah ya bani juriyar iyawa yace ameen abinda ya kamata ki fadi kenan,
wadannan layun a karkashin pillown ki zaki sasu,
in zaki kwanta kiyi alwala kiyi sallah kiyi addu'a sosai akan Allah ya bayyana miki guraren da akayi wadannan binne binne, sannan ki shafa wannan turaren a jikinki ki kwanta kina mai kyautata niyya, in shaa Allah cikin kwana bakwai Allah zai nuna gurin da suke,
duk wani abun tsoron da zaki gani na rokeki ki daure kar wannan tsoron ya sare gwiwarki,
ke kadaice garkuwar bayin Allahn nan, in har kika sare to ki sani babu wani wanda zai iya daurewa yayi wannan aikin,
Afeeyah ta gyaďa kanta tace in shaa Allahu kaka zan daure, nasan ina tare da Allah da kuma kai,
yace masha Allah, sannan wannan maganin ki dinga ba Affan yana sha, kafin kwana bakwan nan zai dinga yin wasu abubuwa wadanda zasu dinga dawo dashi cikin hayyacinshi ya dinga tunanin abubuwan mamakin da suka faru dashi a shuďaďdun lokuta, kin gane bayanin ko,
Afeeyah ta gyada kanta tace eh na gane, to amma kaka yaya zanyi in na gansu,
kaka liman ya mike yace wannan kuma shawararki ce,
in kiga zaki iya ciresu ki taimaki uba da kakar abin dake cikinki to in kuma zaki barsu su dawwama a haka nidai na gama nawa yanzu naki kadai ya rage sai mu barma Allah sauran,
Afeeyah tace to kaka nagode sosai, ya miko mata wayarshi yace samin numberki kiyi flashing in wani abu ya shige miki duhu kya nemeni,
Afeeyah ta amsa tasa mishi numbrta sukayi sallama ta bishi da kallo har ya bace ma ganinta
, ganinshi kadai yana kwantar da hankalinta, badan tsufan shi ba da babu abinda zai hana a kirashi da jabeer dinta....

Mrs tijjani shattima.....
[15/12 09:37] Anty aisha ya'u kura: ◆◆ RABO AJALI ◆◆ 4⃣9⃣ By Aysha Ya'u Kurah

Karfe 9 na safe aka sallameta suka ďunguma zuwa gida a motar alhj basheer,
oyizah na zaune a parlonta tana gyara farce hankalinta sam ba'a kwance yake ba dan
tun jiya take jiran jin mummunan labari game da Afeeyah amma shuru gashi har gari waye,

Shigowar motar alhj basheer ne yasa ta mike ta kwashe kayan gyaran kumban dan taje ta tarboshi ko zataji wani labari a gurinshi,
tana buďe kofar parlon tayi tozali da mai taurin kashi wato Afeeyah,
kallon mamaki ta tsaya yi mata a zuciyarta tace to ko karya hajja take mata yarinyar nan bata ci abincin ba,
Afeeyah ta katse mata zancen zucin da takeyi tace ina kwana,
oyizah ta sauke ajiyar zuciya tace lafiya lau ta juya ciki bata ko bi takan hajja dake rike da kaya ba,

Side dinsu ta wuce tana kallon hanya ko zata ga Affan,
da bismillah ta murďa kofar dakin suka shiga ita da hajja,
bayi ta wuce ta cire kayan jikinta tayi wanka ta dauro alwalar walha, ta windon bayin ta hangoshi
zaune gurin fishpond idonshi kyar a cikin ruwan baya ko kiftawa, murmushi tayi ta fito daga bayin,

sai da tayi sallah ta shirya cikin bakar jallabiya sannan ta fita gurinshi,

A hankali ta karasa gurin tayi saurin rufe mishi ido da hannunta, shafa hannun yayi cikin