You Cannot Download this book untill you login but you can read it .

---

Login Register

addu'a tana can tun jiya take abu ďaya yanzu na baro mahaifinta yana mata rubutu,
alhj basheer yace kuka fa dole ne hajja shakuwar zaku duba, kai mutuwa, mutuwa mai yankan kauna,
Affan yace daddy Afeeyah ce ke kuka, alhj basheer ya gyada mishi kai,
Affan ya bata rai kamar zaiyi kuka yace daddy tun jiya fa take kuka kaje ka rarrasheta kace tazo muje gidanmu taga abokina muyi wasa tare,
alhj basheer yace to yanzu dai muje gida anjima zan je in rarrasheta sai in kawo maka ita gidan kaji,
Affan yayi dariya sosai yace gaba daya zata dawo gidan mu ko?, dama jabeer yace zai bani ita in ya aureta kuma kaima kace zaka aura min ita ay ko,?
sukayi dariya dukkansu alhj basheer yace eh zan aura maka ita wuce muje, ya fita yana tsallen murna,
sun kusa karasawa gidan ya rungume daddy yace daddy ka goyani kar inga lions, alhj basheer yace babu abinda zaka gani buďe idonka nasa an cire su, a hankali ya buďe idon yaga babu abubuwan da ya saba gani a kofar gidan, a tsorace ya shiga gidan yana zazzare ido,

jiki na rawa oyizah ta fito ta rungumeshi tana faďin oyoyo Affan ďina, nayi missing dinka ďana,
alhj basheer yayi dariya yace ai da kyar ya yarda ya biyo ni saida na ce mishi jabeer na nan gidan sannan,
oyizah tayi murmurshin mugunta tace muje ciki kaci abinci sai in nuna maka abokin naka, Affan yayi dariya ya bita suka shiga ciki,

Special break ta haďa mishi wanda yaji magunguna,
zaunar dashi tayi ta cika gabanshi da abinci ta diba a cokali zata fara bashi ya kauda kanshi yana rike ciki yace mummy munci abinci sosai tare da kaka har da kosai ma mai dadi, oyizah ta ajiye cokalin ta saci kallon alhj basheer da hankalinshi ke kan TV sannan ta kalli Affan tace haba baby na, baka so kaga abokin naka kenan Affan da sauri yace inaso mummy, tace oya open ur mouth kayi ko 1bs ne,
ya buďe bakinshi ta ďebo zata zuba mishi ya kara kauda kanshi da sauri yace ina zuwa mummy kaka liman yace in zanci abinci in dinga yin bismillah, da karfi yace "bismillah", oyizah ta buge bakinshi da karfi ba tare da tasan tayi ba,
washhhh Affan ya faďi da karfi yana kallonta idonshi ya fara kawo ruwa yace mummy me na miki,
ta dafe kanta tace Affan wadannan mutanen sun koya maka abubuwan da zai kasheka,
Affan ya fito da ido waje yace "kasheni" mummy?
Ta rage murya tace yess,
kaga wannan bismillahr da yace kayi, to daga ka kuma yinta zaka mutu,
Affan yace to ai jiya munyi sosai harda wani karatu ma duk munyi kuma ban mutu ba,
oyizah ta mike ta riko hannunshi tace zo muje in fada maka wata magana,
ya mike ya bita daki ta zaunar dashi gefen gado ta fara tsoratar dashi sosai akan sallah da wasu abubuwan da kaka liman ya koya mishi sannan tace mishi kasan inda abokinka yake, ya girgiza mata kai cikin tsoro tace to ya mutu kaga irin mutuwar da akeyi a cikin film mutum ya fadi ya daina motsi, Affan yace ehh, tace to shima ya tafi bazai kara dawowa ba saboda halin shi bashi da kyau, mugu ne so yakeyi ya kasheka shiyasa yake yawan zuwa yace kuje kuyi sallah,
Affan yayi narai narai da ido yace mummy ba mugu bane, yana kawo min cwts, baya dukana kuma baya min ihu kamar yadda su anty salma suke min,
oyizah tace muguntar kenan ay saboda yanaso ya kasheka wata rana shiyasa yake maka haka, amma kaga saboda am wit u gashi yanzu ya mutu har an kaishi rami, ka manta dashi kaji Affan din daddy,
Affan ya gyaďa kanshi hawaye suka sauka a kuncinshi wanda shi kanshi baisan yanda akayi suka fito ba, maganganu ta cigaba da yi mishi tana kara tsoratar dashi har saida ta tabbatar ya tsorata sannan ta kaishi ďaki ya kwanta tababbiyar zuciyarshi na karyata maganganunta akan jabeer,,

Daki ta koma tana sauke ajiyar zuciya dan ba karamin yaki tayi gurin sanyawa Affan tsoro a ranshi ba, a zuciyarta tace tabbas sai tayi da gaske dan mutuwar jabeer na neman karya duk wasu alkadarinta.....

Mrs tijjani shattima......
[15/12 09:37] Anty aisha ya'u kura: ◆◆ RABO AJALI ◆◆ 3⃣6⃣ By Aysha Ya'u Kurah

Da sassafe alhj basheer ya shigo dakin ya tarar da Affan zaune a lallausan gadonshi yayi tagumi, a hankali ya cire hannun da yayi tagumin dashi yace me ya sameka dan daddy,
Affan ya kwanta kan cinyar daddy yace daddy Afeeyah tana can a gida tana kuka, ya ďago kanshi da ya ciko da kwalla yace daddy abokina ya zo yace in je in rarrasheta,
alhj basheer yayi murmurshi dan ya dauki maganarshi shirme yace in ji wa yace maka tana kuka,
Affan yace jabeer ne ya faďa min,
alhj basheer yace a ina kaga jabeer din,
Affan yace ana ruwan sama na ganshi a window na,
alhj basheer ya shafa kanshi cikin mamakin yadda akayi kwakwalwar Affan ta fara rike mafarki yace tashi kaje kayi wanka zan je in rarrasheta anjima,
Affan yace to daddy yaushe zata dawo nan gidan sai in dinga rarrashinta,
Alhj basheer yayi hanyar waje yace kayi wankan kazo ka karya tukunna,
Affan ya mike yayi hanyar bayi yana kallon window inda yaga jabeer cikin baccinshi amma shi ya kasa gane mafarki yayi dan ya hakikance a zahiri yaga jabeer,
bayi ya shiga yayi wanka ya jika ko ina kamar yadda ya saba har ya bude pampo zaiyi alwala kamar yadda kaka liman ya nuna mishi sai kuma ya fasa saboda tuno kalaman oyizah,
da sauri ya fito daga bayin ya shirya cikin matsatsun kaya...

Alamarin Affan ya fara bawa alhj basheer tsoro saboda kullum sai yayi mishi magana akan ya dawo mishi da Afeeyah gidansu, abinda yake fin bashi tsoro bai wuce yadda yake haddace mafarkan da yakeyi akan jabeer ba, yawan mafarkin da yakeyi ne ma yake hanashi tambayar inda abokinshi yake saboda yana ganin kamar a zahiri yake ganinshi,,, duk wannan mafarkin da Affan yakeyi bai taba faďa ma oyizah ba dan ko yazo zai faďa mata sai ya fasa ya kama harkar, daga shi sai mahaifinshi kadai suka sani...

A ranar da za'ayi sadakar bakwan jabeer kuka sosai Affan ya tsare mahaifinshi dashi akan shi gobe in ba'a kawo mishi Afeeyah gidan nan ba bazai kara cin abinci ba, hankalin alhj basheer ya tashi matuka saboda yadda Affan ke kuka harda majina,
dakyar ya lallabashi yace gobe in shaa Allahu zan dawo maka da ita gidannan kaji, Affan ya share hawayenshi ya rungumeshi cikin jin dadi yace bari inje in faďa ma mummy sai tayi mata abinci mai dadi ko,
alhj basheer ya gyaďa kanshi,
Affan ya tashi ya fita yana ihun murna, binshi alhj basheer yayi da kallo a zuciyarshi yana tunanin yadda zai tinkari alhj bara'u da mahaifin Afeeyah da maganar auran mahaukacin danshi dan in ba aure ba babu abinda zai kawo Afeeyah gidanshi ta zauna,
dakinshi ya wuce yana jiyo ihun Affan a waje yana yi yana tsallen murna....

Da wuri aka idar addu'ar bakwai akayi sadaka sosai mutane suka watse,
alhj basheer zaune a parlon alhj bara'u suna yar hirah jefi2,
alhj Bara'u ya kalli alhj Basheer yace alhj tun a gurin addu'a na lura da yanayinka kamar wani abu na damunka, alhj basheer yayi ajiyar zuciya yace wallhy alamarin yaron nan ne ke matukar bani tsoro, alhj Bara'u cikin damuwa yace alhj Basheer kenan ay cuta kaffara ce,
ka dinga godewa Allah da lalurar da ya ďaura mishi dan shi kadai yasan sirrin dake cikinta, gara kai ma zaka kalleshi a haka kaji dadi,
yayi murmushi mai ciwo yace Allah ya kai rahama kabarin jabeer, alhj basheer yace "ameen" amma ni ba ciwon Affan bane ya dameni,
wani abu yake so inyi wanda a ganina son zuciya ne in har na yarda na biye mishi,
alhj bara'u yace menene shi alhj,
nan alhj basheer ya faďa mishi duk abinda Affan ke faďa mishi game da mafarkinshi, alhj bara'u yayi ajiyar zuciya zaiyi magana kaka liman ya shigo da sallama,
da sauri suka mike suna mishi sannu da zuwa dan ya koma Daura tun ranar uku, zama yayi a gajiye yana amsa musu, bayan sun gaisa Amirah ta kawo mishi abin kari ya zauna kamar ba gidan ďanshi ba dan baida wannan kauyancin akanshi yaci abincinshi son ranshi yana ci suna hirah,
alhj basheer ya kalli alhj bara'u yace bari in tafi anjima ma karasa maganar,
kaka liman yayi maza cikin wasa yace zauna tare za"a karasa maganar dani in dai ba ta gulma bace,
suka kwashe da dariya suka ce bata gulma bace kaka, yace to a cigaba mana, daga ganina sai ku bari,
alhj bara'u yace to Baba bari mu cigaba kaima sai ka bada shawararka,
yayi murmushi yace to inaji,
alhj bara'u ya fada mishi komai kamar yadda alhj basheer ya fada mishi,
kaka liman yayi murmurshin jin daďi a zuciyarshi yace ikon Allah kenan jiyan nan nake tunanin yadda zanyi a karasa burin jabeer sai gashi cikin sauki wacce yakeso ita zata karasa aikin da ya dauko na amininshi, tabbas akwai wani boyeyyen alamari a cikin wannan auren in har ya ďauru,
ya kalli alhj basheer yace to meye abin son zuciya anan, aure fa kace bawai wani abu ba, kuma ay Affan a wannan lokacin yana bukatar mata saboda haukarshi ba wata hauka bace kawai dai yana abubuwan kananan yara ne, yanzu in har Allah ya tabbatar da auren nan kai da kanka zaka sha mamaki saboda yanzu ne zai samu wacce zai zauna da ita dare da rana kuma nutsuwa sosai zata shigeshi har ta iya kaishi ga samun sauki in Allah ya so, dan komai sai ya so ko ba haka ba,? suka ce haka ne kaka, yace to ku barmin komai yanzu zanje in samu malam atikun in faďa mishi in so samune ma ayi auren yau tunda me zamu jira, nayi imanin hankalin jabeer zai kwanta a cikin kabarinshi in har wannan auren ya yiwu saboda masoyanshi ne kuma hakan zaisa ako da yaushe su dinga tunawa dashi, amma in mukayi sakacin barinsu suka auri bare to fa zasu manta dashi cikin adduoinsu ko ba jima ko ba daďe,
alhj basheer yace haka ne kaka, to ubangiji Allah ya tabbatar mana da alkhairin dake cikin auren, Ameen sukace gaba dayansu sannan suka kama wata hirar...

Zaune take a gefen gado kanta na kallon sama hawaye na gangarowa daga gefen idonta,
cikin muryar damuwa Hajja dake zaune a gefenta tace yanzu dan Allah bazaki yi tawakkali ba Afeeyah, ace yau kwana bakwai babu ci babu sha sai aikin kuka, duk kin rame kin lalace, wannan kukan da kikeyi bashi zai dawo da jabeer ba, Allah ya fiki sonshi shiyasa ya ďaukeshi daga wannan rikitaciyyar duniyar, kamata yayi hakuri ki dangana lamarinki ga Allah ki dage wajen yi mishi addu'a wannan shine kadai zai nuna lallai son da kike mishi babu algus a ciki, kinsan yadda jabeer ya tsani yaga zubar hawayenki gashi saboda shi kin kwana bakwai kinayi ba bacci bare cin abinci, gaskiya in har kikace haka zaki cigaba dayi hankalinshi bazai taba kwanciya ba gara ki dawo da walwalarki kamar yadda kika saba duk da nasan da kamar wuya amma hakan zaki daure tunda kinsan ba'a taba mutuwa an dawo ba,,
Afeeyah tunda har manzon Allah S.A.W yabar duniya to ki tabbatar da babu mai shigowa cikinta ya zauna,
muma yau ko gobe zamu bi jabeer inda yaje,,,
Cikin kuka Afeeyah tace Allah yasa yau ďin ne, Hajja kin kasa ganewa ne, nayi duk iya kokarin da zanyi in hana kaina kuka na kasa,
dan Allah ki fada min yadda zanyi in daina kukan mutuwar yaya jabeer, tun ina karama bansan kaina ba fa nasanshi,
ya bani kulawar da babu wanda ya bani ita, ya soni ya kaunace ni, kuma yayi yaki da duk wani abun da zai sani damuwa,
ta kara fashewa da kuka murya na rawa tace ya Allah ka sassauta min wannan jarabawar tayi min zafi da yawa,,,,
[15/12 09:37] Anty aisha ya'u kura: ◆◆ RABO AJALI ◆◆ 3⃣7⃣ By Aysha Ya'u Kurah

Zama tayi a gefenshi cikin muryar kuka ta gaisheshi,
sai da ya ďan jima sannan ya kalleta batare da ya amsa ba yace bazan hanaki hawayen nan ba dan bansan dalilin zubar su ba,
ki zubar da su san ranki in kin gama sai ki saurareni,,
Afeeyah ta haďiye kukan hade da goge hawayenta tace nagama kaka,
kaka liman ya kalleta yace kin tabbata,,
ta gyaďa mishi kai tana ajiyar zuciya, yace to Allah ya kara miki hakuri ya kuma kara miki dangana, tace Ameen,

kaka liman yace magana nakeso muyi dake, inaso ki saurareni kuma kiyi wa maganar kyakyawan duba a mizanin hankali, kina jina,?
tace eh inajinka,
yace madallah,
yau jumma'a dai2 kwana bakwai da mutuwar jabeer ko ba haka ba,
tace haka ne kaka,
yace gobe sati, satin da yaso zama ranar tarihi mafi girma a rayuwarku ke da jabeer,
sai kuma Allah mai kowa mai komai bai yarda ba saboda dama ya rubuto ke ba matarshi bace kuma shima Allah ya rubuto bazai taba yin aure a rayuwarshi ba zai koma gareshi,
Shin Allah baya sonku ne yayi muku haka,
ta girgiza kanta da sauri,
yace Allah shi kadai ya barwa kanshi sanin boyayyen alamarin dake tattare da rayuwarki shiyasa ya ďauke jabeer a lokacin da kike bukatarshi domin ki fuskanci wata rayuwar,
ki sani Afeeyah in har a rubuce a allon Allah gobe ne ranar da zakiyi aure to babu makawa sai an ďaurashi, Allah sarki jabeer, bayan iyayenshi da yanuwanshi baiso kowa ba kamar yadda yaso ku ke da Affan, shin a soyayyar da jabeer ya nuna miki zaki iya cika burinshi da ya fara bai karasa ba,
da sauri tace koda kuwa wahalarshi zaiyi sanadiyyar raina kaka,,
alhmdullh kaka yace a zuciyarshi sannan yace bana fatan yayi sanadiyyar ranki jikata, nasan zakiyi duk abinda nace,
jabeer ya dauko aiki mai matukar hatsari kuma Allah bai bashi ikon karasawa ba, yanzu ni da ke zamu karasa shi amma banason ya zama hatsari a gareki,
Afeeyah dole ki fitar da kanki a sahun yara domin ke ba yarinya bace, dole ki zama mai jajircewa a cikin wannan kasadar da zamu sa kanmu,
da siyasa nakeso muci yakin nan domin yakin yafi karfin yinmu amma baifi karfin Allah ba,
Allah yasa zaki daure zuciyarki in kikaji jahadin da zakiyi domin masoyinki,
Afeeyah tace koma menene zanyi kaka in shaa Allahu,, kaka liman yayi murmushi cikin jin dadi yace Afeeyah gobe in Allah ya kaimu zaki bar gidanku ki koma gidan Alhj basheer da zama a matsayin matar ďansa,
mikewa Afeeyah tayi da sauri tana girgiza kanta idonta ya fara kawo ruwa tace kaka" Affan??, innalillahi wa inna ilaihir rajiun,
kaka liman yace nutsu Afeeyah ki nutsu ki zauna muyi magana domin babu abinda zai hana wannan auren sai Allah, kafin ki shigo dakin nan nayi istahara akan lamarin nan na gano abubuwa da yawa saboda haka ki zauna mu cika ma marigayi burinshi,
Afeeyah ta zauna tana kuka tace kaka har abada bazan taba iya auren wani ba, bazan iya ba,
na daukarwa kaina alkawarin bazan yi aure ba har in koma ga mahaliccina, nasa a raina ni zan zama uwar gidan yaya jabeer a aljanna,
kaka liman yayi dariya yace kuruci dangin hauka, alkawarin ki kenan, kika san alkawarin Allah akanki, bakisan mijinki ba, yawan ya'yanki da kuma adadin rayuwar zakiyi kafin ki koma gareshi,
dan haka ki kauda wannan maganar ki fuskanci rayuwar gaba, jabeer ya riga ya tafi bazai dawo ba dan haka mu ida aikin alkhairin da ya fara domin samar ma ruhinshi salama,
nidai bazan faďa miki komai yanzu ba,
zanso ki zauna a gidan ki fara ganin komai dake faruwa da kanki hankalinki zai baki ki gane abinda nake nufi, zan dinga waiwayoki akai akai dan akwai yan tambayoyi da zan dinga miki domin mu dinga sanin matakin dauka ta kasa2, duk abinda kika gani karki nuna kin gani saboda tsaro kin gane ko,
Afeeyah da kuka yaci karfinta ta kasa magana sai kallonshi kawai takeyi yana mata jawabi kamar tace mishi ta yarda da maganar auren,

Kaka liman ya dade yana sako ma Afeeyah magana cikin magana dan bayaso ta fahimce shi ya jefa rayuwarta cikin hatsari,
yasan tana shiga babu dadewa tausayin Affan zaisa tayi ko me ya sata dan kubutarshi,,,

Da daddare bayan ta idar da isha'i ta hade kai da gwiuwa tana kuka sosai tana hango rayuwar da zatayi a gidan su Affan tare da su mummy masu kirar samudawa,
yaya zatayi ta iya zama da Affan a wannan halin da take ciki, bata tunanin zata iya taimakonshi domin itama neman wanda zai taimaketa ya tausheta takeyi,
babu irin rarrashin da hajja batayi mata ba akan ta dauki auren a matsayin kaddara, ita kanta hajja tsoro abin yake bata domin tasan jikarta zata shiga wata irin rayuwa mai cike da jarabawa,,
saida tayi kukan ta gaji dan kanta ta bingire da baccin wahala a takure gurin,,,

Karfe uku da kwata na dare hajja ta jiyo muryarta cikin bacci tana sambatu hawaye da zufa sun jika fuskarta da wuyanta,
a hankali ta matso kusa da ita ta kama hannunta zata fara mata magana taji ta matse hannun sosai tana faďin
"bazan iya ba yaya jabeer, bazan iya ba,,, dan Allah ka dawo gareni, kasan a irin wahalar da kabar zuciyata, dan Allah karka kara tafiya ka barni, hajja ta fara cire hannunta cikin nata ta kara matsesu da karfi tana faďin "bazan kara barinka ka tafi ka barni ba,""
hajja ta share hawaye ta janyota jikinta tana karanto addu'a tana tofa mata a hankali, cikin ikon Allah tayi lamo jikin hajja tana ajiyar zuciya,,
hajja bata koma bacci ba saida ta tabbatar Afeeyah ta daidaita sannan ta kwantar da ita itama ta kwanta tana kallonta....

Mrs tijjani shattima...
[15/12 09:37] Anty aisha ya'u kura: ◆◆ RABO AJALI ◆◆ 3⃣8⃣ By Aysha Ya'u Kurah

Washe gari karfe 10am aka ďaura auren "Afeeyah da Affan" banda Hajja, Abida da Asiyah babu wanda yasan da maganar auren, alhj basheer ba karamin farin ciki yayi ba dan ji yayi kamar ya goya malam Atiku dan murna,
godiya kuwa yayita har yana neman tsugunawa saboda acewarshi wanda zai dauki ya' kamar Afeeyah ya bawa mahaukaci ay ba karamin jihadi yayi ba,
kaka liman kuwa zan iya cewa yafi su murna dan a ganinshi ya jefi tsuntsu biyu da dutse ďaya, yasan in Affan ya samu sauki Afeeyah zatayi alfahari da kasancewarshi mijinta dan yasan babu yadda za'ayi Affan ya wulakanta Afeeyah tunda yasan muhimmacinta a rayuwar Jabeer,

Bayan an gama daura auren da adduoi suka danyi ciye ciyen da alhj basheer yayo ordr sai kowa ya wuce gida cikin farin ciki,,

A kofar gida alhj basheer ya hadu da masu furnitures din daya kira dan gyara side din Affan da rabonshi da shiga tunda ya fara ciwo,, , karasawa ciki sukayi ya nuna musu inda zasu gyara nan da nan suka fara aune aune da gwaje2,
karan mashin din aikinsu oyizah ta jiyo ta fito da sauri tana fadin karan meye wannan,
tsayawa tayi tana kallonsu tace kaiiii daga ina kuke?
Ganin alhj basheer tayi ya fito daga bayi da mai gyaran bayi suna magana tace alhj gyaran me akeyi haka,? ko Affan zai dawo nan da zama ne,
alhj basheer ya bawa mai gyaran bayin kudi sannan ya kalleta yace eh nan zai dawo, oyizah ta haďe rai tace saboda me, kasan fa bazai iya kwana shi kadai ba shiyasa na bashi daki daya a cikin nawa,
alhj basheer yayi murmushi yace nan din ma bashi kaďai zai dinga kwana ba, oyizah tace kamar yaya,?
Alhj basheer yace surprise nakeso in baki, naso sai an kawota sannan zaki ganta amma tunda kin dan fara dagowa bari in fada miki,
yanzu aka daura ma Affan aure,
oyizah cikinta ya ďuri ruwa tace aure alhj? Yace kwarai aure, zanso kiga farin cikin dake raina game da wannan auren safiya,
oyizah ta share gumin fuskarta tace da wa aka daura mishi auren, wayarshi ta fara ringing yayi saurin ce mata da Afeeyah yar gidan malam Atiku, ina zuwa bari muje mu dawo zanyi miki bayani ya fita da sauri saboda wayar ta sake kara alhj Bara'u ke jiranshi zasuje yi mata siyayya tare da Asiyah, ,,
tsaye yabar oyizah baki sake tana kallon masu aikin gurin,
dakyar ta iya ďaga kafarta ta wuce parlor,
wani irin zama tayi akan kujera har saida kujerar ta amsa,
da sauri farida ta mike a kujerar tace haba mummy wannan ay sai kisa muyi kasa, oyizah da idonta yayi jawur tace mukai kasan mana,
farida ta dawo kusa da ita tace mummy lafiya, oyizah tace hmmm aure aka ďaura a cikin gidannan,
farida cikin kidima tace daddy ne yayi aure,
oyizah tace gara min shi yayi aure dan nasan duk wacce zatazo baza tayi karko ba,
farida tace to waye yayi aure, dai2 lokacin Affan ya wurgo kwallo yana bugawa cikin farin ciki ta kalleshi tace wancan saunan aka daura ma aure,
fareeda ta kwashe da dariya tace ita kuwa wannan wace dakikiyar ce ta yarda ta aureshi,
mummy tayi tsaki tace mune dai dakikan da tuntuni banyi tunanin nemo mace sakarya na haďashi da ita ba,,
Farida tace ban gane ba mummy,
oyizah tace ay kwakwalwarki bazata gane ba amma nasan in na faďa miki amaryar zata gane, Ay kwakwalwarki tasan Afeeyah yar kishiyar suwaiba ko?, farida ta dafe kirji tace farin sani mummy ita ya aura,
tace aka daura mishi dai, ta kalli Affan taga ya kara mata nuri sajenshi ya kwanta luff" yayi matukar kyau kamar yasan yau zai angwance,
da karfi ta kira sunanshi ya taho da gudu ya zauna kusa da ita,
ta kalleshi tace u luk very happy my son,
ya kara gyara zamanshi cikin murna yace am happy mummy yau za'a kawomin Afeeyah,
ta kalleshi sosai tace waye ya faďa maka, yace ni nace daddy ya kawomin ita mu dinga wasa ba jiya nazo zan fada miki ki mata girki mai dadi ba kika koreni,
oyizah tayi saurin dafe kanta da ya sara mata tace tashi ka tafi,
ya mike tsaye har ya fara tafiya sai kuma ya juyo ya tsuguno saitin kanta yace mummy zakiyi mata girkin,
a hassale ta dago ta daka mishi tsawa tace ubanka zan girka mata, wuce ka bani guri,
Affan ya wuce cikin tsoro yana waigenta kamar zaiyi kuka..
Farida ta dafata a hankali tace mummy meyasa kike damuwa naga Affan is under ur control dole itama in ta shigo ta zama a karkashinki, ni mummy kin bani mamaki wannan small girl din kike damuwa akanta, duka fa bata wuce 17 to 18,
oyizah tacee uhmm kawai ta mike tayi sama tana tunanin yadda zata fara bullo ma wannan alamarin...

A can gidan Malam Atiku kuwa tunda suwaiba ta samu labari take bala'i tana zaginshi, wai akan me za'a boye mata maganar auren saida aka daura za'a fada mata dan anga ba ita ta haifeta ba,
malam Atiku cikin fushi yace sannu uwata, wani abun zaki tsinana min in na fada miki, ko nairah dari bazaki kawo kice a siya mata cokali ba to niko saboda me zan faďa miki, aure ne an daura shi babu wanda ya isa ya warwareshi, nan fa suwaiba ta cigaba da bala'i tana aibata auren harda kuka saboda bakin ciki,
acewarta ita bata bakin ciki da auren musaki amma can cikin zuciyarta takaici ne dankare saboda tasan ko Affan zai dawwama cikin ciwon hauka Afeeyah ta gama warkewa, hangowa ta dinga yi da kausar ce da tuni yanzu alhj basheer ya fara jikata da kuďi,
daki ta koma bayan ta gama sababinta tana kukan rashin sa'arsu ita da diyarta,
malam Atiku ya fita ya barta, hajja kuwa ko dekowa batayi ba tana ďaki tana aikin rarrashi...

Mrs tijjani shattima...
[15/12 09:37] Anty aisha ya'u kura: ◆◆ RABO AJALI