You Cannot Download this book untill you login but you can read it .

---

Login Register

har nace zan sauke fushi na akanta to wallhy dakyar zan barta da rai,
salma tace ay dama mummy bai kamata ki dinga kulata ba mun isheta dan tasan babu sa'anta a gidannan, ko shi garan mijin nata bai isa ya hanamu yin komai akanta ba,

Afeeyah ta mike dakyar tace ma hajja tana zuwa,
hajja tace muje in tayaki,
Afeeyah tace haba hajja zauna yanzu zan gama,
hajja ta maida kwallar idonta tace to Afeeya,
hijab ta ďauka tabi ta gefensu ta wuce ta barsu tsaye sunata habaici suna zaginta,

kitchen ta shiga ta tarar dashi kaca2, nan ta shiga gyarashi ta haďe kayan wanke2 tayi ta gyara ko'ina tayi mopping,
tana gamawa taji muryar farida a bayanta, da sauri ta waiga ta kalleta tace na'am me kikace,
farida ta harareta tace ance ki daura rice nd stew 4 lunch akwai komai na amfani ki duba zaki gani sannan ki haďa min corslw,,
salma kuma tace ki soya mata plantain ki kawo mata yanzu,
Afeeyah ta gyada kanta ta wuce store din da ta hango kayan abinci,
saida ta daura white rice sannan ta bare plantain, ta daura shi a wuta ta soya,
ba karamin wulakanci sukayi mata ba da ta kai ma salma plantain din,
Ko kallansu batayi ba ta juya ta koma kitchen ta cigaba da aikinta,

sai sha biyu saura ta gama komai ta gyare ko'ina sannan ta wuce parlor da niyyar gyarawa,

Zaune ta sameshi a parlon yana buga game yana ihu shi kaďai,
bata kalleshi ba ta fara gyara cikin parlon, buruntu yaji ya waigo ya kura mata ido yana dariya,
sam bata lura ya ganta ba tana can tana kakkabe kujeru,
rungumeta taji yayi ta baya yana faďin yeeeee na ganta,
Afeeyah tace dan Allah sakeni aiki nakeyi,
ya saketa ya zagayo yana kallonta yace har yanzu fushi kikeyi dani,
ta dauki remote ta kaishi mazauninshi ba tare da ta kalleshi ba,
binta yayi a baya yace ki yi hakuri ni bansan zaki ji ciw-- dan son annabi ka kyaleni kaje ka cigaba da game dinka haba ta fadi da karfi rai a bace,

hanyar waje yayi kanshi a kasa kamar zaiyi kuka,
Kallo ta bishi dashi har ya fita sannan taja tsaki a hankali ta cigaba da aikinta cikin kwanciyar hankali dan har ta gama bai dawo ba,
ďaki ta koma tana haki saboda yunwar da takeji ta samu hajja a kan dadduma ta idar da sallah,
zubewa tayi a jikinta tana maida numfashi tace hajja yunwa nakeji, dan Allah ki samo min wani abu inci a gida,
hajja ta shafa addua tace ke kuwa duk girkin nan da kikayi bakici ko kadan ba,
Afeeyah tace umm banason abinda za'a kira uwata da ubana a zaga,
hajja tayi murmushi a zuciyarta tace lallai mutuwar jabeer ta kashe zuciyar yarinyar nan,
ta kalleta tace kinyi dai2 kici gaba da hakuri wata rana sai labari,
bari inje in kawo miki abinci a gida,
Afeeyah tace to hajja bari inyi sallah kafin ki dawo,

Ta windon bayi ta hangoshi zaune yayi tagumi yana kallon ramin kifi, da ganinshi kasan baya cikin walwala,
tsaki tayi ta cigaba da alwalarta ta fito tayi sallah,
tunanin maganganun da hajja tayi mata ta dinga yi sannan ta tuno da abinda tayi mishi dazun da kuma bacin ran da ta karanta a fuskarshi,
mikewa tayi ta naďe daddumar ta fito tana neman hanyar da zata sada ta da gurin kiwon kifin,
da kyar ta gano hanyar ta karasa gurin ta zauna, sam baisan tazo gurin ba ta waiga gurin da taga abincinsu ta ďiba ta watsa musu,
da sauri Affan ya waigo suka haďa ido ya kauda kanshi ya juya mata baya, murmushi ta kirkiro tace kayi hakuri,
dazu banaso ka hanani yin aiki ne shiyasa,
ya noke wuyanshi yace naki yin hakurin,
ta kamo hannunshi a hankali tace Niko?
yayi murmushi haďi da fari da ido kamar yana kallonta sannan ya kara haďe rai yace eh ďin,
tace to juyo kaga wani abu,
ya juyo yana turo baki yace meye?
tayi murmushi tace fushin fuskarka zan nuna maka,
ta nuna bakinshi da hannu tace kaga yadda bakinka yayi babba, sannan fuskarka tayi katuwa saboda fushi,
ya kara turo bakin yayi kasa da idonshi yace to bake bace kike min ihu,
tace to ai zan daina nace maka,
yayi murmushi kadan yace yaushe zaki daina, tace yanzun nan, ya wangale baki ya rungumeta yana dariya sosai yace yauwa barbie na, to tashi muje can ki tayani buga kwallo,
tace a'a yanzu dai inaso insan ko kayi wankan tsarki,
yace eh nayi wanka sosai jikina yanata kumfa,
yanata kumfa,
yanata kumfa na koma fari sosai,
tayi dariya tace to sallah fa,
nan ya kirne fuska yace ai ni bana sallah, Afeeyah ta kwalalo ido waje tace la haulu, baka sallah,
saboda me,?
Kafin yayi magana sukaji muryar oyizah a bayansu tana cewa saboda ubanki bai koya mishi ba.....

Mrs tijjani shattima...
[15/12 09:37] Anty aisha ya'u kura: ◆◆ RABO AJALI ◆◆ 4⃣3⃣ By Aysha Ya'u Kurah

Afeeyah ta sunkuyar da kanta da sauri kirjinta na dukan uku2,
Affan ya kalli oyizah yace mummy dama saboda babanta bai koyamin ba shiyasa bana yi,
oyizah ta mika mishi cup din hannunta tace amshi maganinka kasha rabu da wannan kinibabbiyar,
Affan ya karbi ruwan asirin da ya saba sha kullum ya fara sha ya miko ma Afeeyah yace kema zaki sha, Afeeyah ta girgiza kanta ta mike zata wuce oyizah ta janyo hijabinta tace dawo nan ban gama dake ba, ta kalli Affan tace tashi ka kai cup din kitchen sai kaje kayi wasanka, Affan ya mike yana yafito Afeeyah da hannu yana cewa zo muje ki tayani buga game,
oyizah tace a'a jeka kayi wasanka zata zo ta sameka,
ya wuce da gudu yana dago ma Afeeyah hannu,

Wani irin kallo oyizah tayi ma Afeeyah sannan tace jiya me nace miki game da Affan,,
Afeeyah ta sunkuyar da kanta kasa tace dan Allah kiyi hakuri,
oyizah taja kunnenta da karfi tace hakurin uban me kike bani, bance miki kar ki shishshige ma Affan ba? bance miki karki shiga rayuwarshi ba, ohhh wato kema zaki fara tursasashi akan sallah kamar yadda ďan iskan saurayinki yayi ko?
Afeeyah ta runtse idonta zuciyarta na zafi saboda kiran jabeer dan iska da oyizah tayi,
Rankwashi mai karfi ta sakar mata akai tace zan miki kashedin karshe,
kashedin da idan kika ďauka kin tseratar da kanki daga fushi na,
anyi na farko anyi na karshe tsakaninki da Affan, kin fahimci abinda nake nufi ko sai na warware miki?
, Afeeyah tayi shuru kirjinta na tsananta bugawa,
oyizah tace to ina nufin kwana ďaki daya ke da shi, anyi ta yanke ta gille tsakaninku,
wallhy kinji na rantse duk ranar da kika kara yarda Affan ya shigo dakinki har kika barshi ya kwana, hmmm faďin hukuncin da zan miki ma bata baki ne kina jina ko?
Afeeyah ta gyaďa kanta tace eh inaji, oyizah ta saki hijab dinta ta kara kai mata duka a kai tace bace min a gaba ko in illata ki, da sauri Afeeyah ta wuce daki tana kuka******

Bayan hajja ta gama rarrashinta ta zuba mata abinci ta karba ta fara turawa da sauri saboda azabar yunwar da takeji,
cikin tausayawa hajja ta fara bata baki cikin hikima da kalamai masu taushi,
sai da ta tabbatar da hankalinta ya kwanta sannan ta tashi tafi gida cike da tausayin yar jikarta da ta fara dandana rayuwar duniya, dan da sam Afeeyah bata san bacin rai ba kullum cikin farin ciki take in ka ganta tana kuka to na shagwaba ne, babu wanda zai taka ta ta barshi bare har ya daura mata bacin rai duk wanda yayi mata take zata mayar mishi ta wuce hankalinta kwance..

Haka rayuwar Afeeyah ta kasance cikin kunci da bauta,
wulakanci kala2 babu wanda bata gani,
sam bata bari Affan ya ganta ko yazo yana bubbuga kofarta bata budewa,
ba karamin tausayi yake bata ba in ya fara buga kofar dan baya bugun hankali yana bugata yana ihu wani lokacin ma harda kukanshi,
abinci kuwa saidai hajja ta kawo mata dan bata nasu,
duk wannan wainar da ake toyawa alhj basheer bai sani ba saboda baya gari,

A ranar da ta cika sati uku a gidan tana tsaye tana mopping dining room,
oyizah da suwaiba suna zaune cikin parlon suna gulmarta,
suwaiba tace lallai yarinyar nan ashe duk iskancin da take mana guri ta samu,
ji yadda take muku bauta kuma duk zagin da kuke mata ta kasa tabuka komai,
oyizah tayi dariya tace ay wargi ma guri ya samu,
ni yaushe kamar wannan yarinyar zata tsaya min a gaba, ai wallhi kema suwaiba harda laifinki,
suwaiba tace ai da dinma daurin gindi ta samu to yanzu mai shagwabatan ya mutu shiyasa shegen bakinta ya mutu,
oyizah tace ai ko shugaban kasa ne ya tsaya mata bata isa ta min ba bare wannan tsinannan yaron mai shegen girman kan tsiya..

Afeeyah ta yar da mop din hannunta ta runtse idonta zuciyarta na tafarfasa,
muryar salma taji a bayanta cikin isa da gadara tace
kee..
je kiyi min pepper soup mai yaji sosai yanzu nan ki kawo min,
Afeeyah bata juyo ta kalleta ba ta tsalleke ruwan da take mopping dashi ta kama hanyar side dinta,
da sauri salma ta bita tana huci taja rigarta ta baya har saida wuyan ya yage tace ke dan uban--- Afeeyah ta juyo cikin azama ta dauketa da gigitaccen marin da ya hanata karasawa yasata sakin Afeeyah bata shirya ba....

Mrs tijjani shattima.....
[15/12 09:37] Anty aisha ya'u kura: ◆◆ RABO AJALI ◆◆ 4⃣4⃣ By Aysha Ya'u Kurah

A firgice oyizah da suwaiba suka yo kan salma dake rike da kunci idonta yayi jajur,
fuskarta oyizah ta ďago tana shafawa ta kalli Afeeyah murya a sarke tace m-ari,
suwaibah ta jinjina kai a munafurce tace tabdijam, lallai yarinyar da tsaurin ido kike, ki kalli girman salma ki dauketa da irin wannan marin,
Afeeyah taja tsaki ta juya zata wuce oyizah ta saki salma ta janyota da karfi tana huci,
ihun da Afeeyah ta saki yayi daidai da shigowar alhj basheer parlon,
da sauri ya karaso yace subhanallahi lafiya safiya, me tayi miki,
oyizah ta saki Afeeyah da sauri ta juyo ta fara hawaye tace alhj ace kamar yarinyar nan ta dubi salma ta tsinka mata mari,
Afeeyah ta durkushe ta fashe da kuka tace dan Allah daddy ka kaini gurin hajja, wallhy kasheni zasuyi, dukana sukeyi kullum, yanzu ma dukana suka gama yi har suka yaga min riga,
dan Allah ka kaini gurin hajja,
kafin alhj basheer yayi magana mahmud dan suwaiba ya shigo rike da kular abinci a hannunshi,
ta gefen ido Afeeyah ta hangoshi cikin muryar kuka tace mamu kai min daki ka dauko kular jiya,

alhj basheer cikin mamaki yace meye a cikin kular nan, Afeeyah tace abincin rana na ne,
alhj basheer cikin tashin hankali yace duk abincin dake gidan nan sai an kawo miki abinci daga gida,
oyizah da ta gama tsurewa tace umm al--- Afeeyah ta katseta da sauri tace sunce abincin gidan nan ba na talakawa bane wai ban saba cin irin shi ba saboda haka kar in taba musu,
oyizah ta sankare cikin mamakin sharrin da Afeeyah ta lafto musu,
alhj basheer ya juya ya kalleta cikin tuhuma tayi saurin cewa wallhy karya take min alhj, ya za'ayi in hanata abinci,
alhj basheer ya kalli mahmud yace kai tun yaushe kake kawo ma Afeeyah abinci, mahmud yace kullum nake kawo mata da safe da rana da daddare,
alhj basheer ya saki salati yace kin kasheni safiya,
kin tozarta ni a unguwar nan, yanzu kowa ya gama sanin sirikata daga gidansu ake kawo mata abinci,
oyizah tace wallhy alhj kar---rufe min baki ya fadi cikin daga murya,
ya dago Afeeyah ya kalli wuyan rigarta yace yi shuru ki share hawayenki karki kara cewa zaki je gida sannan yau ďinnan zan siyo miki komai na abinci ki dinga girkawa kina ci a dakinki,
salma cikin kuka tace daddy marin da yarinyar nan tamin taci bulus kenan,
alhj basheer ya juyo yakai mata wani marin a baki yace in mafaďin magana wawa ne ai majiyinta ba wawa bane,
yaya za'ayi Afeeyah ta iya daga hannu ta mare ki,
salma cikin kuka sosai tace na rantse da Allah daddy ta mareni,
ta kalli Afeeyah suka hada ido ta sakar mata gwaloo hade da murmushi salma ta kara tunzura tayo kanta zata duketa alhj basheer yace wallhy tallahi kika taba yarinyar nan sai na lahira ya fiki jin dadi,
oyizah dai tana tsaye kamar gunki mamakin Afeeyah ya hanata cewa komai, haka suwaiba,
Affan ne ya fito da gudu jin muryar mahaifinshi, rungumeshi yayi iya karfinshi yace daddy ka dawo,
alhj basheer yace na dawo Affan kana nan lafiya ko,
Affan ya noke wuyanshi ya haďe rai yace daddy nayi fushi da Afeeyah bazan kara mata magana,
alhj basheer yayi murmushi yace me tayi maka,
Affan yace batason wasa dani kullum sai su anty salma suyita sata aiki ta goge can, ta goge nan, tayi girki da yawa kuma ita bata ci, kuma sai ta rufe kofa ta hanani shiga inyita bugawa taki buďewa,
alhj basheer ya harari salma da oyizah sannan ya kalli Afeeyah yace meyasa bakya bude mishi kofa,
oyizah tayi saurin cewa dan Allah alhj kabar maganar nan muje ka huta anjima sai ayita,
alhj basheer bai kalleta ba yace Afeeyah dake nake magana,
Afeeyah ta dago kanta ta kalli oyizah da zufa ya jikata tace daddy saboda shan maganinshi ne na dare, kafin lokacin yayi nayi bacci bana sanin yana bugawa,
oyizah ta saki ajiyar zuciya a hankali..

alhj basheer yace wannan ba hujja bace daga yau ma duk magungunshi ke zaki dinga bashi,
Affan ya kalli oyizah yace mummy wai ita zata dinga bani magani?
Oyizah ta haďiye miyau tayi murmushi tace eh hakan ma yafi, Affan ya kalli Afeeyah yace zaki dinga bani magani dakyau yadda mummy take bani,
Afeeyah tayi murmushi ta saci kallon oyizah tace sosai ma, kasani ma ko in fita iya baka da kyau,
yayi tsalle ya rungumeta yace to muje mu dauko magungunnan mukai dakin mu ko,
alhj basheer yayi dariya yace banason shirme ka bari mummynka zata kawo maka har ďaki,
ya kamo hannun Afeeyah yace zo muje muyi wasa irin na rannan,
Afeeyah tayi saurin fisge hannunta ta wuce daki cikin jin kunya, ya bita a baya da gudu,

alhj basheer ma daki ya wuce ba tare da ya kalli oyizah ba,,
suwaiba tace kinga abinda nake faďa miki game da yarinyar nan ko,
oyizah tace uhummm kawai ta wuce daki salma ta bita har lokacin kuka takeyi,,, suwaibah taja gyalenta itama tayi waje...

Karfe huďu na yamma alhj basheer ya dawo gida motarshi cike da kayan abinci,
masu aikin gidan maza su suka shiga da kayan lokacin Oyizah na zaune a parlor tana ta tufka da warwara, ko kallonsu batayi ba har suka gama shigewa da kayan suka fita,
shigowar alhj basheer ne yasata mikewa da sauri tana mishi sannu da zuwa, bai amsa mata ba yace kin kai wa Afeeyah magungunan,
oyizah tace yanzu zan kai mata alhj, dan Allah ka fahimceni wallhy--yayi saurin dakatar da ita da hannu yace babu abinda zaki fada min in yarda,
tsakani da Allah safiya a bani amanar yarinya ku hadu ke da yayanki ku dinga kuntata mata,
oyizah ta fashe da kuka tace wallhy alhj sharri tayi mana, kaima kasan abinda zanyi da wanda bazanyi ba,
yace in ke baki mata ay yayanki na mata kuma bakya tsawatar musu,
Oyiza ta kara tsananta kukanta tace dan Allah kayi hakuri wallhy zan dauki kwakwaran mataki akan su,
dakyar alhj basheer ya hakura kuma yasa ta kira su salma yayi musu concrt warning akan Afeeyah...
[15/12 09:37] Anty aisha ya'u kura: ◆◆ RABO AJALI ◆◆ 4⃣5⃣ By Aysha Ya'u Kurah

Cikin fushi tace dalla ni sakeni in gaida ubangijin da ya halicceni kuma ya raine ni da ni'imominsa,
Affan ya kwantar da kanshi a kafadarta yace ni kike ma ihu ko?
Tayi tsaki tace ay kai duka ne ma ya kamace ka ba ihu ba,
ya dawo gabanta yayi narai2 da ido yace zaki iya duka na,
tace sosai ma in dai bazaka dinga yin sallah ba,
ta tallabi fuskarshi da hannunta ta rage murya tace kasan falalar dake cikin yin sallah?,
Affan ya girgiza kanshi,
tace ko na fada maka bazaka gane ba,
ka faďa min duk abinda kakeso wanda yake ranka yanzu,
ya rufe idonshi cikin murna yace ammmm inason ganin abokina, ya bata rai kamar zaiyi kuka yace abokina ya gudu ya barni ya daina zuwa guri na nayi fushi dashi,,
idon Afeeyah ya ciko da kwallah tace kar ka damu zaizo ya ganka, amma fa sai ka yarda kayi sallah, yace in nayi zaizo tace sosai ma,
Affan yace to sai kuma ina son kullum ki dinga tayani wasa,
mu buga game tare, mu buga kwallo tare, Afeeyah tayi saurin cewa har abinci ma tare zamu dinga ci mu dinga bacci tare amma fa sai ka yarda kayi sallah,
ya daka tsalle yace yeeee zanyi,
Afeeyah tace sai me kuma,
ya bata rai yace sai kuma su anty salma, banason suna min ihu suna zagina wata rana harda duka na akai, in nayi sallah zasu daina, tace sosai ma, ai in ka yarda kayi sallah ko sun maka ihu zan rama maka,
yayi dariya yace yauwa barbie na to muje muyi sallah,
ta dauko dadduma ta shimfiďa mishi duk da tasan ba daidai zaiyi sallar ba amma gara yayi wit tym zai fara yinta daidai,

Guri ďaya suka tsaya ya maida hankali yana yin duk abinda tayi yana waige,
isha'i sukayi da shafa'i kadai banda wutiri,
saida ta gama lazimi sannan tace mishi ya ďaga hannunshi sama kamar yadda tayi, yayi yadda tace,
tace yauwa to duk abinda nace kace "Ameen" ya sauke hannunshi yace nace "Ameen" tace a'a kar ka sauke hannun ka ďaga hannun, yace "Ameen"
tayi dariya ta kama hannunshi tace haka zaka barshi, ya kuma cewa ameen,
cikin dariya ta fara karanto adduo'i yana cewa Ameen,
inuwar mutane ta gani a kansu ta ďago da sauri ta kallesu,
bata tsayar da addua'r ba saima sake mata salo da tayi ta hanyar faďin
"Auzubillahi minash shaidann rajim"
Affan yace ameen da karfi yana kallon oyizah dake huci fuskar nan babu annuri,
salma ta daka mishi tsawa tace tashi ka fita a dakin nan,
jikin Affan ya fara rawa yana kokarin mikewa Afeeyah ta matse hannunshi ta shafa addua'r da ta idar tace ina zaka je,
Fareeda tace gidan uwarki zaije, tashi ka fita ko in tattaka ka,
Afeeyah tace ikon Allah, to dai nasan Affan baida wani dakin da ya wuce na matarshi,
saboda haka babu inda zashi,
oyizah cikin fushi tace kika ce me?
Afeeya ta kalli salma tace maimata mata inaga kamar tana da matsalar ji,
salma cikin fushi ta kai mata naushi da sauri Afeeyah ta kauce tace toh fah!!, ashe dai rashin aure ba masifa kadai yasa ku harda harkar dabanci, fisabillihi ku ko kunya bakwa ji, ni bansan meyasa kuke bakin ciki dani ba dan nayi aure at dis age of mine, dan Allah ku barmu muci soyayyarmu ni da mijina zan muku addua' kuma Allah ya kawo mashinshini nan bada dadewa ba dan rik'ar da kukayi a gida ta isa haka, abun ma ni har tausayi yake bani,
babu wanda ya iya cewa komai sai kallon mamaki da suka bita dashi,
cikin karfin hali salma tace ina mijin yake anan da zamuyi bakin ciki,
ke nan har wani miji ne, wannan tababben da baisan kanshi ba ma bare mace,
Afeeyah tayi saurin cewa tabdijam,, ke kike ganin tababbe,
ta rungumoshi tace ni nan namiji nake gani wanda a cikin maza ma sai an tona kafin asamu irinshi,
dan Allah ku fitar mana a ďaki dan naga alamar baku san wannan lokacin na hutawar ma'aurata bane,
fareedah ta harzuka matuka ta ajiye maganin hannunta tayi kan Afeeyah zata duketa oyizah tayi saurin dakatar da ita da hannu, tace barta fareedah wallhy sai tasan ta faďa muku wadannan maganganun,
kuzo mu tafi,
Afeeya tace to sai da safenku Allah ya aurar daku ku huta da kunci, amma fa mummy baki nuna min yadda zan bashi maganin ba,
oyizah kamar ta rusa ihu tasa kai ta fita ba tare da ta bata amsa ba,
Afeeyah ta bisu da li'ilah fi quraish ta datso kofar ta dawo ta kalli Affan da ya gama tsurewa tace matsoraci to sai ka zauna tunda dodonka ta tafi,
Affan ya zauna murya a sarke yace mummy tayi fushi dani ko,
Afeeyah tace batayi fushi ba bari in kawo maka abinci kaci sai kasha magungunanka kayi bacci kaji,
Affan ya gyaďa kanshi,
Da kanta ta bashi abinci yana gama ci yasha ruwa da drink ta dauko magungunan da oyizah ta kawo,
saida ta karance su tsaf ta kalli wani ruwan jarka shi ba ja ba shi ba maroon ba, daga kafadarta tayi tace may be na gargajiya ne,
na asibitin ta fara bashi duk wanda ta kai bakinshi sai tace yayi bismillah sannan zata zuba mishi,
tana bude na jarkar taji wani karni karni, da kyar ta tsiyayya a cup tace wa'iyazubillah wannan irin karni haka, ta mika mishi tace kayi bismillah, yana yin bismillah ya kai bakinshi yaji hannunshi na rawa sosai, da kyar da taimakon Afeeyah ya shanye maganin,
boye magungunan tayi ta gyara gurin ta dawo ta zauna tana mishi hirah yana kyakyata dariyah harda buga kai a pillow,
sun shagala sosai cikin farin ciki Afeeyah taji ana buga musu kofa, mikewa tayi tana mita a zuciyarta,
tana budewa taga oyizah tsaye kamar gunki,
Afeeyah taja baya tace kin dawo ne mummy,
Oyizah ta kalleta tace tambayar da ya kamata kiyi min kenan ni da gidan mijina, Afeeyah tayi dariya tace to ai wannan tambayr tafi da inyi miki shuru in kyaleki, kuma nima nan turakar mijina ce,
oyiza tace wallhy zan babbalaki a gidan nan in bawa karnuka kasusuwanki su cinye,
Afeeyah tace waii ay ko da sunci kashi da wahala dan wallhy kashi na taurin tsiya gareshi,
oyizah tayi shuru dan taga abinda ke neman fin karfinta tace kin bashi magungunan,
Afeeyah tace wannan dole ne tunda inason mijina ya samu sauki, oyizah tace akwai wani a jarka ki tabbatar yasha dama dan in jaddada miki ne yasa na dawo,
Afeeya tace karki damu in ma akwai wani ki karo bazan gajiya ba,
oyizah tayi tsaki ta wuce ranta a bace,
ta riga ta gama kudirawa a ranta a daren nan zata lalata rayuwar yarinyar nan, wallhy yau sai tasan ta tabo ni, dan bazan barta ba abinda ta dinga fadi kenan,,,,,

To oyizah sarkin sa'a muna miki fatan nasara akan Afeeyah... ...

Mrs tijjani shattima....


[PM, 05/04/2016] Ummu Nan: ◆◆ RABO AJALI ◆◆ 4⃣6⃣ By Aysha Ya'u Kurah

Tun sha biyun dare Afeeyah ke jin wasu irin sautittika masu ban tsoro ta windon ta,
kallon Affan tayi yana baccinshi hankali kwance,
cikin dabara ta cire hannunshi a jikinta ta gyara mishi kwanciya ta mike a tsorace saboda sautin karuwa yakeyi,
cikin karfin hali da dakewar zuciya ta ďaga labulen windon dakin,
sakin labulen tayi da sauri taja baya tana maimaita "HASBUNALLAHU WA 'NI'IMAL WAKIL" saboda ganin wasu halittu masu ban tsoro kewaye da windon,,,
wani kara taji an saki nan take taji ďakin da suke ciki yana girgiza ta ko'ina,
runtse idonta tayi tana karanto adduo'in neman tsari,
da dai taga kamar kara girgiza ďakin akeyi sai tayi karfin halin buďe kofarsu cikin sauri tayi hanyar da zata sadata da ďakin oyizah,

Tana zuwa kofar dakin ta kama murfin xata bude taji sautin magana da karfi wanda ya sata sakin kofar bata shirya ba,
sunanta taji sosai ana kira a ďakin ta kuma ji wannan sautin na windon su ya dawo nan inda take tsaye,
a gigice ta leka ta windo don jin mai ambaton sunanta cikin wannan sigar a kuma wannan talatainin daren,
tana lekawa ta hango oyizah cikin jajayen kaya tsugune gaban "chummy,"
sai wani bakin basamude a