You Cannot Download this book untill you login but you can read it .

---

Login Register

ya faďo tace duk nan gurin zaman macizai, da namun daji ne, kana son su cinye ka, ya noke wuyanshi ya make a bayanta,
tace to karka kara zuwa arean gurin kaji, yace to mummy,
ta kama hannunshi ta wuce side dinta dashi ta sashi a wani daki ta rufe tana kyakyata dariyar mugunta da jindadi..

Tun karfe 12 jabeer keta fama da masu gadin gidan akan su bude mishi kofa sunki, dan oyizah tace kar a kara barin kowa ya shigo saida izininta, ran jabeer ya baci sosai idonshi yayi jawur,
yace yanzu Halilu har ni ma sai ku hana shiga in an saku,
halilu yace kwarai kuwa saboda ina mutunta aikina,
jabeer yayi kwafa kamar zai juya sai ya dawo da karfinshi ya tura halilu ya ruga ciki da gudu suna binshi a baya,
da sauri alhj basheer ya fito jin hayaniyar tayi yawa,
tsawa ya daka ma su halilu yace lafiya kuke binshi kamar wani barawo,
halilu yace ranka ya dade madam ce tace kar abar kowa ya shigo,
alhj basheer yace jabeer ne kowa, baku san matsayinshi a gidannan bane,
oyizah ta fito da sauri tace yi hakuri alhj mantawa nayi in ce musu kar su hana jabeer shigowa,
alhj basheer yace to su sauran mutanen kuma fa meye dalilin hanasu shigowa,
ta fara matsar kwallah tace bana son a shigo a dinga yi ma affan dariya na fi son sai ya warke mutane su ganshi,
alhj basheer ya jinjina kai cikin damuwa yace na gamsu da bayananki, share hawayenki Allah yayi miki abinda kikayi mana na alkhairi, tace ameen haďe da hararar jabeer,
alhj basheer yace jabeer ka shiga ciki mana abokin naka yana ciki ai,
jabeer yasa kai ya shiga cikin parlon da sallama,

Zaune ya tarar da Affan da wasu kayan wasa a hannunshi, wuyanshi yasha hoda idonshi kuma kwalli, kallon jabeer yakeyi sosai wasu abubuwa na mishi yawo a kwakwalwarshi,
sai da yayi minti biyar yana kallonshi sannan ya zubar da kayan wasan ya rungumeshi yace daddy wannan abokina ne sosai tare muke wasa dashi, kaga fuskarshi ma shima drawing dinshi akayi kamar waccan kofar,
Salma da fareeda suka kwashe da dariya harda rike ciki, yayin da jabeer ya fashe da kuka haďe da kankameshi......

Mrs tijjani shattima...
[15/12 09:34] Anty aisha ya'u kura: ◆◆ RABO AJALI ◆◆ 2⃣5⃣ By Aysha Ya'u Kurah

A hankali Affan ya saki jabeer yana mishi wani irin kallo,
fuskarshi ya fara shafawa yana share mishi hawaye yace naji maka ciwo ne, ya ďaura hannunshi a kan jabeer yace yi hakuri kadaina kuka zo muje kaga kayan wasa na, kaima kana so ko?
jabeer ya gyada mishi kai hawaye na fita a idonshi,
Affan ya ďan bata fuska yace to ka daina kuka zan baka wasu sai ka tafi dasu kaji, Jabeer ya kasa daurewa ya saki hannun Affan ya fita daga gidan da gudu yana kuka sosai,
Affan ya bata rai sosai kamar zaiyi kuka ya kalli daddy yace daddy kaga ya tafi yana kuka ko,
kuma ay na bashi hakuri bansan zaiji ciwo ba, ka bishi ka dawo min dashi muyi wasa kaji,,
alhj basheer ya share kwallar da ta zubo mishi yace zai dawo yanzu affan yaje ya siyo maka abin dadi ne,
Affan ya daka tsalle yace daddy kace mishi ya taho min da sweets dinnan masu dadi,
alhj basheer yace karka damu affan je ka cigaba da wasanka, Affan ya gyaďa kai cike da murna ya koma gurin kayan wasanshi..

Salma da fareeda suka mike kunshe da dariya suka wuce daki,
suna shiga suka saketa kamar tababbu, fareeda tace salma kiga yadda affan ya koma kamar dan yaye, salma tace ni ba karamin dariya yake bani ba, ji wani kwallin da mummy tasa mishi a ido dan Allah, fareeda tace ay ni yanzu na samu film din kallo wanda zai dinga sani nishadi, salma tace ke ko ni, suka kara kwashewa da dariya...

Jabeer bai dawo gidansu affan ba sai can da yamma, idonshi a kode saboda tsabar kukan da yaci,
a waje ya sameshi yana buga kwallo, affan na ganinshi ya rungumi kwallonshi ya rugo da gudu zai rungume jabeer sai kuma yaja ya tsaya saboda tunanin kar ya kara sashi kuka irin na dazu,
jabeer yayi murmushi ya buďe hannunshi, affan ya kwashe da dariya sosai ya shige jikinshi yace yanzu banji maka ciwo ba ko, jabeer yace ehh friend, Affan ya ďago kanshi yace ina abin dadin da daddy yace zaka siyomin,
jabeer yasa hannu a aljihu ya fito da chocolates ya mika mishi,
tsalle yayi ya dane jikin jabeer yana murna ya karba yace bari in nuna ma mummy dan tace duk wanda ya bani abu in nuna mata kafin in ci, bai jira jin abinda jabeer zaice ba ya ruga ciki da gudu,
jabeer ya rungume hannunshi yana girgiza kanshi a zuciyarshi yana kara jin tsoron Allah mai maida bawanshi yadda yaso a kuma lokacin da yaso,,,

Tun daga ranar kullum jabeer ya taso aiki zai tsaya a gurin affan suyi hirarsu yayi ta mishi shirme, in lokacin sallah yayi duk yadda zai buga ya raya affan yazo suje zaiki yace sai ya tambayi mummy, daga yaje ya tambayeta zata hanashi ta tsoratar dashi sosai, da taga kullum jabeer na matsama affan akan sallah sai ta bijiro da kokarin rabasu,
da farko tayi nasara dan kuwa ko jabeer yazo bata barin affan ya ganshi, da affan yaga har sati daya baiga abokinshi ba ya ďaga musu hankali sosai a gidan duk irin tsoron da mummy ta bashi bai shigeshi ba shidai kawai a kira mishi abokinshi abinda yake fadi kenan,
da taga kullum bashi da aiki sai kuka kuma baya cin abinci sai tasa masu gadi su nemo mata jabeer dan in alhj ya dawo ya tarar dashi a haka to bazai mata da kyau ba..

Duk irin tururuwar da mutanen unguwa keyi a kofar gidan zuwa gaida affan basu samu shiga ba dan ko kofar masu gadi basu buďe musu,
hakan yasa mutane suka hakura da zuwa gaisheshi saidai in sun hadu da alhj basheer suyi mishi jaje a waje, maganar zeenatu kuwa banda yan'uwanta da su Abida babu wanda ke tunawa da ita addu'a kuwa kullum yinta sukeyi akan Allah ya bayyana ko gawarta ne..
Oyizah kuwa likkafa taci gaba don ba kananan kudi takeci da ciwon affan a guri alhj ba ,
duk bayan sati daya da kudin da yake bata da sunan ana ma Affan saukar alqur'ani da rubutu, amma bai taba maida hankali gurin ganin affan yasha rubutun a gabanshi ba saboda ya yarda da oyizah 100%,
haka in malam Atiku ya bashi rubutu a bawa affan ko jabeer ya amso mishi sai dai daddy ya bata yace ta bashi yana fita zata zubar dasu tayi ta musu tofin Allah tsine...
Abinda yafi ďaga mata hankali yanzu shine ta rasa inda Affan ya ajiye takardun kadarorin da alhj ya bashi,
kullum zata zaunar dashi a siyasance tace ya dauko mata takardun da alhj ya bashi, cikin rashin fahimtar abinda take nufi zai tashi yaje ya tattaro duk takardun dakinshi ya kawo mata,
babu irin duban da batayi ma dakinshi da na zeenatu ba amma sam bata gansu ba,, gashi tana tsoron tambayar alhj basheer dan kar ya harbo jirginta, haka ta saduda da tunanin in alhj ya mutu dukiyar duk nata ne da ya'yanta dan ko Affan ma mallakinta ne....

Wannan shine mafarin ciwon Affan da yanzu yake cikin shekara ta uku cikinshi, a wannan shekarun ko sau ďaya affan bai taba fita da kafafuwanshi ba sai dai a kaishi checkup a mota tare da oyizah amma fita shi kadai sam bata yarda dashi ba dan ba karamin kafi tayi mishi ba,
Salma da farida kuwa maidashi sukayi kamar toy haka zasu tasashi a gaba suyita dariya in yana shirmenshi...

Mrs tijjani shattima....
[15/12 09:34] Anty aisha ya'u kura: ◆◆ RABO AJALI ◆◆ 2⃣6⃣ By Aysha Ya'u Kurah

☆ cigaban labari ☆

Gida jabeer ya tafi bayan sun gama hira da hajja da Afee akan lalurar Affan, yana shiga ya wuce parlon mahaifinshi, zaune ya samesu da ummi ya gaisar da babanshi ya amsa fuskarshi dauke da fara'a yace ya jikin abokin naka, jabeer yace alhmdullih baba, Abida ta kalleshi tace ina Afeeyar take shine ta tafi babu ko sallama, jabeer yace ai ummi taga kina bacci ne shine muka shiga gurin affan tare,
Alhj bara'u ya kalleshi sosai yace jabeer yaushe Afeeya zata fara jarabawa,
Jabeer yace next uppr week zasu fara, alhj Bara'u yace hasashena ya zama gaskiya kenan, mun zauna da malam atiku mun tattauna game da maganar aurenku ni in sona ne ma ayi kafin ta zana jarabawar, Abida tace haba alhj ay gaggawa ba namu bane ina laifin in sun gama da sati ďaya, alhj bara'u yace to koma yaushe ne Allah ya kaimu dan na kosa in aurar da jabeer, Abida tace kace dai ka kosa kaga yan jikokinka,
alhj bara'u ya kwashe da dariya yace ma jabeer ya tashi ya tafi, jabeer ya fita shima yana dariya..

Cikin ikon Allah aka tsayar da ranar Afeeyah da jabeer kamar yadda Abida tace,
murna a gurinsu ba'a cewa komai babu wanda zai iya gane wanda yafi murna a cikinsu,
shiri jabeer yakeyi sosai da planning din yadda zasuyi rayuwarsu da Sweet Afee dinshi da ya'yan da zasu haifa tare, duk shirin da yakeyi bai hanashi zuwa gurin Affan ba kullum suna tare da yamma kuma kullum sai Affan ya tambayeshi ina barbie dinshi,
jabeer shirme yake maida abin saboda yasan bayi da isashen hankali, da jabeer yaga abin na Affan bana karewa bane sai yake zuwa ya dauko Afee dakyar suzo gurin Affan, in Affan ya ganta to fa aranar murnarshi ta karu kenan saboda ya dinga mata shirme kenan yana kwaso kayayyaki yana bata wai ta tafi dasu gida,
a cikin yan kwanakin suka dan fara sabawa kadan2, dakyar jabeer ya fahimtar dashi cewa an kusa daura mishi aure da Afeeya, dariya kawai yayi yace to in kukayi aure zaka barmin ita anan gidan, jabeer yace sosai ma ai anan zata zauna, Affan yayi dariya ya kalli afeeyah yace wai haka, ta gyaďa mishi kai tace eh,
wani irin ihu yasa ya mike wai zaije ya fadama mummy,
da sauri Afeeyah ta riko hannunshi ya tsaya chakk yana jin wani irin abu a rikon da tayi mishi,
juyowa yayi kamar me hankali ya kalleta itama shi take kallo haka jabeer kallonsu kawai yakeyi,
jikinta ne ya bata jabeer na kallonta tayi saurin sakin hannun Affan tace karka faďa ma mummy zatace kar abaka ni ko yaya jabeer,
jabeer ya gyada kanshi yana kallon Affan, zama Affan yayi yana murza hannun da Afeeyah ta rike yace to babu abinda zatamin in ta sani,
Afeeya ta gyada mishi kai tace baza ma tasani ba,
jabeer yayi mamakin yadda affan yaji maganar afeeya, mutumin da magana in dai akan mummy ne to babu wanda ya isa ya tsayar dashi, kallonsu ya cigaba dayi yadda yake mata hira tana biye mishi suna kyakyata dariya sai yaji daďi a ranshi dan ko ba komai zai yi amfani da Afeeyah ta dinga dawo dashi hanya,
sam baiji kishin komai a ranshi ba dan yasan Affan baida hankali kuma ko yanada hankali ma bazaiyi kishi ba saboda yasan irin son da afeeyah take mishi..

Safiyyar monday jabeer ya shirya da wuri saboda zai kai Afeeyah makaranta ranar zasu fara jarabawa,
a kofar gidansu ya sameta tsaye tayi kyau sosai tana jiranshi, kusa da ita ya kai motar ta bude ta shiga suka gaisa,
yace da fatan kinyi karatu ko, tace sosai ma banyi bacci sosai ba,
yace kedai fadi gaskiya kodai kin boyo xpo, ta turo baki tace kaima kasan wuce nan duk da bana zuwa 1st kasan dai ban taba wuce 10th ba,
yayi dariya yace 3rd term ss2 dakyar na roka fa aka barki a 10th din shine zaki wani cika min baki a faďa da dambe ne dai ake baki A1,
ta harareshi tace eh naji ďin, yayi dariya ya tada motar suka wuce yana cigaba da tsokarta, kan titin "hausawa" ya hango motar gidansu Affan, bai bi takanta ba bare yasan su waye a ciki, ya wuce ya sauke Afeeyah a skool haďe da yi mata adduoin samun nasara..

Yana fitowa daga layin skull dinsu ya kuma hango motar, wannan karan Affan ya hango a gaba da baloon a hannunshi yana dariya mummy ta hakimce a baya,
bin motar yayi dan yanason yaga Affan kafin ya tafi aiki, asibitin da ake mishi check up suka tsaya, saida suka shiga ciki Jabeer yayi parking, saida ya gaisa da wani abokinshi da suka dade basu haďu ba sannan ya shiga,
sam oyizah bata ganeshi ba saboda hankalinta a tashe yake da result din check up din,
jabeer yaji doctor na cewa gaskiya an gode Allah dan zai iya dawowa normal cikin kwanakin nan saboda mun samu improvement sosai, ya mika mata magani yace wannan maganin shine maganinshi na karshe in shaa Allah in ya kare komai zai zama normal,
jabeer saboda murna zaiyi magana ya bugi wata nurse kayanta suka zube ya durkusa ya kwashe mata yana bata hakuri,
yana ďagowa yaga har sun fita sun shiga mota,
binsu yayi a baya har gida,
a waje yayi parking motarshi saida ya tsaya a waje ya kirah office ya dau excuse sannan ya shiga ciki da sauri,
babu kowa a parlon gidan hakan yasashi hawa sama saboda tsananin murna, tsayawa yayi jikin wata kofar da yakejin magana da karfi haďe da huci kamar zakanya,
lekawa ya fara yi ta gurin mukulli, ya hango Affan zaune kan wani jan kyalle,
da sauri ya dago kanshi jikinshi na rawa ya ďeka ta window, oyizah ya hango da wata halitta suna magana suna zagaye Affan,
suna gamawa yaga an bawa oyiza wani ruwa ance ta bawa affan muddin yasha to bashi ba samun sauki kuma haukarshi zata fi ta da,
oyizah tayi dariyar jindadi tayi sujjada ga wannan halittar nan da nan yaga ta bace,, jabeer sai mutsike idonshi yakeyi a tsorace kamar a mafarki,
muryar oyizah ce ta dawo dashi hayyacinshi waya takeyi da esther tana faďa mata duk yadda tayi ta mayar da Affan haka har abin da tayi ma zeenatu,
a kidime jabeer ya fara fadin innalillahi wa inna ilaihir rajiun,
jin tayi shuru ne yasa ya leka da sauri ya hangota ta mike zata bawa Affan wannan ruwan,
cikin zafin nama ya murda kofar ya kabe ruwan ya zube a kasa, oyizah ta kalleshi a firgice tace j-a-b-e-e-r, ya dago Affan ya rikeshi yana mata wani mugun kallo yace asirinki ya tonu, muguwa azzaluma, matsafiya mai shan jinin alumma,
naga duk abinda kikeyi yau in shaa Allahu karshenki yazo, yaja hannun Affan zasu fita oyiza tace jabeer ka dawo, ka rufa ma kanka asiri dan wallhy babu wanda ya isa yaga karshena,
ka dawo ka fadi nawa zan biyaka ka rufa min asiri,
jabeer bai saurareta ba ya fita dan a tsorace sosai yake,
suna zuwa gate Affan ya fisge hannunshi yasa ihu yana faďin mummy kizo ga su lion nan zasu kamani, ihu yakeyi yana ja baya ya ruga ciki da gudu,
jabeer ya kalli gate din cikin mamaki dan shi baiga komai ba,
har zai koma ciki sai kuma ya fasa ya fita a fusace,
Police station ya nufa yana zuwa kofar gurin ya fara tunanin to ina evidence yake,
Affan shi kadai ne evidence kuma bashi da hankalin da za"a saurareshi,
shuru ya zauna a motar yana tunanin mafita, can ya fara tunanin yadda zaiyi affan ya samu sauki, a zuciyarshi yace malamai zan tara suyi ta mishi addu'a ita kuma oyizah zan mata lamfa in nuna mata kamar bazan fadama kowa ba har sai nasan yadda nayi har Allah ya bawa Affan lafiya,...

Mrs tijjani shattima...
[15/12 09:34] Anty aisha ya'u kura: ◆◆ RABO AJALI ◆◆ 2⃣7⃣ By Aysha Ya'u Kurah

Juya kan motarshi yayi ya nufi gurin wani babban malami dake zaune a Tarauni,
saida ya jira malamin ya gama da almajirai sannan ya shiga suka fara zantawa,
Bayan malamin ya gama jin bayanin jabeer sai ya jinjina kai yace tabbas imani yayi karanci a wannan zamanin, na dade banji rashin imanin da har yakai wannan ba,
ya kalli jabeer yace in shaa Allahu zamu hadu mu fadawa Allah nan da kwana uku zuwa hudu komai zai dai2ta kai dai ka dauke kafarka daga gidan ka barta cikin tunanin baka fadama kowa dinba sannan kayi taka tsan tsan da ita, jabeer yace to malam nagode sosai ya ajiye musu kudin sadaka sannan ya mike ya fita,
Gurin malamai uku yaje a ranar duk yayi musu bayani suma sun dauki alkawarin yi mishi addua ba dare ba rana,,
ranar jabeer ya yini cikin bakin ciki babu yadda ummi da Afeeya da hajja basuyi ya faďa musu abinda ke damunshi ba amma yaki fadi,
Afeeya har kuka tayi mishi duk dan ya fadi amma bata samu nasarar ya fada din ba,

Oyiza kuwa rasa yadda zatayi tayi, ya akayi wannan mayen yaron ya shigo gidannan ya hayo har sama yaji sirrina, kallon affan tayi da ya fara bacci saboda tsoron abinda ya gani a gate,
wani dogon tsaki taja a zuciyarta tana tunanin yadda zatayi da jabeer, yanxu tasan yama gama tona mata asiri saboda haka in ta dau mataki akanshi jama'a zasu zargeta gara tabi komai a hankali..

Kwana biyar da faruwar wannan alamari oyiza taji shuru babu Wanda ya tinkareta,
sannan alhj basheer bai canza mata ba kamar yadda tayi tsammani,
hakan ya bata karfin gwiwar fara aiwatar da duk wani mugun nufinta saboda a tunaninta tsafinta ne ya toshe ma jabeer baki ya ki fadawa mutane,

Shi ko jabeer hankalinshi a tashe yake dan duk malaman da yasa su addu'a kowanne larura ta faďa mishi, daga wanda ya rasa ďanshi sai wanda yayi paralys sai kuma wanda ya rasa mata,

cikin tashin hankali ya dawo gida yayi tagumi yana tunanin mafita,
"Kaka liman" ne faďo mishi a rai nan da nan ya kira wayarshi,
kaka liman yasa wayar a kunnenshi ba tare da ya duba wanda ya kirashi ba yace "malam dan boko dan Bara'u jikan limamin Daura ya ta dabo,"
jabeer yayi dariya yace lafiya lau kakan dan boko ta dabo na gaida Daura, ya kuma tsufa da tsohuwa,
kaka liman yace tsohuwa tana can tana damun hura kasan bata son ayi mata kishiya,
jabeer yace kai ka isa kayi ma Goggo kishiya, kaka liman yace kaji ja'iri kaima fa naga auren nan zakayi nima ina ga cikin satin nan zan nemo wata a cikin nan nijar auro,
jabeer ya kwashe da dariya yace gara dai ka tafi can dan matan nigeria sun fi karfinka, kaka liman yace lallai baka san wanene Abdullahi ba,
a gobe in matarka nakeson aure tana ganina shikenan kai kuma taka ta kare, jabeer cikin dariya yace dan Allah karka kasheni da sauran raina, bari in fada maka dalilin kiran da nayi maka,
kaka liman yace inajinka,
jabeer ya kwashe komai ya faďa mishi har larurar malamn duk ya faďa mishi, kaka liman ya ajiye goron hannunshi yace wannan ta shahara matuka jabeer, ka kirani zuwa karfe takwas na dare zanyi binciken duk wani kullin da sukayi dan sai an fara takanshi kafin a tsunduma cikin addua,
a wannan karan bada malami zata gwabza ba da ni "liman dan Baba" zata gwabza jinina da duk na wani nawa ya fi karfin matsafa saidai idan abun yazo da karar kwana,
jabeer yace to zan kiraka kaka nagode sosai,
kaka liman yace ďan nema rike godiyarka in zaka taho ka siyomin shaddoji da kayan mata in haďa a lefe in auro sabuwar amarya, jabeer yayi saurin kashe wayar yana dariya...

Duk wasu abubuwan tsafi da kulle kulle babu wanda kaka liman bai gani ba, abinda ya kasa ganewa shine na zeenatu gata nan dai an nuna mishi ita a baccinshi bata motsi kuma an nuna mishi tana nan kusa dashi saidai baisan takaimai gurin ba,
ko da yayi ma jabeer bayani yace dole akwai hake haken da sai an haka sannan za'a warware abubuwa sai hayaki da wasu magungunan da zai haďa mishi, dan haka ya bashi kwana uku yazo ya sameshi sai suyi wanda zasuyi a daura sauran ya tafi dashi ya karasa a kano,
jabeer yaji daďi sosai ya dinga ma kaka godiya saboda yasan ko ba komai abokinshi zai samu lafiya kuma zaayi punishing oyiza 4 her deeds,

Tun daga ranar kaka liman yake aiki babu dare ba rana duk da ana yawan kawo mishi farmaki cikin dare haka suke gwabzawa har su hakura su tafi su barshi,
ranar kuwa da ya gama haďa magungunan saida gidanshi ya kusa rushewa saboda girgiza,
bai wani tsorata ba saboda shima hatsabibin bafulatani ne, a cewarshi shi a duniyar nan baiga abin tsoro ba banda Allah shi kadai yake tsoro a ko dayaushe amma mutum dan adam wanda Allah ya ara ma lokacin tsafi ko wani abu to ba abun tsoro bane dan idan Allah ya tashi tarwatsasuu a lokaci daya zaiyi ba tare da bata lokaci ba...

Mrs tijjani shattima...
[15/12 09:34] Anty aisha ya'u kura: ◆◆ RABO AJALI ◆◆ 2⃣8⃣ By Aysha Ya'u Kurah

Sati ďaya ya rage bikinsu,
lokacin yayi daidai da kammala jarabawar su Afee,
Fitowarsu kenan daga exam hall ita da safnah kowannensu sai share zufa yakeyi, skul mosque suka wuce sukayi sallah suka zauna bin inuwar gurin saboda gajiya, hira sukeyi duk akan jarabawar da suka zana yau kuma ta karshe,
sai da suka fi minti talatin sannan suka mike da niyyar tafiya gida,
a dai2 gate din fita makaranta suka tsaya ganin anyi cincirundo kan wani yaro ďan ss2, Afeeyah tayi tsaki tace dadina da skool dinnan son gulma dan Allah ji yadda aka wani zagaye yaron can kowa so yakeyi yaji abinda ya sameshi, safnah tace may be abin da ya sameshi babba ne dan kuka yakeyi sosai gunin ban tausayi,
Afeeyah tace to Allah ya kyauta muje ko, safna tace ga "Zulaikha Sambo" can tahowa bari tazo muji me ya faru,
Afeeya tayi tsaki tace dan Allah safnah mu tafi wato kema kin fara son jin abinda bai shafeki ba ko,
kafin safnah tayi magana zulaikha ta karaso gurin su, safnah tace Zully me ke faruwa a can gurin, zully tayi fuskar tausayi tace wallhy mahaifiyar waccan yaron ce ta rasu yanzu aka zo aka faďa mishi, safnah tace ayyah Allah ya jikanta mutuwar mahaifiya ay babbar cuta ce tanada zafi sosai walhy,
Afeeya da jikinta yayi sanyi tace Allah ya rahamsheta mu kuma yasa mu cika da imani, suka amsa da ameen,
safnah tace ay mune abin tausayi Afee, gara ke tun kina karama kika rasa taki yanzu zaiyi wuya wata mutuwa ta girgiza ki,
zully tace kwarai kuwa,,
Afeeyah tayi murmushi tace har gobe ina tunawa da mamana duk da bawani daďewa mukayi tare da ita ba, wallhy kullum na kalli hotonta sai na zubar da hawaye,
mutumin dake debe min kewar tunaninta tun ina karama shine wanda bana fatar rasa shi har karshen rayuwata,
ta kalli safnah tace kikace babu mutuwar da zata girgiza ni, to wallhy kinji na rantse da Allah bana fatan mutuwa akan yaya Jabeer amma ni nasan duk ranar da aka ce min ya mutu to nima binshi zanyi in kuwa lokacina baiyi ba to walhy ko in haukace ko in zama marar amfani,
dariya suka saka sosai safnah tace ay ke baki da hankali,
da in mutum na mutuwa ana binshi kuma Allah baya sa dangana da duk wadanda suka rasa makusantansu suma sun dade da mutuwa,

Afeeyah tayi tsaki tace dan Allah ya isa haka maganar mutuwar Allah yasa mu cika da imani,
suka amsa da ameen sannan suka wuce zuciyar Afeeyah a dagule dan ta tsani zancen mutuwa...

Ranar haka Afeeyah ta wuni sukuku,
wasu irin muggan tunanin mutuwa takeyi, da taga abin bazai fishsheta ba sai ta ďauki qur'ani ta fara karantawa,
a haka jabeer ya tadda ita,
gaisheshi tayi haďe da ajiye alqur'anin a mazauninshi,
kusa dashi ta dawo ta zauna ta zuba mishi ruwan da hajja ta ajiye mishi ta mika mishi tana kallonshi, kallonta yayi shima da ya karbi ruwan