You Cannot Download this book untill you login but you can read it .

---

Login Register

Mama, cewa tayi. "Yaya Amina dan Allah ki gaya mana abunda ke faruwa da Mama wallahi hankalina ya tashi sosai."

Cikin kuka tace. "Mama tace ana sallamo Auta aure zatayi mata, kuma da Alhaji Salahu ba yanda banyi ba akan tayi hakuri taƙi daga karshe ma har marina tayi kuma tace ba wanda ya isa ya hanata aurar da Auta ba."


Tashi Yaya Jamilu yayi yana girgiza kai sanann yace. "Ina wallahi ba zamu yarda ba, mu zuba ido muna kallo Mama ta ɓata ma Auta future ba, ya kamata Mama ta gane wannan fa kadddarace wanda ba wanda ya isa ya kauce mata harta ku masu aure dan ba'a fatan haka fisabillahi, kuma ta rasa wa zata aura mata sai wannan tsohon wanda baisan darajar dan'adam ba, kuma kullun gidanshi sai matanshi sunyi fada yanzun haka yaranshi talatin a duniya ai ko sa'ana yayi ma Auta zufa a aure yanzun ko nike da shekara tallatin biyar balle Alhaji Salahu da yayi shekara saba'in yana hanyar mutuwa ku bari naje nayi magana da ita."


Su kuwa kasa cewa komai sukayi dan lamarin ya girmi tunaninsu, haka suka fito tare suka tafi gida wajen Mama dan Yaya Fatima cewa tayi su tafi su dukansu.


Niko cikin ikon Allah na farfado har nayi brush naci abincin da Yaya Amina ta kawo, an bani magani nasha, nidai ba bacci nike ji ba balle nayi, zaunawa nayi na jingina da gado ina tunani da tarin nadamar abunda na aikata, Dija ce tace. "Aunty Khady dan Allah kiyi hakuri, ki dauki wannan abun a matsayin kaddaraki duk da sakakinki a ciki ammn haka Allah ya kaddara kuma ba yanda zakiyi inba ki yarda da kaddara ki kuma godema Allah."


Mai neman kuka angaya mashi mutuwa, aiko na fashe da kuka ina kallonta na girgiza nace. "Dija dan Allah ki daina bani hakuri ki barni nayi kuka ko naji saukin abunda nikeji a cikin zuciya ta, Dija nasan duk abunda ke faruwa dani cikin jikina ya zube sannan anyi man wankin ciki kuma babu tabbacin zansake haihuwa a duniya, ba dole nayi kuka ba Dija? Ni yanzun joya za'a ringa kirana ko? Wanda bata haihuwa bani ganin jinina a dorajaran kasa? Idan na mutu bani da maiyi man Addu'a a koda yaushe sai yan'uwana kenan? Dan Allah ki daina bani hakuri ki barni nayi kukan na rokeki wannan alfarmar."


Shiru itama Dija tayi ta dukar da kanta kasa tana aikin kuka dan maganganuna sunyi mata tasiri sosai a zuciya, tabbas banda maiyi man addu'a ko yaiyaine ba kullun ne zasuyi man ba, inba sun tuna dani ba, amman haka Allah yaso muna cikin kukanmu sai Doctor Dikko ya shigo lailashemu yayi sannan yayi ma Dija fada akan tana daina wannan kukan hakuri ya dace ta bani,ƙara duba lafiyata yayi ya tambayeni idan yake man ciwo sannan ya tafi cikin tausayi na.


*Dan Allah ya kujaji wannan labari na Khadija 😭😭😭, sannan Khadija tace nace maku tana godiya sosai kuma tana ganin comment dinku, tana ganin yanda kuke tausaya ma rayuwarta sai dai abunda take son ku sani haka tata rayuwar tazo mata sai tana godiya ga Allah da ya tsara mata haka, kuma tana fatan labarinta yana tasiri a zuciyoyinku musamman mu yan'matan zamanin nan, mu kiyaye biye ma soyayya karda mu yarda muyi zurfi a soyayya😭*


*ni kuma nace yanzun aka fara wasan ku cigaba da yin comment dan shi zai bani kwarin gwwiwar yayi maku posting kullun🤗*

Share
Comment
And
Vote






*A SANADIN SOYAYYAR MINTI*
_na ɓata rayuwata😭_

Na
*Jameey yar'mutan kankia ce❣️*

*MANAZARTA WRITERS ASSOC📚🖊️*
https://www.facebook.com/107980080946102?referrer=whatsa
_________________
https://chat.whatsapp.com/BS0N4RFqbe6LFqlXZZ9vxD

*😂😂😂wai akace soyayar shan minti ake cewa ba soyayyyar minti ba, nidai tom na sake mashi suna🤪*

*Wannan page din nakine Auntyna Binta Umar Abbale ta Allah ya kara daukaka da girma gami da lafiya mai amfani Amin*

*Gaisuwa ban girma gareki Zainab Abu-Kareem My Zee ina maki fatan alkhairy ta wajena*


*Wattpad JameelarhSadiq*

Page 7⏩8


Tunda su Yaya Jamilu suka shiga gida suka tadda Mama bata dawo ba, zaunawa sukayi zaman jiran ta kowa ya shiru da abunda yake sakawa a zuciyarshi.

Ita ko Mama tana zuwa ta tadda Alhaji Salahu bayan sun zauna ta fara magana tana cewa. "Daman Alhaji zuwa nayi ka rufaman asiri kamar yanda Allah ya rufa maka." cikin kuka Mama take maganar dan ita gani take idan ba aure tayi man ba to hankalin ta ba kwanciya zaiyi ba, kallon Mama yayi sannan yace. "Hajiya Hafsat mai yafaru lafiya kike kuka? Dan Allah kiyi shiru ki gaya man abunda ya kawoki a wajena." ce mashi Mama tayi. "Daman Alhaji dan Allah so nike ka auri Khadija idan kana so, dan Allah karkace aa ka rufaman asiri kamar yanda Allah ya rufa maka."

Cikin murmushi da jindadi Alhaji Salahu yace. "Haba Hajiya daman abunda kika zo kice man kenan harda kuka? Ai ba wani abu bane daman na jima da son Khadija a cikin zuciya ta gayawane kawai banyi ba amman ko maiyasa kike son aura man ita." cikin farinciki da sakin fuska yayi maganar dan shi gode ma Allah yake cikin zuciyar shi, cikin tsoro Mama ta fara maganar. "Alhaji ba zan boye maka komai ba tunda kaine wanda zata aura, Khadija dai ciki tayi amman a halin yanzun cikin ya zube tana asibiti so nike tana dawowa ta ida samun sauki sai ayi bikin naku ko lefe karda ka kawo sadaki kawai zaka kawo dubu 20."


Washe kazamin bakin shi yayi sannan yace. "Idan wanann ne ai ba damuwa, shikenan amman ina son a daura auren nan da sati biyu masu zuwa Hajiya." cikin jindadi Mama tace. "Insha Allah, Alhaji nagode sosai Allah ya ƙara girma da buɗe, yanda karufa mana asiri kaima Allah ya rufa maka." washe baki kawai yake haka ya rako Mama har kofar gida yana ce mata sai ya shigo ganina idan muka dawo daga asibiti dan shi baya son zuwa asibiti da can ma yaje ya fara duba lafiya ta, ita ko Mama sai dadi takeji gani take ta gama yi man gata ta samaman wanda zan aura ya rufa man asiri a cewarta.


Koda taga motar Yaya Jamilu da ta Yaya Fatima a kofar gida tasan suna cikin gida shiyasa ta chanza fuska ta dauki mataki tun a waje dan tace ba wanda ya isa ya hanata aura mani Alhaji Salahu koda dangin mahaifinane dan basu tsinata mata tsiyar komai ba lokacin da Babana ya rasu dan haka basu da iko a kanmu daman tasha cewa haka shiyasa ba wani zuminci muke da dangin Baba ba saboda rashin jituwa dake tsakaninsu da Mama.


Koda ta shigo samun waje tayi ta zauna ta kama kallonsu daya bayan daya sannan tace. "Jamilu ya jikin Auta fatan dai komai yana tafiya dai dai."? Kallonta yayi sannan yace"lafiya lau Mama, amman muna son muyi wata magana dake dan Allah Mama." duk da tasan maganar da zasuyi mata dan tasan Yaya Amina ta gaya masu yanda sukayi da ita, amman sai ta wayance tace masu. "Ina sauraranka Jamilu wani abu ke faruwa ne? Duk na ganku kamar ba lafiya kodai wani abu ke faruwa da Auta ne."? Girgiza mata kai Yaya Jamilu yayi yana hawaye, saukowa yayi ya durkusa kasa ya kama kafafunta yana hawaye yace. "Dan girman Allah Mama, ki duba maraicinmu bamu da kowa sai ke, ke daya ce muke gani muji dadi nida yan'uwana mahaifinmu ya rasu, dan Allah Mama munzo neman alfarma a wajenki dan Allah karda kice ba zaki yi mana wannan alfarma ba Mama."ya ida maganar yana kuka dan Mama tasha gaban shi sosai tunda itace mahaifiyarmu dole ya bita a sannu dan ya shawo kan matsalar a sannu da dai ace ba Mama bace wata ce daban to da karfin tsiya sai ya anso man hakina amman yanzun dole su bi a hankali su shawo kan Mama ta fasa auraman Alhaji Salahu .


Kallonshi Mama tayi tana shafa mashi kai alamun lailashi yana daina kuka, sannan tace. "Jamilu inajinka wata alfarma ce wannan zaku tambayeni harka kai kuka suma kuka, karku tadda man hankali mana gaya man ina sauraran ka idan baka iya gayaman sai ke Bintu ke gaya man." shiru Yaya Jamilu yayi sannan yace. "Mama dan Allah karda ki aura ma Auta wannan tsohon mutumin, Mama karkizo daga baya kina cizon yatsa kina da nasani, Mama dan Allah karki ɓata rayuwar Auta da kanki wannan auren da kike niyar yi mata wallahi shine babban kuskuren da zaki aika a rayuwarki sanna... Cikin fushi Mama ta katse Yaya Jamilu tana cewa. "Yi man shiru Jamilu wallahi ko yanzun nayi maka baki, har ka isa kace zan tabka babban kuskure dan zanyi ma Khadija Aura, Auren shine kuskure ko kuma cikin da tayi ta hanyar zina bai zama kuskure ba sai Aurar da ita zai zama kuskure? Dan ubanka gaya man wa zai iya aurenka bayan ta bayar da budurcinta bisa titi? Gatan da zan mata shi ne zai zama kuskure Jamilu? Anya Jamilu kana neman albarka ubangiji Allah kuwa? Ace ni Uwarka mahaifiya zaka sa gaba kana gaya mata magana son ranka kana gaya mata abunda duk yazo bakin ka sai kace kaine ubana."? Kuka Mama ta fashe dashi tana cewa."tabbas haka maganar take da akace baiwa zata haifi uwargiyarta yau ga abun yazo kaina, kunan duk kun haɗaman kai baku yarda na aura ma Khadija Salahu ba ko? To ku sani nan da sati biyu za'a daura masu aure akan sadaki naira dubu 20 kuma ko lefe bance ya kawo ba, sai dai ku mutu idan kun tashi. "


Cikin kuka Yaya Fatima tace. "Wallahi Mama karki ce muna maki rashin kunya amman dole mu gayamaki gaskiya a matsayinki na mahaifiyarmu wallahi Mama mudun kika ce zaki aura ma Khadija wannan tsohon banzan to kin ɓata mata future kuma daga baya sai kindawo kina da nasani marar amfani Mama, ya kamata ki duba wannan maganar tamu idan auran kike so yi mata a bari ta dawo sai ta fidda wanda take so cikin samarinta na tabbata cikin akwai nagari mai sonta tsakani ga Allah, wanda zai aureta koda ko ta haifi cikin da tayi balle ma yanzun da ba cikin a jikinta ya dace kiyi tunani Mama ki duba gaba Mama ba'a duba baya idan ta wuce mun roƙeki wannan alfarmar Mama."



Shiru Mama tayi tana kallon Yaya Fatima yanda ta gaya mata magana har haka, dan a lokacin Mama tayi nisa batajin kira ta dauki abun da zafi ta kasa daukar kaddarar da tazo mana, komai zasu gaya mata gani take rashin kunya suke mata a matsayinta na mahaifiya a garesu, kallonsu tayi su dukansu sannan tace. "Na lura dukanku bakinku daya harda ke Aisha da nike ganin zaki bani hadin kai wajen sama ma yar'uwarki rayuwa mai inganci, amman sai naga akashin haka sun hure maki kunne ko."? Girgiza kai Yaya Aisha tayi tana kuka tace. "Mama ba haka bane gaskiya ne su Yaya Fatima suka fimu, wallahi Mama ni tun yanzun na fara da nasanin abunda nayi ma Auta, Allah ya ganar dani kema Mama ya kamata kiyi imani da kaddara Mama kefa ke cema mu ringa kai zuciyar mu nisa idan zamuyi ma yaranmu hukunci, amman Mama maiyasa ke a wannan karan kika kasa kai zuciyarki nisa wajen yi man Auta hukunci? Hukuncin da kika yanke yayi mata tauri da yawa nasan ba zata iya daukarshi ba." tunda Yaya Aisha tayi wannan magana Mama ta sake fasala cikin fushi tace. "To ku sani wallahi duk garin katsina ba wanda ya isa ya hanani aura ma Khadija Salahu koda hukuma ce kuwa, kuma wallahi duk wanda ta sake zuwa da sunan yi man magana akan karda na aura ma Khadija Salahu to wallahi sai na tsine mata albarka ko waye a cikin ku, dan haka ku tashi ku bani waje marar zuciya wanda basu kishin uwarsu."

Haka suka fita ba wanda ya sake cewa komai, gidan Yaya Jamilu suka ce danyi magana dan basu son suyi magana a asibiti gudun karda naji abunda ke faruwa na tada hankalina har yakai da na samu wani ciwon na daban.


Zama sukayi a parlourn Yaya Jamilu sannan Yaya Amina tace. "Yaya mai zai hana muje mu gaya ma Baba Ali ba wata ƙila idan shi yayi mata magana zataji ta fasa wannan jagulalan auren."? Shiru Yaya yayi yana tunanin mafita cewa yayi. "Amina kinsan dai ko yaje ba wani ji zatayi ba, karshe ma suyi fada kinga ba dadi dan Mama na lura tayi nisa cikin wannan lamarin ta daukeshi da zafi bayan kaddarar Auta ne a haka bata isa ta tsalake kaddarar taba haka ta zano tata kaddarar kowa da yanda ya zano nashi kaddarar, amman Mama ta kasa gane hakan." cewa Yaya Fatima tayi. "Hakane Yaya amman maganar Amina abun dubawa ce idan bashi muka kaima kukan mu ba wa zamu kaimawa dan ba kotu zamu kai mahaifiyarmu ba, dole dai hakan zamuyi Yaya." shiru Yaya yayi sannan yace. "Haka maganarki take Fatima, amman ku tashi ku tafi gidajenku mangariba na matsawa ni kuma zani wuce asibiti na kara ganin lafiyar Auta na kai masu abincin dare komai kenan gobe sai mu tafi gidan Baba Ali din muji yanda za'ayi." ba dan sunso ba suka tafi gida shi kuma Yaya asibiti ya wuce ya kawo mana abinci da kanshi ya zuba abincin ya matso kusa dani ya zauna ya fara bani abincin da kanshi da naso na ƙici amman sai na daure naci yana gama bani ya bani magani nasha sannan yace. "Auta dan Allah kiyi hakuri kisama dangana a ranki ki yarda da kaddara haka taki kaddarar take Auta kuma mu yaiyanki mun yarda da kaddara kuma mun ansheta hannu biyu wallahi Auta muna tare dake nidai fatana ki fidda komai a ranki ki cigaba da rayuwarki yanda kikeyi a da, sai dai kiji tsoron Allah kinga izinar da hau kanki sai ki kiyaye kinji Auta."?


Cikin jindadi nace ma Yaya. "Insha Allah Yaya nagode sosai da kulawarka amman Yaya wai da gaske bani sake haihuwa."!? Na karasa maganar ina zubda hawaye, sha fa kaina Yaya yayi sannan yace. "Aa Auta ba'a fidda rai ga rahamar Allah, kuma shi Dikko baida tabbacin baki sake haihuwa saboda ba wanda yasan ikon Allah dan Allah Auta karkisa wannan a ranki kinji? Komai yayi farko yana da karshe." tunda yayi man maganar hankalina sai ya kwanta nan mukai ta labari dashi sai da kai isha'i sannan yace shi zai tafi gida sai gobe zai dawo haka ya tafi ya barni hankali kwance muma labari muka sha da Dija sannan muka kanta.

Share
Comment
And
Vote






*A SANADIN SOYAYYAR MINTI*
_na ɓata rayuwata😭_

Na
*Jameey yar'mutan kankia ce❣️*

*MANAZARTA WRITERS ASSOC📚🖊️*
https://www.facebook.com/107980080946102?referrer=whatsa
_________________
https://chat.whatsapp.com/BS0N4RFqbe6LFqlXZZ9vxD


*Wannan page din nakine Ɓingel Allah ya kara daukaka da girma gami da lafiya mai amfani Amin*

*Gaisuwa ban girma gareki Yar'malam My Yar' Malam ina maki fatan alkhairy ta wajena*


*Wattpad JameelarhSadiq*

Page 9⏩10


Washe gari da safe Yaya Aisha ce ta fara zuwa asibiti ita da mijinta da yake ita bata da mota sai tare suka shigo dan ta gaya mashi komai ya faru dani ina zaune muna labari nida Dija sama sama sai gasu sun shigo suna shigowa muka gaidasu sannan suka zauna wa'azi mijin Yaya Aisha yayi man sosai sannan ya tafi yace zuwa mangariba zai dawo ya wuce da ita gida, rakashi tayi sannan ta dawo tace. "Auta ya jikin naki."? Da yake haushinta nikeji bugun da tayi man, dan komai ya faru dani a yanzun gani nike itace silar komai shiyasa bance mata komai ba na kauda kaina gefe, samun waje tayi ta zauna sannan tace. "Khadija nasan kina kullace dani akan abunda nayi maki amman ki sani a lokacin hankali ya gushe shiyasa na biye ma Mama mukayi maki haka, dan Allah Khadija kiyi hakuri ki yafeman ko naji saukin abunda nikeji a zuciyata mudun baki yafe man ba wallahi Khadija ba zan sake farinciki ba, dan Allah Auta ki yafeman."hawaye take yi tana maganar, kinsan ace yar'wa rabin jiki ba'a shiga tsakanin yan'uwa take nace na yafe mata har abada kuma ya wuce wajena muna cikin haka Yaya Amina da Yaya Fatima suka shigo lokaci guda suma da breakfast dinsu haka muka gaisa sukayi man ya jiki sannan suka saman abincin naci suna ban labarin ban dariya har na koshi nasha Magani, waya suka kira Yaya sukace kar yazo da abincin rana sunzo dashi, likita yazo yayi man allura yace masu zuwa anjima zai sallamaini dan yaga jikin da sauki sosai sannan sai sun kara kula da lafiya ta sosai sannan ya fita, bayan Yaya yazo ya sake dubani sannan yace masu su taso su tafi nan suka ce man zasuje su dawo kafin anjimar sannan suka tafi.


a asibiti suka bar motar Yaya Amina suka tafi da mota biyu, gidan Baba Ali suka nufa da yake a kwaɗo katsina bayan sunyi parking suka shiga suka fara gaisawa da matanshi sannan suka shiga parlourn shi samun waje sukayi suka zauna sannan suka fara gaidashi bayan sun gaidashi shiru ne ya biyo baya sannan Yaya Jamilu ya fara magana.


"Baba daman munzo ne mu gaya maka wata magana." kallonshi Baba yayi sannan yace. "Jamilu maike tafe daku Ku dukanku? lafiya kuwa dan naga kamar baku cikin natsuwarku."? Yaya ne yace. "Ba lafiya Baba, daman munzo mu gaya maka Mama ce tace zatayi ma Auta Aure kuma wai Alhaji Salahu zata aura mata." cikin zafin nama Baba Ali yace. "Wai ni maike damun Hafsat ne dan Allah dan Annabi? Ita Mamana rasa masoya tayi shiyasa zata hadata da sa'ar haihuwata ko ta isheta ne."? Girgiza kai Yaya yayi sannan yace. "Aa Baba kaddara ce ta hau kan Auta, ciki tayi amman ya zube yanzun haka tana asibiti, to dan tayi ciki shine tace zata aura mata shi wai dan ya rufa mata asiri ba yanda bamuyi da ita ba amman sai tace idan muka sake yi mata maganar sai ta tsine mana albarka." cewa Baba Ali yayi. "Subuhanalillah assha ai kaddara ce kuma hannunka baya rubewa ka yanke ka yarda ku kwantar da hankalinku yanzun nan zan tafi nayi magana da ita komai kenan zakuji ku tashi ku tafi Allah yayi maku albarka." "Amin ya Allah Baba." suka ce sannan suka tafi suna fatan dacewa.


Koda Baba Ali yaje gida wajen Mama bai damu da tarbar da tayi mashi ba, dan daman ba shiri suke ba tunda ya nemi ta bashi Yaya Amina ya rike da Babana ya rasu tace bata ba kowa ɗanta ita zata rike daga nan suke yar'ga maciji bayan sun gama gaisawa yace mata. "Hafsat nazo ne kan maganar aurar da Mamana da kikace zakayi ba tare da izinina ba ni kanan ubanta kinsan nine dai madaurin aurenta kuma an bata aure ko zuwa gaisuwar iyaye babu."? Cikin masifa Mama ta fara yi mashi magana. "Wato Ali zuwa sukayi suka hadani dakai ko? Dan sun kasa to bari kaji wallahi baka isa ka hana wannan auren ba nan da kwana sha ukku za'a daura masu aure, dan ma kun samu Alhaji Salahu zai rufa maku asiri zai aureta a haka, ai nasa bayana zaka goya a matsayinka na mai hankali da hangen nisa ba nasu ba,amman sai naga akasin haka to kasani aura tuni akayi shi aka gama ko dakai ko babu."

Baba Ali Allah yayi mashi zuciya, zuciya gareshi sosai shiyasa shima ya taso mata yana cewa. "Ni kuma wallahi zan nuna maki karfin ikona akan Khadija baki aura mata wannan tsohon banzan kuma ki sani nike da iko sa iyalan Hashim bake ba, tunda ni nono daya muka sha dashi kuma mu biyu iyayenmu suka haifa a fadin duniya ke baki isa ba kiyi mata auren dole dan kawai tayi ciki bayan zubda mata cikin da kikayi bai isheki ba sai kinyi mata auren dole ki godema Allah kece kika haifeta wallahi da sai nayi shara'a dake akan zubda mata ciki da kikayi muna son cikin a haka duk da ba na halak bane mu cikakun musulmaine tunda mun yarda da kaddara." yana gama fada mata haka ya tashi zai tafi itama cewa tayi. "Baka isa ba wallahi Ali nida kai mu zuba mu gani." bai ce mata komai ba ya fitowarshi ya hau motarshi ya wuto asibiti.

Koda Baba Ali yazo asibiti, baice ma su Yaya komai ba ni ya fara dubawa sannan ya tambaye ni jiki nace mashi da sauki, kallon su yayi sanann naga ya fita sai kuma ɗaya bayan ɗaya suka kama fita, take jikina ya bani da matsala su Yaya suke boyeman, hawaye ne suka fara zuboman dan ni yanzun kuka ya zama abokin fira ta, Dije ta kama bani hakuri ba dan na hakura ba nayi shiru sai dan naga yanda itama ta tada hankalin ta shiyasa nayi shiru amman ni kaɗa nasan irin ciwon da nakeji a kasan zuciyata.


Koda suka je wajen Baba wucewa sukayi office din Doctor suka zauna suna kallon Baba suna jiran suji abunda zai gaya masu, dan hankalinsu ba kwance yake ba yanda suka ganshi sunsan ba'a dace ba, numfasawa Baba yayi sannan yace. " na rasa wata irin mahaifiya Allah ya baku Jamilu baki ɗaya Hafsat idan tana abu sai ta koma ƙaramar yarinya wanda bata son komai ba a duniya inba nonon uwarta ba, kuyi hakuri karkuce ina gaya ma mahaifiyar ku maganganu mararsa dadi dole tasa haka har nike fadi ba yanda banyi da ita akan kartayi ma Khadija wannan Auran amman tace sai tayi, sai dai ku kwantar da hankalinku wallahi ba ta isa tayi mata aure ba sai inda karfi na ya ƙare a matsayina na uba a wajen Khadija, karku samu damuwa."


Yaya Fatima ce tayi karfin halin cewa. " Baba kayi hakuri munja maka Mama ta gaya maka maganganu mararsa dadi, dan Allah kayi hakuri kuma insha Allah muma zamu tayaka yaƙar Mama ganin bata yi ma Auta wanann auren ba."
Murmushi yayi dan Yaran dan'uwanshi suna burgeshi suna ta tarbiya sosai kuma yasan wajen mahaifiya suka samaita, sai dai idan Mama tana wani sai abun yaba kowa mamaki dan abu take kamar wanda bata taɓa zuwa makaranta ba, tashi yayi yana cewa. "Wannan abun dole nane karki damu, ku taso muje dan naga jikin da sauki ya dace ace ansallamaita haka nan."


Yaya Jamilu ne yace. "Eh Baba ɗazun da safe aka sallamaimu, daman kai muke jira kafin mu tafi, mungode Allah ya saka da alkhairy Baba" haka suka fito suna kara tautaunawa akan matsalar Mama, da yanda yazasu shawo kan matsalar ba tare da wani yaji ba har azo daga baya ana yi mana dariya, tunda ba wanda yasan nayi ciki sai yan'uwana sai kuma Alhaji Salahu da Mama taje ta gaya mashi, bayan sun dawo muka hada kayanmu sannan muka taho gida.

Koda muka koma gida kallon banza Mama tayi mana ta watsar, kallon da naga Mama tayi mana shi yasa jikina ya mutu take naji ban da lafiya dan ina tsoron abunda zatayi man, tunda ni daya za'a bari gidan nida ita zaunawa mukayi muka gaidata amman abun mamaki maimakon ta ansa gaisuwar sai ma ce masu tayi. "Wato ni zaku kai ƙara wajen Ali ko? Kunsa Ali ya isa yasani balle ya hanani? Kin nuna man ban isa da Khadija bako? Da har zaku kai ƙarata wajenshi dan nace zanyi ma Khadija... Katse ta Yaya Amina tayi tana cewa. "Mun isa mu kaiki ƙara wajen Baba wallahi Mama mudai ce mashi Khadija bata lafiya kema baki lafiya shine yace bari ya fara zuwa ganinki sannan yaje ya ga Khadija bamu ce mashi komai ba bayan nan ko Yaya Fatima."!? Cikin tsoro ta ida maganar tana kallon Yaya Fatima, take nasan ba lafiya mai Mama zatayi man wanda yasan yan'uwa suka kaita ƙara wajen Baba Ali, nidai kallonsu nike da tambaya a bakina dan inason nasan abunda Mama zatayi man wanda su Yaya basu son nasani, ji nayi Yaya Jamilu yana cewa. "Auta tashi ki shiga ɗakinki ki huta dan naga kamar bacci kike ji, ke kuma Aisha shiga kitchen ki dafa mata ruwan sanyi wanda zata dan gasa