You Cannot Download this book untill you login but you can read it .

---

Login Register

ya kamata kuyi irin wadannan taimakon"

Yana kaiwa nan ya tashi ya shiga gida, tahowa nura yayi jikinsa a sanyaye, a farkon layinsu ya hango goodness tsaye tana jiran dawowarshi.

Tana hangoshi zuciyarta taci gaba da dukan uku uku har ya karaso suka samu wuri suka zauna,

"Goodness gandoki kin kasa zama agida kin biyoni nan"

Murmushin karfin hali tayi "ya akayi"

"Komai mai yiyuwane da yardar Allah amma shi dai a ra'ayinshi bashida sha'awar auren wacce ba musulma ba sai dai wannan ba shine yake nuna cewar bazai aureki ba, kinga na farko shi mutumne wanda ya karanci addini tsantsa saboda asalima baifi shekara 5 da dawowa _Nigeria_ ba daga _madina_ acan yayi karatunsa na addini wanda ya shafe fiyeda shekaru _20_ acan, bayan dawowarshi ne yayi aure yanzu yana da yaro guda daya, amma goodness mezai hana ki yarda ki karbi musulunci idan kikayi sa'a ta sanadiyyar karbar musuluncin ya aureki"

Da sauri ta girgiza kanta hawaye na bin kumatunta "no, nura ba zan iya musulunta ba nidai ya aureni a haka nayi addini na yayi nashi, idan nace zan musulunta ma bazata yarda ba"

"To shikenan yanzu kin san ya za ayi? Mahaifinsa za muje mu samu kiyi masa bayani, shi mal jabir mutum ne mai tsananin biyayya wa mahaifinsa, baya ketare umarninsa, nasan indai mahaifinsa ya yarda shima zai yarda"

Dan murmushi tayi "Allah yasa ya yarda, nura nagode, yaushe zamuje?"

"Gobe za muje da safe sai ayi masa bayani"

Cikeda murna sukayi sallama ta tafi church, acan ta kwana sai da asuba ta dawo, yanzu promise ya gama gane cewar ta daina sonshi dan haka shima ya fita a harkarta.

Karfe 10 nasafe suka hadu da nura suka tafi unguwar masanawa inda acan mahaifin mal jabir yake, gidane babba kato da masallaci a kofar gidan, acikin masallacin suka sameshi yana lazimi, tsoho ne dan kimanin shekaru 70 aduniya fuskarshi duk farin gashi amma jikinsa ras yake,

Ita goodness bata shiga ciki ba awaje ta tsaya tasa doguwar riga yar kanti ta daura bakin dan kwali, nurane ya shiga ciki suka gaisa da tsohon yayi masa bayanin komai wanda yasani babu abinda ya boye tun daga farko har karshe sannan ya kara da cewa "mahaifinta da mahaifiyarta dukkaninsu yan okene ne amma suna zaune anan jalingo, sannan mahaifinta ya dade da musulunta tun shekaru masu yawa da suka wuce ta sanadiyyar wani makocinsa da suka zauna tare agarin jos, amma ita mahaifiyar har yanzu tana nan akan addinin yahudu da nasara"

Dan murmushi tsohon yayi yace "yaro wannan mutumin da kace ya musulunta nine nabashi kalmar musulunci lokacin ina zaune agarin jos ina koyarwa a jami'ar addinin musulunci dake garin, shekarune masu yawa bana mantawa aka kawo min shi akace zai musulunta, nine nan nabashi kalmar shahada, babu komai insha Allahu jabir zai aureta kamar yadda take son ya auretan, amma ka sanar da ita idan tasan zata aureshi ne da niyyar ta cutar dashi to gara ta fasa idan kuma tsakani da Allah take sonsa to falillahil hamdu insha Allahu sai jabir ya zama _*WANI HASKE*_ acikin rayuwarta"

"Mun gode malam, Allah ya kara girma da nisan kwana" nura ya fada tareda tashi ya fito inda goodness ke tsaye tana sauraronsu, duk wadannan maganganun da akayi acikin kunnenta akayi su shiyasa farin ciki ya mamaye zuciyarta marar misaltuwa, machine din nura suka hau suka bar wurin ya tafi kaita office duk da cewa yau tasan ta makara sosai amma haka zata daure taje dan ta ganshi,

Murna fal acikin zuciyarta nura yana ta kara yi mata karin bayani har suka je office din ta sauka tana yiwa nura godiya ta shiga ciki, Massinger dinsu ta samu zaune shi kadai ganinta ya fara yi mata sannu da zuwa, anan yake sanar da ita oga yana conference room yana meeting da directors dinshi, wannan rana ta yau goodness na cikeda farin ciki.

Sai da lokacin salla yayi sannan masu meeting din suka firfito domin zuwa salla, office dinsa ya nufa domin yin alwala, yana shigowa sukayi ido hudu da goodness, dauke idonsa daga kanta yayi yashiga office dinsa bayan massinger ya bude masa kofa, binsa ciki tayi lokacin ya cire hular kansa yana saka silifas zai shiga toilet,

"Sannu sir" tafada cikin farin ciki

"Yawwa" yafada yana balle clips din hannun rigarshi,

"Sir yau naje unguwane shiyasa ban zo da wuri ba"

"Babu damuwa amma ki kiyaye next time"

"Yes sir" bai sake magana ba ya nufi toilet.

***

Bayan ya tashi daga office around _5_ ya nufi gidan mahaifinshi, a babban falon shi ya tarar dashi zaune ya bude katon alqur'aninshi yana karantawa, jin sallamar malam jabir yasashi rufe alqur'anin ya juyo ya dubeshi da fara'a a fuskarshi,

Zama yayi kusa dashi ya russuna ya gaisheshi,bayan ya amsa ne yace

"Jabir dalilin kiran da nayi maka ayau shine kaga dai nafarko kana daya daga cikin mutanen da ake girmama su acikin garin nan ake koyi dasu, kuma kallum aikin samun lada kake yi, wannan dalilin ne yasa yau na sake kawo maka kokon barar wani aikin samun ladan, nasan Allah ya hore maka arziki, da kuma zuciyar da zaka iya rike mata biyu, wannan dalilin ne yasa na umarceka da kayi hakuri ka daure ka auri wata yarinya ma'abociyar littafi wanda nake kyautata zaton cewa idan Allah ya yarda _*wani haske*_ ce agareka kamar yadda kaima zaka kasance _*wani haske*_ agareta, ba musulma bace amma ta kamu da tsananin sonka saboda nagartarka da kyawawan dabi'unka gamida kyawawan halayenka da ta duba,ni kuma nasha mata alwashin insha Allahu zaka aure ta zaka zame mata _*wani haske*_acikin rayuwarta"

Tun farko tun asali ko acikin mafarki bai taba tsammanin zai iya aurar wacce ba musulma ba saboda basa burgeshi amma yanzu bazai iya yiwa mahaifinshi gardama ko musu ba dan haka ya aminta "shikenan malam insha Allahu zan aureta kuma zan zauna da ita"

"Allah yayi maka albarka jabir, amma kayi min alqawari zaka riketa bisa amana"

"Malam insha Allahu zaka sameni mai rikon amana akanta tareda yin adalci"

Albarka mahaifin nasa ya shiga saka masa tareda yi masa fatan alkairi acikin rayuwarsa, sallama yayi masa ya tashi ya tafi yana jimamin wannan al'amari acikin ranshi, wai a matsayinsa na mai wa'azi shine zai auri wacce ba musulma ba.




_*Ummi Shatu*_👌🏻
[10/28, 9:26 PM] ‪+234 810 100 9022‬: [8/23, 10:08 PM] Ummi A'isha👌🏻: *WANI HASKE*

_*NA*_
_*UMMI A'ISHA*_

_26-30_

~~~Tun yana hanya ya fara laluben number uwar gidansa wato ummu al'amin kamar yadda yake kiranta, ringing biyu ta daga cikin sallama,

"Abu al'amin yau baka dawo da wuri ba, duk aikin office dinne ya rike ka haka?"

"Gani nan nataho yanzu, na dan biya ta gidane naga malam"

"To Allah ya kawoka lafiya, ga al'amin"

Karbar wayar al'amin yayi cikin murna yace "hello abbu na kaga ummu ta dakeni"

"Ohhhhh al'amin rikici, laifi kayi mata ko?"

"Abbu ni banyi mata laifi ba"

"Haka kawai ta doke ka? To idan na dawo zan rama maka"

"Yawwa abbuna sakallahu kairan wa ilal liqa"

Kashe wayar yayi yana murmushi a rayuwarshi yana son yaron nan nashi shiyasa yake son yaga ya tsaya tsayin daka don ganin rayuwarshi ta inganta to amma yanzu gashi wani al'amari mai girma ya na kokarin kunno kai cikin rayuwarshi data iyalinshi, sam bashida ra'ayin auren ma'abota littafi wato (ahlul kitab) to amma yanzu hakan ya zame masa tilas ko dan samun ladan yin jahadi amma yana jinjina ta yanda zai iya rayuwa da macen da bata tsarki.

Lokaci kankani suka isa gidansa dake unguwar farin gidaje, gidane na alfarma tamkar gidan wani sarkin nidai ummi A'isha nace ashe malamai suma yan jin dadine, farfajiyar gidan driver yaje yayi packing yafito ya budewa GM kofa shima ya fito ya nufi cikin gidan, part ukune part din farko shine na ummu al'amin, nakusa da nata nashi na karshen kuma empty yake babu kowa aciki, yana shiga falonta ya jiyo surutun al'amin wanda yaketa wasansa yana kallon tashar spaceton Arabiya, da sallama ya shiga, da gudu al'amin ya taso ya rungumeshi, hannunshi ya rike yabi ta kofar falon yafita wani dan korido ya shiga sashensa yana shiga daki al'amin yafito ya tafi falo yana kokarin kunna tv, wanka ya shiga yayi ya fito ya shirya cikin jallabiya fara da yar hularta itama fara ya fito falonshi nan ya tarar da al'amin yana kallon tv, zama yayi kusa dashi daidai lokacin wata kyakkyawar mace yar madaidaiciya ta shigo tana sanye da doguwar riga da dan karamin hijabi shekatunta ba zasu fi 28 ba fara doguwa,

Hannunta dauke da food flasks guda biyu, "barka da isowa Malam" tafada tana dan murmushi,

"Yawwa yagida" yafada yana duban al'amin wanda yaketa faman dariya saboda cartoon din da yake kallo na larabci,

"Tashi kaje kayi alwala mu tafi salla ko walad"
"Abbu ni yanzu ba walad bane na girma"

"Yaushe ka girman?"

"Abbu nagirma nazama rajulin" yana gama fadin haka ya tashi da gudu ya fita,

Murmushi ya rakashi dashi yayinda ita kuma matar ta matso kusa dashi "yau baka dawo da wuri ba ashe wurin malam kaje"

Kai ya daga mata "malam ne ya kirani sai nadawo zanyi miki bayanin abunda muka tattauna dashi"

"To adawo lafiya abu al'amin"

Tare suka fito ya shiga falonta yana kiran al'amin domin yazo su tafi masallaci.

Bayan idar da salla zama yayi yafara dorawa mutane karatu kan littafin da suke karantawa ako wacce rana mai suna adabul mufrad, har lokacin sallar isha yayi bayan sun idar da salla ne ya dauko al'amin a kafadar shi ya shiga cikin gida mai gadi ya mayar da kofa ya rufe.

Dakin ummu ya nufa acan ya sameta zaune kan abin salla tana karatun alqur'ani mai girma, gefen gadonta yaje ya kwantar da al'amin ya juya ya fita ya shiga sashensa, abincin ya zauna ya fara ci har ummu ta shigo cikin kyakkyawar shiga ta sanya hijabi babba mai hannu,

"Yau baka samu kaci abinci da wuri ba" tafada tana murmushi,

"Eh wlh dan ban dawo da wuri bane" ya fada cikin muryarshi mai dankaren sanyi,

"Naji kace zaka yi min bayani Allah dai yasa lafiya"

Abincin gabanshi ya ture ya juya ya fuskanceta,

"Lafiya lau, maganar aure ne wanda zanyi"

Kallonsa tayi da sauri amma tasan tunda ya fada dagaske yake saboda baya yi mata irin wannan maganar,

"Aure Abu al'amin? Yaushe? Meya faru?"

Girgiza mata kai yayi 'ban san dai nan da yaushe bane sai abinda malam yace"

Wani bacin rai taji ya fara mamayar zuciyarta, take fuskarta ta sauya ranta ya baci ta mike tsaye,

"Asshhha! Da ace mutane sun san halayenka to da basu zauna sun bata lokacinsu sun saurari wa'azinka ba, kullum kana yiwa mutane wa'azi amma kai kuma Baka yiwa kanka, me nayi maka da kake son sai kayi min kishiya?"

Tsaye shima ya mike "haba Salma akan kawai nace miki zanyi aure shine zaki jefeni da wadannan kalmomin, ubangiji ne fa ya bani damar auren mace fiyeda guda daya acikin suratul nisa'i aya ta uku, yace mun halarta muku ku auri abinda yayi muku dadi daga mataye.......!"

Katseshi tayi da sauri, "ya isa, sarkin wa'azi ni ba aya nace ka jawo min ba, Allah yabaka ikon yin adalci kawai"

Tana kaiwa nan ta juya ta fita tanufi dakinta tana sharar kwalla,shi kam tatafi ta barshi da mamaki karara akan fuskarshi lallai mata akan kishiya basu da dama, ko sun san abu sai su take yanzu duk ilimi irin na Salma akan kishiya tana neman birkicewa.

***

A bangaren goodness kuwa tun ranar da sukaje wurin mahaifin GM ita da nura bata sake komawa office ba saboda yanzu bata son taje ko GM yasan itace itace wacce take son ya aureta,

Dawowarsu kenan daga church itada ma ta tarar da labari mai dadi cewar GM sun zo shida mahaifinsa wurin babanta zuruf ma ta mike

"Papa goodness ban gane abinda kakeso kayi ba, kana son goodness ta auri musulmi hausa man saboda addininku daya?"

"Ma ba laifin baba bane, nice nake sonshi wlh ma yanada kirki"

"Shut up, poor girl, idan ya sakeki ko yayi miki kishiya kar ki kuskura kizo min nan gidan" ma tafada tana zazzaro ido,

Shidai mahaifinta bai ce komai ba domin yana cikeda tsantsar farin ciki domin yasan insha Allahu goodness ta kusa samun rahamar ubangiji,

"Ko kin auri hausa man to ba zaki yi addininsu ba,and papa goodness kasan dai wannan bikin a church za muyishi ko?"

Ba goodness ba hatta mahaifinta sai da maganar ta girgizashi.

Cikin kidima goodness take kallon mamanta kafin mahaifinta ya bada amsa "kiyi bikinki a church nikuma nayi nawa a nan shikenan?"

"Yawwa haka yayi dai dai saboda zan kaita church pastor yayi mata addu'a" tana dasa aya ta tashi ta karasa dakinta, nan baban goodness ya shiga yi mata nasiha da yanda zata zauna da mijinta lafiya sannan ya gargadeta da kiyaye daukar hudubar mamanta domin bikinta nan da sati shida za ayi tunda GM babban mutum ne ba shirme za a tsaya yi ba, wani sanyi ne ya mamaye ruhinta amma bata nuna ba a lokacin har sai da ta tashi ta shiga dakinta ta fada kan katifarta tana murna ta kira nura tana fada masa anan yake sanar da ita ai shine ya jagoranci su GM din har zuwa gidansu kuma yanzu GM yasan itace wacce zai aura saboda har yayi masa maganar cewa ya sake nemo masa wanda zai ci gaba da aikinta a office, tashi zaune tayi tace

"Heyyy nura don't bring female i beg you, ka samo masa namiji"

Dariya nura yayi tareda kashe wayar, wani irin son GM taji yana azazzalarta tana son taji sanyayyiyar muryar nan tashi nan ta tuna da cewar tana da tsohon layi a ajiye na zain, da sauri ta bincikoshi tasa a wayarta ta fara kiran layinshi, sai daf da zata tsinke sannan ya dauka yayi sallama, shiru tayi tana sauraren muryarsa, wata sallamar ya sake yi nanma tayi shiru har sai da yayi sallama sau uku babu amsa hakan yasashi katse wayar, wata ajiyar zuciya ta saki tana mai muradin ganin ranar aurenta da GM.

Acan gidan GM kuwa Ummu al'amin ta dan sauko kadan amma fa ba hakura tayi ba zuciyarta ce kawai ta bata shawarar ta nunawa abu al'amin cewar ta hakura ta yarda yayi aurenshi amma kuma zata rinka yi musu zagon kasa shida amaryar, hakan yasata yin dariyar mugunta ta tashi ta nufi sashensa wanda yake kusa da nata, acan cikin dakinsa ta sameshi yana duba wani littafi na tafsirin suratul hud, da sallama ta shiga ta zauna kusa dashi gamida riko hannunsa, littafin ya rufe ya jiyo yana kallonta "ummu ya akayi"

"Abu al'amin kayi hakuri da abinda nayi maka akan maganar aurenka hakika nasan kai adali ne kawai sharrin shaidan ne yasa na fada maka wannan maganar amma kayi hakuri, Allah ya baka ikon yin adalci a tsakaninmu"

Hancinta yaja yace "ya wuce ummu kidaina bani hakuri, nasan kishiya tana da zafi awurinku mata amma haka zaku daure ku rinka karbarta aduk yanayin da tazo muku"

Jikinshi ta shiga tana murmushin kissa.

***

Tunda biki ya rage saura sati uku mahaifin goodness ya kirawo yayarta anty bilkisu tazo yaje ya ciro yan kudadensa da ya jima yana tarawa saboda auren goodness ya basu yace suje kasuwa su iyo mata siyayyar kayan kitchen domin GM yace kayan daki da sauran tarkace ba sai an kawo mata ba zai zuba komai murna wurin anty bilki harda kuka saboda jin wanda yar uwarta zata aura,tabbas tasan goodness tana daf da samun *WANI HASKE* acikin rayuwarta wadda zai yi sanadiyyar haska danginsu baki daya, nan aka shiga gudanar da shirye shiryen biki mama ta shirya ta tafi okene domin yin tsubbuce tsubbucenta tareda tahowa da dangi, amma har yanzu goodness da GM basu haduba sai lokaci zuwa lokaci goodness tana kiransa da layin zain dinsa tayi shiru tana sauraren muryarsa,

Kudi kimanin naira dubu dari uku GM ya aiko dashi akan ayi komai da komai domin shidai ba bidi'a zaiyi ba wannan kudin da zai aiko dashi za ayi mata duk wata hidima data kamata, tsalle da murna wurin goodness ba a iya musaltawa, anty bilki kuwa sai gyara yar kanwarta take saboda shirin kota kwana sannan sun shiga kasuwa sun jido kaya hadaddu sabbi english wears akwati biyu dogayen riguna ne yan kanti sai riguna da wanduna da skirts da sleeping dress da inner wears domin goodness bata iya saka atamfa ko leshi ba, ma sai da biki ya rage saura sati daya ta dawo ita da mutanensu daga okene tana dawowa gida ya kancame da danginsu ko ina agidan ka juya wani yare suke yi wanda nidai ummi A'isha bana fahimtar sa.

Tunda ma tadawo kullum sai sunje church anyiwa goodness addu'a da haka har ranar bikin tazo ranar a church suka kwana anata addu'o'i, washe gari ranar friday aka daura auren goodness da GM bayan an idar da sallar juma'a a masallacin mahaifin GM, ana gama daura auren ya koma gida yana sanye da farin yadi mai laushi da kyau, da gudu al'amin yazo yana bashi labari

"Abbu wancan gidan wasu sunzo sunje sunata shara aciki abbu, abbu makotan munne?"

Hannunsa ya kama yana murmushi "al'amin surutu, eh makotanmu ne"

"To abbu wasu fa basuda hijabi irin na ummu na"

Ras gabanshi ya fadi shi sai yanzu ma ya tuna da cewar fa ashe ba musulma ya aura ba, "al'amin ya isa haka kayi shiru babu kyau yawan magana"
Yafada tareda jan hannunshi zuwa sashensa.

Biki yayi biki domin ma ta cashe iya cashewa a church yayinda goodness kuma taci ado cikin wedding gown fara gashi anyi mata gyaran gashi tasha attach mai kyau, kafarta da hannayenta duk an gyara mata, musamman ma ta kaita aka yi mata gyaran fuska, su gyaran gira ne duk sai da aka yi mata fuskarta tasha make up tayi kyau har ta gaji, kasancewar a church zasu gudanar da bikin yasa anty bilki ta bisu a dole amma indai bata manta ba rabonta da church tun tana yar mitsitsiya lokacin da ma take zuwa da ita.

Church din an kawatashi da decoration yasha balam balam balloons manya manya kala kala, goodness tana tsugunne gaban pastor ta rufe idonta sauran jama'ar kuma suna zazzaune suna sauraren pastor ciki harda promise tsohon saurayin goodness wanda yaketa dariyar mugunta ganin mijin goodness bai zo church ba,zobuna guda biyu aka mikowa pastor (wedding ring) ya karba,zubunan masu kyau daya na gold daya na silver, na gold din goodness ta saka a dan yatsanta na tsakiya wato marriage, dayan zoben kuma akace na mijinta ne lallai lallai ta bashi yasa, tafi aka hau yi da ihu shikenan aure ya kullu nan aka shiga ihu aka saki kida ma tafito tana rawa kamar zata karye, sai around 3 suka baro church suka dawo gida, nan baban goodness ya kirata dakinsa yayi mata fada akan kar tace zata rinka biyewa ma bayan aurenta domin tana iya kashe mata aure, sannan su shirya anjima da daddare za akaita gidan mijinta, dai dai nan ma tashigo cikin dakin,

"Ah papa goodness whats are you talking about? Akai goodness yau without pastor visit her house and pray? Za akaita gidanta batare da pastor yaje yayi mata addu'a ba?"

Cikin fushi Baban goodness ya mike "ke chioma nafara gajiya da wannan rashin mutuncin naki, akanme pastor zaije gidanta? Ko kin san waye mijinta kuwa? Kina so ya saketa ne tun kafin akaita gidan? Kince wannan na yarda kince wannan nayarda to yanzu kam i won't accept this nonsense, i can't tolerate your nonsense, tun yaushe kuke addu'ar? Duk wacce kukayi bata isheku ba sai kun je gidanta kun kashe mata aure? It can't, impossible" yafada yana huci,wani ihu mama ta kurma ta dora hannu aka tana kuka,

"Oh chineke,papa goodness what do yo mean? You mean you can't allow pastor to visit goodness house to pray? Oh people, people pls come and aid me, oh God, chineke" tashi goodness tayi ta rike ma tana bata hakuri "oh ma, pls stop saying this, am sorry ma, kinji maganar da papa yafada idan kunje zai sakeni, kiyi hakuri ma, pls and pls"

Shiru ma tayi tareda share hawayen fuskarta "that's the reason why i have neva like your marriage with hausa man, i know there is too much crises around it, tun kina yar karama naso ki auri Christian wanda zakiyi rayuwar jin dadi amma see my dream didn't come true,my ambition for you to became a pastor's wife will neva Eva been....!" Tasake rushewa da kuka, nan anty Bilkisu ta shigo tana tambayar meya faru, haduwa sukayi suka cigaba da bawa ma hakuri amma dakyar ta hakura sannan aranta ta dauki aniyar ko bayan bikinne sai sunje da pastor gidan yayi addu'a.

Bayan magrib aka fara shirye shiryen kai amarya GM ya turo musu motoci guda hudu amma ma karfi da yaji ta hana goodness shiga daya daga cikin motocin sai wacce pastor ya kawo wacce tasha decoration tasha balloons ita ma ta saka goodness aciki itama ta shiga suka tafi, tunda akaje gidan kowa yake santi domin gidan ya tsaru yayi kyau sosai kai in banda rabo ma to da goodness ko a mafarki ba zata samu wannan mijin da wannan gidan ba to bahaushe yace rabo sai mai shi, kowa ya yaba wannan gidan, sashenta daban kuma shine na karshe, kayan funitures din da ya zuba mata ba na wasa bane kayane masu shegen kyau da tsada, babban falo guda daya da bedrooms guda biyu, sai kitchen da dining area, abin dai gwanin sha'awa komai green, nan ma ta shiga rawa harda guda, sun dade agidan suna ganin tsarin gidan sannan suka tafi suka bar goodness wanda take kuka biyu, na dadi da farin ciki.


Ko wanne irin zama za ayi tsakanin goodness da Abu al'amin? Mu saurari shafi na gaba.



_*Ummi A'isha*_👌🏻
[10/28, 9:27 PM] ‪+234 810 100 9022‬: [8/24, 10:31 PM] Ummi A'isha👌🏻: *WANI HASKE*

_*NA*_
_*UMMI A'ISHA*_

_31-32_



~~~ Bayan kowa ya tafi an bar iya goodness acikin dakinne ta mike gamida tattare doguwar gown din dake jikinta wacce ta kasance light blue da adon _flowers_ pink colour ajiki, tashi tayi ta fara zagaya dakunan da suka kasance mallakinta,

Kamar a mafarki take ganin abubuwan da suke faruwa, wai yau itace ta zama matar GM mutumin da yafi karfin ajinta, falo ta fita wanda girmansa kadai abin kallone yasha kayan alatun more rayuwa an zuba komai green, dayan dakin ta shiga shima ciki yana dauke da dan madaidaicin gado shima komai naciki kalarshi green, fitowa tayi ta shiga kitchen, kitchen din ya tsaru kamar a kasar turai ga kayan amfani nan birjik masu amfani da wutar lantarki,

"Thank you God" ta fada tareda runtse idanuwanta nan take hawayen farin ciki suka fara sauka akan kumatunta, wani sanyi taji yana ratsa babban dan yatsan kafarta yana haurawa cikin kwakwalwarta,

Cikin dakinta ta koma ta zauna akan gadonta tana tunanin yadda zata iya hada idanuwa da GM a matsayin mijin aurenta,tana nan zaune har taji bacci ya fara barazanar dauketa domin agajiye take lis gashi kwana biyun nan kullum a church suke kwana dan haka basa samun damar yin bacci, ko gown din jikinta bata cire ba haka ta matsa can tsakiyar gadonta taja pillow ta dora kanta ta kwanta take bacci yace muje zuwa.

A bangaren angon kuwa daidai lokacin da ya jiyo hayaniyar yan kawo amaryar yana zaune a cikin falonshi al'amin yana kwance akan cinyarshi yana koya masa wani littafin hadisi na fawakiha kusan duk hadisan dake ciki saukaka ne kuma gajeru basuda tsayi,jin al'amin yayi shiru ya tabbatar masa da cewar yayi bacci daukeshi yayi ya kwantar dashi akan doguwar kujera ya tafi jikin window ya daga labule ya fara hangen yan kawo amaryar,

Baya iya gano amaryar domin an kakkareta sai dai yana hango sauran matan wadanda duk cikinsu mace daya ce mai lullubi ajikinta, yana nan tsaye har suka shiga part din nata suka fito suka tafi daidai lokacin ummu al'amin ta shigo falon tana cewa,

"Bari na dauki al'amin saboda naga amaryar ta iso tun dazu, Abu al'amin Allah ya baku zaman lafiya"

Danta ta dauka ta saba a kafada ta fice acikin falon ba tareda ta jira amsarshi ba, idan da sabo ta saba da wannan halin nashi na rashin mayar da amsa shi komai wahala yake masa domin bashida zafi ko kadan sanyinsa yayi yawa,

Tana fita ya shiga dakinsa ya shige toilet ya yi wanka ya fito ya hau kan gadonshi ya kwanta yana tunani acikin zuciyarshi,

"Ya dace naje na kwana a dakin yarinyar nan to amma ni bazan iya ba saboda inada kyankyami shiyasa tun farko banyi murna da auren nan ba, tayaya zan