You Cannot Download this book untill you login but you can read it .

---

Login Register

ya ba Muhammad auran 'yarsa Kadija, dan haka duk lokacin da ka samu lokaci cikin Week din nan ka je ka ganta "


Muhammad da gaba d'aya yanzu babu maganar aure a gabansa sai be ji dad'in hakan ba , amma sai ya boye ma nahaifinsa ya ce " Daddy, duk da zuciyata har yanzu cikin fargabar abun da ya faru nake ba zan k'i na'am da duk abin da kuka yanke akaina ba , a koda yaushe uwarninku kawai nake jira , dan haka ba sai na ganta ba na aminta " Muhammad ya fad'i haka dan faranta ran mahaifinshi kamar yadda yaga shi ma akoda yaushe yana k'okarin ganin nashi farin cikin .



Alhaji Sagir kallan Hajiya Baturiya ya yi ya ce " Mommyn Muhammad , biki ce komai ba?" Hajiya Baturiya murmushi ta yi ta ce " Indai Muhammad ya amince nima a shirye nake da amsa tayin " Alhaji Sagir murmushi ya yi ya ce " Tom , alhamdulillah , yanzu zan samu mahaifin yarinyar mu tsaida magana inda ka yi na'am. Saidai kamar yadda nace maka ka shirya ka je ku ga juna , dan muna son yi abun cikin lokaci "



Bayan kwana biyu da maganar Muhammad ya shirya inda Jibirin d'an'uwansa ya yi masa rakiya suka je suka ga Kadija . Kadija ba wani yi ma Muhammad ta yi ba amma kasancewar ita d'in zab'in mahaifinshi ce sai ya hak'ura .


B'angaran Kadija ko take ta amince saboda Muhammad babu macan da zata gan shi ta k'i shi ,dan ya ji komai kota ina mutum ne .


Haka babu b'ata lokaci aka fara shirye-shiryen biki.


Ana gobe biki Malamin nan da aka had'a Alhaji Sagir da shi suka kwana karatun al'qur'ani a gidan da za a kai Kadija shi da d'alibanshi.


Washegari aka d'aura auran Muhammad da kadija.


Usman da sauran abokan Muhammad su suka kai amarya da k'awayanta har gidanta , wanda ya kasan ce shima sabo ne .



Bayan an akai amarya ba jimawa Muhammad bai tafi ba , Usman jin Muhammad shiru-shiru bai zo ba Alhaji Sagir ya Kira ya sanar da shi suna can suna jiran Muhammad ya zo kafin su wuce.


Alhaji Sagir d'akin Muhammad ya shiga zaune ya iske Muhammad da photon Hafsat yana kallo yana kuka. Alhaji Sagir fusge photon ya yi ya ce " Muhammad har yanzu ka kasa yadda wanda yafi ka son Hafsat ne ya d'auke abarshi , idan har ba kana son samun damuwa bane ko kasa ma kanka ka tashi ga su Usman can suna jiranka sai ka je su tafi " Muhammad goge hawan idonshi ya yi ya ce " Daddy, bana d'akko photon Hafsat ba dan in sa ma kaina damuwa na yi haka ne dan innuna ma Hafsat har yanzu tana raina ban manta da ita ba kuma ba zan tab'a mantawa da ita ba har ranar da numfashina zai bar gangar jikina " Alhaji Sagir goge hawayan Muhammad ya yi ya ce " Addu'a zaka yawaita yi mata ta haka ne kawai yanzu zaka nuna soyayyarka a gareta , jeka su Usman na jiranka "



KADUNA GARIN GWAMNA


Fadila tun safe ba ita ta farka ba sai a azahar



Fadila kwance ta ganta kan katifar d'akinta, jin jikinta take yi ya yi sanyi sosai kamar dai irin wanda ya tashi jinya .
Shiru ta yi tana tunani take duk abin da ya faru da ita ya dawo mata na zuwan MD gidan da kuma hollondia yoghurt d'in da ya bata ta sha daga nan ganinta ya d'aushe, shi ne fa bata sake sanin abun da take ba sai yanzu da ta farka ta ganka kwance.


Fadila da sauri ta tashi tana bin sassan jikinta da kallo, tashi ta yi da sauri tana duba kanta saidai ita bata ga wata alama ba a jikinta wanda zata shaida ko MD ya kusanceta , saidai tana jin gaba d'aya jikinta babu dad'i. Da sauri Fadila ta kai duba ga Ahmad amma bata gan shi ba.

Fadila tashi ta yi da sauri ta nufi falon nan ma babu Ahmad. D'akunan ta fara diddubawa nan ma babu shi . Ji ta yi hankalinta ya tashi sosai dan take jikinta ya fara rawa .


Fadila Kiran MD ta yi a waya sai jin wayarshi ta yi a kashe. Take ta rud'e hankalinta ya tashi , dan tunaninta ya bata MD ya bata abun da zai b'atar mata da hankali ne dan ya gudu mata da Ahmad , hakan ya sa Fadila jikinta na rawa ta d'auki hijab d'inta ta fit.✍🏻



Ku bar gaggawa za ku fahimta, ku dai ku biyoni a hankali , ku bar sani ina gudu kar in ji ciwo mana 😰




📚 FADEELAH 📚
🔔📚
*JARUMAI WRITER'S ASSOCIATION📚*
_{Marubuta masu aiki da jarumta domin wa'azantawa ilimantarwa, nishad'antarwa tare da fad'akarwa da jama'a bisa harshen hausa
https://m.facebook.com/story.php?story_fbid=337435884671992&id=103920888023494&sfnsn=mo

💪🏻J.A.W 💪🏻


Na
Fadila Sani Bakori.



SANARWA : Masu tambaya akan gyaran jiki akwai hanyoyi kala daban- daban da zan kawo na gyaran jiki acin wannan littafi mai suna FADEELAH .




*🤝 SDEENDTM DATA SERVICES🤝*
*MTN* . *Airtel*
1GB = ₦300. 1GB = ₦300
2GB = ₦600. 2GB = ₦600
3GB = ₦900. 3GB = ₦900
4GB = ₦1200. 4GB = ₦1200
5GB = ₦1500. 5GB = ₦1500

*GLO* . *9MOBILE*
1GB = ₦350. 500Mb ₦250
2GB = ₦700. 1GB ₦500
3GB = ₦1050. 2GB ₦1000
4GB = ₦1400. 3GB ₦1500
5GB = ₦1750. 4GB ₦2000

*VALIDITY: 30DAYS/1MONTH*
For cable subscription or sell recharge card
Call this number or whatsapp
👇🏽👇🏽👇🏽👇🏽👇🏽
*🪀08066268951*



Page 11



Fadila Kiran MD ta yi a waya amma wayarshi akashe, take ta rud'e hankalinta ya tashi dan tunaninta ya bata MD ya bata abun da zai b'atar mata da hankali ne dan ya gudu mata da Ahmad, hakan ya sa Fadila jikinta ko ina ya kama rawa , hijab dinta ta d'auka ta fita. Fadila da sauri - Sauri take tafiya ahaka ta samu keke-Napep ta hau. Fadila na cikin Napep din tana kuma Kiran number MD amma akashe.


Fadila ak'ofar gidansu tasa mai napep din ya tsaya. Tsabar a rud'e take kai tsaye ta shiga cikin gidansu ta bar mai napep d'in nan tsaye bata bashi kudi ba, mai napep din ko jinta shiru kuma ganin hankalinta kamar a tashe ya ke ya sa ya juya ya tafi.

Fadila a d'akinsu ta iske mahaifiyarta da Aisha da sauran k'annanta suna zaune jigun - jigun kamar masu zaman makoki.


Mahaifiyar Fadila da sauran k'annanta da dukkansu da kallo suka bi Fadila. Fadila ko koda taga bata ga Ahmad a gidan ba tunaninta ya bata tabbas MD ya gudu da Ahmad, hakan ya sa Fadila ta d'ad'e da kuka .


Aisha da sauri ta nufi inda Fadila take tana tambayarta lafiya , inda mahaifiyarsu ta bi ta da ido .


Aisha cikin sanyi jin Fadila bata tanka mata ba kuma ta ci gaba da kuka ta kuma cewa " Aunty Fadila , lafiya ? Ina yaron fa ? " Sai sannan Fadila ta bud'e baki ta ce cikin kuka " MD ya gudu da shi " Aisha a zuciyarta ta ce " Alhamdulillah " Amma a fili sai cewa ta yi " Lafiya ya gudu da shi ? " Nima ban sani ba " Fadila ta bata amsa.


Suna a haka ne Kira ya shigo wayar Fadila , koda ta duba ta ga number MD da sauri ta d'aga kiran .


MD sanar da Fadila ya yi yana k'ofar gidansu .


Fadila fita ta yi da sauri. MD na ganinta ya fito cikin motar rungume da Ahmad a hannun shi ya mik'a ma Fadila shi . Fadila amsar Ahmad ta yi tana sauke sanyayyar ajiyar zuciya , Sannan ta kalli MD ta ce " Me ka sa min a yoghurt d'in da ka kawo min ? " Fadila ta fad'i maganar tana kure MD da ido .


MD cikin mamaki ya ce " Me na sa miki kuma ? Ni dai na kawo miki yoghurt ina jiran ki sha mu tafi in kawo ki gidanku amma abun mamaki kina sha ko da ma barci kike ji ne ban sani ba ,daga kina zuwa kika je kika kwanta kika kama barci , nima ganin haka sai ban tasheki ba na d'auki Ahmad muka fita " Fadila shiru ta yi sannan kamar za ta yi kuka ta ce " MD , dan Allah ka ji tausayina ka sanar da ni abun da ban sani ba , dan Allah ka cireni a kokonto ka sanar dani ? " Wata magana kike yi ne haka Fadila ? , Me ye biki sani ba ? Me ye ya shige miki duhu wanda biki sani ba kike son sani ? , Yi min bayani yadda zan gane ? " Cewar MD ya k'ure Fadila da ido.


Fadila cikin sanyi ta ce " MD me kasa min a cikin yoghurt d'in da ka ban ? " Oh ! Ya Allah , Fadila me zansa miki ? Wata magana ce kike yi haka ? " Fadila kallan MD ta yi da raunannun idanunta ta ce " Baka samin komai ba kace ? , Tom na ji baka samin komai ba , amma ka sani kafin ganina da jina ya d'auke naji lokacin da ka rungume ni , sannan na farka na ji jikina ba yadda nake ba " Fadila ta idasa maganar cikin kuka ta ce " Ta ya hakan ta faru ? " Shiru MD ya yi , sannan cikin sanyi ya ce " Fadila , atakaice dai idan na fahimceki kina zargina na yi miki wani abun ne . Haba Fadila ki tuna fa ko gidan nan bana zuwa in ba yauba da shima ke kika bukaci in zo in kawo ki gidanku na zo shi ne daga k'arshe abun da zaki sakamin dashi kenan , sannan Fadila ki tuna fa ko kafin Baba Lami ta tafi idan na zo ko dakinki bana shiga hasalima bana dadewa nake tafiya . Amma ki yi hak'uri sai yanzu na gano dalilin da ya sa kike zargina, yoghurt din da na baki kika sha a daidai lokacin kina jin barci kika sha, kika yi barci acikin barcin kika yi mafarkin an rungumeki kina ganin duhu - duhu kamar yadda kika ce , amma kuma yanzu kika dawo da mafarkinki gaba d'aya akaina " Fadila kallan MD ta yi yadda ya ke ta kawo mata hujjojin kare kai ta ce " Shi kenan , na yadda duhun da na gani da rungumata da aka yi duk a mafarki ne , tom amma da na tashi na ji jikina babu dadi bacin lafiya lau nake jin jikina kafin in sha yoghurt din da ka ban shi kuma fa? " Fadila kenan , to so nawa mutum zai kwanta barci ya tashi da zazzab'i ko ciwan kai ? "


Fadila da taga duk inda ta bulloma MD yana k'ok'arin kare kan shi hakan ya sa ta ce " Shi kenan MD Allah ya na tare da mai gaskiya idan har ka zalinceni na barka da Allah " Fadila na fadin haka ta shige gida da sauri ta bar MD nan tsaye.


MD na kiranta amma bata saurare shi ba. Yara ya samu ya basu kayan Fadila da na Ahmad da ya kwaso musu ya ce a shigar mata da su cikin gidan , sai kayan abinci Taliya , makaroni , cous -cous sai buhun shinkafa . Siyayya ce sosai ya yi musu .


Mahaifiyar Fadila ita kanta da mamaki take bin kayan da kallo , sai da aka gama shigo da su tas sannan ta kalli Fadila ta ce " Kin je kin sake saida mutunci naki ne ? Baku da abinci shi ne aka kawo mana ? Tom ki tattara da ke da duk kayan nan ki koma inda kika fito ! "


Mahaifiyar Fadila ta fara cilli da kayan da aka kawo ma Fadilar tana ta fitar mata gida ba zata zauna da karuwa ba , kuma ba zata ci abincin da aka samai ta hanyar sab'on Allah ba .



Mahaifiyar Fadila bayan ta gama cilli da duk kayan da zata iya d'agawa ta koma tura Fadila dake rungume da Ahmad cikin hijab tana cewa " Fita ! ba zan zauna da karuwa ba "


Aisha ganin mahaifiyarsu na niyyar tara musu jama'a rik'eta ta yi tana kuka ta ce " Mama, dan Allah ki bar furta mata kalmar karuwa , Aunty Fadila ta sanar da ni ainihin abun da ke faruwa da ita . Mama , naje wajan Aunty Fadila , kuma ta yi min rantsuwa da al'qur'ani mai girma akan bata tab'a kusantar abun da muke zarginta da aikatawa ba , mama , ke kika haifemu na tabbata ke kanki har yanzu zuciyarki ta kasa amince miki da abun da idanunki ke ganin hak'ik'anin gaskiyarshi , Mama , kinsan Aunty Fadila ba za tab'a rantse min da al'qur'ani ba akan k'arya dan kawai a yadda da ita , sannan ke da kanki kina shaidar fad'in gaskiyarta komai d'acinta . Me ya sa yanzu ba zaki yi mata uziri ba ki zauna ki tattauna da ita kamar yadda kika saba yi abaya , haba Mama, ke Uwace fa me ya sa ba zaki rungumi 'yarki ba zaki watsi da ita taje ta idasa lallacewa kenan ? Haba Mama kar yi abun da zaki zo kina danasani "


Allah Sarki mahaifiyarsu Fadila sakin Fadila ta yi tana kuka .Aisha kuma zuwa ta yi duk ta gyara kayan da mahaifiyarta ta yi watsi da su.


Mahaifiyar Fadila kuma take jikinta ya yi sanyi ta kuma tuna wacece 'yartata abaya , tabbas ta yadda da maganar Aisha cikin Fadila k'addararsu ce inda ida kanta duk da yaron da take gani zuciyarta ta k'i aminta mata da Fadila zata aikata zina .


Fadila da ta kasa jure kukan mahaifiyar tata zuwa ta yi ta tsugunna kusa da ita ta ce " Mama , dan Allah ki bar kukan nan ina tsoran fushin Allah ya sauka akaina , dan ni ce silar kukan naki " Mahaifiyar Fadila kai ta d'aga da jajayan idanunta tana kallan Fadila ta ce " Fadila, abu d'aya nake so ki sanar da ni yanzu waye mahaifin yaron nan ? " Mama , Wallahi tallahi ! Ban sani ba nima , dan Allah ki yafe min ki bar fushi dani ko zan samu sununin zuciya " Cewar Fadila tana kuka.


Mahaifiyar Fadila tashi ta yi tana tada Fadila ta ce " Na yafe miki Fadila , ni kuma Allah ya sa mun dangana "




ADAMAWA STATE



Muhammad da kan shi ya tuk'a kan shi har zuwa sabon gidan shi . Bai shiga ba sai da ya yi addu'o'i sannan .


Ango d'an kwalisa kad'an ya rage da ka zo kaga wayam , dan da amarya za mu tafi . Muhammad murmushin yak'e ya yi ya ce " Haba , kun isa ma "


Nan dai suka yi ta tsokanar Muhammad sannan su ka yi musu fatan alkairi suka tafi .



Muhammad bacin abokanshi sun tafi kallan Kadija ya yi wanda har ga zuciyarshi yake jin bata yi mai ba , amma dai ya yi alk'awarin zama da ita saboda mahaifinsa .


Muhammad ledar da ya shigo da ita ya mik'a ma Kadija ya ce " Bismillah " Na yi fushi gaskiya , tun dazu baka zo baka barni da abokanka suka ci kani da surutu " Muhammad bai k'ara jin baya son Kadija ba sai da ta yi magana ya ji baki d'aya ma ba ta yi mai ba , dan shi yana d'aya daga cikin abuwan da yake son mace dasu , yana son mace mai murya , amma wannan baki d'ayanta ba ta yi mai ba , ga shi da alama ma tana da surutu .


Kadija ko jin Muhammad ya yi shiru ta ce " Baka ji abin da nace ba ne ? Ba zan ci ba na yi fushi idan kana so in ci to ka kallasheni "


Muhammad kallan Kadija ya yi ya ce " Saina lallasheki zaki ci ? " Wayyo Kadija muryar Muhammad ta tafi da ita , kasa bud'e baki ta yi ta yi magana sai d'aga ma Muhammad kai ta yi .


Muhammad kallanta ya yi ya ce " Ki yi hak'uri ki ci kin ji amarya kwana da yunwa babu dadi " Muhammad na fad'in haka ya yi shigewarsa ciki ya barta anan zaune .


Kadija bin bayan Muhammad ta yi da kallo ta ce " Wayyo dace kan dace gaskiya na shigo duniya a sa'a , kyakkyawa ne mai daddadar murya , dole ma in bisa yadda yake so kodan in samu damar mallake zuciyarsa "

Kadija ta dad'e tana sambatunta akan Muhammad sannan ta d'akko ledar da Muhammad ya aje mata . Tana gama lashe -lashenta barci ya kwasheta a wajan.



Muhammad cikin barci ya jiyo gurnanin mutum , tashi ya yi yana fitowa falon da sauri .


Kadija ya gani kwance sai haure - haure take .

Muhammad da sauri ya idasa inda take saidai take ya zazzaro idanunsa ganin Kadija kwance cikin jini an mata yankar rago amma har yanzu ran bai gama fita ba .


Muhammad cikin furgita ya ke nanata " Innalillahi wa inna ilaihirraj'un ! "

Muhammad na nan tsaye kan Kadija har ranta ya fita ya bar gangar jikinta . Muhammad da gaba d'aya tsoro ya fita ranshi da sauri ya bud'e k'ofar falon ya fita , wajan masu gadin gidan ya je hankali tashi , ya na tambayar su waye suka shigomai gida . Sai dai Muhammad a lurar da ya yi gaba d'aya masu gadin basa cikin hayyacinsu , hakan ya sa bai bi takansu ba ya bud'e get d'in ya fita.



Saidai unguwar shiru bai ga komai ba bai ga kowa ba. Ahaka tsabar rud'ewa Muhammad ya kama hanya cikin daran ya isa gidansu a k'afa , Muhammad na zuwa ya yi ta bubbuga get d'in gidan amma shiru sai da ya dade yana yi sannan aka ce " Waye ? " Muhammad ne ku bud'e " Jin muryar Muhammad da sauri suka bud'e get d'in ya shiga.

Da mamaki suka bi Muhammad da kallo dan daga gani ma kamar ba a hayyacinsa ya ke ba . Hakan ya sa kafin Muhammad ya idasa shiga gidan d'aya daga cikin masu gadin da yake na hannun damar Alhaji Sagir ne ya kirashi awaya ya sanar shi ga Muhammad ya zo kuma da alama a furgice ya ke .


Alhaji Sagir cikin tsoro da jin Muhammad ya zo cikin tsakiyar daran nan ya tashi ya fita ya biyoshi . Gaf k'ofar da zata sada Muhammad da falon Alhaji Sagir suka had'e .


Muhammad na ganin mahaifinshi ya ce " Daddy , ka ga ni ko abun da nake tsoro kenan itama sun kasheta , Daddy , an mata yankar rago kamar wa incan "


Iya furgita alhaji Sagir ya furgita da kalaman Muhammad , kama Muhammad d'in ya yi ya zaunar da shi dan ganin kamar ba ya cikin hayyacinsa .


Atakaice dai cikin daran Alhaji Sagir suka je da motar 'yan sanda suka taho da gawar Kadija . Haka dai aka yi duk wasu binciken da za ai akan gawar .


Sosai mahaifin Kadija ya furgita lokacin da sakon mutuwar Kadija ya isarmai . Haka dai ita ma Kadija aka sallaci gawarta aka kaita gidanta na gaskiya .



KADUNA GARIN GWAMNA




Mahaifiyar Fadila haka ta sama kanta hak'uri da dangana dan yanzu har daukar Ahmad take . Yanzu dai atakaice kusan duk sun saki ransu sun dawo rayuwarsu kamar da . Abu d'aya ke damun mahaifiyar Fadila shi ne surutun 'yan unguwa , dan haka nan tana zaune sai taga an shigo gidan wai an zo gaidata da wayan aga dan da Fadila ta haifa .



BAYAN WATA D'AYA


Yanzu watan Fadila d'aya kenan da dawowa gida . Yau Fadila ta samu mahaifiyarta da maganar zata koma aiki.


Maifiyar Fadila shiru ta yi sannan ta ce " Tom , Fadila Allah ya tsareki dan Allah ki kula sosai " Fadila cikin kwantar ma mahaifiyarta da hankali ta ce " Karki damu Mama , babu abin da zai faru dani in sha Allah "



Yau Fadila ta koma aiki , in da MD ya amsheta babu yabo ba fallasa , dan abun da ya ba Fadila mamaki gaisuwarta ma ciki - ciki ya amsa , ta zaci ma zai dakatar da ita aikin ne amma sai ta ji ya ce " Ta je ta samu Jamilu su yi magana " Fadila ta juya zata tafi ne , MD ya ce " Ahmad fa ? " Fadila kamar karta bashi amsa amma sai cewa ta yi " Ahmad yana gida " Kina nufin acan zaki barshi ? In yana kukan abinci fa ?, Gaskiya ba zai yuwu ba sai dai ko ki rik'a zuwa da shi ko kuma ki bar aikin "


Fadila kallan MD kawai ta yi bata tanka mai ba ta fita.


Koda taje ta samu Jamilu take ya sanar da ita akwai aikin da za su yi yanzu haka . Haka Jamilu ya yi ta nuna ma Fadila tsare - tsaran da suka canza . Bayan ya gama nuna mata ne suka gabatar da Shirin da suke gabatarwa tare in da rashin Fadila ya sa suke yi da Ummi .


Bayan sun gama kabatar da shirin ne suka bada damar aiko da sak'onni ta waya ko ta Gmail address nasu . Bayan sun dawo hutun takaitaccan lokaci da suka je ne Fadila ta fara karanto sak'onin kamar haka , ta ce " Mai sakon farko Hassana Sani ta ce " Shin macan da ta haihu agida za'a iya kiranta da sunan mace mai daraja itama ? " Fadila ta gama fad'in sak'on tana kallan Jamilu wanda tasan duk wanda ya yi tambayar nan da ita yake kuma dan ita aka yi .


Jamilu ma ya gane hakan , hakan ya sa ya bada amsa kamar haka " Eh , sosai ma kuwa za'a iya kiranta mace mai daraja itama idan har ya kasance ta hanyar tsautsayine ta same shi "


Abun mamaki tambaya ta biyu ma suna kamancece niya da ta faro , haka dai ita ma Jamilu ya bada amsa a ilimance .


Haka dai suka gama shirin Fadila ranta yana mata duk ba dad'i .



Fadila ta tashi aiki zata tafi gida MD ya tareta ya ce " Fadila, kamar yadda nace miki kodai ki rik'a zuwa da Ahmad aiki dan bai isa barshi a gida ba ko kuma ki dakata da zuwa aikin har ya yi kwari ✍🏻




📚 FADEELAH 📚

🔔📚
*JARUMAI WRITER'S ASSOCIATION📚*
_{Marubuta masu aiki da jarumta domin wa'azantawa ilimantarwa, nishad'antarwa tare da fad'akarwa da jama'a bisa harshen hausa
https://m.facebook.com/story.php?story_fbid=337435884671992&id=103920888023494&sfnsn=mo

💪🏻J.A.W 💪🏻


Na
Fadila Sani Bakori


SANARWA : Masu tambaya akan gyaran jiki akwai hanyoyi kala daban - daban da zan kawo muku na gyaran jiki acikin wannan littafi mai suna FADEELAH .



*🤝 SDEENDTM DATA SERVICES🤝*
*MTN* . *Airtel*
1GB = ₦300. 1GB = ₦300
2GB = ₦600. 2GB = ₦600
3GB = ₦900.