You Cannot Download this book untill you login but you can read it .

---

Login Register

ba sai can cikin dare ya farka.


A wannan lokacin abin ya fi tab'a Alhaji Sagir dan har ya farka baya magana, saidai ya kalli mutane.



Muhammad na kwance kan shi a sama, yana tunanin me ke faruwa da rayuwar shi haka ne. Yana a wannan yanayin ne Hajiya Baturiya ta shigo. Kallan Muhammad ta yi tana shafa kan shi ta ce "Muhammad, kar ka sa kanka cikin tunani wani mugun ciwan ya zo ya kamaka, sannan ni kaina idan ina ganinka haka hankalina ba zai kwanta ba"


Muhammad tashi ya yi ya zauna yana kallan
Hajiya Baturiya ya ce "Mommyna, soda dama ba zafin ciwo ake ma kuka ba, tunanin halin da ake ciki ne .Sannan, mommy duk jarumtar Jarumu ba kowana rad'adi yake iya juremawa ba" Hajiya Baturiya kai ta d'aga ma Muhammad alamun haka ne, ya ci gaba da cewa "Mommyna, na rasa yadda zan lallashi kaina in yi hak'uri da rashin Hafsat a rayuwata. Amma da na yi wani nazari sai naga ko ba wannan lokacin ba Hafsat zata mutu watarana,sai na yi tunanin fara ba kaina hak'uri in amshi Maryam a matsayin mata, saidai ina cikin tunanin hakan ne zuciyata na gaf da amince min da ita suka kasheta suka rabani da ita itama" Muhammad shiru ya yi kamar mai tunani ko mai son tuna wani abu, sannan ya ce"Mommy! Su waye ne? Waye ya kashe su? Me su kai musu ? Shi nake son san..." Hajiya Baturiya rufe bakin Muhammad ta yi tana kuka, ta ce "Ka yi shiru Muhammad, karka sa kanka cikin wata damuwar, koda ace abin da mahaifinka ya mallaka zai kare ne sai an binciko wa inda suka aika haka, ni na san haka. Ka tashi mu je ka ga mahaifinka abun nashi ya fara bani tsoro, baya magana tun da ya farka na yi na yi ya k'i yin magana"


Muhammad cikin daure yadda yake ji da tsoran karya rasa mahaifin shi ya nufi bayan Hajiya Baturiya suka yi falon Daddynshi.



Kwance ya samu mahaifin nasa kansa a sama kamar mai k'okarin tuno wani abun da ya shege mai .



Muhammad cikin k'arfin hali ya kalli mahaifinshi ya ce"Daddy, ka tashi ka ci abinci plz"Alhaji Sagir da sauri ya mai da kallan shi kan Muhammad .
Ya dad'e yana kallan Muhammad d'in sannan ya ce "Muhammad, ka ci abinci kai ?" Kai Muhammad ya d'aga mai.



Muhammed Hajiya Baturiya ya sa ta kawo mai tea ya ba Alhaji Sagir. Kad'an dai su ka samu ya sha.



BAYAN SATI D'AYA DA RASUWAR MARYAM .



Ma sha Allah. Yanzu Alhaji Sagir da Muhammad sun fara kwantar da hankalinsu.

Bincike ko har masu gadin gidan an kama amma babu wata hujja ko d'aya da aka samu daga kan rasuwar Hafsat har ta Maryam.



KADUNA GARIN GWAMNA.



Yau Sati d'aya da kenan da komawar Fadila aiki.Saidai kullum cikin takurar Oganta ta ke.Dan tunda Jamilu ya sanar da shi ta amince da soyayyarshi tun daga nan ya fara ta kurata. Haka dai Fadila ke daurewa ta na biye mai suna fira badan tana jin dad'in firar da shi ba.


Haka rayuwa taci gaba da tafiya Fadila kullum sai ta je aiki.Mahaifinta kuma babu tasa dole ya kauda kai da surutan mutane.


Babu laifi yanzu suna rayuwarsu da sauk'i .Dan kullum Fadila ta tashi aiki sai gogannata ya bata kud'in mashin din zuwa gida, tom da sune take kaiwa su yi cefane.



WATA UKU KENAN DA KOMAWAR FADILA AIKI.


Yanzu Fadila ta saki jikinta sosai da Ogan nata duk da bata wani son shi ta fara tunanin auranshi, dan wa'adin da mahaifinta ya bata yana gaf da cika.Kuma har yanzu mahaifinta kullum cikin k'ara tunatar da ita yake akan yana nan fa akan bakarshi daga wa'adin da ya sa mata ya cika ko ta yi aure ko kuma ta bar mai gida.Wannan ya sa ta fara sakar ma ogan nata fuska, idan ta ga ba hali ta yi hak'uri ta aure shi.


Yanzu har gidan su Fadila sun san soyayyarta da ogan nata.


Yau Fadila bayan ta dawo aiki, mahaifinta ya kirata .Ya dad'e ya na kallan Fadila kamar mai neman wani abu a jikinta, sai zuwa can ya ce"Fadila, yau saura wata biyu wa'adin da na baki ya cika, amma har yanzu bikice min komai ba?"
Fadila shiru ta yi gabanta na fad'uwa.Haka dai ta daure ta ce"Eh, Baba ban manta ba"Ya yi kyau"Mahaifin Fadila ya ce.



Fadila ranar haka ta kusan kwana tana tunanin mafita, abu d'aya da ta sani shi ne bata son Ogan nata, saidai za ta yi hak'uri haka nan ta aure shi in da bata da wata mafita.Haka Fadila ta yanke ma kanta auran ogan nata ba wai dan tana son shi ba sai dan mahaifinta da ya hura mata wuta.


Washegari Fadila ko da taje aiki zama ta yi shiru, kallo d'aya za ka yi mata ka gane tana cikin damuwa.
Jamilu abokin aikin Fadila, da zuwan shi kenan cikin tsokanar Fadila ganin ta yi nisa a tunani ya ce"Alamar tambaya ta na ga mai yawaita tunani, musaman in ya shiga halin soyayyar zamani , ya...." Kallan da Fadila ta yi ma Jamilu ne ya sa ya yi shiru yana dariya ya ce"Ko za ki cemin wannan shurun naki ba soyayya ba ce sila?" Ba ita bace hasali ma k'i ne sila"


Jamilu zama ya yi ya ce"To fa, ba ni in Sha?"Fadila cikin sanyi kamar za ta yi kuka ta ce"Jamilu zan auri MD ba dan ina son sa ba saidan banda wata madafa"Jamilu ko da har kullum bai ga wani aibun MD d'in ba ya ce"Fadila, ki kwantar da hankalinki MD ba shi da wata matsala, sannan shi d'in masoyi ne gareki na hak'ik'a"


Haka dai Jamilu ya yi taba Fadila kwarin gwiwar auran MD d'in.



Fadila bacin ta tashi aiki kamar kullum sai sun tab'a hira da Ogan nata sannan take tafita gida.Tom yau acikin firar ne take sanar da shi ta bashi dama koda yaushe zai iya aikowa gidansu.



Murnar da MD ya yi kad'ai ta k'ara tabbatar ma Fadila da son da yake mata.


Cikin tsantsar farincikin da ya kasa b'oyewa ya kalli Fadila ya ce"Zan iya aikowa gobe kenan?" Kai Fadila girgiza mai ta ce "Gobe Baba zai yi tafiya saidai in ya dawo "


Haka Fadila suka rabo da MD d'in akan daga mahaifinta ya dawo daga tafiyar da zai yi za su aiko.



Washegari mahaifin Fadila da wuri ya shirya tafiyar da zai yi zuwa Gombe.


Fadila da mahaifiyarta su ka yi mai rakiya har tasha. Sai da motarsu ta tashi sannan suka dawo, in da Fadila ta nufi wajan aiki mahaifiyarta kuma ta yo gida.



Satin mahaifin Fadila d'aya ya dawo.



Yau Fadila bayan ta tashi daga aiki ne MD ya rakota kamar yadda ya saba ya kalleta ya ce"My Fadila, har yanzu Baba bai dawo ba?" Fadila ji tai bata buk'atar sanar da shi yanzu in da tasan maganar aikawa zai mata, hakan ya sa ta ce " Bai dawo ba "



Kallanta ya yi ya ce "Sai yaushe kenan?" Duk lokacin da ya dawo zan sanar da kai" Fadila ta ce atak'aice.


Sai da Fadila ta samu keke-napep ta hau sannan MD ya juya ya tafi.




ADAMAWA STATE



BAYAN WATA UKU DA RASUWAR MARYAM.



Ki manin wata uku kenan da rasuwar Maryam. Yanzu Muhammad ya dangana har ya koma bakin aikin shi.


Alhaji Sagir zaune yana danna waya Hajiya Baturiya ta kallai ta ce "Alhaji, ban ji dadi ba da ka hana Jibirin dawowa, yanzu ace Muhammad ya yi aure har biyu duk ba matan amma ace be zo ba" Alhaji Sagir murmushi ya yi ya ce"Tom ba gashi ba yanzu ya gama karatunshi lafiya lau, ko da ya zo me zai mai? "Alhaji Sagir suna cikin haka ne Muhammad da ya je airport d'akko Jibirin suka shigo tare bakunansu d'auke da sallama.


Alhaji Sagir cikin washe baki ya ke cewa"Ka ga mutanan Turai, jibirin ka ganka ko har ka fara komawa kalarsu"Gaba d'ayansu dariya su ka yi sanna Jibirin ya zauna suka gaggaisa da iyayan nasa.


Alhaji Sagir kallan Jibirin ya yi ya ce"Jibirin ku je ka ci abinci ka ga isowarka kenan.


Jibirin tare da Muhammad suka ci abincin, dama kuma komai nasu tare su ke yi.


Dawowar Jibirin tasa Muhammad ya kuma sakin ranshi sosai ya fara mantawa da duk wata damuwarshi.


Alhaji Sagir zaune da su Muhammad suna fira, kamar yadda suka saba kusan duk dare in Alhaji Sagir na gari.Alhaji Sagir ya kalli Muhammad ya ce"Muhammad ina so in baku shawara kai da Jibirin, duk kanku ya kamata ace duk kun yi aure, duk da dai kai Muhammad ka yi amma Allah da ikon shi ga abun da ya faru, amma duk da haka hakan ba zai zama hujjar da zaka rik'e kace wai ba za kai aure ba, gara ma Jibirin k'aninka ne "


Muhammad kamar zai yi kuka ya d'ago yana kallan mahaifin nashi ya ce"Daddy, dama za ka kuma iya yi min maganar aure? ,Daddy, na za ci kai kanka ka hak'ura da wannan batun, wa kake gani yanzu zai iya ban auran 'yarsa ma? " Muhammad ya idasa maganar kamar zai fasa ihu.

Jibirin cikin tausaya ma Muhammad ya dafa kafad'ar shi ya ce"Ni na yi imanin babu wadda za ka je naiman auranta ta k'i Muhammad, kuma ta bakin Daddy haka ba hujja ba ce ka jaraba naima ka gani mana"


Muhammad shiru ya yi baitanka musu ba.
Alhaji Sagir ya ce "Muhammad, ka yi shiru?" Muhammad cikin gatse dan ya san babu ma wanda za su k'ara ba shi aure ya ce"Daddy, idan an samu wadda zata iya aure na shi kenan babu damuwa na amince"


Jibirin kallan Muhammad ya yi ya ce"Amma kasan Laila na sonka? "

Muhammad da ya tabbatar ma kanshi babu wata wadda zata aure shi ya ce"Idan ta amince babu damuwa Jibirin"


Alhaji Sagir kallan Jibirin ya yi ya ce"Wacece ita yarinyar? " Yarinyar Mansur Inuwa ce" Shiru mahaifin Muhammad ya yi sannan ya ce"Shi kenan ka yi min magana da yarinyar tukun idan ta amince"



Da daddre Jibirin ya je wajan Laila ya sanar da ita abin da ke tafe da shi.Bud'ar bakinta sai cewa ta yi "Allah ya tsareni, wato in je nima a tsotse jinina kamar yadda aka yi ma wa in can" Haka dai ta yayyab'a ma Jibirin magana ta tafi ta bar shi anan.


Jibirin cikin damuwa ya sanar da Alhaji Sagir yadda su ka yi da Lailar.


Muhammad ko ko da ya ji basu k'ara tada mai maganar ba ya san sun je ba a dace ba.


Tun daga ranar mahaifin Muhammad bai kuma yi ma Muhammad zancan aure ba.



KADUNA GARIN GWAMNA



Fadila kullum tana so ta sanar da MD akan ya aiko gidansu kafin mahaifinta ya kuma yi mata maganar, amma zuciyarta ta k'i aminta da shi a matsayin miji a gareta.


Yau dai Fadila ta yi alk'awarin sanar da MD d'in ganin saura sati biyu wa'adin da mahaifinta ya bata ya cika, duk da yanzu taga gaba d'aya MD d'in ya fara jan baya da ita ba kamar da ba.


Yau ne ranar da Fadila ta yi k'udirin sanar da MD ya aiko gidansu.Saidai ko da taje aiki yau da ta gaida shi sama-sama ya amsa gaisuwarta daga nan bai kuma saurarta ba ya ci gaba da abin da yake.Hakan sosai ya ba Fadila mamaki, amma saita bar hakan akan k'ila jamai ran da take yi ne kullum tace mai yau tace gobe.


Fadila cikin sanyi da yanayin yarda ya yi mata ta ce"Na san ni mai laifice a wajanka, amma ya wuce, ina mai yi maka albishir d'in duk lokacin da ka shirya koda ko yaune ka aiko wajan mahaifina"



MD ya dad'e yana kallan Fadila bayan ta kai bayananta, sannan ya kauda kan shi ya ce"Fadila, ina miki fatan Alkairi Allah ya baki miji na gari, babu maganar aure yanzu tsakanina da ke sai zumuminci"


Fadila cikin tsananin mamakin take kallan shi, so take ta yi magana ma amma ta kasa. Sai da ya furta mata haka fargaba ta ci kata idan mahaifinta ya b'ullo mata wuta ya za ta yi.


Fadila cikin murmushin yak'e ta ce"Sir, ko na yi maka wani laifin ne?" Kallanta ta ya yi ya ce"A'a, biki min komai ba, son ne kawai ya fita araina, amma zumincinmu na..."



Fadila bata saurareshi ba ta yi tafiyarta.




Fadila cikin sanyi ta shiga Office dinsu. Jamilu da kallo d'aya ya yi ma Fadila ya fahimci tana cikin damuwa, dan ita Allah ya halicce ta cikin wa inda ba sa iya b'oye damuwarsu.


Jamilu cikin tsokanar Fadila, ya ce"Kowattab'aki zo ki gaya min, in dai a kanki ne ba a iya min, nasha aradu kanki nasha Yasin, akanki zana aika mutum yanzu ko da ko MD ne" Fadila murmushi ta yi ta ce"MD ne ya tab'a ni Jamilu, bana son MD amma abun mamaki wai dan MD yace ya fasa aurena ka ji yarda na ji kuwa?" Jamilu cike da mamaki da al'ajabi ya ke bin Fadila da kallo ya ce"Fadila, ban fahimta ba? Na ji kin zo min da wata sabuwar tatsuniya ne"


Shiru Fadila ta yi tana kallan Jamilu ,sannan ta ce"Na yi mamaki sosai da jin furicin MD dama kuma kwana biyu ya fara sauya min" Jamilu shiru ya yi sannan ya ce " Tabbas wannan abun mamaki ne, da ace bansan halinki ba da sai in ce k'ila ya samu abin da yake so ne, to amma ni d'in nasan wacece Fadila" Cewar Jamilu da al'ajabi ya isai.



Atak'aice dai Fadila haka ta koma gida tana jinta duk babu dad'i. Abu d'aya yake damunta shi ne mahaifinta yana gaf da ya yi mata magana ga shi ta gama sakin jiki da MD d'in akan shi zata aura duk da ba wai dan tana son shi ba.



BAYAN SATI D'AYA


Fadila ta tashi yau bata jin dad'in jikinta haka nan dai taje aiki.Koda ta je bayan sun gama gabatar da Shirin da take ne ta kalli Jamilu ta ce"Jamilu, bari in yi ma MD magana gida zani bani da lafiya" Fadila tana fad'in maganar ta tashi da sunan tafiya, saidai sakamakon jirrin da take gani tana tashi ta yanke jiki ta fad'i✍🏻



📚 FADEELAH 📚
🔔📚
*JARUMAI WRITER'S ASSOCIATION📚*
_{Marubuta masu aiki da jarumta domin wa'azantawa ilimantarwa, nishad'antarwa tare da fad'akarwa da jama'a bisa harshen hausa
https://m.facebook.com/story.php?story_fbid=337435884671992&id=103920888023494&sfnsn=mo

💪🏻J.A.W 💪🏻



Naga
Fadila Sani Bakori.


SANARWA : Masu tambaya akan gyaran jiki akwai hanyoyi kala daban-daban da zan kawo muku na gyaran jiki acikin wannan littafi mai suna FADEELAH .



Page 6



Fadila ta tashi yau bata jin dadin jikinta, hakan nan dai ta je aiki, koda ta je bayan sun gama gabatar da Shirin da suke yi ne ta kalli Jamilu ta ce"Jamilu, zan yi ma MD magana gida zani ba ni da lafiya. " Fadila tana fad'in haka ta tashi da sunan tafiya , saidai sakamakon jirin da take gani tana tashi ta yanke jiki ta fad'i"



Jamilu da sauran abokan aikinsu cikin rud'ewa su ka yi kan Fadila da ke kwance a k'asa a sume.


Jamilu fita ya yi ya je ya yi ma MD magana ya sanar da shi halin da Fadila take ciki.
MD Cikin mamaki ya kalli Jamilu ya ce"Jamilu, bata da lafiya ne dama?" Tom, ni dai ban sani ba, sai yau bayan mun gama aiki take sanar da ni bata jin dad'in jikinta za tafi gida, tom ta tashi ne ma da niyyar zuwa ta sanar da kai ta yanke jiki ta fad'i " MD cikin damuwa da halin da aka fad'a mai Fadila na ciki ya ce " Mu je akaita Asibiti a duba lafiyarta"


Da taimakon Firdausi da Ummi aka Fadila a mota, wa inda suma ma'aikata ne a gidan TV , suka tafi Asibitin.


Suna tafiya kafin su isa Asibitin Fadila ta farka , kallan Ummi ta yi wadda take kwance ajikinta, cikin k'asa da murya irin ta marasa lafiya Fadila ta ce" Ummi , Lafiya ? Ina Zamu? " Ummi cikin kwantar ma Fadila da hankali ta ce " Ba ki da lafiya ne shi ne za mu kaiki Asibiti a duba lafiyarki " Fadila shiru ta yi tana mamakin yadda akai haka , Sannan ta ce " Na ji sauk'i MD mu juya "


Ba tare da ya juyo ya kalleta ba ya ce" Ki bari mu je a duba lafiyarki hakan na da kyau"



Koda suka shiga cikin Asibitin Fadila saida ta dafa Ummi saboda tsananin jirin da take ji . MD Ummi ya ba kud'i ta sayi katin Asibitin sannan suka shiga wani Office. Likitar kallo d'aya ta yi ma Fadila ta gano abun da ke damunta, amma sai cewa ta yi" Me ke damunki ? " Jirine kawai sai rashin k'arfin jiki da ke damuna " Cewar Fadila. Kai likitar da jinjina sannan ta ce" Tun yaushe kike jin hakan ? " Tsakanin jiya da yau ne na fara jin hakan " Likitar laboratory Lab ta tura su Fadila blood test.



Cikin kankanin lokaci aka yi ma Fadila awon ta kawo ma likitar sakamakon .


Likitar na dubawa murmushi ta yi ta kalli Fadila ta ce " Kira min mai gidanki shi zan fad'ima ma wannan sakamakon " Fadila murmushi ta yi ta ce" Ba mujina bane Ogana ne , ki fad'in kawai "



Shiru likitar ta yi tana kallan Fadila, Sannan ta ce" Kina d'auke da cikin wata d'aya da kwana kai " Fadila zaro mayan-manyan idanunta ta yi tana kallan likitar ta ce" Likita ciki kuma ? , Kuma ni ? Kai ! ki sake bincikata dai ki gani , budurwa ce ni fa ba ni da aure ! " Likitar kara kallan Fadila ta yi da kyau sannan ta ce " 'Yan mata kina zuwa kallo d'aya na yi miki na gano abun da ke damunki "


Fadila tashi ta yi ta ce" Ina ban yarda ba Wallahi , ciki fa ? Kuma ni ?, to ,ta ya ya?"


MD jin alamun kamar hayaniya tsakanin Fadila da likitar , ya shigo office d'in yana tambayar Fadila Lafiya.


Fadila tsabar takaici kasa ba MD amsa ta yi , sai likitar ce ta ce " Ciki take d'auke da shi, shi ne ta tsaya tana gaddama wai in sake bincike , bacin tunda ta shigo kallo d'aya na yi mata na fahimci abun da ke damunta "


MD rasa abun cewa ya yi ya tsaya yana kallan Fadila kamar wani sakarai , Fadila kuma tsabar takaici kawai sai ta fashe da kuka ba wai dan ta yarda da maganar kikitar ba ne , tana kukan shairin da ta yi mata ne.



Likitar ko ganin haka kallan Fadila ta yi ta ce" Yi hak'uri 'yan mata share hawayanki idan biki yarda ba ko kina ganin shairi na yi miki za ki iya zuwa wani Asibitin a dubaki" Tana fadin haka ta kalli MD ta ce za ku iya tafiya "



Haka suka fito ba wanda ya tanka ma kowa. Ummi ko wadda ta ji duk abun da ke faruwa ita kanta ba k'aramin mamaki ta yi ba.


Fadila da har yanzu jiri take gani rik'e Ummi ta yi da sauri . MD kuma ganin haka ya ce " Kinga ma ko magani ba mu tsaya amsa ba , mu je wani Asibitin a dubaki a baki magani "


Innalillahi wa inna ilaihir raj'un , hankalin Fadila ba k'aramin tashi ya yi ba , lokacin da aka maimaita mata tana d'auke da ciki kamar yadda waccan likitar ta fad'a mata. Abun ka da mai ganin jiri Fadila yanje jiki ta yi ta fad'i wajan asume.


Take aka ba Fadila gado , in da MD kuma ya kalli Ummi ya ce" Ki kula da ita ina zuwa "



Ummi ko da dama ba wani shiri suke da Fadila ba ,ai abun yad'awa ya samu agareta , gefe guda ta koma , Jamilu ta fara kira ta sanar da shi Fadila na d'auke da ciki. Jamilu jin maganar ya yi wata iri ,sannan cikin b'ata fuska ya ce " Ummi , wannan kuma wata irin magana ce haka ? Idan ma wasa ne wannan ai ba wasa ba ne , haba ki rasa kan wadda za ki fad'i wannan muguwar fatar taki sai kan Fadila "Ummi da abun da ake so ya samu ta ce" Jamilu , Wallahi kar ka ji batun wasa Fadila ciki gareta ta , da aka fad'i ita kanta nunawa ta yi bata yarda ba irin borin kunyar nan , to shi ne MD ya ce mu je wani Asibitin a bata magani saboda wancan borin kunya ya sa ta k'i bari a bata maganin ma , aiko muna zuwa nan aka maimaita mata kamar yadda aka fad'i a d'ayan Asibitin"
Jamilu Allahhuma ajirni filmusibati kawai ya ke maimaitawa sannan ya ce" Ummi , kuna wana Asibin ne idan na tashi aiki in zo? " Muna nan Wisdom Hospital "



Ummi na nan zaune Jamilu na tashi aiki ya zo cikin k'osawa da ya ga halin da Fadila take ciki . Allah ya sa tana farkawa ya shigo. drip d'in da aka samata saura kiris ya kare .


Jamilu cikin sanyi ya ce" Sannu Fadila , ya jikin naki ? " Fadila fashewa da kuka ta yi ta na cewa " Jamilu , ka ji shairin da su ka yi min ko ?" Fadila ta idasa maganar cikin tsantsar tashin hankali da damuwa.


Jamilu shiru ya yi yana kallan Fadila ya ma rasa abin cewa.



Fadila tashi ta yi tana kallan Jamilu ta ce" Jamilu , dare ya yi za a naimeni a gida , gida zan tafi " A'a , Fadila ki yi hak'uri jikin ki ya yi sauk'i , Sai in je gidanku yanzu in sanar halin da kike ciki " Fadila kallan Jamilu ta yi ta ce " Me za ka ce musu yana damuna ? " Zan sanar da su ne cewa baki jin dadin jikinki" Kai Fadila ta girgiza ta ce " Karka fad'a musu komai , bari na ji sauk'i zan iya kowa"


Babu yarda Jamilu bai yi da Fadila akan ta kwana Asibitin zuwa gobe a bata sallama in da ance jikin nata da saura, amma tak'i .


An sallami Fadila suna bakin titi za su tari Keke-Napep motar MD ta tsaya .Bud'e ma Fadila ya yi ya ce " Shigo in k'arasa da ke gida " Fadila ji ta yi bata da wani zab'i wanda ya wuce ta shiga , in da dakyar take tsayuwar dan gaba d'aya bata jin k'arfin jikinta ,hakan ya sa ta shiga motar.



MD sai da ya kai Fadila har k'ofar gidansu sannan ya mik'a mata ledar maganungunanta ya juya ya tafi ba tare da ya ce mata komai ba.



Mahaifin Fadila ya fito kenan za shi masallaci sallar Issha'i aka sauke Fadila a mota akan idon shi, Mahaifin Fadila bin bayan Fadila ya yi da kallo ganin yadda take tafiya kamar wata 'yar maye.


Fadila ahankali cikin raunanniyar murya ta yi sallama ta shiga gidansu.
Mahaifiyar Fadila da kallo tabi Fadila ganin yadda ta shigo kamar wadda tasha ta bugu .Fadila na zuwa ta kwanta kan d'an madaidaicin gadonsu.

Mahaifiyar Fadila tashi ta yi tana cewa" Fadila , lafiyarki kuwa ? " Ban da lafiya " Fadila ta bata amsa a takaice.
Mahaifiyar Fadila shiru ta yi sannan ta ce " Shi ne dalilin dad'ewar taki kenan ? " A'a mun je Asibiti ne " Me ke damunki ? " Mahaifiyar Fadila ta tambayi Fadila.
Fadila cikin rashin sanin amsar da zata bata ta ce" Ban sani ba nima" Ta fad'i maganar tana goge hawayan da ke zubar mata.


Mahaifiyar Fadila ko da bata kawo komai aranta ba dan ita ta yi tunani ma kodan lokacin da mahaifinta ya bata yana gaf ya cika ne ya sa kila take son sa kanta cikin damuwa, hakan ya sa ta zauna bakin gadon da Fadilar ta ke, ta ce " Fadila , me ke damunki ne ? Lokaci guda haka kika rikice, In dan ma maganar mahaifinki ce ki kwantar da hankalinki shi aure ai lokaci ne , dan haka karma ma ki sama kanki damuw..."
Sallamar mahaifin Fadila ce ta sa Mahaifiyar Fadila ta yi shiru. Mahaifin Fadila ya ce " Fadila , wa ya kawo ki k'ofar gidan nan a mota ? " Fadila tana goge hawayan da ke zubar mata ta ce " Ba ni da lafiya