You Cannot Download this book untill you login but you can read it .

---

Login Register

bak'in jinin anan ba " Mahaifiyar Fadila mai da kallanta ga Jamilu ta yi ta ce " Allah ya raya abun da ta haifa ya kuma bata lafiya , amma babu wanda zai je acikinmu " Mahaifiyar Fadila ta fad'i maganar tana goge hawayan da ke zubar mata.



Jamilu shiru ya yi dan ya rasa abun cewa ,sai zuwa can ya ce " Mama , dan Allah ki y....." ? Mahaifiyar Fadila d'aga ma Jamilu hannu ta yi ta ce " Jamilu , sai an jima ka sanar da ni haihu tom na yi mata addu'a da ita da abun da ta haifa , tom sai me ye kuma ya rage ? " Ta fad'i maganar da alamun ranta a b'ace yake.

Jamilu tashi ya yi bai kuma cewa komai ba.


Har ya tafi mahaifiyar Fadila ta ce " Ka sanar da ita katta dawo min nan bana buk'atar kara zama da ita "


Jamilu ganin idon mahaifiyar Fadila ya rufe ya sa bai k'ara cewa komai ba ya tashi ya tafi.


Aisha k'anwar Fadila goge hawayanta ta yi ta ce " Mama , ki yi hak'uri ki bar Aunty Fadila ta dawo nan ta zauna , idan kin koreta ina zata ? "


Mahaifiyar Fadila cikin kuka ta ce " Aisha , zuciyata ba zata iya jurewa ba inga Fadila da yaron shege tana raino , ina ba zan iya daure haka ba , ku yi hak'uri karku sake rok'ona wata alfarma akan Fadila ta zauna , idan kuma kun matsa sai dai ni in bar muku gidan "

Aisha shiru ta yi bata k'ara cewa komai ba.


B'angaran Fadila ko lokacin da ta farka ba kowa kusa da ita . D'akin ta bi da kallo, daga gani dai Asibiti ne hakan ya sa ta shafa cikinta da sauri sai jin shi ta yi wayan ba komai. Fadila cikin jin dad'i ta ce " Alhamdulillah . Allah kai ne abun godiya Allah na gode maka " Fadila ta fad'i maganar tana goge hawayan da ke zubar mata dan ita ta yi tunanin cikin da ke jikinta ya zube ne .
Fadila na a wannan halin ne d'aya daga cikin likitocin da suka dubata ta shigo ringume da jaririn yana kuka.



Fadila d'aga kai ta yi tana kallan Jaririn da ke a cikin tsunma a hannun likitar. Fadila cikin rud'ewa da ganin jaririn ta ce " Jaririn waye ? " Murmushi likitar ta yi ta ce " Jaririn da kika haifa kenan, amsarshi ki shayar da shi" Ta fad'i maganar tana d'ora ma Fadila jaririn akan k'afarta.



Fadila duk'ar da kai ta yi tana kuka sosai ta kasa magana. Likitar ko dama ta riga ta gama fahimtar Fadila babu aure ta haihu , hakan ya sa ta ce " Kukan me kuma kike yi bacin mai faruwa ta faru? Yanzu saidai ki rungumi yaronki gaba kuma kin kiyaye, dama abun da ake hangar muku kenan ake muku fad'a kuke ganin kamar takura muku ake yi "


Suna cikin haka ne Jamilu ya shigo . Jamilu zama ya yana yi ma Fadila ya jiki .


Fadila bata samu damar amsa mai ba saboda kukan da ta ke yi.


Haka Fadila ta yi ta kuka Wanda Jamiku ya kasa ce mata komai yana zaune yana sauraranta .


Jamilu d'akko jaririn ya yi jin yana kuka . Babu kalar jijjigar da bai yi ma jaririn ba amma ya dage sai kuka ya ke gaba d'aya ya cika Asibitin . Inda kukan jaririn ke k'ara tun jira Fadila tana k'ara nata kukan itama .


Jamilu gyaran murya ya yi sannan ya ce " Fadila , yanzu fa maganar kuka ta riga ta k'are , kukan nan babu wani magani da zai miki , ni shawarar da zan baki ki yi hak'uri ki bar sa ma kanki damuwa saboda tsoran wani ciwo.." Jamilu shiru ya yi saboda sugowar likita, likitar kallan Fadila ta yi ta ce " Bi ki ji baby na kuka ba ? Ki d'auke shi ki shayar da shi mana " Fadila ci gaba da kukanta ta yi ta kasa d'aukar jaririn.


Ana cikin haka ne MD ya shigo da flask babba a hannun shi da kuma ledar kayan tea.



MD da kan shi ya had'a ma Fadila tea ya mik'a mata. Kacan cewar Fadila na jin yunwa bata musa ba ta amsa ta sha.



MD d'aukar jaririn ya yi ya yi masa hud'u ba sannan ya kalli Jamilu ya ce " Nasa ma baby boy d'inmu Ahmad " Allah ya raya shi" Jamilu ya ce.



Fadila na gama shan tea d'in MD ya kalleta ya ce " Mu je in kaiki gida " Jamilu Kallan MD ya yi ya ce " MD , idan babu damuwa akwai maganar da nake son mu yi " MD tashi ya yi suka fita.



Bacin sun fita ne Jamilu ya kalli MD ya ce " MD , Fadila fa ba zaiyuwu ta koma gida da zama ba , saboda a halin yanzu mahaifiyarta tana cike da jin zugun zafin haihuwarta , gani nake idan zaiyuwu ka sama mata wani wajan ta zauna kafin nan da ta sakko "


Shiru MD ya yi baitanka ba sannan ya koma d'akin da Fadila ta ke ya ce ta shirya yanzu zai zo "


Shiru-shiru MD bai dawo ba , Jamilu kasa jurewa ya yi ya tafi gida ya ce mata yana zuwa.


D'aya daga cikin likitocin ko jin kukan jaririn ya yi yawa ya sa suka tursasa Fadila ta shayar da yaron.



MD ba shi ya dawo ba sai 10:40 PM dan Fadila ma har ta cire ran dawowar shi.


D'aya daga cikin likitocin ce ta rungume jaririn ta rakasu har motar MD sanna ta juy.


Fadila da mamaki ta bi MD da kallo ganin ya d'auke wata hanya daban maimakon hanyar gidansu. Hakan ya sa ta ce " MD ina zaka kai ni kuma? " MD bai tankama Fadila ba.


Daidai wani babban gida MD ya yi parking , Fadila dai kallan shi kawai take batace komai ba . MD kuma fita ya yi daga cikin motar ya bud'e get d'in gidan sannan ya dawo ya shiga da motar.



MD kallan Fadila ya yi ya ce " A nan gidan za ki ci gaba da zama har zuwa lokacin da Mama zata yi miki afuwa ki koma ku ci gaba da zama tare "


Fadila kallan MD ta yi wanda ke rungume da jaririn ta ce " Mama, ta hana in ci gaba da zama da ita ko ? " Ki yi hak'uri komai zai wuce watarana m...." Barka da zuwa ranka shi dad'e, har kun iso ? " Cewar wata karfaffar dattijuwar mata da ta fito daga cikin gidan ta katse maganar da MD ke yi.


MD jaririn hannun shi ya mik'a mata sannan ya ce " Ga mejegon nan ki bata duk watakulawa da ta kamata " In sha Allah , ranka shi dad'e "



MD mik'a matar nan jaririn ya yi ya kalli Fadila ya ce " Ni zan tafi Allah ya sawake " Fadila kai kawai ta iya d'ama mai ya juya ya tafi , ita kuma ta bi bayan matar nan suka shiga cikin gidan.



Three bedroom plate , ma sha Allah gidan ya yi kyau. Fadila zama za ta yi dattijuwar matar nan ta ce " A'a jikata, kar ki zauna mu je ki gasa jikinki " Matar nan goya jaririn ta yi sannan suka shiga bayin ta gaggasa Fadila suna fitowa ta kai Fadila har d'akin da yake mazaunin nata .


Fadila da mamaki ta bi dak'in da kallo dan komai sabo ne na d'akin , bud'e manyan jakunkunan da ta gani ta yi , d'aya cike take da kayan sawa kamar nata , d'aya kuma da kuma kayan jariri ne cike . Fadila na nan tsaye tana mamakin kayan, matar nan ta shigo da jug cike da kukun gyad'a ta kawo ma Fadila ta ce " Ga kunun gyad'a nan na yi miki ance sai zuwa gobe za'a fara baki abinci shima ba mai k'arfi ba in da an yi miki theater ne"



Fadila cikin sanyi ta ce " Tom, na gode "



Matar nan fita ta yi shima jaririn ta wankoshi tas kamar dai yadda ake ma jarirai sannan ta yi mai gashin cibi ta kawo ma Fadila shi ta fita.


Fadila tagumi ta yi ta tasa yaron gaba tana kallo tana kuka . Sai da ta yi kukanta ta gaji sannan ta kwantar da shi ta zuba kunun gyadan tasha ita ma ta kwanta , take barci b'arawo ya saceta.



Cikin dare jaririn ya tashi yana ta kuka amma kasancewar barci mai nauyi ya d'auki Fadila bata ji ba, sai Baba Lami ce ta ji ta shigo d'akin Fadilar .
Bubbugata ta yi ta tashi ta mik'a mata yaron sannan ta fita.


Fadila aduk lokacin da zata kallin yaron sai ta ji hawaye na zubar mata . Goge hawayan ta yi tana kallan yaron ta ce " Ina tausayinka sosai araina, ina tausaya maka yadda zaka tashi ka rayu babu uba , ina ji maka gorin da zaka rik'a fuskanta wajan jama'a , saidai ba zan gajiya ba wajan rok'a maka Allah ya nisantamu ni da kai ya kaimu duniyar da za mu rayu babu gorin zama'a acikinta " Fadila ta idasa maganar tana kuka sannan ta kwantar da yaron ta kwanta gefan shi , har aka kira Sallah barci ya gagari idon Fadila.



Washegari Baba Lami da wuri ta tashi ta yi ma su abin Kari , ta taimaka ma Fadila ta yi wanka ta wanke jaririn .



Fadila na zaune tana shan kunun gyadan da Baba Lami ta dama mata Kiran Jamilu ya shigo wayarta , bayan sun gaisa ne Fadila ta ce " Jamilu, MD ya taimakeni alokacin da nake tsananin naiman taimako Allah ya saka masa da alkairi " Jamilu "Ameen "ya ce ya k'ara da cewa " Ba MD kad'ai za ki gode mawa ba har da wanda ya yi miki theater , Fadila, Muhammad Sagir mai shadda kamar sunansa kenan ? Wanda ya halarci taron anniversary namu shi ya amshi haihuwarki , bawan Allah nan ya yi k'okari sosai haka muka tafi muka barshi , gaskiya ya yi miki k'ok'ari sosai " Fadila sai yanzu ta tuna da shi ta ce " Allah sarki har ya tafi ko ? " Eh , ya wuce " Jamilu ya bata amsa. Fadila cikin sanyi ta ce " Amma naso in yi masa godiya Allah ya saka masa da alkairi " Nima na rokeshi akan ko numbersa ya baki ki yi masa godiya amma ya k'i, da na dameshi ya ce ki amsa wajan MD "
Fadila ta ce " Aiko zan amsa gaskiya in yi masa godiya "


Bayan Fadila sun gama waya da Jamilu MD ta Kira ta rok'eshi ya bata number Wanda ya yi mata theater zata yi mai godiya .


Take MD ya tura mata number Muhammad.



Number na shigowa Fadila ta Kira shi har kira uku bai dauka ba, hakan ya sa ta tura mai text message kamar hak....✍🏻






📚 FADEELAH 📚
🔔📚
*JARUMAI WRITER'S ASSOCIATION📚*
_{Marubuta masu aiki da jarumta domin wa'azantawa ilimantarwa, nishad'antarwa tare da fad'akarwa da jama'a bisa harshen hausa
https://m.facebook.com/story.php?story_fbid=337435884671992&id=103920888023494&sfnsn=mo

💪🏻J.A.W 💪🏻


Na
Fadila Sani Bakori



SANARWA : Masu tambaya akan gyaran jiki akwai hanyoyi kala daban-daban da zan kawo musu na gyaran jiki a cikin wannan littafi mai suna FADEELAH .




*🤝 SDEENDTM DATA SERVICES🤝*
*MTN* . *Airtel*
1GB = ₦300. 1GB = ₦300
2GB = ₦600. 2GB = ₦600
3GB = ₦900. 3GB = ₦900
4GB = ₦1200. 4GB = ₦1200
5GB = ₦1500. 5GB = ₦1500

*GLO* . *9MOBILE*
1GB = ₦350. 500Mb ₦250
2GB = ₦700. 1GB ₦500
3GB = ₦1050. 2GB ₦1000
4GB = ₦1400. 3GB ₦1500
5GB = ₦1750. 4GB ₦2000

*VALIDITY: 30DAYS/1MONTH*
For cable subscription or sell recharge card
Call this number or whatsapp
👇🏽👇🏽👇🏽👇🏽👇🏽
*🪀08066268951*



Page 10



Number Muhammad na shigowa Fadila ta Kira shi har kira uku bai d'aga ba, hakan ya sa Fadila ta mai text massage kamar haka : Assalamu alaikum. Da fatan ka je gida lafiya ? Na gode da sadaukar da lokacinka da ka yi agareni ka bani taimako har na haihu . Na gode sosai Allah ya sa ka maka sa mafificin alkairi "

B'angaran Muhammad ko lokacin da Fadila ta kira shi baya kusa , yana zuwa sakon text massage d'in ta na shigowa. Muhammad koda ya duba murmushi ya yi a zuciyarshi ya ce " Allah sarki tabbas ta cika mara manta halacci inda ga shi har ta amshi number ta ta kirani ta yi min godiya " Kasan cewar Muhammad mutum ne mai saukin kai hakan ya sa ya yi replying d'inta da " Ameen , ya jikin naki ? "



Fadila sosai ta kara ya bawa da kirkinshi da rashin kirman kanshi hakan ya sa cikin jin dadi ta mai da mai amsa da " Alhamdulillah. Na ji sauki "



B'angaran gidan su Fadila
Aisha sosai ta shiga damuwar rashin dawowar Fadila da bata yi gida ba.Hakan ya sa Aisha yau ta shirya da niyyar zuwa ta nemo in da Fadila take . Aisha koda ta gama shiryawa b'oye ma mahaifiyarsu ta yi inda zata, ta fita da sunan tafiya Islamiya.



Aisha bayan ta fito Kiran Jamilu ta yi a wayar mahaifiyarta da ta fito da ita bata sani ba. Jamilu na d'agawa bayan sun gaisa ne Aisha ta ce "Jamilu, zuciyata ta kasa jurewa da rashin ganin Aunty Fadila , dan Allah tana ina ina son ganinta ? " Jamilu shiru ya yi , sannan ya ce " Aisha, Wallahi nima takamaimai bansan inda Fadila take ba, ki kira numberta mana "A'a bana son ta san da zuwan nawa na fi son kawai ta ganni" Cewar Aisha.


Jamilu shiru ya yi sannan ya ce " Bari in turo miki number MD sai ki tambayeshi " Aisha ta ce "Ka tambayar min shi mana? " A'a Aisha ,da alama MD baya son in je in da Fadila take dan haka ki kirashi da kanki ki tambayeshi "


Aisha katse Kiran ta yi ta kira MD , bayan sun gaisa ne take sanar da shi tana son zata je wajan Fadila ne.


Shiru MD ya yi sannan ya ce " Shi kenan ki samu keke-napep sai ki had'ani da shi in ba shi Address d'in gidan "


Aisha mai Napep ta samu ta had'a shi da MD ya sanar da shi unguwar da zai kaita da number gidan .


Mai Napep d'in na aje Aisha ta fara nocking get d'in . Aisha na nan tsaye Baba Lami ta zo ta bud'e kasan cewar MD ya sanar da ita zuwan Aishar.


Baba Lami cikin fara'a ta ce " Sannu da zuwa , mu shiga tana ciki "


Aisha bin bayan Baba Lami ta yi har cikin d'an madai-daicin falonsu.


D'akin da Fadila take Baba Lami ta nuna ma Aisha ta ce " Ki shiga tana can "


Aisha da sallama ta shiga d'akin.


Fadila da ke zaune ta yi tagumi ta yi shiru ga yaron kwance kan katifar kusa da ita. Fadila da sauri ta kai dubanta ga k'ofar d'akin jin muryar Aisha.



Fadila tashi ta yi da sauri ta nufi wajan Aisha da niyyar rungumeta , sai dai da sauri ta tsuk'unna dan ta fama aikin da akai mata a ciki. Aisha da sauri ta k'arasa wajan Fadila ganin ta tsugunne tana dafe saman mararta .


Aisha cikin sanyi ta ce " Sannu ya jikin naki ? " Fadila ahankali ta matsa ta koma kan katifar ta zauna tana kallan Aisha, magana take son yi mata amma sakamakon kukan da ya zo mata ta kasa.



Aisha ko cikin sanyi ta ce " Aunty Fadila , sauri nake dan Mama bata san da zuwana ba , ki yi hak'uri ki bar kukan mu yi maganar da ta kawo ni " Fadila goge hawayan ta yi tana kallan Aisha alamun ina jinki.


Aisha kamar ba zata yi magana ba , sannan ta tashi ta d'akko jaririn da ke kwance kan makekiyar katifar d'akin irin gado huta d'in nan.



Aisha rungume jaririn ta yi tana kallo wanda ya sha tsadaddun kayan sanyinsa .Sosai Aisha ta yaba da kyawun yaron a zuciyarta .


Aisha kallan Fadila ta yi cikin sanyi ta ce "Aunty Fadila , wa ye mahaifin yaron nan ? " Fadila kallan Aisha ta yi da raunannun idanunta da yanzu ba su da wuyar fidda ruwa ta ce " Aisha, biki yadda dani ba ko ? " Aisha cikin alamun fad'a da kuma gajiya da rainun wayan da Auntyn tata ke yi musu ta ce " Aunty Fadila , me kike so ki ce min ne ? Haba Aunty Fadila, ki yi hak'uri ki bar yaudarar zuciyoyinmu haka nan mana, haihuwa fa kika yi ! Amma kike tambayata ban yadda da ke ba ? " Aisha ta fad'i maganar kamar ta rufe Auntyn tata da duka. Sannan ta ci gaba da cewa " Aunty Fadila , dan Allah ki bar yaudarar kanki damu kuma ki sanar damu mahaifin yaron nan ? "


Fadila kallan Aisha ta yi tana tashi da kyar dan ta fama ciwan ta inda aka yi mata theater . Fadila ta ce " Aisha , ina zuwa dan Allah "


Fadila toilet ta shiga ta yi alwallah ta fito, Aisha dai duk tana kallanta . Fita ta yi ta je d'akin Baba Lami sai gata ta dawo da Al'Qur'ani a hannunta .



Fadila kallan Aisha ta yi sannan ta ce " Aisha, zan miki rantsuwa da Qur'anin nan ba dan komai ba sai don bana son kina had'ani da abin da ban tab'a kusanta ba, na rantse da Allah da wanna Al'qur'anin idan har na tab'a kusantar zina Allah ya sa wannan al'wur'anin ya cine ,Allah ya nisanta ni da duk wasu rahamomin sa idan ha.... " Aisha da sauri ta rufe bakin Fadila tana kuka ta ce " Kin aika kuskure mafi muni Aunty Fadila, koda gaskiyarka baka rantsuwa da al'qur'ani, tabbas na yadda dake Auntyna ,hakan na nuni da cewa kenan Fyad'e akai miki ? " Fadila tana kuka ta ce " Ban sani ba Aisha , ni dai abu d'aya na sani ban tab'a aikata zina ba " Aisha kai ta jinjina, sannan ta ce " Aunty Fadila, idan haka ne ya tabbata jaririn nan MD ne ubansa , dan ni Wallahi shi nake kyautata zargina akan shi " Fadila shiru ta yi dan ita kanta lokuta da dama tana zargin MD d'in , saidai in ta tino ko sau d'aya maganar banza bata tab'a shiga tsakaninsu ba sai ta kauda tunaninta .


Aisha kallan Fadila ta yi da ta tsunduma duniyar tunani ta ce " Ki k'ara nazari sosai ki tuna ki yi tunani ki tuna abubuwan da suka faru a baya tsakaninki da shi ?, Ki yi dogon tunanin Aunty Fadila, na san za ki tuna " Fadila kai ta jinjina ta ce " Shi kenan Aisha zan yi"



Aisha kallan Fadila ta yi ta ce " Zan tafi " Fadila cikin sanyi ta ce " Aisha, dan Allah ki yi ma Mama magana indawo gida in zauna tare daku bana jin dadin zama nan da nake yi " Aisha kallan Fadila ta yi ta ce " Tom , ki yi tunanin abin da na ce miki ni na wuce " Aisha na fad'in haka ta juya ta tafi.



Aisha ko da ta koma gida bata sanar da mahaifiyarta ta je wajan Fadila ba.



BAYAN WATA UKU

Yanzu Fadila ta yi arba'in , inda Baba Lami ma tuni ta tafi tunda Fadila ta yi arba'in. Yanzu ya zamana Fadila ita kad'ai ce a gidan .


MD ko tunda Fadila ta zo gidan sau biyu ya tab'a zuwa shima duk abu ya kawo musu, ko d'akin Fadila bai shiga ba.


Yanzu Fadila ta gaji da zaman gidan dan kusan wata biyu kenan ita kad'aice a gidan sai yaronta da ya yi girma sosai tubarkallah .


Fadila so take ta koma gidansu da zama amma tana tsoran mahaifiyarta, haka dai ta k'udiri aniyar komawa dan tana ganin hakan ya fi mata mutunci . Ta kira MD ta sanar da shi k'udirinta amma ya ce ta jira tukun.



Yau sati d'aya kenan da Fadila suka yi magana da MD zai zo amma har yanzu bai zo ba . Fadila na zaune ta yi ma Ahmad wanka ta kwantar da shi saboda ya yi barci, ta ji shigowar MD bakin shi dauke da Sallama .



Fadila kai ta d'aga tana kallan MD sannan cikin jin dad'in zuwan MD d'in dan yau ta k'uduri barin zaman gidan ta ce " Barka da zuwa " MD kai ya jinjina ma Fadila sannan ya ce " Kin kirani akan zaki koma gida ? Kina ganin babu matsala ?, Mama ta hak'ura ne ? " Zan gwada in gani ne " Kai MD ya jinjina nan ma , sannan ya mik'a mata hollondia Yoghurt d'in da ya zo da shi ya ce " Ga shi ki sha wannan sai mu wuce " Fadila amsa ta yi ta sha dama yau ta kasa yin girki tsabar tasa ranta a tafiya gida .


Fadila na gama shan hollondia d'in take ganinta ya fara d'aukewa ta fara ganin duhu-duhu . Fadila cikin rud'ewa da yadda ta ji take ta sauya ga ganinta ya d'auke dishi-dishi take gani ta ce " MD, ba fa na gani duhu-duhu nake gani ? " Fadila ta fad'i maganar a rud'e


MD baitanka ma Fadila ba.


Fadila tashi ta yi ta fara laliban hanya sai ji ta yi an rungomata baki d'aya, daga nan jinta da ganinta ya d'auke bata k'ara sanin abin da ake ba.




ADAMAWA STATE



Yau ya kama Weekend Muhammad na gida, dama shi an fi samun shi a falon Hajiya Baturiya in dai yana gida. Muhammad zaune ya ke suna fira da Hajiya Baturiya Alhaji Sagir ya shigo falon wanda dawowarshi kenan daga maiduguri. Zama ya yi yana cewa " Tom , Alhamdulillahi. Yanzu dai muna sa ran komai ya kusa zuwa k'arshe ko ince ya zo k'arshe , Muhammad, wannan tafiyar tawa da na yi baki d'ayanta taka ce, wato wani abokina ne mu ka yi magana da shi akan mutuwar matanka, shi ne yake sanar da ni wai yawanci idan ana samun irin haka kuma har mun yi bincike babu wani information da muka samu to shairin iska ne , ya ce yawanci Al'jana ce ke aurar mutum haka ke faruwa, daga ya yi aure ta kashe matar , dan kamar yadda ya sanar da ni yarinyar abokinshi haka ta faru da ita , itama duk wanda ya aureta washegari za a farka a ga gawarshi, intakaice muku zance yanzu haka ya kaini har wajan shehin malamin da ya yi ma 'yarinyar addu'a yanzu haka ta yi aure har ta haifafa ma , tom sai dai malamin ya mutu amma akwai yaronshi babba wanda shi ya gadai , dan baka ga mutanan da ke zuwa wajan shi d'aukar karatu ba, Muhammad , yanzu haka a maganar da nake maka an sauke al'qur'ani har so uku , kuma gashi nan an rubuce shi ya ce a baka kasha , sannan duk gidan da zaka zauna a tabbatar an sauke al'qur'ani a gidan . Kai in tak'aice muku gaba d'aya yanzu haka shi wannan abokin nawa da nace muku ya kaini inda aka yi addu'ar nan yanzu haka