You Cannot Download this book untill you login but you can read it .

---

Login Register

ne ba na jin k'arfin jikina shi ne MD ya kawoni a motarsa " Shiru mahaifin Fadila ya yi dan sosai ya ke yabawa da hankalin ogan nata .
Ya san tabbas in ba rashin lafiya ba kodan munafukan layin nasu ya san Fadila ba zata yarda ta hau motar kowa ba ya kawoka har k'ofar gida , kuma a cikin wannan lokaci haka ba rana ba .



"Shi kenan, Fadila dan Allah a k'ara kulawa da kai , duk in da kike kisan in ba ma ganinki mahaliccinki na ganinki " Fadila dakyar ta iya bud'e baki tana mai k'ok'arin danne kukan da ke taso mata ta ce " In sha Allah, Baba "



Mahaifiyar Fadila da kanta ta sawo ma Fadila tuwon da ta yi ta kawo mata .


Fadila ko ba dan tana son cin tuwan ba sai dan kar a fahimci halin da take ciki ta daure taci kad'an , Sannan ta lallab'a ta yi sallah ta koma ta kwanta.



Kasancewar har washegari Fadila bata jin k'arfin jikinta hakan ya sa bata yi wani yunk'urin zuwa aiki ba.



Mahaifiyar Fadila na kitchen tana dama musu koka k'anwar Fadila wadda ke bi mata Aisha kenan wadda satin d'aya kenan da dawowa hutu da yake bording School take yi .Bayan ta gaida mahaifiyar tasu ne ta ce " Mama , anya kuwa ba akwai abin da ke damun Aunty Fadila ba ? Jiya fa kwana kuka ta yi ? Ko yanzu haka idan kika shiga d'akin za ki ganta tana kuka kad'an-kad'an " Mahaifiyar Fadila barin abun da take yi ta yi tana kallan Aisha ,sannan ta ce" Biki tambayeta me ke damunta ba ? " Jiya da daddare dai bayan kin fita na tambayeta ta ce min babu komai , daga nan ni kuma ban kuma tambayarta ba " Shiru mahaifiyar Fadila ta yi , sannan ta tashi ta nufi d'akinsu Fadilar.



Kwance mahaifiyar Fadila ta samu Fadila tana kuka k'asa-k'asa sosai , sai uban ajiyar zuciya da take ja .Mahaifiyar Fadila zama bakin gadon ta yi tana bubbuga k'afar Fadila , ta ce " Fadila , tashi ki zauna"
Fadila da sai yanzu ta ji alamun da mutun ad'akin goge hawayanta ta yi da sauri ta tashi ta zauna.


Mahaifiyar Fadila ganin yadda idon Fadila ya kumbura ya yi jajir tsabar kuka , cikin damuwa ta ce " Fadila , lafiya me ke damunki Wanda ya sa kika kwana kina kuka tun jiya har yau ?" Fadila k'asa ta yi da kanta tana mai goge hawayan da ke zubar mata.



Mahaifiyar Fadila ta kuma cewa " Fadila, me ya faru dake ne haka wanda ba zaki iya fad'imin ba? Idan ni biki fad'a min ba sai ki sanar da Aisha , kalli fa yadda idonki ya kumbura "



Fadila ci gaba da kukan ta yi kuma tak'i yin magana .Mahaifiyar Fadila kamar ta yi zuciya ta rabu da ita ,amma kuma ta kasa , hakan ya sa cikin damuwa ta kuma cewa " Ko wajan aikin naku ne akai miki wani abun ? " Kai Fadila ta girgiza. " Me a kai miki to? " Nan ma dai Fadila shiru babu amsa.


Atak'aice Mahaifiyar Fadila babu irin tambayar da ba ta yi ma Fadila ba akan abun da ke damunta amma shiru tak'i magana sai kuka. Suna cikin haka ne Aisha k'anwar Fadila ta shigo .Aisha cikin damuwa da halin da taga Fadilar ta kalli mahaifiyarsu ta ce " Mama, me ke damunta ne ? " Aisha ban sani ba , tak'i fad'a min , kira min Jamilu awaya mu yi magana da shi in ji ko wani abun ne ya faru jiya acan wajan aikin nasu "



Mahaifiyar Fadila Jamilu ta sa aka kira mata, bacin sun gaisa ne ta ce " Jamilu , lafiya ? Tun jiya Fadila da ta shigo gidan nan take kuka na yi na yi ta k'i fada min abun da take ma kuka , shi ne na ce bari in tambayeka ko ka sani ? "


Jamilu shiru ya yi dan baisan amsar da zaiba mahaifiyar Fadila ba , hakan ya sa ya ce "Mama, idan na tashi aiki zan biyo ta nan "


Mahaifiyar Fadila da Aisha tashi su ka yi suka bar Fadila anan tana mai ci gaba da kukanta.



Har Jamilu ya tashi aiki ya zo gidan idanun Fadila ba su bar zubar hawaye ba.
Mahaifiyar Fadila bayan sun gaisa da Jamilu ta ce " Jamilu, tun jiya Fadila ke kukan nan har yau , mun yi mun yi ni da 'Yar'uwarta ta k'i fad'amana abun da ke damunta , shi ne dalilin kiranka na ga taku ta zo d'aya ko kai ta fadi maka ? " Jamilu shiru ya yi ,ya ma rasa ta ina zai fara . Tabbas zuciyarshi ta kasa aminta mai da wai Fadila na da ciki .
Jamilu kallan Fadila ya yi ya ce " Fadila, ko dai ki fad'a mana damuwarki ko kuma ki yi hak'uri da kukan nan da kike yi , kina sa 'Yan'uwanki da mahaifiyarki cikin damuwa, dan Allah ki daure ki sanar damu gaskiyar lamarin abun da ke damunki ? ".


Fadila kai ta d'aga tana kallan Jamilu da idanunta wa inda har sun fara kankancewa tsabar kuka .Sannan cikin kuka ta fara magana kamar haka " Jamilu, nima bansan abin da ke damuna ba. Saidai ina jin rayuwata ta zo k'arsh..." Aisha k'anwar Fadila rufe mata baki ta yi ta ce kamar za ta yi kuka ,dan tabbas kome yake damun Aunynta mai girma ne, wanda har ta kasa fad'a musu.
Aisha da hawaye har ya fara zubo mata ganin yarda Fadila ke kuka ta ce " Haba, Aunty Fadila, dan Allah kar ki sa zuciyarmu cikin waswasi mana, kisa mu yi ta canke-canke abun da ba shi kenan ba , dan Allah ki fad'amana damuwarki ? Idan kuma kink'i zan je in kira Baba in sanar da shi abun da ke faruwa na san shi zaki fad'i mai " Aisha na fad'in haka jin Fadila bata ce komai ba ta tashi zata fita alamun zata kira mahaifin nasu.



Fadila da sauri ta kamo hanun Aisha tana mai k'ara tsananta kukanta ta ce " Mama , ku yi hak'uri zan sanar da ku ? Amma dan Allah ina rok'onku ku ban nan da sati d'aya sannan ✍🏻



*🤝 SDEEND MTN DATA SERVICES🤝*
*MTN* . *Airtel*
1GB = ₦300. 1GB = ₦300
2GB = ₦600. 2GB = ₦600
3GB = ₦900. 3GB = ₦900
4GB = ₦1200. 4GB = ₦1200
5GB = ₦1500. 5GB = ₦1500

*GLO* . *9MOBILE*
1GB = ₦350. 500Mb ₦250
2GB = ₦700. 1GB ₦500
3GB = ₦1050. 2GB ₦1000
4GB = ₦1400. 3GB ₦1500
5GB = ₦1750. 4GB ₦2000

*VALIDITY: 30DAYS/1MONTH*
For



📚 FADEELAH 📚

🔔📚
*JARUMAI WRITER'S ASSOCIATION📚*
_{Marubuta masu aiki da jarumta domin wa'azantawa ilimantarwa, nishad'antarwa tare da fad'akarwa da jama'a bisa harshen hausa
https://m.facebook.com/story.php?story_fbid=337435884671992&id=103920888023494&sfnsn=mo

💪🏻J.A.W 💪🏻



Na
Fadila Sani Bakori.



SANARWA: Masu tambaya akan gyaran jiki akwai hanyoyi kala daban-daban da zan kawo muku na gyaran jiki acikin wannan littafi mai suna FADEELAH.




*🤝 SDEENDTM DATA SERVICES🤝*
*MTN* . *Airtel*
1GB = ₦300. 1GB = ₦300
2GB = ₦600. 2GB = ₦600
3GB = ₦900. 3GB = ₦900
4GB = ₦1200. 4GB = ₦1200
5GB = ₦1500. 5GB = ₦1500

*GLO* . *9MOBILE*
1GB = ₦350. 500Mb ₦250
2GB = ₦700. 1GB ₦500
3GB = ₦1050. 2GB ₦1000
4GB = ₦1400. 3GB ₦1500
5GB = ₦1750. 4GB ₦2000

*VALIDITY: 30DAYS/1MONTH*
For cable subscription or sell recharge card
Call this number or whatsapp
👇🏽👇🏽👇🏽👇🏽👇🏽
*🪀08066268951*



Page 7



Fadila da sauri ta komo hannun Aisha tana mai k'ara tsananta kukanta ta ce " Mama, dan Allah ku yi hak'uri zan sanar da ku abin da ke damuna amma ba yanzu ba , ku ban nan da sati d'aya sannan " Shiru Mahaifiyar Fadila ta yi sannan ta ce " Fadila ,na yarda zan baki nan da sati amma saidai da sharad'in ba za ki zauna kina mana koke-koke ba " Fadila kai ta d'aga ta ce " Eh, na yarda "


Haka mahaifiyar Fadila ta tashi jiki babu kwari ta fita , dan tana ji ajikinta abu mai girma ke damun Fadila .



Bayan mahaifiyar Fadila ta fita ne Aisha ma ta ta tashi ta fita, ya rage daga Jamiu sai Fadila .


Jamilu kallan Fadila ya yi cikin tausayawa ya ce " Fadila, wai da gaske ne maganar da Ummi ta fad'amin kina da ciki? " Fadila d'ago idanunta ta yi dake zubar da hawaye ta ce " Ban sani ba nima Jamilu, amma haka likitoci har biyu suka ce " Jamilu shiru ya yi , sannan ya ce " Fadila , amma babu wani wanda kika tab'a ba dama ? " Fadila kallan Jamilu ta yi ta ce " Kamar ya kenan ? " Nufina ko kin ba wani dama ya kusanceki kamar MD da naga kuna tare ?" Fadila fashewa da kuka ta yi , cikin kukan ne take cewa " Jamilu, na zaci kana cikin mutanan da za su bada shaida akaina, saidai kash jibi tambayar da kake jifa da ita , hakan ya tabbatar min in wasu sunmin irin tambayarka ba zan ji haushi ba, MD kuma saninkane bana son shi,ko wanda nake so ba zan bashi damar haka ba bare MD, dama Jamilu ba zaka iya bada shaida akaina ba? "


Shiru Jamilu ya yi sannan ya ce " Fadila, kina da ciki fa aka ce , kuma kina fadin ni kike tunanin zan shaideki ? to taya ? In ce ma mutane me ? " Fadila kamar za ta yi kuka ta ce " Ka fada musu abin da ka sani akaina " Jamilu tashi ta yi tsaye alamun zai tafi sannann ya ce " Fadila, shawarar da zan baki ki sanar da mahaifiyarki abun da ke damunki " Ba zan iya ba Jamilu " Tom shi kenan ni na tafi"



Jamilu sallama ya yi ma Fadila ya tafi.



Bayan Jamilu ya fita Aisha d'akin ta shiga. Zama ta yi kusa da Fadila ta ce cikin sanyi "Aunty Fadila , nasan Jamilu ya san abun da ke damunki ya b'oye mana ne kawai , Aunty Fadila , ko ni ce in dai kin yarda zan iya rufa miki asiri dan Allah ki sanar da ni abun da ke damunki? "


Fadila hanun Aisha ta rik'e ta ce "Aisha zan sanar da ke zuwa gobe "



Aisha ta shi ta yi ta je ta kawo ma Fadila tuwan dare sa su ka yi, amma da kyar ta samu ta ci.



Duk abun nan dake faruwa na koke-kok'en nan da Fadila ke yi Mahaifinta be sani ba.



Yauma dai kamar jiya Aisha tana jin kukan Fadila kad'an-kad'an a haka barci yakwasheta ta bar ji.


Washegari bayan sun karya ne Aisha ta kalli Fadila da ta yi tagumi ta yi shiru, daga gani ta yi nisa a duniyar tunani " Aisha cikin damuwa da damuwar Auntynta ta ce "Aunty Fadila , yau ne kika yi min alk'awarin za ki sanar dani damuwarki ? " Fadila shiru ta yi , sannan ta ce " ki kai min ruwa a bayi in yi wanka ki shirya ki rakani wani waje " Aisha tashi ta je ta kaima Fadila ruwan , sannan ta dawo ta sanar da ita.


Bayan Fadila ta fito wankan ne ta ce ma Aisha ta sanar da mahaifiyarta zata raka wani waje yanzu za su dawo.



Mahaifiyar Fadila da kallo tafi su lokacin da za su fita.


Bakin titi suka je Fadila ta tarar musu Keke-Napep suka hau . Fadila ta ce ma me keken ya kai su 44 Hospital.


Aisha da mamaki ta kalli Fadila ta ce " Aunty Fadila , Asibiti kuma ? Me za mu je mu yi acan ?" Fadila cikin sanyi ta ce " Aisha, ina son mu je canne dan sanin ainihin abun da ke damuna , ance suna da kwararrun likitoci "Aisha dai kai ta jinjina bata ce komai ba.



Koda suka je Asibitin Fadila bayanin duk yadda take ji ta yi ma likitar. Wata roba likitar ta ba Fadila ta ce ta kawo mata fitsarinta.


Kasan cewar 44 babban Asibiti ne hakan ya sa a ka yi ma Fadila duk wani aune-aune da ya kamata.


Bayan an gama ne likitar ta kalli Fadila ta ce " Kina dauke da cikin wata d'aya da kwanakai "


Aisha k'anwar Fadila zunbur ta mik'e tana kallan likitar cikin rud'ewa ta ce " Likita ciki kuma ? Auntyna fa ba matar aure ba ce budurwa ce! ? " Abin da ke damun Auntyki nasanar da ita k'anwata "



Fadila tana kuka ta rik'e k'afar likitar tana cewa " Dama mutum zai iya samun ciki ba tare ya d'aya namiji ya kusance shi ba likita? " Kai likitar ta girgiza ta ce " Haka ba zai tab'a faruwa ba k'anwata mace d'aya ce a duniya haka ya faru da ita ita ce Maryama Mahaifiyar Annabi Isa "



Fadila cikin kuka ta ce " Nima Wallahi irin nata ya faru dani ,dan Allahi ki taimaka min ki rufa min asiri ki cire min shi " Dokar Asibitin nan ko maganin da zaizubar miki da shi bamabadawa bare kuma acire miki , za ku iya tafiya " Likitar ta fad'i maganar tana nuna ma Fadila hanyar fita .


Fadila fita ta yi tana goge hawayan da ke zubar mata ita da k'anwarta Aisha.


Aisha tsayawa ta yi ta goge hawayan dake zubar mata tana yi ma Aunty nata wani irin kallo na kyama ta ce " Aunty Fadila , dama fuska biyu gareki? kullum maganarki akan mutunci hasalima aikin da kike yi duk dai magana d'aya ce nan ma maganarki kullum DARAJAR 'YA MACE ashe ke ba ki da DARAJAR da kike yawan b'ab'atu akanta, da haka kika yi amfani kika yaudari Iyayanmu " Shiru Aisha ta yi tana goge hawayanta, sannan ta ci gaba da cewa " Amma basu kika yaudara ba kanki kika yaudara "Kuka Fadila take yi sosai , da kyar ta bud'e baki za ta yi magana , Aisha ta d'aga mata hannu ta ce " Aunty Fadila, babu wata magana da zaki yi min , dan ko me za ki ce babu wanda zai kuma yarda da mayaudaran kala manki " Aisha na kaiwa haka ta tafi da sauri ta bar Fadila nan tsaye tana kuka.



Aisha da sallama ciki-ciki ta shiga gida. Mahaifiyarsu da kallo ta bita ganin Aisha ta zama wata iri ga fuskarta ta nuna alamun ta ci kuka.


Cikin Sanyi Mahaifiyar su Fadila ta kalli Aisha ta ce " Aisha, Ina Auntyn taki fa ?" Aisha ta bud'e baki zata yi magana ne ta fashe da kuka.


Mahaifiyar Fadila cikin alamun rud'ewa ganin yadda Aishar ke kuka ta ce " Wani abu ya samu Fadilar ne ? "
Mahaifin Fadila dake d'aki fitowa ya yi yana tambayar mahaifiyar Fadila lafiya . Mahaifiyar Fadila cikin sanyi na alamun damuwa ta ce " Nima ban sani ba, haka ta shigomin tana kuka "


Mahaifin Fadila kallan Aisha ya yi " Ya ce ina Fadil..." Shigowar Fadila ya sa ya yi shiru . Saidai abun mamaki Fadila ma da kuka ta shigo tana zazzare manyan-manayan idanunta , dan ita a tunaninta Aisha ta sanar da su tana da ciki.


Mahaifiyarsu Fadila cikin fad'a-fad'a ta ce " Wai lafiyarku za ku zo ku tasa mutane kuna musu kuka ba za ku fad'i abun da akai muku ba? " Dukkansu shiru ba magana sai kuka.



Mahaifin Fadila da shi sai yanzu ma ya san abun da ke faruwa cikin fad'a da yake irin mutanan nan ne masu fad'an, hakan ya sa cikin d'aya murya da hargagi ya ce " Aisha!, bada ku mahaifiyarku ke magana ba ? "



Aisha da ko Karan haka ya cijeta ba zata tab'a iya furtama ma Iyayan nata abun da ke faruwa ba bare kuma ita kanta Fadila. Aisha cikin rashin sanin abun cewa, ga iyayan nasu sun tsaresu da ido ta ce " Baba , wa'adin da kaba Aunty Fadila saura sati d'aya ya cika , shi ne abun da ke damunmu "


Mahaifinsu Fadila ajiyar zuciya ya sauke , in da mahaifiyar Fadila bata yarda da abun da Aisha tace ba .



Mahaifin Fadila ba tare da ya tanka ba ya girgiza kai ya fita.



Aisha da Fadila ko haka suka dawo kamar wasu marayu, ranar dai gaba d'aya gidan sai ya zamana kamar anyi mutuwa .



Da daddare Mahaifiyar Fadila ta shiga d'akin yaran nata . Zama ta yi tana fuskantar su Fadila da ko wacce idonta ya kunbura tsabar kuka.



Mahaifiyar Fadila cikin sanyi ta fara magana kamar haka " Fadila , yanzu idan kuna da damuwa akwai wanda zaku fad'amawa wanda ya wuce ni ? Haba Fadila , haka d'in da kuke yi bakwa tunanin sani cikin wani halin ? Tom in dai kun d'aukeni Uwa mahaifiya agareku ina son yanzun nan ba sai gobe ba ku fad'a min damuwarku ? "



Aisha tashi ta yi ta kifa kanta a cinyar mahaifiyarsu tana kuka, cikin kukan ne take cewa "Mama , Aunty Fadila ta b'ata mana suna , ta jawo mana abun gori a gari , ta aje mana tabon da ba zai taba gogewa ba "


Mahaifiyar Fadila gabanta dukan uku-uku ya fara , cikin sanyi a hankali dan jikinta har yau d'auki rawa ta ce " Aisha, me ya faru ? Ki min bayani da sauri ? "



Aisha cikin kuka ta ce " Mama, Aunty Fadila na da ciki " Ciki ! Wana irin ciki kuma ? " Mahaifiyar Fadila ta fad'a arud'e cikin rawar baki.


Aisha kai ta d'agama Mahaifiyarsu ta ce "Haka likita ta fad'a a gabana "



Mahaifiyar Fadila tashi ta yi ta yi kan Fadila ta niyyar bugu , saidai tana zuwa ta b'ungire ta sume awajan tsabar razana da jin abun da Aisha ta ce.



Aisha da gudu cikin fasa kuka ta d'ebo ruwa tana yayyafa ma mahaifiyarsu, sannan ta farfad'o .


Mahaifiyar su Aisha kuka take sosai ta ma kasa magana. Fadila ko ganin yadda mahaifiyarta ke kuka tana jan numfashi kamar wadda numfashinta zai d'auke ,sosai abun ya furgitata.


Mahaifiyar Fadila tana a wannan halin ne mahaifin su Fadila ya shigo gidan da sauri cikin tashin hankali dan Husna k'anwar su Fadila ta samai a kofar gida ta sanar da shi da Mama da su Aunty Fadila sun had'u sai kuka suke . Hakan ya sa ya shigo gidan a rud'e , tun kan ko ya k'araso ya jiyo sautin kukan mahaifiyarsu Fadila , hakan ya sa ya'idasa cikin d'akin su Fadilar a rud'e yana cewa " Maman Fadila , Lafiya za ki zo ki tasa yara ku taru kuna kuka sai kace bani gidan da ba za ku fad'imin abun da ke damunku ba, In kuma maganar da na fad'a ce kan Fadila ni na janye tuni ina mata addu'a Allah ya kawo mata miji na gari "



Mahaifiyar Fadila , ido ta d'aga tana kallan mahaifin Fadila ta kasa magana sai kuka.



Mahaifin Fadila tsugunnawa ya yi kusa da Fadila da idonta gaba d'aya sun k'ank'ance tsabar kuka ya ce " Fadila, yi shiru kin ji ki natsu ki yi min bayanin abun da ke faruwa ? " Fadila da ido ta bi mahaifin nata da kallo dan ba zata tab'a iya fad'amai abun da ke faruwa da ita.


Mahaifin Fadila da sosai suka d'aga mai hankali, zama ya yi yana fad'a yana cewa " Wai me kuka maidani ne zan zo in tambayarku abun da ke faruwa babu wanda ya saurareni? " Mahaifin Fadila k'asa ya yi da murya cikin sanyi kamar zai yi kuka ya ce " Ko dan kun d'aukeni talaka ne ba zan iya yi muku maganin damuwarku ba ya sa ba za ku fad'a min ba? , Tom indai kun d'aukeni uba wanda kuke kallan zai iya sharemuku kukanku ku fad'a min damuwarku dan Alllah ? " Mahaifin Fadila ya idasa maganar kamar zai yi kuka . Dan sosai hankalinshi ya tashi ganin yadda yaranshi da mahaifiyarsu suka had'u sai kuka suke , daga gani dai wani babban al'amarin ne ya faru.



Mahaifiyar Fadila d'ago jajayan idanunta ta yi ta duresu a fuskar mahaifin Fadila.Da katawa da kukan da take yi ta yi tana tunanin ta inda zata fara sanar da mahaifin Fadila Fadila na d'auke da ciki.
Mahaifiyar Fadila da ta rasa ta inda zata fara sai cewa ta yi " Ka tambayi Fadila , ita ta fi cancanta ta sanar da kai abun da ke faruwa da bakinta "


Mahaifin Fadila mai da kallan shi ga Fadila ya yi ya ce " Fadila, sanar da ni abun da ke damunku kin ji?" Fadila k'ara tsananta kukanta ta yi.
Mahaifin Fadila ganin haka sai ya koma kan Aisha ya ce " Aisha, inda su sun k'i sanar dani , ke fad'a min abun da ke faruwa koma me ye zan muku uziri zan fahimta " Aisha cikin kuka ta fara magana kamar haka " Baba, zan sanar da kai duk da zuciyata ta kasa yarda a abun da kunnuwana suka ji min, saidai kukan da Aunty Fadila kad'ai take yi ya isa ya sa in yarda da abun da kunnuwana suka ji min , sannan dan in tabbatar da kanta ta d'aukeni ta kaini Asibitin 44, da farko na zaci bata da kafiya ne amma sai na ji akasin haka , ashe bata son ta sanar da nine da bakinta cewar tana da ciki " Aisha ta idasa maganar tana kuma rushewa da kuka .




Mahaifin Fadila cikin tsananin furgici da razana da jin abun da Aisha ta ce, ya ce " Ciki ! ? Wa ke da cikin ?" Aisha cikin kuka ta ce " Aunty Fadila ke da ciki Baba " Mahaifin Fadila baki ya bud'e zai yi magana take k'in-k'ina ta shigai ,da hannu ya ke nuna Fadila jikinshi ko ina yana rawa.Magana ya ke son yi amma ya ka sa, jikinshi ko ina rawa yake. Ya d'urk'ushe a wajan ya yi yana dafe da k'arji yana nuna Fadila .Tari ya ke sosai wanda hakan har ya ba su Aisha tsoro, lokaci guda kuma numfashinshi ya tsaya cak ya fad'i a wajan.


Mahaifiyar Fadila da sauri su ka yo kan mahaifinsu suna girgizashi suna kuka.Ana cikin haka ne Ahmad mai bi ma Aisha ya shigo gidan, mahaifiyarsu Fadila cikin rud'ewa ta ce " Ahmad jeka taho da keke-Napep a kai mahaifinku Asibiti " Ahamad matashin yaro ne d'an kimanin shekara goma sha biyar.Ahamad juyawa ya yi da gudu ya fita ya je ya zo da mai keke-Napep d'in.



Da taimakon mai Napep d'in su ka sa mahaifinsu Fadila a cikin Napep d'in su ka yi da shi Asibiti.


Suna zuwa ko da aka duba gawa suka kawo.


Daya daga cikin likitocin ne ya zo