You Cannot Download this book untill you login but you can read it .

---

Login Register

isuhu acikin mota yaja suka tafi.




Meenal ko kukanta taci gaba dayi tana mai cewa"Wallahi daddy tunda wuri kajema ka tsaida maganar nan dan Wallahi kajima na rantse bazan auri d'an kyauye ba".Aifa nan hankakin alhaji Abba ya kuma tashi sosai,dan yama rasa abinda zai cema meenal ya samu tayi shiru ta saurareshi,kallan hajiya Mariya yayi dake zaune tayi tagwumi tana kallansu ya ce"Haba Mommyn meenal kizo ki tayani ba yarinyarnan hak'uri mana kinyi shiru kina ganin ahalinda take"Tom daddyn meenal mai zance?,aikin gama yariga ya gama meenal sai dai tayi hak'uri".
Meenal tashi tayi da gudu ta tura bedroom d'inta ta shige tana mai k'ara tsananta kukanta.Alhaji Abba ma tashi yayi ya bita da gudu amma kafin yaje ta sama d'akin key dole ya tsaya yana buga k'ofar yana mai rok'on Meenal da cewa"Dan Allah meenalyn daddy ki bud'e ki saurareni kiji abinda zance miki,Wallahi meenal hankalina yafi naki tashi bana son auran nan,kuma insha Allah baza ayishi ba,dan Allahi ki bud'e k'ofar"Babu yadda alhaji Abba baiyi da meenal ta bud'e k'ofar ba amma tayi banza dashi taci gaba da kukanta.Alhaji Abba jingina yayi da k'ofar yayi ta gwumi dan sosai kukan meenal d'in ke k'ara d'aga mai hankali.
Hajiya mariya da ita kanta cikin damuwa take najin abinda alhaji yace, fitowarta kitchen kenan jin abincinta na kyauri tazo ta iske daddyn meenal ya rafka uban tagwumi yana jingine da k'ofar d'akin meenal.Yajiya Mariya k'arasawa tayi ta zuk'unna kusa da daddyn meenal ta ce"Daddyn meenal kayi hak'uri dole muyi hak'uri mujure ire-iran halinda zamuga Meenal ciki,idan ko ba hakaba tom sai dai mu bujirema maganar alhaji,wadda hakan kuma ba abu bane mai yuwuwa,yanzu ga abinci nan na sauke dan Allah kazo muje kaci..." .Wata irin tsawa alhaji Abba yayima hajiya Mariya ya ce" Wata irin banzar magana kike fad'amin ko sokike mutaru makashe meenal ne ko me?,Yarinya tana cikin wannan halin zaki cemin wai inzo inci abinci,wato in rabu da ita ta mutu,ba zanci abincin ba ,ki b'acemin da gani Mariya kafin ranki ya b'ace!!".
Hajiya Mariya da mamaki ta kalli alhaji Abba dan ita bataga abin da ta fad'a na fad'a ba sai dai in zai hucekanta ne.Hajiya Mariya tashi tayi taba alhaji Abba waje kamar yadda ya naima.




Alhaji Abba kukan meenal ba k'aramin d'aga hankalinshi yake ba,alhaji Abba kamar zai yi kuka ya tashi yana mai bubbuga k'ofar d'akin meenal ya ce"Meenalyna dan Allah ki yi shiru tom kibar kukan,dan Allah ki bud'e muyi magana kinji Meenalyn daddy"Mennal ko ai babu alamunma taji abinda alhaji Abba yace bare har ta wani saurarai .Alhaji Abba jin Meenal bata tanka mai ba kamarma bataji abinda yaceba hakan sosai ya k'ara d'aga hankalin shi,hakan yasa kamar wani zautacce yaci gaba da buga k'ofar yana cewa"Meenalyna dan Allah ki bud'ema daddynki ki saurareni muyi magana dan Allah".





Hajiya Mariya da takasa fushi duk da abinda alhaji Abba yayi mata,zuwa tayi takamo hannun Alhaji Abba ganin yadda ya dage yanata bubbuga k'ofar ko zafin hannun shi bayaji.Yajiya Mariya cikin lallami ta ce"Daddyn meenal dan Allah ka saurareni nimafa kaina adamuwa nake,kuma kasan ni kaina bazanso in aurar da Meenal ga Wanda bataso ba,bare kuma ace za ad'auketa kaita kyauye bazanso ba,sai dai in ba yadda zanyi shine zanyi hakuri ,yanzu kamata yayi mu zauna mu sami mafitar abinnan,itacan ta rufe kanta tana kuka tak'i saurararka ,kai kuma kazo nan sai famar bubbuga k'ofa kakeyi kak'i natsuwa ka samo mafita,yanzu zaunawa zamuyi muyi magana muji ta ina zamu b'ulloma al'amarinnan,dan Allah kazo muje ka zauna muyi magana,saninkankane Meenal bazata sauraremu ba yanzu,dan haka sai mu tafi mu samo mafita"Mariya banda wata natsuwa inajin kukan Meenalyn daddy ,dan Allah ki gwada mata magana ke ko zata bud'e sai ayi shawarar baki d'aya da ita" Shiru Hajiya Mariya tayi sannan ta ce"Tom mu zagaya baya muyi mata magana ta window"




Ta baya hajiya Mariya da daddyn meenal suka je ,Allah ko yasa suka samu window abud'e.Daddyn meenal da saurinsa ya k'arasa jikin window inda ya hangi meenal d'insa ta tusa kanta k'ark'ashin cinyoyinta sai kuka take,babu alamun za tai shiru.Alhaji Abba cikin damuwa ya ce"Meenalyn daddy ki yi shiru dan Allah karkanki yayi ciwo ,ki bud'emin k'ofar muyi magana dan Allah"Meenal d'agowa tayi tana kallan daddynta kamar bazatayi magana ba,sai can ta ce"Daddy Allah bazan bud'eba gara in mutu ma kawai in huta inda kaima kadaina Sona,agabanka akecewa za aimin aure kakasa hanawa,kuma auranma d'an kyauye,ai wallahi sai alhaji yazo gidan nan da bakinsa yace anfasa sannan zan bud'e ,idan ko ba hakaba zamana zanyi babuci babu sha har mutuwa tazo in mutu"Alhaji Abba kamar zaiyi kuka ya ce"Ayyah meenalyn daddy dan Allah ki bud'e kin manta kince bazaki mutu kibar daddynki ba tare zamu mutu?"Alhaji Abba babu kalar allashin da baiyima Meenal ba dan ta bud'e amma tak'i,gashi ta dage sai kuka take kamar wadda ranta zai fita,hajiya Mariya ko babu yadda batai da daddyn meenal ba akan yazo yaci abinci ya barta zata gaji tai shiru,amma k'arshema fad'a yarufeta dashi dole tayi shiru ta tafi tabasu waje.
Abu kamar wasa har akai sallar la'asar amma meenal batabar kuka ba kuma bata bud'e k'ofar ba,nan fa hankalin alhaji Abba ya gama tashi.Wayarshi ya ciro ya kira alhaji,alhaji na d'agawa daddyn meenal cikin alamun tsantsar damuwar da yake ciki ya ce"Alhaji Wallahi tunda kabar gidannan Meenal tarufe kanta ad'aki take kuka ,anyi-anyi tak'i bud'ewa wai sai kazo kace mata anfasa auran nan sansan zata bud'e, dan Allah alhaji kayi wani abu idan bahaka ba yarinyar nan zata iya shiga wani halin,Wallahi yanzu haka bakaga yadda ta fita hayyacinta ba"Alhaji shiru yayi dan shi kanshi saiyaji badad'i jin gudaliyar jikarshi tana cikin wani hali,hakan yasa ya ce"Shikenan bari inzo gidan"alhaji Abba na cewa haka ya kashe wayar.



Daddyn meenal har bakinsa narawa wajan lek'awa ta window yana cema meenal,"Meenalyna kinji munyi waya da alhaji yanzu zaizo dan Allah ki bud'e min kinji "Meenal ka fad'a ta mak'ale alamun bazata bud'eba,alhaji Abba zamewa yayi ya zauna bayan window yana mai sauraran zuwan alhaji.
Alhaji Abba nanan zaune alhaji ya shigo shida hajiya Mariya,alhaji k'arasawa yayi jikin window yana ma meenal kallan mamakin yadda take kuka kamar wadda iyayanta suka mutu,daddyn meenal ko yana ganin alhaji ya tashi da sauri yana cewa"Yauwa Meenalyn daddy kinga alhaji yazo ko tashi ki bud'e min dan Allah" Meenal cikin kuka ta ce"Bazan bud'e ba har sai alhaji ya ce ya fasa min wannan auran sannan ,idan kuma ba hakaba Wallahi anan zanta zama babu ci babu sha har in mutu..........✍️



📚 MEENALYN DADDY 📚
🔔📚
*JARUMAI WRITER'S ASSOCIATION📚*
_{Marubuta masu aiki da jarumta domin wa'azantawa ilimantarwa, nishad'antarwa tare da fad'akarwa da jama'a bisa harshen hausa}_
https://m.facebook.com/story.php?story_fbid=337435884671992&id=103920888023494&sfnsn=mo

*⚜️©J.A.W📚🖌️*


Na
Fadila Sani Bakori.



Page 23 & 24




Meenal cikin kuka ta ce"Bazan bud'e ba har sai alhaji ya ce ya fasa min wannan auran sannan,idan kuma ba haka ba Wallahi anan zanta zama babu ci babu sha har in mutu kowama ya huta inda abin hakane"
Daddyn meenal cikin rud'ewa ya ce"Alhaji kaji ko abinda tace,dan Allah kataimakamin afasa wannan auran."
Alhaji Abba ya idasa maganar yana rik'e da hannun mahaifinsa kamar zaiyi kuka.
Alhaji shiru yayi baice komai ba sai zuwa can ya ce"Sani ka yi hak'uri inajin kunyar sarki,bazan iya zuwa insanar da shi abinda kakeso ba,muyi ta addu'a Allah ya karkato da hankalinta kafin lokacin bikin."
Daddyn meenal cikin marairaicewa ya ce"Alhaji ni zanje zansanar da sarki da kaina"Bazai yuwu ba Sani,addu'ar dai ita zamuyi Allah ya juyomana da hankalin Amina kafin bikin"




Meenal da tayi tunanin abinda tace zaisa alhaji ya janye maganar fasa auran,amma sai taji kuma yana cewa wai suyi addu'a Allah ya juyo da hankalinta,meenal rugawa tayi da gudu ta d'akko wata k'aramar wuk'a tasa dai-dai wuyanta tana cewa"Daddy shikenan kashe kaina zanyi yanzu nan ,dan wallahi bazan zauna da ranar d'an kyauye akaina ba,gara in kashe kaina kowama ya huta kafin inga wannan bak'ar ranar"Meenal ta fad'i maganar tana d'ora wuk'ar awuyanta alamun zata yanka.
Daddyn meenal fasa kuka yayi jikinshi ko ina yana rawa yana cewa"Alhaji dan Allah kataimake ni dan Allah! dan Allah!!"
Alhaji ganin yadda jikin Alhaji Abba ke rawa abin sai ya bashi tsoro,hakan yasa bawai dan yaji tsoran abinda Meenal zatayi ba dan yasan k'arya take baban take godawa.Alhaji ajiyar zuciya ya sauke sannan ya ce"Shikenan gobe zanje in yima sarki magana abashi wata yarinyar"Alhaji na fad'in haka ya juya ya tafi.




Daddyn meenal cikin k'osawa ya ce"Yauwa meenaln daddy kinji dai alhaji ya fad'a da bakinsa aje wuk'ar dan Allah ki bud'emin kinji".Meenal turo baki tayi sannan ta aje wuk'ar ta bud'e d'akin.Meenal na bud'e d'akin daddyn meenal ya shiga da sauri ya rungune Meenal yana mai sauke ajiyar zuciya yana mai bubbuga bayan meenal d'in.Sun dad'e ahaka sannan Alhaji Abba ya kamo hannunta ya ce" mu je kici abinci"




Alhaji Abba a caution d'in falonshi ya zaunar da Meenal ya shiga kitchen da kanshi ya d'ebo mata taliya ya kawo mata.
Kasan cewar Meenal yunwa takeji hakan yasa ta amsa taci,tana gama ci baccin wahalar kukan da tayi ya kwasheta,sanna Alhaji Abba shima ya tashi yaje ya gabatar da sallolonshi "





B'angaran alhaji ko,hajiya Mariya ganin yadda ya fito jikinshi asanyaye yasa cikin sanyi tabi bayan shi tana cewa"Alhaji lafiya kuwa?"
Alhaji kamar ba zai yi magana ba ,sai kuma ya tsaya yana kallan Mommyn meenal ya ce"Mariya ke ma baki son auran Amina ko?"
Shiru hajiya mariya tayi tana tunanin abinda zatacema alhaji,sannan ta ce"A'a alhaji bawai bana so bane,kawai ina tunanin yadda Meenal ta saba rayuwar nan kuma ace ta koma rayuwar kyauye,sannan kuma mahaifin Meenal yariga ya shagwab'a Meenal da yawa bazata iya bibiyayya wa mijinta ba,garama idan ta auri Wanda ta ke so k'ila tayi biyayya tabishi,amma wannan kamma ina hangyan zamanda za ai"
Shiru Alhaji yayi sannan ya ce"Eh tom Mariya maganarki hakane,amma yaran nan yace ba'a kyauyansu zai ajeta ba,magabar so kuma ke kina ganin da akwai Wanda Amina zata so,yarinyar da kullum kallan kanta take kamar wata jinjira"Shiru Alhaji yayi kamar mai tunani,sannan zuwa can ya ce"Mariya ki sanar da Sani maganar auran Amina na nan,dan bazan iya tunkarar sarki ba da maganar warware auran nan gaskiya,ita kuma Aminar ina tunanin aci gaba da b'oye mata har izuwa ranar bakin,ni kuma zanci gaba da addu'a kuma sai ku tayani Allah ya karkato mana da hankalinta akan al'amarin"
Mommyn meenal cikin sanyi ta ce "Tom insha Allah za'ayi."





Meenal na tashi bacci ruwa ta watsa ,sannan ta koma wani baccin inda dama hutun sallah take"




Da daddare alhaji Abba na zaune falonshi yana kallo Hajiya Mariya ta yi sallama ta shiga.Bayan hajiya Mariya ta zauna da d'an jimawa sannan ta kalli daddyn meenal ta ce"Daddyn Meenal alhaji ya bani sak'o in baka"
Alhaji Abba maida hankalinshi yayi ga Hajiya Mariya alamun inajinki.Hajiya Mariya cikin sanyi ta fara magana kamar haka"Daddyn Meenal sai dai muyi hak'uri kuma muyita addu'a Allah ya sa haka shi yafi alkairi,d'azu Alhaji yacemin maganar auran meenal da yaran nan tananan,amma wai mu b'oyema meenal har sai ranar bikin ta sani"
Shiru Alhaji Abba yayi dan yama rasa abinda zai ce,sai zuwa can ya ce"Amma baki tunanin halinda Meenal zata shiga tana mai sa ran anfasa auran nan gaba kuma sai dai taji an d'aura mata aure da yaran nan?" "Tom daddyn meenal maganar halinda Meenal zata shiga ni sai inga sai dai muyita addu'ar Allah ya tabbatar mana da abinda yafi alkairi amm...."Alhaji Abba cikin jin zafi ya katse mommyn meenal ya ce"Mariya wata kalar magana kikeyi haka,Allah ya tabbatar mana da alkairi kinsan dai yaran nan bazai tab'a zama alkairi ga meenal ba, dan haka idan zaki addu'a kice Allah yasa afasa kawai bawai Allah ya tabbatar da alkairi ba,alkairin me?,wana alkairi wannan yaran yake dashi?,nifa dama kallo d'aya na yi ma yaran naji bai min ba." "A'a daddyn meenal dan dai baima meenal bane,amma gaskiya Abdurrahman nada hankali da natsuwa,danni Wallahi lokacin da naga yaron banzaci a kyauyan yake ba ma,amma da meenal zata kwantar da hankalinta inda ba a kyauyan zai ajetaba sai inga da...."Tsawar da daddyn meenal yayi ma mommyn meenal ce tasa tayi shiru bata k'arasa fad'in abinda take fad'a ba.




Alhaji Abba cikin alamun jin zafn Hajiya Mariya ganin bata goyan bayan meenal ya ce "Mariya Wallahi na fara tunanin da had'in bakinki za ai ma Meenal auran nan,dan haka indai kinsan dasa hannunki akan maganar nan tun wuri kafin in ganoki ki cire hannunki,kuma yadda ki kai aka had'a kiyi yadda zaki a raba,Meenal nawa take da ake k'ok'arin sata cikin wannan tashin hankalin."Alhaji Abba kamar wani zararre yazo ya kama hannun mommyn meenal yana cewa"Mariya na rok'eki idan kina da sa hannu a maganar nan dan Allah ku janye,kuji tausaina nida meenal,meenal shekarunta sunyi kad'an da zata fara fuskantar tashin hankali irin wannan."
Hajiya Mariya shiru tayi tana kallan daddyn meenal dan tsakanin shi da Allah yake magana,hajiya Mariya cikin sanyi ta ce"Daddyn meenal Wallahi Allah d'aya bana farinciki da auran nan na Meenal,hasalima hankalina atashe yake, amma da alhaji yayi min bayani shine hankalina ya kwanta har ma ke ganin kamar koda had'in hannuna za ai hakan,karfa ka manta nina haifi meenal taya zan so abinda nasan meenal bazata so shi ba.Abinda na ke tunani shine inda har yace ba akyauyansu zai ajeta ba babu wani makusa alamarin inda....."Alhaji Abba hannu ya d'aga ma mommyn Meenal ya ce"Je ki kawai ."
Dan sosai ranshi ki b'aci idan tana yabon d'anjuma.


Hajiya Mariya fita ta yi batare da tak'ara magana ba.




Haka Rayuwa taci gaba da tafiya batare da meenal tasan ba awarware auranta ba,inda alhaji Abba ko kullin cikin fargaba yake da tsoran halinda meenal zata shiga aduk lokacin da taji za'a d'aura auranta da d'anjuma"



B'angaran d'anjuma ko shi da sarki suke shirye-shiryansu inda shima iyayanshi bason auran nashi suke ba.
Haka rayuwa taci gaba da tafiya dan yanzu haka saura wata d'aya auran,sosai d'anjuma ke cikin damuwa da fargaba, saboda tun lokacinda akai maganar saranar shi da meenal har yau daga mahaifiyarshi har mahaifinshi babu Wanda ya kuma mai maganar auran,sai dai shi da sarki kawai suke shawarwarinsu,yanzu haka d'anjuma yazo gaida sarki ne bayan sun gaisa har d'anjuma zai fita sarki ya kirashi ya ce "Abdurrahman yaufa saura kwana ashirin da bakwai bikinka ,ya maganar lefan ,ka gama had'awa inda kace saura kad'an?."
"Eh sarki nagama ."maganar wajan zama fa inda dai ka amsa ma alhaji zaka ajeta a Funtua."Cewar Sarki.
Shiru d'anjuma yayi sannan ya ce "Eh dama da akwai wani gida da nakeso in kama haya sai in ajeta nan,tom amma Baba nake tunanin ba zai yadda ba."
Sarki gyara zama ya yi ya ce " Kaje ka kama hayar zanma mahaifinka maganar anjima idan yazo duk da banso na kuma yi mai maganar ba har izuwa ranar d'aurin auran,saboda tunda akasa ranar nan bai kuma zuwa yayimin maganar ba,amma ni zanmai anjima idan yazo."
D'anjuma cikin jin dad'i ya ce"Yauwa idan kaine nasan bazai musaba."




Kamar yadda sarki yace haka ko akai,da daddare mahaifin d'anjuma da yaje gaida sarki ,sarki ke sanar da shi maganar kama hayar da d'anjuma zaiyi a Funtua.mahaifin d'anjuma "To"kawai ya iya cewa,dan bazai iya yima mahaifinshi gaddama ba,yana komawa gida yasanar da mahaifiyar d'anjuma abinda sarki yace mai,aiko nan mahaifiyar d'anjuma tanuna bazata yadda ba,suna cikin maganar ko Allah ya kawo d'anjuma.
Mahaifiyar d'anjuma kallan d'anjuma tayi ta ce"Nasan kai ka sa sarki ya sanar da mahaifinka a Funtua zaka zauna,saboda ita yarinyar bazata iya zama a mahaifarka ba,tom ka bud'e kunnanka da kyau kaji idan har bazaka ajeta garin nan ba,sai dai ka fasa auranta,ka naimi wadda zata iya zama damu,dan bazaka jamana surutun jama'a acikin garin nan ba,tunda ka ke garin nan ka tab'ajin wanda yayi aure bai fara aje matarshi gidansu ba,koda zai ajezata agidansa saninkanka ne sai ya barta agidansu tayi kamar shekara ko k'asa da haka sannan ko zai fidda ta gidansu,amma kai gaba d'ayama garin zaka bar da ita,tom Wallahi banyarda ba , sarki kuma zanje in sa mai muyi magana wata k'ila ya manta al'adar garin nan ne."
D'anjuma dai baice komai ba,dan yadda mahaifiyarshi ta d'auka da zafi haka yasan saukarta sai Allah,gashi duk yadda takejin kunyar sarki ko magana akan abinda ya shafai kasan cewar shi d'an fari amma tana maganar zataje tayi magana da sarki,gashi tabbas sarki na kunyar mahaifiyarshi sosai yadda take darajashi yasan babu yadda za ai yak'i buk'atarta,tom amma indai hakane sai dai in tayi hakane dan afasa auran inda itama tasan meenal bazata tab'a iya zama a kyauyan nan ba,mahaifintama yasan bazai bari ba.
Mahaifin d'anjuma tsawa ya dakama d'anjuma ya ce "Bamu waje ka tsayama mutane akai!"
D'anjuma da yashiga duniyar tunani da sauri ya d'ago yana kallan iyayannashi da yake hango tsantsar k'iyayar auranshi da su ke.Fita ya yi ba tare da yace komai ba.




B'angatan daddyn meenal ko yau alhaji ya aiko yana son ganinshi shida hajiya Mariya.
Da daddare alhaji Abba ya d'auki hajiya Mariya suka je Kiran alhaji,bayan sun gaisane alhaji ya ce "Sani dama nakirakune in tunasar da ku yau saura kwana goma sha shida d'aurin auran Amina,kuma naga har yanzu baku sanar da kowa ba kamar ma baku da niyyar yin hakan?"
Daddyn meenal shiru yayi dan tashin hankalin da yake jin shi ciki ba'a magana.
B'angaran hajiya Mariya ma haka take,shiru tayi dan batasan mai zata ce ba,yan'uwanta ko daddyn meenal ya hana ta sanar da mutane dan yace hakan zaisa meenal taji,tom gudun rigimar alhaji Abba yasa hajiya Mariya taja bakinta tayi shiru,amma tasanar da yayarta da k'anwarta suma kuma sai da ta gargad'esu su yi shiru.Alhaji ko jin sun mai shiru ya ce"Mariya bakujina ne,nace yau saura kwana goma sha shida d'aurin auran Amina,amma buku cemin komai ba,sannan zuwa yanzu ya kamata ace kun sanar da Amina dan banga amfanin b'oye-b'oyan ba."
Sai anan daddyn meenal ya d'ago ya kalli alhaji ya ce"Alhaji dan Allah ina rok'onka alfarma naji na yadda ka aurama meenal yarannan,amma dan Allah dan annabi inaso ab'oyema meenal maganar nan har sai an d'aura aure ni zansan yadda zanyi in sanar da ita,sannan bana buk'atar aimin taro agida saboda yin taron zaisa meenal ta fahimci abinda akeyi dan Allah ataimakamin aimin haka."
Alhaji kallan daddyn meenal yayi ya ce "Sani ko mutuwa anatara mutane bare kuma taron biki taron farinciki,amma saboda b'acin ran Amina kace baza ai ba,tom ba zaiyuwu ba."
Daddyn meenal ajiyar zuciya ya sauke sannan ya ce "Alhaji bawai bana son tara mutane bane saboda b'acin ran meenal a'a,bana son tara mutane ne saboda sanin halin meenal da nayi zatayi abubuwan da mutane zasu tashi da ita,sai inga gara duk abinda za tai da haukar da za tai ace muka d'ai mukaji muka gani ,shine kawai dalilina."
Shiru Alhaji yayi yana tunanin maganar daddyn meenal,sannan ya ce "Eh nagamsu da maganarka,bayan biki sai aba mutane hak'uri"Shiru alhaji yayi sannan yaci gaba da cewa"Dama maganar da nakiraku muyi kenan,ku tashi kuje Allah yayi muku albarka."Daddyn meenal cikin sanyi ya ce "Ameen"



Daddyn meenal bayan sun dawo gidane ya kalli Hajiya Mariya ya ce "Mommyn meenal nama rasa abinyi game da lamarin nan,wallahi ji nake kamar in gudu kafin bkin ayi komai ba'agabana ba,dan bana son ganin halinda yarinyar nan zata shiga"
Hajiya Mariya kallan alhaji Abba tayi ta ce "Daddyn meenal nifa bana ganin auran nan na Meenal zaije ko ina saboda meenal dai batasan wani abuba waishi biyayya ,garashin kunya daga yaron har iyayan yaron bazasu laminci halin meenal ba,hakan yasa nake ganin abun babu inda zaije ,dan haka ka kwantar da hankalinka mu zubama abin ido muga yadda Allah zaiyi da ikonshi,amma tabbas nikam zanso meenal tayi biyayya ta amshi auranta hannu biyu,amma nasan hakan ba zai yuwu ba.........✍️



Zan rik'a fashin kwana d'aya a posting,mana idan nayi posting yau ba zanyi gobe ba.



📚 MEENALYN DADDY📚
🔔📚
*JARUMAI WRITER'S ASSOCIATION📚*
_{Marubuta masu aiki da jarumta domin wa'azantawa ilimantarwa, nishad'antarwa tare da fad'akarwa da jama'a bisa harshen hausa}_
https://m.facebook.com/story.php?story_fbid=337435884671992&id=103920888023494&sfnsn=mo

*⚜️©J.A.W📚🖌️*


Na
Fadila Sani Bakori.



page 25 & 26.




Hajiya Mariya kallan alhaji Abba tayi ta ce "Daddyn meenal nifa bana ganin auran nan na meenal zaije ko ina,saboda meenal dai batasan wani abuba wai shi biyayya ,ga rashin kunya,hakan yasa nake ganin daga yaron har Iyayan yaron bazasu laminci halin meenal ba,hakan yasa nake ganin auran babu inda zaije ,dan haka ka kwantar da hankalinka mu zubama abin ido muga yadda Allah zaiyi.Amma tabbas nikam zanso meenal tayi biyayya ta amshi auranta hannu biyu,amma nasan hakan ba zai yuwu ba."
Alhaji Abba dai bai tankaba dan tuni ya lula duniyar tunani bajin abinda mahaifiyar meenal tace yayi ba ma.





Haka rayuwa taci gaba da tafiya meenal batasan da maganar auranta nanan ba.
sauran sati biyu bikin meenal ta fara practical a asibitin da daddynta ke aiki.Yau
ya kama saura kwana goma d'aurin auran kamar yadda suka tsayar,yau ne kuma sarki yayima alhaji maganar suna nan zuwa,sosai alhaji yayi mamakin jin zasuzo amma sai bai ce komai ba yayi musu fatan zuwa lafiya .Alhaji daddyn meenal ya Kira awaya ce yasa mommyn meenal tayi girki da yawa masu auran Amina ne zasu zo.Daddyn meenal to ya ce sanan ya Kira hajiya mariya awaya ya sanar da ita.




Sarki su uku sukazo shida k'annan mahaifin d'anjuma.Alhajima kafin su iso ya kira aminin mahaifin meenal ,wato alhaji Kabiru dama alhaji ya sanar da shi maganar auran meenal.Bak'i ko tun kafin su iso alhaji yasa aka kawo musu abincin da akai musu .
Bayan sun gamacin abincin ne an gaggaisa Sarki ya ce tom dama dai akan maganar bikin nan ne naga lokaci ya k'arato nace bari inzo muyi magana,Abdurrahman ya gama kammala kayan lefe,gidama ya kama haya acikin Funtua kamar yadda yayi alk'awari kafin Allah yasa yayi nasa,tom amma dai dalilin zuwana shine tom kasan mu mutanan kyauye da al'adu kala-kala,wato yau kwana bakwai kenan da Abdurrahman yake sanar dani wai mahaifiyarshi tace bata yadda ya aje Amina Funtua ba sai yayi kamar yadda akeyi,wato mu acan yaro ko da ya gina gida tom ba zai aje matar can ba sai ya fara ajeta gidan iyayanshi sannan koda zai ajeta gidan shi,tom shine kar kukaga abu ba yadda mu kaiba da yake ni namamanta da wannan al'adar tamu shine nazo in sanar da ku,Amina zata fara zama agidan su Abdurrahman koda na sati biyu ne dole abisa al'adar wajanmu kafin ta tare gidanta da mijinta."
Murmushi alhaji yayi yace mata kenan masu rik'o da al'ada,ai inda wannan ne bakomai ,ni Wallahi al'adar sai ta burgenima ankoyama yaro abinda bai iyaba ai,kuma yaro ya saba da surikanshi sosai,gaskiya hakan yayi kuma babu komai,ai ni da kasanar da ni aida bakazo ba,yanzu dan wannan maganarce kawai ka kwaso jiki kazo?."
Dariya sarki yayi yace wallahi Abdurrahman ne ya matsamin wai sai dai inzo in sanar da kai."Abdurrahman kenan ya kwantar da hankalinshi babu komai zai auri Amina insha Allah,wannan ai ba komai bane,ni hakanma yayimin dai-dai ta saba da surikannata da sauran mutane ai kafin su tashi."Cewar alhaji.
Sarki sosai yaji dad'in hakan,godiya sosai yayima alhaji ya ce "Alhaji mungode da wannan k'yauna da kake nunamana,kuma insha Allah nayi maka alk'awari kamar yadda kayima Abdurrahman hallacin wannan auran baka duba matsayishi ba,tom insha Allah shi kuma zai saka maka na rik'e Amina tsakani da Allah."
Alhaji ma sosai yaji dad'in furucin sarki,ya ce "Nagode da wannan albishir d'in,yanzu idan kun koma ana gobe d'aurin aure ko jibi dan Allah ku sanar da Abdurrahman ina son ganin shi kafin bikin."




Haka Sarki suka koma gida,duk da alhaji yayi-yayi su kwana sunk'i.




Yau saura kwana bakwai d'aurin auran d'anjuma da meenal, yau ne kuma alhaji yayi Kiran hajiya Mariya da alhaji Abba.
Alhaji Abba kuwa zuwa yanzu ba k'aramin rama yayi ba,dan har meenal takan tasashi da tambaya tana cewa daddy yanzu kabar fira dani, kabar yawan magana,kabar yawan dariya.Alhaji Abba sai dai yayima meenal dariya yace aikine sukai mai yawa,meenal tun tana tanbayar mahaifinnata har ta bar tan bayarshi tayi shiru,idan kuma ta tambayi mommynta sai ta ce mata meenal duk halinda kikaga daddynki ciki akanki ne,ni dai abinda nikeso da ke duk radda mahaifinki ya naimi kemai wani abu tom