You Cannot Download this book untill you login but you can read it .

---

Login Register

furta haka ma sai munyi ba dad'i,shine nazo nasan kai in kayi mai magana zaiji kace mai dole meenal ta rik'a tayani aikin gida ko asamu ta iya wani abun daga cikin aikin gida"Shiru hajiya Mariya ta yi ta d'an numfasa sannan ta ce"Tom Alhaji wannan ita ce buk'atata dan Allah".



Kakan meenal tashi ya yi daga shingid'an da yake ya ce"Wai Mariya kina nufin Amina bata iya komai ba na aikin ku mata?"."Wallahi Alhaji bata iya komai ba,shara wanan, Allah tunda meenal ta isa hankakinta banta b'a ganin tayita ba da idona ba,tun abin baya damuna nikam yanzu har yafara damuna".
"To shi Sani in banda abin shi haka zai d'auki "'yar ya kaita gidan aure bata iya komai ba,tom ki barshi dani ,bari Sule yazo zansa ya kiramin shi".
Hajiya Mariya godiya ta yi ma sirikinnata sosai sannan ta tashi ta tafi"




Sule mai kula da Alhaji wato kakan Meenal yana zuwa Alhaji ya sashi ya kira mai Alhaji Abba awaya ya ce daga ya tashi aiki ya biyo Alhaji nason ganin shi".



Aiko haka akayi Alhaji Abba na tashi aiki ya je Kiran Mahaifinnasa, dama kuma dai kullum sai ya laik'a Mahaifinasa.Bayan sungaisa ne Mahaifin Meenal ya ce"Alhaji gani ance kana son ganina"
"Eh Sani ina son ganinka,d'azu Mariya tazo nan ta kawomin k'ararka kai da Meenal,taya zaka ce Meenal bazata rik'ataya Mahaifiyarta aiki ba,bakasan tana da hak'i akanta ba ne?,dan haka karka kuskura kajama yarinyarka fushin Allah,karik'a barinta tanayin aiki,kamar yadda mahaifiyarta tace ita macece nan gaba gidan wani zata,dan haka daga yau duk wani aiki su rik'ayi tare,idan ma ta kama ta hak'ura da makaratun ne tom ta hakura ta zauna ta taya Mahaifiyarta aiki, itama ta iya".
Mahaifin Meenal wato Alhaji Abba kallan Mahaifin nasa yayi ya ce"Alhaji meenal fa yarinya ce ,taya za'ace ta had'a karatu da aiki,bazata juri aiki irin wannan ba,inda ba sabawa tayiba.Sannan tunda Mariya tayi min maganar zata takatar da masuyi mata aiki nahanata,gudin haka,amma saboda wata hujja tata ta banza da ta tsiro da ita tak'iji ,shine yanzu aiki yayi mata yawa zata d'orama Meenal".
kakan Meenal da tunda Abban meenal ya fara magana yake kallan shi,har ya kai k'arshe,cikin sanyin shi,dan shi ko fad'a zaiyi cikin sanyi yake abinsa,ya ce"Sani dole meenal ta yi aikin gida kamar yadda mahaifiyarta ta buk'ata ,zaka iya tafiya".
Alhaji Abba ya dad'e bai iya k'ara cewa komai ba sannan yayi k'arfin halin cewa"Shikenan Alhaji zatayi,zan tafi babu abinda kake buk'ata?"."Babu Allah yayi maka albarka "cewar Alhaji wato kakan Meenal"


"Ameen"Mahaifin Meenal ya ce ya tafi.


Sosai ran alhaji Abba ya b'ace da abinda hajiya Mariya ta yi mai,yana shiga gida hajiya Mariya ta lura da yanayin shi tasan Alhaji ya fad'a mishi,dama kuma tunda taji shi shiru ta yi tunanin hakan.
Meenal ko da ke zaune tana aikin buga game awayarta ,aje wayar tayi tana mai yin welcoming din daddynta.Alhaji Abba hannun meenal ya kama suka zauna.
Hajiya Mariya cikin sanyi ta ce"Barka da dawowa daddyn meenal""Uhm"Alhaji Abba ya iya ce mata kawai.
Meenal ma ganin haka tasan yau an tab'a daddynta hakan yasa cikin sanyi ta ce." Daddyna waya b'atama rai?".Meenal tayi maganar tana kamo fuskar shi abin gunnin mamaki.
Alhaji Abba Mahaifiyar meenal ya nuna ma meenal ya ce"Kin ganta meenalyn daddy bata son farincikina".Meenal cikin sanyi ta ce"Daddy mai tayi ma?".Alhaji Abba murmushin takaici yayi sannan ya ce"Meenal ta had'ani da Alhaji wai sai dai ki rik'a tayata aiki"."Wallahi daddy bazanyi b...".Alhaji Abba saurin rufe bakin meenal yayi dan karta idasa fad'in abinda take cewa,ya ce" Yi hak'uri Meenalyn daddy karki rantse kinji,ki yi hakuri kina kallon yadda take aikin,ahakama zaki iya,basai kin amsa kinyi ba ".Meenal kuka tasa tana cewa"Daddy inje school in dawo inyi aiki Allah bazan iya ba ni kam bazanyi ba". Alhaji Abba hannun meenal ya kamo ya shigar da ita side d'in sa ,cikin falonsa suka zauna ,cikin lalla shi ya ce"Meenalyn daddy tausayin daddynki zakiji ki yi badan Mommynki ba,kinga Alhaji zai iya fushi dani".Bud'ar bakin meenal sai cewa ta yi"Yo daddy ya dad'e bai yi ba,ba shi ya sani b..." .Alhaji Abba rufe bakin meenal ya yi ya ce"Meenalyn daddy Mahaifina ne fa,ni dai dan Allah ki tai maka kirik'a ganin yadda ake girkin zanma rik'a biyanki ba kyauta ba zaki yi".meenal dai turo baki ta yi bata ce komai ba,haka Alhaji Abba ya yi ta rok'on meenal daga k'arshe dai sai da ya yi kamar zaiyi kuka ta yadda,amma fa ta d'auki matakan yak'i da Mommynta dan acewarta bata sonta .Niko abin ta kaicima ya ke ban dan tab'arar tayi yawa"

.

Ranar dai abincin da Hajiya Mariya ta yi daga Alhaji Abba har meenal babu wanda ya kallai dan dukkan su fushi suke da ita.Tsaddan restaurant Daddyn Meenal ya kaisu sukaci abinci"


Washe gari takama Weekend ,hajiya Mariya da wuri taje ta tada Meenal,Meenal da ke kan duniyar bacci kallan Hajiya Mariya ta yi tana turo baki ta ce"Lafiya".",Tashi zakiyi muje kifara gani inda kice bazaki ba,naji ki kallama ya wadatar "cewar Mahaifiyar meenal. Meenal turo baki tayi tana k'unk'u nai ta ce" Tom kije ganinan zuwa"."Tashi zakiyi muje ".


Meenal sakkowa tayi tana mai bin bayan hajiya Mariya tana mai goge hawayan da ya fara zubar mata.


Hajiya Mariya cigaba tayi da gyaran falon da tafara ta tuna bata tada Meenal ba.Hajiya Mariya tanayi tana surutu ,kinga idan kika fara share duster d'in sanna sai ki share ki goge,duk abinda hajiya Mariya za ta yi tanayi tana magana,irin dai na masu koyama mutum abu.Meenal ko kallanta kawai take da na goge hawayan da ke zubar mata akai-akai. suna gamawa hajiya Mariya ta kalli meenal da yanzu tabar kukan sai dai baki da ta turo ta ce"Yauwa Meenalyn daddy ba gashi har mun gamaba,yanzu saura mana mu had'a breakfast".


Nan ma dai haka meenal ta bi Mommynta tana turo baki,ahaka dai suka dama kunun gyad'ar da suka dama ,ana cikin dama kunun ne Alhaji Abba ya shigo kitchen d'in,cikin fad'ad'a murmushin shi ya ce"Sannu da k'ok'ari meenalyn daddy".meenal turo baki tayi bata tanka ba.
Hajiya Mariya kallan Alhaji Abba tayi ta ce"Barka da safiya daddyn meenal".
maimakon alhaji Abba ya amsa hannun meenal ya kamo ya ce"Tom aikin ya isa haka muje ki huta".


Meenal hannun daddynta ta rik'e suka tafi suka bar Hajiya Mariya nan ,hajiya Mariya da kallo kawai da bisu taci gaba da aikinta.Alhaji Abba kallan Meenal yayi ya ce"Jeki shirya meenalyna mu je muyi breakfast bama k'aracin abincinta sai dai taci ita kad'ai ki rabu da ita karma ki k'ara b'ata ranki ko kiyi kuka ".Meenal kallan daddynta ta yi tana goge hawayan jin dad'in son da daddynnata ke mata ta ce"Daddy me yasa mommy da tafi sona yanzu ta ke min haka ne?".Alhaji Abba goge ma meenal hawayan da ke zubar mata ya yi ya ce"Ki yi hak'uri kinji meenalyna ni bagani ba kuma ina sonki,kibarni da ita zanyi maganinta kwanannan,maza kije ki shirya muje muyi breakfast".



Meenal cikin jin dad'in daddynta yace zaiyi maganin takurawar da Mommynta ke mata ta shirya da wuri.Haka suka zo suka wuce hajiya Mariya da ke zaune daga gani jiran fitowar su take suyi break tare,amma sai ta ga sun fita.



Alhaji Abba restaurant d'in jiya da ya kai Meenal su kai breakfast,can ya kaita yau ma,sai da suka yi breakfast d'insu sannan suka koma gida "



BAYAN SATI D'AYA.
Gaba d'aya satin nan haka hajiya Mariya ta yi shi duk ba dad'i dan tagaji da fushin da Meenal da daddynta su ke yi da ita,gashi aikin ma Meenal ba wai yi take ba sai dai tai mata tsaye akai dan ita bata ce tanama fahimtar abinda take koya mata ba.
Fushin da Daddyn meenal ya ke yi da hajiya Mariya sosai abin ya fara damunta hakan yasa yau da daddare bayan meenal sun rabu da daddynta ta kwanta ,hajiya Mariya ta turo d'akin Meenal d'in ta shiga,kamar ko yadda ta zata zaune ta iske Meenal d'in tana game awayarta.
Meenal najin sallamar hajiya Mariya ,kamar bazata amsa ba ,sai kuma ta amsa ciki-ciki,amma ko tad'aga kai ta kalleta.
Hajiya Mariya amshe wayar hannun Meenal ta yi.meenal turo baki tayi sannan ta juya zata kwanta,hajiya Mariya da sauri ta rik'o Meenal tana cewa"Haba meenaly daddy da mommynki kike fushi?,dan nace ki koyi aikin gida ne kike fushi dani keda Abbanki ko,tom indai hakane kisha zamanki daga yau ni kad'ai zan rik'a aikina shikenan ko ?".
Meenal turo baki tayi ta ce"Tom ba ke bace yanzu kin canza".Murmushi hajiya Mariya tayi ta ce"Meenal ba canzawa nayi ba bakudai fahimtan bane keda daddynki shi yasa"."Ni kam Mommy indai kina son mushirya sai dai ki dawo kamar da ".Shiru hajiya Mariya ta yi sannan ta ce"Tom meenalyna na daina ,mun shirya ko?".Meenal rungume hajiya Mariya ta yi ta ce"Yauwa mommyna har naji dad'i".
Murmushi hajiya Mariya ta yi ,ta ce"Meenal kenan,ke kikasa daddynki ya yi fushi dani ko?"."A'a mommy Allah babu ruwana ".


Murmushi hajiya Mariya ta yi ta ce" Tom ki aje game d'in ki kwanta ki yi bacci".Hajiya Mariya nakaiwa haka ta tashi tajama ma Meenal k'ofa,ta nufi bedroom d'in Alhaji Abba,koda taje ya rufe k'ofar shi hakan yasa sai da ta bubbuga Alhaji Abba da har bacci ya fara d'aukar shi ya ce"Waye"yana sane yace haka dan yasan ba meenal ba ce.
Hajiya Mariya kamar karta tanka dan tasan yana sane da ita ce,amma sai ta daure ta ce"Daddyn Meenal ka bud'e ni ce" Alhaji Abba tashi yayi ya bud'e ,yana kallan hajiya Mariya kallan har yanzu fa ina fushi dake.Hajiya Mariya kutsawa tayi ta shiga .Alhaji Abba kallanta yayi ya ce"Zan kwanta ne lafiya?".Shiru Hajiya Mariya tayi sannan ta ce"Ka zauna mana,magana zamuyi"Alhaji Abba zama yayi ya ce"Inajinki?".
Hajiya Mariya cikin siririyar muryarta ta fara magana kamar haka"Yanzu daddyn meenal fushi kake dani dan nasa meenal aiki?,Shikenan insha Allah daga yau bazan kuma sata ba".Alhaji Abba cikin d'aga murya alamun yaji zafin abinda mommyn meenal ta yi ya ce"Eh Mommyn meenal fushi nake da ke kamar yadda kika ce,akan me na d'aukar miki masu aiki ki koresu kice ke sai dai meenal ce zata ta ya ki,tom da me zataji da karatun da takeyi koko da aikin gida zataji!?".Numfasawa mommyn Meenal tayi sannan ta ce"Shikenan daddyn meenal ai ya wuce dan Allah kayi hak'uri insha Allah hakama ba zai sake faruwa ba duk yadda kace haka za'ai".Murmushi Alhaji Abba yayi ya ce"Yauwa,bawai bana son Meenal ta tayaki aiki bane,a'a nafi son sai ta gama karatunta kar abin yayi mata yawa".Dariya hajiya Mariya tayi ta ce"Tace tom ai shikena,ni kunsa duk na rame kai fushi meenal fushi.Memakon ko kaine kaji tausaina,amma kaziga 'yarka kuka had'emin kai kuka sani gaba,tom nadai janye".
Dariya sosai Alhaji Abba yayi ya ce "Yauwa mommyn meenalyna koke fa,amma nima fa naga kamar kinrane da gaske ,kamarma hadda k'ashin wuya mugani" Alhaji Abba ya idasa maganar yana jawo mommyn meenal.Hajiya Mariya buge mai hannu tayi ta ce"Ni rabu dani tashi zanyi in tafi "Hajiya Mariya ta fad'i maganar tana tashi zata tafi.Alhaji Abba jawota yayi ta fad'o kanshi ya ce"Ai inkinga kin fita nan tom kin ba Abban meenal gamsassan hak'uri dan Wanda kikaban yayi kad'an "Alhaji Abba na fad'in haka ya had'e bakin shi da na Hajiya Mariya..............✍️




Yadda kike tunanin labarin ba haka yake ba sister bini ahankali😇😇😇



kada ku manta da akwai banous da zan saki , masu Comment ne kad'ai zasu samai


Shere & Comment please



📚 MEENALYN DADDY 📚
🔔📚
*JARUMAI WRITER'S ASSOCIATION📚*
_{Marubuta masu aiki da jarumta domin wa'azantawa ilimantarwa, nishad'antarwa tare da fad'akarwa da jama'a bisa harshen hausa}_
https://m.facebook.com/story.php?story_fbid=337435884671992&id=103920888023494&sfnsn=mo

*⚜️©J.A.W📚🖌️*
NA
Fadila Sani Bakori.



Page 5&6.




Washe gari ,hajiya Mariya da wuri ta tashi kamar yadda ta saba tashi ta shirya komai ta d'ora musu abin breakfast.Lokacin da Meenal da daddynta suka tashi hajiya Mariya ta kammala komai kamar yadda ta saba.
Yau cikin fira da tsokana Meenal suka yi breakfast da daddynta da mommynta.Sosai hajiya Mariya taji dad'in hakan,amma satin nan gaba d'aya da suka daina cin abincinta firama suka bar zama suy da ita'dan hatta kallo Meenal a Falon daddynta take zuwa tayi.Bayan sun gama karyawa Alhaji Abba ya d'auki Meenal ya direta a school d'in da take karatu sannan shima ya tafi wajan aiki"



ASALIN LABARIN.
Alhaji Abba shine d'aya d'aya tilo wajan mahaifin shi,hakan yasa mahaifin alhaji Baba wato kakan meenal,ya ba Alhaji Abba gata sosai,alhaji Abba na matakin k'arshe na karatu Allah yayi ma mahaifiyar shi rasuwa.
Tunda Mahaifiyar Alhaji Abba ta rasu hankalin Alhaji wato kakan Meenal ya koma akan Alhaji Abba yayi aure, dan dama tun da ran mahaifiyar shi taso haka Allah bai yi ba. Babu maganar da Alhaji wato kakan meenal bayi ma Alhaji Abba ba akan aure amma yak'i,hakan yasa sai ya fara bincikin abokan shi ko sun sa budurwar shi amma abin mamaki sai suka sanar da shi bashi da budurwa,dan shi alakacin babu abinda yakeso kamar karatun shi,gani yake yin budurwa kamar b'ata lokaci ne,hakan yasa ya maida hankalin shi sosai akaratu,har ya kammala ya samu aiki,amma babu maganar aure aran shi.
Atak'aice dai Alhaji wato kakan meenal ya sha fama sosai kafin mahaifin meenal yazo mai da maganar auran mahaifiyar meenal itama lokacin ansha karatu.Cikin k'ank'anin lokaci aka tsaidar auran su akayi,za'a'iya Kiran auran da auran tazurai.Mahaifin meenal ana d'aura auran shi da hajiya Mariya bai yadda ya kusanceta ba sai da ya kaita asibitin da ya ke aiki akai mata tsarin family planing,acewar shi sai sun mori k'uruciyarsu sannan ko zasu haihu.
Atak'aice dai ,sai da sukai shekara tara babu haihu,daga nan suka fara bin asibitoci ,amma za'a'iya cewa ba adace ba.Nan fa abin ya fara damun su. Suna shekara ta goma da aure Allah ya ba hajiya Mariya ciki.kalar munar da sukai da cikin nan ba'acewa komai.Nan da suka fara tarairayar cikin .
Wayyo Allah ranar da hajiya Mariya ta haihu sai da alhaji Abba yayi kukan dad'i ,tun daga nan fa ya d'auki son duniya ya d'orama babyn ,ranar suna taci sunan mahaifiyar shi wato Amina,sukarik'a mata lak'abi da Meenal ,alhaji Abba kuma yana kiranta da meenalyn daddy kamar wasa sunan ya bita.
Tsabar son da alhaji Abba da hajiya Mariya suke nuna ma meenal yasa duk abinda tayi basa ganin laifinta,gashi tun daga kanta hajiya mariya bata kara koda b'atan wata ba.Hakan yasa meenal ta taso a sangarce, babu mai kwab'amata,tom garama hajiya Mariya dake shiga cikin mutane tana ganin yadda iyaye ke iko da yaransu takanji dama ita,dan ita kome zatai ma Meenal bata isaba tasa ta daina abinda takeyi,hakan sai ya fara damunta,tom shine fa yanzu ta fara k'ok'arin gyarawa amma ina abin ya ci tura.
Wannan shine dalikin da Mahaifin Meenal ya d'auki son duniya ya d'aura ma Meenal ganin ita kad'ai gareshi,gashi yasha wuya sosai kafin susameta .Wannan kenan"



Tunda hajiya Mariya tabar sa Meenal aiki suka dawo kamar yadda suke da Meenal da daddynta,suka dawo kamar da.
Yau ta kama Weekend Alhaji Abba zaune suke shida iyalinshi suna fira Kira ya shigo wayar shi,Alhaji Abba shiru yayi yana sauraran Kiran da aka ce mahaifin shi na mai,cikin fargamar zarkin Kiran nashi da ya yi ya ce"Okey,gani nan zuwa yanzu".
Dama Alhaji Abba da shirinsa na fita,hakan yasa ya tashi ya nufi gidan Mahaifinsa da baida nisa da gidan shi.



Alhaji Abba zaune gaban Mahaifin shi,bayan sun gaisa ne,Alhaji Abba ya kalli Mahaifin shi ya ce"Alhaji gani".Shiru Alhaji yayi,wato kakan Meenal,sannan ya ce" Sani akan maganar da mukayi da kaine,yau kwana goma sha hud'u kenan"Numfasawa dattijon yayi sannan yaci gaba da cewa"Nagaji da zuwa nai man auran Meenal da akeyi wajena,nayi maka magana akan Yaron gidan Alhaji Musa,amma shiru Sani ba kaimin maganar ba har yau ,tom yau ya sake dawomin ".Alhaji wato kakan Meenal ya idasa maganar cikin damuwa.
Numfasawa Alhaji Abba yayi,sannaya ce"Alhaji yaron ne ban yadda da tarbiyar shi ba shi yasa kajini shiru ".
Alhaji kallan Alhaji Abba yayi kawai ya girgiza kai sannan ya ce"Sani fad'amin kai ne baka son aurar da Amina koko Aminar ce bata son yin auran inji,ina fa sane, rashin kula masu nai man auranta da bakayi ne yasa aka fara zuwa wajena naiman auran Amina".Alhaji Abba shiru yayi dan bai son abinda zai ce ba,shiko kakan Meenal jin haka sai cewa yayi,"Sani yau zan fad'a maka abinda baka sani ba,kuma itama Amina ina tunanin kai tayi gado inma ciwone ko kuma ra'ayi,wato Sani sai da nasa akai ta maka addu'a ana baka kana sha sannan nasamu hankalinka ya juyo akan maganar aure,sanin kankane abokanka babu Wanda baiyi aure ba sannan kayi,nasha surutun muta ne akanka,tom kadubafa kai namiji ne akaimaka shurutu ina ga Amina Amina fa mace, Allah ya yi Amina da farinjini amma kai da ita kunk'i,tom koma dai menene insha Allah abinda nayi maka shi zan mata,dan haka ka shirya kai da iyalanka zuwa gobe zamu je Katsina wajan Malam Abdullahi Wanda mukai karatu tare shine dama alokacin ya yi ta tofamaka addu'a aruwa ina kawoma kana nasha tom amma kai alokacin faka fashinci komai ba,kuma cikin yaddar Ubangiji Allah yasa hankalinka ya dawo akan maganar auran,tom inajin itama Amina hakan za ai mata tun wuri,kuma mu tafi gaba d'aya tare mu gaida shi zaiji dad'i kaga nima nayi tsohon zuminci,dan rabona da shi tun lokacin naje mai da albishir d'in auranka,Sai kuma gobe insha Allah zamu tafi dan haka ka tashi kaje kasanar da su"
Alhaji Abba da gaba d'aya zifa yakeyi kota ina dan shi kanshi bai shirya zuwa Katsina ba yanzu,hakan saya cikin sanyi da naiman alfarma ya ce"Alhaji Katsina fa yanzu bata shiguwa,dan Allah idan ma hakane tom ka bada sak'omana akai mai,sannan inada meeting gobe,dan Allah Alhaji kabar magan...".Hannu Alhaji ya d'agama Alhaji Abba ya ce"Wallahi koda na samu Wanda yasan gidan Malam Abdullahi tom bazan ai ka mai ba,ai da kunya shekaru kusan talatin ace in akamai da sak'o,ko bama haka ba zuwa da kai yafi sak'o.Sannan Katsina da kake maganar babu lafiya yanzu ,ai ba cikin Katsina bane kyauyan Katsina ne,dan in ba yanzu ba garin ko network basu da shi"



Alhaji Abba cikin damuwa ya ce "Alhaji ai kyauyukan ne abun gudu,saboda anan ake ta'addancin ai,alhaji dan Allah ka yi hak'uri da tafiyar nan sai n...""Sani babu abinda zai hana tafiyar nan gobe insha Allah,tashi ka tafi".Alhaji Abba da yarasa abin cewa tashi yayi ya yi ma Mahaifinna shi sallama ya tafi"



Koda Alhaji Abba ya koma gida ,Allah yasa bai iske kowa afalo ba hakan yasa yayi part d'in shi,yana shiga ya Kira hajiya Mariya awaya yace tasamai part d'in shi"



Hajiya Mariya bayan ta zauna ne ta kalli Alhaji Abba ganin yayi shiru da'ido kawai yake binta ta ce"Daddyn Meenal lafiya kuwa?"
Numfasawa Alhaji Abba yayi ya ce"Mommyn Meenal Wallahi abinne yasha min kai ban san yadda zanyi da Meenal ba ta yadda da wannan tafiyar.Alhaji wai dole sai munje Katsina gobe kuma harda Meenal,kuma kyauye ".Shiru hajiya Mariya tayi sannan ta ce"Lafiya meza ayi a Katsinar?"."Wai Meenal za'aima addu'a kinsan tsofaffin nan da k'irk'irar abu,idan ba hakaba yarinya lafiyarta lau babu abinda ke damunta amma wai sai anyi tattaki anyo mata addu'a sai kace mai wata lallurar" Ita kanta hajiya Mariya shiru tayi dan ta jinjina tafiyar ,dan Meenal takan fad'i da bakinta haushin d'an kyauyan mutum takeji shi yasa tama gode da basu da 'yan'uwa akyauye.Hajiya Mariya kallan Alhaji Abba tayi da yayi tagwumi sai kace wadda aka aikoma da wani bala'in ta ce"Tom Daddyn Meenal ni kaina abin nama rasa abinda zance dan Wallahi bansan wayan da za'ai ma Meenal ba ta yadda aje kyauye da ita,dan har fariya take basu da "Yan'uwa akyauye,duk da tace koda suna dasu Wallahi bazataje ba,kuma bazatayi zuminci da suba,ba adad'e ba ina nan ina kallan wani film da arewa tasa ,ashe itama tana kallo tashi tayi ta kashe tibin ,wai da me zan k'aru zan zauna intasa tibi gaba ina kallan abin ta kaici.Gaskiya ganinake in dai dole sai antafi da ita, tom karka fad'amata inda za'a ,dan indai ta sani bazata ba"
Shiru Alhaji Abba yayi na d'an wani lokaci sannan ya ce"Kina nufin inyi ma Meenal k'arya?".Ikon Allah sai kace Uwarka.
Alhaji Abba yacigaba da cewa"Bazai yuwuba in b'oyemata gara in fad'amata gaskiya in samu in lallasheta,yanzu ki sameta ki fara mata maganar tafiyar kiji me zatacemiki,amma karfa ki mata maganar dalilin tafiyar"Dariya hajiya Mariya tayi ta ce"Nida nasan halin 'yan kayana akan me zan fad'amata,so kake in ruguza tafiyar kenan".hajiya Mariya na fad'in haka ta tashi ta ce"Bari inje inyima ta maganar tun yanzu"




Meenal kwance kan caution tana game awayarta,hajiya Mariya tazo ta sameta.Hajiya Mariya kallanta tayi ta ce"Sarkin buga game,daddynki ya ce ki tashi ki shirya gobe zamu Katsina"Meenal aje wayar tayi tana kallan Mommynta ta ce"Mommy katsina kuma ,wannan wata irin tafiya ce babu shiri,kuma daddy yana da dangine a Katsina?".Hajiya Mariya zama tayi ta ce"A'a abokin Alhaji ne zamu mu gaid..."Hajiya Mariya mata gama maganarta ba Meenal ta amshe maganar da cewa"Mommy nikam gasjiya bazani ba,sai kun dawo,haka kawai Katsinar da bazaman lafiya ake ba".Hajiya Mariya rufe bakin Meenal tayi ta ce"Kul!Karki k'ara cewa bazaki ba,wannan tafiyar dolece ,dan haka karma in k'arajin maganar bazaki ba.Maganar Katsina kuma ba lafiya ai ba cikin gari zamu ba,kyauyan Katsina zamu".Meenal tashi tayi ta zauna tana ajewayarta ta ce"Mommy dan Allah inma daddy ne ya aikoki ki cemai bazani ba,kema dai kinsan bazanje ba,ni me zai wani kai ni kyauye,koma lafiya bare kuma kyauyan Katsina,gaskiya mommy bazani ba"Meenal na kaiwa haka ta tashi ta nufi part d'in daddynta tana turo baki,tana zuwa ko sallama babu ta ce"Daddy kaji kuma abinda Mommy ta k'ara tsiro da shi kyauyan Katsina zamu tafi gobe wai?"Daddyn Meenal hannun Meenal ya kamo ya ce"Zokiji Meenalyn daddy,ba Mommynki bace ta ce nina ce"Meenal kamar za tai kuka ta ce"Amma dai daddy ai kaima kasan ni bazanje ba,kuma wai akanmema sai dani dole za'a?"."Haba Meenalyn daddy tunda nina ce dan Allah ki shiya mu tafi,idan mun'isa da wuri tom ba zamu kwana ba,muna zuwa zamu dawo"Meenal juya baya tayi tana turo baki,babu dai alamar ta amince.Alhaji Abba ko cigaba yayi da lallashin Meenal daga k'arshe yayi mata alk'awarin daga sun dawo zai kaita Mina wajan yarinyar k'anwar Hajiya Mariya da Allah ya had'a jinin Meenal da ita.Meenal jin haka yasa ta amince da sharad'in bazasu kwana ba.
Dole alhaji Abba ya bitada "Eh".Saboda ta yadda amma ya san dole sai sun kwana bazai yuwuba suje su dawo ranar kodan tsoran hanya".


Alhaji Abba sosai yaji dad'in amincewar Meenal,dan bai tab'a tunanin zata amince ba.



Da daddare Alhaji Abba na kallo Meenal kuma na chart da yarinyar k'anwar mamarta ta Mina wato Hafsat tana sanar da ita tafiyar da zasuyi gobe.Hafsat jin Meenal zata kyauye yasa taita mata dariya daga k'arshe ta ce"Kar dai kije wani d'an kyauyan ya mak'alemiki ,kuma wallahi bashi zamuyi"bak'in cikin maganar yasa Meenal ta aje wayar batare da ta rufe ko datarta ba.Alhaji Abba da hajiya Mariya da hankakinsu ya koma kan kallo sai ji sukai Meenal ta d'ad'e da kuka.Alhaji Abba da Hajiya Mariya kusan atare suka iso wajan Meenal ,bakamar alhaji Abba ba ,cikin damuwa ya ke cewa"Meenalyn daddy lafiya,yi shiru ki fad'amin karkanki yayi ciwo?".
Meenal cikin kuka ta ce"Ba Hafsat bace wai kar in samomusu d'an kyauye" .Alhaji Abba lallashin Meenal ya fara yana cewa"Kiyi shiru dan Allah karma kanki yayi ciwo akan shirman maganar nan"Haka alhaji Abba ya dage sai lallashi yake dakyar ya samu Meenal tayi shiru.



Washe gari da wuri suka gama shirinsu suka kama hanyar gidan Alhaji,Meenal dai yau bata magana da kowa,dan daddynta ma ganin Meenal kad'an take jira tasa mai kuka yasa shima yaja bakin shi yayi shiru.Koda suka je gidan Alhaji,wato kakan Meenal sun samu ya shirya su yakejira.
Hajiya Mariya da alhaji Abba haka suka gaisa da kakan meenal cikin girmama,inda Meenal ko kallan shi tak'iyi.
Alhaji kallan Meenal yayi ya ce"Amina har yanzu kinanan da halinki na miskilanci ko?".Meenal turo baki tayi ta ce"Karabu dani dan bagaidaka zanyi ba,kawani jawoma mutane zuwa kyauye muna zamanzamanmu lafiya"."Uwaki nace kice bazakiba mana dan'ubanki tafiyar duk danwa za'ayita badan keb....".Daddyn Meenal jin Mahaifinshi zai janyomai rigimar meenal yayi saurin katse shi da cewa"Alhaji rabu da Meenal kazo mutafi