You Cannot Download this book untill you login but you can read it .

---

Login Register

ban tab'a jin ina sha'awar inyi aure ba Wallahi sai akan yarinyar nan,sannan ni kaina nayi yak'i da zuciyata ganin na cire sonta araina tun kafin kaikankama in furtama amma abin yak'i yuwuwa,dan Allah Sarki katayni addu'a kawai".
"Abdurahman ka kwantar da hankalinka insha Allah zaka auri Amina kamar yadda nace maka da farko,kai dai kawai abinda nake so da kai kayi addu'a".Cewar alhaji da shigowar shi kenan d'akin ya riski maganar.
D'an'juma cikin jin sanyi ya ce"Nagode sosai da karramawarka gareni alhaji"."Babu komai Abdurrahman ".Cewar alhaji .



Sarki dai bai ce komai ba.Bayan sungama shan tea d'in da d'an'juma ya kawomusu babu dad'ewa ishuhu yazo d'aukar alhaji.Sosai sarki yaji babu dad'i .Haka dai su kai sallama alhaji ya tafi"



Da yamma daddyn meenal ya je gaida mahaifin shi yayi mai sannu da zuwa,amma haka daddyn meenal ya gama zaman shi alhaji bai tankamai ba,k'arshe ya gaji ya tashi ya tafi,haka yaje gida duk ba dad'i.




BAYAN SATI D'AYA:Haka kullum daddyn meenal idan yaje gaida mahaifin shi sai dai ya gama zaman shi ya tashi amma ko gaisuwar shi baya amsawa.Dan yau da yajema Alhaji kallan daddyn meenal yayi ya ce
" Sani nikam daga yau na yafema wannan gaisuwar da kake zuwa yimin,daga yau ba sai kazo ba kayi zamanka a inda kake nagode".
Daddyn meenal kallan mahaifinshi yayi zaiyi magana ,alhaji ya d'aga mai hannu ya ce
"Sani dan Allah bana son doguwar magana sai anjima".




Alhaji Abba tashi ya yi ya tafi .Yana zuwa yayi part d'in shi yana mai dafe kan shi.Hajiya Mariya ganin yadda Alhaji Abba ya shigo ne yasa tabi shi da sauri,sai dai yadda ta ganshi rik'e dakaine yasa ta rud'e ta ce
"Daddyn Meenal lafiya?".Alhaji Abba ba magana ,k'arshema kawai sai ya fashe da kuka".Hajiya Mariya cikin tashin hankali ta fita ta kira Meenal.Meenal da ita kanta yanzu kusan cikin damuwa take ganin yadda take ganin daddynta dan ya daina fira da ita sosai,magana ma yabar yin mai tsawo.Meenal cikin kuka take girgiza daddynta tana cewa"Daddy Lafiya wayasa kuka daddy,dan Allah kayi shiru".Daddyn meenal ko rik'o hannun Meenal yayi ya ce
"Meenal gara in mutu da inga wannan rana,Meenaln daddy zuciyata bazata iya zurewa ba in ganki cikin damuwa,bazan iya jurewa ba Gara Allah ya d'auki rayuwata zaifi min dad'...."."Haba daddyn Meenal akan abin nan ne har zaka rik'a kirarin mutuwa?".
Meenal ko fad'awa tayi kan daddynta tana cewa
"Wayyo daddyna bazaka futu kabarni ba,dan Allah kar ka mutu daddy,Mommy dan Allah kice ma daddy karya mutu"."Tom ki yi shiru ga docter nan na Kira zai zo yanzu ya duba shi".



Su mommyn Meenal sunanan zaune sun tasa daddy Meenal da ke ta faman juye-juye saboda yadda kanshi ke mai .
Su hajiya Mariya na nan zaune abokin alhaji Abba ya shigo,yana zuwa ya yima alhaji Abba aune-aunan da yakamata yayi mai,ya kalli hajiya Mariya ya ce
"Hajiya gaskiya jinin Alhaji Abba ya hau,amma babu damuwa da akwai magani da zan kawo mai yanzu,kuma gaskiya ayi k'ok'arin ganin yabar shiga damuwa,Dan shi yayi sanadin halinda yakeciki yanzu haka".




Hajiya Mariya dai godiya taimai.Shi kuma fita yayi samoma alhaji Abba magungunan da suka kamata.
Hajiya Mariya ko kama hannun Meenal da keta kuka tayi suka koma Falo suka zauna.Hajiya Mariya kallan Meenal tayi ta ce
"Meenal daddynki na cikin wata damuwa wadda ita ce tayi sanadiyar da jininshi ya hau.Alhaji yau kusan kwana goma kenan baya amsa gaisuwar daddynki Meenal,k'arshema yau yace mai baya son ya k'ara zuwa inda yake,Wanda inada tabbacin shine yayi sanadiyar da jinin daddynki ya hau.Meenal daddynki na sonki da yawa baya son kwatakwata yaganki cikin damuwa ko matsala,duk wannan yana daga cikin abinda yasa jinin shi ya hawa".
Shiru mommyn meenal tayi tana kallan Meenal kamar mai nazartarta,sannan taci gaba da cewa
"Meenal ko kinsan babu abinda ke saurin kisa kamar irin damuwar da daddynki yake ciki yanzu?,ina tsoran karmu rasa shi ,ya zamu idan ya mut...".




Kukan da Meenal ta fasa ne yasa mommyn meenal yin shiru.Hajiya Mariya ganin yadda meenal ta rud'e jin daddynta zai mutu,rungume Meenal tayi tana lallashinta ta ce"Ki yi shiru,insha Allah daddynki zai samu sauk'i,amma sauk'in nada gareki ne Meenal,duk da nima ban amince ba amma sai naga da murasa daddynki gara inyi hak'uri..".




Meenal katse momynta tayi da cewa
"Mommy ki min bayani mekesa sweet daddy adamuwa?".
Hajiya Mariya kallan Meenal tayi yadda duk ta rud'e ta k'osa taji aninda zatace.Hajiya Mariya ta ce"Meenal alhaji ne wai dole sai kinyi aure ,tom kinsan daddynki nason abinda kikeso,shine yak'i yadda dan yasan baki son aure,tom shine alhaji yake fushi dashi,tom kinsan hukuncin Wanda iyayanshi ke fushi da shi, idan ya mutu wuta zashi,shi yasa daddynki duk ya tada hankalin shi har jininshi ya hau,kuma kinajin likita yace ayi k'ok'ari abarbari yana shiga damuwa.Meenal dan Allah kije ki samu daddynki kice mai kin yadda zaki auri wanda alhaji ke so dan hankalinshi ya kwanta".



Meenal da gudu tana mai k'ara tsananta kukanta ta ruga bedroom d'in daddynta,tana zuwa ta fara buga daddynta tana janye mai hannun shi dake rik'e da kanshi, ta ce
"Daddy ka tashi karka mutu na yadda alhaji yayi min auran ..............✍️




Meenalyn daddy group, Comment d'inku yayi k'aranci.Amma......🤐🤐🤐🤐🤐🤐🤐.




📚 MEENALYN DADDY 📚
🔔📚
*JARUMAI WRITER'S ASSOCIATION📚*
_{Marubuta masu aiki da jarumta domin wa'azantawa ilimantarwa, nishad'antarwa tare da fad'akarwa da jama'a bisa harshen hausa}_
https://m.facebook.com/story.php?story_fbid=337435884671992&id=103920888023494&sfnsn=mo

*⚜️©J.A.W📚🖌️*

Na
Fadila Sani Bakori.




Page 19 & 20.



Meenal da gudu tana mai k'ara tsananta kukanta ta ruga bedroom d'in daddynta ,tana zuwa ta fara bubbuga daddynta tana janye mai hannu shi dake rik'e da kanshi ta ce,"Daddy dan Allah katashi karka mutu ,na yadda alhaji ya yi min auran..."Meenal ta idasa maganar tana kuka.
Daddyn meenal jin abinda Meenal ta ce,lallab'awa yayi ya tashi yana kamo hannun Meenal d'in yana bubbuga baayanta,alamun lallashi tayi shiru daga kukan da take,sannan cikin dauriya dan sosai kanshi kemai ciwo,ya ce,"Yi shiru Meenalyna,ya isa haka kibar kukan".Meenal cikin kuka ta ce,"Tom daddy dan Allah karka mutu,Allah inka mutu nima mutuwa zanyi".


Alhaji Abba lallan shi meenal yayi ya ce,"Ki yi shiru tom ai bazan mutu ba sai kwanana sun k'are".
Hajiya Mariya da shigowarta kenan,zuwa tayi ta janye meenal ta ce,"Meenalyn daddy mai nake gani haka,tom ai sai kik'aramai wani ciwan".Meenal jin haka da sauri ta goge hawayanta,tana cewa"Sweet daddy sannu".Alhaji Abba kai ya jinjina ma Meenal ,dan bayason magana,kanshi saramai yake sosai.




Hajiya Mariya lallab'a Meenal ta yi ta janyeta suka fita,dan alhaji Abba ya samu ko zaiyi bacci,dan doctor ya had'a mai da maganin bacci.



Allah yasa suna fita ko bacci ya d'auke alhaji Abba.
Hajiya Mariya shiryawa tayi ta ta tafi gidan kakan Meenal.
Bayan hajiya Mariya sun gaisa da alhaji ne ta ce"Alhaji tun safe da daddyn meenal yazo gaidaka da kyar ya koma gida yanzu haka bashi da lafiya,likita yazo ya duba shi yace jinin shi ne ya hau,alhaji dan Allah ka yi hak'uri ki rik'a amsa gaisuwar daddyn meenal,Wallahi cikin damuwa yake sosai,shine ma abinda yayi sanadin ciwan shi".Shiru alhaji yayi,sannan zuwa can ya ce,"Mariya nazaci ba Sani ba na isa da abinda Sani ya haifa,ashe bahaka bane,ni Sani zai kunyata saboda karya b'ata ma 'yar shi rai,a abinda Nina san alheri ne da Amina,soboda Wallahi yadda kuka lallata Amina ba kowana yaro zai iya zama da ita ba,amma Yaran nan ina tabbacin zaiyi hak'uri da duk shurman Amina,amma Sani agaban kakan yaran nan ya nuna shi ba zaiba wannan yaran Amina ba, harda wata k'aryar banza da wofi,wai yayi ma Amina alk'awarin ba zai mata auran dole ba".Shiru alhaji yayi kamar mai tunani sannan ya ci gaba da cewa,"Wallahi Mariya indai ni ban isa da Sani ba,tom banga amfanin gaiduwar da yakemin ba,shi yasa nace bana so,sannan shi yaron fa ba a kyauyan zai ajeta ba,shi kan shi kuna gani ba'anan yake har kokinshi ba.Mariya matuk'ar Sani ba zai aminta da maganata ba ke kanki ina dab da daina amsa gaisuwarki "Hajiya Mariya numfasawa ta yi ta ce,"Alhaji yanzu haka nazo nai in sanar da kai Meenal ta amince da auran".Hajiya Mariya ta fad'i maganar kamar zatasa kuka,dan tabbas tafi daddyn Meenal tsanar auran nan dan dai bata da yadda za tai ne ,sannan bata san daddyn meenal ya sab'a da Mahaifinsa.
Alhaji jin abinda mommyn meenal ta ce wani k'ayataccan murmushi yayi ya ce,"Nagode Mariya da wannan kunyar da kika fitar dani,duk hankalina ya tashi ina tunanin yadda zanyi da alk'awarin da na d'aukar ma yaran nan,nagode yadda kika fiddani kunyar nan kema Allah ya fidda ke kunyar duniya da lahira"Mommyn meenal cikin sanyi ta ce,"Ameen alhaji"Yanzu kije gida ,anjima zansa Issuhu ya kawoni inga jikin nashi,gobe kuma insha Allah zani garin su yaran nan in mai albishir shima".Hajiya Mariya dai jikinta duk a mace yake ,haka ta tashi tayi ma alhaji Sallama ta tafi".




Alhaji ko kamar yadda yace issu na zuwa yasa ya kawo shi gidan su Meenal.Suna zuwa Meenal kad'ai suka gani zaune a Falo da waya hannunta,alhaji kallan Meenal yayi ganin yadda ta d'auke kai kamar bata san shi ba,ya ce,"Ja'ira idan biki gaidani ba,Uwarki da Ubanki za su gaidani su".Meenal dai ko kallan alhaji ba taiba taci gaba da abinda takeyi,da akwai wata sanda hannun alhaji da yake dogarawa da ita,ita ya d'auka ya kwala ma Meenal,ya ce,"Ja'ira wato ina magana kinyi banza dani"Meenal tashi tayi tana hararar alhaji ta ce"Wai kai dan Allah alhaji mai na tare maka ne da kake naiman takurama rayuwata"."Uwaki da Ubanki kika taremin kinji ko?"Cewar alhaji.
Hajiya Mariya da tajiyo muryar alhaji da sauri ta fito dan tasan yadda meenal take cike da haushin alhaji tsab za tai mai rashin kunya.Hajiya Mariya na zuwa da fara'arta ta ce,"



Barka da zuwa alhaji,rabu da Meenal karta sama Cowan's kai".
Yajiya Mariya jagora tai ma alhaji izuwa bedroom d'in alhaji Abba.
Alhaji Abba na kwance har yanzu,alhamdulilah ya samu sauk'i bakamar d'azu ba.Alhaji kallan daddyn meenal yayi ya ce,"Sannin ko Sani,ya jikinnaka?"Alhamdulilah naji sauk'i"Cewar daddyn meenal.
Nan dai alhaji ya gama zaman shi ya tashi ya tafi"



Washe gari alhaji suka yi sammakon tafiya layin kad'anya garinsu d'an'juma.Kasan cewar sun tafi da wuri hakan yasa sukayi isar wuri sosai.Sarki sosai yayi mamakin ganin alhaji dan alisafinsu bazasuwuce wata d'aya da tafiya ba.Sarki cikin fara'a ya tari alhaji.
Alhaji bayan ya huta sosai ya sha ruwa ya kalli Sarki ya ce," Sarki wannan tafiyar ta Abdurrahman ce ,gashi naga kamar baya kusa"."Eh aikam yau yayi sammakon shiga Funtua saro kayan shago,yanzu ba dad'ewa zakagan shi".Cewar Sarki.
Nan fa alhaji da Sarki suka cigaba da fira,suna cikin firane d'an'juma ya yi sallama ya shigo.D'an'juma da fara'ar shi ya k'arasa cikin d'akin yana mai cewa"Barka da zuwa alhaji,kai ne da sammako haka,sai kace ba daga Kaduna kake ba".Murmushi alhaji yayi ya ce,"Ni ne Abdurrahman,wannan tafiyar takace baki d'ayanta"D'an'juma jin haka k'ara gyara zama yayi sosai,alamun inajinka.
Alhaji kallan d'an'juma yayi ya ce,"Abdurrahman fad'amin yau shene kake ganin kanada damar aure?".Shiru d'an'juma yayi,dan ya zaci maganar meenal alhaji zai mai.Cikin sanyi d'an'juma ya ce," Eh,idan nasamu wadda nake so zan fidda lokacin".Murmushi alhaji yayi ya ce"Abdurrahman na amso maka auran Amina shi yasa nace wannan tafiyar takace,dan haka yanzu ina son atsaida komai in tafi ma iyayanta da albishir,yanzu dai ka turomin mahaifinka muyi magana da shi shima".
D'an'juma sumar zaune yayi dan ya kasa cewa komai ma,yarasa wane hali yake ciki,dan take sai yaji fargaba ta rufe shi.D'an'juma matsowa yayi ya kama hannun alhaji ya ce"Alhaji nagode da k'ok'ari ,Allah ya sakamaka da mafificin alkairi"."Babu komai Abdurrahman maza kai min magana da mahaifinka,dan gobe zan yi saammakon tafiya".D'an'juma tashi yayi ya tafi,cikin sanyi dan sosai kuma yakejin fargaba,wata zuciyar take cewa,"Anya kuwa bakayi kasada ba?" D'an'juma ya dad'e a tsaye yana tunanin yadda zai sanar da mahaifin shi,sannan ya ce kai gaskiya bazan iya ba,gara idan yazo yaji.D'an'juma wayar shi ya ciro ya Kira mahaifinshi ya sanar da shi Sarki na son ganin shi.Mahaifin d'an'juma sosai yayi mamaki dan babu dad'ewa yaje sun gaisa,amma kuma sai ya kauda mamkin shi ya ce"D'an'juma yanzu yake son ganina d'in"."Eh yanzu ya ce".




Mahaifin d'an'juma da yana can gona yana aiki,aje aikin yayi ya hawo keken shi ya kamo hanyar gida.
Can wajan su Sarki ko,bayan d'an'juma ya fita Sarki ya kalli alhaji ya ce"Alhaji auran nan fa da kake son had'awa gaskiya za ashiga hak'in Amina,ni sai inga yanada kyau dan aji dad'in abinnan sosai ace da amincewar Amina za'ayi" Alhaji dan yayi maganin Sarki sai cewa ya yi "Malam Haruna indai ba wai kafi son Abdurrahman ya auri 'yar nan bane,dan Allah ka sama abin nan albarka kawai,Amina kuma muna fatan tabamu mamaki".Sarki jin haka sai yayi shiru ya ce"Tom inda kayima maganata wata fassarar nayi shiru alhaji,Allah yasa duk muce gara da akayi" "Yauwa tom haka zaka ce".
Su alhaji su na nan suna tattaunawa akan maganar ,Mahaifin d'an'juma yayi sallama ya shigo.Mahaifin d'an'juma da fara'arshi suka gaisa da alhaji .Nan dai yayi musu anzo lafiya,sannan ya kalli Sarki ya ce"D'an'juma ya jirani inakan aiki da yake yau naje sharar gona yace kana kirana?".Alhaji ne ya amshe zan can da cewa"Eh ,ni nace ya kiramin kai.Wato zuwan yarinyar ta wajan Sani wato Amina Abdurrahman ya nuna yana sonta,ni kuma nayi mai alk'awarin samo mai auran Amina,tom atak'aice dai yanzu haka na samoma Abdurrahman auran Amina,shine nazo yanzu mu tsaida lokacin biki".
Mahaifin d'an'juma rasa abin da zaice yayi, dan sai yaji maganar wata iri,da kyar dai ya samu ya bud'e baki ya ce"Tom amma alhaji ina d'an'juma ina Yarinyar nan,ai tafi k'arfin shi,sai dai kankanba irin ta yaran yanzu,amma ni gani nake ai ba biyema d'an'juma za'ai ba,taya yarinyar da ta tashi cikin kankara yace zai zo ya aje ta a nan ai abinnan ma ba zaiyuwu ba"
Sarki gudin kar alhaji yaga kamar basu San abinne ya ce"A'a ya ce wai a Funtua zai ajeta"
Mahaifin d'an'juma shiru yayi dan bai san abin da zai ce ba kuma.Sarki ganin Mahaifin d'an'juma ya kasa magana tashi yayi ya je inda yake ajiyar kud'i ya k'irgo dubu goma ya kawo ya ce"To dama dai ni zan biyama Abdurrahman komai na aure,dan haka ga kud'in sarana inda kace gobe da wuri zaka shige sai ayi komai yau,shi kuma Abdurrahman d'in zansa ya kawo alawa da biski(biscuit) da kan shi" Alhaji sosai yaji dad'in abinda Sarki yayi hakan yasa ya ce"Ai wannan kud'in sun isa,daga su ma ba sai ankawo komai ba,yanzu bari Abdurrahman yazo sai muji yaushe za'a tsaida auran" "Eh tom bari in kira shi awaya ai yana kusa".
Sarki Kiran d'an'juma yayi awaya.Suna nan zaune d'an'juma ya shigo,bayan d'an'juma ya zauna ne Sarki ya kallai ya ce"Abdurrahman nan da wata nawa kake ganin zaka iya gabatar da hidamar auran nan da muke son tsaidawa yau insha Allah?" D'an'juma rasa abinda zaice yayi dan sai yaji maganar kamar wasa.Sarki murmushi yayi dan ya fahimci d'an'juma al'ajabi ne yasa ya kasa magana,hakan yasa ya ce" Abdurrahman wata nawa kake ganin idan munsa ka shirya?" D'an'juma d'agowa yayi ya kalli mahaifin shi,ganin ba shi ya ke kallo ba sai ya maida kallan shi ga Sarki ya ce "Duk yadda kukayi yayi" "A'a Abdurrahman ai kaine mai hidima kai zaka fad'i lokacin da kake ganin ka shirya sai mu kuma muduba mu gani" Cewar alhaji.Shiru d'an'juma yayi dan baima san abinda zai ce ba,kallan Sarki yayi ya ce"Duk lokacin da kukasa yayi alhaji"Magana Sarki zai kuma yi,alhaji ya rigashi da cewa"A'a Malam Haruna inda yace duk lokacinda akasa yayi,ma'ana kenan yanada shiri,dan haka ina ganin mubar abin wata uku ai yayi ko?" "Eh yayi ,Allah ya kaimu lokacin"Sarki ya fad'i hakane kawai amma shi bai tab'ajin sarana wata uku ba,su da duk saranar su shekara guda wasu shekara biyuma,akasarima wata yarinyar kusan tun kan ta idasa auran ake badata asa rana,daga lokaci yayi sai dai asha biki.
Alhaji kallan Sarki yayi ya ce"Tom Masha Allah na cika alk'awarin da na d'aukar ma Abdurrahman,yanzu Abdurrahman sai ka samu lokaci ka je Kadunar ku gaisa da Aminar" D'an'juma dai kai ya jinjina.Mahaifin d'an'juma ko kasa cewa komai yayi .
Ahaka dai suka gama zantawar su suka tashi "




Mahaifin d'an'juma na zuwa gida ya kalli mahaifiyar d'an'juma ya ce"Ashe d'anki aure zaiyi amma Banda labari?" Mahaifiyar d'an'juma da alamun mamaki ta ce"Wana d'annawa?"Mahaifin d'an'juma ,d'an'juma ya nunama mahaifiyar d'an'juma da zuwanshi kenan.
Mahaifiyar d'an'juma da mamaki da kuma alamun farincikin d'annata zai aure ta ce" Kai Alhamdulilah,Allah mungode maka,tom ni inama nasani,har'an bashi auran yarinyar ne?" "Har'ansa rana ma wata uku masu zuwa".
"To fa amma dai yarinyar banan garin take ba?" "Yarinyar da tazo nan ta zauna 'yar Kaduna ita"Mahaifiyar d'an'juma cikin zaro ido ta ce"Amma dai bata amincewar yarinyar ba ko?,dan ko ranar da zasu bar garin nan ta ce ma mahaifiyarta bata fatan abinda zai k'ara kawota garin nan,dan haka idan ma maganar nan wasace tom banason k'ara jinta,idan kuma da gaske ce in dai nina haifeka tom wallahi kayi gaggawar janye maganar nan ,dan bazaka auri Yarinyar nan ba,yarinyar da bata kallan kowa da mutunci ,mu nan duk ba kallan mutane takemana ba,taya zakaji dad'in zama da yarinyar nan,daga kai harmu babu Wanda zai ji dad'in auran nan,dan haka kai maza-maza kafin Sarki ya fitar da maganar nan kowa ya sani ka tafi ka sanar dashi ka fasa "



D'an'juma shiru yayi dan yana ganin halaccin da alhaji yayi mai amma kuma sai ya ce mai ya fasa.D'an'juma kallan mahaifiyar shi yayi ya ce"Innna alhaji yayi Mana halacci sosai,mu ya kamata muje wajansu naiman aure amma shine yazo,yanzu kuma angama magana sai ince mai na fasa?" Mahaifiyar d'an'juma zata k'ara magana mahaifin d'an'juma ya d'aga mata hannu ya ce" Maryama inda dai anriga an tsaida magana shikenan,duk Wanda ya d'akko da zafi bakin shi,ban mai baki ba,amma dai nasan ba zai tab'ajin dad'in zama da yarinyar nan ba.Allah ya sanya alkairi sai ka k'ara hak'uri akan wanda kake da shi tun yanzu.......✍️



📚 MEENALYN DADDY 📚
🔔📚
*JARUMAI WRITER'S ASSOCIATION📚*
_{Marubuta masu aiki da jarumta domin wa'azantawa ilimantarwa, nishad'antarwa tare da fad'akarwa da jama'a bisa harshen hausa}_
https://m.facebook.com/story.php?story_fbid=337435884671992&id=103920888023494&sfnsn=mo

*⚜️©J.A.W📚🖌️*


Na
Fadila Sani Bakori.



Inama 'yan'uwa da abokan arzik'i barka da sallah,musamman masoya littafin meenalyn daddy.


Page 21 & 22.



D'anjuma shiru yayi dan yana ganin halaccin da alhaji yayi mai Amma kuma sai ya ce mai ya fasa auran da bakinsa ya amsa yana so.D'anjuma numfasawa yayi sannan ya kalli mahaifiyarshi ya ce"Inna alhaji yayi mana halacci sosai ,mu ya kamata muje wajansu naiman aure amma shine yazo wajan mu yanzu kuma angama magana sai ince mai na fasa?"
Mahaifiyar d'anjuma zata k'ara magana mahaifin d'anjuma ya d'aga mata hannu ya ce"Maryama indadai anriga an tsaida magana shikenan duk Wanda ya d'akko da zafi bakinsa,ban mai baki ba amma nasan ba zai tab'a jin dad'in zama da yarinyar nan ba.Allah ya sanya alkairi ,sai ka k'ara hak'uri akan Wanda kake dashi tun yanzu"
D'anjuma shiru yayi kanshi ak'asa,dan tabbas shi kanshi yarasa acikin halin da yake ciki,shin murna yake ko fargaba.Mahaifiyar d'anjuma kuwa cewa tayi"Malam bamu tab'a jayayyaba ,amma gasjiya yau zamuyi,dan ban yadda da wai inda anriga anyake magana shikenan ba,gasjiya banyadda ba,ya koma yasanar da sarki idan kunyar kakan yarinyar yakeji alabashi sarki sai ya sanar dashi ya ce anriga anbashi yarinya"daga mahaifin d'anjuma har d'anjuma shiru su kai dan shi kanshi mahaifin d'anjuma bawai son auran yake ba,mafitace kawai da yarasa.Mahaifin d'anjuma ya dad'e bai iya cewa komai ba,sannan ya kalli mahaifiyar d'anjuma da kallo d'aya za kai mata kasan ranta ab'ace yake .Maihaifin d'anjuma kallan d'anjuma yayi da kanshi ke duk'e ya ce"Tashi kaje abinka Abdurrahman"D'anjuma tashi yayi ya fita.Bayan d'anjuma ya fitane,mahaifin d'anjuma ya kalli mahaifiyar d'anjuma ya ce"Maryama naji abinda kikace,amma da zaki bud'e zuciyata ki gani wallahi nafiki k'in wannan auran da akaba Abdurrahaman,saboda tunda yarinyar nan tazo gidannan har suka tafi bata tab'a min kallan arzik'iba,amma tabbas mahaifiyarta mutuniyar kirkice,tom amma tafi k'arfinta ,ni aganina mutaya Abdurrahman da addu'ua Allah tabbatar da abinda yafi alkairi,saboda abinda kikeso ba zai tab'a yuwuwaba,maganace sun riga sun yanketa,dan haka saidai fatan alkairi kuma".
Har mahaifin d'anjuma ya gama magana mahaifiyar d'anjuma bata iya kuma cewa komai ba.




B'angaran alhaji ko sa sarki haka suka raba dare suna hira akan auran jikokinnasu.
Washe gari da wuri alhaji ya tasa Isuhu suka kama hanyar Kaduna.
B'angaran daddyn meenal ko alhandulillah jikinshi da sauk'i sosai ,sai dai tunda hajiya Mariya ta sanar dashi alhaji ya tafi garinsu d'anjuma ya shiga cikin farkagaba ,kuma tun daga lokacin yanayinshi gaba d'aya sai ya canza.
Yauma haka daddyn meenal ya wayi gari da fargabar nan,haka dai ya daure yayi breakfast.



Misakin k'arfe sha d'aya na safe alhaji wato kakan meenal suka shiga garin Kaduna,suna isa alhaji yacema Isuhu yayi gidan Sani da shi.Daddyn meenal na zaune meenal na mai hirar tak'osa ta ga ta fara aiki alhaji sukayi sallama suka shigo.Bayan alhaji ya zaunane daddyn meenal ya gaidashi yayi mai ya hanya.Alhaji cikin fad'ad'a fara'arshi ya ce"Ina Mariya ne,tafe nake da albishir mai kyau so nake sai agabanta zan fad'a?"Daddyn meenal da gabanshi ke dukan uku-uku kallan meenal yayi ya ce"Kira mommynki idan kinkirata ki je Falona ki zauna nan zamuyi magana ne".Alhaji kallan daddyn meenal yayi ya ce"A'a ta dawo dan maganar tatace ai"Daddyn meenal shiru yayi meenal kuma ta shiga kitchen ta kira mahaifiyarta da ke aikin girki.
Hajiya mariya waje ta samu ta zauna sannan ta gaida alhaji.
Alhaji K'ara gyara zama yayi sannan ya ce"Alhamdulillah dama ance komai yayi farko zaiyi k'arshe,kuma matar mutum kabarinsa wani baya auran matar wani,sannan tunda yaran nan ya furta yana son yarinyar nan sai da nayi kwana bakwai ina addu'a indai ba alkairi acikin lamarin Allah ya kaudamin son abun,amma naji son abin k'ara k'aruwanmin yake,hakan yasa na tabbatar da akwai alkairi alamarin,shi yasa kukagananace,jiya da na koma munyi magana da Sarki dan antsaida komai ansa rana wata uku masu zuwa,dan yaron ma da yake akwai himma har yaba da biskit (biscuit)an taho da shi nasa ranar da akai"Alhaji har ya gama maganar shi babu Wanda ya tankamai daga daddyn meenal har hajiya mariya,itako meenal bama fahimtar abinda alhaji yace tayi ba,dan tuhda ya fara magana ta d'auki wayarta ta fara buga game.Alhaji ko jin babu Wanda ya tanka mai ,kallan daddyn meenal yayi Wanda kallo d'aya ya hango tsantsar damuwar da yashiga najin abinda yace,alhaji share daddyn meenal yayi ,dan ya hango damuwar da ya shiga najin abinda yace,alhaji yana sane yace"Sani ko bukuji abinda nace bane nayi magana kunajina kun shareni?"Daddyn meenal da gaba d'aya yarasa abinda ke mai dad'i da kyar ya bude baki ya ce"Alhaji munji abinda kace"Alhaji cikin jin dad'i ya ce"Yauwa isuhu dan Allah shigo da biskit d'in da suka bada nasa ranar".




Wanda aka kira da Isuhu tashi yayi yaje ya shigo da kwalayan biskitin da d'anjuma ya bada amatsayin kayan sa ranarshi da Meenal.
Bayan isuhu ya aje kwalayan biskit d'inne ,Alhaji ya kalli Meenal dake ta famar danna waya wadda hankalinta gaba d'aya ba akansu yake ba,da alamama batagane abinda ake magana akai ba,hakan yasa alhaji ya kalli meenal ya ce"Amina bani hankalinkinan,wannan kwalayan biskit d'in da kike gani nasa ranarki da Abdurrahman ne,yaron nan d'anjum......".Yadda meenal ta mik'e azaburene har wayar hannunta na fad'uwa yasa alhaji yayi shiru.Meenal cikin zazzare ido na alamun furgicin abinda alhaji yace ta ce"Alhaji banganeba,kana nufin ni wai akasama rana da d'an kyauyan nan kome?"Alhaji da k'uwa yayima meenal yace"Amina k'aniyarki nace,dan garinku ni zaki rik'a zaroma ido kina tambayata,tom ki k'ara bud'e kunnanki da kyau inma jine biki ba,d'anjuma dai yaro mai hankaki na garinda kikaje shi aka samiki ranar aure da shi wata uku masu zuwa.....".Meenal wurgi tayi da wayarta tana mai fasa kuka iya k'arfinta tana mai kallan daddynta tana cewa"Daddy wai kaji abinda alhaji yakecewa ko daddy?".Meenal ta idasa maganar tana mai k'ara tsandarewa da kuka.



Alhaji Abba tashi yayi yazo ya kama Meenal cikin damuwa ya zaunar da ita kusa da shi yana mai cewa"Ki yi shiru Meenalyn daddy alhaji wasa yake mik....."Kaine dai kake mata wasa ,ga biskit nan dan haka duk ku rabama mutanan arziki,idanma bazaku rababa Mariya gashi nan ke duk kiba mutanan da kuke tare da su,ki shaida musu wata uku masu zuwa insha Allah biki"Alhaji na kaiwa nan ya tashi yayi ficewar shi,ya iske