You Cannot Download this book untill you login but you can read it .

---

Login Register

sama da k'asa tayi ma d'an juma sannan ta ce"Ba dai ak'asa ba ko ?"."Beauty mashin d'in na gidan sarki ".
Meenal kallan d'an juma ta kuma yayi sama da k'asa sannan ta ce"Kar in k'ara jin ka kirani da wannan sunan,dan kaga rannan ka kirani ban tanka maka ba shine yauma ka sake kirana da shi,karka sake !".
Kai d'an juma ya jinjina ya ce"Tom ranki shi dad'e bazan kuma ba".Meenal tsaki tayi tana wani yatsine fuska ,ta wuce.



D'an juma cikin wani irin sauk'i ya tsinci kan shi ganin yadda suka jera suna tafiya da Meenal,duk da ba magana suke ba,d'an juma so yake ya sanar da ita sak'on zuciyar shi amma kuma yana jin tsoro.Kallan Meenal yayi ta gefan ido ya ce" Hijab d'in nan yayi miki kyau".Meenal da katawa da tafiya tayi tana ma d'an juma wani irin kallo da ya kasa fassara mai kallan ke nufi.
Meenal ta dad'e tana tsaye tana kallan d'an juma tama rasa abinda zatace mai dan ita gani take rainine kamarta d'an kyauye na yaba kwalliyarta.Meenal da ta rasa abinda zata cema d'an juma sai cewa tayi"Malam yi gaba muje".Wato ma'ana subar jerawa tare"



D'an juma kallanta yayi ya ce"Don me tafiyar mu d'aya kuma zanyi gaba?".Meenal cikin d'aga murya kamar tana magana da wani sa'anta ko kuma k'aninta ta ce"Malam kaga ba wai so nake ina sa'insa da kai ba,kayi gaba nace bana son doguwar magana na shiga tsakanina da kai".
D'an juma murmushi yayi ya ce"Saboda me?,ko kina tsoran afkawa ne?".
Meenal ja tai ta tsaya tana kallan d'an juma dan gaba d'aya tama rasa abinda zatace mai,sai zuwa can ta ce cikin alamun b'acin rai"D'an asabe ka ke ko d'an me?,Ka tsarkake har shanka,kasan da wadda ka ke magana, ana cewa d'an kyauyan mutum dabba ne ban tab'a sanin haka ba sai yau,in banda tsabar dabbanci kai ni zaka cema ko ina tsoran zan abka ka ne".
Sosai kalaman Meenal zuka b'atama d'an juma rai,amma sai ya danne yaci gaba da tafiya ba tare da ya k'ara cewa komai ba.Ahaka suka shiga gidan sarki d'an juma najin zuciyar shi duk babu dad'in kalaman da Meenal ta yi mai"



D'an juma cikin sanyi yayi sallama da alamun 'yar damuwa a fuskar shi.Meenal zama tayi tana mai gaida sarki,alhaji ko kakanta ko kallo bai isheta ba.
Alhaji murmushi yayi ya ce"Ja'irar yarinya wato ni kad'ai ne bazaki gaida ba ko?,Ohoo addu'a ce dai sai kin shata ".
Meenal ba takanma alhaji ba bakin nan dai ta turo.Shi kuma alhaji ya ce"Sarki bata ta sha".
Sarki tashi yayi ya d'akko addu'ar ya mik'ama Meenal,ya ce"Yauwa Amina amsa ki sha da bismillah kin ji".
Meenal amsa tayi tana turo baki ta ce" Ni alhaji sai naje gida zan sha".
D'an juma da ke neman hanyar rama abinda Meenal tai mai yayi carab ya ce"Alhaji ban yarda ba ko taje ba sha za tai ba,tasha agabanka ka gani".
Meenal cikin d'aga murya ta ce"Waye kai!? Wa ke neman yaddarka?, kada Allah yasa ka yarda d'in,Shane kuma bazan sha anan ba d'in sai naje gida".



Alhaji kai kawai ya girgiza Ya ce"Amina amsa ki sha".Meenal baki ta turo ta ce"Alhaji nifa lafiyata lau da zaka ce aban addu'a,cama nayi ban da lafiya ne?"."Amina koma ma lafiyarki lau ki amsa kisha,dan ko ubanki yazo gunnan sai kin sha addu'ar nan yau".
Meenal kallan d'an k'ok'on da akai addu'ar aciki tayi,ita bawai bazata sha bane, taji ta hak'ura zata sha,tom amma kyankyamin abinda akai addu'ar take dama ita kanta addu'ar,hakan yasa bata son sha,amma gudin kar alhaji yaja su k'ara kwana ,dan ita gobe take tunanin zasu wuce.Meenal runtse ido tayi sannan ta d'aga addu'ar ta shanye.
Meenal da gudu ta fita saboda aman da yazo mata,hakan yasa ta ruga da gudu waje taci gaba da kwara amai,kamar zata amaye hanjin cikinta,dan hatta furar da tasha sai da ta amayeta tass"



D'an juma ko ganin Meenal ta fita da gudu tana rufe baki,yayi saurin mara mata baya,ganin yadda take aman yasa duk ya damu.
Zuk'unnawa yayi kusa ita kamar zai rik'eta yana jera mata sannu.
Meenal ko tsabar aman da tayi ne yasa cikinta ya murd'e,zuk'unnawa tayi awajan kamar zata kwanta awajan,tana rik'e cikinta.
D'an juma cikin damuwa ya ce"Sannu tashi muje chamise abaki magani".
Meenal da maganar ma ta gagareta saboda yadda cikinta ya murd'e ,banza tai da d'an juma taci gaba da murk'usanta .
D'an juma ganin haka sai yaga kamar cikin wani hali take,hakan yasa cikin rud'ewa yasa hannu zai d'agota shi da niyyar shi ya taimakamata.
Meenal da ta ga abinda d'an juma ke son ai katawa da sauri ta matsa tana d'aga mishi hannu ta ce"Karka kuskura ka tab'ani Malam,cema akai ban iya ta shine da zaka wani bud'e hannu kai gaka mai taimako mai tausai,Wallahi da ka yi gangancin tab'ani ,da ka yi da nasani".
Alhaji da Sarki da duk suna kallan abinda ya faru,da yadda d'an juma ya nuna kulawar shi akanta na son taimakonta amma k'arshe ta b'age da mai maganganu marasa dad'i.
Alhaji wato kakan Meenal cikin nuna rashin jin dad'in abinda ya faru ya kamo hannun d'an juma ya ce"Sannu ko Abdurrahman,Allah ya baka ladar niyar taimakon da kayi,rabu da ja'ira naga uban da zai taimakamata ta tashi".
Meenal jin abinda alhaji ya ce yasa ta tashi tana cewa"Ko da ban iya tashi da ya tadani gara in shekara agun kwance".




Sarki dai murmushi yayi ya ce" Abdurrahman jeka maidata gida,ku biya ka sai mata magani ".
D'an juma dai bai ce komai ba.Ya dad'e tsaye yana kallan Meenal yana yana jiran ta tashi su tafi.
Meenal sai da ta mila ta milmile sannan ta tashi,daga zuk'unnan da take,tayi hanyar waje batare da ta tankama kowa ba.
D'an juma kallan Sarki yayi ya ce" Bari in rakata indawo".



D'an juma bin Meenal yayi da tabi hanyar gida,alamun ta gane hanyar.Sunyi tafiya har sun kusa gida d'an juma ya kalli meenal ya ce" Mu biya chamise mana abaki magani".
Meenal ko kallan d'an juma ba tayi ba taci gaba da tafiyarta,ahaka suka isa gidan.Suna zuwa Meenal ta zube kan Mommynta tana sakin kuka sosai.Mahaifiyar d'an juma cikin damuwa ta ce"Yayan su lafiya me akai mata?".
"Inna ba ai mata komai ba".
Meenal tashi tayi tana harara d'an juma jin abinda ya ce ba ai mata komai ba,ta ce ma Mahaifiyar d'an juma "Dan Allah kima sarkin nan magana haka kawai zai tasani da dole sai nasha wata addu'a ni ce mai akai Banda lafiya ne,ni dai dan Allah ki mai magana".Mahaifiyar d'an juma cikin lalla shi ta ce"Ki yi hak'uri kinji Amina ki daure ki sha kinji ,ba'ama tsofaffi musu".Haka mahaifiyar d'an juma tai ta ba meenal baki.Mommyn Meenal dai bata tanka musu ba.
D'an juma ko tun tuni ya fice daga d'akin.Ba dad'ewa sai gashi ya dawo da kayan tea a hannun shi,Mahaifiyar shi ya mik'amawa ya ce"Inna gashi a had'a mata tea ta yi amai a gidan sarki".Hajiya Mariya kallan d'an juma ta yi,ta ce"Sannu da k'ok'ari Abdurrahman" .
D'an juma murmushi yayi ya fice daga gidan"




Washe gari,d'an juma yana d'akin shi da ke gidan Sarki,bayan ya kai ma su sarki abin Karin kumallo bayan sun karya ne,yaga shigar alhaji woto kakan Meenal ban d'aki.D'an juma d'akin sarki kakan shi ya shiga,zama yayi kusa da sarki ya ce"Sarki wai ya kake da alhajin nan ne?".
Sarki murmushi yayi ya ce"Abdurrahman Malam Abdullahi,a nan garin mahaifin shi ya kawo shi karatun allo,tun da aka kawo sai tamu tazo d'aya muka k'ula abota mai k'arfi dan so dadama nike biyamai alllan shi saboda na wuce shi akaratu.Abdullahi ya yi nisa akaratu sosai ya tafi kaduna ganin gida,tom dama muna karatu da shi yana yawan sanar da ni ba da son mahaifiyar shi yake karatun allon nan ba,ita fati son yayi agabanta,tom tun daga zuwannan ne dai bai koma ba.Sai dai duk da haka alak'armu na nan dan duk lokacin da ya samu dama yana zuwa nan,kaji alak'armu da shi abota ce,kuma sai shi yama fi ni rik'e amanar abotar,inda ni ban tab'a zuwa wajan shi ba shike zuwa wajena.Kaji alak'ata da shi".Shiru d'an juma yayi sannan ya ce"Tom naga kana ma yarinyar nan addu'a me ke damunta?"."Irin lallurarka ke damunta,yarinya kamar wannan ace bata son aure ,batama son ai mata maganar auran,kamar kai agari".Cewar Sarki.
Dan juma murmushi yayi ya ce" Sarki ni kam daga yau kafara lissafi dan na samu matar aure".Allah sarki sarki da babu abinda yake son gani kamar auran d'an juma cikin tsantsar farin ciki ya ce"Alhamdulilah,Allah ya amshi rok'on mu,Abdurrahman ina yarinyar take?" D'an juma kallan Sarki yayi ya ce"Ni ka d'ai ke sonta sarki ita bata sona,ni kuma ita kad'ai na tab'ajin sonta araina,har nakanji idan tak'ini bazan yi aure b..." .Sarki da sauri ya rufe bakin d'an juma ya ce"Haba Abdurrahman wannan wata irin magana ce,in dai ba sokake kasani adamuwa ba,karka sake furta kallmar baza kai aure ba dan Allah,yarinyar kuma insha Alllah zata soka,ko ko ita tace bata sonka da bakinta?".
Kai d'an juma ya girgiza ya ce"Ina fargabar sanar da ita ina sonta,dan bana tunanin zata amince min"."Shurman banza kenan,waya fad'ama namiji na karaya wajan furta so,ai wanna mace aka sani ba namiji ba,ka cire fargabar komai ka tun kareta kai tsaye, insha Allah zata soka,ka cire fargaba ,da rashin tayi akan bar arha" .
D'an juma kallan Sarki yayi ya ce"Ka yi min addu'a ta soni Allah idan tak'ini haka zan ci gaba da zamana bazanyi aure b...".Sarki da sauri ya k'ara rufe bakin d'an juma ya ce"Abdurrahman kabar furta kallamar nan, dan wata tak'ika sai ka ce baza kai aure ba,idan fa Allah bai tsara aure tsakanin ku da ita ba fa?,shikenan ba za kai aure ba,dan Allah kabar furtawa ,ganin auranka shine burina .Ayanzu haka babu abinda nake fatan Allah ya k'aramin tsawan rai in gani kamar matarka, Abdurrahman dan Allah kabar furta kallamar nan mai fad'ar min daga ba".
D'an juma ganin yadda sarki ya shiga damuwa,yasa ya kamo hannun shi yana murmushi ya ce"Kwantar da hankalinka bazaka mutu ba sai ka ga d'ana insha Allah,daga yau sai ka fara k'irga ranar aure na nan da watani kad'an musu zuwa".Sarki cikin jin dad'i ya ce"Allah yasa Abdurrahman ,dan baka tab'amin maganar aure ba sai yau,ko ba komai insha Allah nasan ko mai ya kusa zama tarihi".
D'an juma har ya fita alhaji bai shigo ba yana ban d'aki ".



B'angaran Meenal kuma ta hura ma mommynta wuta ita fa bazata kuma kwana garin nan ba daga gobe ba.
Meenal sai nai man wayar da zata Kira daddynta take babu,gashi wayar mommynta tunda ta bugata da k'asa ta d'auke,wayarta kuma M.T.N gareta batayi hausar cire Sim d'in mommynta ba tasa awayarta ba.Mommyn Meenal kuma ta hana mahaifiyar d'an juma taba Meenal wayarta ta ce ta ce mata bata da caji.Sosai Meenal ta shiga damuwa dan so take tai waya da daddynta ruwa ajallo.Tana nan tana tunanin ya za tai d'an juma yayi sallama ya shigo"



D'an juma da ledar kayan tea d'in Meenal hannun shi,ya mik'ama mahaifiyar shi,sannan ya gaida su,ya kalli Meenal ya ce"Sarki na kiranki".Meenal har zatace bazata ba,amma da ta tuno d'an juma na da waya zata ara ta kira daddynta batare da mommynta bama taji abinda zatace ba,hakan yasa ta tashi ta yafa d'an kwalin abayarta ta fita,d'an juma yabi bayanta shima.



Suna fita daga gidan Meenal ta kalli d'an juma ta ce"D'an aramin wayarka". "Ayyah nabadata caji amma idan na amso zan baki idan kuma kin matsu da yin kira idan mukaje sai ki amshi ta sarki kiyi amfani da ita".
Meenal shiru tayi sannan ta ce"Badamuwa idan ka amso nayi kiran".Meenal na fad'in haka ta juya zata tafi.D'an juma yayi saurin cewa "Sarki na kiranki fa nace"."Bazan je ba".Meenal na fad'in haka ta juya tayi ta fiyarta.D'an juma d'aga murya yayi ya ce"Bari inzo in cema Mommy kince bazaki ba".
Meenal da dowa tayi taja ta tsaya gaban d'an juma tana kallan shi,shima ita yake kallo.Meenal tsaki ta yi ta ce"Uhm dan Allah ka d'an taimakeni magana,Wallahi bazan iya shaba,kuma alhaji ya sa daddyana indai ban sha ba sai dai in ci gaba da zama kyauyan nan,ni koma gaskiya bazan iya shaba,dan Allah ka san abinda zaka ce mai ya baka ka kawomin".Shiru d'an juma yayi sannan ya ce"Tom Mommynki fa ai zataga biki shaba".Meenal ta ce"Ai idan ka amso zuwa zan rik'ayi da sunan zanje amsowa idan nagama zamana in koma".Murmushi d'an juma yayi ya ce"Shikenan sai anjima,bari inje in amso".
Meenal juyawa tayi ta shige gida tana jan tsakin takurata d'in da duk akayi".



D'an juma gidan Sarki ya koma yace ya bashi ya kai ma Meenal ,yaje ya isketa batajin dad'i.Sarki ba d'an juma yayi ya ce ya tabbatar ta sha.D'an juma na fitowa ya kurb'e addu'ar acewar shi ayar Allah ce,inda yasan ko ya kaima Meenal ba sha za taiba,zubarwa za tai"




Yau d'an juma da wuri ya dawo daga funtua,yayi wankan shi cikin wani brown d'in yadi,masha Allah sosai d'an juma yayi kyau ya shafe kayan shi da aribian oud.
D'an juma ya fito zai tafi gidansu,suka ci karo da sarki ya fito ban d'aki.
Sarki murmushi yayi dan indai kaga sauri ya d'au wanka da daddare tom ba sai ya fad'aba kasan inda za shi.Sarki da fara'ar shi najin dad'in d'an juma ya fara nai man aure ya ce" Abdurrahman daga ganin kwalliyar nan nasan gimbiyarka zaka gani".Murmushi d'an juma yayi yana mai jin wata irin fargaba ya ce"Sarki yau ne zan fad'ama yarinyar da nace maka ina so,tom ina fargaba ka tayani addu'a Allah yasa ta amince".Sarki hannun d'an'juma ya kamo ya ce"Bacin kayi addu'ar fita gida,ka karanta izaja'a,insha Allah zaka samu nasara".D'an juma cikin jin dad'i ya ce"Nagode ,bari in tafi" .
Sarki Kiran shi yayi ya ce"Bari in d'akkoma addu'ar Amina idan ka dawo wajan gimbiyartaka ka biya ka kai mata".
Sarki d'akin shi ya shiga ya d'akko addu'ar yaba d'an juma.
D'an juma amsa yayi ya tafi ,azuciyar shi yana cewa"Sarki wadda zan ba addu'ar nan ita ce gimbiyar tau,amma kai kanka fargabar sanar maka nake yi".



Haka d'an juma ya kama hanyar gidan su ,zuciyar shi na cike da fargaba"



B'angaran Meenal kuwa ta k'osa d'an juma ya shigo ya bata wayar shi ta Kira daddynta,dan jin shirun yayi yawa,yasa ta ce ma mahaifiyar d'an juma "Wai yau ba zai zo bane?".Mahaifiyar d'an juma da bata gane abinda take nufi ba,ta ce"Waye ba zai zo ba?" ."Wanda ke ....".Sallamar d'an juma ce tasa Meenal ta yi shiru............✍️




Idan kin karanta ki daure ki Comment Sister.




Share & Comment please🙏🏻🙏🏻



📚 MEENALYN DADDY 📚

🔔📚
*JARUMAI WRITER'S ASSOCIATION📚*
_{Marubuta masu aiki da jarumta domin wa'azantawa ilimantarwa, nishad'antarwa tare da fad'akarwa da jama'a bisa harshen hausa}_
https://m.facebook.com/story.php?story_fbid=337435884671992&id=103920888023494&sfnsn=mo

*⚜️©J.A.W📚🖌️*


Na
Fadila Sani Bakori.




Page 17 & 18.


Daddyn Meenal tashi yayi yazo inda Mahaifinshi yake ya rik'e k'afar alhaji ya ce" Alhaji dan Allah ka canza wani abun ba wannan ba,na yi ma Meenal alk'awarin ba zan mata auran dole ba,dan Allah ka barni in cika alk'awarin da na d'aukar mata".
"Kwantar da hankalinka Sani,babu wanda zai ma Amina auran dole".Cewar Sarki.Alhaji kallan sarki yayi ya ce"Alk'awarin da na d'aukarma Abdurrahman fa?,Sannan Amina bawai Abdurrahman bane bata so kuwa ma baso take ba".
Shiru sarki yayi sannan ya ce"Duk da haka alhaji baza ai ma Amina auran dole ba".
alhaji da ran shi sosai ya b'ace ganin yadda Sani ya fito k'iri-k'iri ya nuna baya son d'an'juma,hakan yasa alhaji cikin tsantsar b'acin rai irin Wanda daddyn meenal bai tab'a gani ba ya ce"Sani tashi ka tattara kaida iyalinka kubar garin nan yanzu-yanzun nan!".
Daddyn meenal ganin yadda ran mahaifinshi ya b'ace sai kuma hankalinshi ya tashi ,kallan maihaifinsa yayi ya ce"Alhaji dan Allah kayi hak'uri".Alhaji cikin d'aga murya ya ce"Sani ka d'auki iyalanka nace ku koma Kaduna ka cikama 'yarka alk'awarin da kai mata ".
Daddyn Meenal cikin sanyi ya ce"Alhaji kai fa?".Bazan tafi da kai ba,gobe Sule yazo ya d'aukeni ".
Daddyn meenal shiru yayi,k'arshe ya gama zamanshi ya tashi ya tafi cikin sanyin jiki".



Alhaji Abba ko da ya fita rasa inda zaiyi ya yi , dan baisan gidan da su meenal sukeba.Tunanin number da meenal ta kirashi ta fad'omai,hakan yasa ya ciro wayar shi ya Kira number d'an'juma.
D'an'juma ko dama yayi serving number daddyn meenal,hakan yasa daddyn Meenal nakiranshi ya gane mai Kiran ya d'aga yana mai yin sallama.
Alhaji Abba amsawa yayi sannan ya ce"Meenal ce ta kirani da number nan,dan Allah ko tana kusa"."A'a bata kusa, ina Funtua ne ,sai dai in nadawo".Cewar d'an'juma"
Shiru alhaji Abba yayi sannan ya ce"Ina son inje wajan su ne,babu yadda za ai?".D'an'juma cikin girmamawa kamar daddyn meenal na kusa da shi ya ce"Kana ina ne sai in turo yaro ya tafi da kai?"."Ina k'ofar gidan sarki"."Tom bari in turo yaro sai ya k'arasa da kai gidan".
D'an'juma na fad'in haka ya kashe wayar ya kira yaran shi sule mai tsaran shagon shi ".



Daddyn Meenal na jikin motar shi tsaye cikin damuwa sosai,sai ga Sule da d'an'juma ya turo.Sule gaida daddyn meenal yayi sannan yayi mai bayanin shine Wanda d'an'juma ya turo yaraka shi gidan su.
Alhaji Abba motar shi ya bud'ema sule ya shiga suka tafi.




B'angaran Meenal ko tana zaune tana shafa mai ,Sule ya shiga gidan .Bayan ya gaida su ne ya ce"Daddyn Meenal ya ce su Meenal su fito su tafi" .
Meenal cikin jin dad'i ta ce"Wayyyo sweet daddy ya iso".Mommyn meenal kallan Meenal ta yi ta ce"Jiki gani meenal".Aiko meenal da sauri ta zira doguwar rigarta ta yafa ma yafinta ta fita da murnarta"



Meenal da gudu ta fad'akan jikin daddynta tana cewa"Oyoyoyo sweet daddy naji dad'in zuwanka Wallahi dama duk atakure nake".
Alhaji Abba bai tankama Meenal ba dan cikin damuwa yake sai dai kanta da yashafa ya ce"Kira mommynki mu tafi".Meenal jin amsar da daddynta ya bata yasa ta d'ago tana kallan shi ta ce"Sweet daddy naganka so silent".Murnushi alhaji Abba ya kuma yi ya ce"Kira mommynki mu tafi yamma tayi".




Meenal kallan daddynta tayi ta juya ta tafi, tana mamakin yadda taga daddyn nata.Meenal na zuwa ta ce"Mommy ki tashi tafiya zamuyi ".Hajiya mariya da babu abinda za tai jakar ta ta d'auka ta rataya ta kalli Mahaifiyar d'an'juma da itama ita take kallo ta ce"Tom Auntyna zamu tafi sai watarana in mun dawo ko kuma ku in kunzo".
Meenal kallan Mommynta ta yi ta ce"Mommy har kina fatar ki k'arazuwa kyauyan nan,tom sai dai kinzo amma ni kam bani ba"."Suma basa gyayyatarki".Cewar mommyn meenal.
Mahaifiyar d'an'juma dai murmushi ta yi ta ce"Tom hajiya Allah ya k'addara saduwar mu".




Mommyn Meenal tun yadda ta hangi daddyn meenal atsaye yayi shiru ta san da akwai matsala.Mommyn meenal cikin fad'ad'a fara'arta ta k'arasa wajan daddyn Meenal ta ce"Barka da zuwa daddyn meenal".Alhaji Abba cikin kasa danne yadda yakeji ya ce cikin sanyi"Yauwa mommyn meenal,na sameku lafiya?". Daddyn meenal ya fad'i maganar yana mai bud'e musu motar su shiga.
Bayan sun shiga ne daddyn meenal har yaja k'ofar ya tafi ,hajiya Mariya ta kallai ta ce"Daddyn Meenal alhaji fa?".
Shiru daddyn meenal ya yi.
Hajiya Mariya kallan Alhaji Abba ta yi da kyau ,tabbas dagani mai gidannata yanada damuwa,hajiya mariya cikin sanyi ta ce
"Daddyn Meenal alhaji fa ?"."Wai ba zai tafi damuba ".
Hajiya mariya cikin mamaki ta ce
"Daddyn meenal lafiya,ko munyi mai laifi ne?".Shiru alhaji Abba yayi dan bai san mai zai ce ma hajiya Mariya ba.



Haka su Alhaji Abba sukaci gaba da tafiya shiru kakeji,dan Meenal ma tayi ma daddynta magana ,ganin daddyn nata kamar yana cikin damuwa yasa Meenal ma taja bakinta tayi shiru.
Daddyn meenal basu suka shiga gida ba sai k'arfe tara na dare(9:00PM).Suna shiga Meenal ta baje afalo.Alhaj Abba ko ciki ya shiga yayi alwallah ya tada salloli biyu da aka biyosu, magriba da isha'i.
B'angaran hajiya Mariya ma haka,itama ciki ta shiga ta gabatar da sallolinta,tana idarwa ta shiga kitchen tayi musu jolop d'in taliya.Hajiya Mariya da ta fito kwance ta iske Meenal kan caution tana bacci .Hajiya Mariya bubbugata ta farayi da k'arfi tana cewa"Meenal bacci kika fara bacin kinsan biki sallah ba,babu irin tashin da hajiya mariya ba taima Meenal ba amma tak'i tashi dole ta k'aleta.Bedrom d'in daddyn Meenal hajiya Mariya ta nufa kwance ta iske shi kanshi asama daga gani dai yayi nisa sosai a tunani,hajiya Mariya zama tayi gefan kadon ,sannan cikin alamun damuwa ta ce
"Daddyn Meenal dan allah mai ke damunka,tun da kaje d'akko mu na lura kanada damuwa amma kayi shiru,ita fa damuwa idan mutum ya furtata yana samun sauk'i daga yadda yakeji".
Daddyn Meenal tashi yayi ya zauna yana kallan mommyn meenal,ya ce"Wa ye Abdurrahman a kyauyan da ku kaje?".Hakanan hajiya Mariya sai taji gabanta ya fad'i batare da tayi tunanin komai ba,ta ce"D'an'juma kenan,jikan sarki,gaskiya yaron nada hankali sosai da natsuwa".Hajiya Mariya ta idasa maganar tana kallan daddyn Meenal.
Numfasawa alhaji Abba yayi ya ce"Yaron ya nuna yana son Meenal ne?"
Gaban Mommyn meenal fad'uwa yayi jin abinda daddyn meenal ya ce,kallan shi ta yi ta ce"Eh tom,gaskiya ni banga wata alama ba,amma Meenal yau kwana biyu kenan ta shigo tana kuka wai yaron da kake magana ya ce yana sonta,dan ta dad'e tana kuka,nan ma dai mahaifiyar yaron ita taita lalla shinta".Shiru mommyn meenal tayi sannan ta ce
"Wani abu ya faru daddyn meenal?"
.Alhaji Abba shiru yayi kamar ba zai ce komai ba sannan ya ce
"Jiya alhaji ya kirani akan inzo yau ,tom shine bacin naje yake sanar dani wai yayima yaron alk'awarin auran Meenal".Alhaji Abba ya idasa maganar cikin damuwa sosai.
Hajiya Mariya ko ai rud'ewa tayi ta ce"Daddyn Meenal alhaji ya bada auran meenal kace fa?,A kyauyan nan ya bada auran nata?".Kai daddyn meenal ya jinjina ya ce
"Haka alhaji ya ce min,da nanuna banyadda ba shine ya nuna min b'acin ranshi sosai,har ya nuna bazai biyomu ba ,tom Wallahi tunda alhaji ya furta maganar nan narasa natsuwata,nama rasa yadda zan b'ulloma al'amarin".
Wai Allah,hankalin hajiya Mariya ai sosai ya tashi,dan yafi na alhaji Abba tashi ma.
Cikin Sanyi hajiya Mariya ta ce
"Kabari zamuyi maganar da alhaji nasan insha Allah zai fahimceni"Tom Allah yasa".Cewar alhaji Abba".



"Tom ka tashi muje kaci abinci".Alhaji Abba da ya d'anji sauki daga yadda yakeji tashi yayi yabi hajiya Mariya .Kwance ya iske meenal tana bacci,zuwa yayi dan ya tadata taci abinci tak'i tashi ,dama yasan haka dan Meenal akwai wuyar tashi idan tayi bacci.Alhaji Abba bayan ya gama cin taliyar ziboma meenal yayi a plate ,da kyar ya samu ta tashi,ka d'an taci ta tafi zata kwanta hajiya Mariya ta kalla mata harara ta ce
"Sallah fa?".Meenal turo baki tayi ta ce
"Ai tunda kikaga banyi ba sai ki rubu dani ko ,kinsan bayi zanyi ba".Meenal na fad'in haka ta d'agama daddynta hannu ta ce"Sweet daddy good night"."Good night too meenalyn daddy ".



B'angaran alhaji ko bayan daddyn meenal ya tafi sarki hannu alhaji ya kamo ya ce
"Alhaji mubi komai ahankali dan Allah,idan Allah yasa Amina rabon Abdurrahman ce tom babu abinda zaihana ya aureta inda wani bai auran matar wani".Hakane malam Haruna,nima bawai zantsauwala abin bane,dama ina tuna alk'awarin da naima yaron nan ne,sannan kai abinda baka fahimta ba Sani baya son Amina tai aure yafi son yayita ganinta agabanshi.Wallahi malam Haruna idan ba wani ikon Allah ba Sani bazai bar Amina tai aure ba,inda itama bason auran take ba,ita kuma 'uwar ba isa tayi ba,lokacin da ita kuma zataso auran in ba sa'aba babu samarin kuma".Cewar Alhaji .
Shiru sarki yayi,dan shi harga Allah cikin zuciyar shi bama son d'an'juma da yarinyar yake ba.




B'angaran d'an'juma ko bai San da tafiyar su Meenal ba.Dan koda yaje gidan bai gansuba kasa tambayar mahaifiyar shi yayi bakamar yadda yaga tana ta d'aure mai fuska ba ,hakan yasa ya koma gidan Sarki,nanma ba damar tambaya yanajin kunyar kakan meenal hakan yasa yaja bakin shi yayi shiru.
D'an'juma da daddare yana kwance ad'akin shi kan shi sama yana ta tunanin sahibar shi Meenal, ahaka bacci ya kwasheshi.
Washe gari d'anj'uma yaje kaima tsofaffin abin Kari ya iske alhaji wato kakan Meenal ya zagaya bayi,d'an'juma cikin jin dad'in rashin ganin alhaji ya kalli sarki ya ce
"Sarki ina bak'in mu ne?".Aiko kamar d'an'juma ya tunama sarki ya ce
"Yauwa Abdurrahman dan Allah abinda nake so da mai kasamu alhaji kace mai kajanye maganar son yarinyar nan da kace,saboda kaga yanzu haka alhaji ya d'au fushi da mahaifin yarinyar nan ,dan Allah Abdurrahman ka naimi mata akyauyan nan kayi auranka".
Shiru d'an'juma yayi sannan ya ce"Sarki kamar yadda na fad'ama