You Cannot Download this book untill you login but you can read it .

---

Login Register

don su kamal
bazasu iya ba, yanufi gurinsu ganin kamar ya
damu yasa itama taje tasa musu hannu don dai
ya saki ranshi, sun gyara tsaf ummi ta goge
sannan ta rufe dakin. Har magriba bishira bata ji
an ce za'a maida taba, sai ta dauki wayar
kanwarta ta kira shi wai yazo don Allah
yadauketa. Tsakanin mata da miji sai Allah, nan
ya tausaya mata yace zaizo, kafin ya isa sai daya
sai mata waya irin dai ta hannun ummi. Har cikin
gidan ya shiga suka gaisa da babanta, yayi
murna sosai yayi tawa Abba godiya, tare da ba
shi hakuri yace yasan yanda ta horu zai gata
canza da yardar Allah. Yasa aka turo ta yayi
mata nasiha, sannan ya gargadeta da cewa inhar
ta bari mijinta yakawa kararta zatayi mamakin
abinda zai mata. Tace, insha Allahu baza ta kara
ba, yakawo kudi yaba Abba, da kyar ya amsa ita
kuma ya bata wasu zannuwa acikin leda, yace su
raba da abokiya zamanta. Taje tayi wa hajiya
zainu sallama suka tafi, tamkar baquwa haka ta
koma, sai kace basu taba zaman aure da Abba
ba, nauyinsa take ji. Suna tafe ya ciro waya ya
miqa mata, tasa hannu ta amsa yace taki ce, tayi
ta godiya yace ba komai. Sallamarsu tasa gaban
ummi faduwa, ta dake ta fito ta amsa, wani kishi
ya tasho mata amma saita danne. Ta kalli bishira
tare dayi mata sannu dazuwa, ta amsa tana
kallon ummi tayi kyau tagoge daga ka ganta
kaga wayayya 'yar gatan miji. Ta dauko makullin
dakin ta ba bishira, abba kuma ya nufi dakin
ummi. Bishira ta dinga kallon yanda abba ya
gyara gidan yaja gini ta gefen ummi yayi mata
falo da kicin, sannan tsakar gidan an gyare shi da
tiles. Haka bandakin su yagyara shi, nan dai
bishira ta shiga dakinta ta zauna bakin gado tana
yi wa allah godiya tare dayi wa kanta alkawarin
har abada bazata ta kara yin yaji ko ta janyo
abinda zaisa mijinta ya sake ta ba. Ummi tana
kan gado tana karanta wani littafi yazo ya zauna
bakin gadon bata ko kalle shi ba don haushi take
ji. Sai take ganin kamar rawar kai yake yi da
dawowar bishiran, kuma tuntuni yana zuwa gurin
ta ya boye mata. Yace madam ina son in yi
magana da ku ne ke da bishira, ummi tace ina jin
ka, yace can zaki zo muje. Tace, gsky nagaji, kayi
maganar da safe. Yagama gano kishi ne ke
damunta, don haka yayi murmushi yace yanda
kikace hakan za'ayi. Ya fita kamar minti 30
yasake shigowa ya aje mata leda tare da cewa
saida safe aciki tace Allah yabamu alheri. Yana
tafiya taje ta banko kofarta, yau kam bacci ya qi
idanun ummi sbd tayi sabon bacci a haqarqarin
Abba. Dukkan filolinta ta rasa wanda zai maye
mata madadin haqarqarin mijinta, ynzun yancan
da wata tasan yanda yake wannan rawar jikin
ynzun ya manta da batunta. Tarasa me yake
mata dadi, littafin datake karantawa kuwa sam
bata fahimtar abinda ke ciki. Hka ta dinga zubda
hawaye har nisan dare, ganin bata da wata
mafita, tashi tayi ta bude kofa lokacin 2 saura
taje tayo alwala tazo ta kama nafila. Abba jin
bude kofarta ne yasa shi leqowa ta window
aranshi yaji tausayinta don yasan bata iya bacci
sai ajikinshi, ita bata san ya leqo ba don ko
hanyar dakin bata ishe ta kallo ba. Yakalli bishira
wadda bacci yayi gaba da ita ya tausaya mata
sosai yanda tayi tarawar jiki alokacin
auratayyarsu dazun. Yadauko wayarshi yarubuta
ma ummi sako. KI KWANTA KIYI BACCI BABY,
TARE DA QISIMA CEWA KINA LAFE
AMAKWANCINKI (WATO JIKINA) INA CIKE DA
KEWAR LEBUNANKI Tana sallah taji shigowar
saqo amma bata yi ko marmarin dubawa ba, haka
tai sallah har zuwa lokacin da bacci yasoma
fizgarta. Tayi adduo'o'i sannan ta kwanta, saida
asubahi ne datayi sallah sannan ta karanta, dan
tsaki taja tare da cewa, Karya kawai, kishi yasa
ta fadin haka don tasan Abba sosai baya boye
mata komai ynzun. Sai dai abinda yasake qular
da ita da asubahin nan yanda tana fita shi kuma
ya fito wanka, duk da tasan dole wani abu yafaru
tsakaninshi damatarsa, amma sai taga tamkar da
gayya ya tsaya don tafito taganshi. Tna idar da
sallah ta dora ruwa akicin dinta, tadafa ruwan tea
taje kicin din bishira tadauko flask tazo ta wanke
ta zuba musu ruwan zafi taje kofar bishira tayi
sallama bishiran ce ta bude ummi tamiqa mata
tare da cewa an tashi lpy? Cikin sakin fuska tace,
lpy lau, nagode. Ummi ta ce ba komai takoma
dakinta ta kulle kofarta don yau bata da darasin
safe. Abba ma yau bada wuri zai fita ba, don
haka yadan samu baccin safe sai 8 yayi wanka
ya karya, sannan yanufi dakin ummi. Kofarta tana
rufe, ya kwankwasa ta share sai can dai dataji
yaqi tafiya sannan tazo tabude. Takalle shiya yi
kyau cikin kananan kaya, ta kauda kai tare da
cewa, an tashi lpy? Yace lpy lau, kin karya? Tace,
um'um sai anjima, zata rufe kofar yace,
makaranta fa? Tace sai karfe 2 nake da darasi.
Ta maida kofar ta rufe, yayi dan murmushin
takaici sannan yafita. Kwananshi 2 dakin bishira
yayi niyyar dawowa dakin ummi, don ya kosa
yadawo ya lallasheta bazai iya daukar wannan
shariyar da take mishiba. Tsakaninta da bishira
lpy lau amma shi sai tana wani share shi. Ya
shigo da zumudi zai nufi dakinta, tamiqe cikin
fara'a daga wanke-wanken da take yi ta amshi
ledar hannunsa da jakar laptop ta nufi dakin
bishira. Shida bishira suka bita da kallo, ganin
zata shiga bishira tace ummi yau ai dakinki yake.
Ummi tace injiwa? Anty bishara ai kullum ke ce
dashi har sai kin rama duk kwanakin da kika
dauka agida. Kinga kenan kusan wata goma sha
daya kenan. Abba cikin sauri yace ke
mahaukaciya ce? Ina ki kasamo wannan fatawar?
Ta kalle shi, sannan tashiga dakin ta ajiye ta fito
taqara kallonshi gurin malamai, yace to ban
yarda ba, don haka zanci gaba dayi muku kwana
bibbiyunku, ummi tace to ni na yafe mata nawa
kwanakin bishira tace nagode ummi. Haushi ya
cika Abba, amma shi bazai dauki wannan horon
da ummi take shirin yi masa ba. Yadawo dakin
bishira a fili yafurta kema saina baki haushi zakiyi
dakin sanin wannan furucin. Sharewa yayi yaci
gaba da kwana dakin bishira tare da nuna kulawa
ga bishiran. Ummi ta jure duk da duk daren Allah
sai taci kuka ta gode Allah, sannan tashiga zargin
cewa shi ma ya Abban dama can yana son
tarewa dakin bishira, inba haka bame zaisa yayi
saurin yarda kuma yayi ta nuna mata soyayya?
Ganin ummi tana yi tamkar bata damu ba yasa
shi qa rajin haushi, yadawo da yamma suna
zaune kowa A qofarshi. Ummi tayi kwalliya cikin
qananan kaya, bishira kuma tana sanye da leshi,
karatun littafi bishiran keyi ita kuma ummi tana
yin gyaran qumbunanta. Bawai suna wata hira
bane amma suna kula juna sosai musamman
bishira tana son su saba da ummi. Ummin ce.
bata cika son fitowa ba, bishira ta tashi ta masa
sannu dazuwa tare da amsar kayan hannunsa
don yanzun tana koyi da ummi gurin kyautatawa,
ummi ta kalle shi sannu dazuwa, ya amsa da
yauwa baby. Yakalli bishira sweety zanyi wanka,
tace to, takai masa ruwa yashiga dakinta, sai
tazo tace masa takai nan k sweety zanyi wanka,
tace to, takai masa ruwa yashiga dakinta, sai
tazo tace masa takai nan kuma yajanyo bishira
jikinshi. Ba wai yana da bukata bane, amma don
ya shaqar da ummi sai ya banko kofar, qaran
kofar ne yasa ummi kallon gurin dakin. Ta duqar
dakai taci gaba da abinda take yi, kusan minti
arba'in suka fito, Abba ya matsawa bishira wai
suyi wanka tare, tace ni bazan iya ba akwai ummi
dama da dare ne inajin kunya. Kuma kada taga
kamar cin fuska ne, yace kenan don kada ki bata
mata rai ni mijinki bazaki faranta min ba ko? Dole
ta bishi suka shiga bayi. Baqin ciki yasa ummi
tashi tashige daki, kuka sosai tayi daga nan bata
fito ba sai magriba, tanayin alwala tarufo kofa,
washegari ma qin bude qofar tayi daga alwalar
asubahi. Abba yayi ta raba ido ya ganta amma
bata fito ba, yasan fushi take, ya kira wayarta
taqi dagowa yayi mata saqo cewa in zata
makaranta tafito inkuma sai darana ta bude ta
amshi kudin mota. Tana gama karantawa tayi
wuri da wayar ba tare data bashi amsa ba, haka
ya tafi. Bishira ta qwanqwasa ma ummi ta bude
suka gaisa, tace naga baki fito bane ina fata lpy?
Tace lpy lau bacci ne, tace yau baza kije
makaranta bane? Ummi tace, zanje sai sha biyu.
Bishira tace kinji dadinki ni gashi nan ina tayi
masa zancen karatun amma ya share ni, ummi
tace inkin matsa zai yarda, tace ko za ki dan sa
min baki? Ummi ta riqe baki, ni a wa? Ke da yake
hannunki ai ke ce zai saurara, ni kin zo ne ma ki
zage ni. Bishira tace wane irin zagi? Ni dama ki
amshi mijinki ummi don gangar jikinshi ce kawai
agurina, amma ruhinsa yana gurinki. Ummi ta ce,
ngd da zagi, bishira ta ce zancan gsky ne ba
wani zagi. Haka suka yi ta rayuwa cikin kwanakin
ummi kam har rama tayi shima Abba ya rage
walwala don wanda yasan kan kula da shi
kamarta. Yayi missing din abincinta. Amma ya
gaji bazai jure ba. Ya tuna bishira tace masa zata
ta yini gidan ummanshi. Don haka yana gama
muhimman abubuwan da zai yi agurin aikin
yanufi gida. Ummi tana shirin tafiya makaranta ta
dauko jakarta sai kurum taga mutum kamar an
jeho shi. Ta daure fuska tamkar bata taba dariya
ba, yace ummi nagaji kin ji ko, na gaji da wannan
horon naki. Laifin me nayi miki? In don na dawo
da bishira ne sai in saketa, duk ba kece kika
takura min sai na dawo da ita ba? Ummi tace, ni
karka doran jakar tsaba kasa kaji su bini, ka saki
matarka sbd ni? Ba ruwana. Yace, to ki dawo
yanda kike, kuma ki janye batunki na wai kin
haqura dani, niban haqura ba. Ke ma kuma nasan
dole ki kasa kanki, ummi ta ce ni ban damu ba,
ya ce qarya ne gashi nan duk kin rame? Ya
canza daga fada zuwa lallashi, ummi don Allah
na roqeki mu koma kamar da, haba bebyna. Ya
lalubo hannunta ta qwace, don Allah ka tafi kada
bishira ta dawo ta same ka anan ta zargi wani
abu. Haushi yakamashi sosai, ya daga murya da
qarfi, kin san Allah ummi zan hadaki da umma, ta
nufi hanya fita, nikaga kada kasa ni yi latti don
lokaci yayi nisa. Ya ficiko ta ta dawo ba zaki
makarantar ba, ke an ma daina karatun tunda yafi
ni. Ta zubar da jakar da hijabi ta nufi gado shi
kuma ya fita cikin zafin rai, gidan su umma yaje.
Bishira tana dakin umma tana sallah yabi umma
kicin, umma gurinki nazo, ta dube shi lafiya
Abba? Ya turo baki, alamun ranshi bace baki,
yace umma ki sallami bishira, tace kamar yaya?
Yace taje can gidan ko muyi maganar agabanta?
Tace, kyale ta muje dakin babanku. Abba ya fada
ma umma komai da ummi ke masa, tun dawowar
bishira ran umma ya baci tace ka barni da ita.
Banda shashancin ta da ita kadai take son
azauna? Baga bishirar nan ba gidan nan ta gane
kuskurenta ko yau yarinyar nan sai da tace in
yafe ta nace ni dama ban riqe ta da wani abu ba.
Shine ita zata qirqiro fitina? Yace, umma ai ba da
bishira take yi ba dani take yi, tace to zata gane
kurenta da dare kuzo kai da ita. Umma ce ta kira
ta awaya tace tazo ita da abba, jikinta ya mutu
don tasan qararta aka kai, tana idar da sallar
isha'i taje gidan. Can tasamu abba, nan ko umma
ta rufe tada fada, koda tsohuwa ta jiyo tazo
umma tafada mata komai sai ta shiga fada. Wai
ai kishi halas ne, ke suwaiba tsakani ga Allah ko
ke bazaki so kishiya ba, bare ita yarinya. Abba
yace to gata nan ita ce fata dame ne nida batun
in dawo da bishirar, yanzun na dawo da ita kuma
ni abin ya qare akaina? Nan fa umma tayi mata
tatas, ta kuma sata anan ta ba Abba Haquri, aka
kira shi awaya ya fita. Umma ta samu dama
taqara yi mata nasiha da cewa, in bnda shirmenki
yaushe zaki bar ladanki, hanyar aljannarki kice
kinyi fushi da ita kin barwa kishiya? To kada in
sake jin haka, ki riqe darajarki da mijinki, ke
ganinki da ita. Ta jima tana bata shawara kafin
Abba yadawo suka nufi gida. Ya shiga gurin
Bishira ya fada mata cewa yau gurin ummi zai
kwana, nan ya bar ta da kewa yanufi gurin ummi,
tamkar yaune daren farkonsu hara sukai rayuwa
s / ZURFIN CIKI book 4 part 21
ZURFIN CIKI book 4 part 21
Posted by Bashir Sani Fesan on 15 Dec 2016 - 14:19
Kwanci tashi asarar mai rai, shekara ta zagayo
lokacin bishira da tsohon ciki, Abba nason yara
don muhibba taqi dawowa tafi son umma dole
suka haqura suka bar mata. Ta haifi 'yarta
budurwa tubarkalla ranar suna ta ci sunan sahura
inda suka sa mata walida. Ummi nason yara, don
haka in tana gida to tana manne da walida, Abba
yana damuwa da rashin samun cikin ummi,
wanda ita ummin ta barma Allah komai. Shekaru
uku sun sake biyo baya, lokacin Bishira ta sake
haihuwar habiba takwara Abba yayi wa ummi.
Tsohuwa an qara tsufa, 'yan rigingimu sun qaru
tace ita Abba yama takwara amma bata son ya
duke ta irin yanda yayi wa ummi. Abba kullum
qara son ummi yake, umma ta matsa masa sai
da yayi qoqari ya sai fili rabin filoti tace kuma a
rage ciye ciyen dadin nan agina shì. Haka kuwa
ya gina flat mai daki hudu, daya ummi daya
bishira, sai nashi sannan na yara. Yayi qoqari
gurin gyaran falon ita kuma ummi ya canza mata
kayan daki don bishira an canza mata daza su
tashi agidan su. Yace tabishi bashi in ya samu
zai bata kudi amadadin kayan daya saima ummi,
tace ta yafe. Ummi dake karantar (BUSSINESS)
har ta hada (H.N.D) dinta kuma tayi bautar qasa.
Abba dai yace baza'ayi aiki ba amma ya yarda
tayi kasuwanci, Alhaji babba ne ya bata jari inda
take saro kaya zannuwa, lesuna, takalma zuwa
jakunkuna. Abin ya amsheta don har kayan aure
tana hadawa, tana yin saqo irin su kwatano da
chaina, india, pakistan ko dubai, ta hanyar wani
wan kawarta. Haka kawai ummi ta samu kanta
da zaban abinci, yawan bacci kasala da dai
sauransu, sam bata san takamaiman lokacin
al'adarta ba. Don bata wani lissafi in yazo shi
kenan in bai zo ba bata damu ba tama cire ranta
daga batun ciki. Abba ya kalli nonuwanta, baby
kwanan nan kirjinki ya cika sosai, gashi kinyi
haske ko kin canza mai ne? Tace yaya yaushe
kazama likita? Yace, ummi kin fa canza shirya
muje asibiti, ta ce ya Abba don Allah ka bar ni
nagaji dazuwa asibiti. Yace, to ni zan je inya
tambaya game da yanda ki ka canza. Cikin jin
haushi tace sai ka dawo. Ga yara atsakar gida
sun ishe mu, yace ni naki nake qawar in gani
nasan addu'ar da nike yi bazata fadi kara banza
ba, sannan ga qoqarin danake yi, shiru ta masa.
Dagaske yake yi yaje yayi wa likita bayani, yace
yadai kawo fitsarinta. Sai da suka yi tsiya da qyar
bishira ta lallasheta ta yarda ta bada fitsarinURFIN CIKI book 4 part 23
ZURFIN CIKI book 4 part 23
Posted by Bashir Sani Fesan on 15 Dec 2016 - 14:22
Sam bishira bata damu da barin mijinta da zatayi
gurin ummi ba, tunda ta jima da sanin cewa
ummi bata da wani ammafni. Wannan ne ma
yasa tasha alwashin in taje zatayi addu'a Allah
yakara toshe ummin kada ta warke sam, tunda
umma Bashir ta fada mata duk addu'ar da tayo
kafin ta dawo an karba mata. Ta kuma kara bata
shawara ta roko musu rigima suyi tayi har su
rabu, Bishira tace duk zata roko. Ko ranar da
zasu tafi sai da ta yi wa ummi habaici, kawyenta
sun shigo wato makotansu a tsakar gida take
fada musu cewa mijinta kurum take tunani. Wai
zai sha wahala kafin ta dawo. Wata cikin su tace,
wahalar me ga shi da amarya? Ta ce amaryar da
ta ke a toshe, ai bata da ammfani. Ummi duk
tana ji, takaicin duniya ya isheta sai dai ita zata
so ace bishiran take ta roko ma kanta shiriya ko
Allah zai sa ta dawo ta kama sallah. Dayar tace,
to Bishira ki roko mata sauki mana, cikin zolaya
tayi zancen, Bishira tace ba abinda zai kaini
makka in roko ma kishiya abin arziki. Ummi ta
fito ta ce Anty Bishira zai fi kyau ki roko ma
kanki shirya ko in kin dawo kya fara sallah da
tsafta. To ban san ma yanda zaki kwashe da
ibadar ba ko za a karba tunda ba yin sallah ki ke
ba. Ta taso fuuu, kawayen suka reketa suka ce
kyaleta bakin ciki ne. Abba ya fito wanka yana
cewa, Ok, za kuyi na bankwana ko? Yana da kyau
hakan. Ummi ta koma dakinta. Tun bayan tafiyar
Bishira Abba ya shiga takura musamman irin
wannan lkc na sanyi. Ya dawo da yiwa ummi 'yan
wasanni da ya daina, sai hakan yakara sa shi
damuwa don haka ya shiga lallashin ummi ta
fadawa umma....... Kuyi hkr da typing din banda
lafia sstr dita nake sawa tana maku.els / ZURFIN CIKI book 4 part 24
ZURFIN CIKI book 4 part 24
Posted by Bashir Sani Fesan on 15 Dec 2016 - 14:24
Tace ita kam ba zata iya ba ranar wata juma'a
suka tafi da nufun su fadama umma matsalarsu,
sai dai har zuwa bayan isha'i da abban yazo don
su tafi sun kssa sanar da umman komai, har
sunyi sallama abba yayi kunar bakin wake yace
umma ta fada maki matsalarta? Umma tace wa?
Yace ummi tace a'a suka koma suka zauna. Abba
kanshi na kasa Yace umma dama bata da lafiya
ne? Umma tace mike damunta kuma? Yace ummi
fada mata. Ummi ta sunne kai cikin cinya tare da
cewa shiya fada. Cikin sa'a aka kira wayarshi,
nan yayi waje ya barsu, umma tasa ummi saita
fada. Ummi ta rasa ta inda zata dauki zancen,
umma ta soma yi mata fada har tsohuwa ta leko
tambaya take lafiya ba sunyi sallama dama basu
tafi bane? Umma tace wai bata da lafiya ne,
kuma ita da abban sun kasa fadaman shi yayi
waje, ita kuma ta kunshe kai cikin cinya wai injira
ya dawo ya fadaman. Tsohuwa taja hannun
ummi zuwa dakinta, suka zauna bakin gado ta
riko hannunta. Takwara fadaman abunda ke
damunki. Ummi ta sunkuyar da kai ta kasa
magana. Tsohuwa tace inda baki fadaman ba
akwai wanda zai taimaka maki ne? Tunda naga
duk yarda mijinki yake da umman ku ya kasa
fadamata to abun mai girma ne. Ummi ta daure
tace "Gabana ne fa a toshe....." tsohuwa ta rafka
salati, sannan tace yannan badai angurya ba?
Cikin tsoro ummi Tace, ni ma ban sani ba ko
shine. Salati tsohuwa ne ta jawo hankalin umma
tazo dakin da sauri. Tsohuwa Tace ina ga
yarinyar nan angurya ne a gabanta. Umma Tace
shine don wauta daga ke har abban kukayi shiru,
dubi tsawon watanin da kuka dauka, tsohuwa
Tace yanzun yaya za'ayi umma tace ni ina nasan
yanda za'ayi, ai ni na zata yanzun babu masu irin
wannan ciwon. Rabon da inji labarinshi tun muna
yan mata. Tsohuwa Tace kai nima na jima banji
ba, amman kinsan dama wanzamai ke aikin.
Alhaji ya dawo daga sallar isha'i yaga abba tsaye
a waje, Yace a'a babana dama baku tafi ba, Abba
yace eh yanzun zamu wuce, ya biyo bayan Alhaji
suka shigo suka riski zancen dasu dasu umma
keyi. Alhaji Yace lafiya? Umma Tace yaran nan
ashe zaune suka da lalura, tame inji Alhaji, umma
Tace angurya ce ashe ta fito ma Ummi wai suka
zaune. Alhaji yace meye kuma angurya Tace wani
abu ne dake toshe mace. Nan fa suka shiga
tattauna yanda za'a shawo kan abin, tsohuwa
Tace wanzami za a kira ya yanka mata. Alhaji
yace to gobe zai kira wanzami. ZURFIN CIKI book 4 part 25
ZURFIN CIKI book 4 part 25
Posted by Bashir Sani Fesan on 15 Dec 2016 - 14:26
Abba da jin haka sai ya fito, kishi fal da
zuciyarshi, ya ce umma wanzami kuma? Ta ce
eh, aikin sune. Yace gsky umma ba za a kai ta
gurin wani wanzami ba , bagara muje asibiti ba.
Tsohuwa ta ce, kaci gdanku da asibiti komai ku
ce asibiti to wannan ba aikinsu ba ne. Abba ya
ce, Nifa gsky ba xa a kai min mata gurin wani
wanzami ba, umma asibiti zamu. Yanzu kai ya
waye wanzamai ba duka suke dafa kayan aikinsu
ba, haka kawai taje ta hadu da wata cutar? Alhaji
yayi murmushi yasan kishi ne ke damun Abba, ya
ce Babana kada ka damu, goben sai kuje asibitin,
in sun ce ba su san shi ba to sai a zo a yi na
wanzam ko ? Kunya ta kama Abba, Sam ya
manta Alhaji yana gurin ya ce to Tsohuwa ta ce
kuje in kun je ma dawowa za Ku yi dan me taurin
kan tsiya. Abba ya ce naji kin ji ummi taso muje
gda Tsohuwa ta ce oho dai, kuyi ta tafiya in dai
akayi mata aikin ai dole ka barta ta warke . Alhaji
da umma dai dariya sukayi ta yi musu, shi kuma
yayi musu sallama, ummi kam kasa magana tayi
don duk ta tsorata. Suna fita ta rike hannun Abba
gam tana cewa. Don Allah ya Abba kada kabari
wanzam yayi mini aikin nan, zan ji zafi. Ya
rungumota, Ba zan amince ba wani ya ganmin
al'aurar mata, likita ma mace zan nema ko nawa
zan kashe . Ummi ta ce, to zan ji zafi ya Abba?
Ya ce, made ki damu, in asibiti ne kila suyi miki
allurar kashe zafi amma in wanzami ne ina za ya
ga wata allura yayi mini. Ummi sarkin tsoro ranar
kwana tayi cikin damuwa, washegari kuwa tun
bakwai suna asibiti. Babban asibiti suka je sun
yanki kati likita me kula da fannin mata aka tura
su. Mata dayawa suna ta kallon su ummi
musamman yanda Abba ke nan-nan da ita,
sannan wasu sungane shi kasan cewar shi dan
jarida mai farin mini. Wasu mazan kuwa sai zuwa
suke suna gaida shi. An kirata dakin ganin likitan,
ta mike zata Shiga Abba shima ya mike, wata
Nurse ta ce, malam jira mana, ya ce ai duk Mu
biyu ne bamu da lfy, ya shige likitan namiji ne ba
yanda ya iya dole ya yi masa bayani likitan yayi
ma ummi tambayoyi in da duk ta bashi amsa/ ZURFIN CIKI book 4 part 26
ZURFIN CIKI book 4 part 26
Posted by Bashir Sani Fesan on 15 Dec 2016 - 14:27
Sannan ya bukaci ta kwanta kan gado ya saka
safar hannu, juya kai abba yayi don gaskia ranshi
ya baci, lallai ya kamata mata musulmai su dage
suyi karatun likitanci don su taimaki yan uwansu
mata. Sai da likita ya gama dubata sannan ya iya
dubansa, likita yayi wani rubutu ya mika abba
tare da cewa, an baku gado zayi mata aiki gobe
ko jibi. Abba yace likita zan iya sanin wane ciwo
ne wannan? Likita yace tsirone dake fitoma mata
dai daiku. Sam abba bai fahimta ba don haka yayi
mashi sallama. Umma ce a wurin ummi tana
shan magani kafin ranar aiki inda abba
hankalinshi ya rabu biyu rabi gurin aiki rabi garin
ummi. Don ma umma ta koreshi da so yayi ya
rika kwana, addu'a kam yana yinta. Ranar da
za'ayi aiki abba hankalinshi duk tashe. Yana
zaune bakin gadon da take kwance ita kuma tana
can ana aikin. Wayar umma ce a hannunshi yana
ta danne danne, ba don nishadi ba don kawai ya
rasa me zaiyi. Dript ya shiga yana ta bin abinda
ke ciki, mamaki ya cikashi lokacin da yaga irin
text din da ummi tasha rubuta mashi don ta tura
ma abba, sai kuma ta fasa. Tamkar cikin mafarki
abba ya rika karanta sakwanin dama ummi tana
sonshi zurfin ciki ne tayi? Ya sake bude wani
rubutu cewa, Ya Abba ina sonka, ina kaunarka
duk wani motsi na numfashina kara sonka nake,
ka tausaya mun sonka zai zama ajalina, duk
ciwon da nakeyi na sonka ne. Ko na rantse ba
zanyi kaffara ba, in kaji haushin kalamaina ka
yafeni, nasan ni ba ajinka bace, amman ka daure
kace kana sona koda bada gaske bane. Gama
karanta sakon yayi dai dai da dawowa da ummi
dakin, da sauri suka nufeta idonta biyu saidai
daga gani tasha azaba. Tayi wujiga wujiga. Abba
ya kama hannunta cikin matsanancin sonta da
tausayi. Sannu suka dinga yimata, nurse tabasu
magungunan da za'a rika bata, umma kuma ta
dauki wayarta don sanar da alhaji an gama aikin.
Abba yasa bakinshi dai dai kunnenta yace ina
sonki ummi, ina matukar sonki. Duk da tana cikin
wani hali taji kalaman nasa har a tafin kafarta.
Ta bude jajayen idonta ta dubeshi, ya sakale
hannunshi cikin tafin hannunta ya hade su. Ta
girgiza kai dai dai lokacin da nurse din ta sake
shigowa tace ga kayanta, ya amsa zaninta ne da
siket da sauransu. Tace ka barta tayi bacci kafin
ta tashi zafin gurin ya ragu, kila zuwa dare a
sallame ku. Umma tace to mungode. Nurse tace
yarinyarki nada dauriya, anyi mata allurar kashe
zafi bata kama jikinta ba amman bata yimuna ihu
ba. Likita ma ya yabata da kokarie ta, Abba ya
kalli ummi cikin tausayi. Sai gurin karfe ukku ta
farka wurin kam ya dan lafa da radadin, abba ne
yaje gida ya dafo masu abinci sannan ya nufi
wurin aikin shi. Don ranar bada wuri zashi ba.
Tunda ummi ta farka take ta kokarie tunowa shin
kalaman da taji cikin mafarki ne ko kuwa ido biyu
ne? Bakwai na dare likita ya shigo ya kara duba
ummi sannan yace suna iya tafia gida. Ya basu
maganin sha sannan yace ta rika shiga ruwan
zafi da dettol. Umma ta kira abba ta fada masu
batun sallama. Yace su jirashi yana zuwa. Ummi
tace da ummansu su alhaji pha? Tace sunxo kina
bacci harda ummanku sahura.els / ZURFIN CIKI book 4 part 28
ZURFIN CIKI book 4 part 28
Posted by Bashir Sani Fesan on 15 Dec 2016 - 14:30
Bansan lokacin dana dauka ina rigimniya da sonki
danqare a zuciyata.Ummi da ban sameki ba da
tuni bana garin Kano domin lokacin yanke
shawara nayi in nemi canjin aiki zuwa wata jihar
har yau ban daina yiwa Salisu addua ba wanda
shine mutum na farko da ya soma tsegunta min
kin zama