You Cannot Download this book untill you login but you can read it .

---

Login Register

hakuri da su? To kuma ba zan
barki yin aiki ba don kar ki ji ina cewa za ki koma
makaranta don ki samu takardarki ki yi tunanin ko har
da aiki cikin lissafin nawa.
Na yi murmusih na ce nima ban damu da yin aiki
ba amma cikin zuciyata ina sha'awar yin sana'a, da
sauri ya ce wonderful tamkar ace kin shiga
zuciyatakin gani ai ni mai sha'awar taimakon mace
yin sana'a ne, Maryamu ina son ganin matata ta tsaya
da kafafunta tana dogaro da kanta saboda karki samu
damuwa akan wannan wacce irins ana'a kike son yi?
Na ce a'a ban sani ba tukunna ni dai kawai cikin
zuciyata ina son yi amma ban zabi wacce zanyi bal to
ai kin gani ma shi kenan sai in duba in ga abinda zaifi
dacewa da ke ina ganin ma kawai dinki za ki yi domin
shi ya fi bani sha'awa ko kuwa? Na ce mishi to.
Tun ranar da Mubarak ya zo gidanmu ya rokeni
alfarmar fita hanyar Mansur na ce mishi ba zan iya ba

88
ya dauki mataki in ya ganni bei kulani ko yana fara'a
ya hangoni sai ya yi maza ya tsuke fuska, a zuciyata
na ce nima gara irin haka, abu guda daya dai da na
kasa fahimta ko dalilin yin shi shi ne wunin da
Isiyaku yake yi kan dakalin kusa da gidanmu a zaune
bana dai ko amsa gaisuwarshi balle-wani abu ya
hadamu tunda kowa ya san dan gidan Mubarak don
haka na kara kiyaye mu'amala da shi don Mansur ya
kara samun kwanciyar hankali.
Ni da Mansur muka zama bamu da wani fata ko
buri sai na jiran dawowar babanshi daga tafiyar da ya
yi. Mansur dak ullum yake ce min ai kawai kwana
daya zan yi mishi in ya dawo da rana in barshi ya
kwana ya wayi gari kafin inje mishi da maganar. Sai
gashi baban Mansur ya dawo har ya kwana bakwai
babu wani motsi ko yunkuri daga gidan nasu shi da
kanshi ma sai nake ganin shi tamkar a sanyaye yake
ban dai ce mishi komai ba tunda dama can ba ni ce
mai zumudin maganar ba ni yar tawa ce.
Wurin baba Lantana mai yade maganganu a
tsakar gida na samu labarin wai ashe da baban nashi
ya dawo ya kai mishi maganar sai ya ce mishi ba zai
sake takowa ya zo wurin babana kan maganar aurena
ba ya dai zuwanf arko ya kuma isheshi haka don haka
in har auren yake so da gaske to ga 'yan mata nan bila
adadin tun daga na dangi har bare yaje ya duba gida
na mutunci ya zabi yarinya zai tsaya ya aura mishi ita

89
ko da kuwa nawa zai kashe, amma bani ba in ba
rashin hankali irin nashi ba ko iyayen Mubarak da
suka san da dansu na rinka lalacewa ai ba su bar shi
ya aureni ba balle shi.
Wannan bayanin da naji a bakin baba Lantana ba
Raramin dukan zuciyata yayi ba, don kuwan a riga na
Sakankance na saki jiki zuciyata ta riga ta amince da
maganar aurena da Mansur sai dai duk da haka ban
bari yanayin da na sanu kaina a ciki ya baiyana ba
sabdoa na riga na koyi shanye bacin rai ba komai ya
taba zuciyarka sai na kusa da kai ya gane ba, haka nan
6acin ran da na samu bai sa naji haushin iyayen
Mansur ba to balle kuma shi Mansur din da na
tabbatar shima bai ji dadin hukuncin da aka zartar
mishi ba, sai dai ya yi biyaiya kamar yanda kowane
da na kirki yake yiwa iyayenshi biyaiya kan umarni
ko hani da sukayi mishi, bai dai ce min komai ba
nima kuma bance mishi na ji ba sai dai kuma biri yayi
kama da mutum gaba daya ya canza fara'arshi,
kuzarinshi duk sun sauya mainakon zuwa kullum ya
koma yin fashi in yau ya zo gobe ba zai zo ba
watarana ya yi kwanaki na yi kamar in ya zo in rinka
kin fita sai kuma na ga to a na me?
Rannan dai ya gaji shi da kanshi ya zaunar da ni
ya yi min bayanin komai, hakuri mai yawa ya bani ya
kuma rokeni kan kar gaya min gaskiyar da ya yi ya
kawo karshen mutuncni dake tsakaninma, na ce

90
mishi a'a ko kadan ba za a yi haka ba sai dai ma a
kara nima nayi mishi godiya kan alherinshi a gareni.
Ko ban tsaya yin bayani nayi bacin rai ko ban yi
ba an san nayi saboda na riga na so aure na kuma soo
Mansur don haka fadama batawa ne kawai.
Tunda Mubarak ya taso ya zo gidanmu ya rokeni
in fita hanyar Mansur na ce mishi ba zan iya ba na
Tura al'amura sun sauya a tsakanina da shi amma ban
kara sanin irin tsananta da lamarin yayi ba sai a ranar
da nayi shiri da niyyar zuwa gidan Yakumbo Halima
saboda dadewar da nayi banje ba har na samu labarin
korafinta wajen yaya Dija.
'Yar madaidaiciyar kwalliya nayi a dalilin tsala
kwalliyar ta daina burgeni ta daina sanyani nishadin
da ta saba sanyani a baya sai dai kuma bai hana
kwalliyar tawa zamowa mai ban sha' awa ba.
Ina tafiya cikin natsuwa ba tare da na damu da
kallo ko sanin su wa nake wucewa bisa hanya ba har
na kai ga shiga lungund a fi ta daga cikinshi zan bulla
kan layin da gidan su Yakumbo Halima yake.
Kasancewar lungun a matse yake gashi kuma da
.yawan kwata 'yar hanyar da ake bi din ba wata mai
fadi bane ya sani hi hanyar waiwayawa in ga wanda
ke biye da ni yana taku cikin sauri dan in kauce mishi
in bashi hanya ya wuce in har naga alamar akwai
bukatar hakan, abin mamaki Mubarak na gani gabana
ya yi mummunan faduwa bisa dalilin guda biyu dalili

91
na farko shi ne faduwargaban da na saba samu a duk
lokacin da na ganshi ko na ji nmuryarshi wanda
kwanakin baya nakem urnar na rabu da shi to ya sake
dawowa, daliil na biyu kuma shi ne mummunan
kallon da ya tsiri yi min a tsakanin nan ko yana
walwala ya hangoni sai ya yi maza ya daure fuskaw
ani irin daurewa kuma mai tsanani.
Na maida kaina kan hanyada nufin ci gaba da
tafiyata, yayin da wani 6angare na zuciyata yake bani
shawarar in karta kawai da gudu don in samu in yi
nesa da shi tunda ga dukkan alamu zai kamoni saboda
dogon taku: da yake amfani a tafiyar ta shi.
Tsaya mana mu yi magana, na yi kamar ban ji
abinda ya ce ba na ci gaba da tafiyata sai kawai na ji
caraf ya kamo gyalena ya rike, ina yi miki magana
kina ji nakina tafiya.
Raina a bace saboda fusatar da nayi na rike min
gyalena na juya da nufin yi mishi tuni kan hana shi yi
min hakan da na taba yi in da hali ma in yi mishi tuni
cikin tsiwa den kar gobe ya yi tunanin sakewa.
Muna hada ido da shi gabana ya sake faduwa na
yi maza na sunkuyar da kaina kasa saboda wani irin
kallo da yake yi min wanda ban saba da shi ba.
Kina nufin ko saurarona ba ki da lokacin yi da
pake kiranki kina ji na? So nake in tambayeki yaya
naji maganar aurenki da.masoyin naki tayi sanyi
kamar ma babu ita? Sakarya kawai sokuwa mara

92
wayo wacce rashin mafadi ya hanata sanin abinda ya
kamace ta in taso in zo in rokeki ki fita hanyar shi ki
ce min wai ba za ki yi ba? Ai nayi hakan ne don ina
zaton ina da matsayi a wurinki saboda kin yaudareni
kin yi min abinda na yi zaton ni din daban ne a
wurinki sabdoa kin yaudareni kin yi min alheri wanda
na yi zaton bani da abokin gami a wurinki, ashe ba
haka bane to amma kuma na gode shi da akayi mishi
hani a kanki ya hanu.
Gabana sai harbawa cikin sauri yake yi, bakaken
maganganunshi sun yi tsanani da nauyi cikin zuciyata
kokari mai yawa nayi kafin na danne hawayen da ke
shirin zubowa a idanuna na hanasu zuba don kar in yi
kuka a gabanshi don haka najuya da nufin ci gaba da
tafiya, sai naji ya ce, ni babu inda za ki sai kin bani
amsar tambayar da na yi miki.
Cikin natsuwa na bude baki wanda bai ma san
zan bashi amsa ba dan ya san ban cika yin hakan da
shi ba na ce mishi, kayi hakuri ba yaudara ya sani yi
maka hakan ba kuskure ne.
Ya yi maza ya gyara tsayuwa tare da kara tsareni
da idanuwanshi cikin saurarona binda zai kara fitowaa
daga bakin nawa, ni kuwa ban fasa ba na ci gaba da yi
mishi bayani, kuskure na yi nayi maka abinda na yi
makan wanda ya sanyaka yin tunanin kana da matsayi
na daban a wurina da har zaka ganni a masoyina ka
roki alfarmar in fita hanyarshi, ko Mansur ya rabu da

93

ni ba zan zamo wani sabon al'amari a wurina ba don
sunnar magabata ya bi zan kumaci gaba da
girmamashi tare da soyaiyar da muka yi wa juna
saboda mun yi ta mun gama ta ba tare da ta yi min
wani sanadi na wulakanci ko tozarta ba a wurin
jama'a, na kuma gode maka da baka yi amfani da
kuskurena da wautata da sakarcina da sokoncin da na
rayu a ciki a dalilin bani da mafadi ya sani nayi a
kanka ba da ka yi amfani da damar da wadancan
abubuwan suka sanyani na baka a kaina da ka yi
dalilin da na kara zama shashasha sokowa sakarya
waçce ta aikata kuskure a rayuwarta, kuskure kuma
har abada, don haka duk abinda ya faru tsakanina da
kai tun daga farkonsa har zuwa karshensa kus...
Ban kai karsen maganar da zanyi ba sai kawai na
ii kafafuwana sun zurma cikin kwatar dake bayana,
nayi maza na kalleshi cikin tsananin bacin rai nan
take kuma na sake dago idanuwan nawa suka hadu da
na Mubarak dake yi min wani irin kallo, yanayin da
na gani a tare da shi ya tabatar min da cewar ba ji nayi
kama ba shine ya hankadani cikin kwatar da na zurma.
Kar ki sake yin kuskuren kallon idona ki ce za ki
yi min rashin kunya irin wanda kika yi min yau in
kuwa ba ki ji kashedinda na yi miki to za ki gane baki
da wayo, sakarya kawai sokuwa shashasha mara wayo

94
wacce rashinmafadi ya hanata sanin abinda ya dace da ita.
Yana gama fadin hakan ya ja wani mummunan
tsaki ya wuce yayi tafiyarshi ya barni cikin kwatar ko
a jikinshi.
Da kyar na iya zare kafafuwana daga cikin
kwatar takalmana kuwa asararsu nayi don kafafuwan
nawa kadai na iya zarewa, a hakana rinka
diddingisawa na doshi gidan Yakumbo Halima cikin
zuciyata dai ni kadai nasan abinda nake ji game da
Mubarak, na tsaneshi na kishi na rinka jin wani irin
ciwo a zuciyata game da shi, babu abinda ke kai kawo
a zuciyata in banda na tunanin yanda zanyi in dau
fansa a kanshi kan irin wulakancin da ya yi min, da
dai ace so shi ne samu to da na tashi daga wannan
unguwar na koma wata don in yi nesa da shi in dains
ganinshi dan ya daena shiga harkokina.
A haka na shiga gidan Yakumbo Halima, tana
ganina ta kama yin salati, wane irin rashin dabara ne
wannan Mero? In zaki fada kwata sai kuma ki fada da
kafa duka biyu kamar wata yarinya 'yar karama?
Ban iya ce mata komai ba kuka kawai na kama yi
don daman daurewa kawai nayi na hana kaina soma
kukan tun daga waje. Cikin hanzari ta tsame hanunta
daga cikin kullin danwaken da take jefawa da sauri ta
iso inda nake tsaye ina ta faman kuka.

95
Haba Mero haba Maryamu da so don kin shiga
kwata kuma sai ki tsayakina kuka? Ai tsautsayi ne shi
kuwa kin ji ance bai wuce ranar shi ba, bari in kwara
miki ruwa a kafar in wanke miki dagwalon sai ki
shige bandaki ki yi wanka ki canza kayan jinki da
wasu.
Har nayi wanka na fito na gama abinda zanyi
duka na zo wurin Yakumbo Halima na zauna ina
tayata jifan danwakenta idanuwana basu daina zubar
da hawaye ba, na kasa gane dalilin bakaken
maganganunshi musamnman gorin da yayi min kan
fasa aurena da Mansur ya yi sunyi min ciwo da yawa.
Rarrashi, banbaki da wayon da Yakumbo Halima
tayi tayi min ya sani kwashe bayani duka na yi mata.
Dama ashe zancen da nake ji a gari na bar yanzu
baku rabu da juna ba gaskiya ne? Tsuru na yi ina
kallon Yakumbo ashe kuskure nayi da na yi mata
wannan bayanin, ashe da ma kadan take jira da ni, to
kuwa ba zai barki ki yi aure ba kin ji na gaya miki ke
ya hanaki aure ya tsareki a waje a cikin gida kuma
yana tare da matarshi duk tsiyar da yake yi mata
wanda ke sanyata zirga-zirgar yaji tun da dai yana
kusantarta ya biya bukatarshi a tare da ita ai aikin
banza ne karyar iya shege kuma yake yi wanda bai
Son mata ai baya kusantarta indai har da gaske yakeyi
yanzu da ta tafi kwanan nan iyayenta suka aiko a
gayawaAlhaji Muhammadu cewar tana da ciki wata

96

biyu yayi musun cikin? Ba cewa sukayi sun janye
sakin da yayi mata ba sukaje suka dawo da ita
dakinshi kuma suna nan tare su na zamansu ana
tarairayarta ana murna zata haifar m usu da ko ya, shi
ne ke ba za ki yi zuciya ki kama mutuyncin kanki ki
fita harkarshi ba sai ki je kina biye mishi kuna
lalacewa tare... ta kama kuka irin wanda bai
kwatantuwa.
Jikina ya kama 6ari hankalina ya yi mummunan
tashi ganin irin kukan daYakumbon keyi, na rantse
aiki Yakumbo... kan in fadi abinda nake nufin gaya
matan tuni ta rufeni da duka da hannaycnta duka biyu,
rantsuwar karya zaki yi min saboda kin maidani
shashashar uwa to ai ni da yaya Ramatu duk daya
muke uwa daya uba daya muka tasha nono ta bani da
kike nema ki maidani mara mutunci. Tana kuka take
wannan bayanin.
Tuni nima na shiga nawa kukan, ba don dukan da
tayi min din ba sai don bakin cikin al'amarina da
bakni cikin yanda na zamo gaba daya iyayena da
jama'ar gari suka yarda da cewar lalacewa mukeyi ni
da Mubarak, yaya Dija ce kawai na tabbatar ta yarda
da maganar da nayi m ata na babu komai a tsakanina
da shi don ta babans kuwa ba zan iya cewa koami ba
tundaban taba jin ya bude bakinshi ya fadi wata
magana ba balle in san a wane hali ya dauki lamarin.

97
Ban san abinda ta gani ba ko abinda ya faru ba
naga maimakon dukan da take ta kai min da
hannayenta duka biyu ta jawoni jikinta ta kankame da
karfinta kuka mai yawa ta yi kafin daga bisani ta
sakeni, ki yi aure Maryamu ki yi aure abinda kawai
zan gaya miki kenan. Magaiar da ta fara yi kenan
bayan ta gama kukan nata.
Cikin sauri na ce mata to Yakumbo ba tare da na
san wanda zan auran ba sai dai kawai don in kwantar
mata da hankali.
Alkawarin da nayi wa Yakumbo Halima na
cewar zanyr aure ya sans himmatuwa wajen ganin na
fidda mijin aure ko da kuwa wane iri ne babu
maganar tsayawaduba cancanta balle a yi maganar
zabe, aure kawai nake so in yi ko zan samu in fita
daga zargin da ake yi min na akwai wani abinda ke
faruwa tsakanina da Mubarak na lalacewa sannan yin
auren nawa zai zamo dailin da zan bar unguwarmu in
yi nesada ita in daina ganin Mubarak wanda a yanzu
na tabbatarwa kaina da cewar in har akwai wani
mutumin da na tsana a rayuwata a halin da nake ciki
to shi ne na tsani Mubarak, na tsani duk wani abinda
ya shafeshi, na tsani duk wani labari da ya
danganceshi, musamman ma labarin matarshi da cikin
dake gareta wanda kuma ya zamo shi ne labarin baba
Lantana da take wuni tana bayarwa ta rinka fadin
karyar banza karyar wofa, yana kinta yake kwabewa

98

a gabanta? Sai kuma ta ja wani mummunan tsaki ta
ce, ku dai da ya mayar sakarkaru ke da ubanli sai ku
yi tayi ya rinka samunki yana rage gajiyarshi ta rana a kanki tunda haka kuka zaba.
Rabon da in tankawa baba Lantana ko wani nata
wata magana har na manta saboda abinda nake ji yafi
karfin duk wasu maganganun na ta ciwo a raina.
Rannan ina tsaye tare da wani sabon saurayi da
nayi wanda inda ya biye min da ko kwana goma bai yi
da fara zuwa wurina ba ya turo iyayenshi aka daura
mana auren saboda irin karbar da na yi mishi da kuma
za a tsareni a tambayeni dalili na na yin irin wannan
bare-baren a kanshi abu guda da zan iya fadi kawai
shine ba dan unguwarmu ba ne ina son aurenshi ne
kawai don in samu in yi nesa da unguwar in banda
haka babu wani dalili.
Ina tarę da shi muna hira a kofar gidanmu sai
kawai ga Mubarak tamkar daga sama aka jehoshi,
gabana ya yanke ya fadi saboda ganin inda muek
zaune ya tunkaro gauan-gadan nayi maza na kawar da
kaina daga gareshi saboda irin kallon da na lura yana
yiwa wanda muke tare da shi din wanda shima na
gane ya tsargu da Mubarak din.
Yana isowa sai na ji ya ce mishi, malaml afiya na
ganka anan wurin? Da sauri mutumin ya daga ido ya
kalleshi latiya? Ban gane tambayar taka ba, ya zuba
mishi ido cikin natsuwa yana kallonshi, wannanai

99
iyalina ce baka ji abidna ke tsakanina da ita ba ne? Ya
shiga waige-waige hankalinshi a tashe jin da ya yi
Mubarak ya ce mishi ti din iyalinshi ce.
Ai ban san matar aure ce ba ni asanina...
Kan ya karasa bayanin ya yi maza ya ce mishi,
bar nan kawai tun kafin abin ya kai ga ranka ya baci.
Yanzu kuwa in ji mutumin, ko raina b a zai baci
ba ma ai da sanina b za ni wurin iyalin wani ba, ita ta
ha'ince ni ta boye min gaskiya, ya kama hanya ya yi
tafiyarshi, nima na mike na shiga gida na barshi a
wurin ban tsaya jin wata magana tashi ba.
Ina gida akan gadona a kwance ina tunanin
al'amarin cikin zuciyata dai nasan babu mutumin da
yake shiga harkokina yake takuramin yake bata min
rai yake sanyani bakin ciki a rayuwata irin Mubarak
sai daiban san yanda zanyi da shi ba tunari mai
tsanani na shiga ciki har daga karshe na yankewa
kaina hukuncin komawa gaban Yakumbo Halima in
gaya mata abinda ke faruwa don kar ta dauka ban ji
maganar da tayi min na inf ito da miji ba. Na gyara na
yi kwanciyata da tunanin na kaiwa Yakumbo Halima
bayanin abinda Mubarak kc yi min.
Ina kokarin tilasta kaina yin bacci kenan sai na ji
Asabe tana kwalawa sunana kira, cikin irin muryar
tsoro ne ya kanani saboda sanin da nayi cewar ni da
Asabe bama ko ga maciji.

100
Waiyo-waiyo dama dai kawai in mutum in huta
da wannan wahalar. Zumbur nayi na tashi na zauna
saboda jin maganar ta ta, me ya satieki haka Asabe?
A tsorace na yi mata tambayar. Bata tanka min ba,
waiyo-waiyo, abinda kawai take te faman fadi kenan.
Na sauko gareta ina kokarin riketa don in tsaida
murkususun da take yi a kasa cikin yanayi na
tausayawa ina isowa garéta na gane lamarin ba karami
bane, ya kuma wuce duk yanda ake zato don haka
nace mata bari in kira miki baba Lantana don tazo ta
ga halin da kike ciki in yaaso a kaiki asibiti. Tayi
maza ta ce min u'u barta kawai kar ki kira min ita ke
dai kawai ki taikameni ki kaini cikin kankon bola ki
barni a wurin in ma mutuwar zanyi in mutu a can.
Tausayin Asabe ya yi matukar kamani, haba
Asabe daina fadin irin wadannan kalaman kankon
bola a cikin tsohon daren nan ko mahaukaci ai ba zai
dunfari wurin ba, na shiga share mata gumi da majina
da hawayen dake ta dalala.
Ki yafemin abubuwan da na yi tayi miki Mero
satar kayanki da ua rinka yi ina sayarwa da kudinki da
sharrin da na... Kai haba Asabe bar irin wadannan
maganganu ai zanman tare ne.
Ana cikin haka naga Asabe tayi rigingine ta
bankade komai babu sauran kunya a tare da ita, tsoro
ya sake kamani jikina ya dauki rawa cikin muryar
kuka nace mata Asabe, don naga alamar bata cikin

101
haiyacinta, kan in kai kkarshen bayani na hango wani
abu yana shirinf itowa da gudu na nufi kofa na 6alleta
cikin rawar jiki da karkarwa na buga kofar da take ta
baba Lantana da babana, tana jin bugun kofar da nayi
sai na ji ta soma cewa, yauwa ai ga ranar da nake jiran
zuwan nata nan ta zo ranar da asiri zai tonu, ranar da
zaka gane shirunda kake kame bakinka kana yi a kan
komai ba dabara bace, ai tun dazu nake gaya makaa
wannan zirga-zirgar da akeyi ana ziryar bayan gida da
kyar ne in ba nakuda ake yi ba, ni na dade ina fatan
ganin an haifar maka shege a gidan nan, ba dai
kwadayin abin duniya ya sa ka zuba mata ido tana yin
abinda taga dama ba? Yaro ya ki aurenta ya kai gida
amma a waje ya maida ita matarshi? To muje ka karbi
haihuwar da hannunka don kar ka ce sharri aka yi
mata ba a jikinta ya fito ba don haka nuje a yi kornai
a kan idonka, kaga ta inda yalke fita muje mu je.
Ina jin hakan nasan fitowar zasu yi tare don haka
na tsaya a inda ana bude kofar babana zai ganni.
Abin kunya ina jin gadonshi kukeyi malam tunda
ba haka ai nayi ta gudun makashi baka yarda da
shawarat bane yasa baka koreshi ba sai da ya sameka
saboda bai damcka ba, muje nace muje kana ji ana ta
gurnanin nakuda ka ki kayi kuzari sai wani jan kafa
kake yi kamar kazar da kwai ya fashe mata a ciki.
A na bude kofar mukayi ido hudu da babana,
muje m ana kayi wani kerere ka tsaya min a hanya

102
kaki ka bani wuri in fita, abinda haba Lantana ke fadi
kenan daga bayanshi saboda kasa motsin da ya yi a
dalilin ganin da ya yi min a bisa da na tabbatar kuma
shi ne da ni ya gani a cikin wani hali na abidna take
gaya mishi watakila da ya yi faduwar da bai sake
tashi ba don a haka ma tsinkewar da yayi ta kai duk
inda ta kai.
Kurdawa tayi ta bayanshi ta fito saboda ta kasa
hakurin ya matsa ya bata wuri, tana ganina a tsaye
tayi maza ta ja ta tsaya ta yi turus cikin tsananin
kaduwa nan take tsoro ya baiyana a idonta, a'a to
wake zirga-zirgar da gurnanin nakudar da ke fitowa.
Ban ce mata kala ba balle kuma babana da ya
zama tamkar mutum mutumi, to wane irin abu ne
kuma haka mai nakuda tana tsaye kememe, da gani
dai nasan kece kike wannan zirga-zirgar da gurnanin
nakudar inma...
Kan ta karasa maganganun nata masu kama da
sanbatu sai kawai mika jiyo kukan jariri daga cikin
dakin namu.
Ina kallon yanda jiri ya debi baba Lantana ya yi
wuji-wuji da ita kafin ya fyadata da kasa, tayi
faduwar yan bori vato da mazaunanta, tsoro ya
kamani saboda ganin irin faduwar da tayin, sai kawai
na ga ta zabura da iyakacin karfinta ta yanka da gudu
ta nufi cikin dakin namu.

103
Wato da ma shari ne abin? Watp ni za a kawowa
iya shege? Dama da hadin baki ne tsakáninki da m
atsiyacin likitan da yace min kaba ce da ke? Ni za ki
kawowa tsiya? Ni za ki jawa magana? To ai kuwa
yanzu za ki gane wautar ki don kuwa kasheki zanyi
murus har lahira.
Tana fadin hakan mulka jiwo-ibun Asabe da sauri
Sallau ya fito ya fada cikin dakin; ba zaiki kasheta
anan ba baba ba zaki yi mana kisan kai a gida ki jawo
mana wata fitina ba, tunda dai har kin kaita gun likita
ya ce miki kaba ce ai kin san da komai, lokacin baya
ta kawo miki gasassun kaji kina ci kowa ai yana
girban sakamakon abinda yake aikatawa ne.
Da karfi Sallau ya jawo baba Lantana ya fito da
ita waje, tana-kicin kwancewa daga gareshi tana
kurma ihu da iyakacin karfinta, ka sakeni kawai in
hadata ita da shegen dan natain murkushesu kowa ya
huta.
Wannan dai duk kina kokarin jawowa kanki wani
abin magana ne kawai in har kika bari makwabta suka
jiyoki suka gane abinda kike ciki da ma ki yi maza kin
san abinda kike ciki da ita da dan nata kafin gari ya
waye magana ta watsu.
Daga cikin gidan baba Baidu muka jiwo muryar
baba Sumaye tana cewa, kar makwabta su ji na nawa
tunda ni naji? Ai ko ladan cikins hegen da tayi ta
rokarwa ya'yan jama'a sai na baza wannan labarin,

104
barde a gonar wani sunkuru ya rufe naka, ddonki kam
ya' yan jama'a ammakin kasa sawa naki balle ki gano
abinda suke ciki, wai likita ya ce miki kaba ke gareta?
Ta kwashe da dariya kafin ta ce, saboda ya gane
ke din mahaukaciyar uwa ce shi ya sa ya yi miki
hakan, kar kumaki ji da wai ba nan unguwar ba ko a
wani wuri na ji 1abarin an tsinci mataccen jinjiri zan
kai rahotonki don nasan halinki kin kuma furta zaki
kashe uwa da da kat su jawo miki abin kunya, sai
kace in da ana kashewa da ke kin kawo yanzu, ai
yanda kika sa su Jkuka da bakin oiki lokacin da kikayi
naki haka kema za á sa ki ki yi abinda,kukayi ne ai za
a yi muku, shi kuma malam Habu Ubangiji ya yaye
mishi abinda ya sameshi, yauwa duk inda naji an
tsinci mataccen jinjiri nasan kece zan fada na kangon
bola ma da aka gani kwanaki wa ya sani ko ke kika
kaishi? Fitinannun mutane masu jawa mutane annoba
iri-iri.
Baba Sumaye tana rufe baki baba Lantana ta yi
zumbur ta maike da sauri ta sake shigewa cikin dakin
namu inda Asabe da dan jaririnta suke tamkar dai ace
dama kasake tayi tana