You Cannot Download this book untill you login but you can read it .

---

Login Register

taje
gabanshi ta tsaya.
Kasheni kenan za i yi da kika sunkuto wannan
shirgegiyar tabaryar kamar za ki kashe maciji.
Ai gara maciji da kai Nalami ai kai tsohon banza
ne tsohon najadu wanda ya tsuta bai san ya tsufa ba
kullum kai kenan kana riga fuska da jiki da shuri don
na kashcka ai babu abin da zai faru shigowa kayi
cikin gidana wadanda suka sanka kuma sun san

36
mugun iri aka rage shiga dakin ka grni yanzu in ba
nuna maka kai din lalataccen tsoho bane matsiyaci.
Cikin duk zagin da baba Lantaria tayi msihi Da
lura babu abinda yafi tsaya mishi a rai irin cwar da
tayi mishi lalataccen tsoho don abinda yafi nanatawa
kenan, ni ne lalataccen tsohon? Wato ni ne tsohon
kuma ma lalatacce? Yanzu nan ni tsoho ne? Tayi
amza ta ce na banza ma kuwa.
Ganin da yayi ta fara yi mishi cin mutunci irin
wanda bai zata ba ya sa shi hamzarin fara
kudundumarta yana rantse ranste saukin abin ma shi
ne yana jin tsoron daga murya don gani yake tamkar
in yaran unguwa suka gane shi ne zasu shigo su
sameshi anan din sa karasa aikin da suka fara, amma
duk da haka sai da suka kacame suka haura sama suka
sauko sai kuma na ji su suna daidaitawa a kan yanda
zasu y1 su warware lamarin a tsakaninsu ba tare da
wasu sun ji maganar ba da kanshi ya ce ya yi mata
ragin jaka biyu ta nemi biyar ta ajiye mishi amma
babu sauki a haka don kar ta ga ya yi mata sassauci ta
dauka ko tsoro ne yana dai so ne kawai su rabu lafiya
saboda darajar tsohuwar sanaiya ba a san inda za a
sake haduwa ba.
Kai kam bana fita in sake haduwa da kai a ko ina
har abada kuma.
Ya ce to ai shi kenan ni kam ai duk mutumin da
na sani bana yardamu yi rabuwar banza ni dea shi don

37
ban san abin da gobe azta haifar ba a tsakaninmu na
tafi zan dawo bayan wkana. bakwai ina fata in zo in
samu kudina a ajiye. Bai jira amsar ta ba ya sa hannu
ya gyara rawaninshi ya sa kai ya fita ya bar gidan.
Yana fita daga gidan yanayin baba Lantana ya
sake canzawa kana ganinta zaka gane ta tsunduma
cikin wani irin al'amari da ita kadai ta san abinda take
ji maimakon ta ja bikinta ta yi shiru ko don ta huta
gajiyar cacar bakin da sukayi tayi dana Nalmi sai
kuma ta shiga kurme kurmcn asahar da isine tsine
wanda yawanci ni take yiwa.
Wannan tsinannen aure da me ya yi kama? Haka
kawai ni banci nanin ba nanin zata ci ni, jalka biyar?
To jaka biyar ina na ganta/ ta sake rushewa da wani
sabon kukan.
Watakila Sallau ya gaji ne da ji ko ganin abinda
ke taf aruwa ya sa shi buda bakinshi ya ce mata to
wannan abin duka baba ai ke ika jawa kanki in ba
haka ba yaushe ake haka ba fa ke kika haifi yarinyar
nan ba da ya ce ki bashi ita ai sai ki gaya mishi ba taki
bace, amma ba ki yi haka ba sai kika je kina ci mishi
kudinshi kina shirya yanda za a yi a bashi ita ba tare
da kin nemi hadin kan ta ba, ita gaskiya ai guda daya
ce daga kinta kuma ance sai 6ata, mai kwadayi kuma
kowa ya san yana tare da wulakanci yanzu wannan
jaka biyar din....

38
Ban ji karshen zancen ba sai ca ji saukas mari
mai karfi kau, bai sake cewa koami ba haka nan
itama.
Washegari da safe babana ya yi shiri zai fita
kasuwar timatirinshi nima na yi maza ne zo na tareshi
da abin karyawar shi dana shirya misali wanda kunu
ne kawai sai yan kosan da basu da wani yawa a
dalilin ina tattalin kudin da ke wurin nawa saboda sun
kusa karewa ban kuma hango wata hanya ta zuwan
wasu ba sai dai addu'a kawai da nake tayi na neman
rufin asiri wurin Ubangiji.
Yaya nake ganinka wani iri hak baba? Nayi
mishi tambayar saboda yanayin dana gani a tare da shi.
Jikin nawa ne bana jin dadinshi bani da keri ina
kuma ganin wasu abubuwa kamar 'ya'yan sama suka yi min yawo a idona.
Ya'y,an rana suna yawo baba be jinin ne yah au
ba? Shi ne ba zaka gaya min ba zaika kama ita a
haka? Na soma yi mishi kuka sosai, a'a to menene in
na fi tan'? Na kalleshi kafin na ce mishi to baba amma
in kaje kasuwa kaje ka fadi fa? Ai ka bar fitar kawai
ka shiga daki ka yi kwanciyarka in kaji sauki gobe si
ka je. Bai yi magana ba na dauke kwandon tumatirin
nashi naje na adana, ya yi min magana a hankali, to in
na kwanta me za a ci a gidan ne'?

39
Tana daga daki tayi maza, yauwa gara dai kai da
kanka ka yi mata wannan tambayar ta baka amsar.
Nayi kaar ban jita ba-na ce, to in babu abinci a gida
baba sai kaje kana jiri a cikin m utnae kana faduwva
suna kwasokasuna kawoka gida? Lafiyar ka bata fiye
mana komai ba? Na soma uke, saboda yawan ciwon
nashi yana daga min hankali, loakcin da kake da shiai
Ciyar da wanda ya kamaka dama wanda bai kamaka
ba yanzu kuwa da baka da shi sai kowa ya yi hakuri
wanda ba zai yi ba kuma ya san abinda yake ciki.
Ke na ce ke za ki zage ni ne? Na ce ba zan zage
ki ba amma kuma ba zan barki ki tura min uba cikin
halaka ba ina kallo shekara da shekaru ya yi yana
kawowa don yanzu bai kawo ba kuma babu mai
takura mishi, jeka ka kwanta kaji baba? Tayi maza ta
ce, to ba dai dakina ba don ban ga yanda za a yi
namiji ya kwanta mia a gado zankwankwan ba don
takamar zuciyarshi ta mutu. Na sá hannu na bude
dakin Sallau ya shiga, kwanta kan shimfidar shi, cikin
raina na tabbatar da ma can dole ce kawai zata fitar da
shi amma ba dadi yake ji ba.
Yana kwanciya na sake daukan kwano naje na
sayo waina da miya na kawo mishi yaci ya koshi har
ya rage sannan na kawo magani na bashi kamar yanda
likita ya gaya min in tafiyarshi kalau ya sha sau daya
in da alamar motsawar jiki ya sha sau biyu kafin mnu
zo ganinshi, ya kurkure baki ya gyara ya kwanta nima

40
na dawo dakina a cinye masar da ya ragen na wanke
kwanon na kife kafin naci gaba da harkokina.
Ina dakina a kwance ina sauraron farkawar
babana sai na jiwo baba Lantana tana kiran Sallau da
sabe wai suje su karfbi abincisu ta gama girki na tashi
naje na dauki kwano na kai mata a zubawa babana a
nan in kai mishi nashi.
Wani irin lalataccen kallo tayi min kafin ta ce
min yana daga kwancen ne zan rinka yin girki ina
bashi yana kalmasa baki yana lamushewa? Ba ya ce
bashi da lafiya ba mai ciwo yana cin abinci ne? Na
zuba mata ido cikin tsananin mamakin kalaman nata
kafin ince mata komai sai ta ci gaba ai ba nice zan
ciyar miki da shi ba ban yi miki wannan alkawarin ba
duk ran da kika sashi ya kwanta a gida yaki zuwa
kasuwa toni kuma babu shi a abinci na kin ganima
don ki kara sanin banyi dashi ba kin ga barkono ga
farin magi ga gishiri duk a ciki na zuba in kuma ke ce
za ki fake da shi ki ci to banyi niya ba ni ba baiwarki
ba ce in kin kallem kuma za ki gane ni ba matar da za
a mayar baiwa ba ce.
Ban san yanda akayi ba naji bakina ya kama ce
mata, to me kike da shi da za a ce ki ciyar da baba?
Nace mai ciyar da miji in ya rasa ai babbar mata ce
wacce ta san rama alheri da alheri ba mai ci ta goge
baki ba saboda butulci.

41
Ina fadin hakan na ga Asabe ta fito daga
dakinmu da gudu tana tambayata zaki zage ta ne? Tun
kan in amsa baba Lantana ta soma kuka tana fadin to
zagi kam na nawa ai ta riga ta zageni.
Kan in san menene abin yi tuni har Asabe ta
rufeni da duka tana tambayata wannan wane irin raini
ne a gabana za ki zage ta.
Sanin da baba Lantana tayi na kullum mukayi
fadan dambe tsakanina da Asabe ita ke kwarata ya sa
wucewa tas higa dakinta ta barmu muna danben.
Danbe mai tsanani muka fara yi sai dai ba a je ko
ina ba sai ga shi na sunkuceta na fyadata da kasa a
gigice ta kurma ihu mai tsanani wanda ya yi dalilin
fitowar baba Lantana cikin sauri da kyar ta iya
banbareni a kan Asaben tana rabamu ta nufi kan
Sallau ta wankeshi da mari, gigitaccen mari
tambayarshi kana kallo aka yi hakan ina amfanin
zamanka a wurin? Ya ce uhun baba kenan kema ba
kina kallo aka fara ba kika wucekika tafi? Ni na daina
irin wannan abin na daina shigarwa kowa fada ni
dukan su daya ne a wurina dukansu yan uwana ne in
banda rashin kunyar tsiya meke hadani da Asabe da
zanje ina tayata fadan rashin gaskiya.
Tayi ta zage-zage da addu'o'in da ta ga zata iya
yi mishi.
Ina daki ina jinta tana cewa Asabe ke dama baki
shirya fadan ba kika zo kika rarumeta? To dame
42

wannan abinda kikayi yayi kama ai in ba sake danben
nan aka yi ki ka yi mata dukan tsiya ba to raini kawai
kika kara jawa -kanki a tsakaninku da can da kike
dukanta ma yaya kika kare da wulakancinta balle
yanzu da ta jibgeki ta yi miki irin wannan kayarwar?
Lalle ne na gaya miki daga nan zuwa gobe ki san
abinda kike ciki da ita.
Duk da na ji maganganun baba Lantana banyi
nufin sake yin wani fadan da Asabe ba don nima na fi
ganin tsananin sa'a ce ta sani kada ita, amma da gari
ya waye da safe naje na sayowa babana abin karyawa
zan wuce ta ta sa hannu ta kabe min shi ya kife a kasa
na daga ido na kalleta cikin salati mai karfi naji ta ce
min, wai rama abinda nayi mata jiya tayi inji in da
dadi ai gurin danben da na jata da shi ne na yi dalilin
kifewar abincin ta sai kawai na ji tsoron ya gushemin
ban tsaya tambayarta yaushe aka yi hakan ba sai na
sunkuya na kwashe abinda zan iya kwashewa naje na
ajiyewa kaina na sake daukan wani kwanon naje na
sayo wa babana wani na kawo mishi sai da naji ya
gaya ci na bashi maganinshi ya sha sannan na fito na
shigo dakinmu na kama diro da kayan Asabe ina yin
watsi da su a waje ina fadin in baki rama abinda nayi
miki ta hanyar wulakanta abincin da ubana zai ci ba ai
ba zan kara gane ke baki da uban ba Asabe wanda ya
san darajar ubanshi ai zai san na uban wani don haka

43
yau za ki bar min gidan nawa uban tunda ya rufa mi1k
asiri baki gane haan ab.
Da gudu ta baro wurin baba Lantana da suke tare
ta 20 zata rarume ni nayi maza na juya kanta muka
rincabe da danbe ba a je ko ina ba yauma na raruma
Asabe na dagata sama na fyadata da kasa.
Baba Lantana tana ganin haka ta zabura da gudu
ta dauko itace wai zata bugamin tana fadin na gaji da
danben rashin da kike yi min a gida don haka yau za
ku gamu da ni za ku ji a jikinku kumą ta fara nufowa
da itacen nata nayi maza na kamashi na rike na kalleta
cikin natsuwa na ce mata babu sauran duka a
tsakanina da ke wanda kikayi min a baya ya isa, na
sakar mata itacen ya fadi kasa.
Ta zabura ta nufi dakin da babana yake kwance
tana fadin, ina malam din yake kana jin abinda yake
faruwa amma kayi gum. da bakinka kamar. na yi
maza na katseta ta hanayr gaya mata cewar ya isa
haka kar ki sake zaginshi a gabana kar kumaki nemi
ki daga mishi hankali.
In nayi hakan me zaki yi? Za ki buge ni ne? Ban
ce mata komai ba na wuce na nufi dakinmu.
Sallau ya ce uhun baba kenan ai ba ki yarda ba ne
da kin yarda....kan ya karasa ta sunkuci itacen da tazo
da shi din ta shiga rafka mishi tare da fadin zo ka bar
gidan nan zo ka tafi.

44
Ai babu inda zanje baba in dai ba baba da kanshi
ne ya koren ba ban taba samun inda na zauna lokaci
mai tsawo a rayuwata ba sai da na zo hannunshi in har
kuwa ki na so in atfi to ki kwatantamin inda zan samu
dangin ubana tunda kin ce wai ya mutu su kam in kika
nunamin su to ba zan sake zuwa inda kike ba sai don
gaisuwa amma haka kawai ba za ki kora ni in shiga
duniya ba.
Na fito daga wanka na kalli A sabe na tabbatar
jikinta yayi matukar sanyi kan abinda ya faru
tsakanina da ita jiya da yau nace mata haka a yanda
kike na fama da abinda kike fama da shi kice zaki
buge ni ina budurwa gal a leda? Ai ke ma kin san
Karya kike yi ubana ai ya rufa muku asiri dukan ku.
Daga ita har baba Lantanan babu wacec ta tanka
min iyaka dai na ganta tayi wanka ta shirya ta fita ta
bar gidan ta tafi, nima nas hirya na nufi gidan yaya
Dija na gaya mata halin da jikin babanmu ke ciki sai
dai ban zauna ba na dawo gida.
Ina shigowa na samu baba Lantana tana rabon
abinci nayi maza na kwaso kwanuka guda biyu ance
mata ga nawa ga na babana, tayi kamar ba zata zuba
ba ban san tunanin da tayi ba sai kuma naga ta dan
minmindira mana a zuciyata nace oho na dauka na
tafi na kaiwa babana ya ci ya rage sannan naci, ban
wani dade da dawowa ba sai ga yaya Dija ta iso
babana ya yi ta fada kan zuwan da nayi na gaya mata.

45
Ta ce to baba za ka yi ta ciwo ne ban sani ba? Ya
ce to wannan ciwo da ya riga ya zama jiki ai ba
kullum ya tashi ne za a je a fada ba tunda dai ikitama
ya riga ya yi bayanin shi cewar ba a warkewa shi
abokin tafiya ne, nayi maza na ce a'a baba ba fa haka
ake nufi ba ai kca da hanyar tafiyar shi bai kuma
zama dole don kana da shi a ce shi ne abokin tafiya ba
ai ana jin saukin shi. Ya ce uhun fata dai ai bai wuce
na rokon ubangiji ya bamu sa'a ba rmuka ce amin.
Ta gima abinda zata yi ta fita zata tafi na bita ina
yi mata rakiya ina bata labarin abin da ya faru
tsakanina da su Asabe da uwarta sai dai babu alamar
natsuwartı tana tare da ita saboda yanda na ga tana ta
faman har dewa har tana buga tuntube.
Yanzu nan har yanzu wadannan mayun yaran
basu dain aw adannan wakusn naSu na sharri ba? Na
ce mata ch, tyo amma shi ne kike fita? Na yi
murmush na ce to vaya zanyi? Ai ya zama min dole
in fi ta ta ce haka ze hausawa suka ce wai watan
kwaram daya ne in ya mutu sai na wnai ya kama
amma mu namu watan kwaran din bai zamo guda
daya tunda yau waien kwane sittin ne har da bakwai
har yanzu bai mutu ba, bance mata komai ba shiru
kawai nayi har ta gama maganganunta muka yi
sallama na juyo gida.
Da daddare ina zaune a dakina ni kadai saboda
tunda Asabe ta fita ta bar gida bata sake dawowa ba

46
shirin tafiyarmu asibiti nake yi gobe saboda umarnin
da yaya Dija ta bani kenan ta kuma kawo mana kudin
zuwa asibiti. Ina cikin kammala abubuwan tunda
nasan sai munyi sammako sosai ne zamu iya ganin
likitan a kan lokaci sai ga Sallau ya daga labulen
kofar dakin tare da ya min magana a hankali, sannu
Mero. Na daga kai na kalleshi, yauwa sannu Sallau,
ya ya mai jikin? Na ce mishi da sauki. Ya sake rage
muryar tashi ta kara yin kasa kafin ya ce min da wata
shawara nazo da ita ban sani ba ko zata samu karbuwa a wurinki.
Na ce to shigo màna in ji shawarar, cikin natsuwa
ya shigo ya nemi wuri ya tsuguna kamar wani mai
shirin biyan bukata. Da ka zauna ai kamar zai fi yi
maka dadi, a'a babu damuwa, na ce to shi kenan me
ya faru?
Ya danyi kame-kame kadan kafin ya iya fitowwa
sosai ya yi min bayanin rumfarn an ce ta baba da
kullum in bashi da lafiya ake rufeta babu kowa
tumatirin ciki dama duk wani abinda ake da shi su yi
ta lalacewa tunda ba masu jirar zaman bane shi ne
nace ko zan rinka bude ta ne ina zama a ciki? Sanin
da nayi da gaskiyar magana Sallau din ya fada na
kuma san in ma ban barshi ya bude rufmar ya zauna
ya dan taba abinda ya taba na cikina ba to duk ranar
da aka budeta za a kwashe komai ne a zubar tunda za
su gama lalacewa to da a yi irin wannan asarar kuwa

47
gara ko ba zai baiwa baban koami ba ya bude ya
sayar, nasan shi zai dan samu wani abu don haka sai
na kalleshi na ce mishi, to ai hakan yana da kyau
Sallau gobe da safe sai kaje ka bude tunda shi baba
goben zaije ganin likita, ya ce to Ubangiji ya sa mu
gani lafiya, na ce mishi amin.
Washegari da yamma mun dawo daga asibiti
bayan sallar La'asar a dlailin dogon layin da muka
tarar daga nesa na hango Sallau a cikin rumfar baba
yana tashe da yan timatirin da suka saura muka wuto
shi muka shiga gida sai kusan magariba ya dawo ina
kallonshi bance mishi komai ba baya ga gaisuwar da
muka yiwa juna sai da ya tabbatar baba Lantana ta
shiga dakinta ta kwanta sannan ya turo kofata ya
shigo a hankali gaba daya cinikin da ya yi ya zube
min a gabi.na na zuba ido ina kallo nace a'a ciniki mai
kyau aka yi ne haka Sallau? Ya ce eh an dan taba
kadan, to madalla na fada ina mai sauraron
abyaninshi sai da ya gama na ce mishi, to su
wadannan kudin sai ka rikesu kawai a wurinka ba ka
ce kayan bai karasa karewa ba? Ya ce e, na ce to daga
nan zuwa biiba ya gama jin sauki sai mu ga abinda za
a yi, ya ce min to sai da safc ya fita.
Kwana uku bayan nan baba ya fara bude
rumfarshi bayan ya saro wani sabon timatirin a dalilin
saukin da ya samu ban san yanda akayi ba sai na
ganshi tare da Sallau suna zaune a rumfar tare shi

48
yana can ciki a zaune Sallau yana salalmar masu zuwa
saye, ni ma kasuwar zai tafi sai ya tasashi a gaba su
tafi tare.
Rannan ina kwance a kan dan gadona na bono da
hantsi bayan na yi wanka na shafa man basilin din
babana saboda gaba daya kayan shafana sun kare bani
da komai in banda man wanke baki. Ina cikin tunanin
halin da nake ciki ne sai kawai na ji an kwala sallama,
ina jin sallamar na gane wanda ya yi ta nan take na
shiga lissafin rabonshi da gidan yau zuciyata ta
tunamin kwanaki tara ne cif.
Sallama dai sallama dai, na fa iso na kuma san
ana jina yauwa ita rana ai bata karya sai dai ko uwar
diya ta ji kunya, to ni don kar a ji kunyar ma sai na
mutunta na kara kwanaki har biyu kan alkawarin da
aka yi min din, ga zatona za a biyoni da su har
rumfata a mutunce to da ban gani ba kuwa gani na
taho karbar halali na.
Baba Lantana ta fito daga dakinta dankwalinta a
hannu fuskarta kuma a daure abinda na tabbatar shi ne
bata yi azton zuwan nashi ba a yau don kuwa jiya da
shekaranjiya da ta yi tsammanin zuwan nashi tun
sassafe take barin gidan bata dawowa sai cikin dare.
Ah naso karbar halalina ya yi maganar cikin wani
irin yanayi yana mai kawar da ido daga gareta,
watakila saboda mummunan kallon da ya lura tana yi
mishi.

49
Ai kai baka taba cin halal ba a rayuwarka tund
aga kuruciyarka har kawo ga halin da kake ciki na
tsufa a yanzu.
Duk abin da za ki gayamin dai ba zan tanka miki
don kudi ne dai sai kin bani su ko girma da arziki ko
tsiya tsiya duk wanda kika zaba tunda dai na ma yi
sa'a kawarki bata taimakeki kika samu miji a hannu
ki ka yi mata alkawari kika saba saboda ganin
bukatarki ta biya kika wulakantata kika barta tana
bara bara karuwa karuwa ta yard ain munje kotun zata
bada sheda a kanki kyauta ba sai na biya ba ai da
sauki.
Wacce kawa ke gareni da mukayi haka da ita in
banda sharrinka? Da sauri ya ce mata Delu. Ni da
kaina da babu ruwana a cikin maganar na san baba
Lantana tayi amfani da kawayenta wajen neman
babana a malamansu da kuma taga kamar ta samu
yanda take so ta koresu ta hanyar yi musu wulakanci
ba tare da ta cika musu alkawarin da ta yi musu ba
cikin irin wadannan kawayen nata nata har da Delu.
Jikin baba Lantana ya yi sanyi kwarai da jin
cewar Delu zata bayar da sheda a kanta ta kuma san
sauran ma zasu iya yin hakan koma fiye da haka, to su
je su yi ta bayarwa mana, ya yi murmushi ai fa za su
je.
Takardar fuili nake da ita zan baka kaje ka sa
filin a kasuwa ka sayar ka karbi kudinka, takardar fili

50
kuma? Ya yamutsa fuska ni da na bayar da kudi na
tsaba a hannu sai kuma a ce za a hadani da wata
takardar fili? In filin na arziki ne me yasa ke bak
saida shi kin karbi kudin kin b ani ba? Da kyar Alhaji
Nalami ya yarda baba Lantana ta fito dat akarda ya
karba yanad ubawa tana yi mishi bayani, filin ya kai
shekarauku da saye tun a wancan lokacin kuma jaka
uku na sayeshi zuwa ina ganin zai iya kaiwa jaka
goma in an saida shi a kawomin sauran kudin.
A hankali ya matsa kusa da ita ya ajiye mata
takardar tare da fadin, saidashi da kanki ki bani
kudina kawai abinda nake so kenan shi ne kuma zai
fiye miki rufin asiri a kan wannan neme nemen
maganar da kikeyi da ni ai ke ma kin sani sarai tunda
aka saida gonar mage aka saiwa bera daddaawa to
kuwa tsugu ne ta kare msihi ni za a kawowa iyas hege
filin da aka saya shekara uku bayan ne za a yiwa
wannan bayanin ba ku yi magana a kan irinr agin da
za ki yi a kai ba saboda sanin kullum darajar kasa
raguwa take yi ba karuwa ba sai a ce ana neman kari?
Darajar kasar ce take raguwa a garinku ake yin
hakan ko? Ai sau dubu in kika zage ni nace miki ba
zan rama ba, itama Delu shawarar da ta bani kenan,
ambatar sunan delun yake yi kamar da gangan tamkar
dai ace ya san hakan yana bakanta ran baba Lantana.
Tun yaushe aka daina cin ribar fili saboda yanda
darajarshi take ta faduwa ai kudi a hannu ana juyawa

51
su ne wani abu. Da kyar Nalami ya kar6i filin baba
Lantana a jaka ukaun da ta sayeshi tun shekara uku da
suka wuce ya kuma tasa Sallau a gaba don ya kaishi
inda filin yake yana yi kuma yana yi m ata bayani, yo
to ke in banda tsohuwar sanaiya da mutuncin dake
tsakani zan karbi wannan filin ne a haka? Ai da sai
ince sai masu saye sunje sun gani sunyi mishi kudii
tukuna to babu irin wannan a tsakaninmu. Ya tasa
Sallau a gaba suka fita.
Cikin zuciyata na ce uhm uhn kudin babana ne
da aka yi ta titsiyeshi ana tarawa yau Nalami ya zo ya
karbe su a karin banza. Hausawa suka ce wai, Garin
banza a farau farau din wofi yake karewa.
Ban taba sanin duk wata fitina da nake ciki ko
damuwa ko 6acin rai nafila ne ba sai a ranar da
Isiyaku ya zo min da labarin cewar wai Mubarak zai
yi aure.
Samun kaina na yi rannan cikin wani irin yanayi
da ba zai yiwu in tsaya ma kwatantawa ba, kwana
nayi rannan idona biyu a zaune daram a tsakiyar
gadona, ban kwanta ba balle in samu halin yin
gyangyadin da zai zama dalilin runtsawa.
Mubarak zai yi aure? Maganar dake ta faman kai
kawo kenan a cikin zuciyata wacce kuma ita ce ta
hanani sakat ta hanani jin dadi ta hanani natsuwa ta
hanani zaman lafiya balle in yi maganar kwanciyar
hankali, don saukin abin ma shi ne ni kadai ce a ciki

52
dakin tunda Asabe ta tafi har yau din nan bata dawo
ba, don haka zagewa nayi nayi kuka sosai kuka irin na
bakin ciki da tausayin kai sai da nayi na gaji don
kaina nayi shiru, ina cikin share hawayen nawa ne
naji zuciyata tana gayamin cewar ai kukan dadi kikeyi
a yau da dai ace da kikayi mishi kyautar budurcinki
kyautar wauta da shashanci ya sa ki kikayi ya karba
hakan ta auku a tsakaninku to ya karbi budurcin naki
to da yau kin yi kuka na gaskiya kuka iin na nadama
da bakin cikin rayuwa, nayi kasake ina sauraron
abinda zuciyar tawa take gaya min, lokaci mai tsaho
ina sauraronta kafind aga bisani na yunkura cikin
natsuwa na sauko daga kan agdon nawa na zo na
soma binciken cikin kayana, hotunan da Mubarak
nayi ta cirowa ina yagawa tare da konawa saboda
tabbacin da zuciyata ke bani na shi kenan na rabu da
Mubarak rabuwa kuwa ta har abada.
Na kosa kwarai gari ya waye don