You Cannot Download this book untill you login but you can read it .

---

Login Register

Barkat yake labarin Irin karamcin iyayen Hafsah Da Ga yadda yake bata labarin ta Fahimci yana ganin Girmansu da Darajansu uwa uba kuma Ta Lura Ba karamin Girma da kima ita kanta Hafsah Take dashi a Wajen Abdullahin ba Domin Koya Mganata ta Gifto akanta yabonta yake Tun Tana Jin bata Jin Haushi Har ta Fara Ji Ta gaji da Jin kalmar Hafsatuna kaza Hafsah na kaza ta Rasa gane wani irin Sadaukarwa Hafsah tama Abdullahi Data Riga ta kamashi kam a Hannunta.


Su Umman Sadiq da goggo Habiba Rana Daya suka Tafi Zannirace Ta koma ana gobe zasu Tafi Gidan Mama taro ya tashi kowa ya koma Gidansa Lafiya ana ta Fatan Allah ya bama su Hafsah zaman lafiya.


******

*Bayan Sati Daya..*

Acikin Satin Dayan nan Barkat da Abdullahi sun gwangwanji Amarci Sosai,Domin Daman Hausawa sunce Amarya ko Ta Buzuzuce sai Anyi Dokinta kamar Hakane ya Faru Domin Abdullahi fa yayi Rawan kafa Hafsah sai dai ta kauda kanta kawai batama Cika Fitowa Tsakar Gidan ba,Kamar yadda Abdullahi yace Mariya ta Dawo Wajen Hafsah,Nan take kwana Da safe in ta gama Ayyukan Gidan,Tayi ma su Amira wanka ta Shiryasu,suka Tafi makaranta sai ta gyara Dakunan Hafsah bayan tayi Abun karyawa in tana da Shiga makaranta ta Tafi in kuma bata Dashi ta zauna Wani Lokacin in Tana makaranta Hafsah ke Dafa Abincin Hakanan Tunda Amarya anata Amarci.

Kullum da Safe Barkat din Zata Shigo su gaisa ta Tambayeta ya yara Daganan kuma bata kara ganinta sai wani Safiyar Su Amira dai yam Dakinta ne da sun Dawo makaranta Suna Wajenta Mariya dai bata Shiga sai in Zata mika mata abinci ko kuma Abdullahi ya Kirata Barkat din Tana Girmama Hafsah Domin Anty Take kiranta ammh Kishi kam Tanayi da Hafsah domin Wani Lokacin Tana Jin Haushin yadda Abdullahi ke kula da Hafsah Sosai Tana ganin Fiye da ita Amarya ma.

Ranar da Abdullahi zai bar Dakin Barkat Har wajen 10pm na Dare yana Dakinta yana Lallashinta sai kuka take wai bazata iya kwana ita kadai ba Dalilin Haka yasa ya Umarci mariya yace Taje Dakin Barkat din ta Kwana Hafsah dai batayi mgana ba Tana ganin ikon Allah Barkat din yarinyace da za"a ce tana Jin Tsoron kwana ita kadai,batayi mgana ba Mariya dai na Tura baki Tatafi Dakin Barkat aranta kuma Tana ganin Bariki Wajen Barkat,Falo tace zata kwanta Barkat din Tace Tatashi su Shiga Ciki Tace nan din ya mata bata Damu ba Tashige Ciki ta barta nan Mariya ta Bita da Harara.

Washegari kuma Su Bahiya da Bahijjat kannen Barkat suka zo Tana ta ma Shirin Tafiya makaranta ne,Mariya Hafsah tace ta Cigaba da Girki Allah barshi In Barkat din Tagama Jarabawa ta Dawo sai ta Fara Abdullahi yaji Dadin Haka sosai ya Dinga ma Hafsah Godiya,Barkat din ma bata wani Damu ba Da Abdullahin ke Fadamata sai ma Haushin Irin Godiyar Da Abdullahin kema Hafsah din taji kamar itace Zatayi Girkin.

Ana Gobe Barkat zata koma Cikin makaranta Abdullahi ya koma Bakin aikinsa,Ita kuma Ranar tayi parking din Abunda zata Bukata Littafan karatunta Dama Suna Chan makaranta kayan sawa ne sai Sauran Abubuwa Abdullahi 10k ya bata yace ta siya Abunda Take Bukata Duk da Farko bai So Barkat din ta koma Cikin makaranta ba yaso ta Zauna Dakinta ta Rika zuwa tana Dawowa sai Barkat din ta Nuna Ta fison komawa chan din Saboda Nisa,kuma Exams Din nasu ba wani Interval a tsakani zata Wahala Shiyasa ya barta Tare da Bahiya Zasu koma Ranar Talata Din.

Ranar Talata Tun Safe Barkat din ta Shirya Bahiya ta Biyo mata Dakin Hafsah ta Shigo sukayi sallama Bayan Ta Kulle Dakinta Abdullahi baya nan ya Tafi aiki Daga Mariya sai Hafsah,mai Keken Napen da Bahiya tazo Dashi ya kwashesu Har Chan Abu Samarun Saboda suna da kaya,Nazifi bai da Labarin Barkat din zata koma Cikin makaranta sai Aranar daya Kira Abdullahi yana gayamai Jamb Din Jidda ya Fito kuma Taci, yanzu yana Ta Kokarin nema mata da addmission samun Gurbin Shiga Jami"a ne sun Tattauna kan mganar Project din su na Masters dinsu da zasu Farashi Domin suna gabda Kamalla komai Cikin mganar ne Abdullahi yace Sai Jibi kila zai Shiga Cikin makaranta Domin su gana da Supervisor dinsa Daganan kuma sai ya Biya Wajen barkat din anan ne ma Nazifi ke jin Labarin Barkat ta koma Cikin makaranta.

Cikin Mamaki Nazifi yace"ikon Allah....ammh kam bakayi ma Hafsah adalci ba...Ita ka hanata Cigaba da karatu kai kuma kaje ka Auro yar Jami"a ayadda na sanka nayi mamakin daka bari Barkat din Har ta Koma Cikin makaranta da Auranka akanta.."

Abdullahi yace"Bansan mganar Banza..Hafsah Sai da tagama na Aureta kuma nagayamata bazata Cigaba ba,Barkat kuma tana Cikin yi na Aureta ban isa na Dakatar da ita ba...Abunda yasa na Barta ta koma Cikin makaranta Saboda ta bani Hujjan Nisa da kuma Zirga zirga Shiyasa na barta kuma Sati Hudu ne zasu gama Jarabawar ta Dawo Gida Kaji Dalilina.."

Nazifi ya Tabe baki yana Fadin"Allah ya bada sa"a...Abdullahi yace Amin Daganan suka Rabu Nazifi nata mamakin Abdullahi Tsaki Yaja acikin Ransa Tuna Sakina Data Fara Dawowa Hayyacinta Domin yanzu Duk Weekend agida take yinshi ta Fahinci Jidda ta Fita Morewa kuma yanzu yaga ta Sauya Ranar girkinta zatayi Shiga mai kyau ta kuma yi Girki mai Dadi saboda Shi an daina Dafanai Indomie ta Fahimci in Tayi Sake Wlh Jidda zata sakawa Nazifi ya Korata gida yadda baya wani ganinta da Mutumci daga Ita Har iyayenta Ballema Alhaji Badamasi Ya cire Bakinsa kan Nazifi Tunda yamai Rashin Da"arnan sanda ya Kirashi Lokacin da zai kara Aure Hajiya ma Yace ta Cire bakinta Sakina na Son Mijinta ta barsu su Zauna lafiya Dole suka kama kansu Domin ko ma mgana sukayi Sakina bata Sauraransu Taga Wankin Hula zai kaita ga Dare.


*****

Kamar yadda Abdullahi sukayi da Nazifi Ranar alhamis ya Shiga Cikin makaranta suka Hadu da Supervisor dinsa,Daganan ya Biya Wajen Barkat Data ganshi Sai Shagwaba takemai da kukan wai Tayi Kewarshi chan ya lalace Wajenta Har Dare Wayarsa tana Silent ne Shiyasa akayi ta Kiransa Bai Sani ba Tun Wajen karfe 2pm na Rana Hafsah ta Fara naguda Mariya ta Kira Abdullahi bai Dagaba sai ta Kira Mama ta gayamata Mama ta Rude tace gatanan Zuwa Bayan Mama tazo ne,Taga Haihuwan Hafsah tazo Da matsala Domin ta Fara Digan Jini kadan nan da nan tace ta Sake Kiran Abdullahin nan ma bai Daga Kiran ba Mama ma ta Kirshi da Layinta bai Daga ba kawai sai ta Kira Ammi ta gayamata ita kuma tace Gatanan zuwa

Ammi da kanta Ta Tuko mota Zuwa Gidan Hafsah Tana zuwa suka Kwasheta ita da Mama zuwa Asibiti,Suka bar Mariya agida ita da yara asibitin Abu Tudun Wada suka je Tunda nan take awo Suna zuwa aka karbeta Cikin ikon Allah kuma suna Zuwa Asibitin sai kuma Digan Jinin ta tsaya sai Naguda ta taso gadan gadan suka ce azo da kayan Haihuwa Ammi ta koma Gida ta Dauko ta Dawo Mariya ita ta Kira Subai ta gayamata suna Asibitin sai gata tazo,Hafsah bata Haihuwa ba sai 5:30pm na Rana ta Sunkuto yarta Mace mai kama da Abdullahi kamar yayi Kaki bayan Hafsah ta galabaita Sosai Ammh Alhamdulillahi Tunda ta Haihu lafiya.

Sai da suka gyara Hafsah da jariiriyar kana suka Kawota Wani Daki Daga labour Room din Jaririyar suka Fito ma dasu Ammi Dashi,Hafsah kuma suka ce sun mata alluran Barci Zata Huta Zuwa Dare,kar su Shiga bata son Hayaniya,Su Mama sai Santin Jaririyar suke suna saka albarka,Auwal ma ya kira Mama ta gayamai Hafsah ta Haihu Suna Asibiti,sai gashi yazo Ammi nata Tambayan Abdullahi Mama tace an ta Kiransa bai Daga ba,Sai itama ta Kirashi bai Dauka ba Sai ta Kira Daddy tana mai Murnan Yayi Sabuwar Amarya yace Abama Mama waya Nan yake mata Barkwaci yana Fadin a kula da Ammi kar ta Fincikema Sabuwar Amaryansa kunni Saboda Kishi ana ta Dariya kafin Zuwa mangariba Labarin Haihuwan Hafsah yakai ko"ina Nazifi ma jidda ta gayamai Tun yana Wajen aiki itama Zannira jidda ta kirata ta gayamata Shima din ya Kira Abdullahin bai Daga ba.

Anan Asibitin Likita yace Hafsah zata kwana sai Zuwa da Safe zasu Sallameta Tunda lafiya kalau ta Farka Jikinta Alhamdulillah,Subai ta koma Gida tayo Girki Auwal yazo ya karba Mariya dai na Gida ita da yara Ammi Dai ta koma Gida ta bar Mama kuma Har zuwa Bayan Isha"a Ba"a samu Abdullahi awaya ba.

Shi kuma yana Chan Wajen Barkat ta Hanashi Tafiya,Abunda ma yasa yaga Kiran da akayi ta masa Lambar Mama zai bama Barkat din tace zata kirata su gaisa yana Dauko Wayar yaga Kiran Yan Gida Rututu,Hafsah,Mama,Ammi,Nazifi,Mariya,Zannira Har da Auwal Hankalinsa ya Tashi yana ta Salati Allah sa lafiya Mama ya Kira Cikin murna take gayamai Haihuwan Hafsah Yanzu kuma suna Asibitin Abu ta Tudun Wada,Abdullahi ya Rude ga Murna ga kunya sai da suka gama Waya da Mama yake Fadama Barkat Haihuwan Hafsah din Cikin Damuwa yake Fadin"Baki kyautamin Ba Barkat...Kowa ya kirani bai Jini ba..Naji kunya Har Hafsah ta gama naguda ta Haihu bani Agida..."

Hakuri ta Fara bashi bai bi ta kanta ba yace bari ya tafi tace ya gaida Hafsah tana mata Barka,ko Sauraranta baiyi ba ya Haye Mashin Dinsa ya bar Cikin makaranta yana Tunanin Wani kallo Su Mama zasu yi mai in yace yana Wajen Barkat akayi ta Kiransa bai ji ba..? Ita kanta Hafsah ya zataji Abun...? Har acikin Ransa baiji Dadin haka ba sam.





*Domin Biyan Kudin Karatu akan Littafin Ra"ayi ne ko Buri..? Zaku iya Tura kudin karatunku ₦200 Kachal akan wannan asusun bankin 0552179550...JAMILA UMAR GTB,Sai a turo Shedar Biya ta wannan layin wayar 09069067488,In kuma Katin Waya ne zaku iya Turowa ta wannan Layin 09027767783 kai Tsaye Bayan Mutum ya Dauki Hoton katin...Ga masu Bukatar VIP zasu Biya ₦500 ne ta Lambar asusun Dana bada a sama....! Mutanenmu na Niger kuma Zaku iya Tuntumbar My Jika aglan Nissa ta wannan Layin +22794131747....Sai kunzo Masoyana*






*Janafty..*
*MASIFAFFAN NAMIJI..!*


*Wattpad:JamilaUmar351*
*Mallakar:Janafty💞*

*Dedicated To:My Habibaty💞 Aisha Idris Abdullahi..*!




*036*


"Asibitin yawuce Direct, Mama ya Kira ta Mai kwatancen Dakin da Suke,Koda yaje har Hafsah ta tashi Daga Barci Mama ta kara mata karamin Filo a bayanta Tea ne a Hannunta tana Sha Wanda Auwal din yazo Dashi,Daga Gida Mama ta Hada mata.

Da sallama ya Shiga Room din Mata uku ne Hafsah ce ta Hudun kuma Duka Yan Haihuwa ne kowacce ga Mijinta agefe yana Rike da kyautar da Allah yayi musu Banda Hafsah Wacce Mama ce ke Rike da Jinjiran Auwal na Zaune kan Wata Farar kujera yayinda Hafsah ke kurban Tea din ahankali kamar Wacce bata son sha.


Tunda ya Shigo Hafsah ta kafeshi da ido na Dan Dakikai kafin ta kauda kai Domin Tun Bayan Data Farfado Ta Tambayeshi Mama tace,An ta kiran Wayarshi Bai Daga ba,Ranta bai baci ba ammh Taji ba Dadi Ace har Ta Haihu ammh Babu Abdullahi ba Dalilinsa,Tana ji suna gaisawa da Mama bayan ya gaida Sauran yan Dakin Auwal ma ya gaisheshi ya bashi Kujeran Dayake kai ya Zauna Lokaci Daya Mama na mika mai Jaririyar Tana Fadin"Ga Sabuwar Amarya Ammi da Inna Abu sunyi.."


Abdullahi ya karbeta Bakinsa Har kunni yana Fadin"Ah ba Shakka..Masha Allahu..Ammi da Inna Abu sunyi kishiya kuma Daga gani sai tafi Amira Fada Wajen Daddy da Baba wada fa Mama..? Ya fada yana Dariya Lokaci Daya yana kure jaririyar da ido yana kara godema Allah Mama tace"Sosai ma..Ai Dazu Ammin ta bar nan sai kishi Take nunawa.."Abdullahi yace"Allah Sarki..Naga kiranta Mama kema Naga naki kuyi Hakuri Wlh Wayar tana Silent ne,Kuma Na Shiga Cikin Makaranta na Tsaya Ganawa da Supervisor dina Shiyasa.."

Yafada yana kallon Hafsah Wacce Tayi Saurin kauda kai kamar bata ji mai yake fadi ba Saboda yana Fadin Cikin makaranta ya Shiga Ranta ya bata Wajen Barkat yaje shine ya Bige da wai Supervisor dinsa yaje gani,Mama ce ta katse Abdullahi da kallon Mamakin Dayake bin Hafsah dashi ganin yadda ta wani Hademai Rai kamar ba ita ba,Cikin Dariya Mama ke Fadin"Ai ma Haihuwar tazo da Sauki Tun kafin mangariba ta Haihu,Tuni ma labari ya gama Baza gari yanzu ba Dadewa muka gama mgana da Umman Sadiq,Subai ma bata jima da Fita ba Zannira ma ta kirani tace Mariya ta Kirata ta Fadamata Allah yasa Haihuwar tazo da Sauki Duk da Farko taso ta bada gaddama Ammh Allah ya Tsare ya kuma Sauketa lafiya.."


Abdullahi ya Jinjina kai yana Fadin"Hakane...Angodema Allah Mama.."Ya fada yana kallon Hafsah Auwal ne yace zai Tafi Mama Ta Bishi Zuwa Waje bayan yayi ma Hafsah da Abdullahi sallama Suna Fita Abdullahi ya kalli Hafsah yana Fadin"Hafsatuna Sannu da kokari..Allah yayi miki albarka Yanzu ya ya kike jin jikin naki..? Hop babu Inda ke miki Ciwo ko..?

Dan Yake tayi kafin tace"Eh..Babu..Nagode..'Cikin Jin Dadi yace"Alhamdulillah..Kinga kin karo Haifo ma Daddy da Baba Wada Sabuwar amarya ko..?Kai ta gyada mai Kafin shi kuma ya Dago yarinyar ya Sumbata Lokaci Daya kuma ya Fara mata Huduba Duk Hafsah na kallonshi sai da ya gama kana ya kalleta yana Fadin"Allah ya Raya Karima..Takwaran Mama ce.."

Kofin Hannunta ta ijiye Saman karamin Durowan Dake gefen gado Cikin kulawa tace"Allah ya Rayata.."Ya amsa da Ameen,filon bayanta ta gyara ta koma ta kwanta Dakyau barci na neman Daukanta Sama sama Taji Shigowar mama da kuma Sunanta da yarinyar taci Mama sai Murna kamar tayi kuka,Ita dai Daganan barci ya kwasheta batasan yaushe Abdullahi ya Tafi ba Shi kuwa Sai wajen Sha Biyu Saura ya bar Cikin Asibitin zuwa Gida Ya bar Mama zata kwana Zuwa Gobe.

Da Safe kafin Abdullahi ya Tafi Office Asibitin ya Fara Biyawa yama iske an basu sallama Bill din yaBiya da Sauran Magungunar da ya Siya,Mota ya samu ya Biya kudi Aka kwashesu Zuwa Gida Harda Ammi Datayi sammako ta kawo musu Abun karyawa sai da suka bar Asibitin Shima ya Hau mashin zuwa Wajen aikinsa yana Office yayi ta samun Wayar mutane,masu mai Barka Goggo Habiba ma ta Kirashi Tamai barka Haka ma Umman Sadiq,Daddy ma ya kirashi Suka Dade Suna mgana Yana ta Zolayan Abdullahi Da ya gayama Amira shifa ya Sauya Amarya Saboda Haka ta Nemi angonta Shi kuma yana Cemai Da Tsohuwar zuma ake mgani Sun gama waya dashi kenan sai ga Kiran Baba wada shimai dai Fadi yake ya Sauya Amarya Abdullahi na Dariya yana Fadin Shikenan kowa yayi ma uwata tawaye saboda yaga Sabuwar Amarya,Haka dai suka mai barka Cikin barkwanci da Fahimtar Juna Duka kannensa Zannira da Subai suma sun kirashi sun mai Barka,Nazifi ne Wayar karshe Daya amsa Shima Barkan yamai yace Jidda ta Fadamai Tun Jiya kuma ya Kirashi bai Daga ba sai yace mai yana Cikin makaranta ne Lokaci,basu wani Jima suna Waya ba suka yanke Yana gabda tashi Daga aiki Yaga Shigowar Sakon Barkat na Barka sai kuma ya Tura mata Lambar Hafsah Zata Kirata su gaisa ta kuma yi Mata barka.

Lambar ya Turama ta kawai Domin Tun Da ya barota basu yi mgana ba,Jiya Daya Dawo Gida kashe wayarsa yayi da safe kuma yana Asibiti bayan kuma yazo Office aiki Bai barsa ya kirata ba,koda ya tashi Daga aiki ya koma Gida,gida ya Cika da yan Barka Ammi Da inna Abu sai Mama,Mariya da Subai duk suna nan Dole Dakin Barkat ya Bude ya Shiga kawai,Sai bayan Isha"i suka Watse Ammah Mama ta nan sai Hafsah ta Kara Jin Sauki ita ke mata Wanka ita da Karima Wacce Su Mariya da Subai suka ce za"a dinga ma alkunya da NOOR,bayan sunji labarin Sunan Mama yarinyar taji Sun ji Dadi Sosai.

Hafsah nada kwana Uku da Haihuwa Zannira tazo tayi barka ta kayan Sunanta Atamfa da Rigan Yarinya guda Biyu,bata kwana ba ta koma tace sai Ranar Suna Nazifi ma ya kawo Jidda da Sakina Wacce ba Domin Allah tazo ba Tazo ne Taga Kishiyar Hafsah taga kuma wani irin zama Suke sai kuma Tayi Rashin Sa"a Barkat din bata nan Data Tanbayi Hafsah ina Amaryanta Subai ne Dake gefe ta bata amsa da Tana Makaranta Daganan ganin ba Fuska sai bata kara mgana ba Ita kuwa Jidda ta Shige Cikin yan"uwana ana ta Hira da Shewa Da gayyah ma Subai ke ta Kuranta Jiddan Da tayi kiba ko Dai sun samu Rabo ne..?jidda Sai sai Tayi Dariya Sanin Halin Anty Subai din ba Dama,Hafsah kuwa Allah Allah take Su sakina su Tafi kafin Subai ta ballo mata wani Ruwan.

Jidda ta kawo mata Rigunan yara masu kyaj Sai Turamen Atamfa Guda Biyu da less na Nazif ne,Sakina kuma 2k ta bata Suna Haraman Tafiya Sai ga Hajiya Sa"a da Lariya sunzo ma Hafsah barka suma da kayan arzikinsu Sakina ta Kara Raina kanta Dataga Mahaifiyar Jidda Domin taga ta kera sa"a,Lariya kuma ta santa taje kaduna sau Wajen Biyu sun Hadu,Wajen 5pm na Yammah Nazifi yazo ya kwashesu suka koma Daman bayan ya kawosu Tare suka Fita da Abdullahi Tunda Ranar lahadi ne ba aiki,nan suka bar su Hajiya sa'a sai da sukayi sallar mangariba suka Tafi.

Umman Sadiq bata zo ba tadai yi Sakon kudi,Abdullahin ta Turomawa 10k tace ya bama Hafsah din a Hannunta,Daya bata kin karba tayi sai da ya Hadata da Umman awaya kana ta yarda ta karba tana ta Godiya,Barkat ta kira Hafsah a waya tayi mata Barka ana Jibi suna sai ga Hajiya Amina da Bahijjat sunzo barka Harda Turmin atamfanta,da kudi 2k,Hafsah tayi ta musu Godiya Abdullahi baya gida ma Lokacin sai da ya Dawo Mama ke Fadamai,dama kuma Sunyi Waya da Barkat din take gayamasa Zuwansu Hajiya Aminan har acikin Ransa yaji Dadi kuma ya nuna Fuskarsa.

Ana gobe suna Anty Hadiza ta Diro Da Tawagarta Hakama Zannira,Subai ma Tazo tace sai Bayan Suna zata koma Ganin Haka sai Mama ta koma gida aranar ganin Hafsah ta warware kuma ga Su Subai suna kara kula da ita,Mama ta Koma gida ba Dadewa sai ga Goggo Habiba ta iso,Adaran Ammi ta aiko Direbanta da akwati guda na kayan Suna Dinkakku da kuma na yara Inji su ita da Daddynta Hafsah kamar tayi kwallah Saboda Farinciki Anty Hadiza ma Tazo da mata kaya sosai,Hafsah dai Taga gata Gaba da baya Harta da Goggo Habiba ba"a Barta abaya ba.

Ana gobe suna Daddare Abdullahi ya Kira Barkat yana Tambayanta yaushe Suke da Jarabawa..? Dama sunyi Wata da yammah sai tace mai sai Monday da Safe,Cikin bata Umarni yace ta Dawo Gobe da safe ta samu Suna Saboda kowa yazo sai ya Tambayeta Tunda sai Monday zasu yi wata Jarabawa ko zuwa Ranar asabar ko lahadi sai ta koma Ammh sai Barkat ta fara kawomai Wata mganar Banza wai Batayi Karatu ba In ta Dawo Gida Hayaniya bazai barta ba,Ran Abdullahi yakai kololuwar Baci ganin yadda Yake Bama Barkat Umarni ammh kuma tana Nuna mai Abunda take so Shi zatayi Tsawa ya Dakata mata Cikin Fusata yake Fadin"Ke..Ki shiga Hankalinki fa..? Ni sa"anki ne Da zan Dinga mgana kina Katseni..?

Jin Haka yasa Mamaki ya kama Barkat Sai ta karya wuya tana Fadin"Haba My Man..?Allah banyi karatu bane kuma in na Dawo Gida Hayaniya bazai barni ba kuma Infact ma Saura kwana nawa ne nagama Jarabawan gabadaya na Dawo gidan Mijina..?Ni kaina bana jin Dadin zama anan Kasani ina matukar kewarka Mijina..? Ta karishe Fada Cikin karya Murya da Shagwaba.

Yana jinta yayi mata Banza sai da Ta Kira Sunanta kana yayi gyaran Murya yana Fadin"Kinga ni duk ba wannan ba Malama ki Dawo Gida Gobe da safe..Umarni na baki ba Shawara ba.."Tana kokarin kara mgana ya katseta da Fadin"Ban Bukatar wani Korafi..Kiyi Yadda nace kawai.."Daga haka kawai ya katse Kiran nashi Ransa na masa Kuna Bangaran Barkat kuwa Sai Haushi ya kamata jin Abdullahi ya kashe mata Waya yana mata Fada saboda Tace baza tazo Ta samu Sunan Hafsah ba,Kishi ya taso mata tana Tunanin Saboda Hafsah ne yayi mata Tsawa kuma ya kashe mata Waya sai kawai ta Shareshi ta kuma Gudurta aranta bazata koma Gidan ba Sai taga yadda zai yi da ita.

Shi kuma Tunda sukayi Haka ya Shareta ammh Yana jiran yagani Shin Zata Dawo kuwa..? Ko kuma Zata yi yadda yace,in ko ta saba Umarninsa Wlh Barkat Zata sha mamakinsa,Ranar suna Tun Safe ya Fita Zuwa Wajen aiki,Ammi achan gida itama Take nata Taron,Haka ma Mama Tunda Su Goggo Habiba na nan da Su Inna Abu Su kuma su Zannira suna gidan Hafsah,Tun safe aka yanka Raguna Biyu kafin Azahar sun gama Girki da kona kowacce taci Wanka Hafsah kuwa sai Shiga Take suna Fita ita da Noor,Hafsah Tun Jiya akayi mata Kitso da Lalle tayi kyau sosai ga jegon ya karbeta tayi kiba tayi kyau Sai wanda ya ganta,Makota Suna ta Shigowa Yan"uwan Mijin Subai ma sunzo mata Suna Hajiya Sa"a da lariya sun zo ammh basu Jima ba suka wuce gidan Mama Dagachan kuma suka ce zasu Biya su yi ma Ammi Barka kana su wuce gida,Kannen Nazifi Duk sunzo Ma Hafsah kara Sosai,Sai Hotuna suke Farinciki ya Cika Zuciyar kowa yammah nayi Su Mariya suka saka M.p suka kunna Kida suna Cashewa Subai ce gaba gaba ta kuma riko Hafsah tace Dole sai tayi rawa Hakanan ta Shigo Su Zannira da Anty Hadiza suna gefe suna Dariya su Mariya kuma na Daukansu Vidion Su Amira ma dasu muhsina sunce baza"a barsu a baya ba suna ta takawa Zannira Da Taga Muhsina na Rawa tace yar'nan baki yar ba Uwarki Ba Mutuniyar kirkir ce ba,ana ta Dariya,Suna Cikin Rawan ne sai ga Bahijjat da Matar Salisu yayan Barkat sun leko Sunan Hafsah ta karbesu Hannun Bibbiyu,Bahijjat Ta gane sai ita Bahijjat din ce tamata Bayani matar yayansu,sai Bayan mangariba suka tafi.

Sai Bayan Isha"i Gidan ya Ragu ya Rage Daga Mariya sai Zannira sai Anty Hadiza da Subai Jidda bata zo ba Daman Nazifi yace bazata samu zuwa Suna ba,Auwal sai Dare ya leko Yace Daga gidan Mahaifiyarsa yake Mamarsa tazo garin Har tazo tayi ma Mama barka Shine ya Rakata gida Daganan ya Biyo ta nan, nan Subai ke Tambayansa wai Aure tayi achan Niger din..? Yace mata eh har ta Haihu Wajen uku bata dai Dade da yin Auran bane,Dayake Auwal din yana waya da Mahaifiyarsa sosai kuma tana yi mai Sako,Gidan kakaninsa ma yana zuwa Suma suna Zuwa Wajensa Lokaci Bayan lokaci.

Abdullahi bai Shigo gidan ba sai Wajen 9:30pm na Dare yana Shigowa da Mashin Dinsa Dakin Barkat ya Fara kallah ya ganshi a kulle Ransa ya kara wani baci,yaji wani Abu ya tasomai Daga kasan Ransa Har ya Daidaita zaman mashin dinsa ya Sauko Abun ya kasa sakinsa,Dakyar ya leka Dakin Hafsah suka gaisa da su Anty Hadiza,Su Subai suka gaisheshi ya amsa Yana Fama dasu Amira da su Muhsina wadanda suka Rukumkumeshi,suna mai oyoyo Haka ya kwashesu har Bedroom din Hafsah ya isketa zaune gefen gado Tana Bama Noor Nono Tana ganinshi ta sakarmai Mirmishi Tana Fadin"Abban Noor.."

Gefenta ya zauna yana Fadin"Nidai Ban yarda ba gaskiya ana ta yima Uwata Tawaye..Daddy yayi mata Baba wada ma Haka kema yanzu Abban Amira ya bace Daga bakinki Na koma Abban Noor ne.."Yafada yana wani kwabe Fuska lokaci Daya yana kallon Hafsah Wacce Dariya ta kamata Ganinsu Amira yasa ta korasu Wajen Anty Hadiza,Suna Fita ta Ciro Noor Daga Nono ta mikama Abdullahi Lokaci Daya Tana Fadin"Meke Damunka...?

Kai Tsaye te jefamai Tambayan karban Noor yayi yana Fadin"Me kika gani..? Ya suna ya Hidima..?
Kafadarsa ta Dafa tana Fadin"Lafiya lau Alhamdulillah...Allah Abban Amira wani Abu na Damuka naga Ranka abace ne..? Kallonta yayi ido Cikin ido kafin ya kada kai yana Fadin"Shiyasa nake fada bayan Mama da Umma kece mace ta uku datafi kowa sanina...Karki Damu Bawani Abu ne Gajiya ce ina yin wanka naci Abinci zan wartsake.."Mikewa Hafsah tayi tana gyara Wuyan Riganta Lokaci Daya tana Fadin"Bari na saka Subai ta Hada Maka Abinci..Dakin Barkat din zaka zauna..?

Kai ya gyada mata Lokaci Daya yana Fadin"Koma ki zauna In na Fita zan mata mgana ta Bani abinci karki damu kinfini Bukatar Hutu.."Komawa tayi ta Zauna tana Fadin"Kawota toh kaje kayi wanka kaci Abinci ka kwanta Sannu.."Mikamata Noor yayi ya mike yana Sakin Siririn Tsaki Lokaci Daya yana Fadin"Bari naje...Sai da Safe.."Hafsah tace"Allah Tashemu Lafiya..plz Abban Amira kaci Abincin ka kwanta ka Huta kaji ko..? Dukawa yayi ya Sumbaci goshinta yana Fadin"Insha Allahu Matar Abdullahi.."Itama Martanin Mirmishin ta maidamai Har ya Fice Daga Dakin,Tana jinsa yana Cema Subai ta kawomai Abinci Dakin Barkat yana Jiranta Daganan ya Fice