You Cannot Download this book untill you login but you can read it .

---

Login Register

sukayi makaranta da Ita.

Hafsat Haifaffiyar Garin Zaria ne a Anguwar Tudun wada Zaria Hafsat Itace ya ta Biyu a Gidansu Kuma ta karshe bata da kani ko Daya,Daga ita sai yayarta Hadiza wacce take Auran wani mai Kudi a Garin kano,Dan kasuwa ne,tsakaninta Da yayarta Hadiza Shekara Takwas Domin Har Hajiya Zinaru da Alhaji Hamza mai Guga Har sun Fidda rai da kara Haihuwa sai kuma Allah ya Basu Hafsah Daga Baya wacce tatashi Cikin Gata.

Hafsah yarinyace mai Sanyin Hali da Hankali Tashinta Cikin Gata baisa ta zama Sangartattaciya ba sai dai Sanyin Halinta uwa uba kuma tana da kawaichi da Hakuri,Hafsat Tana da kyau Sosai Domin Farace mai kunya Tana da Kokari Shiyasa a kananun Shekarunta Har ta kamallah Nce Dinta tana da Shekara 22 a Duniya,Hafsat bata cika Fita zuwa Gidajen kawaye ba Daga makaranta sai gida sai ko Inda Taje gidan yayarta Hadiza Hutu agarin kano achan take ma Kwana Da yawa Har sai Hutunasu ya kare take Dawowa Zaria.

Hafsat da Subai"a sunyi aji Dayane a makarantarsu ta Comtemporary,Da Farko ba kawaye bane Daga Baya ne suka Zama Good Friend Da Hafsat Saboda Sanyin Halinta da ita kanta Subai"an Data nemi Hafsatn Ta yarjemata suyi kwawancee Wannan Dalilin ne yasa Suka Fara Mutumci sai kuma Suka koma kawance ganin itama Subai"an bata da wani Banzan Hali Subai"a Tazo Gidansu Hafsat ba Adadi ammh Ita Hafsan Sau Daya Tataba zuwa Gidanasu Subai"an Sanda mama bata da lafiya Taje gaishesu,Sai dai Subai"an tagaji da Korafi Harta Ammin Hafsat sai da ta mata Tsiyan bata Zuwa Gidansu Subai"an

Dalilin Bikin Subai"an wacce Zatayi Aure acikin Zaria Zata Auri Dan Gidan mallawan Zazzau,Shine Dalilin Dayasa Dole Hafsat tayi Hakuri ta Shiga Sha"anin Bikin Tunda Subai"an ta sakata Dan Dole,Tare sukayi Hidimar Raba cingam kuma sukake Gudanar da Wasu Shirye Shiryen Bikin,kuma Hafsat da Abdullahi basu Taba Haduwa ba Domin Sanda zata zo Gidansu Shi Baya nan yana wajen aiki,sai dai Ita Hafsan tana ji Subai"an na yawan Zencen yayanta Abdullahi.

Basu Fara Haduwa ba sai ana Gobe Bikin Subai"a da suka Dawo Daga Gidan kunshi Suka Iske Abdullahi akofar Gidan suna Hira da wani abokinsa Nazifi,Wata Soyayyah ce ta kulla da ganin Farko da sukama juna Hafsat taji Jikinta ya amsa Tare da Zuciyarta,Shima Haka a Bangaren Abdullahi haka ya Wuni yana Fama da Faduwar Gaba Daya Tuna da Hafsat Haka Itama Abagarenta Haka ta koma Gida Jikinta Duk a sanyaye Domin Taki yarda ta kwana agidansu Subai"an Duk da Ammi ta barta.

Washegari Sai suka Hade wajen Dinner,wanda Abdullahi bai so Zuwa ba ammh Mama ta matsamai da lallashi Ita da Zanniratu yasa ya yarda yaje wajen sai wani Bata rai yake Shida abokinsa Nazifi yaje,Suna Gefe suna kallon Kowa Daidai Cikin kalle kallen nashi ne suka kara Hada ido wannan karon Dukkansu basu Dauke ido Da kan Juna ba,Nazifi ne ya ankare da Halin da suke Ciki ya kuma Bama Abdullahi Shawaran ya Tunkari Hafsat kada ya bari Garin kallo Ruwa kwado yamai kwafa.

Lokacin da Abdullahi yanemi Kebewa Da Hafsah bata ki ba,Kuma sanda ya Furtamata kalmar so nan ma batayi gaddama ba Domin a kallon Farko Zuciyarta ta aminta Dashi kafin atashi wannan Dinner Duka Zuciyoyinsu sun Aminta da Juna sanda Subai"a tagama Fahimtar Abunda ke Faruwa Farinciki ya Cika Ranta Domin Zata so Yayanta ya samu mace irin Hafsat.

Ranar Hafsah gidan Subai"a ta kwana Washegari ne ta koma Gida Cike da Farinciki,wanda yakasa Boyuwa saman Fuskata Ammi ta Tasata Da Tambaya Cikin kunya ta gayama mata komai ita kuma ta Shiga Tsokanarta,bata kasa a gwiwa ba Alhaji Hamza na Dawowa ta Sanar Dashi komai Shi kuma ya Kira Hafsah yace in Abdullahi ya Kirata tace yana nemansa.

Haka ko akayi Abdullahi ya gana da Mahaifin Hafsah kuma ya gamsu Dashi Lokaci Daya ya Bashi Daman ya nemi Hafsat,Cikin Soyayya da Muradi suka Fara Gudanar da Soyayyarsu Cikin Son Juna da kauna Zuwa Lokacin kuwa kowa Daya Shafi Abdullahi da Hafsat ya gama Sanin Soyayyarsu Hatta Umman Sadiq Taji labari wanda Abdullahi yaje har chan yamata Bayani kuma tayi Farinciki da Hakan watansu Hudu da Haduwa Alhaji Hamza yace Abdullahi ya turo magabatansa,Cikin Lokaci kankani akayi komai aka gama Aka Sanya Ranar Wata Bakwai masu Zuwa A inda aka bar Abdullahin zai kama Haya kafin ya karisa Gidansu.

Abubuwan da suka Biyo Baya kafin Aure,Abubuwa ne masu dadi Sosai,Domin Zumunci ya kulli Tsakanin Umman Sadiq da kuma Ammi,Kuma abubuwa suna Tafiya Daidai,Soyayyarsu Kuwa ba wani Targadan Domin Abdullahi mutum na gari kuma alokacin bai Taba nuna mata yana da Halin Fada ba wanda kuma Kowa baisanshi Dashi ba andai sanshi da Bayason Raini ko Kadan da kuma Tsare Gida Uwa uba kuma Rashin yalwar Fara"a ga Fuskarsa.

Biki ya karato kuma anyi Duka Shirye Shiryen Daya kamata wani Flat Abdullahi ya kama Ahaya a Gaskiya layaout suka Fara Zama Shida Hafsat Cikin Soyayyah da Muradi mai Girma zamansu ya Fara Cikin Farinciki ne Gefe Daya kuma yana ta kokarin Karisa Ginin Gidanashi Domin Bayaso Hafsat tayi Haihuwan Fari suna Gidan Haya.

Rana Daya Ko nace Rana Tsaka Abdullahi ya Farama Hafsah Wannan Halin nasa na Fada da Mita da korafi,Tun bayan da Alhaji Hamza ya samoma hafsah Koyarwa a wata Private School,Ammh sai Abdullahi ya Hana ya kuma Bada Idanuwansa Toka yace bai amince Hafsat Tayi aiki ba,Alhaji Hamza bai ja Mganar da Nisa yace Hafsat tayi Hakuri da aikin Duk da ta sakarai Ammh Tayi mamakin Yadda Abdullahi ya Hanata yin aikin Alhalin bata Zaci haka Daga Gareta.

Shi kuma Abdullahi ba komai yasa ya Chanza ba sai Zugan Abokinsa Nazifi wanda yaji labarin Case din aikin Da mahaifin Hafsah ya samo mata da kuma Hanawa da yayi Nazifi Shi yabama Abdullahi Shawaran Sakarma Hafsan da yakeyi ne yasa Take Tunanin komai Zata iya yi Ya kamata ya Fara Nuna mata Shima Namiji ne,ya daina Sakarmata akomai yadaina Nuna ta iya ko tayi Daidai Haka kadai zai sai Su Daidaita ta kuma Dinga Shakkarsa ta kuma gane Shine Mijinta tana karkashinsa ne,Da wannan Shawaran Abdullahi yayi amfani ya sauya Takun zamansa Da Hafsah Daga Zaman Soyayyah da kulawan da kauna mai Tsanani,ya koma zaman Kadahan kadahan Masifa,korafi,da kuma Mita komai kuma akayi ba"a mai Daidai Hafsah ta Daina Yin wani Abu Na Burgewa ga Abdullah ba, komai tayi Sai yayi korafi kuma ya Nuna Batayi mai Daidai ba.







*Shakira...*
*MASIFAFFAN NAMIJI..!*

*Wattpad:JamilaUmar351*
*Mallakar:Janafty💞*

*Dedicated To:My Habibaty❤️Aisha idris Abdullahi..!*




*004*



"Nazifi bashi da Mugun Hali ko kyashi ko Hassada ko kuma wani Dalili nabama Abdullahi wannan Shawaran,Sai dai Abu Daya Shine Hallayarsu ta Bambamta na Farko Nazifi yana da Leken Leken mata da kuma Buri yana son Mace mai kyau mai aji da kuma Dukiya ko ita ko Iyayenta ma"ana dai yana Burin Auran Jari da kyau arayuwarshi.

Kuma ya samu Domin ya Riga Abdullahi Aure ma,Da wajen Wata Biyar in da Allah ya Cikamai Burinsa ya Auri Diyar masu Kudi ga kyau ga Diri ga Tarin Dukiya Mai Suna Sakina,Sakina Diyar wani Hamshakin Dan Siyasa ne agarin kano Babanta Har Sanata yayi kafin Ya Sauka ya Rike Yan majalisu Dadama,Ma"ana dai yayi Gwargwarmayan Siyasa Sosai,Ya"yansa Dukkansu sai ya kwafasu yake Aurar dasu,Sai sunyi masters Sun samu aiki yake Aurar Dasu,Kuma sai ya kaisu Hajji kana,Sakina Ta karanta aikin Gidan Jarida wato Mass.Com,Akasar London ma ta Hado Masters Dinta akan Harkan Jarida har ma ta Fara aiki da Gidan Jarida na Bbc ta bari ta Dawo Gida Saboda Zencen Auranta da Nazifi Daya taso.

Nazifi Yayi karatunshi har matakin Digree Engenearing ya karanta aka samu sa"a ya samu aiki Ahukumar nepa ta Jahar kaduna,Asalinsu yan Sokoto ne zama da Sana"a ya kawo mahaifinshi nan zaria har ya Auri mahaifiyarsu wacce suke kira Inna Abu,Kamar Abdullahi Shima Nazifi Shine Babba Agidansu yana da kanne mata da Maza ammh Dayake mahaifinsu Alhaji Wada,Dan kasuwa ne Sosai yana da Rufin Asirinsa ba laifi Shiyasa komai yazoma Nazifin Cikin Sauki.

Sun Hadu da Sakina a Fbuk ne Suka Kulla Soyayyah mai Zafi Ganin Dukkansu Zabin Juna,Sakina Tana son Namiji mai kyau Itama Dogo,mai ingarman jiki da Fadin mazantaka mai kuma ilimi da Haiba Saurayi mai Jini a Jika Domin ba laifi Nazifi gaye ne na Nuna Sa"a Itama Sakinar tayi Daidai da Ra"ayinsa Tun Tana london suka Fara Soyayyah Bayan Tazo Gida Hutu yazo suka Hadu suka kuma Yaba da Juna Cikin Lokaci ta gabatar Dashi Wajen mahaifinta Shi kuma ya Amince Domin baya ma ya"yansa Dole Abunda suka kawo suna so in dai na kwarai  ne toh yana Aura musu Toh hakan ta Faru da Nazifi iyaye suka Shiga Cikin mgana akayi komai Cikin Girma Duka Duka Bikin Wata Biyu aka saka Dayake Nazifin yana da Gida Akaduna sai Abun yazomai da Sauki.

Farkon Auransu Nazifi ya zama Dan Gata kuma Abun kwatance Domin Sha Tara na arziki Mahaifin Sakina yayi mai ya Bashi Motar Hawa,da kuma Gida Lafiyayye anan garin kadunan ganin Haka yasa Nazifi ya kulle Gidansa Ya koma Gidan da Uban matarsa ya bashi Wanda Sai dai Abdullahi ya nunamai Rashin Dacewar haka ammh yaki ji Ransa na wajen Burinsa wanda baida Amfani.

Kayan abinci kuwa na kusan Shekara aka Cika musu Store kayan Aure kuwa Gida sai wanda yagani Saboda kyau da kawatuwa,Da Farko zamamsu ya Fara Cikin Soyayyah da kauna sai Daga Baya komai ya Chanza Zani,Domin Sakina dai Tafi karfin Nazifi ta Fara Nunamai Tana Bukatar Rayuwar yanci ne da kuma Sakewa,Domin Tana Takama Tana da komai Ubanta Nada kudi Ita kuma tana da Ilimi Farkon Samun mtsalansu Aikin Da Mahaifinta ya sama mata agidan Tibi na NTA Abuja bama Tare da an Tuntubi Nazifin ba,Wanda dama kafin Auransu da Sakinar sai da Alhaji Wada ya Kira sa yajamai kunni da kuma Fadan kan Gidan Dayaje ya Nemi Aure kamar sunfi karfinsa ammh ya Nuna Babu Abunda zai Faru Sakina na Sonshi akwai yaga karshen so Daya nuna Bazatayi aiki ba Babanta da kanshi ya Kirashi yamai wankan Tsarki ya kuma ce Dole Sakina tayi aiki Dama ai ya sani amfanin karatun nata tayi aiki Dashi ko kuwa in ta Zauna zai kare mata Lalurorinta ne Shima yana nema yadai Ci Zarafin sa Sosai Shida iyayensa Irin dai basu da komai Ranar Nazifi bai iya barci ba Saboda Bacin Rai ita kanta Sakinar bata Saurareshi ba Kano ta Tafi sai ta kwana uku ta Dawo bayan Tagama Duka Shiryen Shiryenta Har Gidan da zata Zauna achan Abujan ya kamallah Domin bazata Dinga Zuwa tana Dawowa ba Nazifi yana ji yana gani Sakina ta Fara aiki bada izininsa ba kuma in Tatafi sai tayi Sati Biyu bata zo kaduna ba in kuma tazo Bata wuce kwana uku ta koma Nazifi ya Shiga Damuwa Sosai ya Fara lalacewa,kuma ya kasa Iya Fadama kowa sai Abokinsa Abdullahi wanda kuma yace Allah ya kara Dama kowa ya Siyi Rariya yasan zata Zubda Ruwa.

Da Farko Sakina ta nuna ma Nazifi ya Dinga zuwa mata Abuja Weeked in ya samu Lokaci Domin Har ga Allah tana son Mijinta sai dai Rayuwarta da Goal dinta na Rayuwa na gaba da komai,Sai yaki ya Fara Fadan Ta Raina mai yawo,ita kuma sai ta kyaleshi Daga Baya ganin zai iya Fadawa Halaka yasa yake Kokarin Zuwa mata Weekend Duk Sati,Ganin haka sai Taji Dadi ta kara Sangarcewa in bashi yazo ba sai tayi wata bata Shigo Kaduna ba Tun Nazifi na Boyewa ma iyayensa Har Labari ya kai musu Inna Abu tace Allah kara Alhaji wada ne kadai yace Allah ya kyauta Domin koma miye ya Faru Nazifi shi ya Deboma kansa Ruwan Dafa kansa da kansa.

Wannan Dalilin ne yasa Ba Abdullahi kadai Nazifi kebama Shawaran ba"a Sakarma ma Mace ba Abokansu Dadama yana Fadama Haka masu karamin Tunanin Irin na Abdullahi sai su yarda da Batunsa Duba da ganin Irin yadda Rayuwar Nazifin ta Dawo Yana da mata kamar bashi dashi Shiyasa yanzu yama Daina Kwana akadunan kusan kullum yana Hanyar Zaria zuwa kaduna Bambamcin Shine kawai Auren ammh bawani Ci gaba,Abdullahi Nadaga Cikin abokan Nazifi makusantansa wadanda suke da Labarin Irin Abubuwan da suka Faru Dashi Shiyasa Daya bashi Wannam Shawaran bai yi wani Dogon Tunani ba ya yarda da Mganarsa Domin baya kaunar yayi Sakem da Mace zata maidashi wani Salallamame Ita da iyayenta ba gwara ya kame kawai Shima ya zama namiji Domin ya Tabbata bazai Taba yarda Hafsah tamai Irin Abunda Sakina Take ma Nazifi ba Shiyasa ya Sauya alaqan zaman nasu Kuma yake ganin Riba da Daidai kan Abunda yake mata Shine zai sa Ya zama Namiji acikin Gidansa mai iko kan komai.

*******

Acikin wannan Halin ne Hafsah ta samu Cikin Hajara wato Amira Ammh samuwar Cikinta sai ya Rage wani abun Tunda Abdullahi na son Hafsah Sosai kuma yana Tsausayinta Lokacin kuma Cikin yazo mata da laulayi Sosai Don har Asibiti ta kwanta,Tasha Lodojin Ruwa Lokacin har Umman Sadiq tazo Dubata itace Dataga Halin da Hafsah ke Ciki tama Abdullahi mgana kan Ya maida Hafsah gaban mahaifiyarta ta kula da Ita Bai so ba Domin ya nuna Rashin Amincewarsa ammh sai Umman Sadiq tafi karfinsa Dole ya amince Ammi ta Dauki Hafsah Zuwa Gida,Tana kula da Ita Nazifi bai sani ba sai Daga Baya ya Dinga Zuga Abdullahi da Cewa yayi kuskure Shikenan kuma Komai iyayentavzasu Juyashi Shi kuma Bashi da yadda zai yi Umarnin Umman Saddiq ne kuma Yana jin kunyar Ammi gaskiya bazai iya mgana ba Dole Nazifi ya sakamai ido Sai da Hafsah Tayi wajen Wata Biyu a Gida kana ta Dawo Gidanta Lokacin Taji Sauki Sosai tayi Kiba Cikin ya karbeta Tayi Bul Bul Ganin haka yasa Abdullahi ya lallaba yana ta amfana Da Ni"imarta Ba Fada sai dai Abunda Ba"a rasa ba.

Abdullahi yaso Hafsah baza ta Haihu a gidan Hayan da suke ba sai kuma Allah bai yarda ba anan ta Haifi Santaleliyar yarta mace mai kama da Ubanta da Uwarta sak,Asibitin Chika ta Haifeta ta kwana Washegari suka Dawo Gida Mamace ta kwana Dama da Ita,Tun Kafin Hafsah ta Haihu Dama ya gayamata bazata Wanka Gida ba,bayaso Shiyasa da Ammi ta Fara mganar Komawarta Gida Jego ta Cemata Abdullahi ya hana da Farko Ammi taso tamai mgana sai Alhaji Hamza ya Hanata yace ta Barshi ai Mijinta ne Shike da Hakki akanta Abunda ya yanke Shine Daidai Hajiya Hadiza ma Datazo Tana Fadan meyasa Hafsah bata Dawo Gida ba,Ammi ta Fadamata Dalili,jin haka yasa tace Ammi ta samo Wata ko Cikin yan'uwanta Taje ta zauna da Hafsah Din Tunda Mama ce ke ta Zirga Zirga Zuwa Safe da yammh Tana ma Hafsah wanka ita da Jinjiran Jin Haka yasa Ammi tama wata Matar Yayanta mgana wanda Dama yayan nata ya Dade da Rasuwa Asibi Ita ta je ta Zauna da Hafsah,ammh sai da Ammi ta Kira Abdullahi ta gayamai Shi kuma ya amince.

Anyi Shagalin Suna Cikin Farinciki da Annushuwa Raguna Biyu Abdullahi ya yanka yarinya yaci Sunan Umman Saddiq Hajara kenan,su Subai"atu ne kan Gaba kan komai Zanniratu ma tazo Daga kaduna da Kayan Barkanta,Umman Sadiq kuma Kishiyarta Da suke Kira Iyami ce tazo ita dasu Sadiq dasu Zahra,Hafsah tayi Goshi Domin Harta Sakinar Nazifi Tazo Sunan da yammah da Leda Cike da kaya Dayake Sakinar bata da laifi akwai da Sakin Fuska ba Ruwanta Bayan Aurensu da Abdullahi Sunje kaduna Sau Daya Lokacin sun sameta Tana Gida Itama tazo Sau Daya sai wannan Shine Zuwa na Biyu.

Duk nan suka kwana wasu kuma Gidan Mama suka koma suka kwana wasu kuma Wajen Ammi musamman ma yan"uwanta,Maijego tayi Goshi ita da yarta Hajarah wacce ake ma alkunya da Amira,Hafsah tacigaba da wankan Jegonta Cikin kulawa Da kuma Taimakon  Asibi wacce ku kula dasu Ita da Amira a zaman Asibi Awajen Hafsah Bata koma ba sai da yabon Abdullahi da kyakyawan Hallayarsa acikin Bakinta,Domin ko Korafinsa ne yatashi baya yadda yayi shi Gaban wani ahalin Hafsh sai dai kaji kowa na Yabonshi Sosai ta koma da Kayan arziki da Abdullahi ya Hada mata Wanda Abun yayi ma Ammi Dadi Sosai Ta kuma Kara Godema Allah Data samu Suruki Irin Abdullahi.

Bayan Haihuwar Amira Haka zamansu ya Cigaba da zama Dai Kadahan kadahan Zuwa Lokacin Tuni Hafsah ta saba da Sabbin Halin Abdullahi tayi Tambayan Duniyan in Wani Laifi tayi mai ya gayamata yace bata mai komai ba Dole ta kawo Ido ta sakamai iyaka in ya Fara Fadansa ta Bashi Hakuri Taja Bakinta tayi Shuru wani Lokacin ko Suna Cikin Dadi Dashi sai ya samo Abunda zai Mata Fada akanshi Wanda ma bai kai yayi mgana ba Tun yana Damunta Har ya Daina ma Damunta Tunda ta lura Abdullahi ya Chanza ba kuma zai Daina Wannan Fadan nashi da Korafinsa ba.

Amira na da Wata Shidda Abdullahi ya kamallah Ginin Sabon Gidansa Dake Tukur Tukur Zaria suka koma akuma Lokacin ne ya siya Sabon mashinsa,wayyo kudina Sunyi Walima Sosai da Saukar al"qurani na Tarewa,Komawarsu Sabuwar anguwa tazo musu da Ssuye Sauyen Rayuwa Sosai Ciki harda Da karin Bunkasan Abdullahi ya samu karin Girma awajen aiki har ya Bude Shagon Provisio a kasuwar Tudun Wada Dake Zaria Auwal ke zama mai ashagon Shi da wani yaro Sani Auwal sai in ya Tashi Daga makaranta yake zama nan poli Shima yake Karatunsa kuma Abdullahi ne ke Dauke da Nauyinsu Shida Jidda da mariya.

Sai da Amira ta samu Shekara uku da Haihuwa kana Hafsah ta Haifi Usman wanda suke ma alkunya da Amir,Zuwa Lokacin kuma Babu Abunda ya Sauya zani,Sai ma ya karu Domin abaya Abdullahi baya Hanata Fita in Bukatar Hakan tataso ammh yanzu kai Tsaye zai ce bazata ba ko Ina ne kuwa,Gidan Mama kuwa in bashi yayi Ra"ayi ya Dauketa ba Ya kaita ba Bazai barta Taje ba Hakama Tudun Wada ammh Shifa yana zuwa akai akai Shi dasu Amira,Bangaren Nazifi da Sakina ma ba wani Chanji Gashi Har yanzu Haihu Shuru,Nazifin ya Fara Damuwa Domin yana Bala"in Son yaga kwansa a Duniya ammh Daya ma Sakina Mganar sai tace bata Shirya Haihuwa ba yanzu Sai nan Gaba Gabadaya Duk ya Rame ya Lalace wani Lokacin dama Burikanmu Suna iya Jefamu ga Halaka bamu sani ba.

Mariya da Jidda sun zama yanmata,Mariya Sch of Heatlh Takeyi nan Jama"atu Sch Of Health Kofar Kibo,Sai Jidda Dake Shekaran karshe a matakin Sendondry,Suma Dukkansu Suna Karkashin kulawar Abdullahi Domin Baya musu da wasa Musamman ma Jidda da Batajin Mganar kamar Sauran Abdullahi kadai Take Shakka.

Amira aka Fara sakawa a makaranta Kafin Amir ya Shekara Biyu a sakashi Suna Zuwa Tare,Da Farko Abdullahi ke Daukosu in sun Tashi Daga Baya kuma sai ya samar musu mai mashin nan kusa Dasu yana zuwa yana Daukosu Bayan Haihuwar Amir Sunje zamfara Shida Hafsah sukayi kwana uku Suka Dawo Lokacin kuma da Saddiq yayi Sauka ma Taje ta kwana Daya ta Dawo Tana zuwa in wani Abu ya Faru Hafsah Bata Da matsalan kowa game da Dangin Mijinta,Kowa na Girmamata baga Umman Saddiq ba,baga Mama ba,kowacce Tana ji da Ita haka kannen Mijinta baga Masu Auran ba baga yanmatan ba Kowa Anty Hafsah in Tana da matsala Guda Daya baya Wuce masifar Abdullahi da Korafinsa na Fama.

*****

Ganin yau sun Tashi Cikin Farinciki babu Yan masifan da Fadan a kusa yasa yana goge mashinsa dinsa Ta Rako su Amira da sukayi Shirin Makaranta ta kallesa Tana Fadin"Abban Amira Don Allah yau ka bar ni naje Gidan Subai"a na mata barka,Ta Kirani Jiya Tana ta Nuna Rashin Jin Dadinta kan Rashin Ganinmu Dagani har kai."

Dagowa yayi yana kallonta Lokaci Daya yana Ggyara zaman Tek tile din Gaban Rigansa kafin yace"Wato Nine bansan inda kaina ke min Ciwo ba ko..? Ita Don Ubanta Subai"an yaushe Rabonta Dana ga kafarta acikin Gidan nan Shine Domin bata da kunya Har Tana da Bakin mgana..! ?

Kan Hafsah na Kasa tace"Kai ma kasan Mahmud kulle fa garesa Abban Amira.."Taran Numfashinta yayi da Fadin"Oh Wato Shine ya san Ciwon kansa Bandani ya Hana Matarsa yawo acikin Gari sai ni gani Sakarai na barki kije ko..? Dariya ta kusa kama Hafsah ta Danne ta kafin tace"Kadai yi Hakuri naje din Abban Amira Tunda Harta Haihu Banje barka ba banje Suna ba..",Ido kawai ya sakar mata Ganin Haka yasa ta Lamgwabe kai Tana Fadin"Don Allah...Don Allah plz kar kace A"a.."Tafada Tana Sakarmai kyakyawan Idanuwanta wanda suka Taimaka wajen kashemai Jiki Karamin Tsaki ya saki kafin yace"Ki Shirya ki Tafi..ammh ban amince ki Kai mata yammah ba..Kowa ta zauna Gidan Mijinta.."

Dariya Ta kama Hafsah,Sai da Ta Murmusa kamata yayi Tana Dariya Da Sauri yace"Zan Sauya Ra"ayina yanzu matukar kina min wannan Dariyar taki.."Jin haka yaasa ta kame Bakinta kawai Tana kauda kai Kwandon abincin Amir ne a hannunta Amira na Rike da nata ta Rakasu Har Kofar Gida,Ya Dorasu kan Mashin Din Ita kuma ta mikama Amira kwandon Amir tana Fadin Allah ya Kiyaye Abdullahi ya kalleta yace"Basai kin Tsaya yin Girki ba..zan gayama mai mashin Dinsu in ya Daukosu ya kaisu Wajen mama..Ke kuma ki Dawo Da Wuri kibiya ki gaida mama in na Tashi aiki zan Biya na Daukoku mu Dawo Gida.."

Da Sauri Hafsah tace"Angama Ranka ya Dade...."Tafada tana mai Mirmishi Duk yadda yaso kar ya Nuna sai da ya Nuna Jin Dadinsa Kafin ya Kada kai kawai Yaja mashinsa Ita kuma Tana Binsu da Daga Hannu.

Gidan Ta maida ta kulle Cikin Farinciki yau dai Allah ya Dorata kam Abdullahi,Sama sama Ta karya da Tea da Bread da Soyayyan kwai,Tayi Sharan Daki Ta gyara ko"ina Sai ga Almajirinta yunusa yazo tace ya Zubamata Ruwa in yagama sai ya  karya kana ya wanke mata kwanukan ita kuma ta Shiga wanka Koda ta Fito Har ma Yunusan ya gama yana Sharan Tsakar Gidan,agurguje ta Shirya Saboda Zumudi ta saka wani Sabon Less Dinta wanda Abdullahi ya Dinga mata Riga da Sikat,Babu Abunda zata ce ma Abdullahi sai Godiya Domin ko matar Wani Hamshakin mai kudi bata ta taba Nuna mata saka kaya ba Baya da Korin Iyalansa ta wannan Bangaren ita dasu Amira Duk wata sai ya Siya musu Sabbin kaya.

Leshin yada da kalan Marun ne ajikinsa Shiyaasa ta saka marun Din Hijabinta ta Dauki Jakarta mai kalan marun sai Takalminta wani mai Tudu sanin Halin mijinta yasa batayi kwalliya ba Hoda kadai tashafa sai kwalli,Sai Liptick,Wardrope Dinta ta Bude ta Dauki Daya Daga Cikin Atamfofin da Anty Hadiza ta kawo mata ta saka Cikin Leda wanda zata kaima Subai Tunda wannan karan Shi bai Siyama Subai"an komai ba,Batamai mgana ba gudun karya ce ma Tafasa Zuwan.

Kashe Wutar Duka Dakunan Tayi Kana Ta Rufe Kofar Bedroom dinta da Dakinsu Amira ta Fito,Yunusa Tagani yana Jiranta nan ta gayamai yatafi kawai anguwa zata tafi sai Dare zata Dawo Naira 100 ta bashi Tace ya Siya wani Abu da Rana yaci ya karba yamata Godiya ya Tafi Ita kuma Ta saka key ta kulle kitchen din,Ta Fito Ta kulle Gidan da makulli ta taka Zuwa Bakin titi nan ta samu Abun Hawan da zai kaita Har Bambamli inda Gidan Mijin Subai"a yake,Tana so ta bata mamaki ne Shiyasa bata ma Kirata ba Sai dai Ta Kira mama Tun Tana Gida ta Fadamata yau gidan Subai"a zata Wuni za"a kawo mata su Amira in an tasosu Daga makaranta Mama tace bakomai Dama suna da kaya nan gidan Maman Shiyasa ma Hafsah bata Daukan musu kaya ba.

Mai napep bai Direta ko"ina ba sai kofar Get din Gidan Subai"a,ta Sauko ta Biyashi Kudinsa ta isa ga get din ta Kwankwasa maigadin yana lekowa ya ganta ya Bude mata Kofa yana mata Maraba ta amsa Cikin Fara"a ta Shiga Haraban Gidan kenan suka Ci karo da Mijin Subai"a ya Fito zai Fita nan ta Tsaya Suna gaisawa Cikin mamaki yake Fadin"Anty Hafsah idanuwanki kenan ko..? Har Sweetheart ta gaji da korafin Rashin Zuwanki ta Hakura.."

Hafsah tace"Na wanke wannan Korafin gani yau Wuni zan muku.."Cikin fara"a yace"Masha Allah aikuwa mun gode yaya Abdullahi ya Mana kara Karisa Ciki zan Fita zuwa Gidanmu ammh bazan Jima ba zan Dawo.."Hafsah tamai addu"an Dawowa lafiya ya wuce ya Shiga Motarsa ita kuma ta Karisa Kofar da Zata Sadata da Cikin Falon Gidan.








*Anitha...*
*MASIFAFFAN NAMIJI..!*

*Wattpad:JamilaUmar351*

*Dedicated To:My Habibaty💞Aisha idris Abdullahi..!*

*005*

  "Da sallama abakin Hafsah ta Shiga Babban Falon Gidan na Subai"a Dayake mijinta Dan Babban Gida ne kuma yana da aiki mai kyau Medical lap ya karanta Babban Ma"aikaci ne a asibitin Chika Dake samarun Zaria.

  Babu Kowa afalon sai Jaririnta mai Suna Salim Dake kwance Bisa Kujera Cikin Towel yana ta Barcinsa Kusa Dashi Hafsah ta karisa