You Cannot Download this book untill you login but you can read it .

---

Login Register

hanya ce,

Farida tace babu damuwa Allah ya kaimu lafiya, haka sukai ɗan fira daga baya kuma farida ta ce zata tafi sai Allah ya kaimu raihana tayi mata rakiya sannan ta dawo gida,


***

Da daddare gwaggo tace ma raihana tazo takai ma ladi kuɗin adashen ta, raihana ta karɓa ta tafi,

Lokacin da ta isa gidan ta tadda ɗiyar ladi wanda take auren ameenu tsohon mijinta, bayan sun gaisa da ladi ta bata kuɗin, ita kuma ɗiyar ladin lokacin ta fito, ta ɗauki ɗanta ta fita saboda Ameenu yazo ɗaukarta,

Ita kuma lokacin raihana ta miƙe, tayi ma ladi saida safe, tana fitowa waje taga ameenu yana cikin motar zaune, ta matsa kusa dashi tace ranka ya daɗe ana ganin ka?""" kallon sama da ƙasa yayi mata, sannan ya kalli inda matarshi take, ita kuma taɓe baki tayi sannann tace malama ya akayi ne?"" abun yayi ma raihana ciwo saboda haka bata sake magana ba taja saɓa tabar wurin,

Tana tafiya sukazo suka wuce ta fuuuuuiiiii a mota, raihana ta matsa da sauri saboda ji tayi kamar aminu zai bigeta, lokacin da suka wuce raihana tace ikon Allah ashe aminu ba sona yake ba?"" har in ganshi in zuwabar da ajina inyi mashi magana amma ya basar dani,

Uhum Allah ka zaɓa mana alkairi haka kawai raihana ta faɗa a bayyane,

Lokacin da raihana ta iso gida, ta tadda an dawo da baba babu lafiya, duk su umma suna kusa dashi suna mashi sannu, itama raihana wurin taje tana mashi sannu,

Gwaggo tace raihana anshi maza kije ki sawo mashi maganin ciwon kai da masassara, tace to, gwaggo tace kada ki daɗe, raihana tace to, haka ta tafi taje ta siyo maganin ta dawo, baba yasha ya kwanta bacci,


****

Da safe baba yaji jiki da sauƙi abinka da ciwon talaka yace bara ya lallaɓa yaje kasuwa, haka ya lallaɓa ya tafi...............,,,,


Da rana misalin 1:34pm farida taxo, raihana itama taci shirin ta , tayi kyau sosai, saboda haka suna shirin tafiya *Office* ɗin mijin farida, niko nace lallai *zawarci* yayi zawarci tunda har mata zasu biko!!!




*A* madadin *AMEENCI WRITER'S ASSOCIATION* ni ```meelat``` nake cewa ku kasance tare dani,
📚✍🏻
💦💦💦💦💦
*ZAWARCI*
💦💦💦💦💦

*Page* 1⃣7⃣

*AMEENCI WRITER'S ASSOCIATION* 📚✍🏻

*MEELART* 🌹

*T*are suka fito daga ɗaki farida da raihana Umma tana zaune a tsakar gida, raihana tace Umma sai mun dawo, umma tace to Allah yasa ku dawo lafiya ita dai umma bata san inda zasuje ba

Amma raihana tace mata ganin marar lafiya zasuje,

Suna fita daga gida suna tafiya kafin su isa wurin titi su samu abun hawa, duk inda suka wuce sai an nuna raihana , ga *zawara* uwar san banza ke wuta ƙaninki ɓarawo, dan a unguwar cewa suke ita a dole mai kuɗi take so bata aure sai mai kuɗi,,,,,

Ita kuma raihana kwata kwata ba haka bane a wurin ta, amma mutane sai fassarata suke, wai ita ba kowan kowa ba galadiman kashi, ita ɗiyar talakawa amma baki aure sai gidan masu kuɗi,

Lokacin da suka isa bakin hanya sun ɗan dade sannan suka samu mai napep farida ta kwatanta inda za"a kaisu, saboda haka suka hau sai office in mai gida,

Lokacin da suka isa wurin aikinsu tun a bakin get in shiga, ƙawayen mijin farida aka fara ah ah ah, madam yau da kanki?"" farida saidai tayi murmushi, kafin su isa cikin office in mijinta har an mashi waya cewa ga madam nan zuwa,

Allah sarki sha"anin miji da mata sai Allah, lokacin da suka shiga cikin office in cikin mutumci ya karɓe su, sannan ya basu wurin zama, bayan sun zauna raihana ta gaishe shi ya amsa cikin mutumci, ita kuma farida sai wani basarwa take,

Shine yace madam barka da rana, ko inda yake bata kalla ba, murmushi yayi lokacin daya miƙe, ya nufi wurin da frig yake, ruwa da lemo ya ɗauko ya ajiye a gabansu,

Sai kallon farida yake, bayan ya zauna raihana tace ranka ya daɗe key muka zo a bamu aro don Alƙah zamu ɗan ɗauki wasu kaya a gidanka,

Murshi yayi sannan yace wane irin kaya zaku ɗauka?"" farida tace nawa, kallonta yayi sannan yace da kanki?"" farida tace Eh, ajiyar zuciya ya sauke sannan yace to ki bari idan na tashi office sai muje tare mana, farida tace a,a, ka bani idan mun gama zan dawo maka dashi,

Raihana tace Eh ka bamu dan sauri muke akwai inda zamuje kuma abinda zamuyi amfani dashi yana gidan naka, yace to, gashi, raihana tace ma farida karɓo mu tafi, ita kuma tace kedai ki ƙarɓo,

Dariya yayi sannan ya miƙe tsaye ya nufo inda suke zaune, miƙa ma farida makullin yayi, yace karɓi, ta miƙa hannunta da niyyar amsa, ya haɗa da makullin da hannunshi da nata ya rige, raihana tana ganin haka ta miƙe ta fita daga office ɗin,

Tana fita inda ta tashi a wurin ya zauna, ya jawota jikinshi, yace bakijin magana, wato yaji ko?""" farida tayi shiru, yaci gaba da cewa wato dan ranshin ta ido harda wani zuwa karɓar makulli zaki je ɗaukar kaya ko?""

Nan ma shiru tayi, yace hmmm yau kwananki nawa baki nan?""" nan ma batai magana ba, yace kin tafi ke zafi kishi kin bar mana gida duk yayi datti, kin barni yunwa ta kamani bana iya cin abinci bana iya shara sannan kumanidan dare yayi bana iya bacci, ya ƙarasa maganar cikin sigar shagwaɓa tare da jan hankali,

Kallon farida yayi sosai yaga duk ta rame tayi baƙiƙƙirin duk dai ta koma wata iri, sai yaji tausayinta, yace kinsan wani abu?"" kanta ta girgiza alamar a,a, yace zan baki makullin gida a bisa sharɗi guda biyu!!!""" kin yadda?"" ɗaga kanta tayi alamar Eh,

Yace yawwa na farko zaki gyara gidan kuma kiyi man girki, sharaɗi na biyu kuma zan faɗa maki shi ina nan zuwa bayanki bada daɗewa ba, sannan ya saki hannun ta, ta miƙe jiki a sanyaye babu kunya simi simi ta fice daga office ɗin,

Tana fita yayi dariya, yace "yar rainin hankali, kafin kibar gidan zan rutsa ki, yau jikinki saiya baki labari,


Lokacin data fito ta samu raihana, harta tseda masu napep, saboda haka suka shiga suka tafi sai gidan farida.....................,

Bayan sunje gidan, a farlo suka zauna, farida ta sauke ajiyar zuciya, hawaye suka biyo mata fuska tace haƙika na gode ma Allah da kika bani shawara kinsan Allah babu gidan ubanda zan tafi ina nan gidan idan ya dawo yace ban tafi ba?""" zance mashi ai nayi aiki na gaji anan zan kwana da safe na wuce,

Raihana tace ai mu mata wani lokaci muna da matsala, lokacin da muke da ƙima da daraja a idon namiji sai muyi ta iskanci muna wulaƙanci shi kuma namiji duk lokacin da kike wulaƙanta shi kike mashi rashin mutumci kullum sanki raguwa yake a ranshi,

Ke kuma harda wani horashi da hana shi haƙƙin sa, wannan duk haukace kikayi, yanxun da ɗan wulaƙancine wallahi dasai ya ƙare mana rashin mutumci a office ɗinshi, tashi farida tayi ta shiga ɗakin ta, tana ta leƙe leƙe a gidan kamar wata baƙuwa, tace Allah sarki wallahi raihana wani lokaci ko ruwan da zanyi wanka sai mama tace wai naci ka ɓata ruwa, kuma anan gidan ya saba man da shan ruwa faro, kai wallahi naci ubana a gida,

Raihana tayi dariya sannan tace ai yanxun saiki rufa ma kanki asiri, farida tace ina ai yanxun na tuba, suna cikin maganar wayar farida ta fara ringing, tana dubawa tace ke mamana ce take kirana, raihana tace ɗauki kiji abinda zata ce!!!!

Sallama tayi bayan ta ɗaga wayar, mama tace ina kika shige ne?""" kashe wayar tayi, sannan ta faɗa ma raihana, dariya raihana tayi sannan tace kawai kice mata kin dawo ɗakin mijinki, a daidai lokacin da wayar mama ta sake shigowa, farida ta ɗauka, mama tace dan ubaki bakiji ina magana ne?""" shine kika kashe man waya?""" nace kina gidan uwar wa?""" farida tace ina gidana""""" mama tace gidanki ubanwa?"" farida tace na dawo ɗakin mijina,

Mama tayi salatai sannan tace dan ubanki baki bari sai yaxo biko?""" farida tace ai na jira har yanxun baizo ba, mama tace dan ubanki maza maza ki dawo gida shegiya kafin yaxo ya taddaki ya rainaki, farida tace tou , kawai ta kashe wayarta,

Tana kashe wayar tace ma raihana kinji wai inyi maza maza in dawo gida, raihana tace to yanxun komawa zaki?"" farida tace keda Allah rabu da ita, dariya raihana tayi, a daisai lokacin da sukaji ƙarar buɗe get, wato dai mai gida ya dawo,

Raihana tace tashi muyi kamar muna haɗa kaya, farida tace to, da sauri suka tashi suka nufi bedroom, suna shiga suka fara sauko kaya, shi kuma lokacin ya shigo cikin bedroom ɗin ,

Sallama yayi ya shiga ciki, raihana tayi mashi sannu da zuwa, tace ranka ya daɗe har ka dawo bamu tafi ba""" a gidan ƙin buɗewa yayi, daƙel muka samu ya buɗe, dariya yayi sannan yace ai babu damuwa, ita kuma farida tace saka man wannan kayan a cikin can, yace ina zakije kuma da kaya?""

Farida tace bikin ƙawarmu muke shine nazo ɗaukar kaya, murmushi yayi sannan yace da izinin wa zaki fita?"" dan shima tafiyar farida gaskiya ya jigata kawai haƙuri yake amma kullum dare cikin taƙura yake kwana,

Farida tace ban gane da izinin wa zan fita ba?"" yace Ey inda raihana take tsaye ya kalla yace hajiya muje in sauke ki a gida, raihana tace to ita kuna ƙawar tawa fa?"" yace ta dawo gida,

Farida tace wane na dawo gida?"" so kake ace banda kunya na dawo ɗakin mijina babu ɗan rakiya?"" yace ai dan baki da kunyar kika dawo kuma abinda kika zo amsa zan baki, da sauri raihana ta fita daga ɗakin, ita kuma farida irin kamar bata san zaman nan ta fara cewa bani hanya,

Yace babu fa inda zakije, cikin shagwaɓa ta faɗa kan gado yanda tayi abunne yasa yaji wani iri, shima wurin gadon yaxo yace yarinya yanda kika haye wannan gadon nima in rama mashi bara dai inyi ma raihanar rakiya in dawo , mu fara sabon lissafi daga inda aka tsaya,

Lokacin daya fito ita raihana tuni ta ɓace, danma kada inyi ƙarya da nace yanxun takai gida............,,,

Dawowa yayi yace farida ƙawarki fa tayi tafiyarta Allah dai yasa ba fushi tayi ba?"" dariya tayi tace barta zanje gobe, yace ke babu fa inda zaki ƙara fita na faɗa maki,

A daidai lokacin daya zauna kusa da ita, daga nan karatun nasi ya fara nisa, nidai babu ruwana bara inbi raihana baiwar Allah,............,


Raihana lokacin da taji mijin farida ya fara naganganu tayi dariya, tana fitowa, tace a ranta wannan bari in basu wuri, fita tayi ta samu abin hawa tayo gidansu,

Cikin farin ciki ta dawo gida, Umma tace mata ina kikaje kika daɗe haka?"" tace Umma gamu dai, tana faɗin haka ta shige cikin ɗaki,

Tana shiga ɗaki kayanta ta cire ta saka wanda take zama dasu a gida, kwanciya tayi tana tunanin farida tace shi mijin naki ma mai sauƙin kaine, ita fa dama so ɗaya take zuwa a rayuwa ya kamata mu riƙa haƙuri , dan wallahi idan har mace ta fita a ran namiji ta gama tasiri a rayuwarshi, gyara kwanciyarta tayi ita kuma tana addu"ar Allah ya zaɓa mata miji na gari,............,

***
Jikin baba yayi tsanani sosai dan yanxun ma baya gane wanda yake kanshi ciwo sosai, saboda haka duk "ya"yanshi sunxo maza da mata duka "ya"yan gwaggo sun haɗu,

Lokacin da suka zo suka ɗauki baba suka kaishi asibiti, ciwo baya buƙatar komai sai kuɗi, dan haka sunyi tsaye gam suna nemar wa baba lafiya,

Tom satin baba biyu a asibiti yace ga garinku nan,

Kai bazan iya tsayawa faɗa maku irin halin dasu raihana suka shiga ba, ita dai mutuwa kowa yasan tana da ciwo, amma haƙuri ake Allah ya bamu kyakkyawan karshe ubangiji kuma yasa mu cika da imani idan ajalinmu yaxo...........ameen,

Bayan rasuwar baba da wata ukku, "ya"yan gwaggo suka fara maganar rabon gado, baba baya da komai sai wannan gida dasu raihana suke ciki, saboda haka kuma sunce gidan nan bazasu raba shi ba, amma zasu sa ayi ma gidan kuɗi sai su fitar da umma,

Umma tace ita dai ko ɗaki ɗaya ne a bata , yayan su raihana shine babban ɗan gwaggo yace wannan gida babu abinda za"a bata a ciki saboda ɗiyarta ɗaya, sa"a ma taci za"a bata kuɗi,

Umma da raihana sunaji suna gani duka abinda aka basu dubu ishirin , kuma ranar da aka basu kufin ranar gwaggo tace su tashi su bar mata gida,

Allah sarki haka raihana sunaji suna gani suka tattara yanasu yanasu suka bar gidan.....................,,,,,,,

Cikin unguwa suka samu wani gidan haya wanda ɗakuna ne sunkai 20 a gidan nan suka kama haya, ɗaki ɗaya kuma a gidan kewaye biyu ne,

Ranar dai raihana tayi kuka kamar ranta zai fita, ga kukan maraici da wulaƙanci da aka masu ga kuma kukan *zawarci* toi wannan zama nasu ya zai kaya ne?"""


Ku kasance tare dani , a madadin *AMEENCI WRITER'S ASSOCIATION* 📚✍🏻 ni *meelat* nake maku fatan alkairi,


💋
💦💦💦💦💦
*ZAWARCI*
💦💦💦💦💦

*Page* 1⃣8⃣

*AMEENCI WRITER'S ASSOCIATION* 📚✍🏻

*MEELAT MUSA* 🌹

****
*T*o a gidan dasu raihana suka kama haya, kowa dai yasan yadda rayuwar gidan haya take bare kuma ance ɗakuna ne sunfi 20, kuma toilet guda biyu ne, ga matan aure ga mazan aure ga yara ga tsofaffi ga kuma zawarawa ga "yan mata,

****

*T*unda safe gidan ya yamutse ba babba ba yaro layine kowa ya jera bakin toilet masu san wanka su tafi kasuwa sunayi masu san fitsari ko bayan gida duk dai gasu nan sun haɗu, raihana kashine ya dameta amma hankalinta ya tashi dan ta hango kawai saura kusan mutum 11 a gabanta,

Kuma abun nasu da gayya sukeyi dan idan kana jin haushin wanda yake binka layi idan ka shiga baka fitowa da wuri,

Wani matashi ne wanda yayi auren farko bada daɗewa ba, bayan wata mata ta fito daga toilet, ya ɗauki bokitin ruwanshi ya shiga, da alama wanka zaiyi saida ya daɗe sosai bayan ya gama wanka ya samu wurinshi yayi zauniyarshi,

Su raihana suna nan tsaye suna bin layi saiga "yar matarshi da bokitin ruwa tazo ta karkatasu ta shige, mutane marasa haƙuri suka fara magana, wannan ai zalinci ne ɗaukar alhakine in banda iskanci sai ka gama abinda kake ita bata bin layi saidai kawai taxo ta shiga wanka?""" a daidai lokacin da mijin ya fito daga toilet in yace, ai layi nabi?"" saboda haka du wanda ya isa ya leƙa mashi mata tana wanka,

Wani yace kaidai ɗan iskane wallahi , kai danma bakajin kunya kana wanka har waccan yarinyar taxo ta ganka bakajin kunya?"" dariya yayi sannan yace gani kuma har nawa?"" taga wanda yafi wanda ta gani yanxun, da gani dai ɗan duniya ne saboda haka ya shiga rattafo magana marar amfani,

Raihana dai dukar da kanta tayi ƙasa , haka yaci gaba da batsarshi, a ran raihana kuwa cewa tayi tou pha dama shi gidan haya yake?""" Allah ka rufa mana asiri da haya, ina ma amfani?"" haka yayi ta iskancin shi har matarshi ta gama wanka ta fito, ya dafa kafaɗarta suka wuce ɗaki,,,

Haka layi yaci gaba da ja, har yaxo kan raihana ta shiga tayi abinda zatayi ta fito ta nufo ɗakin su,

Tana shiga ɗaki ta samu umma zaune ta zabga tagumi tace umma , umma ɗago kai tayi ta kalleta ba tare da tayi magana ba, raihana tace gaskiya wannan zaman baya yuwuwa ki tashi umma mu nemi mafita?"""

Dariya umma tayi sannan tace raihana har kin gaji?""" kuka raihana ta fara tace umma naga ta kaina na rantse da Allah ko kashin da nayi a leda nayi na jefe masai kamar wata inyamura,

Dan wallahi wannan masan bana iya hawanshi umma ji nayi idan na hau kamar zan faɗa, don girman Allah kawai mudai mu koma gidanku,

Umma tace kinga rufa ma kanki asiri zaman gidanmu baya yuwuwa wurinki, dan nima ina da yayye wanda basu aure kuma ɗaki ɗaya ne gara muyi haƙuri kizo mu nemi mafita wato sana"a don mu samu abinda zamu riƙa biyan haya,

Zama raihana tayi , sannan umma tace naga tunda gidan nan yana da yawa shawara ɗaya muyi ƙoƙari mu riƙa tashi tunda sassafe muyi abinda zamuyi kafin su tashi, raihana tace to, yinin ranar dai haka suka yini suna tattaunawa dan ganin samun mafita a rayuwarsu,

****

kwanan su raihana ukku da komawa gidan haya suka fara sana"a dan biyan kuɗin haya da kuma samun abinda zasu ci ,

Da safe umma tanayi koko da kosai haka ake shigowa cikin gida ana siye, da rana kuma tayi shinkafa wake da mai da yaji, raihana take fita dashi anan ƙofar gida tayi talla, babu laifi gaskiya ana siye sosai dan duk abinda ka gyara na sana"a to insha Allah zai samu shiga,

Raihana zaune a wurin siyar da abincin ta, tayi jugum tana tunanin rayuwa, taji ana ta magana ta ɗago kanta, dan ganin maiyi mata magana, raihana tace sannu murmushi tayi sannan tace da gani dai baki ganeni ba raihana?"" murmushi raihana tayi sannan tace ai naga kamar nasan fuskar amma ta shige man,

yaron da take riƙe dashi a hannun ta ne yake cewa mama don Allah ki saiman abincin nan, raihana maida kallonta tayi wurin yaron da yake maganar, ita kuma tace to zan siya maka jira, raihana ta kalleta tace don Allah ɗan bani haske mana,

Tace mata zulaiha ce, raihana tace wace zulaiha?""" tace baki gane ni ba?"" nice fa zulaiha sani, idanuwa idanuwa raihana ta zaro tace zulaiha kece haka?"" innalilillahi wa"inna ilaihir raji"un, da sauri ta miƙe ta zuba ma yaron abinci ta bashi ita kuma zulaiha ta sauko na goyen ta ajiyeshi suka fara cin abinci,

zulaiha ta kalli raihana tace gaskiya ƙawata ki gode ma Allah ke kina cikin rufin asirin rayuwa, raihana tace to Alhamdulillah, amma a ran raihana cewa tayi hmm yarinya baki san yadda nake raɓe ba da baki wannan maganar ba , ni zama ma babu miji ya isheni, zama ba aure shine damuwata duk macen data san ciwon kanta tana can ta rungume ɗan mijinta suna rufa ma kansu asiri, amma ni hauka da ƙuricciya yasa na maida kaina *zawara* danma ban ni wata rayuwar aure bata shiga tsakanina da aminu ba, bare in ƙara tantance daɗin aure da rashin sa,

Maganar zulaiha ta katse mata tunani , zulaiha tace raihana baki cewa ya kika ganni nan?"" raihana tace aini kinsan babu ruwana da rayuwar kowa tawa nake yi kuma inda zan samu mafita nake nema,

zulaiha ta fara kuka tace baki cewa ina mijina?"" raihana tace nasan yana nan lafiya qalau, zulaiha tace ai kina gani na kinsan banda aure, tunda ke kanki gashi kin kasa ganeni"""" raihana tace dan ban ganeki ba sai kawai akace baki da aure?"" kika san ko kyau kika ƙara ?"" dariya zulaiha tayi sannan tace lallai kinma raina man hankali, raihana tace to Allah ya baki haƙuri,

Zulaiha tace raihana ina cikin matsala ina cikin damuwa ina cikin tsananin rayuwa ina cikin bala"i ina cikin masifa, subahanalla raihana tace duk miya kawo kike jawo ma kanki wannan mugun al,kaba"i a rayuwarki, ko wane lokaci bawa ya riƙa dan gana alkairi da rayuwarshi duk yanda kika ga kina cikin aƙuba ta rayuwa wallahi wani yafiki,

zulai wani maƙoƙo yazo ya to kare mata zuciya tace wayyo Allahna na bani na lalace ni zulaihatu, bakin san baƙin cikin da nake ciki ba, da baki ce wani yafini ba, raihana tace ki rufa mana asiri don Allah a bakin titi muke kada ki tara mana mutane,

Duk wansa kika gani a duniya kowa yana da matsala, saidai ta wani tafi ta wani amma idan kowa yace zai fito yayi kuka haƙiƙa kukan mutane da yasa duniya ta rikice,


zulaiha tace ke rufa ma kanki asiri duk faɗin duniyar nan nafi kowa shiga cikin masifa, zulaiha ta ƙarashe maganar tana kuka, baki raihana ta saki tana kallonta, ita abun ma dariya yaso ya bata, amma ta kanne, zulaiha tace saboda haka abokin kuka shi ake faɗa ma mutuwa, yau ina nan sai abincinki ya ƙare muje gidanku ina san magana dake, murmushi raihana tayi sannan tace to,

suna nan zaune har abincin raihana ya ƙare sannan suka tattara suka tafi gida,

suna shiga ɗakinsu raihana wata yamutsatstsiyar tabarma ta shinfida masu suka zauna,

Umma ce ta shigo ɗakin bayan sun gaisa da zulaiha tace zata shiga maƙota tayi masu barkar aihuwa, raihana da zulaiha sukai mata fatan dawowa lafiya,

sannan ta fita daga ɗakin, zulaiha ta sake matsowa kusa da raihana tace a inajin alhakine yake bibiyata, bari un baki labarin gidan aurena, raihana ta matso kusa da ita sannan tace ina saurarenki,

Zulaiha ta fara magana, a *Abuja*

Ku kasance tare dani danjin wani hali zulaiha take ciki wanda yasa take ganin duk duniya tafi kowa shiga cikin damuwa,


a madadin *AMEENCI WRITER'S ASSOCIATION* 📚✍🏻 masoyana nake maku fatan alkairi sau kunji ni........................💋
💦💦💦💦💦
*ZAWARCI*
💦💦💦💦💦

*Page* 1⃣9⃣

*AMEENCI WRITER'S ASSOCIATION* 📚✍🏻

*MEELAT MUSA* 🌹

*Wannan page sadaukarwa ne gareku Ameenci association, tare dake ƙawata ASMEENAT XEEYAN saboda kinsan kia raina bana mantawa dake ko wane lokaci ƙawata*

*Halima Yahya Allah ya baki lafiya ubangiji yasa kaffara ne, Allah ya tokari kafaɗa, muna maki addu'ar samun sauƙi ko wane lokaci, Allah ya baki lafiya ameen*

*****

*A* Abuja gidana ƙayataccen gida ne, babu abinda na nema a gidan mijina na rasa, mijina kullum baya da buri wanda ya wuce yaga ya kyautata man baida burin daya wuce yaga ina cikin farin ciki,

Mutumne mai rufen asiri kuma yana da ƙoƙari wurin ganin ya fidda haƙƙin iyalinsa,

Kinsan wani lokaci mu mata muna da namu halin da zarar munga mun wadatu iskanci sai abinda yayi gaba amma bance kowa ba, nidai zulaiha haka tawa rayuwar ta kasance shi yasa wasu mazan ke cewa idan daɗi yayi na mace yawa take abinda taga dama,

Zuwana abuja duk lokacin da mijina ya dawo daga aiki zai ɗaukeni ya ɗan zagaya dani inga gari saboda nace mashi ina san abuja tana burgeni, wannan dalili yasa yake fita dani dan nima inga yanda duniyar abuja take,

Zama muke mai daɗi dashi , wata rana nace mashi zan ɗan riƙa shiga maƙota dan idan ya tafi kafin ya dawo inayin kewa sosai kasancewar shi mutumne mai haƙuri da kuma ƙoƙarin ganin ya fita haƙƙin iyalinshi yasa ya amince da buƙatata,

Gidan wata hajiya sakina wanda naga duk yawancin matan anguwar a gidanta suke zuwa saboda haka nima ina fita gidanta na fara shiga, lokacin da naje na tadda gidan cike da mata kamar ana koya masu darasi , saboda haka nima sallama nayi na shiga, bayan gaisuwa na gabatar da kaina a wurin hajiya,

Ta nuna man jin daɗinta, ni kuma na ɗan zauna na wani lokaci, saida na tashi zan tafi hajiya ta tashi ta shiga ɗakinta ta ɗauko man wani maganin mata tace man ga wannan, nace to godiya nake tayi man bayanin duk yanda zanyi amfani dashi ta kuma ƙara da cewa idan har na riƙe wannan na wuce ƙarfin wulaƙanci a wurin miji na, haka nayi godiya sannan na dawo gida............

Ina zuwa yanda hajiya taman bayani haka na aiwatar da maganin nan, aiko magani naga amfaninshi, gari na waye wa na koma gidan hajiya nayi godiya, sannan kuma nace nawa ake siyarwa?""" ta faɗa man nace to aini bani da kuɗin siye saboda da yawane kuɗin ta faɗa man, dariya hajiya tayi sannan tace ai da wannan zaki kama mijinki duk matar da kika ga tana hawa ƙatuwar mota tana jin daɗinta wannan shine mutumcinta a gidan aure,

Hajiya tace zauna ayi lecture yau dake, abinda karatun hajiya yake nunawa mace idan har mijinta yanajin daɗin kwanciya da ita haƙiƙa ta riƙa ja mashi aji, sannan kuma saima ya biya kuɗi,..

duk wacce take san zama *kasaitacciyar mace* wanda take so a dama da ita a duniyar ƙasaitaccin mata ta nan zata samu itama ta fito,

Maimakon hajiya ta koya mana abin arxiƙi sai ta koya mana abun da zai wahalar da rayuwarmu, """ niko nace ai duk abinda zai zamar maka alkairi kasanshi kuma ido ba mudu ba yasan kima"""""

Karatun hajiya kullum ya za"a samu a ƙwalƙwalo kuɗi a wurin miji, haka shine huɗubarta ,

Wannan hali na ɗaukeshi kafff a kaina kinsan duk abinda aka koya maka sai kayi zarra, wanann huɗubar ta zauna man kaff a cikin kai saboda haka , a gidana shi kanshi mijina yasan na canja, sannan ga wani yawo dana gane, sai naci gayu na sannan zan