You Cannot Download this book untill you login but you can read it .

---

Login Register

cuceni ubangiji yana kallonki zaiman sakayya, Umma tace ni kuma zaka sameni mai amana,

Yace ina kyautata maki zato amma kinsan shi mutum canjawa yake, umma tace bana ɗaya daga cikin masu irin halin nan insha Allah, to babu damuwa yace sannan ya fita daga gidan,

raihana ta kalli inda gwaggo take sannan ta ƙalƙale da dariya, tace don Allah ya kikaji?"" kai andai ji kunya, kukan kura gwaggo tayi taje ta haye kan raihana tayi ta dukanta, saida ta gaji dan kanta ta barta, dariya raihana tayi sannan tace kiyi wannan itace damarki dan wallahi wata rana da kuɗi aka haɗaki ki dakeni baki iyawa,

Gwaggo tace shegiya a haka dai za"a balbaɗe an rasa mai aure kullum kayanki na saman kai saboda baki zannuwa, raihana tace tunda dai ke mai baƙin hali kƙa zaunu nima sai an samu wanda zai zaunu dani insha Allah,

wata tukunyar ƙasarsu gwaggo ta ɗauko ƙaton dutse ta rufasa ta ruwan cikin suka fito bull bull gwaggo tayi waje tana cewa sai kin rasa ubanda zai aureki,

raihana ta ɗaga muryata tana cewa haka kike cewa kullum kuma Allah yafi ki, gwaggo na fita Umma tace Allah idan kika sake biye mata raihana saina ɓata maki rai, raihana tace Allah ya baki haƙuri uwa ta gari, ta ƙarasa maganar tana dariya,

*****

*S*atin raihana huɗu a gida, abubuwa sunci gaba da faruwa, rayuwa dai tayi mata haggunce, amma har yanxun faruk baizo ba kuma bai aiko ba, danshi yana can abubuwa sun mashi yawa, amma raihana tayi mashi tsaye a zuciya, dan duk matan da yake aure bai taɓa auren matar data hana ma zuciyarsa saƙatta irin raihana ba, yayi magana da momy amma tace ya saurarareta,

Raihana kwance a saman "yar yaɗin katifarsu tana ta tunani iri iri, kallon umma tayi sannan tace don Allah umma ki barni zanje gidan farida, umma tace gaskiya bazakije ko ina ba sai kin gama idda raihana zatayi magana umma ta dakatar da ita, sannan taci gaba da cewa kin manta ko rabuwarki da aminu haka babanki yace, to tunda bashi raye yanxun dole nima in ɗora yanda yayi maki idan kuma na sake ki satata sai ace kin zama ɗiyar mace babu kyara,

raihana tace to Allah yasa mu dace , Umma tace amin, Umma taci gaba da cewa kiyi haƙuri kada kiga kamar na matsa maki kinji?"" raihana tayi murmushin ƙarfin hali don kada Umma taga kamar wani abu, amma lallai taso taje gida gidan farida kodan ta taje ta faɗa mata damuwarta ta samu sa"ida ,

Umma kuma tashi tayi ta fita ta fara surfen wake, don yi masu alala, itama raihana tashi tayi taje inda Umma take surfe ta ansa ta fara tayata, tana surfen umma tana ɗan bawa raihana labari suna firansu cikin nishaɗi amma raihana hankalinta ba"a wurin yake ba,

Faruk zaune a gaban momy sai haƙuri yake bata maganar raihana amma momy tayi kunnen uwar shigiya dashi, wata ƙanwarshi ta shigo cikin farlon, inda faruk yake zaune taje ta zauna ganin yayanta yana hawaye yasa taji tausayinsa, kallonshi tayi sannan tace Yaya kayi haƙuri nidai ina bayanka, kuma ina tare dakai dan halin momy ni kaina ya fara bani tsoro,

gamu ta tattaramu a gida ta ajiye bansan wannan dalili nata ba, kullum tsohon mijina sai yaxo biko amma momy tace bazan koma ba, to wallahi nidai na gaji dan haka ina neman alfarma ka ɗaura man aure in koma gidan mijina in rufa ma kaina asiri dan ni zamana da momy yasa na fuskanci rayuwa, lallai duk abinda ka wuce ka wuce shi idan har ka wuce zaman gida toya wuce a wurinka idan kuwa ka dawo dole kaga abinda baka so,

Momy dake zaune saman kujera ta hakince kallon faruk tayi sannan tace wato ina nema maku matsayi a rayuwarku bakwa gani ko?"" ke kuma kike maganar wannan sakaran kije dan uban uwarki kice mashi yaxo ya mayar dake, tattaro ma sauran "yan uwan naki inji mai iya zama dani inji mai san zuwa gidan aure ta faɗa man,

Tashi tayi taje ta tattaro su rankatakafff duk suka haɗu a farlo, bayan kowa ya hallara momy ta fara da cewa, ba wani abu yasa na taraku ba, inaso ku faɗa man shin kuma duk ra"ayinku ɗaya da hafsat?"""

"yar hayani ta fara tashi kowa sai gunguni yake, faruk dake zaune gefe ya kallesu kowa yayi shiru sakamakon kallonsu da yayi, sannan yace ba surutu akace kuyi ba, cewa akayi su waye suke so su koma a gidan aurensu?

Hafsat tace yaya ni, kallonta yayi sannan yace to kinsan kina san mijinki miye yasa kika dawo?"" hafsat tace yaya momy ce idan na kawo mata shawara sai tayi ta bayar da shawarar banza idan na faɗa mata halin da nake ciki a gidan aure maimakon ta bani mafita sai ta ɗora shawara marar ɗorewa,

Daga baya ni kuma nayo fushi na taho ita kuma ta murje auren, Faruk yace to ai laifinki ne, ace ku duk abinda mazajenku sukai maku dole dole sai kunxo kun faɗa wa iyayenku, kinga ke yanxun abin ya wuce a wurinki kina so ki koma gdan aurenki amma ita tace baza ta koma ba,

su iyaye ba komai ake faɗa masu ba, kin fahimta?"" sai kixo kijawa mijinki baƙin jini a gidanku dole wani abun sai kinɗan riƙa ragewa idan marinki yayi sai kice faɗa yayi maki, dansu iyaye duk abinda kayi ma ɗansu yana nan ya tsaya masu arai basa mantawa,

Muma mazan haka ya kamata bawak duk abinda mace tayi maka ka kwashe kaje kayi ta yamaɗiɗi dashi, dole ita rayuwa wani abun saika rage, ciki badan abinci kawai kayi shi ba, wani abun ko ƙawa ko "ya"ya ko iyaye dole wani abun kasan maganar da zaka riƙa faɗa,

kuma shima mijin naki ko a gidanku akayi maki wani bai kamata kije kiyi ta faɗa, saboda yau da gobe, kila kuma a wurin mijin naki bake ɗaya bace, ita rayuwa komai yana san sirri,

Hafsat tace to nidai yaya tunda anyi haka gaskiya momy tayi haƙuri in koma godan mijina, ita kuma zainab dama yaji tayo, amina kuma ta samu wani mijin sai mu tattara mu koma,

Dan an fara mana surutai a familynmu wai bama zama aure mu ukku muna *zawarci* ga ɗaya bata samu mijin aure ba, murmushi faruk yayi sannan ya kalli momy yace muna baki haƙuri,

Momy tace to ba komai, zainab Amina hafsat duk kuje gidan aurenku amma ku sani ko zaku mutu koma miye kada wanda ta dawo man na gaya maku, duk suka ce sun yadda, momy tace to Allah ya bada sa"a, faruk yace amin a daidai lokacin dayake miƙewa tsaye,

momy tace kai kuma zauna ina san magana dakai, dawowa yayi ya zauna, su kuma duk suka tashi suka fita daga farlon, gyara zama momy tayi sannan ta fuskanci faruk sosai, shi kuma ya sauke kansa ƙasa,

momy tace kai kuma maganar aurenka fa?"" faruk yace ban samu wanda zan aura ba, momy tace to kai kuma cikin matan daka saki wace ce kake so?"" faruk cikin ladabi yace duk wanda kika zaɓar man, tace to jeƙa zanyi nazari, faruk yace to ngd, miƙewa yayi yabar farlon,

bayan ya fita momy ta tattaro ƙannen faruk , tana neman shawarar su, wace ce matar da tafi dacewa ya dawo da ita?"" hafsat tace momy yaya ya wuce a zaɓar masa atar aure don haka ki barshi da nashi ra"ayin don Allah,

idan mune haka ta kasance kanmu momy baza kiji daɗi ba, kinsa ma yaya ra"ayi auri saki, saboda yana da kuɗi , momy baki tunanin alhaki yasa shi yaci baya?"" kinsan ma ɗaukar alhaki yana sa mutum yaci baya a rayuwa, tunda Allah yasa ya auri wannan kuma hankalinshi ya natsu da ita, ki barshi , idan ma tana da wani hali zai saita ta, tunda kinsan baya san sakarci, ajiyar zuciya momy tayi sannan tace tunda kun haɗe man kai ai sai kuje kuyi duk abinda kuka dama, dariya hafsat tayi sannan itama ta tashi tabar farlon sai momy kaɗai tayi ta nazari iri iri,


****

*B*ayan sati biyu aka ɗaura auren hafsat da tsohon mijinta, zainab kuma ta koma gidan mijinta da tayo yaji, Amina kuma da sabon mijin data samu, sai auta kawai aka bari a gidan, ansha shagali sosai ba zaka ga bikin ba, kace bikin *zawaru* bane, momy tayi farin cikin ganin duk kowa ya tafi ɗakin mijinta,

amma taja masu kunne sosai cewa babu yaji kuma duk wanda ta kuskura aka saketa saidai tasan gidan da zataje, suma sunci ɗamara zama daram a gidan mazajensu,

dan sun gane duk arxikin ka duk mulkinka komai kake dashi idan dai baka da aure to lallai kai hotone, duk girman ka idan baka da darajar aure , sai kiga ko shawara da babu mai saurarenki amma idan ƙanwarki tana da aure ita sai ayi da ita, to lalƙai saidai anyi haƙuri a gidan aure,

***

*R*aihana ce, tsaye a bakin ƙofar ɗakinsu tana ta haɗa umma da Allah ta barta wallahi baza ta daɗe ba idan taje, umma tace babu idan zataje saita gama idda, raihana taci gaba da magiya amma fur umma tace babu inda zataje, raihana tace don Allah umma ki barni naje, umma tace zancen kike so daga nan bata sake magana ba, taci gaba da hidimar gabanta,

momy tasa anxo anguwar su raihana an bincike mata halin raihana kafff, halinta da ɗabi"un ta, sannan kuma bugu da ƙari an faɗa mata cewa ba karuwa bace, sannan kuma ta tambayi abinda ya rabota da gidan mijinta, shima anyi mata bayani, momy taji natsuwa amma wuri ɗaya hankalinta ya tashi saboda ance mata auren dole akai mata, bata san mijin, to lallai irin abun zai faru da ɗanta,

Dan lallai ta lura faruk yana san raihana amma ita tana sanshi?"" lallai tana sanshi saboda tayi kuka a gabanta kada ya saketa, to anya ba kuɗinsa take so ba,?"" kamar yanda akace mata ita alashe morny ce, shin idan ma wace ce ita duk haɗamarsu da zalamarsu lallai sunci su barshi,

wayarta ta ɗauko tana san kiran faruk danshi ɗa ne mai ladabi a wurinta duk yanda yake san abu idan bata so baya so, bara ta kirashi lallai idan raihana zata yadda kawai yaje ya dawo da ita,

kiranshi tayi sannan ta yaje idan wannan yarinyar zata iya zama dashi ya dawo da ita, amma lallai yayi ƙoƙari ya cusa mata sanshi a zuciyarshi., faruk yayi godiya, sannan ya kashe wayarshi,

yana kashe wayar yace Yeeeeee, yana ɗan rawa, a bayyane ya fara magana yace momysco ai da haƙurina ya kusa ƙarewa, nayi haƙuri don dama bana so in dawo da ita ta fuskanci matsaloli, amma tunda kin bayar da goyon baya nasan ta yanda zan juyo ma lamarin, .....................,

Raihana sai wani kuka take wai ita a dole zaman gidan nan ya isheta, umma ta rufa mata asiri ta barta don Allah ta ɗanje ta rage rana gidan farida, Umma tace daga yau idan kika sake man maganar zuwa wani wuri haƙiƙa ranki sai ya ɓaci, waike a kanki aka fara zawarci ne?""" kiyi haƙuri ki zauna a inda Allah ya ajiyeki wata rana sai labari amma sai kije kiyi ta raɓe raɓe akan mi?"" wani irin ihu raihana ta saki da gudu umma ta ɗauko icce zata ƙwaɗa mata, da sauri ta miƙe tayi cikin ɗaki da gudu ta kullo ƙofar, umma tace idan dai wannan halin kike so dani dake a gidan mu zuba, raihana dai tana ɗaki sai ihu take, wai ita an kamata an ƙunƙume ta a gida taya za"asan tana zawarci harma a fara santa?"""

Abun yaso ya ba Umma dariya amma ta basar, raihana taci gaba da cewa ai sai a bari inyi gayu na in tafi ko wani ya ganni yaxo ya aure ni, Umma tace duk inda bawa yake haƙiƙa rabonsa yana binsa, koki fita ko kada ki fita lallai idan Allah ya ƙadda aurenki bayan gama idda sai kinyi shi, daga ɗaki raihana tace wancan zama bana shekar kusan huɗu ina gida babu wasu mazan kirki kowa kame kamene , umma tace ke kin isa ki kawo ma kanki na kirki?"" kiyi haƙuri ki samu natsuwa sai kiyi ta addu"a, don zaɓin Allah yafi na kowa, kuma shi aure lokaci ne dashi, raihana idan kikaji jarabawa da wasu suke ciki sai kinji ke a aljanna kike, duk abinda yayi tsanani sauƙi yana zuwa, kiyi haƙuri kuma ki zama mai haƙuri da jarabta, wata ma tunda take bata taɓa aure ba, kuma tana so kamar ta jawo namijin tace ya aureta don Allah, wata kuma har taxo duniyar ta koma batayi auren ba,

wasu ma sai ansa ranar aurensu su mutu, wasu su mutu ranar aure wasu ranar walima, raihana kar ki bari zuciya ta tunxuraki kiyi abinda zakixo kina dana sani wata rana,

tsaki raihana tayi sannan tace banma kara auren bare a sakeni , umma tace ai wanda ya halicceki yana jinki, maza ma ki tuba tun kafin mala"iku su amsa da amin, wayyo Allahana raihana tace, tana istigifari,

Cikin kuka take cewa Allah ka yafe man idan wani laifi nayi maka ya ubangiji ka yaye man, ka bani haƙuri akan wannan jarabta ya Allah ka haɗani da mijin dazai riƙeni bisa gaskiya da amana, Allah ka tsallakeni daga sharrin uwar miji, yiiiiii yinnnnn yiiiii wayyyoooo hummmmmm haka take ta ihu kamar taɓaɓɓiya, Umma dake zaune a tsakar gida tausayi raihana ta bata, itama addu"a take tayata, lallai idan ka wuce abu ka wuce shi, haƙiƙa zaman gida bashi da daɗi ,

yinin ranar nan raihana kuka ta yini yi har muryarta ta daina fita saboda hitina,

***
Da safe haka raihana ta tashi fuskarta tayi suntum, umma ta kalleta sannan tace raihana jiya fa k"b yaxo yaji labarin aurenki ya mutu yaxo zawarci kuma,

raihana tace ɗan iska aini na gama dashi, shege macuci mai cutar sida, umma dai batayi magana ba, raihana ta kalli umma sannan tace umma yaufa saura kwana ukku in gama idda, umma tace a fita lafiya, raihana tace ina gamawa gidan farida zanje umma tace wai uwarmi ake gidan faridar ne, dariha raihana tayi sannan tace umma bazaki gane bane, umma tace yazan gane ki gane ?"" ai ganewa saiku "yan makarantar boko,

Dariya raihana tayi sannan ta miƙe tabar ɗakin, umma dai tabi raihana da kallo tana fassalo abubuwa daban daban.....................,


****

*Y*au raihana tana cikin farin ciki don yau ji take kamar sallah anci uban gaye ansha kyau sosai, tana ta shiri zuwa gidan farida, wai ta gama idda, niko nace kodai ta gama hauka,

Ban kwana tayi wa umma sai ta dawo, umma tayi mata fatan alkairi, raihana aka fito waje, a ƙofar gidansu tayi tsaye tana kallon santocin cikin unguwarsu murmushi tayi sannan tayi magana ƙasa ƙasa, tace to mun dawo kuma, a daidai lokacin data ziro ƙafarta ɗaya waje, ta fara tafiya kanta yana hayaƙin *zawarci*

tayi tafiya sosai suka haɗu da gwaggo, tana ganin raihana ta bushe da dariya, sannan tace an fara kenan, zawarci nidai badai "ya"yana ba , shi yasa kullum sai an sakoki kamar akuya, ta sake sheƙewa da dariya, raihana dai ta raɓa gwaggo batayi magana ba, ta wuce abunta,

gwaggo sai dariya take ma raihana haka za"a balbaɗe a titi, ita kuma raihana napep ta samu ta hau sai gidan farida, yau acan za"a baje koli.........
💦💦💦💦💦
💦💦💦💦
*ZAWARCI*
💦💦💦💦💦
💦💦💦💦

*Page* 3⃣9⃣

*AMEENCI WRITER'S ASSOCIATION* 📚✍🏻

*MEELAT MUSA* 🌹

*Jinjina gareku masoya littafin zawarci, wannan page naku ne, gaba ɗayansa,*

*KISSAR TSAFTA*:• tsafta itace babban jigo a rayuwar aure , "yar uwa da kin tashi kika sallami mai gida ya fita, share gidanki loko da saƙo ko ina, ki fitar da shirgi da karikice, ki gyara wurin sosai,

Ki shiga kicin ki share ki gyara ki goge inda yake da yana, ki kakkaɓe komai ki haɗe wanke wanke kiyi ki gogesu ko wanne ki adanashi a inda ya kamata, toilet ɗinki kisa aizel ki wankeshi ya fita sosai kisa turaren ƙamshi,

A dakin kada ko ina ki cusa kayan wanki kada ki ɗora saman kujera ko matse matsin dorowa kada ko ya kikaga tsakanin wuri kice zaki cusa tsummokara, ko kyan wanki, ba haka akeyi ba,

Idan har haka zakiyi zaki jawo ma kanki sauro ɓeraye da dai sauransu ke wani wurin ma har kudan cixo ya samu wurin da zai lafe, kayanki kala biyu ko ukku haɗasu ki wanke, ko baki goge ba, kiyi masu linki mai kyau, ki saka a wedrop, itama ki goge ta fess ki samu turaren ƙamshi na kaya ki saka dan gudun warin ruma,

Ki gyara gadonki kada ki barshi a hargitse ki ɗameshi da shimfiɗar gado mai kyau, duk ki goge ƙurar jikin gadonki kisa ruwa da ɗan klin ki goge kayan gadonki tasss, da wadrop da madubi, durowowi da dai komai na ɗakinki,

Ki share yana don kada kixo kixo ya samu wurin zama, ki wanke kwatar gidanki ki gyarata dan kada ta riƙa maki wari, idan kin shiga wanka kada kiyi a fujanjan ki warwatsa ruwa ki fito,

Dan zaki tayar ma da kanki datti ƙaiƙayi yaxo yana damunki, ki murji sabulu sosai ki dirje jikinki yana kumfa kina cuɗe shi kina durzawa, ki cuɗa hamatarki sosai da ƙasan nononki da matse matsin cinyarki, da duk inda kika san ɗauɗa zata iya zama da wuyanki ki wanke sosai,

Ki rinƙa askin gabanki da hamatarki akai akai don datti da wari suna ɓuya a wurin,..

Dan Allah hajiyata ki kasance mai gyara jikinki kowane loko da saƙo don duk inda maigida yasa kansa yaji ƙamshi,

****

*A* ƙofar gidan farida napep ta ajiyeta, bayan ta sallami mai napep ta shige, da sallama ta shiga gidan, farida dake kicin da gudu ta fito tana oyoo yooo, amma ni namayi fushi, murmushi raihana tayi sannan tace tuba nake ƙawata,

Farida tace haba sai ayi ta kiranki a waya dan rainin hankali bakya ɗauka?"" raihana tace yaushe kika kira ban ɗauka ba?"" farida tace kullum ma saina kiraki bakya ɗauka, raihana tace Allah sarki wayar ai tana gidanshi,

Farida tace gidan wa?""" raihana hawayen da take ɓoyewa suka zubo daga idonta, sannan ta matsa kusa da farida ta kwantar da kanta saman kafaɗar ta, ta fashe da kuka tana cewa babbar ƙawa an sakeni,

Innalillahi wa"inna ilaihir raji"un, abinda farida ta faɗa sannan tace tun yaushe?"""raihana tace har yau na gama idda, farida tace subahanallah a daidai lokacin da raihana ta ɗago kanta farida taja hannunta suka shiga farlo,

Bayan sun zauna ne, farida duk ta tashi hankali , ta kalli raihana dake ta faman kuka tana shashsheka , itama farida wasu hawayen suka zobo mata dan taya ƙawarta baƙin ciki, saida sukaci kukansu har suka gaji dan kansu sannan sukai shiru,

Bayan sun natsu ne farida ta tambayi raihana abinda ya haɗasu?"" raihana tace ba komai mamanshi tasa ya sakeni, tsaki farida tayi sannan ta miƙe tsaye , cikin faɗa ta fara magana, duk yanda akai baki kyautata mashi ne, da yaji daɗin zama dake babu yanda za"ayi ya sakeki sai dana ce maki ki kyautata amma dan hauka kikaje ke kin samu gado kin haye kin kwance ki faɗa man a haka zakiyi yaƙin da zaki saka kanki a zuciyarsa ne?"""

Raihana tace farida ba haka bane, farida tace da Allah rufe man baki, wannan ai sakarci ne da sakaci irin naki, bakisan mazan yanxun ba su basu san sakarar mace bakauya ba?"" maza sunfi san mace wayayya amma dama kinxo kin dunkume ɗaki miji na farlo kina ɗaki ki faɗa man taya zaki jiga ranshi?"", babu magana mai daɗi babu sannu da zuwa babu addu"ar Allah ya tsare hanya, raihana tace duk fa inayi farida,

Tsaki farida tayi sannan tace da Allah rufe ma mutane baki, miyasa udan wasu matan suna kyautata ma mazansu sai ake ganin kamar asiri sukai masu ne?"" dole idan kina ajiye wannan kyaucin naki ki ajiyeshi nama gaya maki, yanxun haka zakiyi ta aure aure don Allah, farida ta sake fashewa da kuka ta faɗa saman jikin raihana sukaci gaba da kuka tare,

saida sukaci kukansu suka gaji sannan farida tace to raihana miyasa ma don Allah tun farko kafin ki gama iddar baki faɗa man ba?""raihana tace babu waya a hannu kuma umma ta hanai fita ne,

miƙewa farida tayi sannan tace bara inje in duba girki na, raihana itama tashi tayi tabi ta suka je kicin ɗin tare, tana kama mata aiki suna ɗan fira jefi jefi amma farida taji baƙin cikin dawowar raihana gida, kuma ta tayata addu"ar samun miji na gari, farida tace to saki nawa yai maki ne?"" raihana tace banma duba ba, farida tace gaji hauka an taɓa sakin ki bazaki duba ba?"" ki duba kiga idan saki ɗaya ne sai asan yanda za"ayi,

Ɗan rainin hankalinma ko an kira baya ɗaukar wayar, ta ƙarasa maganar da ɗan guntun tsaki, haka dai suka yini suna fira da raihana tace zata tafi farida ta shiga ta ɗan haɗa mata sha tara ta arxiki sannan ta bata waya, amma ba sabuwa bace ta tace data canja infinix hotnot, raihana tayi godiya, farida tace mata bata so, tana mata haka, farida da kanta ta mayar da raihana gida,

bayan sunje saida ta shiga ta gaishe da umma sannan raihana tayo mata rakiya taja motar ta tayi gida.........,

Itama raihana gida ta dawo, tana shigowa ɗaki ta shiga, ta cire kayanta, ta sake wasu, sannan ta zauna tana ta lallatsa wayar da farida ta bata,

Umma dake tsakar gida ta kira raihana, ansawa tayi daidai lokacin da take miƙewa, ta fita tsakar gidan, umma gani ta faɗa, umma tace ga faten dankali nan nama ga yayi ruwa, kixo ki zuba, raihana tace umma banjin yunwa , umma tace to ɗauki tukunyar kikai ɗaki mayi kalaci dashi da safe, raihana tace to ta ɗauki tukunyar tayi ɗaki da ita,

***
*A* ɓangaren faruk kuwa ya rasa ta ina zai hudo ma lamarin raihana, shin wai takardar daya bata anya kuwa ta gani?"", kai gaskiya bata gani ba, to momy ta bata kuwa?"" tambayar dai duk babu amsa, wata zuciyar tace mashi ya tura Alhaji, wata zuciyar tace ba wurinshi bane kaine zakaje da kanka, murmushi yayi sannan ya miƙe ya shige ɗakinsa dan fara shirin zuwa biko, murmushi yayi dan bai taɓa ba, shi baima san yazaice mata ba idan yaje, hmm yace sannan yace kai gaskiya bazan iya zuwa ba, kada yarinya ta raina ni,

Wani tunani yayi sannan ta jinjina kansa dan lallai ya samo ma kanshi mafita, wanka ya shige, yana fitowa daga wanka bayan yayi shirin sa, shiga mai kyau yayi sosai, kallonka kansa yayi a mirrow murmushi yayi sannan ya sake kallon kansa gaskiya bazan iya ba,

Wayarshi ya ɗauka ya fara kiran hafsat ƙanwarsa, bayan ta ɗauka ta gaishe shi ya amsa cikin isa da gadara, yace ina zuwa gidanki yanxun,,, tace to yaya Allah ya kawo ka lafiya, yace amin,

Daya gama da hafsat ya kira wayar wani abokinsa bayan sun gaisa, yace sadiq kana ta ina ne?"", ya faɗa mashi inda yake, faruk yace mu haɗu dakai a gidan hafsat yanxun nan, yace to ba damuwa sai nazo, yana kashe wayar yace tam ya za"ayi?"" wayarsa ya ɗauka ya fito, yana fitowa da sauri duk wanda yake wurin suka miƙe dan jinjinawa,

motar aka buɗe mashi ya shiga, babu ɓata lokaci yace sulaiman gidan hafsat, wanda aka kira da sulaiman yaba mota wuta, aka buɗe masu get suka ɓace daga wurin,

A gidan hafsat dukansu a farlo suke zaune, ga sadiq ga faruk sai kuma ita hafsat ɗin, bayan ta gaisheshi ta kawo mashi ruwa da lemo, sannan ta samu wuri a ƙasa ta zauna, sadiq yace ranka ya daɗe gani, kallo yabisu dashi sannan yace sadiq dama maganar wannan yarinyar ne, sadiq yace wace yarinya?"" yace ke hafsatu miye ma sunan ta?"" dariya hafsat tayi sannan tace sunan tace yaya raihana , uhumm inji faruk ya faɗa , yafa san sunan ta iskanci ne,

yace to dake da sadiq kuje ku dawo da ita, sadiq yace ah ah ranka ya daɗe ba haka akeyi ba, faruk yace ni haka za"aman sadiq yace ai ba munce ah ah ba, kaga yanxun ta daɗe a gida dole sai iyaye maza zasu je, faruk cikin ƙulewa yace anƙi aƙa saka iyaye mazan, hafsat tace yaya tunda saki ne, kai kaje biki da kanka mana?"" harararta yayi tare da ɗaure fuska sosai sannan yace banda kike mahaukaci ke