You Cannot Download this book untill you login but you can read it .

---

Login Register

da girmana anje biko?"" so kike yarinya ta raina man hankali ne?"", dansu na lura matan nan da sunga ana bin kansu sai suyi ta raina ma mutane hankali,

sadiq yace "yar laɓai tunda dai kaine kake so dole kaji da kanka kaga idan ta ganka zataji daɗi a ranta, faruk yace duk ku barshi na gode, miƙewa yayi tsaye, da sauri hafsat ta miƙe tana cewa yaya kayi haƙuri , bakin shi ya taɓe ta tare da yayi magana ba, ya fice daga farlon , yana fitowa sule ya buɗe mashi motar suka bar gidan ,

hafsat tace aishi yaya saurin fushi wallahi kuma don Allah tunda kana san abu ba dole sai ka sauke girman kai ba?"", hmm lallai yarinyar nan dan ta samu yana santa ma take rainawa mutane hankali, niko nace taje ta raina , 😏

Tsaki yayi sannan yace ma sulaiman kasan gidan su wannan yarinyar?"" sule yace wace yarinya ce ranka ya daɗe?"" daka mashi tsawa yayi sannan ya faɗa mashi sunan unguwarsu raihana yace jeka ta can, da sauri sule ya juya sitiyarin motarsa suka doshi unguwarsu raihana,

Banda tsaki babu abinda faruk yake yi, shi kullum ɗan zaiyi aure sai kace tattabara, dangin babanshi har sun gaji da halinsa, tsaki ya sakeyi sannan yace su basu ma san ban saketa ba, mahaukatan banza, idan na faɗa ai sunje su faɗa ma momy tace na raina ta, amma basarwa kawai zanyi , yauwa nan yayi,

Ƙofar tsohon gidansu raihana suka tsaya, Faruk yace fita ka samu yaro ya kirawo ta, da sauri ya fita, wani yaro ya samu sannan yace kai shiga nan kace raihana taxo, yaron yace ba nan bane gidansu, sule yace ina ne?"" yaron ya nuna mashi da hannu, godiya yayi sannan ya koma motar,

bayan ya shiga ya zauna yace Oga ga gidan can, Faruk yace nan ne, sule yace ai cewa akayi sun koma can, tsaki yayi sannan yace muje, jan motar yayi suka silala ƙofar gidansu raihana, bayan yayi parking ne, Faruk yace nashi nan, wata waya ya bashi sannan yace idan an kirata kanajina?"" yace Eh ranka ya daɗe, to ku gaisa kaga bata sanka ba, ku gaisa sosai sannan idan zaka tafi ka bata wayar nan kace akwai layi a ciki zakuyi magana, sule yace to, ya nashi wayar sannan ya fita,


Raihana tana zaune a ɗaki tana ta faman ɗura kalanzir a fitilar kwai, yaro ya shiga yace ance ana sallama da raihana, da sauri raihana ta kalli inda umma take sannan tace kila ma k"b ɗin banzar nan ne, umma tayi dariya sannan tace ma yaron je kace waye yake kiranta,?"" bayan ya fita ya dawo yace wai ance kalifa ne, raihana tace kai ban zuwa, Umma tace a, a, jeki kiga waye, raihana tace wani kalifa umma?"" kodai kalifan munafunci, mutum ya faɗi sunan sa sai yace wai kalifa, tsaki raihana tayi sannan tace jeka ana zuwa,

bayan yaron ya fita, raihana ta ɗauki hijabinta tayo waje, tana fitowa ta kalli sule sosai, sannan tayi tsaki, malam ya akayi ne?"" sule yace babu gaisuwa, tsaki ta sakeyi sannan tace kai nifa na tsani masu kayan soja idan baka sani ba, ta ƙarashe maganar tana yamutsa baki,

Shi kuma sule baisan dalilin daya sa faruk ya bashi waya ya bawa raihana ba, kuma shine yasa sukaxo amma bai fito ba, sule kallon raihana yayi sanna yace ai bani ne na aiko kaina ba, Oga ne, raihana tace waye Ogan?"" da sauri sule ya dawo hayyacinsa yace sowry gashi wayar ya miƙa mata, tsaki raihana tayi sannan tace an faɗa maka ina buƙatar waya ne?""""" tsaki tayi kawai ta juya ta shige gida,......,..

Sule ya koma motar ya faɗa ma faruk yanda sukayi da raihana, tsaki yayi sannan yace jeka zan taho , sule yace ranka ya daɗ........., tsawa ya daka mashi sannan yace nace ka tafi, buɗe motar yayi ya ajiye wayar sannan ya tafi ,

Fitowa faruk yayi ya ƙare ma gidansu raihana kallo , taɓe baki yayi sannan ya girgiza kansa a wannan kangon matarshi tae rayuwa?""" lallai ya tausaya mata, niko nace dan baka san ma gidan na haya bane,

Umma tace ma raihana har kin dawo ne?"" Raihana tace bar ɗan rainin hankali wai wani Oga ya aiko shi, kinji zancen banza, raihana bataci gaba da magana ba, taji yaro yana cewa ance raihana taxo inji mijinta,

Daga Umma har raihana tare sukayi magana waye mijin nata?"" dukansu haka suka faɗa, yaron yace wani ne, raihana tace je kace nan gidan babu matar aure,

yaron ya fito ya faɗawa faruk, murmushi faruk yayi sannan yace kaje kace Faruk ne, yaron ya dawo yace wai ance Faruk ne, Raihana tace kaje kace mashi anyi mata aure,

Umma da bata san kowaye ba, tace ma yaron kai yakanan, yaron yace to, ƙofar ɗakin umma ya matso sannan yace gani, umms ta kalli raihana sannan tace waye shi?"", tsaki raihana tayi tace shine ya sakeni, Umma tace ma yaron je kace tana zuwa, bayan yaron ya fita, Umma tace kije kiji kiran da yake maki, raihana tace da Allah umma ki barshi uwarshi bata so na, tasa ya sakeni to mi kuma yake nema a wurina?""",,,,,,

Umma tace kedai jeki, raihana tace Umma don Allah ki barshi, Umms tace wallahi idan baki fita ba, zanje in shigo dashi yaga wannan ɗakin da aka jera layin jikkuna kamar ɗakin "yan bodin, dariya raihana tayi sannan tace yi haƙuri,

Umma tace kije kiji uzirinsa, duk yanda kake da mutum idan ya tako yaxo gidanku ya wuce wulaƙanci, kije kiji abinda zaice maki,

Raihana tace to, turare ta feshe jikinta dashi sosai ta ɗan gyara fuskarta , ta ɗauki kaya masu kyau ta saka, Umma tace to kin gani, ke ba yarinya bace , ki fitar da tsoro ko shakku tunda shi kai tsaye cewa yayi ace matarshi taxo, tsaki raihana tayi sannan ta yafa gyalenta tayi ƙofar gida,..................,
💦💦💦💦💦
💦💦💦💦
*ZAWARCI*
💦💦💦💦💦
💦💦💦💦

*Page* 4⃣0⃣

*AMEENCI WRITER'S ASSOCIATION* 📚✍🏻

*MEELAT MUSA* 🌹

***

*KISSAR SHAGWAƁA* :• "yar uwa kinsan rayuwa ba ta tafiya daidai yadda kake so, dole saika ƙanƙantar da kanka a wajen wanda kake ƙarƙashinsa, dole ke mace ke aka sani da aji da yauƙi da yanga , don Allah kada ki rinƙa buɗe murya kamar wata gardi idan kina magana da mijinki, kada ki rinƙa sakin baki kina kwakwata dariya,

Dariya da mai gida dariyar aji akeyi mai cike da salo na kiss , duk sadda kike tare da mijinki ki narke masa ki zamar masa "yar beby, duk sanda yake zaune baki da wurin zama sai jikinsa, ki rinƙa masa fira mai ɗan shirme a ciki wadda zata riƙa saka shi dariya,

Kada ki saki ciki a gaban mijinki ki ta faman haƙar abinci yana kallonki , Allah raina miki wayau zaiyi idan kince baza ki iya abu ba, yace duk cin da kike yi?""", Ai kin iya cinye abinci,

Idan miji yana nan kaɗan akecin abinci ana yauƙi da yanga kamar dole kike ci, zakiga gar ririta ki yake yi, idan ya gaji da yangarki ya karɓi cokalin yace shi bara ya baki a baki, ya fuskanci bakya san cin abinci, idan miji yana nan abinci kaɗan zaki zuba a filet, wanda zaki ci, idan kuwa baya nan ki loda abincinki kici ki ƙoshi,

Idan shi zaki bawa abinci ki zubo masa da yawa idan ya fara ci yace miki ya ƙoshi kada ki yadda sa masa rigima kice baki yadda ba idan dai bai cinye ba, yaje wani wuri yaci a can , ke kuma ya barki da wahalar girki yaƙi ci, yita tura masa sai kinga ya cinye,

Saboda abinfi san namiji ya rinƙa ci yana ƙoshi , idan ba haka ba sai ya zama raggon namiji bazai iya biyawa matarsa cikakkayar buƙatar ta ba, kada ki yadda idan mijinki ya shigo daga masallaci sallahn isha"i da daddare yace miki zai kuma fita, sa masa kukan kissa marar hawaye,

Ni bazan yadda ba ka fita ka barni a gidan nan ni kaɗai ba, saidai mu tafi tare idan yace kiyi haƙuri yanxun zanje na dawo sai kice ah ah nidai ban yadda ba, saidai idan zance zakaje, nidai gaskiya banzan yadda ba, sai ka gaya man wurin wacce zakaje, sai kiyi fushi ki juya kiyi cikin ɗaki,

Kina mai kuka amma fa ba kuka mai hawaye ba, zai fasa fitar ya biyoki ɗaki dan ya lallaɓaki ya fice zaman majalissa ko raka wani abokin zance ko kuma shi yaje wurin wata buduwar wai dan ya rag dare, jifa rashin aikinyi, ya bar matarsa ta aure a gida ya tafi neman magana wurin wata budurwa da yasa ba aurenta zaiyi ba,

Idan ya biyoki ɗaki zai baki haƙuri dan ya samu ya fice sai ki miƙe tsaye ki cire hijabin da kika ɗora akan rigar baccin ki ko kuma after dress da kika ɗora kan rigar baccin kice ka nuna man a jikina miye bani dashi?""" mai wata "ya mace tafi da har zaka tafi wurinta,?"" sai ki girza ƙirjinki meye baiji maka ba a halitta daka raina, zaka barni kaje ka ƙarewa wata kallo?"""""

Sai ki saka kuka ki faɗa saman gado haba hajiyata kinsa sheɗaniyar rigar baccinki kin girgiza jikinki yaga komai yana motsi kin faɗa gado yaga komai naki yana rawa kinfa ɗaga masa hankali , babu idan zai fita dole ya nufo inda kike "yar uwa donme bazamu rinƙa jawo hankalin mazajenmu garemu ba?""" zamu bari wasu suna yaudarar mana su a waje ?"" ko zuwan da zaiyi ya ɓata ƙokaci a wurinta suna fira, an ƙwareki bare kuma ya ɗauki wani ya bata kinga ai an rage ki, dan udan yayi niyyar sabowa maki kaza a daren idan yaje ya bawa wata kuɗin ke sai kiga ko ƙifi bazai kawo maki ba,

Kinga sakacinki yaja maki, da rashin kulawa, da girman kai, waike a dole kada miji ya raina ki, wallahi muna sakaci fa ko wani abu ya haɗamu da mazajenmu sai kiga mace wai bata girki bata shara babu wanke wanke, ba wanka ba wanki, sannan kuma bazaki bashi haƙƙinsa ba waike an ɓata maki rai sai ki rama ta haka?"" to wannan bashine gyara ba, wannan ɓatawa kikayi idan miji bamai tsoron Allah bane miye zai hana bazaije neman matan banza ba?"" dama su haka sukeso kinga an barki da hauka, sai ya kawo ido ya zuba maki, kafin ki ankara kuma an tadaki aiki, don Allah mu kula mu gyara saboda samun kwanciyar hankalimu Allah yasa mu dace,............

***
*Zawarci*

*A* ƙofar gida raihana tana fitowa daidai ƙofar gidansu nan tayi tsaye, shi kuma ɗan girman kan yana kallonta baiyi mata magana ba ita kuma bata matsa ba, nan tayi tsaye, tunda yaga bata matso ba kuma bata da niyyar tahowa yasa yayi alƙawari da zuciyarsa ko zasu kwana a haka shi bazai mata magana ba, wannan yana ɗaya daga cikin abinda yasa ya tsani yaje wurin mace, wai idan anzo a wurinsu lokacin suke jin wani rashin mutumci waisu anzo biko, tsaki yayi sannan ya ɗauki ƙafa ɗaya ya ɗora saman ɗaya, wayarsa ya fiddo yaci gaba da latsawa,

Raihana kuma tana ganin haka, wata zuciyar tace mata kam lallai yama raina maki hankali wata tace ba haka ake rayuwa ba, mutumin daya taso daga wani wuri yaxo saboda ke, ya kamata kiyi mashi uziri kiji abinda yaxo dashi sannan kinsan miye mafita,

kallon inda yake zaune saman dakalin ƙofar gidansu , shiko hankalinsa yana kan wayarshi, ganin baida lokacinta yanda ya nuna ma baisan Allah ya ajeta ba, yasa ta sauƙi girman kai ta matsa kusa dashi,

Kugu ta riƙe taɗan jijjiga kamar mai shirin kai masa duka, sannan tace malam ya akayi ne?"" bai ɗago ba kuma baiyi magana ba, ƙara matsawa tayi kusa dashi tace gani........., har yanxun idonshi yana saman wayarshi, baiyi magana ba, raihana tace wallahi idan baza kayi magana ba, zan koma,

murmushi yayi amma bai kalli raihana ba, yace to ai kina iya komawa, sai kixo kaina haka gatsal babu sallama babu gaisuwa kixo ki riƙe kugu kamar zaki zaneni?""" tsaki raihana tayi , kallonta yayi sannan yace ki daina wulaƙanci babu kyau, raihana tace a ina nayi wulaƙancin, murmushi yayi sannan ya ajiye wayarsa a gefe,

hannunta ya jawo ya zaunar da ita kusa dashi, sannan yace barka da yini, yana kallon fuskarta, shiru raihana tayi, Faruk yace miye?"" raihana tayi shiru, sai buɗa hanci take kamar wanda ta kada ƙato,

Faruk yacd ina magana baza kiman magana ba dan nazo gidanku?"" ya faɗi maganar cikin sigar wasa, amma raihana an wani murtuke fuska wai ita anzo biko, murmushi faruk yayi sannan yace muje zanga mom ɗinki, raihana tace ita ba mom ake cewa ba, sunan ta umma, yace to muje in gaishe da umma, raihana tace saboda mi?""" baiyi magana ba, ya miƙe tsaye, ganin yana neman shiga cikin gidansu tace du Allah malam dakata, ina zuwa bara inje in faɗa mata zaka shigo ko?"", dariya yayi har dinfull ɗinsa ya fito, komawa yayi ya zauna,

Ita kuma jiki yana rawa tayi cikin gida, tana shiga ko sallama babu ta faɗa ɗaki, tana ɗa zaro ido, tacd Umma gafa Faruk nan da gaske zai shigo duk kece kikai mana baki , haka zai shigo yaga ɗakin nan umma,?"""

Raihana tace bari inje ince kawai kinyi bacci don Allah, Umma tace haba ba haka za"ayi ba, barshi ya shigo raihana tace haba umma don Allah ji ɗakin nan?""", kalli katifar nan mai kama da tabarma, haba don Allah,

Umma ko a ajiyeshi a zaure ne?"",,,, ko a tsakar gida?"" Umma dai bata sake magana ba, raihana tayi ta magana umma bata bata amsa ba, ganin haka yasa ta tattara katifar da cusa bayan ƙaure ta ɗauke lodin kayansu da aka ɗaɗɗaure kamar ɗakin "yan bodin ta fita dasu takai wani ɗaki, da sauri ta dawo ta sharw ɗakin sannan ta shinfiɗa tabarma, garwashen wuta ta ibo tasa turaren wuta, sannan ta fita............


tana fita umma tace hegiyar mata da zakixo kiyi ta man ƙa"ida, tashi tayi ta fita ɗakin da raihana takai kayan ta samu kaya masu kyau ta saka, amma bata fito daga ɗakin ba, ta zauna,

Raihana kuma a zaure taci karo da faruk, yajowata jikinshi yayi ya rungumeta sosai yana sauke ajiyar zuciya, raihana cikin masifa tace haba don Allah miye haka kasan Allah ya tsine ma masu irin wannan halin babu kyau fa, tana ƙoƙarin kwace jikinta,

Sakinta Faruk yayi sannan yace miye haka?"" miye abun zunubi idan na taɓa ki ne?""" raihana tace du Allah idan kana shigowa ka shigo dare yana yi tayi gaba, saida ta shiga tsakar gida ta juyo dan cewa faruk ya shiga, amma sai taga wayam, gabanta ya faɗi, da sauri ta dawo zaure, baya nan, subahanallah abinda ta faɗa, da gudu ta fito ƙofar gida,

Zaune ta ganshi saman dakali, ajiyar zuciya tayi sannan ta matsa kusa dashi tace miye haka ?"" taɓe baki yayi sannan yaɗan ɗaga girarenshi yace, to ai naji sai faɗa kike kada in shiga gidan naku ki zane ni, hmmm raihana tace sannan tace to muje, kayi haƙuri, yace to miyasa kike cewa nayi xunubi idan na riƙe ki?"",,, raihana tace ai kasan dalili kaima, Faruk yace wane irin dalili ne?"" ki kikasan hakan amma ni bansan komai ba ,

Raihana tace baka sakeni ba?""" idanuwa Faruk ya zaro tare da miƙewa tsaye cikin sauri, yace waye yace na sakeki?""" raihana tace kaine ka rubutu?""" Faruk yace ni?""" yana dafa ƙirjinsa, raihana wallahi ko, sassauta magana faruk yayi sannan yace ina takardar da nayi sakin ne?""" raihana tace tana nan umma ta ɓoyeta, Faruk yace to ni Allah ya sani ban sakeki ba, amma waye ya baki?""" raihana tace nima bansan wanda ya bani ba, amma umma ta ajiye, Faruk ya kalli raihana sannan yace ba kince kada kn sakeki ba?"" raihana tace idan nace ai maganar nawa batayi amfani ba,

Faruk yace waye ya faɗa maki maganar ki bata da amfani a wurina?"" muje gidan, raihana tayi gaba faruk ya bi bayanta , har cikin gida, sallama tayi ta shige ɗaki, bayan ta shiga ta bawa faruk damar shiga, sallama yayi shima ya shiga ɗakin,

Raihana ta nuna masa wurin zama ya zauna, sannan tace bara ta kirawo umma, yace tam, fita tayi shi kuma yabi ɗakin da kallo, yana ɓata fuska kamae yaga kashi, Allah ya sawaƙe, Allah mun gode maka, a daidai lokacin da raihana tayi sallama ta shigo, umma na biye da ita, suka shiga baki ɗaya,

Bayan sun shiga ne, faruk ya cire tabarau ɗin idonsa, ya gaishe da umma cikin girmamawa da ladabi, bayan gaisuwa , raihana ta fita ta kawo ma faruk ruwa, shiru ya biyo na wasu lokutta, sannan faruk ya fara magana, cikin sinnar da kai,

Yace Umma dama naxo ne zan tafi da matata, Umma tace matarka kuma?""" Faruk yace Eh, murmushi umma tayi sannan tace ai ta gama idda, idan akana ra"ayin sake zama da ita, aisai kaje ka sanar da dangin babanta, amma idan ita ta yadda zata sake zama dakai, Faruk yace wata irin idda kuma Umma?""" Umma tace wadda kasan anayi dai kamar yadda addini ya tana da, Faruk yace to waye ya saketa da zatayi idda kuma?"" Umma tace kaine, girgiza kai faruk yayi sannan yace ko ɗaya, ni ban saki *RAIHAN* ba, waye ya baki takardar ne?"""

Umma tace wata mata ce, Faruk yace mu gani?""" Umma tace to ai babu buƙatar gani tunda kasan abinda ka rubuta a ciki, Faruk yace ai da kunga abinda na tubuta da bakice ta gama idda ba Umma, Umma ta kalli raihana sannan tace saki nawa ne yayi maki,?""""

Turo baki raihana tayi sannan tace ai gaya a gabanki ya faɗa maki mana, kai nawa ne ka bayar ma?""" ɗaure fuska faruk yayi sannan yace ban bayar da ko ɗaya ba, ɗauko man takardar nace miki, ya ƙarasa maganar cikin hargowa, tashi raihana tayi a bayan ƙaure inda ta rataye jakarta, ta sauko ta fiddo takardun saki na aminu dana faruk, tazo ta kawo mashi,

ansa yayi sannan ya fara buɗe ta aminu, saki ukku ne ya gani, murmushi yayi ya ajiyeta a gefe, tashi ya buɗe yaga ganda ya bada rubutun haka yake dai, ya miƙama raihana yace ta karanta da ƙarfi kiwa yaji,

Ansa tayi ta karanta, bayan ta gama faruk yace kuma kamar yanda nace idan komai ya daidai zanzo in dawo da ita, don haka yanxun zan tafi da ita, Umma tace a,a ba"a haka, kaga dangin babanta da mutane duk haka na faɗa masu an saki raihana amma ka bari idan Allah ya kaimu gobe zanje in masu bayani, sai kaima kaje , Faruk yace A,a matata ce ni bana buƙatar zuwa wurin kowa tunda nasan banyi saki ba, amma miye ya hana ku duba Umma?"" tace aini kawai raihana tace ka saketa, ni kuma ban iya karatu ba, na duba amma sai kawai na ajiyeta, kuma na tambayeta saki nawa ne tace bata sani ba,

Faruk yace to babu damuwa Allah yasa rayuwarmu takai goben, Umma tace amin, tashi tayi ta fita daga ɗakin, kamar jira yake ta fita, inda raihana take zaune ya miƙe yaje, yana zuwa hannunta ya riƙe itama ya miƙar da ita,

Yace yarinya yau da kin bini munje gida tare, hmmm, raihana tace hmm miye?"" yace ki bari sai Allah ya kaimu goben, raihana tace hmmm , murmushi yayi sannan yace kema kin rama ko?""",

Murmushi tayi, batayi magana ba, agogon hannunsa ya duba yaga 11:02pm yace kinga baɗa inxo in wuce, raihana tace to sai Allah ya kaimu, hannunta yaja suka fita tsakar gida, ƙofar ɗakin da umma take yaje kusa da wurin yayi mata saida safe, amma bai shiga ciki ba muma bai ɗaga labulen ba,

Kuma har yanxun hannunta yana cikin hannunshi, a zaure yace to ta koma, sai Allah ya kaimu, raihana tace tom, saida ya tafi sannan ta kulle gida ta dawo,

lokacin data dawo har umma ta shinfiɗa masu katifarsu, raihana tana dawowa kwanciya tayi, tana kwanciya, umma tace to miyasa kikace man ya sakeki ne?""", Raihana tace Umma mamanshi tace saiya sakeni ne, tsaki Umma tayi sannan tace amma ai da kin duba sai a baka abu bazaka duba kaga miye ba?"", yanxun da baizo ba sai kiyi aure da auren wani akanki?"", ki daina haka na faɗa maki, idan ance an sakeki kawai ki duba ki gani abinda Allah ya rubuta baya gogewa, raihana tace to Allah ya bamu dacewa umma tace Amin,

***

*W*ashe gari wurin 2:58pm, umma tana ta shirin tafiya wurin dangin baban raihana dan faɗa masu komai, taji sallama yayan baban raihana, yana cewa a kawo tabarma suna tare da baƙi, Umma tace to baƙin bama su shigowa bane?""", yace a zaure zamu zauna, umma tace to, ɗaki taje ta ɗauko tabarma ta bashi, yana ansa ya fita da ita,

A zaure bayan baba yaje ya shinfiɗa masu tabarma , aka zazzauna, baba ya kalli Alhaji ya kalli faruk sannan yace to ina saurarenku Alhaji,

wato shi Faruk da safe gidan Alhaji yaje yayi masa bayanin duk yadda sukai da umman su raihana, sannan yace mashi suje wurin dangin baban raihana, saboda abun yaxo haka, to shine lokacin da sukaje suka sameshi da baƙi, su kuma wasu sunje neman auren raihana, saiga su Faruk suma sunxo da nasu zanje don haka aka rantafo akayo gidan su raihana don jin ya abun yake.........,,,

Baba yace to Alhaji kace Faruk bai saki raihana ba, Faruk da yake zaune gefe guda ya duƙar da kansa ƙasa, Alhaji yace lallai bai saketa ba, matsala ce daga gida, kuma haka ya rubuta, baba yace to a kira raihana,

bayan an kira raihana, gaisuwa tayi wa kowa dake wurin , sannan baba yace tsakaninki da Allah saki nawa faruk yayi maki?""" raihana ta ɗago fuskarta ta kalli kowa na cikin zauren sannan ta mayar da dubanta ga baba, tace a takardar daya bani babu saki,

Baba yace miyasa kkace ya sakeki?""",,,,, tace saboda naji mamanshi tace sai ya sakeni, kuma naga yayi rubutu ya bani, dan lokacin da ya rubuta bana cikin yanayin iya magana ne, dana zo gida nace an sakeni, baba yace a lokacin baki duba ba?""" Raihana tayi rantsuwa bata duba ba ,

Alhaji yace taje ta kawo su gani, miƙewa rainaha tayi taje ta kawo, suna dubawa kowa ya gani kuma aka tabbatar da rubutun Faruk ne, dan haka dai akayi dai "yan cecekuce daga baya, Alhaji yace to ayi haƙuri,

Duk abunda ya faru sai ayi haƙuri tare da addu"ar Allah ya kyauta gaba, bayan an gama duka an natsu Faruk yace to zaizo ya ɗauki matarsa anjima, baba yace kayi haƙuri a saka lokaci, Faruk yace shifa lallai yau zai ɗauketa, Alhaji yace kayi haƙuri su saka lokacin?""" Faruk yace tam, baba yace kayi haƙuri, inda raihana take ya kalla sannan yace ke raihana yaushe zaki koma ne?"", jin an kira sunan raihana yasa Faruk ya ɗago kansa da sauri yana kallonta, itama shi take kallo, ƙanƙace idunuwansa yayi sannan ya buɗe su duka, yana jiran yaji abinda zatace,

Raihana tace sai bayan sati biyu, baba yace to Allah yasa rayuwarmu takai, Faruk ɗaure fuska yayi har aka tashi bai sake magana ba, daya tashi tafiya haka yayi wa su baba bulalar kuɗi ya tafi yabarsu da jinya,

bayan su Faruk sun tafine , su baba suka shigo, suka nunawa Umma, Umma tace sun gode wallahi, haka suka ba Umma wani abu daga cikin kuɗin amma furr umma bata karɓa ba, sunyi juyin duniya amma taƙi ta ansa, haka suka haƙura suka tafi,

raihana kuwa waya ta bugawa Farida ta kora mata duk bayani, Farida tace yayi daidai , ya kamata ki kimtsa hajiyata a gyareki ki koma sabuwa, a dilke mana ke, gobe insha Allah zanzo raihana tace Allah ya kaimu lafiya sai kinxo,


Faruk yaji baƙin ciki da raihana bata yadda ta biyoshi ba, duk ki gama zaki zo ki sameni da hukuma kike magana, wato ƙarshn sunan sa, Faruk Ahmad Hukuma, shine yake cewa zata san da hukuma take magana,

****

*D*a hantsi Farida tazo gidansu raihana, bayan sun gaisa da Umma suka shige ɗaki da raihana saidai su ƙulla wancan aka kwance, don haka farida tace mai dilka zatazo yau ta fara mata, kuma ta sallameta , wasu kayan matan da ta siyo mata ta fiddo ta bata, tace aci gaba da gashi