You Cannot Download this book untill you login but you can read it .

---

Login Register

tace lafiya malam kaketa bina?


Murmushi mutumin yayi yace ni dai sunana hamza ina zama chan waccan rumfar mai kayan miyar kullum ina ganin giftawarki idan kin dawo islamiyya kuma gaskiya ina sonki saisa natunkareki nafad'a miki domin insamu matsugunni a zuciyanki wlh ina sonki, ina k'aunarki ina begenki, wlh indai baki amshi tayin soyayya taba zan iya mutuwa.



zarah baki tasaki tana kallonsa maganganunsa har sukaso subata dariya tadake tace ka gama?

hamza yace eh nagama ina dai son inji daga gareki domin kema nasan nayi miki



Zarah d'an murmushi tayi tace nagode sosai da tayinka ammah saidai kayi hak'uri domin ina da wanda nake......

katseta hamza yayi yace dakata malama ai daman abinda naji ma tsoro kenan saisa tun tuni nak'i tunkararki da maganar ammah wlh bakiyimin adalciba danma kin samu ance ana sonki wanene anguwarnan bai san halin gidankuba waye baisan ku 'yan iska bane, dan ma kin samu antaimaka ance ana sonki.


zarah murmushin takaici tayi sannan tace toh nagode kuma so ne bazan ta6a sonkaba, tana gama fad'in haka tawuce tabarsa tana jinsa yana ta yada mata bak'ak'en maganganu ammah tasharesa cikin ranta ko wani irin abune yatokare mata mak'oshi tabbas tasan abinda bawan Allahn nan yafad'a gaskiyane a game da gidansu, ahaka ta isa gida da tunani iri-iri cikin ranta.






*BAYAN SATI 'DAYA*

Rauda yau kasancewar ta tashi da matsanancin ciwon kai da zazza6i kwance tawuni bata iya komai, da kaganta kasan tana jin jiki tuni ta fita hayyacinta saboda Amai da take yawan yi

su mama sun tusata a gaba kowa tausayinta yakeji ganin irin wahalar da take sha kallonsu kawai zakayi kasan suna cikin matsanancin tashin hankali.

zarah ko kuka kawai takeyi tana rik'e da hannun yayartata ko kad'an bata yarda tamatsa daga kusa da itaba domin ita tana da k'wallafar 'yan uwanta.


mama ce tahad'o mata ruwan bunu tare da indomie matsa mata sukayi sai taci, ba dan tasoba tadaure tamik'e dakyar tayi loma ukku shima dan taga hankalin dangin nata a tashe, kafin kace mi dagudu tamik'e tanufi toilet tadinga kwarara amai dasauri zarah tabita tarik'eta tana mata sannu har saida tagama, Aysha ce tad'ebo musu ruwa a buta nan zarah tataimaka mata tawanke jikinta sannan suka fito takoma takwanta.

zarah kallon su mama tayi da sukayi jugum tace mama dan Allah kice ma yaya Rauda tatashi muje asibiti domin bai dace tazauna da ciwo ba.


mama dogon numfashi taja tare da cewa hakane zarah nima abinda nake tunani kenan domin cikin d'an lokacin nan duk ta fita hayyacinta.


Rauda dakyar tabud'e baki tace a'a ba zanje asibitiba kubarni a nan kawai in muturwace inyita a gida.


zarah da Aysha fashewa sukayi da kuka ganin yarda 'yar uwar tasu take jin jiki, mama tace A'a Rauda dole fa kitashi muje asibiti.

Zarah tace mama ni zan rakata kice tatashi mutafi.

mama tace ke mezaki iya idan kinje? Ni dai zan tafi da ita.

Zarah tace dan Allah mama kibarni muje tare, mama ganin yadda zarah duk hankalinta yake a tashe dan ko abincin kirki bata samu taciba dan haka tace toh shikenan kushirya kutafi.


Mama tataimaka ma Rauda tacanza kaya, Rauda cema Zarah tayi tad'auko handbag d'inta akwai kud'i a ciki dan kar a buk'aci wani abu.

Aysha ce tafita tasamo musu adaidaita nan suka tafi General Hospital d'in garinsu.

basusha wahala ba wajen ganin likita, ko da Rauda tashiga zarah zaune tayi tana jiran fitowarta,


Rauda take zaune opposite d'in kujerar Doctor Xeey Xeey cike da kulawa doctor Xeey Xeey take mata tambayoyi ita kuma tana bata amsa nan Dr Xeey Xeey tarubuta mata taste tace taje tayi kuma tatabbatar yau ta kawo mata.


Rauda Kar6a tayi tafito dasauri zarah tamik'e daga inda take zaune tana jiran fitowar 'yar uwartata.
tace Yaya Rauda sannu.
Rauda dakyar tace Zarah taste ne tabani muje lab.

zarah tace toh yaya Rauda.

ko da sukaje lab aka d'ibi jininta sannan aka bata 'yar roba tayi fitsari a ciki nan akace sujira nan da 30 minutes result zai fito.
zama sukayi suna jira har minti talatin yacika aka basu nan Rauda taje takaima Dr xeey xeey sakamako.


Dr xeey xeey tana dubawa murmushi tayi sannan tayi 'yan rubuce-rubucenta bayan ta gama tad'ago kai takalli Rauda tace toh Alhmdllh ina tayaki murna domin kina d'auke da ciki tsawon wata biyu nasoma ace tare kukazo da mijinki.


Rauda da tunda Dr ta ambaci ciki tarikece cikin d'aga murya tace doctor ciki?
Dr xeey xeey tagyad'a mata kai tace of course dan haka za'a maida miki folder d'inki a ANC kidinga zuwa awo tunda har yakai kusan 2 months batare da anduba lafiyarsaba zaki dinga zuwa awo.


Rauda zufa ce tafarayi dasauri taduk'e k'asa tare da fashewa da kuka.
da mamaki Dr xeey xeey take kallonta tace menene abin kuka? kyautar da Allah yabakice bakyaso ko mi?

Rauda cikin sheshek'ar kuka tace Dr dan girman Allah kitaimaka kiciremin cikin nan wlh bana sonsa.

Dr xeey xeey fara'ar da take fuskarta tagushe cikin fad'a tace akan wane dalili zaki cire ciki idan ke bakyaso toh mijinkifa? ni gaskiya bana zubar da ciki.

Rauda cike da tashin hankali tace Doctor yadda Allah yataimakeki nima kitaimaka min wlh bana son cikin nan idan nakoma da shi gida bansan da wane ido zan kalli iyayena ba.


Doctor da tunda Rauda tafara maganar tazuba mata ido tana kallonta cike da 6acin rai tace idan na fahimceki kina nufin cikin nan na shegene baida uba ko?
Rauda shuru tayi batace komai ba.

ganin haka yasa Doctor tacigaba da cewa toh bari kiji ni bazan ta6a zubar miki da cikiba k'ara ma kiyi hak'uri kihaife abinki ammah kuma kin cuci abinda yake a cikinki domin kin samesa ba tahanyar da tadace ba, k'arama kiyi hak'uri kihaifesa domin kar zunubin yak'aru dan haka tashi kije nidai nabaki shawara haihuwar shi zai fiye miki.


Rauda dakyar tamik'e jiki ba kwari tafito daga office d'in doctor.
tana fita kallon zarah tayi nan hankalinta yak'ara tashi sai alokacin taji wata irin kunya tsaye tayi takasa k'arasawa wajen da zarah take tsaye.

ganin haka yasa zarah tamik'e cikin sauri ta isa inda Rauda take cike da tashin hankali tace yaya Rauda lafiya naganki a haka me yake faruwane?

Rauda hawaye suna zuba daga idonta dakyar tabud'e baki tace zarah ciki gareni.

Zarah a firgice taja da baya cike da tashin hankali tace yaya Rauda ciki kuma?

Rauda gyad'a mata kai tayi tare da mik'a mata takardar da doctor tabata, jikin zarah yana kyarma ta amsa taduba, aiko nan tafashe da kuka tace yaya Rauda meyasa kuka za6a ma kanku irin wannan rayuwar? meyasa kuka za6i son abun duniya kuka 6ata rayuwarku, kingani ko yanzu gashinan kiyi cikin shege cikin da ke kanki bakisan ubansaba kun d'auki alhakinsa idan kika haifesa me zaki ce masa?

Rauda da take kuka dasauri tarik'o hannun zarah tace zarah wlh nima bansan ya zanyiba yau ne karo nafarko da nafara nadamar abinda nake aikatawa dan Allah kizo muje murok'i wata doctor d'in tacire min shi.


zarah fizge hannunta tayi daga rik'on da Rauda tayi mata tana ja da baya tare da girgiza kai, cikin kuka tace yaya Rauda badani za"a had'a bakiba ayi kisan kai meyasa kikeso kikashe ran da baida alhakin kowa saima shi da yake da naku?
kiji tsoron had'uwarki da ubangiji ga laifin zina ga na kisan kai, kituna tsayuwar ki gaban Allah ranar gobe k'igama, baki tsoron garin zubar da cikin kije kirasa ranki?

Yaya Rauda wani irin nadamane taji ya zo mata nan tak'ara fashewa da wani sabon kukan tare da rik'o hannun zarah da itama take kuka tace zarah nafasa zubarwa wlh nayi nadamar abinda na aikata a yanzu kuma ba zan zubar da cikinba.


zarah cike da jin dad'i tace nagode sosai Yaya Rauda da kika fahimceni.

Yaya Rauda d'an tsagaitawa tayi da kukan da take tace saidai kuma inaso kiyimin taimako guda.

zarah dasauri tace Yaya Rauda kifad'i abinda kikeso zanyi miki.

Rauda tace inaso kafin muje gida kifara rakani wani waje

zarah da mamaki take kallonta tace yaya Rauda ina zamuje?
Rauda rik'o hannunta tayi tace muje kawai zarah.

zarah batayi musuba tabi bayanta.

mai adaidaita tatsaida musu tafad'i anguwar da za'a kaisu zarah dai shuru tayi tana mamakin inda zasuje.


Rauda ce tadinga gwada ma mai napep hanya bayan sunzo anguwar, bakin gate d'in wani gida aka safkesu nan Rauda tabiyasa kud'insa sannan tayi Knockin d'in k'ofar maigadi ganin Rauda ce yasa yabud'e saboda daman ya saba ganinta nan suka shiga ciki, ita dai zarah binta kawai take


cikin wani parlour suka shiga da sallamarsu ammah bakowa ciki Rauda kallon zarah tayi tace Zarah shigo muzauna,

zarah girgiza kai tayi tace a'a yaya Rauda nan gidan wanene.
Rauda ganin zarah duk ta rikice yasa tace kar kidamu bawani abu inaji suna ciki kizo kizauna.

Zarah a tsorace tabi Rauda suka zauna nan Rauda tad'auko wayarta tayi kira itadai zarah kawai ji tayi ta ce gani cikin gidan ka sannan takashe wayar.


zarah a tsorace tace yaya Rauda wai nan gidan wanene me zamuyi?

Rauda har ta bud'e baki zatayi magana sai ga wani mutum ya fito daga cikin gidan, da kallo duk suka bisa fuskarsa d'auke da murmushi yazo yazauna d'aya daga cikin kujerun d'akin tare da washe baki yace baby daman kina tafe baki fad'amin ba? kallon zarah yayi da itama take kallonsa yace sannu 'yanmata halan ke sister d'intace naga kuna kama?

duk tambayoyin da yayi musu babu wanda yatanka mushi sai ma ido da suka zuba masa.


Rauda fuskarta a d'aure tace Alh umar nazone infad'a maka ina d'auke da cikin wata biyu.

nan fara'ar da take fuskarsa tagushe yace ciki kuma rauda?

Rauda hawayene suka fara zuba daga idonta tace eh ciki.

dariya yayi irin ta rainin wayau yace lallai Rauda toh garin yaya kika bari har ciki yashigeki? toh wai ma wanene yayi miki cikin?

Rauda da mamaki take kallonsa tace Alh Umar in bakaiba wanene nake huld'a da shi? ai kaine uban d'an saisa nazo nafad'a maka.

d'aure fuska Alhaji umar yayi tare da daka mata tsawa yace ke banason sakarci kingama zuwa kinbi 'yan iska sannan kizo kice d'a nane,

Rauda cikin kuka tace wlh d'ankane

Alh umar a harzuk'e yamik'e tsaye yace toh bari kiji duk wanda yatsaya miki a garin nan bai isa yasa in amshi cikin kiba a matsayin d'ana kije dai kigano uban cikinki dan haka kutashi kufitar min daga gida.


Zarah ranta ya 6aci sosai jin kalaman da Alh umar yake jifan yayarta dasu ga Yaya Rauda kuka kawai takeyi, cikin 6acin rai tamik'e tsaye tare da nunasa da yatsa tace kai malam kar karaina ma mutane wayau kana nufin k'arya akeyi maka ba cikin naka bane? ai ni wlh naga wautar yaya Rauda da ta iya ba jakki irinka kanta, ni ai ko a k'afa aka d'aura min kai sai na kwance.

Alh umar ransa ya 6aci sosai cikin fushi yake ke karkinemi kigaya min magana wlh yanzu insa ad'aureki ni nace tabani kanta ba kwad'ayi yaja mataba?

zarah cikin d'aga murya tace kai kar kasaki kak'ara d'agamin murya kuma idan bakasa and'aureniba toh ba'a haifekaba.

Alh Umar a zuciye yad'aga hannu zai mari zarah cikin zafin nama zarah tagoce.
yaya Rauda da take zaune tana mamakin yadda zarah take balbala fad'a tabbas tasan ankai zarah k'arshe domin zarah tana da hak'uri sosai, da sauri Rauda tamik'e tare da rik'o zarah tace zarah ki kyalesa tunda dai har ya k'aryata alhali kuma ya san gaskine toh yaje shi da Allah.

Zarah fizge hannunta tayi tace yaya Rauda kikyaleni ya za'ayi mutum yana akan gaskiyarsa a tauye masa hak'i wlh dole yakar6i cikin nan.


Alh umar dariya yayi yace ke yanzu har kina tunanin zan kar6a ko? toh muzuba agani wanene zai ci nasara.


Rauda cikin kuka tace umar *LAIFI NANE* da na amince na mallaka maka kaina ammah inaso kasani ba zan d'auki matakiba saidai kaje kai da Allah domin shine kad'ai zai kwatarmin hak'k'ina kuma kai shedane kaine karabani da budulcina kayaudare kace zaka aureni, wlh a yanzu na tsaneka kaje kawai



rik'o zarah tayi tace zarah wuce mutafi zarah har ta bud'e baki zatayi magana Rauda tadaka mata tsawa tace kiwuce nace miki!

Zarah ba dan tasoba tabi bayan Rauda suka fita suka bar Alh umar a tsaye cike da takaicin bak'ak'en maganganun da suka yada masa.


Ko da suka fita zarah kallon Rauda tayi cikin 6acin rai tace haba yaya Rauda ya za'ayi kina da gaskiyarki sannan kibari atauye miki hak'i.

Rauda cikin kuka tace zarah ina kokwantone domin bansan ainahin cikin na waneneba.
Zarah cikin tashin hankali tace ban fahimcekiba yaya Rauda.


Rauda share hawayen fuskarta tayi sannan tace zarah ba zan 6oye mikiba wlh mutum biyune kawai nasan ina mallaka ma kaina.


zarah tace yaya Rauda wannan wace irin rayuwace toh wanene gudan?

Alh munir ne wlh bayan su bana huld'a da kowa.

Zarah tace toh yaya Rauda me zai hana shima muje wajensa?

Rauda jinjina kai kawai tayi nan suka samu mai adaidaita Rauda tafad'a masa anguwar da zai kaisu........





_Comments_
*nd*
_Share_






_Sis Nerja'art✍🏻_
👑👑👑

_*YARIMA SUHAIL*_

👑👑👑



_*Written By~Sis Nerja'art*_



_*DEDICATED TO MY DAUGHTER ZARAH*_




*INTELLIGENT WRITER'S ASSOCIATION ®*
*[onward together]*
*{ we give the readers of ours the best out of the bests,,our inks are melodious and dropping a kinda lights to readers }*
THE PEN OF LOVE 😘 HEART TORCHING ❤ TEARS OF SORROWS 😭 CURDLES 🙂 GIGGLES 😁 AND MARRIEGE THINK💑
*JUST GIVE US FOLLOW....✔*




_Jinjina agareku sis Mugirat marubuciyar *KISHI KO HAUKA* da sis Ummie Adnan marubuciyar *HAUWA JIDDAT* gaskiya inajin dad'in novels d'inku basirarku da k'wazonku suna burgeni kunyi namijin k'ok'ari a wajen rubutunku Allah yak'ara basira da zak'in hannu acigaba da sambad'o mana, *KISHI KO HAUKA DA HAUWA JIDDAT* duk Wanda bai karantaba anbarsa a baya dan haka kugarzaya kukaranta, muje zuwa😍👍_



_~Gareka *DR ZAIN* 👍 ina jin dad'in novels d'inka Allah yak'ara basira da zak'in hannu, nagode sosai da kyautan pages d'in da nasamu, *'YAN GUDUN HIJIRAH* labari maicike da darussa duk wanda bai karantaba anbarsa a baya~_


_*Yau page d'in nakune Mummyn Afrah nd Meena Abbah Wlh ina ji daku irin sosai d'innan, jinjina agareku marubutan *NI DA MIJIN YAYATAH gaskiya kunyi namijin k'ok'ari a cikinsa Allah yak'a basira da zakin hannu I heart u all😘*_


page 1⃣2⃣



Ko da suka isa nan ma maigadi bai hanasu shigaba saboda ya san Rauda sosai.


hango Alh munir sukayi a parking space yana shirin shiga motarsa ganin Rauda tare da zarah yasa yatsaya yana kallonsu fuskarsa d'auke da murmushi har suka iso wajen da yake su dukansu fuskarsu a d'aure take,


Washe baki Alh munir yayi yace Rauda kece tafe tare da sister d'inmu? ya dai ko itama tana cikine? ai daman na fad'a miki kud'ine abokan rayuwa nasan daman itama zata amince, yanzu dai mushiga daga ciki muyi magana ko tafiya zakiyi kibarni da ita?


Rauda cikin fushi tace ni ba wannan yakawomuba nazone in shaida maka ina d'auke da cikinka tsawon wata biyu.

Alh munir saida yafirgita jin ta ambaci ciki ammah yadake yayi 'yar dariya ta rainin wayau yace ciki kuma? Haba kina big gurl ya za'ayi kibari kiyi cikin shege kuma dan kin rainani shine sai kice cikinane?


zarah cike da k'ulewar dariyar da yayi musu tace idan ba cikin ka bane toh na uban wanene?

Alh munir tsagaitawa yayi daga dariyar da yakeyi yace ke kardai kisaki kizageni naga kamar kunya bata ishekiba,


Zarah dariya tayi tace girma dai ya riga da ya fad'i akwai marar kunya bayanka? kabaro iyalanka kazo kana 6ata rayuwar 'ya'yan wasu kuma ciki dole kakar6esa dan baida uba bayan kai.

Alh munir cikin 6acin rai yace baku isa kulik'a min d'an shegeba ita ai tasan wad'anda take bi saitaje tagano wanda yayi mata ciki ammah ni wlh babu wanda ya isa yace cikinane kuma barakiji rauda daga yanzu kar ma kik'ara nuna kin sanni ko da ahanyane, motarsa yabud'e yad'auko kud'i yamik'a masu yace ga wannan kinje kisamu kicire cikin tunda daman kwad'ayi yaja miki sannan kufitarmin daga gida tun kan ranku ya6aci.


Zarah kallon Rauda tayi da taketa aikin kuka ran Zarah ya 6aci sosai, sannan tamaida kallonta ga Alh munir takar6i kud'in tawatsa masa a fuska tace karik'e kud'inka bama so, eh dole kace haka tunda ka ci moriyar ganga, saidai inaso kasan wani abu kaima kana da 'ya'ya kuma kana da mata dan haka kasaurari naka, kar kamance Allah ba azzalumin bayinsabane kuma fad'an ubanginine abinda kayi sai anyi maka, murmushin takaici Zarah tayi kwallah duk ta cika mata ido tace alhaki kwikwiyone muje zuwa, rik'o hannun Rauda tayi har sun fara tafiya sannan tatsaya batare da ta juyoba tace kuma ciki ba zamu ta6a zubar da shiba sai ta haifesa anan zamu gane wanene ubansa kuma ko jinin wanene dole mukai ma matarsa tareni cikin shege.


Tana gama fad'in haka taja Rauda suka fita sukabar gidan.


Hankalin Alh munir ya tashi sosai domin tunda yaga zarah yasan zata iya yin komai ma, chan kuma sai yayi murmushi yace naga ta yadda za'ayi inkar6i dan shege, yana gama fad'in haka yakoma cikin gida fitarma yafasa


Suna fitowa Rauda duk'ewa tayi k'asa tacigaba da kuka, zarah share k'wallar idonta tayi tace yaya Rauda kinga abinda nake guje muku kingani ko yanzu gashinan dukansu babu wanda takar6i cikin kowa ya ce banasa bane.


Rauda tsagaitawa tayi daga kukan da takeyi tace tabbas zarah nagani kuma nasan *NATAFKA BABBAN KUSKURE* da na'amince nabi son zuciyana yanzu gashinan najawo ma kaina babar matsalarma bansan ya zanyi intunkari su mama da cikiba bansan ya zasu d'auki lamarinaba, zarah kawai kitafi gida.




Zarah cike da tausayi tad'ago yayartata daga tsugunnin da tayi tace haba yaya rauda meyasa zakice haka duk abinda yafaru kid'aukesa a matsayin *K'ADDARA CE* kar kidamu nayi miki alk'awali ni zan tsaya miki ga su mama har sai sun fahimceni *KIYARDA DANI* yaya Rauda.


Rauda kallon k'anwartata takeyi cike da gamsuwa ta jinjina kai domin tasan zarah tana da hankali zata iya shawo kan iyayen nasu, share hawayenta tayi tace shikenan Zarah na yarda da ke ammah naga illar abinda na aikata.


Zarah murmushi tayi tace kikwantar da hankalin yaya Rauda nidai fatana kidaina wannan rayuwar da kikeyi kikoma mutuniyar kirki

Rauda tace zarah insha Allahu nadaina domin nakoyi darasi tun a nan yanzu dai muje gida fatana su Abbah su fahimceni.



Mai adaidaita suka samu suka fad'a masa inda zai kaisu har k'ofar gidansu yasafkesu suka sallamesa.


Rauda tsaye tayi takasa shiga gidan ganin haka yasa zarah tarik'o hannunta suka shiga lokacin Abbah da mama Suna zaune tsakar gida Suna cin abinci, jin sallamarsu yasa Aysha tafito daga d'aki rataye da d'an k'aramin veil da alama fita ma zatayi.


Mama ce tace Rauda har kun dawo? yanzu daman muke maganarku da malam muna cewa shuru har yanzu baku dawoba.

Zarah da Rauda tsaye sukayi suna kallon juna kowa hankalinsa a tashe, mama da abbah zuba musu ido sukayi suna kallonsu domin daga ganin yanayinsu babu alamun gaskiya a tattare da su, jikin Mama ya yi sanyi tace Rauda lafiya naganku haka?

Rauda kuka tafarayi tare da zaunawa k'asa tace mama kuyafemin wlh na cutar da rayuwata tabbas ban d'aukoma kaina hanyar da zata 6ulleba a yau nayi nadamar dukkan mugun halin da nayi a baya na cuci kaina ina tsoron had'uwata da ubangijina.


Mama cikin tashin hankali tace Rauda meyake faruwa? Zarah kuyi min bayani menene yafaru?


Zarah murmishin takaici tayi tana hawaye tace mama tarbiyar da kukabamuce kar kuzargemu duk abinda yafaru tunda kwad'ayi da son abun duniya gareku.


abbah tsawa yadaka musu yace kuyi mana bayani mana me yake faruwa? sai wani kwana-kwana kukeyi mana


Rauda ce tad'ago kai takallesu tace Abbah mama kuyi hak'uri ina d'auke da ciki tsawon wata biyu.


Mama dafe k'irji tayi dak'warai tace Rauda ciki? Abbah ma yace ciki? ??
Aysha cikin tashin hankali tace yaya Rauda ciki kuma?

Zarah kallon iyayen nasu tayi tace eh ciki gareta.

Mama k'asa tasulale tazauna tace nashiga ukku Rauda gidan ubanwa kikayi ciki

Yaya Rauda ta kasa cewa komai face kuka da takeyi.


Abbah hularsa yacire yafara fifita yace idan baki fad'amin inda kika samo cikiba sai na karyaki a cikin gidan nan.


Rauda cikin kuka tace Abbah kar kuga laifina duk abinda yafaru ku ma kuna da naku laifin a ciki domin baku bamu tarbiya tagari ba, ko da nafara wannan rayuwar ko da sau d'aya bamu ta6a ganin kun nuna rashin jin dad'in hakan ba saboda kwad'ayinku da son abin duniya

tabbas ayanzu nayi takaicin kasancewarku iyayenmu nayi Allah wadai da hali irin naku, wlh nayi nadamar abinda na aikata natuba insha Allahu daga yanzu na sauya rayuwata, kallon Zarah tayi da take tsaye ta jingine da bango idonta a lumshe hawaye kawai suke fita, Rauda tace kukalli baiwar Allahn nan itace kawai tafita zakkah a cikinmu kawai kasancewarta mutuniyar kirki yasa muka tsaneta muka hantareta ammah baiwar Allahn nan hakan baisa tak'imuba a kullum k'ara jawomu take a jikinta tana mana wa'azi a k'arshe ma sai munemi muci mutuncinta ammah hakan baisa tabarmu ba, muna mata kallon bagidajiya ashe itace wayaiyar tamu tabbas Zarah rayuwarki ta burgeni natayaki murna da son zuciya bai rud'ekiba har kika fad'a wannan mummunar rayuwar da iyayenmu sukaja muka fad'a, tabbas yanzu nagane *DUK TSUNTSUN DA YAJA RUWA* shi ruwa kan doka.


Rauda nisa tayi sannan tamaida kallonta ga Aysha tace Aysha kitaimaki kanki kema kigyara rayuwarki tun kan rayuwa tajuya miki baya domin a yau nagane mecece rayuwa kowane saurayi naje ma maganar ciki saidai yawulak'antani yacimin mutunci a k'arshe zarah ce taso takwatar min 'yancina.


Aysha dasauri tacire veil d'inta tare da duk'ewa kasa tafashe da kuka tace wlh yaya rauda nad'auki darasi a wajenki nima nadaina abinda nake, maida kallonta tayi ga su Abbah da sukayi jugum tace tsakaninmu da ku Allah ne kad'ai zai mana *SAKAYYA* domin bamu dace da iyaye nagariba dakanku kuke turamu muna aikata 6arna wlh da ace ana canza iyaye da babu abinda zai hanani canza nawa


Zarah dasauri tabud'e idonta tana kuka tace kun gani ko mama? Abbah kunga halin da kuka jefamu a ciki kuma wlh ranar lahira sai Allah ya tambayeku game da kiyon da yabaku, yanzu gashinan duniya ta juya muku baya, idan yaya Rauda tahaihu kundinga kallon abinda tabari kutuno kuskuren da kuka tafka, girgiza kai tayi cike da takaici tace da ace akwai inda zamuje da muntafi munbar muku gidanku muje muyi rayuwa mai tsafta.


Mama fashewa tayi da kuka tace wlh son zuciyane da sharrin shaid'an suka ja mana kuma insha Allahu muma mundaina kuyafe mana,

Aysha mik'ewa tayi tazo inda Zarah take tace yaya zarah tabbas kin ciri tuta a cikinmu duk abinda muke aikatawa baisa kin k'yamacemuba sai ma soyayyar da kike nuna mana, Dan Allah kiyafe min abinda nayi miki.


zarah murmushi tayi wanda yafi kuka ciwo tace bakomai Aysha Allah yayafe mana gaba d'aya.


Rauda mik'ewa tayi tsaye tace dan Allah kuzo muje mubar musu gidan nasan ba zamu rasa wajen zama ba Allah yana tare damu. Aysha tace hakane yaya Rauda mun amince mutafi.



mama k'ara fashewa tayi da kuka tace nashiga ukku dan girman Allah kar kutafi kubarmu wlh muma mun tuba, mama kallon Abbah tayi da yayi jugum sai zufa yakeyi tace haba malam dan Allah kace wani abu mana kar sutafi.



Abbah dakyar yabud'e baki yace Zarah, Rauda, Aysha kudawo kuzauna muyi magana,


tsaye sukayi sukak'i motsawa zarah ce tayi k'arfin halin cewa yaya Rauda kuzo muje muzauna.


A tare sukazo suka zauna har a lokacin mama kuka takeyi, Abbah ne yayi gyaran murya sannan yace.......






_Comments_
*nd*
_Share_






_Sis Nerja'art✍🏻_
👑👑👑

_*YARIMA SUHAIL*_

👑👑👑



_*Written By~Sis Nerja'art*_



_*DEDICATED TO MY DAUGHTER ZARAH*_




*INTELLIGENT WRITER'S ASSOCIATION ®*