You Cannot Download this book untill you login but you can read it .

---

Login Register

sosai a ranar.


A chan tsakiyar gadon mama nahango zarah zaune ta ci kwalliya ta had'e cikin less d'inta pink colour mai ratsin blue head ne blue a saman kanta tayi kyau sosai sai sharar k'wallah take gefenta su yaya rauda ne da Khairy suna lallashinta dan ita gani take duk wasane auren saida tajiyo hayaniyar mutane suna gud'a ana and'aura aure sannan ta tabbatar dagaskene.


mama ce tashigo d'akin taganta cikin wannan halin tace haba zarah miye abun kuka hak'uri zakayi domin shi aure haka yake.


zarah cigaba tayi da sharar k'wallarta ganin haka yasa mama taficce tana fad'a,


zarah da take kuka jin sallamar mutane da tayi yasa tashare fuskarta cike da mamaki take kallon jama'a buya guda da sukazo, nima kaina natsorata saida najawo My Hafnan muka koma gefe nace kin gane mutanen nan da sukazo?

hafnan harararsu tashiga yi tace hmm nagane wasu man wacchan tawagar masu pink d'in atamfa 'yan group d'in *yarima suhail fan's* ne, sai tamurga baki tare dagwada masu anko d'in blue tace wannan kuma na *Hibbatullah* fan's ne, sannan sai masu red d'in anko *Intelligent writer's fan's* ne, sai kuma tanuna wasu tace masu green *Nazir* fan's ne, masu coffee kuma *Aufana true fan's* da *sainah true fan's*, Masu navy blue kuma *Zaynav mtz fan's* sannan *Mummyn khalil fan's*, *Surbajo fan's*, *Sadnaf true fan's* ke da dai sauransu.

rik'e baki nayi nace chab nashiga ukku my hafnan yanzu saboda Allah duk wa yagayyaci wad'annan uwayen mutanen? murya muka jiyo daga bayanmu ance yoh wa fa yagayyacesu k'wak'wace takawosu kawai, juyawar da zanyi sai ganin My blood sis aufana da mummy sainah ummun meenal nayi, dafe kai nayi nace nashiga ukku kukuma wace k'wak'war takawoku? My blood hararata tayi tace yoh mu da tun d'azun muna nan damu akaci aka sha, su Mummyn afrah, meenah abbah, k'anwarki janaf, haleemah H.A.S, sis Aysha ke dama sauran intelligent writer's duk suna nan yanzu haka sunje kar6o mana nama kinsan mummy zill da 'yar mutan zariya basa barin nama,

had'e fuska nayi nace toh wlh wannan abun kunyar ba da sis nerja'art ba dole kowa yazo yakama gabansa babu wanda zai zauna, nan nakorasu nace muje inda muka fito nima nafasa zaman, kallon zarah sukayi sukace toh gimbiyarmu sai mun dawo wani taron,

murmushi kawai zarah tayi bayan sun fita takalli yaya rauda tace wad'annan masoyanmune fa nasan basu ganekuba saisa, yaya rauda dariya tayi tace haba saisa naga rawar kansu yayi yawa saikace Maman sadiq da mrs dawud😜 ke wani abun ma sai ummie adnan da mugirat ammah basukai mummyn khadija ba, aini naji dad'i da aka korasu.




Bayan sallar magrib wanka akasa zarah tayo bayan ta fito hafnan nd Aufana makeover ne suka zauna suna shirya amarya, kwalliya sukayi mata sosai wadda ita kanta zarah da takalli madubi saida tayaba kanta, atamfa tasa riga da skirt sun mata cif sannan aka murza mata d'aurin kallabi inda kyaun nata yak'ara bayyana.




bayan sallar isha'i aka aika da motoci biyu d'aya wadda amarya zata shiga, d'aya kuma na kuyangin da sukaje sutafo da itane saboda cewa akayi babu wanda za'aje da shi kai amarya, amarya kawai za'a tafi da ita.



wajen su mama aka kai zarah sukayi mata nasiha sosai mai ratsa jiki duk dauriyar mama kasa daurewa tayi saida tayi kwallah, zarah tana kuka aka rik'ota aka fito da ita.




'yan unguwa sunji haushi sosai domin kowa yaci burin yaje yagane ma idonsa, wasu kuma burinsu suje suga sarki, wasu kuma suje suga yarima, wasu kuma burinsu suje sugano kwakwaf, Aysha kuka tayi sosai dan taso tabiyo 'yar auwartata, dole suka hak'ura suna gani aka fito da amarya an nad'eta da lifaya, jakadiya ce rik'e da zarah sai kuyangi biyu da suka take musu baya ahaka aka shigar da ita mota tana kuka.


nan 'yan unguwa wasu sukaita tsogumi ai iyayen zarah saboda son abun duniya suka siyar da d'iyarsu babu wanda yasan inda za'a kaita



haka akaita tafiya ita dai zarah ji take kamar ba a mota takeba saboda wani irin k'amshi mai dad'i da yake ratsata da d'in motar, bata d'ago kantaba har alokacin hawaye take tana tausayin kanta da takaicin iyayenta da suka amince suka aura mata wanda bata so.




ko da aka isa da zarah gidan sarautar tana ji bushe-bushe suna ta tashi batasan lokacin da aka tsayaba saidai gani tayi anbud'e mata k'ofa


nan jakkadiya tace ranki yadad'e kifito anzo, zarah ahankali tasafko k'afarta daga motar har a lokacin fuskarta na a rufe dasauri bayi da kuyangi suka zube k'asa suna k'awar gaisuwa angaishe da gimbiya angaishe da tauraruwar mata takawarki lafiya gimbiya, zarah duk jin abun tayi wani iri saboda bata saba jin hakaba sai a film tunda ita ba zuwa gidan sarauta takeyi ba ammah yau itace ake gaishewa ta bangirma.


muryar jakadiya tajiyo tana cewa ranki yadad'e muje mana, jakkadiya da wata kuyanga suka rik'eta inda sauran kuyangi da bayi suka zagayesu aka sa su tsaka ahaka ake tafiyar har aka isa turakar dada, duk mutanen da ke wajen taga sun duk'a suna kwasar gaisuwa a wajen dada, zarah har zata duk'a dada tace a'a akawota nan tazauna.


jakkadiya takamota takaita har kusa da kujerar da dada take zaune, zarah dasauri tazauna k'asa har a lokacin fuskarta a kulle take kyarma kawai take domin gani take kamar a mafarki.


nan duk sauran kuyangi da bayi suka bar d'akin, d'akin yad'auki shuru daga dada sai zarah, dada ce tayi gyaran murya tace barkanki da zuwa wannan gida namu mai albarka fatanmu kizauna da kowa lafiya, domin kinsan gidan sarauta sai anji ank'i ji, agani ak'i gani, kizauna da kishiyarki lafiya indai kikabi sumayya sau da k'afa toh zaku zauna lafiya domin ita batada matsala ko da kema da alama daga ganinki ba zakiyi matsalaba.


itadai zarah sauraren dada take batace ufanba har a lokacin kanta na sunkuye a k'asa ahaka har dada tagama nasiharta sannan takira jakadiya domin tazo tatafi da zarah 6angarenta, zarah duk'awatayi cikin muryarta da tadashe tace nagode sosai insha Allahu ba zan kawo muku matsalaba zan zauna da kowa lafiya,

dada taji dad'in lafazin zarah a karo na farko da taji ta d'an burgeta domin taga da alamu zatayi hankali.


dada tace zaku iya tafiya, jakadiya tace to ranki yadad'e muje,

zarah mik'ewa tayi suka fito nan duk sauran kuyangi suka take musu baya suka nufi part d'inta,



bedroom d'inta aka wuce da ita aka zaunar da ita bakin gado sannan jakkadiya tace ma kuyangi sutafi nan kuyangi suka zube suka kwashi gaisuwa wajen zarah itadai zarah tana jinsu batace komaiba daganan suka mik'e tare da cewa afito lafiya gimbiya, daganan suka fita daga d'akin.

nan jakkadiya tashiga toilet tahad'a mata ruwan wanka wanda yasha turaruka sannan jakkadiya tafito tad'auko towel tarussuna ta aje sannan tace ranki yadad'e ruwan wankanki sun had'u zaki iya shiga,

zarah tace a'a ba ma sai nayi wankaba,

jakadiya tace kigafarceni ya shugabata umurnin sultana ne nake cikawa kuma wannan tsarin gidan nan ne,

zarah tana jin haka tamik'e tare da janye lullu6inta, gabantane yashiga fad'uwa tana bin d'akin da kallo cike da mamakin tsaruwarsa cikin ranta tafara kokwanto anya wannan nawane?

muryar jakkadiya taji tanacewa ranki yadad'e akwai abinda zan iya taimaka miki da shi?

zarah d'aukar towel d'in tayi tare da cewa bana buk'atar komai daga nan jakkadiya tanufi 6angaren wardrobe d'in zarah,


nan zarah tacire kayanta taje tashiga toilet ko da tashiga tsayawa tayi tana k'arema tsarin toilet d'in kallo cikin ranta tace lallai idan kana duniya zakayi kallo, tsoron Allah ne taji ya k'ara ratsamata zuciya nan tashiga cikin ruwan da yayi mata dad'i dan saida tadad'e tana wanka sannan tafito.


ko da tafito jakkadiyace da wata kuyanga tsugunne a k'asa ganinta yasa suka mike cikin sauri tare da cewa takawarki lafiya gimbiya.

zarah wajen dressing mirror tanufa nan suka bi bayanta suka mik'a mata mai hadad'e mai k'amshi tashafa waccan kuyangar ce tayi mata 'yar simple makeup sannan kayan baccine masu kyau da tsada jakadiya tafito mata dasu,

doguwar rigace silk har k'asa mai hannun vest nan zarah tasaka, su jakkadiya suka dinga yi mata 6arin turaruka a jiki masu sanyin k'amshi, suka tufke mata gashinta da rubon Sannan aka sakamata had'ad'ar alkyabbar da aka tanada.


ko ni kaina da naga zarah saida nace wow masha Allah kamar ba zaran da nasani bace saboda kyaun da tayi

su kansu su jakkadiya saida sukayita santinta suna yaba kyaun da tayi itadai murmushi kawai take nan ma suka k'ara fesheta da turaruka, sannan sukace ranki yadad'e idan ba wani abu da za'ayi zamu iya tafiya.


zarah fuskarta d'auke da mamaki tace ina zamuje?

jakkadiya kanta a sunkuye yake cike da girmamawa tace d'akin yarima zamu rakaki.

zarah saida gabanta yafad'i jin an ambaci yarima dakewa tayi tace da munyi zamanmu a nan.


jakkadiya tace a'a ranki yadad'e ai tsarin sarautar gidan nan ne yau d'akin mijinki zaki kwana.


zarah batace komaiba tawuce gaba suna biye da ita a cikin ranta mamaki kawai take ganin komai na gidan sarauta a tsare yake, ko da suka zo parlournta nan sauran ma'aikata suka zube suka kwashi gaisuwa sannan suka take mata baya, jakadiya tana gaba ta rik'e zarah inda sauran suka bi bayansu,


zarah gabanta fad'uwa kawai yake domin batasan irin wulak'ancin da zata fuskantaba wajen mutumin da yake a matsayin mijinta.




yarima bai dawo gidanba sai wajen k'arfe takwas da rabi na dare fuskarsa babu annuri atattare da ita duk wanda yaduk'a yakwashi gaisuwa saidai yatashi hakanan domin yau ko d'awar hannun da yake musu basuda arzik'in samu.


ko da yashiga part d'insa komai yadda aka gyara masa ya burgesa direct bedroom yawuce nan ma Komai very need, mamakine yakamasa ganin farin bedsheet mai kyau da aka shimfid'a masa saman gado,


cikin ransa yace toh ba za a daina wannan al'adar ba yanzu aure nabiyu ammah shima ba za'a barni inhutaba, tsaki yaja cike da jin haushi yawuce yashiga bathroom,

bayan ya fito saida yatsane jikinsa yashafa mai sannan yad'auko kayan baccinsa yasaka yazauna bakin gadonsa yajawo laptop d'insa yacigaba da wani aiki nasa akan drugs d'in da yake buk'ata ayo masa order d'insu.


knocking d'in k'ofar da akayine duk atunaninsa gimbiya sumayya ce dan haka yace yes.

jakadiya ce tana rik'e da zarah suka shigo da sallamar jakadiya, yarima kallo d'aya yayi musu yad'auke kai jakadiya takowa tayi tazo gaban yarima sannan tasaki zarah ita taduk'a cikin girmamawa tace ranka yadad'e daman sultana ce tace akawo maka amaryarka, yarima cigaba yayi da aikinsa bai tankaba bare yace wani abu, zarah ma k'asa tazauna jikinta sai 6ari yake,

jakadiya ganin yarima baida niyar yin magana yasa tace Allah yaja da ranka akwai abinda ake buk'ata, yarima batare da ya kalletaba yayi mata nuni da k'ofa jakadiya cike da girmamawa tace ranka yadad'e nabarku lafiya, Sannan takalli zarah tace ranki yadad'e atashi lafiya sannan jakadiya tatashi tafita tare da jawo musu k'ofa



daga nan d'akin yad'auki shuru tsoro da fargaba duk suka d'arsu a zuciyan zarah, yarima ko kamar wanda aka ajema kayan wanki ko inda zarah take bai kallaba,


zarah dai har lokacin tana zaune a k'asa fuskarta a rufe cikin ranta tana cewa wannan wane irin mutum ne ko dai bebe ne aka auramin, ahaka tayita sak'e-sak'e a zuciyanta har tsawon awa d'aya tana zaune daga k'arshe bacci yafara d'ibanta,

nan k'asan ta ida kwanciya bata dad'eba bacci yayi awon gaba da ita, yarima sai wajen k'arfe sha biyu sannan yagama abinda yake kallo d'aya yayi ma zarah da take takure waje guda tana bacci, sannan yahaye saman gadonsa yakwanta cike da takaici wai ace kamarsa yakeda mata biyu duk friends d'insa daga mai d'aya sai wad'anda ma basuyi auren ba, gloves yakashe kad'an-kad'an ya yi tsaki ahaka bacci yad'aukesa........







_Comments_
*nd*
_Share_








_Sis Nerja'art✍🏻_
👑👑👑

_*YARIMA SUHAIL*_

👑👑👑



_*Written By~Sis Nerja'art*_



_*DEDICATED TO MY DAUGHTER ZARAH*_


https://m.facebook.com/Intelligent-Writes-ASSO-294634797868361/

*INTELLIGENT WRITER'S ASSOCIATION ®*
*[onward together]*
*{ we give the readers of ours the best out of the bests,,our inks are melodious and dropping a kinda lights to readers }*
THE PEN OF LOVE 😘 HEART TORCHING ❤ TEARS OF SORROWS 😭 CURDLES 🙂 GIGGLES 😁 AND MARRIEGE THINK💑
*JUST GIVE US FOLLOW....*✔



_*Alhmdllh nasamu sauk'i, nagode, nagode da addu'o'inku agareni my fan's hak'ik'a kun nunamin so da k'auna zallah dan ni kaina saida nayi mamakin yawan callings da messages d'in da nasamu daga gareku, bansan irin godiyar da zanyi mukuba, bazan iya lissafokuba saboda yawanku, wad'anda ban samu naduba messages d'insuba kuyi min hak'uri ammah inaso kusani ana mugun tare, Sis Nerja'art tana sonku over Allah yabar k'auna😍*_



_~Wannan page d'in mallakinkune my fan's kuyi yadda kukeso da shi akodayaushe ana tare~_



*PAGE* 2⃣3⃣


Sumayya a ranar kasa bacci tayi kuka kawai takeyi musamman ma idan tatuno da yarima yana chan kwance da wata ba itaba, nan takeji tsanar zarah ta k'aru a ranta duk yadda taso tayi bacci kasawa tayi motsi kad'an sai ta duba lokaci daga k'arshe zinat takira a waya


zinat da take bacci dakyar tajawo wayarta tana tsaki ganin sumayya ce yasa tad'aga cikin muryar bacci tace ya dai baby?

sumayya cikin muryarta da tadashe saboda kuka tace dear ke bacci kike hankalinki kwance nikau nan nakasa


zinat cikin ranta tace kujimin mace sai ink'i bacci saikace ni akayi ma kishiya... chan kuma sai tace toh dear kema ke kika sa kanki rashin baccin miye na damuwa tunda dai kinsan dole yakasance da matarsa yau k'ilama ya mance da batunki.


sumayya cikin sheshek'ar kuka tace dolene indamu zinat kiduba fa kiga irin son da nakema yarima ammah yau ace shine tare da wata ba niba wlh natsani ko ma wacece,


zinat tace kikwantar da hankalinki ai wlh ba zamu kyaletaba nima ai dan bana k'asar ammah bari indawo sai munsan yadda mukayi muka fitar da ita daga gidan kinsani ai


sumayya cike da jin dad'i tace saisa nake sonki k'awata yanzu dai yaushe zakizo domin nima kaina ina kewarki


zinat 'yar dariya tayi tace kar kidamu dear very soon zan zo miki domin nima kaina ina kewarki sosai yanzu dai kikwanta kisamu kiyi bacci


sumayya tace hmm dear bana tunanin zan iya bacci a daren nan ni kid'an turomin d'an abinda zai sani nishad'i

zinat tace toh dear muhad'e a online.

sumayya tace ohk, sannan suka kashe wayar a tare,


sumayya ta dad'e batayi bacciba tana kallon abinda zinat taturo mata har daga k'arshe dai bacci yayi awon gaba da ita.




Kiran sallar asubane yatashi yarima daga baccin da yakeyi kallon zarah yayi da take takure k'asa ta6e baki yayi yawuce yashige toilet, jin motsinsane yasa zarah tafarka daga baccin da takeyi dasauri tamik'e tare da gyara alkyabbarta tafito daga d'akin, da karambani tamaida kanta part d'inta lokacin masu tsaron part d'intane kawai a wajen, cike da girmamawa suka gaisheta ta amsa sannan suka bud'e mata tashiga.


zarah alwallah tad'auro tazo tagabatar da sallar asuba bayan ta gama hayewa tayi saman gadonta saboda wani irin bacci da takeji nan da nan bacci yayi awon gaba da ita.



yarima ko da yafito daga toilet baiwani damuba ganin zarah bata d'akin yaficce yafita masallaci.


bayan ya dawo bai koma bacciba yad'auko laptop d'insa a parlour yazauna yacigaba da aikinsa.


wajen k'arfe 8 guard d'insa yashigo duk'awa yayi yagaishe da yarima, yarima batare da ya kallesaba ya amsa, cike da girmamawa guard d'in yace ranka yadad'e daman jakkadiyace tazo shine nace bari infara dubawa inga in kana parlour,

yarima yace me zanyi mata?

guard yace ranka yadad'e bari inje intambayeta.

yarima kallonsa yayi nad'an lokaci sannan yace kubarta tashigo.


Duk'awa guard yayi yak'ara kwasar gaisuwa sannan yamik'e yafita yabar d'akin.


bayan kamar minti biyu sai ga jakkadiya ta shigo da sallamarta, ciki-ciki ya amsa batare da ya kalletaba.

zubewa jakkadiya tayi tace ranka yadad'e Allah yaja da ran yarima mai jiran gado, Allah yabaka tsawon rai, Allah yad'aukaka mana kai, Allah ya kunyata mak'iyanka dafatan katashi lafiya.


me ke tafe da ke? cewar yarima.


jakkadiya kyarma tafara tace am daman.

yarima batare da ya kalletaba yace ina jinki.

k'ara duk'ar da kanta tayi tace ranka yadad'e kagafarceni daman dada ce ta aikoni tace inzo induba lafiyarku sannan ind'auko bedsheet awanke.

ta6e baki yarima yayi yacigaba da abinda yakeyi saida yayi kusan minti goma sannan yace zaki iya shiga kid'auka.


shiga jakkadiya tayi tad'auko tafito nan tak'ara duk'awa tace atashi lafiya yarima sannan taficce daga d'akin.



wajen k'arfe goma zarah tafarka daga baccin da take daidai lokacin d'aya daga cikin kuyanginta tashigo dasauri taduk'a tagaishe da zarah cike da girmamawa, zarah amsawa tayi cikin sakin fuska, sannan kuyangar tatashi tashiga toilet d'in zarah tawankesa fes sannan tahad'a mata ruwan wanka, sannan tad'auko mata towel.

bayan ta fito duk'awa tayi gaban zarah tace ranki yadad'e ruwan wankanki ya had'u.


zarah murmushi tayi tare da kar6ar towel d'in tace nagode zaki iya tafiya.

kuyangar k'ara duk'ar da kanta tayi tace ranki yadad'e nice wadda zan dinga gyara miki d'aki mu biyune d'ayan tana parlour tana jiran fitowarki,

murmushi zarah tayi tace kubarsa kawai ni zan dinga gyarawa.

A tsorace kuyangar tace a'a ranki yadad'e kigafarceni aikinmune idan har akaga mun bari kinyi da kanki za'a iya korarmu.

zarah girgiza kai tayi tace baza'a koreku ba, mik'ewa tayi tare da wucewa tanufi toilet.


lokacin da zarah tafito angama gyara mata ko'ina k'amshi kawai yake tashi, ita kanta zarah yanayin gyaran da akayi ya burgeta,


gaban dressing mirror tazauna ta tsantsara kwalliyarta sannan taje tabud'e wardrobe saida ta tsorata ganin lodin kayan da suke ciki, Holland atamfa tasaka Red nd white colour, d'ankunnenta ma red colour tasaka, murza d'aurin kallabi tayi nan kyaunta yak'ara bayyana, k'ara kallon kanta tayi a mirror sannan tafeshe jikinta da turaruka masu sanyin k'amshi, plat shoes tasaka tatako ahankali tafito parlour, ganinta yasa duk kuyangi da bayin dasuke parlourn suka zube k'asa suna ranki yadad'e gimbiya, Allah yaja da ranki takawarki lafiya dafatan kin tashi lafiya?

zarah tana murmushi tataka cikin takunta taje saman cushin tazauna, saida sukaga ta zauna sannan suka d'ago kansu,

zarah har a lokacin fuskarta tana d'auke da murmushi tace wacece shugabarku?

d'aya daga cikinsu ce tace ranki yadad'e ganinan nice shugaba, sannan kowa anraba masa aikin da zaiyi.

jinjina kai zarah tayi tace dat's gud, dafatan dai zaku bani had'in kai muzauna lafiya, indai kukayi haka toh zakuji dad'in zama da ni sosai.


gaba d'ayansu sukace Allah yaja da ran gimbiya insha Allahu zaki samemu masu amana.

murmushin jin dad'i zarah tayi tace nagode zaku iya tafiya, nan suka k'ara duk'awa sukace atashi lafiya,

gyad'a musu kai zarah tayi nan suka mik'e, biyu daga cikinsu ne sukatsaya sukace ranki yadad'e mune masu kula da abincinki ga breakfast d'inki chan a dining idan kin bamu izini sai muje muhad'a miki.


zarah mik'ewa tayi tanufi dining nan suka take mata baya, dasauri suka jawo mata kujera nan tazauna, ganin zasuyi serving d'inta yasa tadakatar da su dakanta tazuba tad'anci kad'an sannan tamik'e,

nan suka gyara wajen, zarah saman kushin takoma tazauna tare da d'aukar wayanta takira mama suka gaisa,

tana cikin waya yarima suhail yashigo cikin takunsa nak'asaita sanye da alk'yabba yasha kyau, zarah kashe wayar tayi dasauri tamik'e tsaye tare da d'an russunawa tace barka da safiya.

yarima kallo d'aya yayi mata yad'auke kai yace kije kishirya kizo muje mugaishe da su memartaba.

zarah ahankali tace toh sannan tawuce tashige bedroom.


gyalenta tad'auko white tayafa tafito lokacin yarima yana zaune saman cushin, kallonta yayi yace babu alkyabbane cikin kayanki?

zarah tace akwai.

shuru yarima yayi baik'ara cewa komai ba, ganin haka yasa zarah takoma bedroom, red d'in alkyabba tad'auko tasaka sannan tafito tasamu yarima a zaune,

kallonta yarima yayi har ya bud'e baki zaiyi magana sai kuma yafasa, mik'ewa yayi yace muje.


zarah bayansa tabi suka fito a jere nan guards d'insa da kuyanginta suka take musu baya yanayin yadda suke tafiyar kawai zaka kallah sai sun burgeka ko da ad'ankwai 'yar tazara a tsakaninsu anutse suke tafiya har suka isa fada itadai zarah duk fargaba da tsoro duk sun cikata kanta sadde yake k'asa har suka shiga fada da take cike mak'il da jama'a nan mutane suka fara gaishesu, yarima ne kawai yake amsawa ahaka suka isa gaban memartaba,

lallausan carpet ne aka shimfid'a musu nan dogarawa sukayi musu zobe har saida suka zauna bisa sannan suka janye manyan rigunansu gaba d'ayansu suka duk'a suka gaishe da su yarima, yarima gyad'amusu kai yayi nan suka mik'e sannan yamaida kallonsa ga memartaba da yake kallonsu yana murmushi.


Zarah ce tafara gaishesa sannan yarima suhail, gyad'a musu kai sarki yayi alamun amsawa, nan fadawa suka d'auka sarki ya amsa gaisuwarku yarima da gimbiya ku ma angaisheku, Allah yaja da ranku,

memartaba kallon zarah yayi yace Alhmdllh ina tayaki murnar shigowa wannan masarauta tamu muna fatan Allah yasa alkhairi a cikin aurennan naku.

nan fada tad'auka da Ameen.

wata 'yar jakka sarki yasa aka mik'o masa yaba zarah yace ga kyautata gareki.

zarah hannu biyu tasa takar6a tare da duk'ar da kai tace nagode ranka yadad'e Allah yak'ara girma da d'aukaka, nan kuyanga takar6a

nan fadawa suka d'auka sarki ya amsa godiarki gimbiya angaisheku.

memartaba kallon yarima yayi yace Allah yatayaka safke wannan nauyin da yahau kanka fatana Allah yasa ka kwatanta adalci atsakaninsu.

yarima kansa na sadde k'asa yace Ameen ranka yadad'e.

memartaba murmushi yayi yace zaku iya tafiya.

godia sukayi, dasauri dogarawa sukazo suka baje rigunansu suna ranka yadad'e atashi lafiya, takawarka lafiya jarumin jarumai saida suka tabbatar da sun mik'e sannan su kuma suka duk'e k'asa nan zarah da yarima suka fito sukabar fadar, kan zarah ya d'aure sosai ahaka suka shiga cikin gida turakar dada.


duk inda suka gifta duk'awa ake ana gaishesu, yarima d'aga musu hannu kawai yake itakuma zarah saidai tabisu da ido,

masu tsaron k'ofar dada ganinsu yasa sukayi saurin bud'e k'ofa tare da duk'awa sukace ranku yadad'e Allah yaja da ran yarima me jiran gado.

yarima bai tankasuba yana gaba zarah na biye da shi ahaka suka shiga nan kuyangin dada suka zube suka Kwashi gaisuwa sannan cikin sauri suka tashi sukabar d'akin.


yarima takawa yayi yaje saman cushin yazauna, zarah ko k'asa tazauna cike da ladabi tagaishe da dada.

dada nan ta amsa mata, fuskar yarima d'auke da murmushi yace 'yar tsohuwa ina kwana?

dada tace au yau kuma da tsokana kazo? toh bazan amsaba, yarima yace ayya yi hak'uri, murmushi dada tayi tace dafatan kun tashi lafiya?

yarima yace lafiya lou, dada kallon zarah tayi da har lokacin bata d'ago kai ba tace amarya ya bak'unta? zarah murmushi tayi tace Alhmdllh.

dada kallonta tamaida ga yarima tace akwai matsala fa
yarima yace tame fa?

dada gyara zamanta tayi tace babu wata sheda da kuka nuna mana, mutane suna nan sun kasa kunne suna saurare ammah shuru wai meyake faruwa ne naga bedsheet d'in babu komai a jikinsa, ta k'arashe maganarta tare da kallon zarah.


murmushi yarima yayi yace ranki yadad'e saboda Allah komai ace sai mutane sun shaida, wannan ai tonon asirine.


dada tace a'a yarima wannan kasan shine zai d'aga darajar mace a idon kowa dake masarautarnan sannan kuma gada mukayi tun kaka da kakanni, rashin ganin jini zai iya sa ad'auka mace tazubar da mutuncinta a waje.

zarah da take saurarensu saida gabanta yafad'i dan ta fahimci akan abinda dada take magana.

yarima cike da rashin damuwa yace haba dada inbanda abinki yanzu ai anbar wannan.

dada tace injiwa? abinda muka gada tun kaka da kakanni? kai ni banyarda da kaiba anya kakwanta da yarinyarnan? inkuma ka kwanta da ita toh ya akayi babu wani alama da yanuna budurwace?

murmushi yarima yayi tare da kallon zarah da duk tabi tatsure cikin ranta mamakin maganganun dada take tace gidan sarauta akwai tonon asiri,
ahankali yarima yace dada period takene saisa hakan takasance, zarah dasauri tad'ago kai takalli yarima da yake dannar wayarsa